ትምህርት ዘመምህር መንክር መዓሾ

#ንስኻ ድኻ ኣይኮንካን!

ሓደ ድኻ ሰብ ናብ ሓደ ገዳም ከይዱ ኣብቲ ገዳም ዝረኸቦ መነኮስ፦ #ኣቦና ንምንታይ ድኻ ኮይነ፧” ኢሉ ሓተቶም። ንሶ ከኣ “እትህቦ ብዙሕ ኣለካ እኮ ግን ኣይፈለጥካዮን፧ ኢሎ ብሕቶ መለስሉ። እቲ ድኻ፦ “ዝህቦ ምንም ነገር የብለይን በሎም። እቶም ኣቦ ውን ከምዚ በልዎ፦ ካብ ማንም ዘይንእስ እትህቦ ብዙሕ ነገር ኣለካ ተመልከት፦

● ገጽካ፦ ይስሕቕ፡ ይሕጎስ፡ ንሕዙናት ፍሸኽታኻ የካፍሎም!

● ልሳንካ፦ ጥዑማት ቃላት ትዛረበሉ፡ ተመስግነሉ፡ ሰባት ተበረትዓሉ፡ ትመኽረሉ፡ ተጸናንዓሉ!

● ልብኻ፦ ንቕንዕና፡ ንሓቂ፡ ንትሕትና ክፉት እዩ፡፡

● ዓይንኻ፦ ንዝተጎሳቐሉን ሸጉራትን ብፍቕርን ቅንዕናን ትምልከት! ብሓዘን ንዝተዋሕጠ ንብዓት ትህብ!

● ኣእዳውካ፦ ንድኹማት ይሕግዛ፡፡

#ተመልከት ነዚ ኵሉ እዚ ክትህብ ካብ ከኣልካ ንስኻ ድኻ ኣይኮንካን!"

"ኣብ'ዚ ዓለም ካብ ዘይብሎም ሰባት ንላዕሊ ዘለዎም ዘይፈለጡ ሰባት ይበዝሑ" እቲ ዘለና እንተ ዘይፈሊጥና እምበኣር ድኻታት ኢና።

መም. መንክር መዓሾ 17/01/2025
✍ ካብ መጽሓፍ ፍትወይ ዝተወሰደ

ቴለግራም ቻነል ቤተሰብ ይኹኑ
👇👇👇👇👇👇👇👇
https://t.me/Dmenkr

✝ እዛ ምሸት………

🌹ጎይታ ስለ ዝተወለደላ ምሸት ቅዱስ ኤፍሬም ከምዚ ይብል………

✝ ‹‹እዛ ምሸት ንጹሕ ዝኾነን ንዓና ንኸንጽሃና ዝመጸ (አምላክ) ዝተገለጸላ ንጽሕቲ ምሸት ኢያ፡፡ ስለዚ ኣእዛና ንጹሕ ይኹን፤ ኣዕይንትና ናብ ንጹሕ ነገር ይመልከቱ፤ ስምዒት ናይ ልብና ቅዱስ ይኹን! ዝርርብና ብኣክብሮ ይምላእ!

✝ እዛ ምሸት ናይ ዕርቂ ምሸት ኢያ፤ ስለዚ ማንም ሰብ ንሓው ተቆጢዑ ከየቀይሞ ይጠንቀቅ!

✝ እዛ ምሸት ንዂሉ ዓለም ሰላም ዝሃበት ምሸት ስለ ዝኾነት ማንም ሰብ ኣይሸበር፡፡

✝ እዛ ምሸት ናይ ጽቡቅ ተግባር ምሸት ስለዝኾነት ማንም ሰብ ክፉእ አይኹን!

✝ እዛ ምሽት ናይ ትሕትና ምሽት ኢያ እሞ ማንም ሰብ ኣይተዓበየላ!

✝ እዛ ምሸት ዕለተ ደስታና ስለ ዝኾነት ንዝበደሉና ኣይንበቀለላ!

✝ ናይ ጽቡቅ ፍቃድ ዕለት ኢያ,ሞ ናይ ጭካኔ ዕለት ኣይንግበራ!

