الشاعرة ام زهراء العامري

ولادة الامام المهدي(عج)

بسم الله الرحمن الرحيم
اللهم صل على محمد وآل محمد
اللهم صل على محمد وآل محمد

اللهم صل على محمد وآل محمد لما أراد الله أيجاد النور الساطع والبدر اللامع حجة الله على العالمين المنتظر المهدي ،بعث الله ملك من السماء فأخذ بشربة ماء من تحت العرش وأمره ان يدفعها الى الأمام الحسن العسكري فتناولها وشربها فحملت نرجس من تلك الشربه بصاحب العصر والزمان،فلما اتاها اربعة اشهر،بعث الله لها ملك وأمره أن يكتب على عضده الأيمن (وتمت كلمة ربك صدقا وعدلا لامبدل لكلماته وهو السميع العليم) وكل مامر يوما عليها تجد خفة في بدنها واتساع في جنبها وكان يؤنسها في وحدتها،حتى اذا كان لها تسعة أشهر من حملها،قالت حكيمه: بعث لي ابن اخي ابامحمد( صلى الله عليه وآله وسلم) ليلة النصف من شعبان وقال لي: ياعمة اجعلي افطارك عندنا هذه الليله فأن الله سيبشرك بوليه وحجته على خلقه وخليفتي من بعدي،قالت: فداخلني من ذلك سرور عظيم،وخرجت من ساعتي حتى انتهيت لأبي محمد(صلى الله عليه وآله وسلم) وهو جالس في صحن داره وجواره حوله فقلت :سيدي جعلت فداك ممن قال: من نرجس فادركت طرفي بالجواري فلم أرى جارية عليها أثر الحمل ابدا فلما صليت المغرب اتيت بالماء وأفطرت انا ونرجس في بيت واحد فغفوت غفوة ثم استيقظت فل أزل متفكره مما وعدند ابا محمد(صلى الله عليه وآله وسلم) من أمر ولي الله تعالى فقمت للصلاة مثل كل ليلة فبلغت الوتر فوثبت نرجس فزعه مرعوبه فاسبغت الوضوء وصلت صلاة الليل،حتى وقع في قلبي ان الفجر قد قرب فقمت لأنظر فأذا بالفجر الأول طلع كاذنب السرحان،فتداخل في قلبي الشك من وعد ابي محمد(صلى الله عليه وآله وسلم) فناداني لاتشك ياعمه فأن الأمر قد قرب والساعة آتيه،فتداخلني الحياء منه  فرجعت الى البيت فوثبت الى نرجس وقلبتها ضهرا وبطنا فلم أرى بها من أثر الحمل شيئا فأخبرت ابا محمد(صلى الله عليه وآله وسلم) فتبسم وقال لي: اذا كان وقت الفجر يظهر عليها أثر الحمل،فلم أزل اراقبها الى طلوع الفجر وهي نائمه،لاتقلب جنبا على جنب حتى آخر الليل عند طلوع الفجر الاخير وثبت فزعه مرعوبه فضممتها الى صدري وقال ابا محمد(صلى الله عليه وآله وسلم) أقرأي عليها أنا انزلناه في ليلة القدر فأقبلت اقرء عليها،فبينما انا كذلك قلت لها: اتحسين بشيئ قالت: نعم قلت لها:  اجمعي نفسك وقلبك ،وصرت اراقبها فرحه مسروره بها وعليها من النور مايغشى الابصار وتحير به الافكار،ثم التفت لها واذا بها قد غيبت عني ولم اراها فضرب بيني وبينها حجاب ففزعت عليها فصرت حائرة عند ذلك مضيت لابا محمد(صلى الله عليه وآله وسلم) فلما رأني على ذلك الحال ناداني ياعمه ارجعي اليها ستجدينها في مكانها فرجعت اليها فلم ألبث الا قليلا حتى رفع الحجاب الذي بيني وبينها فبينما نحن كذلك وعليها من النور مايغشى بصري فأخذت فترة واذا بها قد وضعت الامام((الف الصلاة والسلام عليك ياحبيب الله محمد ،محمد وآل محمد صلوووووووات))

لولادة الأمام المهدي(عج)

هلابيك هلا       وبجيتك هلا
هلابيك هلا     وبجيتك هلا

ميلادك اليوم فرح عم الملا
🎉🎉🎉🎉🎉🎉🎉 

بهلاهل نبتدي        هلا
ونصلي عالنبي
ونهني العسكري

                   حلاته محفله
🎉🎉🎉🎉🎉🎉🎉

هلا يالمنتظر       هلا
يمن نورك زهر
يارحمه للبشر

               الحفل هسه حلا
🎉🎉🎉🎉🎉🎉🎉

هلا بجيتك هلا        هلا
الحزن كله انجلا
ياحجه على الملا

               وفرحنه نواصله
🎉🎉🎉🎉🎉🎉🎉🎉

بشعبان النصف     هلا
فرح ماينوصف
خطف گلبي خطف

                 واظل خادم أله
🎉🎉🎉🎉🎉🎉🎉🎉

السعد غنى وصدح      هلا
والي يحبك فرح
بموالاتك ربح

         السعد روحه ملا
🎉🎉🎉🎉🎉🎉🎉🎉


        بقلم ام زهراء العامري

🌺ولادة الامام السجاد(ع)🌺

https://t.me/zrahaaum

بسم الله الرحمن الرحيم
اللهم صل على محمد وآل محمد
اللهم صل على محمد وآل محمد

اللهم صل على محمد وآل محمد(اللهم صلى على البشير النذير والسراج المنير )لما ورد سبي الفرس للمدينه رفدت جماعة من قريش يريدون ان يتزوجو بنات الملوك فقال أميرالمؤمنين(ع):لايكرهن على ذلك ولكن يخيرن فأشار جماعة الى شهربانوى بنت كسرى ذات حسنا وجمال ،فلما سبيت وجيئ بها الى المدينه اشرفت عذارى المدينه وأشرق المسجد بضوء وجهها(ياسامعين النظام صلو على بدر التمام محمد صلى الله عليه وآله وسلم) فخيرت وخطبت من وراء حجاب والجمع حضور فقيل لها ياكريمة قومها من تختارين من خطابك وهل انت راضية بالبعث فسكتت فقال أمير المؤمنين(ع):سكوتها رضاها وبقي الاختلاف فاأعادوا عليها القول بالتخيير وأوماءت بيدها للنور الساطع والشهاب اللامع الحسين بن علي سبط(النبي محمد صلى الله عليه وآله وسلم )فقال لها أمير المؤمنين(ع) ماأسمك قالت:  شهزلان،ثم التفت الى الامام الحسين(ع)وقال: احفظها وأحسن أليها ستلد لك خير أهل الأرض بعدك(ياسامعين النظام صلو على بدر التمام محمد صلى الله عليه وآله وسلم) فتزوجها الامام الحسين(ع)ولم تنقضي الايام والليالي حتى حملت بالامام السجاد ،فلما حضرتها الولادة واكتملت العده التي ارادها الله لها وكانت تجد خفة في بدنها واتساع في جنبها ولم تجد ألما ولاوجعا بينما هي جالسه أذ أضاء البيت نورا وامتلاء المكان بروائح الطيب واذا بها وضعت زين العابدين(افضل الصلاة والسلام عليك ياحبيب الله محمد محمد  وآل محمد صلوووووووات)

🌺🌺 لولادة الامام السجاد(ع)🌺🌺

هلا بزين العابدين    ياهلا بنوره

هلا بزين العابدين    ياهلا بنوره
🎊🎊🎊🎊🎊🎊🎊🎊

حجة الكون انولد    ياهلا بنوره
الفرح عم  السعد
نهني ابواليمه بعد


الفرح هسه ابتدى
عيد عدنا مولده
اسمه حرز نردده

اليوم مبتشره الملا
هلا بقدومه هلا
نهني ابن عقد الوله

هلهلينه بالفرح
صوت اناشيده صدح
عطر للجنه نفح        ياهلا بنوره

🌺هلا بزين العابدين.. ياهلا بنوره🌺

🌺🌺اسعدالله ايامكم وأبهج لياليكم بولادة الأمام السجاد ع🌺🌺

            بقلم ام زهراء العامري

🌸ولادة ابي الفضل العباس ع🌸

https://t.me/zrahaaum

بسم الله الرحمن الرحيم

اللهم صل على محمد وآل محمد
اللهم صل على محمد وآل محمد

اللهم صل على محمد وآل محمد،ياسامعين النظام صلو على بدر التمام محمد(صلى الله عليه وآله وسلم،شجرة النبوه وموضع الأمامه ومختلف الملائكه ومعدن العلم وأهل بيت الوحي ،الفلك الجاري في اللجج الغامرة يأمن من ركبها ويغرق من تركها المتقدم لهم مارق والمتأخر عنهم زاهق واللازم لهم لاحق(اللهم صل على محمد وآل محمد) الكهف الحصين وغياث المظطر المستكين وملجأ الهاربين وعصمة المعتصمين . فلما اراد الله ان يمن على عليا بولدا يكون ناصرا لولده الحسين سبط( النبي محمد صلى الله عليه وآله وسلم) وهب قمرا منيرا قد استقر في رحم شريفا عفيف طاهر،فماكانت ام البنين تحس بضيقا ولاتعبا ولانصب وماتجد الأخفة في بطنها واتساعا في جنبها(افلح من يصلي على النبي محمد صلى الله عليه وآله وسلم) وكانت ولادة قمر بني هاشم ابي الفضل العباس ابن امير المؤمنين في اليوم الرابع من شهر شعبان حتى جاء يوم ولادته وجاء لأم البنين المخاض وكانت عندها بعض النساء من بني هاشم ويخرج من وجهها نورا ساطع ،وكانت النسوة بجانبها واحدة على يمينها واخرى عن شمالها واخرى  عند رأسها واخرى عند رجليها،وبينما هي كذلك يحطن بها من كل جانب واذا بها قد وضعت ابي الفضل العباس ((الف الصلاة والسلام عليك ياحبيب الله محمد وآل محمد ))صلوووووات

