Avantaj|Buxgalteriya @avantaj_buxgalteriya Channel on Telegram

Avantaj|Buxgalteriya

@avantaj_buxgalteriya

Бухгалтерские услуги!

Avantaj|Buxgalteriya (Russian)

Avantaj|Buxgalteriya - канал, посвященный бухгалтерским услугам! Если вам нужна профессиональная помощь в ведении учета, налоговой отчетности, а также консультации по финансовым вопросам, то этот канал идеально подходит для вас. Наша команда опытных бухгалтеров и налоговых консультантов готова предоставить вам качественные услуги по доступным ценам. У нас вы найдете полезные статьи, советы по оптимизации налогов, а также информацию о последних изменениях в законодательстве. Присоединяйтесь к нам и получайте актуальные и полезные сведения для эффективного управления финансами вашего бизнеса!

Avantaj|Buxgalteriya

20 Jan, 06:30

АОС тўловчилар учун 462-моддани амалда ишламаётган қисми ишлашни бошлади.

СКнинг 462-моддасида Агар янги ташкил этилган юридик шахсда ёки янги рўйхатдан ўтган якка тартибдаги тадбиркорда товарларни (хизматларни) реализация қилишдан олинган даромад суммаси рўйхатдан ўтилган санадан то календар йил тугагунига қадар, 365 га бўлинган ва рўйхатдан ўтилган санадан то календар йил тугагунига қадар бўлган кунлар сонига кўпайтирилганда бир миллиард сўмга тенг суммадан ошса, у ҳолда бундай шахслар рўйхатдан ўтилган йилдан кейинги йилдан эътиборан қўшилган қиймат солиғи ва фойда солиғини тўлашга ўтади дейилган. Ушбу қоида аввалги йиллар ишламаётганди. 18-январ куни эса кўплаб тадбиркорларга ҚҚСга ўтгани тўғрисида ҳабарнома келди.

Эндиликда йил охирларида фирма очиб, 1 млрд оборот қилиб, кейинги йил яна АОСда қолишни иложи йўқ. Буни ҳам билиб қолишди ))) 😊

@avantaj_buxgalteriya
2,042
Avantaj|Buxgalteriya

18 Jan, 12:52

Миноралар, кўприклар (эстакадалар), резервуарлар (ўт ўчириш иншоотлари, цистерналар), бостирмалар, шийпонлар, бетон майдонлар ва деворлар (бордюрлар) учун мол-мулк солиғини ҳисоблашда 1 кв. метр учун мутлақ миқдорда белгиланган энг кам қиймат татбиқ қилинмайди.
15.04.2022 йилдаги ПҚ-208-сон

@avantaj_buxgalteriya
1,465
Avantaj|Buxgalteriya

18 Jan, 06:00

Товарларни божхона қийматидан паст сотиш натижасида қўшимча ҳисобланган ҚҚС суммаси харажат сифатида чегирилади.

СКнинг 248-моддаси, 5-қисмида Ўзбекистон Республикаси ҳудудига олиб кирилган (импорт қилинган) товарларни реализация қилиш чоғида солиқ базаси ушбу товарларни олиб кириш (импорт қилиш) чоғида бюджетга ҳақиқатда тўланган солиқ ҳисоблаб чиқарилган қийматдан паст бўлиши мумкин эмас дейилган. Агар паст бўлса, корхона ўзи қўшимча ҚҚСни ҳисоблаб чиқариши ва тўлаши керак. Ушбу қўшимча ҳисобланган солиқ СКнинг 305-модда, 4-қисм, 3-бандига асосан иқтисодий жиҳатдан ўзини оқлаган чиқимлар деб эътироф этилади ва фойда солиғи бўйича солиқ солинадиган базани аниқлашда чегириладиган харажат сифатида ҳисобга олинади.

@avantaj_buxgalteriya
1,764
Avantaj|Buxgalteriya

18 Jan, 03:00

Ишга қабул қилинаётган ҳодимдан ишга кириш тўғрисида ариза олиш мажбурий эмас.

Бу билан ариза олинса нотўғри бўлади дейишдан йироқмиз. Аммо ишчининг аризаси мажбурий хужжатлар қаторида турмайди. Меҳнат кодексининг 124-моддасида ишга қабул қилиш вақтида талаб қилинадиган ҳужжатлар келтириб ўтилган, булар:
- паспорт ёки унинг ўрнини босувчи ҳужжат ёхуд ID-карта, 16 ёшгача бўлган шахслар эса туғилганлик тўғрисидаги гувоҳнома ёки ID-карта;
- охирги иш жойи бўйича тасдиқланган қоғоз шаклидаги меҳнат дафтарчаси ёки электрон меҳнат дафтарчасидан кўчирма, бундан биринчи марта ишга кираётган шахслар мустасно;
- ҳарбий хизматга мажбурлар ёки чақирилувчилар учун тегишинча ҳарбий гувоҳнома ёки ҳарбий ҳисобда турганлик ҳақидаги гувоҳнома;
- олий ёки ўрта махсус, касб-ҳунар таълим ташкилотини тамомлаганлиги тўғрисидаги диплом;
- солиқ тўловчининг идентификация рақами;
- жисмоний шахснинг шахсий идентификация рақамини (мавжуд бўлганда);
- жамғариб бориладиган пенсия дафтарчасини, бундан биринчи марта ишга кираётган шахслар мустасно.

