Azad İran

🇮🇷 İranda qadın musiqiçiyə görə konsert ləğv edildi 🎤🎶

İranda İnsan Haqları Təşkilatı xəbər verir ki, bu gün İsfahan şəhərində keçiriləcək Lian qrupunun konserti qadın musiqiçiyə görə ləğv edilib.

Məlumata görə, qrupun çıxışı üçün bütün lazımı icazələr öncədən alınıb, ancaq musiqiçi Möhsün Şərifyanın qızı Liana Şərifyanın iştirakı səbəbindən sözügedən konsert ləğv edilib və verilən lisenziya da etibarsız hesab olunub.

‎حقوق بشر در ایران؛ طی روزهای اخیر، کنسرت گروه لیان که قرار بود در شهر اصفهان برگزار شود به علت «حضور یک نوازنده زن»به دستور مدیرکل ارشاد و معاونت هنری آن استان لغو شد.

#İran #konsert #qadın_musiqiçi

Kanala abunə olun

🇮🇷 İranda narazı vətəndaş hökumət rəsmilərinə od püskürdü: “Kül başınıza!” 🔥

Sosial şəbəkələrdə paylaşılan videoya görə, hökumətdən narazı vətəndaş ölkədə ərzaqların baha olmasını kəskin tənqid edib və ölkə rəsmilərinə səslənərək deyib: “Ölkə rəsmilərindən, Qalibafdan, Zərifdən, Mirsəlimdən həqiqətən üzr istəyirik, çünki biz sizin üçün yaxşı insan olmadıq. İnsanlar! Bizim ləyaqətimiz var!”.

Çarəsiz vətəndaş etirazının davamında qeyd edib: “Ətrafımızdakı ölkələrdəki insanlar tətil üçün Londona, yoxsa Parisə getsinlər deyə düşünürkən, mən indi bayramda kartof yeyib-yeməyəcəyimdən narahatam. Bizim ölkəmiz dünya sərvətlərinin 7 faizinə sahibdir. Dünya əhalisinin səkkizdə biri İranda yaşayır. Kül başınıza!”.

یک شهروند خطاب به مسئولین: ما عزت داریم؟ خاک بر سرتان

یک شهروند خطاب به مسئولین: ما عزت داریم؟ خاک بر سرتان. الان دغدغه ما این است که آیا سیب‌زمینی می توانیم بخریم یا نه.

#İran #vətəndaş #bahalıq #inflyasiya #etiraz

Kanala abunə olun

🇷🇺 Rusiya yenidən 🇮🇷 İran dronları ilə kütləvi şəkildə 🇺🇦 Ukraynaya hücuma keçib ❗️

Ötən gecə #Rusiya ordusu #İran istehsalı dronlarla #Ukraynanın bəzi şəhərlərini hədəfə alıb. Bununla bağlı, Ukrayna Silahlı Qüvvələrinin Hərbi Hava Qüvvələri Komandanlığının rəsmi “Telegram” kanalı xəbər verir.

Məlumata görə, Ukrayna qüvvələri hücumlar zamanı 57 ədəd İran istehsalı olan #Şahid_136/131 dronunu zərərsizləşdirib.

#Rusiya #Ukrayna #müharibə
#İran #dron #hücum

Kanala abunə olun

🛑 Suriyanın birinci xanımı ilk dəfə ictimaiyyət qarşısına çıxdı 🤔

#Suriya prezidenti Əhməd əş-Şəranın həyat yoldaşı #Lətifə_əd_Darubinin qəfil görünməsi ictimaiyyətin diqqətini çəkib. Lətifə əd-Darubi Səudiyyə Ərəbistanı və Türkiyəyə rəsmi səfərlərdə ərini müşayiət edib və burada Türkiyənin birinci xanım Əminə Ərdoğanla görüşüb.

Xatırladaq ki, Lətifə əd-Darubi 1984-cü ildə anadan olub və ixtisasca filoloqdur. O, Homs yaxınlığındakı Əl-Qaryatayn şəhərindən olan nüfuzlu bir ailədəndir. Əd-Darubi ailəsinin Osmanlı İmperiyasına qədər uzanan uzun bir tarixi var.

‎در چارچوب سفر رسمی احمد الشرع، رئیس جمهوری سوریه به ترکیه و دیدار او با اردوغان، رئیس جمهوری ترکیه امینه اردوغان، بانوی اول ترکیه نیز با لطیفه الشرع، همتای سوری خود دیدار و تصویر رسمی مشترکی با او در «اینستاگرام» منتشر کرد.

#Suriya #prezident

Kanala abunə olun

🇮🇷 İranda məhkəmə hakimlərinin qatili hadisə günü onlara səhər yeməyi gətirib 👨‍⚖️

ISNA xəbər verir ki, İranın Ədliyyə-Məhkəmə Sisteminin sözçüsü Əsğər Cahangiri bildirib ki, hakimləri qətlə yetirən şəxsin dəstə ilə əlaqəsi təsdiqlənib və kimlərlə əlaqədə olmasının müəyyənləşdirilməsi yönündə araşdırmalar aparılır.