🌸  لولادة الامام العباس(ع)🌸

هلهوله   للعباس   هلهوله

بميلاده نقره گومو هوسوله
🎊🎊🎊🎊🎊🎊🎊

طيور السعد غنت اناشيده
نهني ابواليمه بمولد عضيده
زينب وحيدر فرح سموله
🎊🎊🎊🎊🎊🎊🎊

بالمهد نايم تسطع انواره
مناغه وفه ماتخفى أثاره
راعي العلم گامو يندهوله
🎊🎊🎊🎊🎊🎊🎊

گطع گماطه وناشر چفوفه
اكبر علامه محيي لضيوفه
كل شده يمه گولي محلوله
🎊🎊🎊🎊🎊🎊🎊

الهوسه للعباس محلاها
والدنيه بهجه قدومه خلاها
اليوم بحفلنه نردح الجوله
🎊🎊🎊🎊🎊🎊🎊🎊🎊

#اسعدالله ايامكم🌸 وأبهج لياليكم بولادة قمر العشيره(ع)🌸
      
          بقلم  ام زهراء العامري

ولادة الامام الحسين(ع)

https://t.me/zrahaaum

بسم الله الرحمن الرحيم
اللهم صل على محمد وال محمد
اللهم صل على محمد وال محمد

روي لم اراد الله تعالى ان يهب لفاطمة الزهراء الحسين(ع)سبط النبي( محمد صلى الله عليه وآله وسلم) فلما وقعت في طلقها اوحى الله عز وجل الى لعيا وهي حوراء من حور الجنه واهل الجنان اذا اردو ان ينظرو الى شيئ حسنا نظرو الى لعيا قال ولها سبعون الف وصيفه وسبعون الف قصرا وسبعون الف مقصوره وسبعون الف غرفه مكلله بانواع الجواهر والمرجان وقصر لعيا اعلى من تلك القصور ومن كل قصر في الجنه اذا اشرفت على الجنه نظرت جميع مافي الجنه واضأت الجنه من ضوء خدها وجبينها فأوحى الله اليها ان اهبطي الى دار الدنيا الى بنت حبيبي النبي(محمد صلى الله عليه وآله وسلم) فاأنسي لها واوحى الله الى رضوان خازن الجنان ان زخرف الجنه وزينها كرامة لمولود يولد في دار الدنيا وأوحى الله الى الملائكه ان قوموا صفوفا بالتسبيح والتقديس والثناء على الله تعالى واوحى الى جبرائيل وميكائيل واسرافيل(ع)أن اهبطو الى الارض في قنديل من الملائكه والقنديل الف الف ملك فبينما هبطوا من السماء الى السماء الرابعه ملك يقال له صلصائيل له سبعون الف جناح قد نشرها من المشرق الى المغرب وهو شاخص بصره نحو العرش لانه ذكر في نفسه فقال:  ترى الله يعلم مافي قرار هذا البحر ومايسير في ظلمة الليل ونور النهار فعلم الله تعالى مافي نفسه فاوحى اليه ان اقم مكانك ولاتركع ولاتسجد عقوبة لك لما فكرت قال:  فلما حانت ولادة الحسين(ع)هبطت لعيا على فاطمة(ع)فقالت:  مرحبا بك يابنت النبي(محمد صلى الله عليه وآله وسلم) كيف حالك قالت لها:  بخير فلحق بفاطمة(ع)الحياء من لعيا ماتدري ماتفرش لها فبينما هي متفكره اذ هبطت حوراء من الجنه ومعها درنوك من درانيك الجنه فبسطته في منزل فاطمة(ع)فجلست عليه لعيا ثم ان فاطمة (ع)ولدت بالحسين ابن رسول الله النبي(محمد صلى الله عليه وآله وسلم) في وقت الفجر فقبلته لعيا وقصت سرته ونشفته بمنديل من مناديل الجنه وقبلت جبينه وقالت:  بارك الله فيك من مولود وبارك في والديك،وهنأت الملائكه جبرائيل وهنأ جبرائيل النبي(محمد صلى الله عليه وآله وسلم) وعرجت الملائكه وعرجت لعيا ولقيهم الملك صلصائيل فقال:  ياجبرائيل هل قامت القيامه على اهل الأرض قال:  لا ولكن هبطنا الى الأرض نهنأ النبي(محمد صلى الله عليه وآله وسلم) فقال حبيبي جبرائيل:  اهبط الى الارض وقل له يامحمداشفع الى ربك بالرضا عني فأنت صاحب الشفاعه قال فقام النبي(محمد صلى الله عليه وآله وسلم) ودعى بالحسين(ع)فرفعه بكلتا يديه الى السماء وقال اللهم بحق مولودي هذا عليك الارضيت عن الملك فأذا بالنداء من قبل العرش يامحمد قد فعلت وقدرك عندي كبير وعظيم  قال:  والذي بعث محمد بالحق ان صلصائيل يفتخر على الملائكه انه عتيق الحسين(ع)ولعيا تفتخرعلى حور العين بأنها قابلة الحسين(ع) ولله در الشاعر حيث يقول افلح من يصلي على الرسول وآل الرسول ياسامعين النظام صلو على بدر التمام وعلى المظلل بالغمام وعلى  عليا زراگ الرخام النبي محمد صلى الله عليه وآل وسلم.
اللهم صل على محمد وال محمد


لولادة الامام الحسين (ع)

هلابيك هلا   يمولانا هلا
هلابيك هلا   يمولانا هلا

ميلادك اليوم فرح عم الملا
🎊🎊🎊🎊🎊🎊🎊

هلا بسبط النبي   هلا
هلاهل  تعتلي     هلا
تهاني للوصي… تهاني للوصي…
       بقدومك مسهلا
🎊🎊🎊🎊🎊🎊🎊

الفرح عم البلد  هلا
مولود انولد     هلا
الگلب بيك انسعد…الگلب بيك انسعد… الحفل توه حلا
🎊🎊🎊🎊🎊🎊🎊

الشفاعة محبتك   هلا
مهجنه عشگتك    هلا
فرحنه بجيتك… فرحنه بجيتك… النزل خير انملا
🎊🎊🎊🎊🎊🎊🎊🎊

اطش جكليت اطش  هلا
ورد  مايه  ارش        هلا
دليلي منتعش… دليلي منتعش… وهم گلبي انجلا

🎊🎊🎊🎊🎊🎊🎊🎊

#اسعد الله ايامكم وابهج لياليكم بولادة شفيعكم الحسين(ع)

        ام زهراء العامري

گولات للأمام الكاظم( ع)

*مايشيلونه مايشيلونه
ظل مطروح نعشه

*رضضن ساگه رضضن ساگه
ثگيلات السلاسل

*عالجسر نايم عالجسر نايم
وين الكاظم اهله

*تحضر السادة تحضر السادة
خل تشيل نعشه

*موسهل يومه موسهل يومه
ياباب الحوايج

*رايد اخوانه رايد اخوانه
يشيلون الجنازة

……… ..تمت……………….

بقلم ام زهراء العامري

https://t.me/zrahaaum

لختام المجلس

اويلاه يابو الرضا مولانه
………………………………

اويلاه تبچي الارض وسمانا
اويلاه مسموم من عدوانه
اويلاه الزهره اجت حزنانه
اويلاه تهل الدمع ويانه
اويلاه زايد الك مبچانه
اويلاه يومك صعب اذانه
اويلاه وداعك صعب مولانه


(مودع الله… يالغريب)
……………………… .

حالك فجعنه يالغريب
مولانه صحنه
ننعى ولطمنه
العوده كلنه
انهل دمعنه
انزورك احنه

…… تمت…………… .

بقلم ام زهراء العامري

https://t.me/zrahaaum

لطميه للامام الكاظم( ع)

مصاب الكاظميه يهدم الحيل
موسى على الجسر بيده الزناجيل
……………………………

خل تحضر السادة تشيل رايات
موسى على الجسر مشمور ساعات
وگضاي الحوايج بالسجن مات
صعب يوم الغريب ومااله مثيل
…………………………

وين عمامته الخضره يهناس
نايم عالجسر ومكشف الراس
جدمه مزنجليها گوم الارجاس
گيد ثگيل من عنده الدمه يسيل
…………………… .

هذا ابن الزچيه المات بالسم
العاش سنين عمره بسجن الاظلم
مات وحيد مايمه ولد عم
يستاهل عراضه ولطم وعويل
……………………… .

حاله شلون نازع بالمنيه
چبده انصاب بالسم والاذيه
ياهو المدده وناطيه اميه
نبچي القصته ونصيح بالويل
……………………… ..

يستاهل لطمنه نلطم عليه
هو البالعسر والشده نلگيه
اليوم ابنه الرضا كلنه نعازيه
نلطم عالصدر ونصيحله دخيل

…… ..تمت……………… ..

بقلم ام زهراء العامري

https://t.me/zrahaaum

نعي للامام الكاظم( ع)

هذا طور النعي👇👇👇

https://youtu.be/GIpkm5O-fwI?si=-2zi8aJY_m5esdNT

سلام الله على الكاظم
بحبسه غيبه الظالم
تالي على الجسر نايم
سلام الله على الكاظم

ظالم مارعى ربه
حقد والسم عليه صبه
ذوب چبدته وگلبه
سلام الله على الكاظم

هظيمه على الجسر خلوه
بعباته ولانعش شالوه
راسه مكشف ينظروه
سلام الله على الكاظم

تخف الاحزان من نقره
ماگطعوا أله نحره
مثل حسين عالغبره
سلام على الكاظم

نعشه شالته ناسه
وحسين انرفع راسه
ظالم بالترب داسه
سلام الله على الكاظم

……… تمت………………… .

بقلم ام زهراء العامري

https://t.me/zrahaaum

ابوذيه +نعي للامام الكاظم( ع)

الحزن راهم على گلبي والي عاد
ولبوي اجروح ماتنعد والي عاد
بخت عندي اشوفنه والي عاد
اتلگاه ويسلم عليه

النعي:
لذاك الحبس ودوني وينه
الغمض ابوي هناك عينه
وحده مات ومادرينه

باب السجن مرونه انريد
بلكن ننده ويطلع الحيد
گالو ابونه ميت وحيد

بيه نفس حدر السجن ضاگ
وسنين ظل وصعب الفراگ
ايريده الگلب هاليوم مشتاگ

ظلمه السجن واعليه مغلوگ
خنگه وضوه مابيه معلوگ
انعى لبوي وگلبي محروگ


بذاك السجن وشلون حاله
بوكت المنيه من اجاله
ياريت ودالي رساله


اشلون حاله بالمنيه
بالموت ماوده عليه
وبيدي انگطله اميه

ماگال معصومه تجيني
وتشوفه گبل الموت عيني
مسموم اله نوحي ونيني

ماگال ودولي عليها
اشوفها والزم اديها
اموت وتظل اشلون بيها

……… تمت……………… .

