🕋 𝔻𝕀̇ℕ𝕀̇ ℙ𝔸𝕐𝕃𝔸Ş𝕀𝕄𝕃𝔸ℝ 🕋

Telegramın ən gözəl elmi və dini kanalları ilə qarşınızdayıq. Adlarını qeyd etdiyimiz və etmədiyimiz bir çox kanala abunə ola bilərsiniz.

@toplu_admini

Meysəm deyir:

"Bir gecə mövlam Əmirəlmöminin (ə) məni özü ilə Kufədən qırağa apardı. Nəhayət, Cöfə məscidinə çatdıq. Həzrət üzünü qibləyə tutub, dörd rəkət namaz qıldı. Salam və təsbihdən sonra əllərini qaldırıb belə dua etdi:

"İlahi, Səni necə çağırım? Halbuki, sənin xətakar bəndənəm. Və Səni necə çağırmayım? Halbuki, Səni tanıyıram və Sənin aşiqinəm. İlahi! Günaha bulaşmış əl, ümid dolu gözlə Sənə doğru gəlmişəm. Sən bütün nemətlərin sahibi, mən isə xətalarımın əsiriyəm...".

İmam (ə) duanı axıra qədər oxuyub qurtardıqdan sonra səcdəyə getdi və üzünü torpağa qoyub yüz dəfə "əl-əfv" dedi. Daha sonra qalxdı və məsciddən bayıra çıxdı. Mən də onun ardınca gedirdim.

Nəhayət, səhranın ortasına çatdıq. Həzrət mənim qarşımda bir xətt çəkərək dedi: "Meysəm! Mən qayıdana kimi bu xəttdən irəli gəlmə". Həzrət (ə) özü tək getdi və qaranlıqda gözümdən itdi.

Bir azdan məni narahatlıq bürüdü. Özümü qınadım ki, nə üçün ağamı bu qədər düşmən arasında tənha buraxdım? Ona bir hadisə üz versə, Allaha və Onun Peyğəmbərinə (s) nə cavab verəcəksən? Allaha and olsun! Onun sözündən çıxmış olsam da ardınca gedəcəm ki, ondan bir xəbər tutum.

Onu axtararaq bir quyunun başında gördüm. Əmirəlmöminin (ə) başını bədəninin yarısına qədər quyuya salıb, dərdini ona danışırdı. Mənim gəldiyimi hiss edən kimi soruşdu: "Kimsən?"

Dedim: "Meysəm".

İmam (ə) buyurdu: "Sənə əmr etməmişdim ki, xətdən irəli keçməyəsən?"

Dedim: "Ey mənim mövlam! Düşmənlərinin sənə qarşı təhlükəsindən qorxdum. Ona görə də ürəyim dözmədi".

İmam (ə) sonra soruşdu: "Nə dediyimi eşitdinmi?"

Dedim: "Xeyir, ey mənim mövlam".

Həzrət mənə xitab edərək bu şeri oxudu:

"Sinəmdə elə sirlərim vardır ki, məni sıxdıqda əlimlə yeri yarıram və sirlərimi ora qoyuram. Bəs hər vaxt yer bir şey bitirsə, mənim əkdiyim toxumlardandır".

📓Biharul-ənvar, cild 40, səh 199


✾࿐༅🍃🦋🕋🦋🍃༅࿐✾‌‌‌‌‎


@dini_paylas

- Emil Dadaşov

Dünya gözəldi ilişib qalmamalısan burda sənin hədəfin bura deyil.