✝ ናይ ጸጥታ ዕለት ኢያ,ሞ ብቁጥዓ እንነደላ ዕለት ኣይንግበራ!

✝ ሎሚ እግዚአብሔር ናብ ኃጥኣን ዝመጻሉ ዕለት ኢዩ፤ ስለዚ ጻድቅ ሰብ ኣብ ልዕሊ ኃጥኣን ኣይዂራዕ!

✝ ሎሚ ብጣዕሚ በዓል ጸጋ ሀብታም ዝኾነ አምላክ ስሌና ድኻ ዝኾነሉ ዕለት ኢዩ፤ ስለዚ ሀብታም ሰብ ንድኻታት ናብ መግቢ ይጸውዓዮም፡፡

✝ ሎሚ ዘይሓተትናዮ ህያብ ዝተቀበልናሉ ዕለት ኢዩ፡፡ ስለዚ ኣእዳዎም ዘርጊሖም እናኣእወዩ ንዝልምኑና ሰባት ናይ ረዲአት ኣእዳውና ንዘርግሕ!

✝ እዛ ሎሚ ዕለት ንጸሎትና ናይ ሰማያት ማዕጾ ከፊታትልና ኢያ እሞ፤ ንሕና ከኣ ይቅሬታ ንዝሓቱና ሰባት ማዕጾና ንኽፈት!

✝ ሎሚ አምላክ ንናይ ሰውነት ማኅተም ኣብ ገዛእ ርእሱ ሓተመ፤ ሰብ ከኣ ንናይ አምላክነት ማኅተም ተጎናጸፈ!

❤️እቲ ኣብ ቤተልሔም ዝተወልደ ኣቦ ትሕትና ኣምላኽ ሎሚ ውን ኣብ ልቢ ኩላትና ይወለድ!!!

✍ መም መንክር መዓሾ 28/04/2016
ምንጪ- ብሂለ ኣበው ካብ ዝብል መጽሓፍ

ቴለግራም ቻነል ቤተ ሰብ ይኹኑ!
👇👇👇👇👇👇👇👇
https://t.me/Dmenkr

ሰላምኩም ብክርስቶስ ይብዛኅ ፍቁራት!

መጽሓፍ "ኣቦታትካ ፍለጥ" ኣብ ዓዲ እንግሊዝ፡ ጀርመን፡ ካምፓላ፡ ኢትዮጵያ ዘለኹም በዚ ኣብ ታሕቲ ዘሎ ኣድራሻ ክትረኽብዋ ይከኣል እዩ።
ዓዲ እንግሊዝ +447309 053653 ሊድያ
ጀርመን= +4917681287822 (ዓወት)
ካምፓላ= +256753051655 (ፍናን)
ኢትዮጵያ= +251925318472 (ዳዊት)

https://www.facebook.com/share/p/g9RZ5JUMP27ZFruK/?mibextid=qi2Omg

👉 ካምፓላ

ንዑ ! ምስቶም መንገዲ ዘጣጥሑልና ንላለ

ሊቁ ቅዱስ ዮሓንስ ኣፈወርቅ ንሓዋርያነ ኣበው( Apostolic Father) ነቲ ንሳቶም ዝሓለፍዎ ሕይወትን ንሳቶም ዝተጋደልዎ ገድልን ክገልጽ እንከሎ ከምዚ ኢሉ ነይሩ
"ተላውያነ ሓዋርያት ንስኻትኩም ከም ሓደ መንገዲ እንዳ ኣለሸ ኣብ ጫካ ክምዝጓዓዝ ኢኹም ፣ ንሕና ግን ብኣኻትኩም ኣብ ዝተጸርገ ኣብ ዝጣጠሐ መንግዲ ከምዝጓዓዝ ኢና" ኢሉ ውዕልቶም ገሊጹ ነየሩ ።

ናይ ኣበው ህይወት ማለት ተግባራዊ ወንጌል ማለት እዩ ( Practical Gospel) ::

