BESQARAGAI AQPARAT

⚡️Антарктиданың шыңын бағындырған жерлесіміз

Бесқарағайлықтардың рухын көтерген сүйінші жаңалық! Жерлесіміз Жамиля Баширова әлемнің ең қатал әрі суық континенті – Антарктиданың ең биік нүктесі Винсон массивін бағындырды. Бұл тек оның жеке жетістігі ғана емес, қазақстандық альпинизмнің халықаралық деңгейде танылуына қосылған үлкен үлес.

Жамиля Баширова – еліміздің мақтанышы, өзінің мықты ерік-жігерімен әлемнің көптеген биік шыңдарын бағындырған тәжірибелі альпинист. Алайда Винсон массивінің ерекшелігі – оның қатал климаттық жағдайларында. Мұнда ауа температурасы -30 градустан төмен, екпінді жел тоқтаусыз соғып, қардың қалыңдығы бірнеше метрге жетеді. Мұндай жағдайда шыңға көтерілу нағыз ерлік пен төзімділікті талап етеді.

Жамиляның бұл жетістігі Бесқарағай ауданында ғана емес, бүкіл Қазақстанда спортқа, әсіресе, альпинизмге қызығушылық тудыруы мүмкін. Оның ерлігі жастарға шабыт беріп, шыңдарды бағындыруға ынталандыратыны сөзсіз.

Аудан басшылығы мен тұрғындары Жамиля Башированы шын жүректен құттықтай отырып, оған жаңа жетістіктер мен биік белестер тілейді. Бұл жеңіс – Бесқарағайдың, жалпы қазақстандық рухтың биіктігінің белгісі!

Бесқарағай ауданы әкімінің баспасөз қызметі.

@besqaragaiaqparat

⚡️Бесқарағай ауданының еріктілер тобы "Таза Қазақстан" бағдарламасын қолдауда

Бүгін Бесқарағай ауылдық округінде аудан еріктілері "Тағзым мұраға" акциясын өткізді.

Акция аясында аудан орталығындағы "Батырлар аллеясы" алаңы толығымен қардан тазартылды.

@besqaragaiaqparat

"Көктемгі мерзімді әскери қызметке шақыру маусымына дайындықты күшейту қажет" – Нұрбек Қошқарбаев

Бүгін Бесқарағай ауданының әкімі Нұрбек Қошқарбаев аудандық қорғаныс істері жөніндегі бөлімнің жұмысымен танысты. Сапар барысында әкім бөлім қызметкерлерімен кездесіп, жұмыс барысы бойынша ақпарат алып, ғимаратқа ағымдағы жөндеу жұмыстарын жүргізу мәселесін қарады. Аудан әкімі сметалық құжаттаманы әзірлеуді тапсырды.

Сонымен қатар, аудан басшысы көктемгі мерзімді әскери қызметке шақыру маусымында белгіленген жоспарды орындап, түсіндірме жұмыстарын жүргізуді тапсырды. Бұл қадам ауданымыздағы әскери қызметке шақыру науқанын тиімді әрі жоғары деңгейде өткізуге бағытталған.

Бесқарағай ауданы әкімінің баспасөз қызметі.

@besqaragaiaqparat

✊Бесқарағай ауданы: Аудандық полиция бөлімінің жұмысымен танысу

Бесқарағай ауданының әкімі Нұрбек Қошқарбаев бүгін жұмыс кестесіне сәйкес аудандық полиция бөлімінде болды. Сапар барысында әкім полиция бөлімінің қызметімен танысып, бөлім қызметкерлерімен кездесіп, олардың жұмысын бағалады.

Әкім полиция бөлімінің жұмысын тиімді ұйымдастыру, кадр мәселесін шешу және қызмет сапасын арттыру бойынша бірқатар тапсырмалар берді. Бұл қадам ауданның қоғамдық қауіпсіздігін қамтамасыз етуге және құқық қорғау органдарының тиімді жұмысын қамтамасыз етуге бағытталған.

Әкімнің бұл сапары полиция қызметкерлерінің жұмысын қолдап, аудан тұрғындарына құқықтық тәртіп пен қауіпсіздік саласында қосымша көмек көрсету мақсатында жүзеге асырылып отыр.

Бесқарағай ауданы әкімінің баспасөз қызметі.

@besqaragaiaqparat

⚡️Таза Қазақстан: қар тазалау қарқынды

«Таза Қазақстан» республикалық акциясы ауданымызда қарқынды түрде жалғасуда. Қаңтардың қытымыр аязы мен жауған қарына қарамастан, әр ауылда тазалық жұмыстары белсенді жүргізілуде.

Бүгін, демалыс күніне қарамастан, аудан тұрғындары жоғары белсенділік танытты. Бесқарағай ауылындағы Батырлар алаңы мен жәрмеңке алаңы қардан толықтай тазартылды. Сонымен қатар, Қарағайлы және Ерназар ауылдарында ауылішілік жолдар қардан тазартылып, тұрғындардың жүріп-тұруына қолайлы жағдай жасалуда. Қазіргі уақытта аудан бойынша барлық елді мекендерге жолдар ашық.

Бұл жұмыстар «Таза Қазақстан» акциясы аясында тұрғындардың бірлескен күш-жігерімен жүзеге асырылуда.

Бесқарағай ауданы әкімінің баспасөз қызметі.

@besqaragaiaqparat

⏺Тәрбие, білім және қауіпсіздік: Абай облысында әр балаға қолайлы жағдай жасалады

t.me/abaiaqparatkz

Құрметті жерлестер!

Ауа-райының қолайсыздығына байланысты "Айша" сүт және шұжық өнімдері бүгінгі жәрмеңкеге қатыспайтынын хабарлаймыз.

@besqaragaiaqparat

⚡️2025 жылы қазақ халқының ұлы ақыны, ойшылы және ағартушысы Абай Құнанбаевтың туғанына 180 жыл толып отыр. Осыған орай, «Абай облысының Бесқарағай ауданының тілдерді оқыту орталығы» КММ ұлы тұлғаның рухани мұрасын насихаттау мақсатында арнайы челлендж ұйымдастырды. Бұл челлендж тек қазақ тілін үйрену ғана емес, Абайдың шығармалары арқылы ұлттық құндылықтарды дәріптеуге бағытталған.
Абайдың: «Өзіңе сен, өзіңді алып шығар, еңбегің мен ақылың екі жақтап» деген өсиеті бүгінгі тіл үйренушілерге де арналып тұрғандай. Білімге ұмтылған әр азамат ұлы Абайдан шабыт алып, өз мақсаттарына жете алады.

Баршаңызды челленджге қатысып, Абай мұрасын дәріптеуге шақырамыз! Ұлы ақынның шығармаларын бірге оқып, рухани жаңғырудың жаңа қадамдарын жасайық

@besqaragaiaqparat

✊Аудан әкімдігінде 2024 жылдың қорытындылары және 2025 жылға арналған жоспарлар талқыланды

Бүгін аудан әкімдігінде ауданның әлеуметтік-экономикалық дамуына қатысты бірқатар маңызды мәселелер талқыланды. Әкімдік отырысында ауданның 2024 жылғы әлеуметтік-экономикалық даму қорытындылары және бюджет қаражатының игерілу барысы, 2025 жылы пайдаланылмайтын және ұтымсыз пайдаланылатын жерлерді анықтау жөніндегі жоспар, автомобиль жолдарын қысқы күтіп ұстау барысы, Бесқарағай ауданы бойынша жалға берілетін тұрғын үйдің жағдайы туралы толық есеп, Бесқарағай ауданының аумағында қысқы спорт түрлерін дамыту барысы және тағы да басқа мәселелері қаралды.