بقلم ام زهراء العامري

https://t.me/zrahaaum

للامام الكاظم( ع)

مات بالسم… شايلين الكاظم
……………………… .

اجنازته شالوها
اعلى الجسر ذبوها
وكل شيعته شافوها

ماله عشيرة تحضره
والدم من اجدمه جره
چاوين امه الطاهرة

نايم يويلي بالشمس
مرمي بعباته بلانفس
وخلو على نعشه الحرس

هذا امام الرافضه
المات صاحو والگضى
بالقيد جدمه مرضرضه

……… .تمت……………… .

بقلم ام زهراء العامري

https://t.me/zrahaaum

هوسه+ ختام المجلس

يالكاظم الك كل عين تجري دموم
يالميت غريب وبالسجن مسموم
تظل على الجسر لا موالك هالنوم

(فوگ الجسر… موش الك هالنومه)
……………………………

ياقاضي الحاجات شاع علومه
وين الرضا وخل تحضر المعصومه
بطاموره ميت والچبد مسمومه
ومزنجلين الساگ تجري دمومه
كلفة السجن آه وچبيره همومه
يالتشبه المذبوح برض الحومه
مگطوع راسه هم سليبه هدومه
ومچتفينه اخت ومشت مالومه
والزهره تبچي الحالكم مهظومه

(( مهظومه… ونت يم راسك))

……… تمت…………………

بقلم ام زهراء العامري

https://t.me/zrahaaum

هوسات للامام الكاظم( ع)

يومك يبن جعفر ماسده ولاصار
فوگ الجسر مرمي والوكت حار
گلبك من سموم اعداك يلهب نار
سيد وابن سيد ماالك نغار

(( يحضرونه… چاوين الساده))
………………………

خل تحزن الساده وشيعته هاليوم
موسى على الجسر والمات مسموم
جنازه مزنجله والساگ يجري دموم
ويلاه عالرضا يبچي بگلب مالوم

(( شال الهيبه… ياگلبي احزن))
………………………… .

شال ابنه الجنازه وشيعته وياه
بس حسين ظل على الثرى بدماه
سحگ صدره الشمر والراس حزاه
گبال عيون زينب بالرمح
خلاه

(( شايل راسه… جدام اخته))
…………………………

شال الراس بيده ويگطر بدمه
طگ زينب بسوطه من دنت يمه
ماخلاها تگرب رادت تشمه
محزونه وبيديها منحره تلمه

(( تاليها… چتفها الظالم))

…… ..تمت………………… .

بقلم ام زهراء العامري

https://t.me/zrahaaum

لبداية عزاء الامام الكاظم( ع)

وگفه العزه المات موسى الكاظم
…………………………… .

گومن ندگ الهامه
عالكاظم والالامه
ومزنجلين اجدامه

اندگ صدر خلينه
يومه صعب ونينه
نامت الكاظم عينه

للجثته مشموره
للعاش بالطاموره
كل شيعته مقهوره

والله اللطم يحلاله
بالسم تبدل حاله
بلموت راد اعياله

ويلاه يامولانا
بيه مارحم سجانه
امسلسله ذرعانه

……… تمت………………… .

بقلم ام زهراء العامري

https://t.me/zrahaaum

لختام العزاء

هذا عزاك… ياامامي الكاظم
…………………………… ..

يالشامرينك عالجسر
شيعتك تلطم عالصدر
اوداعة الله ياطهر

هذا العزه وقرايتك
يالمانسينه مصيبتك
يالشامرين جنازتك

يالجثتك مشموره
يالميت بطاموره
قبرك يشع بنوره

حسرات الك جرينه
هاماتنه دگينه
لزيارتك حنينه

…… .تمت…………………

بقلم ام زهراء العامري

https://t.me/zrahaaum

ابوذية ونعي للامام الكاظم( ع)

صلى الله عليك يارسول الله ،صلى الله عليك ياابا عبدالله ،السلام على المعذب في قعر السجون وظلم المطامير، السلام على ذي الساق المرضوض بحلق القيود،ياليتنا كنا معكم سادتي فنفوز فوزاً عظيما…

أبوذية:
لطمنه بألم يامولاي هامات
مسموم وعليك الروح هامات
امام الرافضيه الصاح هامات
ذبك عالجسر يابو الحمية

النعي:
صايم بذاك السجن الاظلم
وفاطر الف ويلاه بالسم
مرضوض ساگه ويجري بالدم

غربه وسجن ويلوج وحده
والسم اله بالروح مرده
ريت الرضا هالساع عنده

ذوب چبدته اليوم هارون
مسموم وحده ودار العيون
يريد الولد والبت يجون

ياريت معصومه اجته
من راد الميه نطته
ومن دار عينه گابلته

حضرت يريت الساعه يمه
تنطيه اميه وبرد سمه
حنينه تباريه وتشمه


حنينه تجي يم راسه تگعد
تداويه بلكن روحه وترد
مسموم حاله اليوم يمرد

…… تمت……………………

بقلم ام زهراء العامري

https://t.me/zrahaaum

حديث وفاة الامام موسى بن جعفر(ع)

(( بقلم ام زهراء العامري))

https://t.me/zrahaaum

عظم الله اجورنا واجوركم بمصاب سيدنا ومولانا باب الحوائج موسى بن جعفر ( صلوات الله وسلامه عليه))… انه لم يزل بابي وامي ينقل من سجن الى اخر اول سجن ذهب اليه سجن البصره جاؤوا به مقيدا بالحديد وعيناه تسيل دموعا وهو يقول: ((اليك اشكو يا رسول الله))
قطع الرشيد عليه فرض صلاته
               قسرا واظهركامن الاحقاد
ولما أوصلوه الى البصرة سجن عند عيسى بن جعفر مدة مقفلا عليه السجن لا يفتح له الا للطهور وإدخال الطعام، وكان( ع) يقضي اوقاته في السجن بالعباد ة والتضرع الى الله وسمع يقول:( اللهم إنك تعلم اني كنت اسالك ان تفرغني لعبادتك، اللهم فلقد فعلت فلك الحمد ).
و بعد تلك المده طلب عيسى بن جعفر بن الرشيد نقل الامام اليه، وإلا اطلق سراحه لانه ما رأى من الامام الا العباده والبكاء من خشيه الله، فقبل الطاغيه قول عيسى ونقل الامام (ع) الى بغداد مقيدا تحفه الشرطه والحراس حتى أوصلوه الى بغداد فأودع اولا في سجن عمراويه وبعده في سجن الفضل بن زهير الضبي، وبعده في سجن المسيب، وبعده في سجن الفضل بن ربيع.
ومازال ينقل في السجون معانيا
              عض القيود ومثقل الا صفادي
وكان الطاغيه هارون الرشيد يطلب بين الحين والاخر من الفضل ان يفتك بالامام موسى بن جعفر( ع) والفضل لم يجبه الى ذلك، ولما طال بقاء الامام في السجن قام في غلس الليل فجدد طهوره وصلى لربه اربع ركعات واخذ يناجي الله ويدعوه:(( يا سيدي نجني من حبس هارون وخلصني من يده ،يا مخلص الشجر من بين الرمل والطين، ويا مخلص النار من بين الحديد والحجر، ويا مخلص الولد من بين مشيمه ورحم، ويا مخلص الروح من بين الاحشاء والامعاء، خلصني من يدي هارون)).
وماأن أتم دعاءه حتى استجاب الله له ذلك، لذلك امر الطاغيه جلاوزته فاطلقوا سراح الامام (ع) وذلك لرؤيةرآها: كأن حبشيا قد اتاه ومعه حربة قائلا له : أن لم تخل عن موسى بن جعفر الساعه نحرتك بهذه الحربه.
ولكن اطلاق سراح الامام (ع) مؤقتا دام عده ايام عاشها الامام مكرها في بغداد، وكان الطاغيه في تلك المده يتهدد الامام بالقتل .وبعد ذلك ارجعه الى سجن الفضل بن يحيى وامر بالتضييق عليه لكن الفضل فعل عكس ذلك ولم يضيق على الامام.
ولم علم الطاغيه بذلك أمر بنقل الإمام الى سجن السندي بن شاهك( وكان السندي عدوا لآل محمد ناصبيا قاسي القلب) وامره بالتضييق على الامام وتقييده بثلاثين رطلا من الحديد وان يقفل عليه الابواب و لا يدعه يخرج ،فمتثل السندي لامر الطاغيه هارون فوضعه في طاموره لا يعرف فيها الليل من النهار ،واوثقه بالحديد حتى اثر ذلك الحديد في جسده الشريف.
وقد عانى الامام في حبس السندي اشد الالام الاذى، وكان اذا ضاق نفس الامام( ع) لضيق الطاموره ياتي الى بابها يستنشق الهواء، فإذا رآه السندي لطم الامام( ع) على وجهه و ارجعه الى داخل الطاموره.
افي اي كف يلطم الرجس وجهه
               و ما هي الافرع لطمة فاطم

الكاظم محنته صارت شديده
          سجنه وغربة وبرجله الحديده
بطامور الهوى يشتم يريده
             والسجان ظالم مارحم بيه

وبقي معذبا بابي وامي الى ان بعث الطاغيه هارون الى السندي رطبا مسموما وأمره ان يقدمه الى الامام( ع) فامتثل لامر طاغيته وقدم الرطب الى الامام واجبره على اكله، فرفع باب الحوائج يده الى السماء وقال:(( يارب انك تعلم اني لو اكلت قبل اليوم كنت قد اعنت على نفسي)) ، ثم تناول سبع رطبات فاكلها وقيل عشرا ثم امتنع فقال له السندي: زد على ذلك،فرمقه الامام( ع) بطرفه وقال له ((حسبك قد بلغت ما تحتاج اليه)). بعد ذلك اخذ السم يسري في بدنه،والامام يعاني  الآلام في تلك الطاموره وأحاط به الأسى والحزن حيث لاأحد من اهله وأحبته عنده.