ንዑ ምስ ኣበው ንላለ ክንብል እንከለና ፣ ምስቲ ቃል ሓቂ ዝኾነ ናይ ጎይታናን ኣምላኽናን መድኃኒናን ኢየሱስ ክርስቶስ ወንጌል ፣ ንዑ ብተግባር ንርኣዮ ፣ ንመሓሮ፣ ነስተንትኖ ፣ ንንበሮ ኢና ንብል ዘለና ።

እሞ'ኸ ደኣ ናይ ጥንታውያን ኣበው ብሂላት፣ መጽሕፍቲ፣ ድርሳናት ፣ ምጉት፣ ኣስተምህሮ፣ ህይወት፣ ፍልስፍና፣ ስነ ልቦናን ዝሓቖፋ ኣዝየን ኣገደስቲ መጽሓፍቲ ቀሪበናልና ኣለዋ ።

ኣብ 21ክ/ዘ ነዘሎ ወለዶ ምስቶም ክሳብ ሣልሳይ ክፍለ ዘመን ዝነበሩ ኣቦትታ ኣላልያ፣ ኣብታ ናይ ክርስቶስ መርከብ ኣሳፊራ፣ ናይ ዘመናት ርሕቀት ኣቀራሪባ፣ ትማልን ሎምን ኣዋሃሂዳ፣ ኣዕምሮ ኣርቂቃ፣ ሕልና ኣቕጢና፣ መንፈሳውነት ኣበሪኻ ናይ ኣበው ሕይወትን ኣስተምህሮን ብዕምቆት ኣረዲኣ ክርስቶስ ዝመስል ሕይወት ንኽንውንን እትሕግዝ መጽሓፍ እያ ።

[ ጽባሕ ሰንበት ሰዓት 2፥00 ድ/ቅ ኣብ ቡንጋ ሼል ሄራን ካፈ]

ኩላትኩም ዕዱማት ኢኹም ።

ደራስን ተርጓምን ፦ መም. መንክር መዓሾ

ሓፍተይ ንዒ ተመለሲ

ትማሊ ነይርኪ ኢኺ መንፈሳዊት ሰብ
ወትሩ ንኣምላኻ ኣብ ኩሉ ትሓስብ
ናብ ቤት ኣምላኽ እናተመላለስኪ
መንፈሳዊ ጉባኤ ውን ትሳተፊ ኔርኪ

ፍትውቲ ነበርኪ ኣብነት መሓዙትኪ
ብዙሓት ንመንፈሳውነት ክብህጋ ውን ጌርኪ
ኩሉ ኣዘራርባኺ ኣለባብሳኺ ሚዛኑ ዝሓለወ
ብምንባሩ ውን ብዙሓት ጸለወ

ትሕትናኺ ንሰብ ዝነበረኪ ክብሪ
ምስ ጾምን ጸሎትን ውን ዝነበረኪ ፍቅሪ
ስልምቲ ኢኺ ኔርኪ ብውሽጣዊ ጽባቐ
ነዚ ሪኡ ካብ ደቂ ማሕበርኪ እሞ መን ዘየድነቐ

ሕጂ ደኣ ናበይ ኣበለ
ትኹሉ መንፈሳውነት ምሳኺ ዘየለ
ናብ ቤት ኣምላኽ ምኻድ ገዲፍክዮ
ንዓለም መሲልኪ ጽባቀኺ ደዊንክዮ

ከምዚ ዲኺ ንክርስቶስ ተማሂርክዮ
ጀሚርካ ምቁራጽ ንመንፈሳዊ ዕዮ
ሓፍተይ ናተይ ንዒ ተመለሲ ናብቲ ጽባቀኺ
ንዒ ተመለሲ ናብ ቤት ፈጣሪኺ

ዓለም ምስ ፍትወታ ሓላፊ ኢዩ ኩሉ
ፍቃድ ኣምላኽ ምፍጻም ግን ይበልጽ ካብ ኩሉ።

✍️ድያቆን ሳሙኤል 25/06/2024

Share, Follow ኣይትረስዑ
👇👇👇👇👇👇👇👇👇
https://www.facebook.com/fnan.measho.5?mibextid=ZbWKwL

👇👇👇👇👇👇👇
https://t.me/Dmenkr

ሕቶታት ሕተት፣ መልሲ ከኣ ኣናዲ!