1. Ауданның әлеуметтік-экономикалық даму қорытындылары және бюджеттің игерілуі

Отырыс барысында ауданның 2024 жылғы әлеуметтік-экономикалық даму қорытындылары жан-жақты талқыланып, жетістіктер мен кемшіліктер сарапталды. Бюджет қаражатының игерілу барысына ерекше назар аударылып, қаржыны тиімді пайдалану, бюджет қаражатын мақсатты жұмсау туралы мәселелер қаралды. Қаржының игерілу қарқынын арттыру, бағдарламаларды уақытылы орындау, тиімді жобаларды жүзеге асыру қажеттігі атап өтілді.

2. 2025 жылы
пайдаланылмайтын және ұтымсыз пайдаланылатын жерлерді анықтау жөніндегі жоспар тыңдалып, бұл мәселенің маңыздылығы атап өтілді. Жер ресурстарын тиімді пайдалану, ауылшаруашылық жерлерін игеру, жердің сапасын арттыру бойынша жұмыстарды жандандыру қажеттілігі айтылды. Жерді тиімді пайдалану бойынша нақты шаралар қабылдау туралы шешім қабылданды.

3. Автомобиль
жолдарын қысқы күтіп ұстау барысы туралы ақпарат тыңдалып, қысқы кезеңде жолдарды қардан тазарту, көктайғаққа қарсы шаралар қолдану бойынша қажеттіліктер талқыланды. Жолдардың қауіпсіздігін қамтамасыз ету, жол апатының алдын алу бойынша нақты тапсырмалар берілді.

4. Бесқарағай ауданы
бойынша жалға берілетін тұрғын үйдің жағдайы туралы толық есеп тыңдалып, тұрғын үйлердің техникалық жағдайы, санитарлық талаптарға сай болуы, құжаттарының толық болуы қадағаланды. Тұрғын үйлердің жағдайын жақсарту, тұрғындарды сапалы тұрғын үймен қамтамасыз ету бойынша шаралар қарастырылды.

5. Бесқарағай
ауданының аумағында қысқы спорт түрлерін дамыту барысы талқыланып, спорттық нысандарды жаңарту, жастарды қысқы спорт түрлеріне баулу, жарыстар өткізу бойынша ұсыныстар тыңдалды. Спорттық инфрақұрылымды дамыту, қысқы спорт түрлерін насихаттау бойынша шаралар қабылдау қажеттігі атап өтілді.

Барлық қарастырылған мәселелер бойынша тиісті мекемелерге нақты тапсырмалар беріліп, орындалу мерзімі бекітілді. Аталған мәселелердің орындалу барысы аудан әкімдігінің тұрақты бақылауында болады. Бұл отырыс ауданның әлеуметтік-экономикалық дамуын жақсартуға, халықтың тұрмыс сапасын арттыруға бағытталған маңызды қадам болды.

Бесқарағай ауданы әкімінің баспасөз қызметі

⚡️Бесқарағай ауданында азық-түлік бағаларын тұрақтандыру мәселесі бойынша арнайы кеңес өтті. Аудан әкімі әлеуметтік маңызы бар азық-түлік өнімдерінің бағасын тұрақты деңгейде ұстау үшін нақты тапсырмалар берді. Кеңес барысында аудан әкімінің орынбасарына және кәсіпкерлік және ауыл шаруашылығы бөліміне арнайы жоспар әзірлеуді тапсырды.

Аудан әкімінің айтуынша, баға тұрақтылығын қамтамасыз ету үшін барлық елді-мекендерде үнемі мониторинг жүргізу қажет. Бұл жұмыстарға аудан мәслихатының депутаттары мен қоғам белсенділерін тарту да міндеттелді. Тұрғындардың тұрмыс жағдайын жақсарту және баға тұрақсыздығын болдырмау мақсатында қабылданған шаралар ауданның азық-түлік нарығын реттеуде маңызды рөл атқарады.

Бесқарағай ауданы әкімінің баспасөз қызметі.

@besqaragaiaqparat

Глуховка ауылдық округінің жастары Ұлы Отан соғысының 80 жылдығына арналған “Ардагерлерге тағзым” акциясына қатысты. Қатысушылар бұл челленджді Бесқарағай аудандық жастар ресурстық орталығынан қабылдап алып, тыл еңбеккері Ф.Х.Хатиповқа барып, “Байболова” ЖК демеушілігімен сыйлықтар табыс етті. Акция аясында үй жайын жиналып, отын жарылды, ауладағы қар тазаланды. Акцияға ауыл жастары, аудандық мәслихат депутаты Д. Тусупова, жастар мәслихатының депутаты Н.Несиптаев және ауылдық округ әкімдігінің қызметкерлері қатысты. Аталған акция аясында келесі кезек Канонерка ауылдық округінің жастарына жолданды.

❗️Бесқарағай ауданында 2025 жылғы 22 қаңтар күні ауа райының қолайсыздығына байланысты I ауысымдағы 21 мектебінің 1-9 сыныптары қашықтықтан оқыту форматына ауыстырылды.

@besqaragaiaqparat

⚡️Қарағайлы-Бозтал автомобиль жолында қысқы кезеңде пайда болған қардың тазалау жұмыстары жүргізілді. Бұл шаралар жол қозғалысының қауіпсіздігін қамтамасыз ету, көлік қозғалысының тиімділігін арттыру және тұрғындардың жүріп-тұруына қолайлы жағдай жасау мақсатында қолға алынды. Қарды уақытылы және сапалы тазалау жұмыстарының нәтижесінде жолдың үсті қауіпсіз болып, көлік құралдарының өтуі жеңілдетілді.

@besqaragaiaqparat

⚡️Баскөл ауылдық округі бойынша елді мекендердегі көше жарықтарына ағымдағы жөндеу жұмыстары басталды. Бүгінгі таңда Қарағайлы ауылындағы көше жарықтарын ауыстыру жұмыстары жүргізілуде.
Жұмыстарды жүргізуші мердігер ұйым – «САЛАНГ-Құрылыс» ЖШС. Аталған жөндеу жұмыстарының мақсаты – ауылдық округтің көше жарықтандыру жүйелерінің сапасын арттыру, қауіпсіздікті қамтамасыз ету және тұрғындардың өмір сүру жағдайларын жақсарту.

Қарағайлы ауылында көше жарықтарын жаңарту жұмыстары жоспарға сәйкес белгіленген мерзімде аяқталуы тиіс.