✾࿐༅🍃🦋🕋🦋🍃༅࿐✾‌‌‌‌‎


@dini_paylas

🏴 ﷽ 🏴

السَّلَامُ عَلَيْكِ أَيَّتُهَا الصِّدِّيقَةُ الشَّهِيدَةُ، السَّلَامُ عَلَيْكِ أَيَّتُهَا الرَّضِيَّةُ الْمَرْضِيَّةُ،  لَعَنَ اللهُ مَانِعَكِ إِرْثَكِ، وَ دَافِعَكِ عَنْ حَقِّكِ، وَ الرَّادَّ عَلَيْكِ قَوْلَكِ، لَعَنَ اللهُ أَشْيَاعَهُمْ وَ أَتْبَاعَهُمْ، وَ أَلْحَقَهُمْ بِدَرْكِ الْجَحِيمِ.

Salam olsun sənə, ey doğru danışan və ey şəhid olmuş xanım! Salam olsun sənə, ey Allahdan razı olan və Allahın razı qaldığı xanım! Allah irsinə mane olanlara, haqqını əlindən alanlara və sözünü qəbul etməyənlərə lənət etsin! Allah onların tərəfdarlarına da, ardıcıllarına da lənət etsin və onları cəhənnəmin dərinliklərinə atsın!


@dini_paylas

﷽

Əlinin məzlumiyyəti

يا عَمّار! لَمّا وَضَعْتُ فاطِمةَ عَلَى اَلْمُغْتَسَلِ، نَظَرتُ إلیٰ ضِلْعٍ مِنْ أضْلاعِها مَكْسورًا و َمَا يَقْرَعُ قَلْبِي يا عَمّار أنَّها كانَتْ تُخْفي ذَلِكَ عَنّي مَخافَةَ أنْ تَنَغَّصَ عَلَيّ‌ََ عَيْشِي

"Ey Əmmar! Elə ki Fatiməni qüsl verəcəyim yerə qoydum, gördüm ki, qabırğalarından biri sınıb. Əmmar, mənim qəlbimi yandıran odur ki, o, bunu məndən məni üzməmək və həyatımı kədərə boğmamaq üçün gizlədib.

📓Seyid İbn Tavus, "Turəf", səh.364


@dini_paylas

Bu səbəbdən də 2 tarix arasındakı günlər "Fatimə (s.ə) günləri" kimi qeyd edilir. Bu 20 gündə ümmət qəflətdən ayılmalı, gündəlik qaçaqaçlarını durdurmalı, özünə qayıtmalı, öz vücudi sualları barədə, haradan gəldiyi, harada olduğu, haraya gedəcəyi barədə qayğılanmalıdır. Bəlkə də Əyyamın 20 gün çəkməsinin hikmətlərindən biri də məhz bununla bağlıdır ki, insanın təfəkkürü, özünəqayıdışı üçün məhərrəm-səfər dönəmindən, Ramazan ayından əlavə, daha bir zaman fasiləsinin mövcudluğunun zərurəti vardır. Elə isə bu Əyyamı layiqincə keçirək, əziz anamız Həzrət Zəhranın (s.ə) müsibətini anaraq, daxilimizdə olan mənfiliklərdən can qurtarmağa çalışaq.


@dini_paylas

🏴 ﷽ 🏴

"Əyyami-Fatimə (s.ə)"
-"Fatimə (s.ə) günləri" deməkdir. Bu dönəm, təqribən 20 günü əhatə edir. Hicri-qəməri təqvimi ilə cəmadüəl-əvvəl ayının 13-dən cəmadüəs-sani ayının 3-dək davam edir. Bu zaman fasiləsinin mövcudluğu - Həzrət Fatimənin (s.ə) məzlumiyyətinin ən bariz nümunələrindəndir. Belə ki, Xanımın (s.ə) şəhadəti tarixinin 2 ehtimalı olması ilə əlaqədardır. Görün ümmət nə halda idi ki, Peyğəmbərin (s) gözünün işığının, İmamlar (ə) anasının müsibətli vəfatı ilə bağlı dəqiq tarixi saxlamayıb, yaşatmayıb. Nəticədə ümmət 2 tarixə istinad edir.