👉ሕቶታት _ ኣዝዮም _ክቡራት _ ነገራት _ እዮም _ ምኽንያቱ ንኽትማሃርን ትምህርቲ ንኽትቅጽልን እቶም ዝበለጹ መገዲ ስለ ዝኾኑ። ሕቶ ምሕታት ማለት ኣእሙሮኻ ጠምዩ ኣሎ ማለት እዩ። ከምቲ ኣካላትና ንኽዓቢ መግቢ ዘድልዮ፣ ነቲ ጠምዩ ዘሎ ኣእሙሮኻ፡ መልሲ ምንዳይ ከኣ ኣኣሙሮና ንኽዓቢ ይሕግዘና። ሓቀኛ ፍልጠት፡ ኣእሙሮና ንኽበስልን ንኽዕንብብን መግቢ እዩ።

👉 ሕቶታት ኵሉ ግዜ ኣበራታዕቲ እዮም፡ እንተድኣ ሓቀኛ ፍልጠት ንምርካብ ዝዓለሙ ኮይኖም፣ ንምጽራርን ንኽትዕን ንራእዩለይን ተዘይኮይኖም ማለት እዩ። እንተድኣ ንስኻ ክትሓትት እምበር ክምለሰልካ ዘይትደሊ ዄይንካ፣ ናይ ብሓቒ ቅኑዕ ሓታቲ ኣይኮንካን ማለት ኢዩ። ሕቶ ኣብ ትሓተሉ ግዜ፣ ብዘይ ውልውል፥ “መልሲ ይደሊ ኣለኹ" ከትብል ኣለካ።

👆እቶም መልሲ ክምለሰሎም ዘይደልዩ ከለዉ ስቕ ኢሎም ሕቶ ዝሓቱ፣ ልክዕ ምስቶም ካብ መግቢ ጥምየት ዝመርጹ፡ ዝመሳሰሉ እዮም፡፡ ሕቶ ክንሓትት ከለና፣ ኣምላኽ፣ ከርስቲያንነት ከምኡ ውን ቅዱስ መጽሓፍ ዝብል ኣርእስቲ፣ ኣዝዩ ሰፊሕ ምዃኑ ክርድኣና ኣለዎ፣ ከምኡ ውን ካብቶም መልስታት ኣዝዮም ዝበዝሑ ሕቶታት ከም ዘለዉ ውን ከንእመን ኣለና።

✍️ መንክር መዓሾ 15/06/2024
ምንጪ- መጽሓፍ ግዜ ዘይስዕሮ ሓቂ

ቴለግራም ቻነል ቤተሰብ ይኹኑ!
👇👇👇👇👇👇👇👇
https://t.me/Dmenkr

"ከምቲ ኻብ እኩይ ዝነበረ፡ ንሓዉ ኸኣ ዝቐተለ ቃኤል ኣይንኹን። ስለ ምንታይከ እዩ ዝቐተሎ፧ ግብሩ እኩይ፡ ግብሪ ሓዉ ግና ሰናይ ስለ ዝነበረ እዩ" (1ይ ዮሓ,3፥12)

ሓዘን እንክብሃል ይፋላለ እዩ። ሞት ክበሃል 'ውን ይፋላለ እዩ ።ሞት ዘይተርፍ እኳ እንተኮነ ብሓውካ ተቀቲልካ እንተኮይኑ ግና ምርር ይብል እዩ ።ከመይስ "ነቲ ዝተቀተለ ጥራይ ዘይኮነ ነቲ ብህይወቱ እንከሎ ዝሞተ ዉሉድኻ 'ውን ስለ ትሓዝነሉ።

ኣብ ኣዳምን ሄዋንን ዘጋጠመ ሓዘን ከምዚ እዩ ዝነበረ። ቃኤል ንሓዉ ኣቤል ቀቲልዎ። ነቲ ሓዉ ወዲ ኣዲኡ ወዲ ኣቦኡ ቀቲልዎ። እዞም ኣቦን ኣደን ሓዘኖም መሪር እዩ። ምክንያቱስ " እቲ ብህይወቱ ከሎ ዝሞተ ወዶም እዩ፡ እቲ ንጹሕ ተቀታሊ'ውን ወዶም እዩ።