@besqaragaiaqparat

⚡️МАЛАЯ-ВЛАДИМИРОВКА АУЫЛЫНА ЖҰМЫС САПАРЫ

Аудан әкімі Малая-Владимировка ауылына жұмыс сапарымен барып, ауылдың әлеуметтік нысандарын тексерді. Сапар барысында аудан басшысы ауыл мектебінде болып, білім беру процесінің сапасымен танысты. Ұстаздармен кездесу өткізіп, оқушыларға сапалы білім беру бағдарламаларының іске асырылу барысын талқылады.

Сонымен қатар, әкім фельдшерлік-акушерлік пунктте болып, ауыл тұрғындарын сапалы медициналық қызметпен қамтамасыз ету мәселелерін көтеріп, тиісті тапсырмалар берді.

Қазіргі уақытта Малая-Владимировка ауылында 718 адам тұрады. Білім ордасында 136 оқушы білім алуда, шағын орталықта 19 бала тәрбиеленуде.

Бесқарағай ауданы әкімінің баспасөз қызметі.

@besqaragaiaqparat

В БОЗТАЛЕ ОБСУДИЛИ МЕРЫ ПО ПРЕДОТВРАЩЕНИЮ ВЕСЕННИХ ПАВОДКОВ

Аким Бескарагайского района Нурбек Кошкарбаев с рабочим визитом посетил село Бозтал, чтобы ознакомиться с текущей ситуацией и оценить работу местных социальных объектов.

В ходе визита глава района встретился с коллективом Бозталской основной школы, обсудив вопросы повышения качества образования и усиления мер безопасности для учеников. Также аким проверил работу мини-центра и фельдшерского пункта, дав поручения по улучшению их инфраструктуры и качественного обслуживания.

Кроме того, Нурбек Кошкарбаев совместно с акимом сельского округа обсудил подготовку к весенним паводкам. Было решено усилить меры по предотвращению затоплений и улучшить состояние водоотводных систем.

Особое внимание было уделено вопросам, поднятым жителями села в социальных сетях. В частности, обсуждался ремонт 18 километров дороги, ведущей к Бозталу. Это важный шаг для улучшения транспортной доступности и повышения качества жизни местных жителей.

С учетом стратегического положения села на границе с Российской Федерацией, аким поручил разработать комплексный план развития Бозтала, который поможет улучшить инфраструктуру и социальное положение сельчан.

Справка:
В селе Бозтал проживают 255 человек. В селе работают Бозталская основная школа, мини-центр и фельдшерский пункт.

Пресс-служба акима Бескарагайского района.

@besqaragaiaqparat

❗️БОЗТАЛ АУЫЛЫНДА КӨКТЕМГІ СУ БАСУ ҚАУІПІНІҢ АЛДЫН АЛУ ШАРАЛАРЫ ПЫСЫҚТАЛДЫ

Бесқарағай ауданының әкімі Нұрбек Қошқарбаев Бозтал ауылының жай-күйімен танысу мақсатында жұмыс сапарымен келді.

Сапар барысында әкім Бозтал негізгі мектебінің ұжымымен кездесіп, оқушыларға сапалы білім беру және олардың қауіпсіздігін күшейту бойынша тапсырмалар берді. Сонымен қатар, шағын орталық пен фельдшерлік пункттің жұмысын тексеріп, инфрақұрылымды жақсарту қажеттігін атап өтті.

Ауылдық округ әкімімен көктемгі су басу қаупінің алдын алу шаралары да талқыланды. Су тасқынына қарсы дайындықты күшейту үшін қосымша шаралар қабылдау тапсырылды.

Әлеуметтік желілерде көтерілген мәселелер бойынша, әкім Бозтал ауылына кіреберіс 18 шақырым жолды жөндеу жұмыстарын қолға алуды тапсырды.

Ресей Федерациясымен шекаралас орналасқан ауылды дамыту үшін кешенді жоспар әзірлеу міндеттелді.

Ақпарат үшін:
Бозтал ауылында 255 адам тұрады. Ауылда Бозтал негізгі мектебі, шағын орталық және фельдшерлік пункт жұмыс істейді.

Бесқарағай ауданы әкімінің баспасөз қызметі.

@besqaragaiaqparat

⚡️Мемлекет басшысының Жарлығымен Дархан Амангелдіұлы Сатыбалды Қазақстан Республикасы Президентінің Әкімшілігі Басшысының бірінші орынбасары болып тағайындалды, ол бұрынғы атқарған лауазымынан босатылды.

@besqaragaiaqparat

⚡️Бүгін Бесқарағай ауданына жұмыс сапарымен мәжіліс депутаты Нұртай Салихұлы Сабильянов келеді деп күтілуде.

@besqaragaiaqparat

Бесқарағай ауданы әкімінің баспасөз қызметі хабарлайды:

Бесқарағай ауданы аумағында жалпы көлемі 390,8 мың гектарды құрайтын 6 "Семей орманы" мемлекеттік орман табиғи резерваты орналасқан. Бұл резерваттар орман қорын сақтау, табиғатты қорғау және биологиялық әртүрлілікті қамтамасыз етуде маңызды рөл атқарады.

Бүгін аудан әкімі Нұрбек Қошқарбаев резерват басшыларымен кездесу өткізіп, орман ресурстарын басқару, өрт қауіпсіздігі және жасыл желектерді қалпына келтіру бойынша өзекті мәселелерді талқылады. Табиғатты сақтау бойынша бірлескен жұмыстар жалғасын табады және тұрақты бақылауда болады.

Бесқарағай ауданы әкімінің баспасөз қызметі.

⚡️Бесқарағай ауданының әкімі Нұрбек Қошқарбаев шекара қызметкерлерімен кездесу өткізді. Кездесу барысында аудан аумағында орналасқан "Борас" шекара бөлімшесі мен "Борас" шекара бекетінің қызметі талқыланды. Әкім қызметкерлердің жұмыс барысымен танысып, шекарадағы қауіпсіздікті қамтамасыз ету, қызметкерлердің жағдайын жақсарту мәселелері жөнінде пікір алмасты.

Мұндай кездесулер шекара қызметінің тиімділігін арттырып, ауданның қауіпсіздігін қамтамасыз ету үшін маңызды болып табылады.

Бесқарағай ауданы әкімінің баспасөз қызметі.

@besqaragaiaqparat

⚡️Ертеңнен бастап елімізде кадрлық ауыс-түйістер басталады

Бірінші болып ертең таңертең Түркістан облысының әкімі ауысады.

@besqaragaiaqparat

Бесқарағай ауданында "Таза аудан" акциясы аясында аудан орталығының барлық саябақтары қардан тазартылып, ауыл көшелерін грейдерлеу жұмыстары жүргізілді. Бұл жұмыстар аудан тұрғындарының өмір сапасын жақсартуға, көлік қозғалысын жеңілдетуге және жалпы таза әрі көрікті орта қалыптастыруға бағытталған. Акцияның мақсаты - ауданның экологиялық жағдайын жақсарту және тұрғындардың ыңғайлы өмір сүруіне жағдай жасау.