Əsğər Cahangirin sözlərinə görə, Ali Məhkəmə hakimlərinin qatili onlara hadisə baş verən gün səhər yeməyi gətirib.

O, qeyd edib ki, cinayətkarın istifadə etdiyi silahda 9 güllə olub.

قاتل قضات دیوان عالی کشور ابتدای روز حادثه برای آنها صبحانه کاری آورده بود

#İran #məhkəmə_hakimləri #qatil

Kanala abunə olun

🇮🇷 İran XİN 🇺🇸 ABŞ-nin “maksimum təzyiq” siyasətinə reaksiya verdi: “Uğursuz bir təcrübədir” ❗️

“SNN/ir” xəbər verir ki, İranın xarici işlər naziri Abbas Əraqçı bu gün hökumətin iclasından sonra ABŞ prezidenti Donald Trampın “maksimum təzyiq” siyasətinəmünasibət bildirərək deyib ki, “bu, uğursuz sınaqdır və yenidən cəhd başqa bir uğursuzluğa səbəb olacaq”.

“Əsas məsələ İranın nüvə silahı əldə etməməsidirsə, bu həll edilə bilər və heç bir problem yoxdur. İranın mövqeyi bəllidir. Ali rəhbərin göstərişi də bizim üçün vəzifəni dəqiqləşdirib”, - deyə, Əraqçı qeyd edib.

واکنش عراقچی به صحبت‌های ترامپ؛ فشار حداکثری یک تجربه شکست خورده است

#İran #XİN #ABŞ #maksimum_təzyiq

Kanala abunə olun

SON DƏQİQƏ 🔥

🇮🇷 Xameneyi 🇱🇧 Hizbullah liderini özünün Livandakı nümayəndəsi təyin edib

“Didban Iran” xəbər verir ki, Hizbullahın baş katibi Nəim Qasım İranın ali rəhbəri Əli Xameneyinin Livandakı nümayəndəsi təyin olunub. Xameneyi bununla bağlı sərəncam imzalayıb.

Qeyd edək ki, əvvələr bu vəzifədə Hizbullahın öldürülən rəhbəri Həsən Nəsrullah olub.

شیخ نعیم قاسم نماینده آیت الله خامنه ای در لبنان شد
آیت الله خامنه ای طی حکمی شیخ نعیم قاسم دبیر کل حزب‌الله لبنان را به عنوان نماینده خود در کشور لبنان معرفی کردند.

#İran #Xameneyi #Livan #Hizbullah

Kanala abunə olun

İranın Moskvadakı səfiri: “🇮🇷 İran, 🇷🇺 Rusiya və 🇦🇿 Azərbaycan arasında koordinasiya aparılıb”

IRNA xəbər verir ki, dünən İranın Rusiyadakı səfiri Kazım Cəlali mətbuat konfransında Tehran və Moskva arasında hərtərəfli strateji əməkdaşlıq müqaviləsinin imzalanmasına toxunaraq deyib ki, ikitərəfli əlaqələrlə yanaşı, İran və Rusiya arasında regional əməkdaşlıq da davam edir.

Kazım Cəlali bildirib ki, Rəşt-Astara dəmir yoli xəttinin tikintisi layihəsi üzrə müqavilə mart ayının sonunadək imzalanacaq. Onun sözlərinə görə, İran, Rusiya və Azərbaycan arasında koordinasiya aparılıb.

Səfir qeyd edib ki, Tehran və Moskva arasında bank şəbəkələri arasında əlaqənin bir hissəsi də tamamlanıb. Eyni zamanda, səfir yeni elektrik stansiyalarının tikintisi üçün də danışıqların aparıldığını vurğulayıb.

#İran #Rusiya #əməkdaşlıq

Kanala abunə olun

🇺🇸 ABŞ iki 🇮🇷 İran casusu haqqında məlumat verənə 25 milyon dollar mükafat verəcəyini təklif edir 💵

“Iran Wire” saytı xəbər verir ki, FTB-nin Vaşinqtondakı sahə ofisi iki İran kəşfiyyatçısının görüntüsünü paylaşıb və onların həbsinə səbəb olacaq məlumat üçün 25 milyon dollar mükafat təklif edib.

FTB-nin məlumatına görə, iranlı iki casus – Məhəmməd Baseri və Əhməd Xəzayinin Amerika vətəndaşı Robert Bob Levinsonun qaçırılması və ölümündə əli var.

Qeyd olunub ki, 2007-ci il martın 7-də Kiş adasında yoxa çıxan Levinsonun qaçırılmasına İran rəsmiləri göstəriş versələr də, 18 ilə yaxındır ki, ABŞ vətəndaşının taleyi ilə bağlı heç bir açıqlama vermirlər. Eyni zamanda, iki İran kəşfiyyatçısının həbs üçün ilk olaraq 5 milyon dollar, daha sonra isə ABŞ Dövlət Departamentinin “Ədalət üçün Mükafat” proqramı tərəfindən 20 milyon dollar veriləcəyi vurğulanıb.