Ишга қабул қилиш вақтида ишга кираётган шахсдан қонунчиликда кўрсатилмаган ҳужжатларни талаб қилиш тақиқланади.
Кўриб турганингиздек ишчининг аризаси талаб қилинадиган ҳужжатлар қаторида йўқ. Меҳнат кодексига мувофиқ Ишга қабул қилиш иш берувчининг буйруғи билан расмийлаштирилади. Буйруқ чиқариш учун ходим билан тузилган меҳнат шартномаси асос бўлади. Шундай қилиб, ишга киришда ариза ёзмаса ҳам бўлади. Асосийси меҳнат шартномаси ва ишга қабул қилиш ҳақидаги буйруқдир.

@avantaj_buxgalteriya
1,554
Avantaj|Buxgalteriya

18 Jan, 00:43

#савол
Корхона ўз эҳтиёжи учун бино қурганда сотиб олинган материаллар бўйича ҚҚСни ҳисобга оладими?

Солиқ кодексининг 266-моддасида келгусида ўз асосий воситалари сифатида фойдаланиш учун мўлжалланган активларни яратиш учун товарлар (хизматлар) сотиб олинганда сотувчи томонидан солиқ тўловчига тақдим этилган солиқ суммасини ҳисобга олиш тўлиқ ҳажмда амалга оширилади дейилган. Фақат ушбу қурилган объект солиқ солинадиган фаолиятни кўрсатиш мақсадида фойдаланилиши керак.

@avantaj_buxgalteriya
1,399
Avantaj|Buxgalteriya

16 Jan, 07:30

Фойда солиғи бўнак тўловлари суммаси тўғрисида маълумотнома топшириш мажбурият эмас, балки ҳуқуқдир!

Солиқ кодексининг 340-моддасида Ҳар ойлик бўнак тўловини ҳисоблаб чиқариш солиқ органлари томонидан амалга оширилади дейилган. Солиқ тўловчи фойда суммасидан келиб чиққан ҳолда маълумотнома тақдим этиш ҳуқуқига эга. Маълумотнома тақдим қилмаслик хеч қандай жавобгарликка олиб келмайди.

2025 йил 1-чорагида тўланиши лозим бўлган ҳар ойлик бўнак тўловининг суммаси ўтган солиқ даврининг охирги чорагида тўланиши лозим бўлган ҳар ойлик бўнак тўлови суммасига тенг этиб қабул қилинади.

@avantaj_buxgalteriya
2,352
Avantaj|Buxgalteriya

16 Jan, 02:57

Мол-мулк солиғини ҳисоблаш.

Солиқ кодексига кўра кўчмас мулкка бўлган ҳуқуқларни давлат рўйхатидан ўтказувчи органларда рўйхатдан ўтказилиши лозим бўлган бинолар ва иншоотлар мол-мулк солиғи учун солиқ базаси белгиланган энг кам қийматдан паст бўлиши мумкин эмас. СКнинг 412-моддасига асосан объектнинг 1 кв. метри қиймати белгиланган энг кам қийматдан паст бўлса, солиқ тўловчи кўчмас мулк объектлари қийматини мустақил баҳолатиши мумкин. Бунда мустақил баҳолаш натижалари солиқ базаси сифатида эътироф этилади. Солиқни қайси қийматдан ҳисоблаш кераклигига доир бир нечта мисоллар келтириб ўтамиз.

1-вазият. 100 кв.метр бўлган вилоят марказидаги бинонинг ўртача йиллик қолдиқ қиймати - 280 млн сўм. СКнинг 412-моддасига асосан вилоят марказлари учун минимал қиймат 100 х 2,2 млн = 220 млн сўм. Бу вазиятда солиқ базаси ўртача йиллик қолдиқ қиймат бўлади.
2025-йил учун солиқ: 280 млн х 1,5% = 4,2 млн сўм.

2-вазият. 100 кв.метр бўлган вилоят марказидаги бинонинг ўртача йиллик қолдиқ қиймати - 160 млн сўм. Ушбу бино учун минимал қиймат 100 х 2,2 млн = 220 млн сўм. Бу вазиятда 4 хил ҳолат бўлиши мумкин.

а) Корхона мустақил баҳолашни амалга оширмади. Солиқ суммаси минимал қийматдан ҳисобланади.
2025-йил учун солиқ: 220 млн х 1,5% = 3,3 млн сўм.

б) Корхона мустақил баҳолашни амалга оширди. Баҳоловчи ташкилот бинони 180 млн сўмга баҳолади. Ушбу қиймат ўртача қолдиқ қийматдан юқори, лекин минимал қийматдан паст. Бу вазиятда корхона солиқни баҳоланган қийматдан тўлашга ҳақли.
2025-йил учун солиқ: 180 млн х 1,5% = 2,7 млн сўм.

с) Корхона мустақил баҳолашни амалга оширди. Баҳоловчи ташкилот бинони 250 млн сўмга баҳолади. Ушбу қиймат минимал қийматдан ҳам юқори. Бу вазиятда корхона солиқни минимал қийматдан тўлашга ҳақли бўлади.
2025-йил учун солиқ: 220 млн х 1,5% = 3,3 млн сўм.