✍️ Тоқаев бірқатар елшіні тағайындады

Асқар Жеңісұлы Жеңіс Қазақстан Республикасының Мысыр Араб Республикасындағы Төтенше және Өкілетті Елшісі лауазымына тағайындалды;

Дәулет Қасекенұлы Батырашев Қазақстан Республикасының Хорватия Республикасындағы Төтенше және Өкілетті Елшісі болып тағайындалды, ол Қазақстан Республикасының Португалия Республикасындағы Төтенше және Өкілетті Елшісі лауазымынан босатылды;

Жан Сержанұлы Ғалиев Қазақстан Республикасының Португалия Республикасындағы Төтенше және Өкілетті Елшісі лауазымына тағайындалды;

Қазақстан Республикасының Иордан Хашимит Корольдігіндегі Төтенше және Өкілетті Елшісі Талғат Рахымқұлұлы Шалданбай Қазақстан Республикасының Ирак Республикасындағы, Палестина Мемлекетіндегі Төтенше және Өкілетті Елшісі қызметін қоса атқарушы болып тағайындалды.

@besqaragaiaqparat

❗️Көпбалалы отбасыларға арналған жәрдемақы мөлшері өсті

Мөлшері балалар санына байланысты берілетін көпбалалы отбасыларға арналған жәрдемақы 4 баласы бар отбасылар үшін 59 183 теңгеден 63 030 теңгеге дейін, 10 баласы бар отбасылар үшін — 147 680 теңгеден 157 280 теңгеге дейін артты.

@besqaragaiaqparat

⚡️Ұлттық қауіпсіздік комитеті аса қауіпті 19 қылмыстық топты құрықтады

Комитет 2024 жылғы жұмысы туралы мәлім етті.

@besqaragaiaqparat

⚡️Бесқарағай ауданында әлеуметтік инфрақұрылымды дамыту бағытындағы жұмыстар жалғасуда. Аудан әкімі Нұрбек Қошқарбаев "Жайлы мектеп" ұлттық жобасы аясында 300 орындық мектеп пен медициналық мекемелерге инженерлік-коммуникациялық инфрақұрылым (ИКИ) тарту мәселелерін талқылады.

Жаңа мектеп заманауи талаптарға сай жабдықталып, STEM зертханалары, робототехника кабинеттері, хореография залдары және коворкинг орталықтары қарастырылған. Сонымен қатар, медициналық мекемелерді уақытылы ИКИ-мен қамтамасыз ету тұрғындардың сапалы медициналық қызметтерге қолжетімділігін арттыруға бағытталған.

Аудан басшысы құрылыс және инфрақұрылым тарту жұмыстарын сапалы әрі уақытылы аяқтауды тапсырды. Бұл жобалар өңірдің әлеуметтік жағдайын жақсартып, тұрғындар өмір сапасын арттыруға мүмкіндік береді.

Бесқарағай ауданы әкімінің баспасөз қызметі.

@besqaragaiaqparat

⚡️Биылдан бастап еліміздегі қала, аудан әкімдері тағайындалмайды, сайланады

Яғни, жергілікті халық өз елді-мекендерінің әкімдерін өздері сайлайды.

@besqaragaiaqparat

✅Aбай облысы бойынша бірмандатты округтен сайланған Парламент Мәжілісінің депутаты Нұртай Сабильяновтың Абай облысының тұрғындарымен өткізетін кездесулерінің, азаматтарды қабылдауларының кестесін назарларыңызға ұсынамыз:

📍Семей қаласы

5 қаңтар 2025 ж.

Сағат 16:00 ден 18:00-ге дейін «Amanat» партиясының облыстық филиалында азаматтарды қабылдау.

📍Бесқарағай ауданы

6 қаңтар 2025 ж.

1. Қоянбай ауылы, сағат 10:00
2. Ерназар ауылы, сағат 11:00
3. Қарағайлы ауылы, сағат 12:00
4. Бесқарағай ауылы, сағат 14:30 («Жайлы мектеп» ұлттық жобасы аясында салынып жатқан мектептің, сондай-ақ жүзу бассейннің құрылысымен танысу)
5. Бесқарағай ауылы, сағат 16:00-ден 18:00-ге дейін азаматтарды қабылдау.

📍Жарма ауданы

7 қаңтар 2025 ж.

1. Шар қаласы, сағат 10:00 (П. Карелин атындағы мектептің акт залы)
2. Қалбатау ауылы, 12:30 (Аудандық аурухана)
3. Жаңғызтөбе кенті,15:30.

📍Аягөз ауданы

8 қаңтар 2025 ж.
  
1. Аягөз қаласы, сағат 10:00 (Аудандық әкімшіліктің акт залы)
2. Аягөз қаласы, 12:00-ден 13:30-ға дейін (Жылу қазандықтары мен электрмен жабдықтау станциясының жағдайын барып көру)
3. Мамырсу ауылы, сағат 15:30.

📍Жаңасемей ауданы

9 қаңтар 2025 ж.

1. Мұқыр ауылы, сағат 11:00
2. Қыземшек ауылы, сағат 15:00
3. Көкентау ауылы, сағат 16:30

📍Семей қаласы

10 қаңтар 2025 ж.

Семей қаласы. Жылу қазандықтары мен бюджет қаражаты есебінен жүзеге асырылған жылумен қамтамасыз ету жобаларының, салынып жатқан көпірдің жағдайымен танысу.

@besqaragaiaqparat

⚡️Жеңістің 80 жылдығына орай Астанада әскеру шеру болады

«Биылғы мемлекеттік іс-шаралардың ішінде Ұлы Жеңістің 80 жылдығы ерекше орын алады. Қазақстандықтар нацизмді талқандауға елеулі үлес қосты. Біздің аталарымыз бен әкелеріміз барлық майданда жанқиярлықпен соғысты. Оның үстіне, Қазақстан сенімді тыл болды», - деді Тоқаев «Ana tili» газетіне берген сұхбатында.

Айтуынша, Жеңісті мерекелеуге арналған жоспарда көптеген іс-шара қамтылған. Оның ең бастысы – Астанада өтетін әскери шеру. Соғыс және тыл ардагерлеріне құрмет көрсетіледі, ешкім де елеусіз қалмайды.

@besqaragaiaqparat

⏺Президент Қасым-Жомарт Тоқаевтың сыбайлас жемқорлыққа қарсы күрес туралы пікірі – әділетті қоғам құру жолындағы маңызды бастама. Мемлекет басшысының бұл мәселеге қатысты ұстанымы еліміздің заң үстемдігіне негізделген тұрақты дамуын қамтамасыз етуге бағытталған нақты қадамдарды көрсетеді.

Сыбайлас жемқорлықтың алдын алу және оның салдарын жою бойынша жүргізіліп жатқан жүйелі жұмыстар мемлекеттің ашықтығы мен халық алдындағы жауапкершілігін айқындайды. Шенеуніктердің заң бұзушылықтары туралы деректердің ашық жариялануы қоғамда заңға деген сенімді нығайтады. Бұл биліктің әділдік пен заңдылық қағидаттарын сақтауға деген ұмтылысын дәлелдейді.

Әрине, сыбайлас жемқорлықпен күрес тек мемлекет тарапынан жүргізілмеуі керек. Бұл – әрбір азаматтың міндеті. Біз, "Мейірімді жүрек" волонтерлер тобының мүшелері, әділдік пен заңдылықты сақтау арқылы қоғамның саналы дамуына өз үлесімізді қосуға дайынбыз.

