Дастан Құрманбаев のテレグラム投稿

Мықты болмасаң да, мықтылардың көзін көру, мықтылармен бірге болу өте маңызды.

Қателік табу, сөгу, жазалауды, билік берсең, бәрі де істей алады. Бірақ үйрету, тәрбиелеу бәрінің қолынан келе бермейді. Ақылды, дана басшы деп, міне, соларды айтады!

Уағыз — айтушының рухани хәлінің тыңдаушыға көшуі.

Рамазан әл-Бутый

📚 Һәкәзә фәлнадғу иләл Исләм

Бұл жерде уағызшының тақуа, рухани бай адам болуының маңызды екені меңзеледі‼️

«Ораза, намаз тоқтықта» ғана ма? Қазіргі таңертеңнен кешке дейін жұмысқа байланған, бала-шағаны асыраудың қамымен күйбең тіршілікке салынған заманда ауыз бекітіп ғана тақуалыққа жету мүмкін бе? Неге кейбір ораза ұстағандардың тапқаны тек ашығу мен шөлдеу ғана болады? Пітір садақасы жыл сайын қоғамда неге көп талқыланады?

#рамазан2025 #ораза2025 #дастанимам #оразақызылорда #ақмешітқызылорда

https://syrboyi.kz/suhbat/dastan-qurmanbaev-qyzylorda-oblysynyng-bas-imamy-ramazan-ajynyng-maqsat-muraty-oryndalghanda-izgi-qogham-qalyptasady-190850/

Бәрі күнәхар немесе бәрі тақуа болып кетсе не болады?

https://www.instagram.com/reel/DGZ1a2ONOk7/?igsh=ZW1kOTUxbWJ0MDY2

Ғайбат тек сөзбен ғана емес. Имам әл-Ғазали айтпақшы іс-әрекетпен де ғайбат жасалады. Мұқату, кекету, соның бір қылықтарын мазақ етіп пародия салу – бұл да іспен жасалатын ғайбаттың бір түрі.

#ойда_жүрсін

“Әй, адам баласы, сен басқаларға берсең, Мен саған берем”, “Адам баласы, сен өзгені кешірсең, Мен сені кешірем”, “Сен құлдарыма мейірімді болсаң, Мен де саған мейірімді боламын” деген және т.с.с. мағынада бірталай құдси хадис бар…

Кейде қарап отырып “Біз адам баласы, шынында да неткен залым, неткен надан едік?!” деп ойлайсың. (Құранда адамзатты осылай сипаттайды)

Біреуге бір тиын бермейміз, бірақ Құдайдан күндіз-түні “бер” деп сұраймыз…

Ешкімді кешіргіміз келмейді, жай ғана жол үстінде басты жолда келе жатқанымызды көрмей қалып, жол бермей өтіп кеткен бір байғұсқа түсіністікпен, кешіріммен қарамақ түгіл, аузымыздан ақ ит кіріп, көк ит шығып жатады. Кейде қуып жетіп жұдырықтың астына алып, сол пендені өзіміз жаратқандай, әлгі заңды өзіміз шығарып, белгісін өзіміз орнатқандай жазалап жатамыз. Сөйтіп алып, Құдайдан үлкен-үлкен күнәларымызды кешіруін күтеміз…

Мейірімді қойшы, аяуды, қарапайым жаны ашуды білмейміз. Шетімізден тасбауыр, безбүйрек болып алып “Егер Құдай мейірімді болса, неге өйтеді… неге бүйтеді?” деп Құдайдың Өзін күндейміз…

Осындайда Әбу Хазим әулиенің “Сендер жаңбыр жаумай жатқанына таң қалып жатсыңдар ма? Мен жаңбыр емес, төбелеріңнен тас жаумай жатқанына таң қалып отырмын” деген сөзі еріксіз есіңе түседі екен.

(Күнә, зұлымдық атаулы көбейгенде Құдайдың жазасы жаңбырдың жаумай қалуымен көрінеді. Бірақ әулие “сендер ол кезеңнен өтіп кеттіңдер, енді тек тас жауу қалып тұр” деп отыр ғой)

Құдайдан көп кешірім тілеп, бір-бірімізге мейірімді болайық. Сонда ақырзаман да алыстайды!

Адамды сүй, Алланың хикметін сез,
Не қызық бар өмірде онан басқа?! (Абай)

Дулат Исабековпен байланысты естеліктер бар. Ескі дәптерімді тауып алайын.

Дулат Исабековтың прозасын оқымағам. Оның пьесалары драматургияға қатты қызықтырды.

Нұржан Төлендиевті атақты Тука еткен де осы жазушының «Ескерткіш» деген комедиясы (пьеса) еді.

Жазушы, драматург Дулат Исабеков атамыз да өмірден өтіпті. Жаны жәннатта болсын!

Бақытсызбын деуші болма, жігітім,
Жастығыңның өзі бақыт емес пе?!
…
Жарлымын ғой деуші болма, жігітім,
Жастығыңның өзі байлық емес пе?!

Қадыр Мырза Әли