д) Корхона мустақил баҳолашни амалга оширди. Баҳоловчи ташкилот бинони 140 млн сўмга баҳолади. Ушбу қиймат ўртача қолдиқ қийматдан паст. Бу вазиятда солиқ базаси ўртача йиллик қолдиқ қиймат бўлади. 2025-йил учун солиқ: 160 млн х 1,5% = 2,4 млн сўм.

@avantaj_buxgalteriya
2,225
Avantaj|Buxgalteriya

15 Jan, 08:43

Бошқа фирма касса аппарати ёки терминалидан фойдаланманг.

Бошқа шахслар номига расмийлаштирилган ҳисоб-китоб терминалларидан солиқ тўловчи томонидан фойдаланилиши
20 миллион сўм миқдорида жарима солишга сабаб бўлади. (СК 221-модда).

@avantaj_buxgalteriya
1,949
Avantaj|Buxgalteriya

15 Jan, 08:02

Корхона ҳисоб рақамига "Ҳисоб рақамни тўлдириш учун" деб пул тушириш.

Тўлов мақсадига бундай ёзилиши бир қанча ноаниқликларни келтириб чиқаради. Aввало билишимиз керак бўлган нарса, ушбу маблағ эгасига қайтариладими ёки йўқми? Шунга қараб қарз шартномаси тузилиши керак бўлади. Қайтарса ҳам, қайтармаса ҳам, корхонада солиқ оқибатлари келиб чиқади. Ҳисоб рақамга тушум манбаи доимо аниқ ёзилиши керак.
"Ҳисоб рақамни тўлдириш учун" деб пул тушириш тавсия етилмайди.

@avantaj_buxgalteriya
2,394
Avantaj|Buxgalteriya

14 Jan, 19:04

Кишининг бошига кутилмаганда бир бахтсизлик тушганда, ҳатто унга жуда ҳам яқин бўлган одамларда ҳам бундан аллақандай қониқиш ва мамнунлик ҳисси пайдо бўлади. Ҳеч истисносиз барча одамларда шундай туйғу бўлади. Киши чин юракдан ҳамдардлик ва ачиниш билдиради-ю, лекин ўзида юрагининг ички бир қаватларида мана шунақа бир сезгини ҳис қилиб туради. Ҳатто энг яқин кишиларингиз ҳам бундан мустасно бўлмайди.

Ф.Достоевский, «Жиноят ва жазо».
3,193
Avantaj|Buxgalteriya

14 Jan, 12:07

Айланмадан олинадиган солиқ йиллик ҳисоботининг муддати ҳам 15-феврал!

Айланмадан олинадиган солиқ бўйича ҳисоботлар солиқ ҳисобида турган жойидаги солиқ органига қуйидаги муддатларда тақдим этилади:

1) ҳисобот даври якунлари бўйича — ҳисобот давридан кейинги ойнинг ўн бешинчи кунидан кечиктирмай;
2) солиқ даври якунлари бўйича — солиқ давридан кейинги даврнинг 15 февралидан кечиктирмай. CК, 470-модда.

Ҳисобот (солиқ) даври якунлари бўйича солиқни тўлаш тегишли ҳисобот (солиқ) даври учун солиқ ҳисоботини тақдим этиш муддатидан кечиктирмай амалга оширилади, яъни 2025 йил 15-февралдан кечиктирмай.

@avantaj_buxgalteriya
3,050
Avantaj|Buxgalteriya

14 Jan, 12:05

15-январ 2024 йил декабр ойи учун жисмоний шахслардан олинадиган даромад солиғи ва ижтимоий солиқ бўйича ҳисобот топширишнинг охирги куни ЭМАС!

СКнинг 389-моддасига асосан жисмоний шахслардан олинадиган даромад солиғи бўйича ҳисобот ҳар ойда, ҳисобот давридан кейинги ойнинг ўн бешинчи кунидан кечиктирмай, йил якунлари бўйича эса — кейинги йилнинг 15 февралидан кечиктирмай топширилади дейилган. Шу сабабли 2024 йил декабр ойи учун ҳисоботни 2025 йил 15 февралга тақдим қилиш ҳуқуқига эгасиз.

@avantaj_buxgalteriya
2,412
Avantaj|Buxgalteriya

14 Jan, 03:42

Байрам муборак дўстлар 😊
2,504
Avantaj|Buxgalteriya

12 Jan, 17:33

"Ноль" ҳисобот топшириш шарт эмас!

Асосан ер солиғи, мол-мулк ва сув солиқларини "ноль" қилиб топшириш ҳолатлари учраб туради. КЎплаб тадбиркорлар юқоридаги солиқлар бўйича солиқ солиш объекти бўлмасада, яъни ери ёки кўчмас мулки бўлмаса ҳам "ноль" қилиб ҳисобот топширадилар. Агар сиз қайсидир солиқ тури бўйича солиқ тўловчи бўлмасангиз ҳисобот топшириш мажбуриятингиз йўқ. Ушбу тартиб Солиқ кодексида ҳам белгилаб қўйилган: Солиқ ҳисоботи солиқ органларига шахс фақат солиқ тўловчи деб эътироф этиладиган солиқлар бўйича тақдим этилади. СК, 81-модда.