Мен Президенттің бұл бағыттағы бастамаларын толығымен қолдаймын және әділетті қоғам құру үшін әрбір азаматтың белсенділік танытуы қажет деп санаймын.

Жігер Еркінбеков,
"Мейірімді жүрек" волонтерлер тобының координаторы

Президент Қасым-Жомарт Тоқаевтың елдегі су тасқыны және басқа да төтенше жағдайларға қатысты пікірі – мемлекеттің қиын сәттерде әрекет ете білу қабілетінің нақты көрінісі. Өткен жылдың ауыр сынақтары халқымыздың бірлігін, ерік-жігерін және ұйымшылдығын тағы бір мәрте дәлелдеді.

Біріншіден, су тасқыны кезінде қабылданған жедел шаралар – елдің қауіпсіздігін қамтамасыз етудегі мемлекеттің күш-жігерінің айқын мысалы. Адамдарды қауіпсіз жерге көшіру, материалдық резервтерді пайдалану және қалпына келтіру жұмыстарының қысқа мерзімде жүзеге асуы – Қазақстанның төтенше жағдайларға төтеп беру қабілетінің жоғары екенін көрсетеді.

Екіншіден, су тасқыны кезіндегі еріктілер қозғалысының белсенділігі ерекше атап өтуге тұрарлық. Қоғамның түкпір-түкпірінен жиналған еріктілер құтқарушыларға көмек көрсетіп, гуманитарлық жәрдем ұйымдастыру арқылы бірліктің шынайы үлгісін көрсетті. Бұл – тек төтенше жағдайға жауап беру ғана емес, жаңа экологиялық мәдениеттің негізін қалау жолындағы маңызды қадам.

Үшіншіден, су тасқынының салдарын жоюға арналған инфрақұрылымдық жобалар мен заңнамалық өзгерістер – болашақта мұндай апаттардың алдын алу үшін маңызды қадам. 2030 жылға дейінгі су ресурстарын басқару тұжырымдамасы, жаңа су қоймаларының құрылысы және ирригация жүйесін жаңғырту – су қауіпсіздігін қамтамасыз ету жолындағы ұзақ мерзімді шешімдер.

Төртіншіден, Ақтау қаласындағы әуе апаты кезіндегі құтқару жұмыстары Қазақстан халқының жанашырлығы мен бірлігін тағы да айқын көрсетті. Құтқарушылардың, дәрігерлердің, еріктілердің және қарапайым азаматтардың бірлескен әрекеті көптеген адамның өмірін сақтап қалуға мүмкіндік берді. Бұл қиындықтар тек жауапкершілік пен бірлік арқылы ғана еңсерілетінін дәлелдеді.

Қоғам белсендісі ретінде, мен төтенше жағдайларға қарсы күресте азаматтардың белсенділігін ерекше атап өткім келеді. Әрбір азаматтың табиғатты қорғауға, өз ортасын таза ұстауға, және төтенше жағдайларға дайын болуға атсалысуы – еліміздің тұрақты дамуының кепілі. Бұл қиындықтардан алған сабақтарымыз болашақта Қазақстанды одан әрі күшейтеді деп сенемін.

Шайкенова Бақыт - "Қазақстанның Құрметті кітапханашысы" төсбелгісінің иегері.

⚡️Қаңтар оқиғасы – Қазақстан тарихындағы ең ауыр әрі маңызды кезеңдердің бірі. Президент Қасым-Жомарт Тоқаевтың бұл оқиғаға қатысты пікірлері мәселенің мән-жайын ашық айтып, қоғамды шынайы ақпаратпен қамтамасыз етуге бағытталған.

Біріншіден, Қаңтар оқиғасының себептері мен салдарын терең түсіну – біздің тарихтан сабақ алуымыз үшін өте маңызды. Президенттің бұл дүрбелеңнің әлеуметтік әділетсіздік, саяси тоқырау және жекелеген адамдардың жауапсыз әрекеттерінің салдарынан орын алғанын мойындауы – үлкен жауапкершілік пен адалдықтың көрінісі. Бұл бізге алдағы уақытта осындай жағдайлардың қайталануына жол бермеу үшін нақты қадамдар жасау қажеттігін көрсетеді.

Екіншіден, Қаңтар оқиғасы туралы түрлі алып-қашпа әңгімелер мен бұрмаланған ақпараттардың таралуы қоғамда алауыздық тудыруы мүмкін. Президенттің бұл мәселеге назар аударып, шынайы тергеу жүргізуді тапсырғаны және қылмыскерлердің заң алдында жауапқа тартылғаны – әділдік орнату жолындағы маңызды қадам. Бұл тергеулердің ашық жүргізілуі азаматтардың билікке деген сенімін нығайтуға септігін тигізеді.

Үшіншіден, Парламентте арнайы тыңдаудың ұйымдастырылуы – Қаңтар оқиғасының мәнін жан-жақты түсінуге арналған ерекше шара. Мұндай қадам қоғамдағы барлық пікірлер мен ұсыныстарды ескеруге, оқиғаға әділ баға беруге мүмкіндік береді.

Қаңтар оқиғасы біздің еліміз үшін үлкен сынақ болды. Бұл кезеңнен алған сабақтарымыз – болашақта тұрақтылық пен бейбітшілікті сақтау жолындағы басты бағдарымыз болуы тиіс. Президенттің бұл мәселені ашық талқылауға шақыруы және әділдік орнату жолындағы қадамдары қоғамның бірлігін нығайтуға ықпал етеді.

Бесқарағай аудандық Ардагерлер кеңесінің төрағасы - Кизат Каирханов.

⚡️Мемлекет басшысы Қасым-Жомарт Тоқаевтың «Ana tili» газетіне берген сұхбатынан

📰 Сұхбаттың толық нұсқасы мына сілтемеде.

@besqaragaiaqparat

⚡️Мемлекет басшысы Қасым-Жомарт Тоқаевтың Жарлығымен 2025 жыл Жұмысшы мамандықтарының жылы деп жарияланды

t.me/aqorda_resmi

⚡️Әділбай Қанат Серікқанұлы Абай облысы әкімінің орынбасары болып тағайындалды

Ол бұрынғы қызметінен босатылды.

@besqaragaiaqparat

Бесқарағай ауданының орталық ауруханасының жұмыс барысы

⚡️Еліміздің басым бөлігінде ертең тұман мен көктайғақ күтіледі

@besqaragaiaqparat

⚡️Бүгін Бесқарағай ауданына Абай облысы әкімінің орынбасары Димитрий Гариков жұмыс сапарымен келді.

Облыс әкімдігінен келген делегацияны аудан әкімінің орынбасары Алмас Тәнібекұлы Тастенбеков қарсы алып, аудандағы денсаулық сақтау саласының инфрақұрылымымен таныстырды.

Сапар барысында Өндіріс, Қарабас, Жетіжар, Қарағайлы және Ерназар ауылдарында салынып жатқан медициналық мекемелердің құрылыс нысандарына барды. Облыс әкімінің орынбасары нысандардың құрылыс қарқынын тексеріп, жұмыстардың белгіленген жоспарға сәйкес жүргізілуін талап етті. Сонымен қатар, құрылыс жұмыстарының сапасы мен мерзіміне ерекше назар аударылып, жобаларды ағымдағы жылдың соңына дейін аяқтап, пайдалануға беруді міндеттеді.