ቃኤል ንኣቤል ንምንታይ እዩ ዝቀተሎ ኢልና እንተሓቲትና ቅዱስ ዮሓንስ "ግብሩ እኩይ ግብሪ ሓዉ ግና ሰናይ ስለ ዝነበረ" ኢሉ ይምልሰልና። ደጊምና ንንበባ "ግብሩ እኩይ ግብሪ ሓዉ ግና ሰናይ ሰለዝነበረ ንሓዉ ቀተሎ" እዩ ዝብለና ዘሎ።

ሰባት ግብሮም ክፉእ ኮይኑ ሓንሳብ ኣብ ገበን እንተተማራሲሖም ኩሉ ጊዜ እሱራትን ባሮትን እዮም ።ሕልና ፡ሓሳብ ዝበሃል የብሎሙን። እግዚኣብሔር ነቲ ሕልና ቀቲሉ ንሓዉ ዝቀተለ ቃኤል ከምዚ ኢልዎ ኔሩ፦

"ሓውካ ኣቤል ኣበይ ኣሎ ፧ እቲ ዘሕዝን ናይ ቃኤል መልሲ "ኣይፈለጥኩን ኣነ'ዶ ሓላዊ ሓወይ እየ" ዝብል እዩ ዝነበረ ።ቀቲልዎ መጺኡ ከብቅዕ ኣነ 'ዶ ሓላዊ ሓወይ እየ በለ። ሎሚ ኣጋጢሙና ዘሎ ነገር 'ውን እንበኣር "ቃኤላዊ ውድቀት እዩ"። በቲ ሰናይ ግብሪ ናይ ሓውኻ ቀኒእካ ሓውካ ምጥፋእ ማለት እዩ ።ምስ ቀተልካዮ ሓውካ ኣበይ ኣሎ ምስ ተበሃልካ ድማ " ሓወይ ኣይኮነን "ኢልካ ኢኻ ትምልስ። ቃኤል ንእግዚኣብሔር ዝመለሶ መልሲ " ኣይፈልጥን "እዩ ዝነበረ። ካባኻስ ቃኤል የሓይሽ "ከመይስ ንስኻ ኣይፈልጥን ኣነ 'ዶ ሓላዊ ሓወይ እየ ኣይኮንካን ኢልካ። እንታይ ድኣ " ሓወይ ኣይኮነን" ኢልካ ኢኻ ኪሒድካ ።

ቃኤል ነቲ ንጹሕ ሓዉ ስለዝቀተለ ኮብላልን መቅባሕባሕን ኮነ ።ካብዚ ሓሊፉ'ውን ናይ ሓጢኣት መንገዲ ብወለዶ ናይ ቃኤል በርቲዑ ቀጸለ። ኣብ ሻውዓይ ወለዶኡ ድማ "ማይ ኣይሂ ናብ መሬት ክሳብ ዝመጽእ ድማ ንሓጢኣት ምልኣት ሃብዋ "ይብለና። ኣቱም ሰባት ናትና ጉዳይስ "እቲ ዓመጸኛ ነቲ ቅኑዕ እናጥፍአ ይነብር ኣሎ"።ሓጢኣት ድማ ምልኣት እናረኸበት ትኸይድ ኣላ። ብቀደሙስ ካብቶም ኣብ ፍጻሜ ዓለም ዝመጽኡ ሸውዓተ ኣቅርንቲ ሰይጣን ሓደ "ቅትለተ ኣቤል"ሓው ንሓው ምቅታል 'ዶ ኣይኮነን ዝበሃል።