Агар сизга бирор турдаги солиқ тўловчи бўлмасангиз ҳам ҳисобот тақдим қилмаганликда қўлланиладиган чораларни қўллашса ёки ноль қилиб топширишингизни айтишса, хуқуқингизни талаб қилинг.

@avantaj_buxgalteriya
2,967
Avantaj|Buxgalteriya

12 Jan, 15:28

25 ёшдан ошмаган ходимлар учун тўланган ижтимоий солиқ суммаси қоплаб берилиши тўхтатилади.

2023 йил 26 апрелдаги ПФ-61-сонга асосан иш берувчиларга 25 ёшдан ошмаган ходимлар учун тўланган ижтимоий солиқ суммасини Давлат бюджетидан тўлиқ қоплаб берилиши 2025 йил 1 январга қадар узайтирилганди. Ушбу имтиёз ҳам ўз ниҳоясига етди.

@avantaj_buxgalteriya
2,047
Avantaj|Buxgalteriya

11 Jan, 05:51

Абдуқодир! Шакарсан, шакар.

Футболчимиз “шаҳарликлар” билан 5 йиллик шартнома имзолайди.

Шахсан мен ушбу футболчимиз учун, ота-онаси ва қолаверса, футболимиз учун хурсанд бўлдим.
2,418
Avantaj|Buxgalteriya

11 Jan, 02:33

Текширув.

Назорат қилувчи органлар:

- «хавфни таҳлил этиш» тизими натижаларига асосан ўтказиладиган текширувларнинг бошланиши ҳақида камида 10 иш куни олдин тадбиркорлик субъектини хабардор қилиши керак.
Бундан ташқари, тадбиркорлик субъектининг илгари текширилган фаолият давридаги предмети ва объекти бўйича қайта текширув ўтказишга ва тадбиркорлик субъекти томонидан аввал тақдим этилган ҳужжатларни талаб қилишга ҳақли эмас, давлат ёнғин назорати органлари томонидан ўтказиладиган назорат текширувлари бундан мустасно.
13.09.2022 йилдаги ПҚ-374-сон

@avantaj_buxgalteriya
2,301
Avantaj|Buxgalteriya

09 Jan, 02:36

#мавзуданташқари
Постдаги «Stop»га тўхтамаслик, қоида бузилиши эмас.

Аввалроқ постдан ўтаётиб шу белгига амал қилмаганимиз учун жарима ҳам тўлаганмиз. Кейин билсак, жарима қўлланиши ноқонуний экан. Сизга ҳам илиндик.

«Тўхтамасдан ҳаракатланиш тақиқланган», 2.5. белгиси. Бу белги чорраҳаларга, темир йўл кесишмаси ёки карантин масканидан олдин ўрнатилиши мумкин. Ўрнатилиши мумкин бўлган жойлар ичида блокпостлар ёки бошқа жойлар йўқ. Шу 3та жойдан бошқа жойга ўрнатилганда белгига амал қилмаслик, қоида бузилиши ҳисобланмайди.

Вазирлар Маҳкамасининг қарори, 12.04.2022 йилдаги 172-сон
2,957
Avantaj|Buxgalteriya

08 Jan, 18:33

Молиявий санкцияларни 2 баробар кам тўлаш. (II)

Жавобгарликни енгиллаштирувчи ҳеч бўлмаганда битта ҳолат мавжуд бўлган тақдирда ҳам жарима миқдори 2 бараварга камайтирилади.

Жавобгарликни енгиллаштирувчи ҳолатлар.

1) шахсий ёки оилавий шароитлар оғир кечиши оқибатида солиққа оид ҳуқуқбузарликни содир этиш;

2) таҳдид ёки мажбурлаш
таъсирида ёхуд моддий, хизмат ёки бошқа жиҳатдан қарамлик сабабли солиққа оид ҳуқуқбузарликни содир этиш;

3) суд ёки ишни кўраётган солиқ органи томонидан жавобгарликни енгиллаштирувчи деб топилиши мумкин бўлган бошқа ҳолатлар.

Учинчи банддаги “бошқа ҳолатлар” қанақа бўлиши ҳақида шахсан менда тасаввур йўқ. Омон бўлсак, бошқа ҳолатлар ҳақида ҳам билиб олармиз…

@avantaj_buxgalteriya
2,262
Avantaj|Buxgalteriya

08 Jan, 18:11

Молиявий санкцияларни 2 баробар кам тўлаш.

Аниқланган солиққа оид ҳуқуқбузарликлардаги айбга иқрор бўлинганда ва солиқ органининг солиққа оид ҳуқуқбузарлик учун жавобгарликка тортиш тўғрисидаги қарори олинган кундан (қарор қабул қилинган кун эмас) эътиборан 10 кунлик муддатда молиявий санкциялар суммаси ихтиёрий равишда тўланганда жарима миқдори 2 бараварга камайтирилади.
CК, 218-модда.

@avantaj_buxgalteriya
2,029
Avantaj|Buxgalteriya

08 Jan, 15:21

Ижара шартномасини "e-ijara"да рўйхатдан ўтказмаслик катта жарималарга олиб келади.