يعالج بالسجن محد اليمه
      فطر گلبه العطش من كثر سمه
وين ابنه الرضا يحضر بهمه
        ويجيب الدوه وينطيه اميه
بقى وحده يعالج بالطوامير
       غربة وشوف عينه ألمن يدير
مثل يومك يبوطلبه فلايصير
           غريب تموت وحدك وي عليه

اجركم الله… ثم تغير وجه الامام من لون إلى آخر وعرق جبينه وسكن انينه ومد يديه ورجليه وفارقت روحه الدنيا،رحم الله من نادى (( واإماماه...واسيداه… وامسموماه… واكاظماه))

گضى وحده يويلي ابن الميامين
           ياهو المدده من غمض العين
واولاده وعمامه الكل بعيدين
             بس عدوان يمه بالمنيه

قال الراوي : نقل عن علي بن سويد قال: اخبرني الامام الكاظم( ع) قبل وفاته ( بان الفرج قريب يوم الجمعه ضحى على جسر بغداد) يقول بن سويد كنت اطير فرحا واخبرت اصحابنا البشاره البشاره سيخرج موسى بن جعفر اجتمعنا على الجسر فبينما نحن في الانتظار واذا بجنازه يحملها اربعه من السجانين على درفت باب لانعش! اقبلوا به وضعوه على الارض وكشفوا عن وجهه.

ثم صار سندي( لعنه الله) ينادي عليه: هذا امام الرافضه قد مات حتف انفه فانظروا إليه،فجعل الناس يتفرسون في وجهه.

حماميل اربعه نعشه تشيله
        الف وسفه على شيخ الجبيله
مرمي على الجسر محد يجيله
      وعليه صاحوا ايمام الرافضه المات

يقول بن سويد : جئت لانظر إليه واذا به سيدي ومولاي موسى بن جعفر( ع) فلطمت على وجهي وصحت: واماماه..واسيداه..واكاظماه،فبينما انا كذلك اذ مر به طبيب نصراني فقلت له اقسم عليك بالمسيح الا مارأيت سبب موت هذا المسجى! فكشف عن باطن كف الامام وهز راسه،فقال يبن سويد: هل لهذا الرجل عشيرة؟ قلت: بلى هذا موسى بن جعفر سيد بني هاشم! فقال: ابعث لهم ليطالبوا بدمه فإنه مات مسموما!.

شم چفه الطبيب وصوته يعلى
       مسموم الرجل خلتحضر اهله
گالوله غريب بدمعه تهله
          كلها ابعاد عنه بالمدينه

قال الراوي : سمع النداء سليمان عم الطاغية هارون فقال : مالخبر لانه رأى بغداد تموج بأهلها؟ فقالوا: هذا جنازة موسى بن جعفر قد مات بالسجن فقال ويلكم: انزلوا وخذوا الجنازه من بين ايديهم واذا مانعوكم فاضربوهم.
فنزلوا اليهم واخذوا الجنازه من أيديهم ووضعوها على مفترق اربعة طرق وأقام المنادي ينادي: ألامن أراد ان يحضر جنازة الطيب ابن الطيب فليحضر جنازة موسى بن جعفر.
فشيعوا الامام وحضر عند وفاته ولده الامام الرضا ( ع) ماجور وكأني بلسان حاله يخاطب ابيه وهو يقول:

شال النعش والعين تدمع
يابويه صاح بگلب يفجع
نأيس بعد لوأنه ترجع

اگعد يبويه وسولف وياي
وشعاجبك من نومتك هاي
خيمه اريدنك الي فياي

من موتتك مكسور ظهري
واجيتلك ماشوف دربي
لگضي العمر بالآه ونحبي

عگبك يظل موحش نزلنه
نريدك عدل يابوالمحنه
بلياك هذا اليوم ضعنه

فلما فرغ من دفن والده رجع للديار حزين كئيب مناديا:

يبوالبيت هذا البيت خالي
وموتك هدم حيلي يغالي
وياك شيعود الليالي

ثم نظر للعلويات وهو يقول:

انطاكم ابونه اليوم عمره
بدار الغرب حفريت قبره
ولفرگته بالروح جمره

فلما سمعنه بنات الامام كلامه لطمنه باكيات نادبات و كأني باحدهن اعتنقت اخيها الرضا ولسان حالها يقول:

وين الابو هاليوم اريده
الحنين العليه واحب ايده
راح وسكن ديرة البعيده

صدگ والدي مايرجع ردود
يظل النزل مظلم ومسدود
لگضي العمر وهدومي سود
يناس الابو بالبيت مريود

أقول يامواليين يامعزين… هنا بنت الامام الكاظم لما سمعت بوفاة ابيها اعتنقت اخاها بكيا سويا صبرها على فراقه… لكن حرقلبي على بنت الحسين لما علمت بمقتل ابيها كيف لها ان تعانق اخيها وهي مربطه بالحبال والامام مغلل بالسلاسل والجامعه كأني بها تبكي بحرقه قلبا وهي تقول:

اخذنه لبونه وخل نحاچيه
ومتونه زرگه نراويه
شلون بيسر نمشي ونخليه

اخذني ابات الليل وياه
واضمد جروحه واعرف دواه
الحنين مثله وين نلگاه

بالهيمه نايم مانخليه
امشينه للخيمه نرد بيه
انشربه اميه ونداويه

ابوي شكثر غالي عليه
اريده عدل ويدوم فيه
خلافه مچتوفه وسبيه

…………… ..تمت…………………… .

 الحديث من كتاب( الدمع المذخور) بقلم ام زهراء العامري
                                  

السلام عليكم… حبايبي ملالينا العزيزات حسب طلبكم قمنا بأعادة طباعة « ميزان الولاء» متوفر الآن في مكتبة الزهراء العشار ساحة ام البروم هناك خدمة توصيل 👇👇👇

07801310890

ابوذيه

شهد طرواك ياحيدر سرانه
وعندي زيارتك جنه سرانه
اطب الحضرتك يمتى سرانه
انه الهفان لاتبطي عليه

ام زهراء العامري

🌹اسعدالله ايامكم

هوسه

تستاهل شعر خطينه يابوتراب
لان چفك ياحيدر شالع اكبر باب
يچتال الشرك تشهدلك الاحزاب

ها ها ها
( عليته… يالسيفك بالحگ)

ام زهراء العامري

🌷هوسات لمولد الامير( ع)🌷

فتحت بابها الكعبة لعلي الكرار
وطبت بت اسد واتعالت الانوار
فرح عالي السمه شرف علي الكرار

( بميلاده… واتباها الكون)

💐💐💐💐💐💐💐

المايعشگ علي مايدخل الجنه
واحنه الي نطبها وبيها نتهنى
حب حيدر نريده ويسري وي دمنه

( يدخلونه… باجر للجنه)

💐💐💐💐💐💐💐

الملالي تريد هوسه والتهلهله
بذكر حيدر يصير الفرح بعد احلى
ميلاده سعاده وكون نوصله

( ونطش ورود… بمولوده)

💐💐💐💐💐💐💐


فرح واجب الليله والگلب يستر
بهوسه والهلاهل عيب نتعذر
الكعبه اتشرفت بيها انولد حيدر

(مخليها… وتنور الكعبه)

💐💐💐تمت💐💐💐

بقلم ام زهراء العامري

🌷اسعد الله ايامكم

رباطات لوفاة ام البنين( ع)

*مايشيعوها مايشيعوها
شلون اولاد عدها

*لادفنوها لادفنوها
خل عباس يحضر

*مافتر ونها مافتر ونها
عالمظلوم تبچي

*ياهو زتاها ياهو زتاها
اليوم اخلاف ابنها

*خل نعازيها خل نعازيها
حضرتنه الزچيه

…… تمت………………

بقلم ام زهراء العامري

https://t.me/zrahaaum

هوسات لام البنين( ع)

تريد الام ولدها بآخر الانفاس
يهز تابوتها تنشال فوگ الراس
جنازه ام البنين وماحضر عباس
تعذرها الحنين وصاحب النوماس

( چفينه… ياحيف انگطعت)
……… ..……… ..

ام عباس ماتت خل نعلي الصوت
لاعدها ابنيه ولاولد بالموت
تبچي عيونها حطوها بالتابوت
ابنها الرادته بهذا النعش زاتوت

( محد جاها… للموت تون)

……………تمت………….

بقلم ام زهراء العامري


https://t.me/zrahaaum

نعي لأم البنين( ع)

ياموت لاتغمض جفنها
يشيل الجنازه تريد ابنها
للموت مابطلت ونها

ريض يشيال الجنازه
هذا النعش رايد اعزازه
بلكي الگبر ينطي اجازه

مهله الگبر ينطيها ياريت
وعباس يدفن شمعة البيت
ياموت وياها توازيت

تريد الولد جناز بيها
فوگ النعش يبچي عليها
مات الولد لامايجيها

شمحله الولد لوراح دفان
بين العمام ولمة اخوان
جنازة الأم تريد الاحنان

...........تمت…………………

بقلم ام زهراء العامري

https://t.me/zrahaaum

هوسه+ وختام المجلس

حسرتنا على ام عباس خليها
گضّاية كلافه ومانجازيها
الزهره حاضره ويانه نعازيها

( لم عباس… خلنلطم على الهام)
تستاهل عراضه وشد الحزام
فراگ اولادها ياناس هدام
برض الطف على تربان نيام
ضحت للحسين باربع ازلام
تحضرنه بشددنه وضيگ الايام
( نوافيها… ضحت ونريد)

……… تمت……………

بقلم ام زهراء العامري

https://t.me/zrahaaum

وفاة ام البنين( ع)

https://t.me/zrahaaum

انا لله وانا اليه راجعون ... عظم الله اجورنا واجوركم بوفاة ام البنين( ع).
ان احياء ذكرى أم البنين (صلوات الله عليها) وذكرى المعصومين (ع) توجب سعادة الإنسان في دنياه وآخرته، ومن احياء الذكرى نكتسب كيفية الطاعه، وتعظيم من أوجب الله تعالى طاعتهم علينا بكل قناعه ويقين بفكر واعي وقلب مطمئن بالإيمان، ومن خلال قول
الزهراء (ع): ( وجعل طاعتنا نظاما للمله).
لإحياء الذكرى وتعظيم شعائرهم التي تجعل القلوب في حرارة لن تنطفئ عن حركتها الدؤوبه لطاعتهم والذوبان بهم وهذا اعظم درس لتجسيد أمر الباري الذي يقول
(قل لاأسلئكم عليه أجرا إلا المودة في القربي) كانت ام البنين من النساء الفاضلات العارفات بحق أهل البيت (ع) ، كما كانت فصيحه بليغه اللسان، ورعة، ذات تقى
وزهد وعباده. لقد أراد الله لها أن يكافئها في الدنيا قبل الآخره على أخلاصها وولائها لأهل البيت( ع).
روي لما جاء الناعي ينعى الحسين(ع) ما سالته عن اولادها قالت: اخبرني عن نور عيني عن ريحانه رسول الله اخبرني عن الحسين وقضت ما تبقى من عمرها حزينه باكية العين وكانت تخرج للبقيع وتخط بأصبعها قبورا خمسه باكية تنعاهم وهي تقول :