Бесқарағай ауданы әкімінің баспасөз қызметі.

@besqaragaiaqparat

⚡️КАНОНЕРКА АУЫЛЫНДА ЖАҢА WORKOUT АЛАҢЫ БОЙ КӨТЕРУДЕ

Аудан әкімі Талғат Мұратов Канонерка ауылдық округінің тұрғындарымен кездесті.

Кездесу барысында ауыл тұрғындары тарапынан ауылдық клубтың жөндеу жұмыстары туралы сауал қойылды.

2023 жылы «Ауыл – ел бесігі» бағдарламасы аясында Канонерка ауылдық клубының шатырына күрделі жұмыстар жүргізу үшін 96,3 млн теңге қаражат бөлініп, жөндеу жұмыстары жүргізілді. Ендігі кезекте ғимараттың ішіне ағымдағы жөндеу жұмыстарына сметалық құжаттама әзірленіп, облыстық Мәдениет және архив ісі басқармасына жолданды. Жоба құны 167,7 млн теңге. Бұл мәселе қазір бақылауда. Аталған мәселе облыстық бюджеттік комиссиядан қолдау тапқан жағдайда жөндеу жұмыстары жүргізілетін болады, – деді өз сөзінде аудан әкімі.

Ақпарат үшін: Канонерка аудан орталығы — Бесқарағай ауылынан оңтүстік-шығысқа қарай 37 км жерде, Ертіс өзенінің оң жағалауындағы дала белдемінде орналасқан. Канонерка арқылы Семей — Павлодар — Алматы автомобиль жолы өтеді. Бүгінгі күні Канонерка ауылдық округінде 1805 адам тұрады.

Бесқарағай ауданы әкімінің баспасөз қызметі.

@besqaragaiaqparat

⚡️Бесқарағай ауданында "Таза Қазақстан" бағамен аясында ауыл көшелерін грейдерлеу жұмыстары жүргізілуде.

Жалпы грейдерлеу жұмыстарына 8 адам, 2 техника жұмылдырылды.

@besqaragaiaqparat

ЖЕТІЖАР АУЫЛЫНЫҢ ТҰРҒЫНДАРЫ ЖЕЛТОҚСАН АЙЫНЫҢ СОҢЫНДА 100% ТАЗА АУЫЗ СУМЕН ҚАМТАМАСЫЗ ЕТІЛЕТІН БОЛАДЫ

Бүгін аудан әкімі Талғат Батырұлы жұмыс күнінің екінші жартысын Жетіжар ауылында өткізді. Ауыл тұрғындарымен кездесу барысында әкім ауылдың әлеуметтік-экономикалық жағдайын, ауыл шаруашылығын дамыту және инфрақұрылымды жетілдіру мәселелерін талқылады.

Кездесу барысында аудан басшысы ағымдағы жылдың 10 айы бойынша есеп беріп, атқарылған жұмыстар мен жоспарлар туралы ақпаратпен бөлісті. Сонымен қатар, тұрғындардың сұрақтарына жауап беріп, ұсыныстарын тыңдады.

Ауыл тұрғындары Талғат Батырұлының жұмысына оң бағаларын беріп, алдағы уақытта да ауыл тіршілігінде белсенділік танытып отыратындарын айтып жеткізді.

Бесқарағай ауданы әкімінің баспасөз қызметі.

"Жан жылуы" акциясы өз жалғасын табуда.

«Таза Қазақстан» республикалық экологиялық акциясы аясында жалғызбасты қарт адамдарға «Жан жылуы» акциясы жалғасуда.

Аталған акция аясында қарияларға қар тазарту, ағаш жару, отын тасу жұмыстары жасалды.

Акцияның мақсаты – жалғызбасты қарияларға қолдау көрсету, оларға әлеуметтік көмек көрсету және экологиялық тәрбиені қалыптастыру. Қарт адамдардың өмір сүру сапасын арттыру, олардың денсаулығына қамқорлық жасау – біздің басты міндетіміз.

Акция барысында аудан жастары белсенділік танытып, қариялармен бірге уақыт өткізіп, оларға қажетті жұмыстарды орындады. Бұл шара тек физикалық көмек көрсетумен шектелмейді, шара экологиялық тұрғыдан да маңызды.

@besqaragaiaqparat

⚡️ЖЕТІЖАР АУЫЛЫНДА БАЛАЛАРҒА АРНАЛҒАН ЖАҢА ШАҒЫН ОРТАЛЫҚТЫҢ ЖҰМЫС БАРЫСЫ ТЕКСЕРІЛДІ

Аудан әкімі жұмыс күнінің екінші жартысын Жетіжар ауылында өткізді. Сапар барысында Жетіжар ауылында жаңадан ашылған шағын орталықтың жұмыс барысымен танысып шықты. Орталықтың қызметкерлері балаларға арналған түрлі бағдарламалар мен іс-шаралар ұйымдастыруды жоспарлап отыр. Аудан әкімі жаңа орталықтың балалардың білім алуына, шығармашылық қабілеттерін дамытуына және әлеуметтік бейімделуіне үлкен үлес қосатынын атап өтті.

Сондай-ақ, ауыл орталығында орналасқан білім ордасына барып, мектептің жылыту қазандықтарының жұмыс барысымен танысты. Мектептің жылыту жүйесінің тиімділігі мен қауіпсіздігіне ерекше мән берілгені байқалды.

Ауылда жергілікті тұрғындардың игілігі үшін жаңа амбулатория бой көтеруде. Аудан әкімінің айтуынша, бұл амбулатория тұрғындардың денсаулығын сақтауға және медициналық қызмет көрсетуді жақсартуға бағытталған. Жобаның жүзеге асырылуы жергілікті жұртшылықтың денсаулығына оң әсер ететіні сөзсіз. Аудан әкімдігі тұрғындардың пікірлерін ескере отырып, медициналық қызметтерді дамытуға бар күш-жігерін жұмсауда.

@besqaragaiaqparat

⚡️Бесқарағай ауданында "Таза Қазақстан" бағдарламасы қарқынды түрде жүргізілуде.

Бүгін, Бесқарағай ауылының көшелерінде автокөлік және жаяу жүргіншілерге арналған жолдардың бойына "Таза Қазақстан" бағдарламасы аясында, сондай-ақ, көк тайғақтың алдын алу шараларын ескере отырып, инертті материалдарды себу жұмыстары жүргізілді.

Аталған жұмыс Бесқарағай ауданының барлық елді-мекендерінде жүргізілуде.

Бесқарағай ауданы әкімінің баспасөз қызметі.

@besqaragaiaqparat

Жалпыұлттық "Таза Қазақстан" республикалық экологиялық акциясы аясында Бесқарағай ауданында биылғы жылы бой көтерген орталық саябақтың қар тазалау жұмыстары қарқынды түрде жүргізілуде. Саябақ аумағындағы барлық жолдар мен демалыс орындары қардан тазартылып, тұрғындардың қауіпсіздігі мен жайлылығы қамтамасыз етілуде. Қарды уақытында жинау арқылы саябақтың эстетикалық келбетін сақтау мақсатында арнайы техника тартылып, демалыс күндеріне қарамастан жұмыс жасауда. Осылайша, тұрғындар мен қонақтар үшін таза әрі ыңғайлы орта жасауға баса назар аударылуда.