Ҳисобга қўйилмаган шартномалар асосида ижарага олинган ёки текин фойдаланилаётган кўчмас мулк объектларида сақланаётган товар-моддий захиралар қолдиқлари саноқдан (инвентаризациядан) ўтказилмайди ва солиқ солиш мақсадларида солиқ тўловчининг омборида мавжуд эмас деб баҳоланади. Бундай ҳолат солиқ базасини яшириш деб баҳоланади ва сизни катта жарималар кутади.

СКнинг 223-моддасига асосан ҳисобда реализация қилинмаган деб кўрсатилган товарларнинг омборда ёки реализация қилиш жойида мавжуд эмаслиги солиқ базасини яшириш (камайтириб кўрсатиш) деб эътироф этилади ва яширилган (камайтириб кўрсатилган) солиқ базаси суммасининг 20 фоизи миқдорида жарима солишга сабаб бўлади.

Соддароқ тушунтирсак, "e-ijara"да рўйхатдан ўтказилмаган омбордаги ТМЗларингиз мавжуд эмас деб ҳисобланади. Солиқ органи ушбу товарларни сотилган деб ҳисоблаб 12% ҚҚС ҳисоблайди ҳамда 20% жарима қўллайди.

@avantaj_buxgalteriya
2,996
Avantaj|Buxgalteriya

03 Jan, 19:17

Юқоридаги постда айтилган ҳодимларни суғурта қилдирмаганлик учун қандай жазо чоралари бор?

Иш берувчининг фуқаролик жавобгарлигини мажбурий суғурта қилиш тўғрисидаги қонунчилик талабларини бажармаслик — фуқароларга базавий ҳисоблаш миқдорининг 7 бараваридан 10 бараваригача, мансабдор шахсларга эса — 10 бараваридан 15 бараваригача миқдорда жарима солишга сабаб бўлади.

Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса — фуқароларга базавий ҳисоблаш миқдорининг 10 бараваридан 15 бараваригача, мансабдор шахсларга эса — 15 бараваридан 30 бараваригача миқдорда жарима солишга сабаб бўлади. МЖТК, 49 прим 2-модда.

@avantaj_buxgalteriya
1,267
Avantaj|Buxgalteriya

03 Jan, 17:00

Унча катта бўлмаган фарзанд тарбиялашдаги тажрибамдан шуни тушундимки, фарзандларим тарбияни уларга айтган гапларимдан эмас, қилаётган амалимдан олишар экан. Агар уларга кўп телефон ўйнаш ёмонлигини тинмай айтсам-у, лекин олдиларида ўзим телефондан бош кўтармасам, буни ёмон ишлигига ишонишмайди. Агар китоб ўқиш яхшилигини ҳар куни айтсам-у, лекин бирор марта китоб ўқиганимни кўришмаса, китобга меҳр қўйишлари қийин. Мен ўғлига битта сўкиниб қўйинг дейдиган оталарга тушунмайман. У ўғлини ким бўлишини истайди? (Улар бу постни ўқимаса ҳам керак).
Ўзимизни тарбиялайлик, фарзандларимиз ҳам тарбияли бўлади Худо хоҳласа.
2,062
Avantaj|Buxgalteriya

03 Jan, 12:41

Иш берувчилар учун эслатма!

Аксарият иш берувчилар амал қилмайдиган, аслида эса мажбурий бўлган суғурта тури бор. Бу иш беручининг фуқаролик жавобгарлигини мажбурий суғуртасидир. Иш берувчи у давлат рўйхатидан ўтказилган санадан ёки иш берувчилар — жисмоний шахслар учун меҳнат шартномаси (контракти) тузилган санадан бошлаб 15 иш кунидан кечикмай меҳнатда шикастланиш, касб касаллиги ёки унинг меҳнат мажбуриятларини бажариши билан боғлиқ ҳолда соғлиғининг бошқача шикастланиши муносабати билан ходимнинг ҳаётига ёки соғлиғига етказилган зарарни қоплаш бўйича ўз фуқаролик жавобгарлигини суғурта қилиши шарт.

Ҳурматли иш берувчилар, ҳодимларингизни иш жараёнида бўлиши мумкин бўлган бахтсиз ҳодисалардан суғурталаб қўйинг.

@avantaj_buxgalteriya
1,304
Avantaj|Buxgalteriya

03 Jan, 05:00

Ипотекага олган уйингизни 36 ой ичида сотсангиз, фойдаланган солиқ имтиёзларингиз бекор қилинади.

2023 йил 1 январдан кейин ипотека кредити ҳисобига сотиб олинган, қурилган ёки реконструкция қилинган уй-жой фондининг кўчмас мулк объектлари кўчмас мулкка бўлган ҳуқуқлар давлат рўйхатидан ўтказилган санадан эътиборан 36 ой ичида бошқа шахсга ўтказилган бўлса, солиқ имтиёзининг амал қилиши солиқ имтиёзини қўллашнинг бутун даври учун солиқни тўлаш мажбурияти тикланган ҳолда бекор қилинади. СК, 378-модда.

@avantaj_buxgalteriya
1,392
Avantaj|Buxgalteriya

03 Jan, 02:00

Халқ тилидаги "больничный", яъни Вақтинча меҳнатга қобилиятсизлик нафақасини тўғри ҳисобланг. Ундан ижтимоий солиқ тўланмайди.