كلساع اتانيكم تطبون
من الباب يايمه تصيحون
فرشت الفراش وماتجون

رحتوا وعليه البيت خالي
امكم واريدن عين والي
ايشوفني ويفگد احوالي

ضميتكم لايام كبري
ذبحوكم ومااريد عمري
گبلكم يريت انحفر گبري

گبلكم يريت الگبر ضمني
وغيابكم مر وهدمني
احتاريت وان چبير سني

وما زالت ام البنين تقاسي آلالام الفراق ولوعة البعد عن ابنها الحسين واخوته حتى دنى اجلها فصار يغشى عليها ساعة بعد ساعة وتمنت حضور اولادها عند الاحتضار وكأني بلسان حالها ينشد ويقول:

ريت الولد يدخل عليه
يجبلني ويسبل ايديه
يغمض عيوني للمنيه

بالعين دارت علة الصوت
عباس صاحت راح اموت
ولمك ياهو يشيل تابوت

يزتني يريت الولد بنگاب
وخدي يحطه على تراب
والفاتحه ينصبها بالباب

بالفاتحه منگب يشوفون
الناس لوجوله يعازون
كلما ذكرني هل العيون

احسن الله لكم العزاء ... حتى في انفاسها الاخيره فمازلت تنعى الحسين وتبكي كيف ذبحوه من القفا وبقي ايام في العراء سليب العمامة والرداء بعد ذلك ثقل حالها ودارت عينيها يمينا وشمالا الى ان عرق جبينها وسكن انينها مددت رجليها واسبلت يديها وفاضت نفسها الزكيه رحم الله من نادى واسيدتاه وامصيبتاه:

ونوا على الماتت بحسرات
گضاها الذبيح البترب مات
للموت مابطلت ونات

من القفا سمعته مذبوح
لاحيل ظل عدها ولاروح
ليل ونهار عليه تنوح

تبچي عليه مافتر ونها
والعله نشبتها بدنها
وراحت اعزاز الروح منها

تنازع تفطر الگلب نصين
وتغيب منها الروح مرتين
وتصيح يامذبوح يحسين

محد حضرها بوكت النزاع
اولادها متوسده الگاع
وبالترب نامت ذيج الاسباع

بوكت المنيه ادير العيون
اولادها رادت تحضرون
يزتونها للگبر يمشون

تابوتها رادت يشيلوه
حزانه بيديهم يزتوه
وخدها على رمضى يوسدوه

…… ..تمت………………… .

بقلم ام زهراء العامري

ابوذيه ونعي لأم البنين( ع)

لم عباس تنعى الروح حنت
المصايب منها چم ضلوع حنت
منيتها وحيده اليوم حنت
تريد اعزاز ناموا بالوطيه

النعي:
ويه العفيفه اليوم الوداع
والروح غابت وكت الانزاع
واعزازها ضمتهم الگاع

ابعاد عنها اولادها تريد
تصيح باسمهم تشمر الايد
عباس واخوانه بعيد

يم راسها رادت يگعدون
من القبر ساعه يحضرون
عالقبله راس امهم يديرون

الولد عند امه شغلاته
والنعش لوشاله شحلاته
ذبحوا برض الطف مماته

بامه الولد محلاته زاتوت
ومتنه يشيللها التابوت
منگب ينوح بعالي الصوت

وحيده بقت وتموت وسفه
عالشاطي ابنها انگطع چفه
گلبها جريح شلون يشفى

……… ..تمت…………………… .

بقلم ام زهراء العامري

https://t.me/zrahaaum

گولات للزهراء( ع)

*حيل مهضومه حيل مهضومه
لفراگج ييمه

*شلون عفتينه شلون عفتينه
هرفي يالزچيه

*شلون اطبنه شلون اطبنه
خالي البيت يمه

*حيل مابيه حيل مابيه
حيلي وياج رايح

…… تمت…………………

بقلم ام زهراء العامري

https://t.me/zrahaaum

لطميه للزهراء( ع)

الساده تنوح امهم شايله اليوم
دافنها علي والضلع مهشوم
…………………

حسن وحسين يبچون على فرگاها
يم چلثوم خل نروح وياها
نمشي ويه الحنينه ونعدل غطاها
( وياها… عونه الحمل)
…………………….

مر فراگها مارد گلبنه
حنينه وياگلبها شگد يحبنه
خلاف الزاچيه هاليوم ضعنه
(ماردناه… فراگ الزهره)
……………………….

الساده تنوح امهم ودعوها
لزموا بالنعش مارجعوها
ظلمة الدار امهم ضيعوها
( يريدوها… تبچي الساده)
………………………

ام الساده ميته اولادها تنوح
طبوا دارها والگلب مجروح
ياعطر المحنه بيتها يفوح
( سديتيه… بابج يمه)
………………….

عليج اليوم بالاسود حزينه
حلوه گعدتج ردي علينه
خالي البيت باوعنه وبچينه
( بچانه… بيتج خالي)

….. تمت………………….

بقلم ام زهراء العامري

https://t.me/zrahaaum

نبرات الحزن جريت وي آه
طاغوت بحقد للباب وي آه
ضلع مكسور للزهراء وي آه
حنى ظهر الوصي راد المنيه

# ام زهراء العامري

وفاة القاسم بن موسى بن جعفر(عليهم السلام)

((بقلم ام زهراء العامري))

https://t.me/zrahaaum

روي في خلافة بني العباس كانوا يبغضون سلالة علي بن ابي طالب(ع)ومن شدة كرههم وبغظهم لاولاد الائمه ارادو القضاء عليهم فمنهم من سجن ومنهم من قتل واخذوا يحفرون الأساس ويدفنونهم ويبنون عليهم كما قال الشاعر :

تالله مافعلت امية معشار مافعلت بني العباس

فمن استطاع منهم الفرار ومنهم من خفى نفسه ومن جملتهم من فروا هو القاسم بن موسى بن جعفر اخو الامام الرضا(عليهم السلام)
حتى وصل الى احد الاحياء فراى بنتان تقول احدهما للأخرى لاوحق صاحب بيعة الغدير ماكان الأمر كذا وكذا فاطمئن لهما انهم من محبين اهل البيت (ع)فقال هل تعرفون من هو صاحب بيعة الغدير قالت نعم اعرفه انه صاحب البيعيتن والضارب بالسيفين والطاعن بالرمحين والمصلي القبلتين وابو الحسن والحسين انه اسد الله الغالب ليث بني غالب الامام علي بن ابي طالب فقال القاسم(ع):اوصلوني برئيس الحي فلما وصل اليه رأه شيخ كبير استقبله وبقي في ضيافته ثلاثة ايام فقال للشيخ هل لك ان تقبلني واشتغل عندك فقال واي عمل تجيد ترعى الغنم او الخدمة في الديوان او تسقى الماء لاهل الحي فقال اسقى الماء فقام بسقاية الماء فمنذا وصوله للحي ازداد الخير والبركه والعشب في ارضهم ورئيس الحي يراقبه قائما ليله صائم نهاره فاأحبه وقرر ان يزوجه بابنته فأخبر القاسم فقال له لقد اكرمتموني غاية الاكرام وانا خجل منكم فقال له الشيخ ابعث الى اهلك وعشيرتك يحضرون زفافك فنكس رأسه وجعل يبكي لانه يخاف ان يبوح بنسبه فقال الشيخ لاعليك ان كان ليس لك اهل ولاعشيره فنحن اهلك وعشيرتك فبكت زوجته وقالت كيف تزوج ابنتك من رجل ليس له حسب ولانسب وسوف تعيرنا القبائل لكنه اصر على ذلك ومرت سنين ورزق ببنت وبعد ذلك تمرض مرضا شديدا الذي توفي فيه فجعل يوصي عمه وقال له هذا وقت الوداع واريد ان اخبرك بحسبي ونسبي انا القاسم بن موسى بن جعفر فجعل الشيخ يلطم على راسه وهو يقول واخجلتاه من رسول الله ومن امير المؤمنين ومن فاطمة الزهراء والائمه الاطهار كيف خدمتنه هذه السنين الطويله فقال القاسم(ع)لاعليك فقد اكرمتموني وزوجتموني وانتم لاتعرفون حسبي ونسبي ولكن اوصيك بأبنتي هذه وكانت طفله صغيره قال ياعم: هذه السنه ترزق حج بيت اللت الحرام فخذها واجعلها امامك واتبعها وهي توصلك الى اهلها وازداد مرض الامام وتوفي رحمة الله عليه ودفن في الحله وبالفعل رزق رئيس الحي حج بيت الله وجعل البنت تمشي امامه حتى وصلت الى دار عاليه البنيان وقفت امام تلك الدار فقرعت الباب وخرجن النسوه من الدار فقال هذه يتيمتكم فلم يعرفها احد حتى خرجت امراءه كبيرة بالسن فلما نظرت اليها احتضنتها وخنقتها العبره وقالت هذه والله شمائل ولدي القاسم فلما علمت ماجرى عليه كأني بها دارت بوجهها ناحية قبره تخاطبه بلوعه و بلسان الحال:

بدار الغرب يمه گضيت
وبعيده يمك ماجيت
رحت وعليه مظلم البيت

من رحت ظل البيت ظلمه
محد ندهني وصاح يمه
ميت بغربه شلون هظمه

من رحت وانا مساهره الليل
اونن عليك مهدهده الحيل
عمرك خلص ماهو طويل

بعدك شفت كل العذاب
حزينه بقيت وعيني عالباب
اثاريك ميت حدر التراب

عوف التراب الحار يبني
عمري چبير ولاتذبني
يالولد يالرباك حضني

هذا حال ام القاسم بقيت تبكي ليلها ونهارها على فراق ولدها وكيف توفى غريبا وبعيدا عن اهله واوطانه حتى ماتت حزنا عليه.