❁ ﷽ ❁

Hәzrәt Pеyğәmbәr (s):

«Hәr kim Аllаhın dini hаqdа tәfәkkür еtsә, Аllаh qәm-qüssә vә nаrаhаtlığı оndаn uzаq еdәr. Оnun ruzisini gümаn еdilmәyәn yеrdәn yеtirәr».

📓 «Mәhәccәtul-bәyzа», c.1, sәh.15

✾࿐༅🍃🦋🕋🦋🍃༅࿐✾‌‌‌‌‎

@dini_paylas

❁ ﷽ ❁

Həzrət İmam Əli (ə) buyurub:

Allah-taalanın səni pis aqibətdən qorumasını istəyirsənsə, bil ki, sənə yetişən hər xeyir Allahın lütfündən və uğurundandır. Sənə yetişən hər pisliyə görə isə (bil ki,) Allah sənə möhlət və fürsət vermişdir. Onun sənə qarşı olan səbr və güzəştindən qorx.

📓Biharul-ənvar, cild 70, səh 392, hədis 60.

✾࿐༅🍃🦋🕋🦋🍃༅࿐✾‌‌‌‌‎

@dini_paylas

❁ ﷽ ❁

Allahı inkar edən bir kişi İmam Rzaya (ə) dedi:

Hər bir şey ki, duyğu üzvlərilə qavranılmır, deməli, o yoxdur. İmam Rza (ə) buyurdu:
“Vay olsun sənə! Hiss üzvlərin Onu (Allahı) dərk etməkdə aciz qalarkən Onun Rəbb olmağınımı inkar etdin?! Biz isə hiss üzvlərimiz Onu dərk etməkdə aciz qalarkən anladıq ki, O, bizim Rəbbimizdir.”

📓ət-Tovhid Şeyx Saduq səh 251, hədis 3

✾࿐༅🍃🦋🕋🦋🍃༅࿐✾‌‌‌‌‎


@dini_paylas

Ənə bila Ənə

Mənsiz mən, mən olmadan mən deməkdir. Buna ariflər Nəhnu bila nəhnu (Bizsiz biz) də deyiblər. Yəni insan öz varlığından keçərək, xeyirləri, saleh əməlləri özündən bilməməyə, Rəbbindən bilməyə başlayır. Günah edərsə, öz nəfsindən bilməli, yaxşı əməl edərsə Allahın lütfü bilməlidir. Əsla "Mən etdim" "Mən sevdim" deməməlidir. Deməməlidir ki, Allah bu yaxşılığı etdirdi, bu sevgini Allah qəlbimə saldı.

Şairin dediyi kimi:

Sən çıxanda aradan,
Qalır səni Yaradan.

❁ ﷽ ❁

İbrətamiz hekayə.