ነስተውዕል " እቲ ንሓዉ ኣቤል "ዝቀተለ " ቃኤል "ኮብላልን መቅባሕባሕን እዩ ዝኾነ ።ናይ ሓጢኣት መራሒ እዩ ዝኾነ። ስለዚ ካብዞም ሎሚ "ንሓዎም ብምቅታል" ቃኤላት ዝኾኑ ኣሕዋትና'ውን ክንጥንቀቅ ይግበኣና እዩ። ከመይስ ቃኤል ዝመስረቶ ኮብላልነት እዩ ኣብ ሻውዓይ ወለዶኡ ንደቂ ሴት ለኪሙ ዝጠፍአ። ሎሚ'ውን እቲ ቃኤል ዝጀመሮ ጥፍኣት ንኩልና ከይልክመና ንጠንቀቅ ።

ቃኤል ንሓዉ ስለምታይ ቀቲልዎ ኢልና እንተ ሓቲትና "ግብሩ ክፉእ ግብሩ ሓዉ ግና ሰናይ ከም ዝኾነ ሪኡ"። ሎሚ እዞም ቀተልቲ ሓዎም ዝኾኑ ቃኤላት ንምንታይ ነቶም " ቅኑዕ ግብሪ ዘለዎም ኣሕዋቶም ቀተልዎም "፧ ንሳቶም ክፉኣት ኣሕዋቶም ድማ ገበርቲ ሰናይ ስለ ዝኾኑ እዮም።

ነዚ ንሪኦ ዘሎና ልቢ ዝሰብር መሪር ሓዘን ንስድራ ቤትን ንኩሉ ብልቡ ዝሓዘነን ጽንዓት የሃብ ። ነዞም ኣብ ንእስነቶም ዝሓለፉ " ኣሕዋትና "ድማ " መንግስተ ሰማያት የሃቦም። ከምቲ ሰናይ ግብሪ ኣቤል ክሳብ ሕጂ ንማሃረሉ ዘሎና ድማ "ሰናይ ግብሩ " ንመጻኢ ወለዶ መምሃሪ ይኹን ።

ኩሉ ጊዜ ኮፍ ኢልና ሓሳብ ንሓሳብ ክንዋሃሃብ ክንጅምር እዩ ዝግባእ። እዚ ክብል ከለኹ ግና "ቃኤል ንሓዉ ከም ፈታዊ እዩ በረኻ ወሲዱ ዝቀተሎ 'ሞ "። እቲ ንዛራረበሉን ሓሳብ ንዋሃሃበሉን ቦታን ጊዜን ኣብ ምምራጽ በላሕቲ ንኹን ።መጽሓፍ ቅዱስ'ውን " ጎራሓት ከም ተመን የዋሃት ከም ርግቢ ንኹን "እዩ ዝብለና ።" ንኣቤል የዋህነቱን ንጽሕናኡን ብሓዉ ኣቅተሎ ።ንዓና 'ውን "ሓውና ከይቀትለና ፡ተመን ኮይኑ ከይነክሰና መታን " ጎራሓት ከም ተመን የዋሃት ከም ርግቢ ንኹን።

✍️ ቀሲስ ኣንገሶም ቀሺ ኣለም

ቴለግራም ቻነል ቤተሰብ ይኹኑ!
👇👇👇👇👇👇👇👇
https://t.me/Dmenkr

https://youtu.be/AEMiwDWLudE?si=F4rgVOjbg9DlmzBD

https://youtu.be/1WWRSYE2Z8w?si=JQLG0gX7YrWXa2is

https://youtu.be/5-5ldBnR0mI?si=tW2Ny9Rc8fjMTtFR

https://youtu.be/1WWRSYE2Z8w?si=e1OH_PQrjB4EsWXh

https://youtu.be/B1ZR9Wxl014?si=194vjL9B9WUblgDL

https://youtu.be/gUzIy_e5BfM?si=Z80uwPZDZGeEHZ1X

https://youtu.be/sYWIpGSO__I?si=c5UClNj74YgAneCH

ብሰፊሑ ምስ ዝነበረ መደባት ክሳዕ ነቕርበልኩም ገለ ትማሊ ኣብ ካብ ዝነበረ 👇👇👇ነዘን መጽሓፍ ብብዝሒ ኮነ ብንጽል እትደልዩ በዚ ቁጽሪ ክትረኽቡና ይከኣል እዩ! +251962247287 or +251925318472