@besqaragaiaqparat

⚡️Бесқарағай ауданында "Таза Қазақстан" бағдарламасы шеңберінде "Таза ауыл" экологиялық акциясы өтуде.

Акция барысында елді мекендердегі саябақтар мен әлеуметтік нысандардың айналасы қардан тазартылуда. Сонымен қатар, жергілікті тұрғындар қоқыс жинау, ағаштарды санитарлық қырқу және көшелерді абаттандыру жұмыстарына да атсалысуда.

Жалпы, экологиялық шараға 30-дан астам тұрғын қатысып, белсенділік танытуда. Қатысушылар табиғатқа қамқорлық жасап қана қоймай, экологиялық мәдениетті қалыптастыруға да өз үлестерін қосуда.

Бесқарағай ауданы әкімінің баспасөз қызметі.

@besqaragaiaqparat

Бесқарағай ауданы прокуратурасының бастамасымен - жастар арасында құқықбұзушылықтардың алдын алу жұмысында тәлімгерлікті күшейту мақсатында “Тұлғадан тәлім” акциясын ұйфмдастырып, іс-шарасын өткізді.
Іс шараға - Қазақстан Республикасының еңбек сіңірген жаттықтырушы спорт шебері, Абай облысының спорт басқармасының басшысы Ержан Ануарбекұлы Абылкасимов;
- Жасөспірімдер арасында Әлем чемпионатының күміс жүлдегері, ерлер арасында, Азия, Әлем кубогының иегері, Шығыс Азия ойындарының күміс жүлдегері. Орта Азия ойындарының күміс және қола жүлдегері, Афина Олимпиадасына қатысушы. Қазақстан Республикасының 11 дүркін чемпионы, Грек-рим күресінен «Қазақстан Республикасының халықаралық дәрежедегі спорт шебері» Нурлан Алтынбекович Койжайганов;
- Халықаралық дәрежедегі спорт шебері, Самбо спорт түрінен ерлер арасындағы Әлем Чемпионы Есентай Біржанұлы Имаханов;
- Қазақ күресінен Халықаралық дәрежедегі спорт шебері, екі дүркін Әлем Чемпионы, «Қазақстан барысы» жеңімпазы Мұхит Шыңғысбекұлы Тұрсынов қатысты.
Кездесу барысында оқушыларға есірткінің зардабы, салауатты өмір салтының маңыздылығы түсіндірілді.
Сонымен қатар аудан прокуратурасы жастардың қауіпті ресурстарға қол жеткізудің алдын алу үшін «Кибернадзор» жүйесі арқылы есірткі сайттарын бұғаттау жұмыстарын белсенді жалғастыруда.
Іс-шара аясында интерактивті сессиялар өтті, онда қатысушылар сұрақтар қойып, қазіргі қоғамдағы жастардың алдында тұрған өзекті мәселелерді талқылай алды.
«Ел болашағы ол біздің жастарымыз, сондықтан біз олардың өсуі мен дамуы үшін қауіпсіз және салауатты жағдай жасауға міндеттіміз.
Құқық бұзушылықтардың алдын алу жұмыстарына өмірлік жетістіктерге жеткен тұлғаларды тарту маңызды.

Бесқарағай ауданы әкімінің баспасөз қызметі.

✊Бүгін Канонерка ауылдық клубында аудан әкімінің орынбасары Алмас Тәнібекұлының төрағалығымен көшпелі жиын өткізілді. Жиынға ауданның бөлім басшылары, ауылдық округ әкімдері, құқық қорғау органдарының өкілдері және басқа да жауапты тұлғалар қатысып, ауданның әлеуметтік-экономикалық дамуына қатысты маңызды мәселелерді талқылады.

Күн тәртібінде бірнеше өзекті мәселе қаралды. Бірінші болып, Республикалық маңызы бар трасса бойындағы жол көлік апатын және мал ұрлығын алдын алу мәселесі бойынша аудандық ішкі істер бөлімінің басшысы баяндама жасады. Ол өз сөзінде жол қауіпсіздігі мен қоғамдық тәртіпті сақтау мақсатында атқарылып жатқан шараларды егжей-тегжейлі түсіндірді. Қазіргі таңда, жол-көлік оқиғалары санының өсуі алаңдаушылық туғызып отырғандығын атап өтіп, бұл мәселелерге қарсы кешенді жұмыстарды күшейту қажеттігін айтты. Әсіресе, автокөлік жүргізушілерінің қауіпсіздік талаптарын сақтауы және жол бойындағы бақылауды күшейту мәселесі көтерілді.

Екінші кезекте, ауыл шаруашылығы жануарларын идентификациялау бойынша Бесқарағай ветеринарлық станциясы ШЖҚ МКК басшысының баяндамасы тыңдалды. Ол ауыл шаруашылығы жануарларын сәйкестендіру жұмыстарын жетілдірудің маңыздылығын атап өтті. Бұл жүйе ауыл шаруашылығында өнімділікті арттыруға, малдың денсаулығын бақылауға, сондай-ақ ұрлықтың алдын алуға бағытталған. Баяндамада сонымен қатар, бұл жұмыстың тиімділігін арттыру үшін заманауи технологияларды енгізу, ауыл тұрғындары арасында ақпараттық жұмыстарды күшейту қажеттілігі айтылды. Ветеринарлық қызметтің жұмысын жетілдіру, мал иелерін ақпараттандыру арқылы жануарларды тіркеудің дәлдігі мен жылдамдығын арттыру мәселелері де қарастырылды.

Жиын барысында барлық қатысушылар өз пікірлерін білдіріп, осы мәселелер бойынша ұсыныстар жасауды жалғастырды. Әсіресе, жол қауіпсіздігін алдын алуға бағытталған жұмыстарды жақсарту, ауыл шаруашылығы жануарларын сәйкестендіру жүйесін тиімді пайдалану мәселелері талқыланып, алдағы уақытта осы бағытта атқарылатын жұмыстарды үйлестіру қажеттігі айтылды. Жиын соңында аудан әкімінің орынбасары барлық ұсыныстарды ескере отырып, тиісті шараларды қабылдау үшін жауапты тұлғаларға тапсырмалар жүктеді.

Бесқарағай ауданы әкімінің баспасөз қызметі.

⚡️Құрметті қаржы саласының қызметкерлері, сала ардагерлері!

Сіздерді Ұлттық валюта – Теңге күнімен және Қазақстан Республикасы қаржы саласы қызметкерлерінің кәсіби мерекесімен құттықтаймын!

Егемен еліміздің темірқазығына айналған ұлттық валютаның айналымға түсуі – қоғам өміріндегі аса маңызды оқиға болды.
Қаржы ісі ерекше әзірлікті, жоғары білімді, өмірлік тәжірибені, кәсіби өсімді, тың жаңалықты игерудегі басымдықты, шынайылықты қажет етеді. Елімізде 1997 жылдан бері 15 қараша – төл валютамыздың туған күні әрі қаржыгерлер күні болып белгіленді.