Вазирлар Маҳкамасининг, 31.05.2024 йилдаги 314-сон қарорига асосан, вақтинча меҳнатга қобилиятсизлик бўйича нафақа қуйидаги миқдорларда тўланади:

- умумий иш стажи 8 йил ва ундан ортиқ бўлган ходимларга ҳамда 21 ёшга етмаган чин (сағир) етимларга иш ҳақининг 80 фоизи миқдорида;
умумий иш стажи 8 йилгача бўлган ходимларга иш ҳақининг 60 фоизи миқдорида.

Шунингдек, корхона ўз жамоат шартномасида ёки ички норматив ҳужжатларида больничный учун оширилган миқдорларни белгилаши мумкин. Ёки барча ҳодимлар учун, иш стажи ёки имтиёзларидан қатъий назар 100% миқдорда тўлаши ҳам мумкин.

Белгиланган норма доирасида тўланган вақтинча меҳнатга қобилиятсизлик бўйича нафақа СКнинг 377-моддаси 15-бандига кўра бошқа даромадлар таркибига киритилади ва ундан фақат даромад солиғи тўланади, ижтимоий солиқ тўланмайди. Чунки, СКнинг 403-моддасига кўра ижтимоий солиқ  Меҳнатга ҳақ тўлаш тарзидаги даромадлардан ҳисобланади. Нормадан ортиқча тўланган больничный миқдоридан даромад солиғи ва ижтимоий солиқ ҳам тўланади, СКнинг 374-моддаси 9-банд.

@avantaj_buxgalteriya
1,700
Avantaj|Buxgalteriya

02 Jan, 19:32

Ҳомиладорлик ва туғиш нафақаси.

Аёлга туғруққача 70 календарь кун ҳамда туғруқдан кейин 56 календарь кун (туғиш қийин кечган ёхуд 2 ёки ундан ортиқ бола туғилган тақдирда, 70 календарь кун) давомида таътил берилади.

Бюджет ташкилотлари томонидан нафақа бюджет маблағлари ҳисобидан тўланади.
Иш берувчилар томонидан нафақа ўз маблағлари ҳисобидан тўланади.

Ҳомиладорлик ва туғиш бўйича бериладиган нафақалар ходим:

ишга қабул қилинган кундан 12 ойгача иш стажига эга бўлганда — ўртача ойлик иш ҳақининг 75 фоизи;

ишга қабул қилинган кундан 12 ой ортиқ иш стажига эга бўлганда — ўртача ойлик иш ҳақининг 100 фоизи миқдорида тўланади.

@avantaj_buxgalteriya
1,343
Avantaj|Buxgalteriya

01 Jan, 20:56

#тафаккур
Ўз ҳаётингизда яшанг.

Ижтимоий тармоқларда бахтли хаётни кўрсатаётганларни кўриб, ўз ҳаётини зерикарли деётганлар, ўзини бахтсиз ҳис этаётганлар ва ҳатто эр-хотин бир-биридан инстаграмда кўрган ҳаёт тарзини талаб қилаётганлар ҳам йўқ эмас. Бир нарсани унутмайликки, инсон ижтимоий тармоқларга муаммоли ва ташвишли кунларидан видеолавҳа жойламайди. Фақат бахтли онларини жойлайди. Бундан ташқари, ҳаммаси ҳам демайман, лекин аксарияти камера олдида “бахтли” қилиб кўрсатилади. Инстаграмга қўймасдан ҳам бахтли яшаётганлар талайгина. Ҳаммага шундай асл бахт насиб этсин. Менимча ҳозир инсонлар бирор буюм олса бахтли бўладими ёки олган нарсасини ижтимоий тармоқларда кўрсатишдан бахтли бўладими, аниқлаб олиши керак.

Хулоса шуки, бошқалар ҳаёти билан овора бўлиб, ўз ҳаётимизни унутиб қўймайлик. Сўраган ўнта нарсамиздан тўққизтаси берилиб, биттаси берилмаса, бахтсиз бўлиб қолмайлик. Берилмаган битта нарса учун ҳаловатимиз йўқолмасдан, берилган тўққизтаси учун шукр қилсак, ҳотиржамроқ ва бахтлироқ бўламиз!
1,519
Avantaj|Buxgalteriya

01 Jan, 13:24

#савол
Шахсий автомобилимни сотишдан фойда кўрсам, қандай солиқлар тўлайман?

Автомобилни сотишдан олинган даромадлар мазкур автомобилни сотиш суммасининг уни олиш қийматидан ошган қисми сифатида аниқланади. Автомобилни сотишдан даромад жисмоний шахснинг мулкий даромади ҳисобланади.
(СК, 375-модда).
Солиқ тўловчиларга хусусий мулк ҳуқуқи асосида тегишли бўлган мол-мулкни сотишдан олинадиган даромадлар солиқ солинмайдиган даромадлардир.
(СК, 378-модда).

Демак, жисмоний шахслар автомобил сотишдан олган даромадидан солиқ тўламайди.

@avantaj_buxgalteriya
1,421
Avantaj|Buxgalteriya

01 Jan, 10:05

Янги 5-сонли БҲМСда хизмат муддати ва қийматидан қатъий назар асосий воситалар таркибига киритилмайдиган қимматликлар рўйхати чиқариб ташланди. Ушбу рўйхат 4-сонли БҲМСда мавжуд.

