Aziza İsmailova

Heydər Əliyev prospekti, əsas yol, həm mərkəz, həm də metronun "Koroğlu" stansiyası istiqamətində nəqliyyat vasitələrinin hərəkətinə qoyulan məhdudiyyət tam aradan qaldırılıb.

#Sabunçukeçidi adlanan ərazisində tunelə su dolması nəticəsində həyatını itirən 1976-cı il təvəllüdlü Şirinov Elnur Fazil oğlu...

#YENİLƏNDİ... 2-ci şəxsin meyiti tapıldı.

1995-ci il təvəllüdlü Abbasov Köçəri Fərman oğlunun cəsədi Fövqəladə Hallar Nazirliyinin əməkdaşları tərəfindən suyun altından çıxarılaraq aidiyyəti üzrə təhvil verilib

Paytaxtın #Sabunçukeçidi adlanan ərazisində tunelə su dolması nəticəsində #ikinəfər suda boğularaq #ölüb.

#FHN-nin Mətbuat Xidmətindən Oxu.Az-ın sorğusuna cavab olaraq bildirilib ki, subasmaya məruz qalmış tuneldən 1976-cı il təvəllüdlü Şirinov Elnur Fazil oğlunun cəsədi FHN-in əməkdaşları tərəfindən suyun altından çıxarılaraq aidiyyəti üzrə təhvil verilib.

Hazırda ərazidə suyun çəkilməsi üçün işlər davam etdirilir.

Xatırladaq ki, həmin tuneldə #Ford markalı avtomobil də batıb.

Bakı Şəhər İcra Hakimiyyətinin başçısı Eldar Əzizov: "Ola bilsin ki, bəzi nöqsanlara yol verilib"

Sadəcə sözün bitdiyi yer... 🤦
Cəmi bir neçə saat yağıb. 3 gün yağası olsaydı, Xəzərə qarışardıq yəqin ki.

#Sabunçutuneli`ndə ötən gün yağan yağışın yaratdığı mənzərədir...
Əlbəttə ki, heç bir səlahiyyət sahibinin bu mənzərənin yaranmasında bir günahı yoxdur.
Hamısı milyonluq maşınlarında yarana biləcək problemlərimizi zərgər dəqiqliyi ilə önləmək üçün oturublar o çil-çıraqban kabinetlərindəki "myaqkiy" kreslolarında.
Əllərindən gələn hər şeyi ediblər və edirlər. Dünən gecədən şəhərdə həyat iflic olub deyə səhərdən iclas otaqlarından çıxmırlar. Axı o cür maşınlarla bu cür bataqlıqlardan necə keçmək olar?-sualına cavab axtarırlar.
Hamı-hamıya zəng edir, hamı hamıya sual verir, hamı-hamıya tapşırıq verir. Kişilər işləyirlər yəni. Daha neynəsinlər?
Günah yağışdadır. Çünki yağış gözləniləndən çox yağıb. Normadan artıq yağıb. Yağış nə bizi nə də söz sahiblərini düşünməyib.
#Ayıbolsunyağışa

#DİQQƏT! Hazırda #HeydərƏliyev prospektinin əsas hissəsinə nəqliyyat vasitələri #buraxılmır.
Bu da prospektə çıxan küçələrdə və digər yollarda #tıxaca səbəb olub.
Güclü yağış səbəbindən Heydər Əliyev prospektində yerləşən Bağırov körpüsünün altındakı tunel su ilə dolub.

https://oxu.az/cemiyyet/olke-erazisinde-yagis-ve-leysan-ne-vaxtadek-davam-edecek

Sabunçu Dəmiryol Vağzalının qarşısında yağışın fəsadları.

Şəhərin bu ağlamalı vəziyyətinə görə aidiyyatı qurumlarda görəsən heç utanan oldumu? Kimdənsə hesab soran olacaqmı ki, şəhər niyə su altında qalıb belə?

Siz hardasınız və vəziyyət necədir?