جایزه ۲۵ میلیون دلاری آمریکا برای اطلاعات درباره دو مامور ایرانی

#ABŞ #İran #casus #mükafat

🛑 Güney Azərbaycanda “paniranist faşizminə yox!” şüarı ilə aksiya keçirilib ✌️

Dünən Təbrizdə güneyli milli fəallar şəhər boyu “panisranist faşizminə yox!” şüarı yazılmış vərəqələr yapışdırıblar.

Məlumata görə, bu addım Güney Azərbaycanda milli fəalların sıxışdırılması siyasətinə etiraz olaraq və irqçi düşüncələrlə qarşı-qarşıya durmağın vacibliyini vurğulamaq üçün atılıb. Aksiyanın məqsədi paniranistlərin faşist düşüncələrinin fəsadları haqda ictimaiyyəti məlumatlandırmaqdır.

Fəallar hesab edirlər ki, bu ideologiya İranda Azərbaycanın milli-mədəni kimliyinə məhəl qoymayaraq, ayrı-seçkilik və zülmə zəmin yaradır. (AZOH)

پخش بروشورهای «نه به فاشیسم ایرانشهری» در چایکنار تبریز توسط فعالان حرکت ملی آزربایجان جنوبی

#Güney_Azərbaycan #milli_fəallar #aksiya #paniranizm #faşist_ideologiyası

Kanala abunə olun

🇮🇷 Pezeşkian: “Son prezident seçkilərində əhalinin 50 faizi iştirak etməyib” 🤔

İran prezidenti Məsud Pezeşkianın sözlərinə görə, bir vaxtlar xalqın 98%-i İslam İnqilabını dəstəkləsə də, indi hökuməti istəmir. Pezeşkian bildirib ki, son prezident seçkilərinə əhalinin 50%-i qatılmayıb.

“Xalq niyə bizdən narazıdır? Biz insannlara xidmət etmək istəmirik? Xaricdə İranın zəiflədiyini və ən pis vəziyyətdə olduğunu, eyni zamanda düşmənlərin İrana zərbə vura biləcəklərini deyirlər. Onlar fikir ayrılığı yaratmağa çalışırlar ki, insanlar etiraza qalxsınlar”, - deyə, Pezeşkian vurğulayıb.

Hökumət başçısının sözlərinə görə, “düşmən etirazlardan sui-istifadə etməyə çalışır”. O, ölkədə insanların problemlərini həll etməyə borclu olduqlarını bildirib. (Radio France Internationale)

پزشکیان: پنجاه درصد مردم در انتخابات اخیر شرکت نکردند

#İran #Pezeşkian #xalq #seçkilər

Kanala abunə olun

“Traktor” komandasının oyunu zamanı güneyliləri təhqir edən 🇮🇷 qadın azarkeşlər həbs edilib ❗️

GADTB xəbər verir ki, ötən günlərdə Tehranın Azadi stadionunda “Traktor” və “Persepolis” komandalarının oyunu zamanı güneylilərə qarşı təhqir dolu şüarlar səsləndirən iki qadın azarkeş saxlanılıb.

Məlumata görə, oyun zamanı “Persepolis” azarkeşlərinin yaratdığı münaqişədə bir neçə nəfər xəsarət alıb. Daha sonra isə İranın idman naziri Əhməd Dünyamalı tərəfindən məsələnin araşdırılması üçün iclas təşkil edilib. “Persepolis” komandasının qadın azarkeşlərinin etik olmayan hərəkətləri isə sosial mediada reaksiya ilə qarşılanıb.

Tehran prokurorluğu tərəfindən iki qadın azarkeş müəyyən edilib və onlara qarşı cinayət işi açılıb.

تماشاگر زن مسابقه پرسپولیس تراختور بازداشت شدند

#Güney_Azərbaycan #Traktor #qadın_azarkeşlər #həbs

Kanala abunə olun

🛑 Güney Azərbaycanda milli fəallar aksiya keçirdilər ✊

Güneyli milli fəallar son günlər Təbrizin müxtəlif yerlərində “Azadlıq, Ədalət, Milli hökumət”şüarı ilə vərəqələr yapışdırıblar.

Məlumata görə, son bir neçə gündə vərəqələr yapışdıraraq dəfələrlə təkrarlanan bu aksiya milli fəalların tələblərinin yerinə yetirilməməsinə və İran hökumətinin repressiv siyasətinə etiraz əlamətidir. Bildirilib ki, güneyli fəallar İran hökumətinin addımlarına qarşı xəbərdarlıq etməklə yanaşı, siyasi məhbuslarında qeyd-şərtsiz azadlığa buraxılmasını tələb ediblər.

Qeyd olunub ki, İranın insan haqlarına qarşı təzyiqləri və repressiv siyasəti yalnız milli fəaliyyətin davam etməsinə mane olmayacaq, həm də fəalların Güney Azərbaycan sakinlərinin hüquqlarının həyata keçirilməsi yolunda əzmkarlığını gücləndirəcək.

گسترش فعالیت‌های فعالان ملی آزربایجان جنوبی در تبریز

#Güney_Azərbaycan #milli_fəallar #aksiya #tələb

Kanala abunə olun