@avantaj_buxgalteriya
1,522
Avantaj|Buxgalteriya

01 Jan, 06:18

Амортизация ҳисоблаш тартиби ўзгарди.

Эски БҲМСга асосан амортизация ҳисоблаш объект асосий воситалар таркибига қабул қилинган ойдан кейинги ойнинг дастлабки санасидан бошланар эди. Янги БҲМСга кўра эндиликда амортизация ҳисоблаш объект асосий воситалар таркибига қабул қилинган ва ишга туширилган санадан бошланади.

Бундан ташқари, бир бирлик (тўплам) учун қиймати белгиланган МҲТЭКМнинг 50 бараваридан ортиқ бўлган буюмлар асосий восита таркибига киритилиши тўғрисидаги мезон чиқариб ташланди. (аввал ҳам корхона раҳбари қийматнинг бошқа энг кам чегарасини белгилаш ҳуқуқига эга эди).

@avantaj_buxgalteriya
2,551
Avantaj|Buxgalteriya

01 Jan, 02:16

Солиқ режимини ўзгартирган тадбиркорлар бугундан онлайн НКМларини қайта созлаб олишлари керак. ҚҚС тўлашга ўтган савдо ва хизмат кўрсатиш корхоналари харидорларга ҚҚС суммасини алоҳида кўрсатган ҳолда НКМ чеки бериши шарт. Ва аксинча, ҚҚС тўловчидан айланмадан солиқ тўлашга ўтганлар чекларни ҚҚСсиз расмийлаштириши керак.
1,545
Avantaj|Buxgalteriya

29 Dec, 15:03

Қўшилган қиймат солиғи ва фойда солиғи ставкалари 2028 йил 1 январга қадар оширилмайди.

2025 йил 1 апрелдан бошлаб даромадидан қатъий назар фармацевтика маҳсулотлари савдоси билан шуғулланувчи ёки тиббий хизмат кўрсатувчи юридик шахслар қўшилган қиймат солиғини тўловчилар деб эътироф этилади.
2024 йил 27 декабр, ПФ-229.

@avantaj_buxgalteriya
2,239
Avantaj|Buxgalteriya

28 Dec, 17:30

#тафаккур
Яқинда бир хабар ўқидим. Хабарда “Ўзбекистонда фаолият юритувчи тергов ҳибсхоналари деярли тўлиб бўлган” деб ёзилган.
Олий суд раиси Бахтиёр Исломов муаммо янги тергов ҳибсхоналарини қуриш билан ҳал қилинмаслиги кераклигини айтган.

Шу ўринда эшитган пайтим мағзини унчалик чақолмаган бир гап эсимга тушди. “Бугун таълимга бир доллар сарфлаш керак бўлганда сарфламасак, эртага ўн доллар сарфлаб қамоқхона қуришга мажбур бўламиз”.

Фарзандларимизни илмли қилайлик. Имом Бухорий айтганидек, дунёда илмдан бошқа нажот йўқ ва бўлмагай!
3,068
Avantaj|Buxgalteriya

28 Dec, 15:47

2025 йил 1 январдан Ногиронлиги бўлган шахсларнинг жамоат бирлашмалари ягона иштирокчиси ҳисобланган юридик шахслар томонидан реализация қилинадиган товарлар ва хизматлар учун қўшилган қиймат солиғи бўйича имтиёз бекор қилинади.
18.09.2024 йилдаги ПФ-140-сон

@avantaj_buxgalteriya
2,246
Avantaj|Buxgalteriya

28 Dec, 02:18

- Бўялган матони, бўялган газламани ва тайёр тикув-трикотаж маҳсулотини экспорт қилувчи тадбиркорлик субъектлари; (экспорт қилишдан олинган тушум умумий тушумнинг камида 80%ни ташкил қилиш шарти билан)

- Чакана савдо ва умумий овқатланиш корхоналари;
- меҳмонхоналар;
- автотранспорт воситасида йўловчи ва юк ташувчи корхоналар;
- автотранспорт воситаларини таъмирлаш ҳамда уларга техник хизмат кўрсатувчи корхоналар;
- компьютер хизматларини кўрсатувчилар;
- маиший техникани таъмирлаш билан шуғулланувчи корхоналар;
- агро ва ветеринария хизматлари кўрсатувчи корхоналар;
- кўнгилочар марказларда хизматлар кўрсатувчи тадбиркорлик субъектлари; (юқорида келтирилган фаолиятдан олинган даромад умумий даромаднинг камида 60%ни ташкил қилиш шарти билан)

Санаб ўтилган тадбиркорлик субъектлари 2025 йил 1 январгача Ижтимоий солиқни 1% тўлашар эди. Ушбу имтиёз муддати тугади.

@avantaj_buxgalteriya
2,690
Avantaj|Buxgalteriya

27 Dec, 04:00

Кўчмас мулкка бўлган ҳуқуқларни давлат рўйхатидан ўтказувчи органларда рўйхатдан ўтказилиши лозим бўлган бинолар ва иншоотлар мол-мулк солиғи учун солиқ базаси қуйидаги миқдорларда 1 кв. метр учун мутлақ миқдорда белгиланган энг кам қийматдан паст бўлиши мумкин эмас:

Тошкент шаҳрида — 3 300 000 сўм;
Нукус шаҳрида ва вилоят марказларида — 2 200 000 сўм;
бошқа шаҳарларда ва
қишлоқ жойларда — 1 300 000 сўм.