اقول يامحبين يامعزين نعم مات القاسم غريبا بعيدا عن اهله وبلد جده لكن عند وفاته حضره الموالين غمضو عينيه ومددو يديه غسلوه شيعوه ودفنوه… حر قلبي على جده الحسين وماجرى عليه في كربلاء.. ذبحوه عطشانا وبقي بالفلاة عريانا تصهره حراره الشمس ورضو اضلاعه بحوافر الخيل ساعدالله قلب مولاتنا الزهراء(ع) عندما وقفت على جسد ولدها كأني بلسان حالها ينعى مولانا الحسين (ع)ويقول:

بحزني اجيت وجدمي يعثر
وادور على ابني الساكن البر
لاراس عنده ودامي منحر

راسه انگطع شدگول روحه
والرمل ترسهن جروحه
يبني صحت ظليت انوحه

مگلوب شفته على التراب
وبنص دليله صار الصواب
ذبحو اولاده وكل الاحباب

ابحاله شمسوي عدوه
رضرض ضلوعه بگاع شلوه
لحسين اروحن مية فدوه

انذبح برض الطف غريب
من دم رگبته صابغ الشيب
عطشان عالرمضى وسليب

…… تمت…………..

بقلم ام زهراء العامري

هوسات للزهراء( ع)

وكت الموت بعده وصعبه فرگتها
ذابت روحنه شالوا جنازتها
عافت بيتها والولد وي بتها
حنينه وبالگلب للموت ونتها

((الفرگاها… عافتنه نون))
… ....................

لحد الموت ونتنه على الزهره
بعد ياهو اليحن الخاطر يجبره
شلون تعوفنه وتنام بالغبره
اظلم بيتها وچن صاير مگبره

((تبچيني… دارج يايمه))

……… ..تمت…………………

يقلم ام زهراء العامري

https://t.me/zrahaaum

وفاة السيدة فاطمة الزهراء( ع)

(( بقلم ام زهراء العامري))
https://t.me/zrahaaum

عظم الله اجورنا واجوركم بمصاب الصديقه الزهراء( صلوات الله عليها)

عن مولانا علي (ع) قال دخل رسول الله (ص) علينا أنا وفاطمه وأخذ بعضادتي الباب وقال السلام عليكم يا أهل بيت رحمه وموضع الرساله ومنزل الملائكه يابنيه أن الله سبحانه وتعالى أطلع على أهل الأرض أطلاعه فأختار أباك فجعله نبياً ثم أطلع ثانيه فأختارك وأمك وجعلك سيدة نساء العالمين ثم أطلع فأختار أبنيك سيدا شباب أهل الجنه.
وفي حديث طويل عن الله عز وجل يا فاطمه وعزتي وجلالي وارتفاع مكاني لقد آليت على نفسي من قبل أن أخلق السماوات والأرض بألفي عام أن لا أعذب محبيك ومحبي عترتك بالنار.
عن سلمان قال قال النبي (ص) ياسلمان من أحب فاطمه أبنتي فهو في الجنه معي ومن أبغضها فهو في النار ياسلمان حب فاطمه ينفع في مائه من
المواطن أيسر ذلك المواطن الموت القبر الميزان المحشر الصراط والمحاسبه فمن رضيت عنه أبنتي فاطمه رضيت عنه ومن رضيت عنه رضي الله عليه ومن غضبت عليه غضبت عليه ومن غضبت عليه غضب الله عليه ياسلمان ويل لمن يظلمها ويظلم بعلها أمير المؤمنين (ع) وويل لمن يظلم ولديها وذريتها وشيعتها.

المجلس:
يا مؤمنين هذه مكانة فاطمة (ع) عند الله ورسوله فلنعزي رسول الله (ص) بمولاتنا الزهراء وهاهي اليوم قد دنى أجلها فلما تيقنت من ذلك عمدت على العجين وخبزته لأولادها وغسلت شعرهم وهي تعلم أنها مفارقتهم لا محاله ،تقول زينب ( ع) أنظر لأمي الزهراء تقوم بأعمال البيت وهي تبكي وتنظر اليه ثم التفتت ألي مخاطبه وأنا مستغربه من عملها:

أخافن أبوهم يلهي عنهم
محير يظل بدفنة أمهم
وهما يتامه ياهو الهم

يمج ترى بسيمة الخطار
بالليل تخله مني الدار
عينج على اخوانج زغار

على غيبتي سلي فكرهم
صبري ولاتبچين يمهم
وصيري ييمه اعدال امهم

بعد مافرغت الزهراء( ع) توسدت فراشها وهي تتألم من ضلعها وألم حزنها فلما رأتها زينب تأن جرت عيونها على أمها ولسان حالها:

حطيت فراشج بصفي
گتلج يبعد الروح أغفي
بگلبي نار شلون تطفي

أشوفج على فراشج تلوجين
لاراضيه ساعه تهودين
شيوجعج صديلي بالعين

شوگاضيته الليل ونات
وتعاينين على البنات
تحسبين لوظلن يتيمات

وفي خبر أخر لما علمت وتيقنت من دنو أجلها نادت على مولانا علي( ع) وجعلت توصيه بوصاياه ولسان حالها:

گلبها علمها رايده تموت
صاحت يحيدر أدنى بسكوت
أوصيك واسمع مني الصوت

عينك يحيدر عالبنات
تدريهن يظلن يتيمات
بالدار مثل الضايعات

للولاد دير النظر ديره
تدري بخيتهم زغيره
وياخلتي عليهم جبيره

فلما فرغت من وصيتها( ع) نادت على اولادها يودعونها وتودعهم ولسان حالها:

صاحت عليهم ودعوني
خلوني أشمنكم أدنوني
باجر أظنكم تفگدوني

باجر أيتمكم هظيمه
أطفال ماعدكم أميمه
واصير حالتكم أليمه

قيل لما فرغت من وداعهم قالت للحسنان أذهبا الى قبر جدكم رسول الله (ص) أدعولي بالشفاء وأما زينب فقالت لأسماء خذيها الى بيت أم سلمى وأما ما كان من أمر الزهراء (ع) أغتسلت وقالت لأسماء يا أسماء أنا داخله أصلي وأقرأ القرأن أذا سمعتي صوتي أنقطع فاعلمي أني لاحقه بأبي رسول الله (ص) تقول أسماء بينما مولاتي الزهراء تقرأ القرآن دخلت عليها ورأيتها رافعه يديها الى السماء تناجي ربها وتدعوا الهي برسول الله (ص) وشوقه الي
وببعلي علي وحزنه علي وبولدي الحسن وبكائه علي وبولدي الحسين وكأبته علي وببناتي الفاطميات وتحسرهن علي الا مانجيت أمة أبي وشيعة علي من النار فلما رأتني قالت لي ياأسماء ألم أقل لك لا تدخلي علي طالما أنت تسمعين صوتي فأعتذرت وخرجت عنها بعد لحظات قليله سمعت صوت فاطمه (ع) قد أنقطع فدخلت عليها رأيتها مسجاة للقبله قلت لها يابنت رسول فلم تكلمني يا فاطمه الزهراء لم تكلمني يا أم الحسن والحسين لم تكلمني فعلمت أنها ماتت بينما أنا كذلك أذ دخلا عليا الحسنان وهما يبحثان ويخاطباني يا أسماء أين أمنا قلت أمكما نائمه قالا ما الذي ينيم أمنا في مثل هذه الساعه قلت سيدي تعالا أضع لكما الطعام قالوا يا أسماء من أين علمتي أننا نأكل من غير أمنا فاطمه فغافلاني فدخلا لحجرة الزهره نظرت اليهم تكاد أرواحهم تزهق من البكاء الحسن نائم على صدرها وهو يقول أماه أنا حبيبك الحسن كلميني والحسين تقول كسر قلبي يقبل بأقدامها ويقول أماه أنا عزيزك الحسين كلميني قلت سيداي أنطلقا وأخبرا أبوكما فذهبا لاطمين على رؤوسهم فكل من رأهم قال هل تذكرتم جدكم قالوا لا أوليس ماتت أمنا فاطمه فلما سمع مولانا علي (ع) وقع على الأرض من شدة الخبر فلما عاد للبيت حمل مولاتنا الزهراء (ع) للغسل يقول والله كانت ميمونه طاهره تتقلب كيف يراد الغاسل غسلها مولانا علي (ع) من وراء الثوب وأسماء تصب الماء ففجأ مولانا علي (ع) توقف عن الغسل وأخذ ناحيه يبكي قالت أسماء مولاي توصونه بالصبر وتجزعون قال الصبر جميل ولكن ليس على فاطمه لقد رأيت ضلعاً من أضلاعها مكسور ولسان الحال:
عالمغتسل من مددها
ضلوعها معوره لگاها
عاف الغسل حيدر بچاها

لعيونها صد وتحسر
وخد الزچيه صاير احمر
من گلبه صاح الله واكبر

فلما فرغ من غسلها أدرجها في أكفانها أراد أن يعقد الرداء نادى بني حسن بني حسين هلموا وتزودوا من أمكما فاطمه فرموا بأنفسهم على صدر فاطمه يقول مولانا علي (ع) والعيش الذي عاشه رسول الله (ص) فاطمه حنت وأنت وأخرجت يديها من الكفن وأعتنقت الحسنان وأذا بصوت من السماء ياعلي نحي الحسنان عن صدر أمهما فلقد أبكيا ملائكة السماء ولسان الحال:
شبگو عليها شلون هضمه
صاحوا دگعدي بصوت يمه
بلياج كل الدنيا ظلمه

يمه عليها بصوت صاحوا
حسين وحسن عالزهره طاحو
يشمونها عالصدر نامو

بعد ذلك وضعها في نعشها وشيعها ليلا برفقة سلمان وابو ذر والمقداد والثلة الطيبه حسب وصيتها وخفي قبرها وكأني بزينب( ع) لما رات نعش امها محمول لسان حالها يقول:

ردي علي يالعايفه البيت
بعيوني صوب النعش صديت
ردي يبعد الروح ناديت

يالغاليه من شال نعشج
رادت تموت وياج بتج
زينب فلاتحمل فرگتج

ماينحمل لفراگ تدرين
شلتي بسرعه يم الحسين
والغيبه ندري اطول سنين

يامن يرد أمي عليه
وأفرح بجيتها الزچيه
بيت ولد عافت بنيه

……… تمت……………… .