Күні бүгінде ауданымыздың жеткен жетістіктеріне қаржы саласы қызметкерлерінің қосқан үлесі зор. Сіздердің еселі еңбектеріңіз бен білім-біліктіліктеріңіздің арқасында өңіріміздің экономикасы қарқынды даму үстінде. Алдағы уақытта да осынау биік межеден көрініп, ел экономикасының әлеуетін арттыруға күш салады деп сенемін.

Сіздерге зор денсаулық, отбасыларыңызға амандық тілеймін. Еңбектеріңіз табысты болып, қаржы саласында жаңа белестерге жете беріңіздер!

Құрметпен, Бесқарағай ауданының әкімі Талғат МҰРАТОВ.

@besqaragaiaqparat

⚡️Бүгін, Бесқарағай ауданына жұмыс сапарымен Үкімет Аппаратының өңірлік даму және бақылау бөлімінің өңірлік инспекторы Ұлықбек Серікұлы Тналиев келді. Оның ауданға келудегі сапарының негізгі мақсаты – Малая-Владимировка ауылдық округіне қарасты Бозтал елді мекенінде көктемгі су басу қаупінің алдын алу шараларын тексеру. Аталған мәселе бойынша өңірлік инспектор, өңірде атқарылатын жұмыстарды тұрақты түрде бақылап, бұл мәселені үнемі назарда ұстау керектігін атап өтті.

Тексеріс барысында аудан әкімі Талғат Батырұлы: «Бұл – өте маңызды және өзекті мәселе. Су тасқынының алдын алу үшін барлық мемлекеттік органдар бірлесіп жұмыс істеуде. Қауіптің алдын алу үшін аудан тарапынан барлық қажетті шаралар қабылданды. Бүгінгі таңда Бозтал ауылында су бөгеттеріне арнайы әзірленген дамбылар орнатылды. Сонымен қатар, жергілікті атқарушы органдар ағын су арналары мен суағарларды тазарту жұмыстарын толықтай аяқтады. Қар шығару жұмыстарына алдын ала бекітілген кесте де әзірленді» – деп атап өтті.

Бесқарағай ауданы әкімінің баспасөз қызметі.

@besqaragaiaqparat

✊Бесқарағай ауданында “Таза Қазақстан” жобасы қарқынды түрде жүзеге асырылуда

Бүгін, жоба аясында Бесқарағай ауылының көшелеріне тайғақтың алдын алу мақсатында инертті материалдарды себу жұмыстары жүргізілді.

Аталған жұмыс Бесқарағай ауданының барлық елді-мекендерінде жүргізілетін болады.

Сонымен қатар, ауылдық жерлерде саябақтарды тазарту жұмыстары өз жалғасын табуда.

Бесқарағай ауданы әкімінің баспасөз қызметі.

✊2024 жылға арналған жоспарлы жобалардың жүзеге асырылуы бойынша жиын өтті

Бүгін, аудан әкімі Мұратов Талғат Батырұлы аудан әкімінің орынбасары Алмас Тәнібекұлын және Бесқарағай аудандық сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Берік Амантайұлын қабылдады.

Жалпы, Бесқарағай ауданы бойынша осы жылға 80 жоба жоспарланып, оның 90%-ы жүзеге асырылды.

Келесі жылға өтпелі жобалардың 2024 жылға жоспарланған ауқымын талаптарға сәйкес орындалуын бақылауға алуды тапсырды.

Жиынды қорытындылаған аудан басшысы Талғат Батырұлы аудан үшін маңызды жобалар жүйелі түрде жүзеге асырылуы керектігін айта келіп, оларға бөлінген қаржының шашау шықпай игерілуін, нақтылы мақсаттарға жұмсалуын қатаң тапсырды.

Бесқарағай ауданы әкімінің баспасөз қызметі.

⚡️БЕСҚАРАҒАЙ АУДАНЫ: Бесқарағай ауылының Молдажанов көшесіндегі жол құрылысы жұмыстары қарқынды жүргізілуде

Бүгінгі күні Бесқарағай ауылында ұзын көшелердің бірі саналатын Молдажанов көшесіне асфальт төсеу жұмыстары жүргізілуде.

Ауыл тұрғындары әлеуметтік желі беттерінде қуаныштарын білдіруде.

@besqaragaiaqparat

🌱БЕСҚАРАҒАЙ АУДАНЫНДА "ТАЗА ҚАЗАҚСТАН" БАҒДАРЛАМАСЫ ҚАРҚЫНДЫ ТҮРДЕ ЖҮРГІЗІЛУДЕ

Бүгін, ауданымызда дәстүрге айналған тазалық күні өтті. Аталған акцияға 70 тен астам аудан тұрғындары атсалысты. Кезекті акция Малая-Владмировка ауылында ұйымдастырылды.

Акция аясында, білім мекемелерінің аумағы, саябақтар, ауыл көшелері қоқыстардан тазартылып, ескерткіштердің сыртқы келбеттері қалпына келтірілді.

Бесқарағай ауданы әкімінің баспасөз қызметі.

@besqaragaiaqparat

⚡️Елімізде ресми жұмыс істейтін зейнеткерлердің алатын зейнетақасы тоқтатылуы мүмкін

@besqaragaiaqparat

Ел ішінде жүріп жатқан "Таза Қазақстан" республикалық экологиялық акциясы аясында Бесқарағай, Башкөл, Глуховка және Канонерка ауылдарында көшелерді, ескерткіш алаңдары мен балалар алаңдарын қоқыс пен құрғақ бұтақтардан тазарту жұмыстары өткізілді. Ауыл тұрғындары санитарлық тазалау шараларына белсенділік танытып қатысты. Аталған шара қоршаған орта алдындағы адамзаттың жауапкершілік мәдениетін қалыптастыруға ықпал етеді. Тазалау жұмыстары барысында барлығы 12 тонна қоқыс шығарылып, 5 бірлік техника жұмылдырылды. "Таза Қазақстан" республикалық экологиялық бағдарламасы шеңберінде өткізілетін іс-шаралар елді-мекендердегі тазалық пен тәртіпті сақтауға, сондай-ақ, санитарлық-эпидемиологиялық жағдайды жақсартуға көмектеседі.

Бесқарағай ауданы әкімінің баспасөз қызметі.

@besqaragaiaqparat

✊Тұрақты түрде апта сайын бағаны тұрақтандыру мақсатында өткізілетін ауылшаруашылық жәрмеңкесі өтті.

Бұл жәрмеңкеге Бесқарағай, Долон, Кривинка және Беген ауылдарынан ет, сүт, балық өнімдері жеткізіліп, қолжетімді бағамен сатылды. Аудан әкімі Талғат Батырұлы Мұратов шараға қатысып, өнімдердің сапасы мен баға тұрақтылығын тексерді.

Жәрмеңкеде халыққа ет, сүт, балық және көкөніс өнімдері қолжетімді бағамен ұсынылды.

Бесқарағай ауданы әкімінің баспасөз қызметі.

@besqaragaiaqparat