Əhməd ibn Məhəmməd ibn Əbu Nəsr Bəzənti öz əsrinin alimlərindən biri idi. O, İmam Rza (ə.s) ilə çoxlu
məktublaşmalardan sonra Həzrət İmam Rzanın (ə.s ) imamətinə iman gətirdi. Bir gün İmam Rzaya (ə.s) dedi: “Əgər maneəsi olmasa və mənim gəlib-getməyim hökumət orqanları tərəfindən çətinlik yaratmazsa sizə gəlib elminizdən bəhrələnmək istəyirəm". Bir gün qürub çağı İmam Rza (ə.s ) öz şəxsi miniyini Bəzənti üçün göndərib onu öz evinə gətirdi. Gecənin yarısı elmi sual-cavabla keçdi. O, dalbadal özü üçün çətin olan sualları verir və İmam (ə.s) da onları cavablandırırdı. Bəzənti ona nəsib olan bu mövqeyə görə fəxr edir və sevincindən yerə-göyə sığmırdı. Yatmaq vaxtı gəlib çatdı. İmam (ə.s ) öz xidmətçisini çağırdı və ona dedi: “Mənim şəxsi yatağımı gətir və Bəzənti üçün sər, qoy istirahət etsin". İmamın (ə.s) Bəzəntiyə göstərdiyi bu xüsusi məhəbbət ona çox təsir etdi. Xəyal quşu uçmağa başladı. Ürəyində öz-özünə dedi: “İndi dünyada məndən də xoşbəxt və bəxtəvər bir kəs yoxdur. Bu mənəm ki, İmam (ə.s) öz şəxsi miniyini mənim üçün göndərdi və onunla məni öz evinə gətirdi. Bu mənəm ki, İmam (ə.s) gecənin yarısına kimi mənimlə tək, oturdu və suallarıma cavab verdi. Bütün bunlardan əlavə bu mənəm ki, yatmaq vaxtı çatdıqda Imam (ə.s) öz şəxsi yatağını mənim üçün sərmələrini əmr etdi. Elə isə dünyada kim məndən daha xoşbəxt ola bilər?" Bəzənti bu xəyallara elə qərq olmuşdu ki, dünyanı və dünyada olanları ayaqları altında görürdü. Qəfildən İmam Rza (ə.s) əlini yerə qoyaraq qalxıb getmək istədiyi zaman Bəzəntiyə "Ey Əhməd!” deyə xitab etdi və onun xəyallarını yarıda qoydu. O, buyurdu:
- “Heç vaxt, bu gecə baş verənləri özün üçün fəxr və qalarından üstünlük meyarı qərar vermə. Çünki Əli ibn Əbu Talibin (ə.s) böyük səhabələrindən olan Səsəə ibn Suhan bir gün xəstələnir. Həzrət Əli (ə.s) ona baş çəkməyə gedir və ona çoxlu məhəbbət göstərir. Əlini mehribanlıqla Səsəənin alnina qoyur. Lakin yerindən qalxıb getmək istədikdə ona xitab edib buyurur: “Bunları özün üçün fəxr və üstünlük bilmə. Bunlar sənin üçün heç bir şeyə dəlalət etməz. Mən bütün bunları boynumda vəzifə olduğu üçün etdim. Heç kəs bu cür şeyləri öz kamilliyinə dəlil bilməsin.”

📓Biharul-ənvar, cild 12, səh 14.

✾࿐༅🍃🦋🕋🦋🍃༅࿐✾‌‌‌‌‎


@dini_paylas

İmam Sadiq (ə.s) səhabələri ilə birlikdə qohumlardan birinin evinə başsağlığı verməyə gedirdi. Yolda İmam Sadiqin (ə.s) ayaqqabısının bağı qırıldı və ayaqqabısı ayağında durmadı. İmam Sadiq (ə.s) ayaqqabını əlinə aldı və ayaqyalın yola düşdü. O Həzrətin (ə.s) böyük səhabələrindən biri olan İbn Əbu Yəfur dərhal ayaqqabısını ayağından çıxarıb onun bağını açdı. Bağı İmama (ə.s) tərəf uzatdı ki, İmam (ə.s) o bağı alsın və ayaqqabı ilə getsin.
İmam (ə.s) narahat halda üzünü ondan çevirdi və bəndi qəbul etmədi.
Buyurdu:
-“Əgər kiməsə bir çətinlik üz verərsə o özü bu çətinliyə dözməyə hamıdan daha layiqdir. Birinə hadisə üz versə başqasının onun yerinə əziyyətə düşməsinin heç bir mənası yoxdur".

📓Biharul-ənvar, cild 11, səh. 117

✾࿐༅🍃🦋🕋🦋🍃༅࿐✾‌‎

@dini_paylas

❁ ﷽ ❁

İmam Hadi (ə.s) buyurur ki, Həzrəti Nuh (ə.s) İblisə dedi:
- Danış.
İblis dedi:
Adəm övladını paxıl, həris, həsəd, zalım və tələskən halda gördüyüm zaman sürətlə onu ələ keçirirəm, əgər bütün bu sifətlər onda olsa, bizdəndir, onu özümüz kimi üsyankar şeytan aldandırırıq.