P.S. Mümkün qədər şəxsi avtomobillərlə evdən çıxmayın, əziz adamlar. Neçə-neçə maşınlar suyun içində sönüb qalıb.

Milli Hidrometeorologiya Xidmətinin oktyabrın 21-i saat 16:00-a olan məlumatına əsasən əvvəlcədən xəbər verildiyi kimi ölkə ərazisində yağıntılı hava şəraiti müşahidə olunur.

Ordubad, Gədəbəy, Füzuli, Zəngilan, İsmayıllı, Şamaxı, Qobustan, Altıağac, Quba, Qusar, Xaltan, Şabran, Mingəçevir, Zərdab, İmişli, Kürdəmir, Sabirabad, Cəfərxan, Neftçala, Biləsuvar, Lənkəran, Astara, Lerik, Bakıda və Abşeron yarımadasında arabir leysan xarakterli yağış, Xınalıq, Ləzə (Qusar), Daşkəsən, Şahdağda isə qar yağır.

Bakıda yağışın "romantikası": Küçələr GÖLƏ DÖNDÜ

Nəqliyyatın idarə edilməsi üzrə gecə monitorinqləri uğurla başa çatıb

Bakıda keçiriləcək COP29-a hazırlıq prosesi çərçivəsində tədbir müddətində yol hərəkətinin fasiləsiz və təhlükəsiz şəkildə təşkili məqsədilə paytaxtda nəqliyyatın idarə edilməsi üzrə gecə saatlarında keçirilən monitorinqlər uğurla yekunlaşdırılıb.

Azərbaycan Ordusunun hərbi qulluqçusu Famil Abdulla oğlu Tağıyev ürək çatışmazlığından vəfat edib.

Bu barədə Müdafiə Nazirliyindən bildirilib.

"Bu gün saat 02:30-da "Azərbaycan Dəmir Yolları" (ADY) QSC-yə məxsus elektrovoz Binə-Qala sahəsində hərəkətdə olarkən dövlət qeydiyyat nişanı 77-HU-132 olan "Mercedes Vito" markalı mikroavtobus xəbərdarlıq nişanlarına məhəl qoymadan yüksək sürətlə dəmiryol xəttini keçməyə cəhd edib və qatara çırpılıb".

Bu barədə "Azərbaycan Dəmir Yolları" (ADY) QSC-nin Mətbuat Xidməti məlumat yayıb.

"İlkin məlumata əsasən, toqquşma nəticəsində avtomobilin sürücüsü və sərnişin müxtəlif dərəcəli xəsarətlər alıblar və yaralılar xəstəxanaya yerləşdiriliblər.

ADY nəqliyyat vasitələri sürücülərini "Yol hərəkəti haqqında" Azərbaycan Respublikası Qanununun 44-cü maddəsinin tələblərinə ciddi riayət etməyə çağırır: "Dəmiryol keçidlərindən keçən zaman diqqətli olun! Qaydaları pozan sürücülər sadəcə 100 AZN məbləğində cərimələnmir, özünün və sərnişinlərin həyatını da riskə atırlar",-deyə məlumatda bildirilir.

Bakıya yağış 🌧️, dağlıq ərazilərə qar 🌨️yağacaq

Bakıda və Abşeron yarımadasında oktyabrın 21-i səhərdən 22-si gündüzədək arabir yağış yağacağı gözlənilir. Yarımadanın bəzi yerlərində leysan xarakterli olacağı ehtimalı var.

Şimal və qərb rayonlarından başlayaraq 23-ü səhərədək bəzi yerlərdə fasilələrlə yağıntılı olacağı gözlənilir. Ayrı-ayrı yerlərdə leysan xarakterli intensiv və güclü olacağı, dolu düşəcəyi, dağlıq ərazilərdə qar yağacağı ehtimalı var. Qərb küləyi güclənəcək.

Bəzi çaylardan qısamüddətli daşqın və sel keçəcəyi ehtimalı var.