بقلم ام زهراء العامري

نعي +فزاعيه للزهراء(ع)

تنام شلون عيني وفارگيت امي
راحت والضلع من الكسر مدمي
يشيال النعش حط النعش يمي

فزاعيه

ريض بالنعش يالشايله بليل
مكسورة ضلع ياحامي الدخيل
………………………… ..

ريضلي بنعشها لاتشيلون
والكسر بضلعها لاتلچمون
ومن سوط العبد ماظلت متون
(ريضولي… بنعش الشالت)
…………… ..............

نزلي النعش خليني احاچيه
ووصيه عالحنينه النايمه بيه
بالتربان طول امي تخليه
(بهيده وياه… نعش الزهره)
……………………… ..

طول امي الحنينه ينام بتراب
انسه شلون وگعتها ورى الباب
اطب البيتها وادور احباب
(مخليته… البيت ينوح)
……………………… ..

ياريحة محنتها الگضتني
عافتني الاحبنها وتحبني
وياها اريد وماخذتني
(لفرگاها… تصب عيوني)
…………………………

اتمدد اريد بصف لحدها
تنام شلون بالرمله وحدها
للعشرين ماوصلت بعدها
(وياها… اخذوني اتمدد)

………… .تمت……………………

بقلم ام زهراء العامري

https://t.me/zrahaaum

نعي وصية الزهراء لزينب( ع)

دمعتها سالت ويه دمعتي
وبخواني وصتني وبخيتي
ظلمة تظل گالت حجرتي

عليه دموع افراگ تبچين
وبلايا ام زينب تظلين
فراش المرض بيدج تشيلين

بغطاي اخوج حسين غطيه
ومسحي دمع عينه ونوميه
حمل الثچيل انتي تشيليه

اريدج على الفرگه تصبرين
وضمي الدمع لمصيبة حسين
ينذبح بالطف وتضيعين

راسه يشيله النذل بيده
وجدامج ايحز بوريده
اتظلين يايمه وحيده

ندهي علي وياج احضر
واثنينه نگابل المنحر
نلم الجسد عاري موذر

…… .تمت……………………..

بقلم ام زهراء العامري

https://t.me/zrahaaum

ابوذيه + نعي للزهره( ع)

ابوذيه:
فراگ الأم البنيه يلمها
تبچي ومااظن واحد يلمها
التراب خلافها رادت يلمها
ويغطيها مثل عين الزچيه

النعي:
الفراش خالي ومالگيتج
وشميت يمه مكان ايدج
الليل اجه وكلنه نريدج

ثوبج اگبالي واشم عطره
واحطه على گلبي واگدره
واصيح ردي من المگبره
يالرايحه مني بعصره

ابفد وساده وياج نومي
وياريحتج ترست هدومي
من الترب يم حسن گومي

يالرايحه بعصره وگضيتي
ليليه اتاني ومااجيتي
حيلي من الفرگه گضيتي

گلبي بهضم گاضيني الفراگ
ريحة الجنه بيج نشتاگ
اثاري اليتم يم حسن حراگ

…… .تمت…………………….

بقلم ام زهراء العامري

https://t.me/zrahaaum

نعي للعجين

نحلانه امي وباچيه العين
عالحسن نادت خل يجي حسين
گدامنه تعجن عجين
……………… ..

حچيها رحيل وفرگه هاليوم
تعجن عجين بحيل مهدوم
تحط ايدها بالگاع وتگوم
…………………… .

تباوع علي تهمل دمعها
وتزيد ونه من ضلعها
اذاها ظالم من دفعها
……………………

ايست منها وزاد همي
واتموت چنها الوالده امي
خطار هذا اليوم يمي

…… تمت……………………

بقلم ام زهراء العامري

https://t.me/zrahaaum

لطمية للزهراء( ع)

ودعت نعشج ييمه وارجعت
بعيني خالي البيت طولج ماشفت
فارگيتيني انا واختي
گلبي يايمه شلعتي
…………………………… ..

بالنعش شفتج أگبالي مدده
مغمضه عيونج وروحي مهدهده
يمه موتج آلم بيه ماسده
واليفارگ امه گلبه ماهده
بليل ودعتج وگلبي منكسر
فارگيتيني ورحتي للقبر

صحت ردي ومارجعتي
گلبي يايمه شلعتي
………………………

ليه ديري الموت گعديلي اريد
يلحگ اعله الموت والدرب البعيد
يمه لوفتحتي عينج عندي عيد
ماي وتبده بعد ابچي شيفيد
ردي حضنيني على طول الگلب
ليش عفتيني ومشيتي للترب

والله مانشفت دمعتي
گلبي يايمه شلعتي
…………………………

آه يمصباح الفراگ شگد صعب
من بواچي البارحه گاضي الگلب
مالي عين الحجرتج لمن اطب
وماخذينج يمه لحضان الترب
حجرتج ظلمة اصد بعيني
مااريد البيت ردي اخذيني

ماتت بموتج فرحتي
گلبي يايمه شلعتي
……………………… ..

ياحنينه افراگج لحيلي يشل
گضوا روحي اخواني طبوا للنزل
وينها امنه صاحو المدمع يهل
علي ردي ولاتگطعين الوصل
شگد بچينه اعلى النعش يوم الخذاج
كون ميته وهم يزتوني وراج

مني رحتي وماشبعتي
گلبي يايمه شلعتي

……… تمت………………….

بقلم ام زهراء العامري

https://t.me/zrahaaum

🌹ولادة رسول الله محمد(ص)🌹

(( بقلم ام زهراء العامري))

https://t.me/zrahaaum


ياسامعين النظام صلوا على بدر التمام اللهم صلي على البشير النذير والسراج المنير المصطفى الامجد المحمود الاحمد ابي القاسم محمد خاتم الانبياء والمرسلين شفيع يوم الدين يروي ان امنه بنت وهب لما دخلت في شهرها التاسع وبلغت العده التي ارادها الله تعالى لها وليس فيها آثار ولا وجع وكانت منفرده بدارها اذ سمعت ضجة عظيمه وفزعت منها واذا قد نزل عليها طير ابيض و مسح بجناحه على بطنها فأزال ما كانت تجده من الخوف وهي حاملا بالنبي(( محمد صلى الله عليه وآله وسلم)) وبينما هي كذلك اذ دخل عليها نساء طوال تفوح منهن روائح المسك الاذفر و بين ايديهن اكوابا من البلور الابيض وقالوا لها اشربي من هذا لكي يزول عنك ماتجدين فشربت منه امنه(( يا مستمعين النظام صلوا على البدر التمام محمد صلى الله عليه و آله وسلم)) ثم قالت امنه لما شربته اضاء من وجهي نورا ساطع فجعلت اقول من اين دخلت عليه هؤلاء النسوة و كنت قد اغلقت الباب على نفسي وجعلت انظر اليهم فلم اعرفهن ثم قلن ياأمنة
ابشري بسيد الاولين والاخرين(( محمد صلى الله عليه و آله وسلم)) قالت امنه فاخذني الجزع والفزع وانا انظر الى خفقان اجنحة الملائكة وتسبيحها وتقديسها واطيارا مختلفه الالوان حمر المناقير فبينما انا متعجبه من ذلك وما رايت منهم واذا اضاء البيت نورا وهبت رائحة عطره واذا بي وضعت محمد(( افضل الصلا ة والسلام عليك يا حبيب الله محمد محمد وآل محمد صلوات صلوا على محمد))

وعلي ابن ابي طالب صلوات ربي عليه
وفاطمة الزهراء صلوات ربي عليها
والحسن والحسين صلوات ربي عليهم
والتسعة المعصومين صلوات ربي عليهم

(( وصاحب الزمان آللهي عجل فرجه))

…… …………………………

                                🌹بدايه المولود🌹

هلا بيك هلا هلا
يبو الزهره هلا هلا

ميلادك الخير ورحمه للملا
……………… .

بزغ نورك ظهر هلا
ياأحلى من الگمر هلا
يارحمه للبشر هلا

بميلادك اليوم كل همنه انجلى
…………………

حضرنه بمحفله هلا
وهلاهلنه علا هلا
برسول الله هلا هلا

بجيتك گلبنه الفرح بيه انملا
………………

الفرح شنوصفه هلا
هلا بالمصطفى هلا
يمن اسمك شفى هلا

بسمك حفلنه ياهادينه حلا
…………… .

احتفلنه بالفرح هلا
السعد صوته صدح هلا
اليشاركنه ربح هلا

وصوت الهلاهل بالافراح اعتلى
…………… .

نهني عترته هلا
يارحمه جيته هلا
نريد زيارته هلا

يارب قصدنه جميعا سهلا

…………تمت……………… ..

          🌹  بقلم ام زهراء العامري🌹

اسعد الله ايامكم وابهج لياليكم بولادة سيد الكائنات ابي القاسم محمد( ص)

لختام المجلس

الزهره اليوم… بالهادي نعازيها

الغالي انشال نعشه وحيل ماذيها
ظلمة الدار وتنوح اعلى واليها
معصبه الراس والدمعات تبچيها
متوفي النبي واللطمة شديها
لمصابه تسح العين خليها
ونلطم عالصدر نبچي البواچيها

( ماجوره… العازت فاطم)

………… تمت……………….

بقلم ام زهراء العامري

https://t.me/zrahaaum

هوسات للنبي(ص)

من دمعه الزهره الكون يبچي دموم
شايل يارسول الله ورحل هاليوم
ركن الدين لغيابه صبح مهدوم
تودع نعش ابوها والگلب مالوم

( تودع واليها… الزهره بحسره)
…………………………..

ابوي الغالي نعشه لاتبعدونه
مالي حيل فرگه من تدفنونه
خله يبات يمنه اولادي يردونه
ضلمة البيت صار وغمض عيونه

( جده يريده… وحسين يون)
…………………………….

لوعات بدليلي لفرگته وحسره
وباجر نار اشوف وبالصدر عصره
گوم ابلا حميه وابحقد كفره
يولوني ولاچن فاطمه الزهره

( يحرگوها… والباب الگوم)
……………………….

يارحمة الامه وفارج الكل هم
والكون برحيلك اغبر واظلم
البگلبي تعرفه عليك ماينظم
امرادي اريده بحالتي تعلم

( اشكي همومي… يم بابك جيت)

………… تمت………………

بقلم ام زهراء العامري

https://t.me/zrahaaum

لبداية العزاء

انگابلج يافاطمة
اليوم شال الهادي
…………………… .