📓Biharul-ənvar, cild-11, səh-288, hədis-10

✾࿐༅🍃🦋🕋🦋🍃༅࿐✾‌‎

@dini_paylas

❁ ﷽ ❁

Niyə namazda özümüzə salam göndəririk?

İbadətlərin bir çoxunun, o cümlədən namazın öhdəsində olan vəzifələri vardır ki, onların səbəbləri bizə açıqlanmamışdır. Biz onları Allah Təala tərəfindən əmr olunduğu üçün yerinə yetiririk.

Hədislərimizə əsasən namazın sonunda verilən salamlar namazın təhlilidir. İmam Sadiqdən (ə) gələn hədisdə deyilir ki, namazın təhrimləri (yəni, qadağa edilənləri) dedikdə məqsəd odur ki, təkbir deyildikdən sonra namazın əksinə olan işlər yerinə yetirlməsin.
Namazın təhlili dedikdə məqsəd odur ki, namazın təslim və axırıncı salamlarını verəndən sonra namazın əksinə olan işləri yerinə yetirmək caizdir. O cümlədən danışmaq. (İslami saytlara istinadən)
Bəzi hədislərdə isə oxuyuruq ki, namazın sonunda verilən salamlar dünya və axirət bəlalarından amanda olmaq vasitələridir. İmam Sadiq (ə) bu haqda buyurur: “Hər bir namazın sonunda verilən salamlar – əmin-amanlıqdır. Yəni, hər kim İlahi əmri və Peyğəmbərin (s) sünnətini Allah qarşısında müti və təvazökar halda yerinə yetirərsə, onun üçün dünya bəlasından pənah yeri və əmin məqam olar. Axirətdə İlahi əzaba görə bəraət və xilas olmaq olar”.
Salam özü – Rəhim və Rəhman olan Allah tərəfindən deyilən sözdür. Ona görə də hər kəsə, eləcə də özümüzə salam vermək rəhmət və bərəkətin nazil olmasına səbəb olar. İmam Sadiqdən (ə) gələn hədisdə oxuyuruq: “Nə zaman evinə daxil olsan, de: “Bismilləh və Billəh”. Sonra ev əhlinə salam ver və əgər evdə kimsə olmasa, de:

بسم الله و سلامٌ علي رسول
الله و علي اهل بيته و السلام علينا و علي عباد الصالحين

"Bismilləh və səlamun alə Rasulilləh və alə Əhli-Beytihi vəs-səlamu aleynə və alə ibədis-salihin".

Nə zaman bu kəlmələri desən, şeytan sizin evdən qaçar”.
Beləliklə deyə bilərik ki, namazda özümüzə salam vermək – İlahi rəhmət və bərəkətə səbəb olar və bizi dünya və axirət bəlalarından qoruyan vasitə olar. Bundan əlavə, salam Allah tərəfindən deyilən söz olduğu üçün onu hər kəsə, eləcə də özümüzə vermək bizə bərəkətlər nazil edər və salehlərin zümrəsinə qoşulmağımıza yardım edər.
Bizim yadımıza salar ki, Allaha məhz saleh bəndə olmaq üçün ibadət edirik.

Sibtayn.az

✾࿐༅🍃🦋🕋🦋🍃༅࿐✾‌‌‌‌‎


@dini_paylas

❁ ﷽ ❁

İmam Baqir (ə) buyurub:

"Hər kim öz içində Allahın (c) hökm etdiyi hər hansı bir şeyə dair narahatlıq (narazılıq və ya qüsur) hiss etsə, küfrə düşmüşdür və hər kim Onun gördüyü işlərdən nəyisə inkar etsə, (Onu) danmışdır (Ona iman gətirməmişdir)!"

📓Ət-Tovhid, bab 61, hədis 13.


✾࿐༅🍃🦋🕋🦋🍃༅࿐✾‌‌‌‌‎

@dini_paylas