يافاطمة وگفه اللطم
گلبج الليله منهظم
شال النبي سيد الامم

العرش يبچيه والوحي
ماجوره في فكد النبي
يادمعة عيوني اسچبي

لمصابه نلطم عالصدر
من السما غاب البدر
والفاطمه يعظم الاجر

انوح كلنه مصيبته
ظلمه المدينه الغيبته
وحيدر يصبها دمعته

ماترحم اشكال الفتن
ينحرگ باب ام الحسن
تنعصر باجر بالعلن

يولونها بلايا رحم
العين والخد ينلطم
وضلع الزچيه ينهشم

((يأذوها… عكب الهادي))

………. تمت………………….

بقلم ام زهراء العامري

https://t.me/zrahaaum

اسْتَدِمِ الشُّكْرَ تَدُمْ عَلَيْكَ النِّعْمَةُ
🙏

لكثرة طلباتكم ملالينا العزيزات ديوان( الكفن الاسود) قمنا بأعادة طباعته.
متوفر الآن بمكتبة الزهراء وهناك خدمة توصيل 👇👇👇

07801310890

واسألكم الدعاء

هوسه+ ختام المجلس

نگابلها اعلى ابنها سيدة النسوان
المذبوح والمظلوم والعطشان
يستاهل عراضه وسعن الميدان

( للمذبوح خلنلطم… عراضات)

احسين الذابحينه اعلى الترابات
ذبحه صحبته وكل الشبابات
والعباس مرمي اعلى المسنات
اخيامه حارگيها وعالثرى يبات
زينب والحرم راحن سبيات
خلاف عيونهم طبوا الجلسات

( مچتوفه… طبت زينب)

……… تمت………………… .

بقلم ام زهراء العامري

https://t.me/zrahaaum

هوسات

حال ابن الزچيه حيل هاضمنه
عذب ماي الفرات وماشرب منه
اگبال عيون زينب خيل سحگنه
صاحت من بعيد حسين عوفنه

( كسروها ضلوعه… وصاحت خويه)
……………………………… .

عوف حسين صاحت سحگن بصدري
وكون السيف مونحره يگص نحري
حسين يموت مااريدن بعد عمري
براسه مگابليني والجسد مرمي

( انرافگ ذباحه… شلون ابن امي)
…………………………… .

لحسين الغريب وخيرنه منه
يظل دايم عزائه وهذا ماتمنه
كل دمعة نصبها اهنا يسجلنه
وبالخدمة نريد الزهره تقبلنه

(نبچي اعله مصابه… العوده الزهره)

……… تمت………………… ..

بقلم ام زهراء العامري

https://t.me/zrahaaum

ختام المجلس

صعبه شلون للجلسه… تطبين

وانتي مدلله وربات ابوحسين
وللعباس مگطوعات چفين
الرووس گبال عينج والشياهين
حسين اعلى التراب الراس بردين
والعدوان شفتي گعود صوبين
بلا وليان درب بعيد تمشين
چاوين الدلال مچتفه تمشين

( مچتوفه… يم الظالم)

…… تمت………………… .

بقلم ام زهراء العامري

https://t.me/zrahaaum

هوسات

درب المامشته وي العدو تمشيه
يگص چفها الحبل والظالم يعت بيه
لاوليان عدها ياهو التنخيه
رفعت راسها الراس الاخو تحاچيه

( وين البي غيره… تحشم زينب)
……………………… ..

حنين تريد وياها وتون زينب
يادرب اليسر مايرحم ويتعب
لوناحت متنها بالحبل ينضب
ديوان الشماته صعب ماينطب

( چتال اخوتها… تشوف الظالم)

…… .تمت………………… .

بقلم ام زهراء العامري

https://t.me/zrahaaum

لختام المجلس

للمظلوم يازهره… تونين

واحنا نگابلج وانتي تلطمين
عالمذبوح ويانا تنوحين
للشبان والراحوا محسرين
اهله وصحبته يمه مطاعين
وللعباس مگطوعات چفين
وسهم الصوباه ويلاه بالعين
ولزينب وطبتها الدواوين
باجر بالقيامة انت تشفعين
يشوف الخير كلمن يبچي لحسين

( ادخلينه… گبلج للجنه)

…… تمت………………………

بقلم ام زهراء العامري

https://t.me/zrahaaum

هوسات للحسين( ع)


شلون عيونه تبطل بواچي ونوح
وابن الزهره عالتربان ظل مطروح
السهم بدليله وتارسينه جروح
لحد يوم القيامة انصيح يامذبوح

( اعلى مصابه… للمحشر ونه)
………………………… .

دخيل ام الحسن ونريد وگفتها
ابيوم الحشر تنفع شفاعتها
ماتنسه التحن وتسيل دمعتها
كل عين البچت بقراية شافتها

( النبچيها.. كل دمعه مسجله)

……… .تمت…………………

بقلم ام زهراء العامري

https://t.me/zrahaaum

لختام المجلس

ندك لحسين… يابوحسين ماجور

وليدك ذابحينه بيوم عاشور
غسله الخيل داست فوگ الصدور
وچبده من العطش ويلاه مفطور
اعيونه اعلى الخيم كلساع وادور
نار اعداك شبوها بالخدور
ايتام وحرم ظلن بالبرور

( حيدر حاميها… تحشم زينب)

…… .تمت…………………

بقلم ام زهراء العامري

https://t.me/zrahaaum

لختام المجلس

بيوم حسين… ياحيدر نعازيك

راسه انشال بالطف ونواسيك
والعطشان يومه شگد ياذيك
وابعاشور زينب حشمت بيك
ياكرار انهضلي تناديك
اخيامي بنار حرگتها اعاديك
زينب حالها بالطف يبچيك

( محد عازها… بيوم الشال ابن امها)

…… .تمت…………………

بقلم ام زهراء العامري

https://t.me/zrahaaum

نعي للعاشر
لسان حال مولاتنازينب مع امها( ع)

للطف يالحبيبه تعاي
سوي عباتج للولي فياي
عطشان يمه وماشرب ماي

يم جثته گعدي وندهيه
جرح الگلب بهداي شديه
وعن الشمس والينه غطيه

لاحيل بيه من ذبحته
جدامي وگطعوا رگبته
الشمر يمي داس جثته

حنينه تعرفيني اعلى اخوتي
ذبحوه گبالي وطلع صوتي
ماصح اريد وياه موتي

ميته يريت اليوم وياه
والشمر يمي الراس خلاه
جسمه على تربان بدماه

اريدج بهذا اليوم وياي
تبچين يايمه اعلى مبچاي
حرگوا خيمنه ونمشي حفاي

الليل اجه والگاع هيمه
والنار ماخلتلي خيمه
وين العزه لاخواني اجيمه

……… تمت………………… .

بقلم ام زهراء العامري

https://t.me/zrahaaum

عزاء العاشر

حسين گطعوا منحره
اويلاه يافاطمة
…………………………

اعله الترب سال الدمه
والچبد ذابت بالضمه
والارض تبچي والسما
والدنيا كلها مظلمة
…………………… ..

حسين راسه على الرمح
چم طعنه بيه وچم رمح
ابنج يزهره منذبح
أگلوبنه متألمه
………………… .

جثة حسين مطبره
من چفه طايح خنصره
ريتج يزهره حاضره
عالرمضى غرگان بدمه
………………………

حتى الخيم حرگوها
عظامه العدى سحگوها
وكل الحرم ضربوها
تبچي سكينه مألمة

……… ..تمت……………… .

بقلم ام زهراء العامري

https://t.me/zrahaaum

لختام المجلس

شلون صار وداعها… ويه اخوانها
………………………

حسين وحده ودايره عدوانها
وبالمعاره تنذبح وليانها
تبدلت من الوداع الوانها
حسين راسه يصير بيد اسنانها
والجسد يتعفر بميدانها
تهجم اعله خيامهم جيمانها

(الواليها… تلطم وتنوح)

…… تمت……………

بقلم ام زهراء العامري

https://t.me/zrahaaum

لبدايه العزاء

الوداع الليله… تروح مني اخواني
……………………………

الليله روحي موجله
الوداع بكربله
الدمعه مني هامله

موادع الوالي صعب
ذاب من عندي الگلب
باجر يظل عالترب

عيوني تجري بالدمع
نحره باجر ينگطع
الخيل تسحگ عالضلع

اشوف لوعات الشمر
يدوس باجر عالصدر
يگطع گبالي النحر

يگطع براسه ويصيح
طلعوا اخت الذبيح
تشوف واليها جريح

يعتلي صدر الولي
يشيل راسه ابن الدعي
خل يجي حيدر علي

( اعله اخواني… موجل گلبي)

……… .تمت…………… ..

بقلم ام زهراء العامري

https://t.me/zrahaaum

لنهاية المجلس

عونه يريد يالطم الشبابات
……………………… ..

عالاكبر نجر اليوم ونات
مگابل باللطم ونسيل دمعات
ليله تنوح ويه الهاشميات
وليدي الراح وانا عليه بحسرات
ممدود الشباب اعلى الترابات
موذر جايبينه والولد مات

( حاچيني… يالاكبر يمه)

…… .تمت……………… ..

بقلم تم زهراء العامري

https://t.me/zrahaaum

لبداية عزاء الاكبر( ع)

گابليها بالعزى
الراح من عدها الولد
………………………

نلطم اعلى المصابه
موذر اعلى ترابه
بنص دليله صوابه

تواردوا طبر وطعن
خلي نلطم خل نحن
اليوم عماته بچن

بالخيام امدديه
حسين يبچي ون عليه
العزيز موذريه

انشد لطمنه الذبحته
حسين خلصت صحبته
العدو رايد ذبحته

بكربلا الليله وحيد
ينذبح باجر شهيد
وراسه يهدونه اليزيد

( يذبحونه… باجر عاشور)

…… ..تمت…………… .

بقلم ام زهراء العامري

https://t.me/zrahaaum

لختام المجلس

للعريس خل نلطمله صوبين
……………………… .

رمله گابليها من تحنين
جاسم طاح گلبه صار نصبن
حناته الدمه واهله محزنين
يالطم الشباب ايريد حيلين
عاف هدوم عرسه وغمض العين
نلطم بالعزه ورمله بالونين

( نعازيها… مات العريس)

…… تمت……………… .

بقلم ام زهراء العامري

https://t.me/zrahaaum