@avantaj_buxgalteriya
2,039
Avantaj|Buxgalteriya

27 Dec, 03:08

Солиқ режимини ўзгартирмоқчи бўлганлар 15-декабргача солиқ органини хабардор қилиши керак эди. Сенат қонунни 18-декабрда маъқуллаяпти. Получается, Сенатдан умид қилмасдан 15-декабргача ўзига мос солиқ режимини танлаганлар тўғри қилган )))
1,986
Avantaj|Buxgalteriya

27 Dec, 02:54

Экспортчиларнинг фойда солиғидан “имтиёзи” бекор қилинди.

Корхоналар товарларни (ишларни) экспортга реализация қилишдан олган фойдаси учун 0% ставкада фойда солиғи ҳисоблар эди. ЎРҚ-1014га асосан 2025 йилдан бошлаб экспортчилар ҳам фойдасидан 15% ставкада фойда солиғи тўлайди. Экспортчи Айланмадан солиқ тўловчилар ҳам белгиланган ставкада айланмадан солиқ тўлайдилар.
Шунингдек, товарларнинг (ишларнинг, хизматларнинг) электрон савдосини амалга оширувчи солиқ тўловчилар 10% ставкада фойда солиғи тўлайди. (аввал 7,5% эди).

@avantaj_buxgalteriya
2,766
Avantaj|Buxgalteriya

27 Dec, 02:00

Телекоммуникация мобил алоқа хизматларини (акциз тўланадиган хизматларни) кўрсатадиган Ўзбекистон Республикаси юридик шахслари учун акциз солиғи тўлаш тартиби бекор қилинди. Шу кунгача мобиль алоқа хизматлари кўрсатувчи корхоналар 10% акциз солиғи тўлар эди.

@avantaj_buxgalteriya
2,043
Avantaj|Buxgalteriya

27 Dec, 01:00

2026 йилдан ЎРҚ-1014га асосан солиқ кодексининг 470 прим 1 моддаси чиқариб ташланмоқда. Бу модда Қатъий белгиланган суммадаги солиқ ставкаси бўйича солиқ тўлашнинг ўзига хос хусусиятлари тўғрисида эди. Эндиликда АОСни қатъий ставкада тўловчилар ушбу солиқ бўйича ҳисобот ҳам топширади, дивиденд солиғини ҳам тўлайди.

АОСни қатъий белгиланган суммада тўловчи солиқ тўловчилар учун 2025 йил солиқ ставкаси қуйидаги миқдорларда белгиланади:

Жами даромади беш юз миллион сўмдан ошмаган солиқ тўловчилар учун - йиллик 30 миллион сўм;

Жами даромади беш юз миллион сўмдан юқори бўлган солиқ тўловчилар учун - йиллик 40 миллион сўм;

@avantaj_buxgalteriya
2,174
Avantaj|Buxgalteriya

26 Dec, 11:24

Мол-мулкини ижарага берувчи жисмоний ва юридик шахслар учун ижара тўловининг энг кам миқдорлари белгиланди.

2025 йилда Тошкент шаҳрида 1 кв.метр турар жой учун белгиланган энг кам ставка - 28 000 сўм, нотурар жой учун эса - 45 000 сўм этиб белгиланди. Нукус шаҳри ва вилоят маркази бўлган шаҳарларда 1 кв.метр

- турар жой - 13 500 сўм
- нотурар жой - 26 500 сўм

Бошқа аҳоли пунктларида 1 кв.метр

- турар жой - 5 500 сўм
- нотурар жой - 11 000 сўм

Енгил автомобиллар ижараси - 858 000 сўм, юк автомобиллари, автобус ва микроавтобуслар учун - 1 705 000 сўм.

Эслатма. Ушбу энг кам қийматлар фақатгина солиқ солиш мақсадида қўлланилади. Бундан кўп ёки кам суммага шартнома тузилиши мумкин. Батафсил бу ерда.

@avantaj_buxgalteriya
2,722
Avantaj|Buxgalteriya

26 Dec, 07:00

Афсус, энди бу қонуний.

2025 йил 1 январдан бошлаб Ўзбекистон Республикасида Интернет бутунжаҳон ахборот тармоғида таваккалчиликка асосланган ўйинларни ташкил этиш ва букмекерлик фаолиятини амалга оширишга рухсат этилди.
Ушбу фаолият билан тегишли лицензия олиб шуғулланиш мумкин. Лицензия 5 йил муддатга берилади.

Ташкилотчи учун пул маблағи билан шакллантирилган минимал устав капитали миқдори:

Интернет тармоғида ўйинлар ва букмекерлик фаолияти ташкилотчиси учун БҲМнинг 150 минг баравари миқдорида; (56,25 млрд сўм)

лотерея ташкилотчиси учун БҲМнинг 55 минг баравари миқдорида; (20,625 млрд сўм) бўлиши керак.

Бундан ташқари, ютуқлар бўйича қарздорликни тўлаш, ставкаларни қайтариб бериш, солиқ мажбуриятлар ва бошқа қарздорликларни қоплаш мақсадида:
Интернет тармоғида ўйинлар ва букмекерлик фаолияти ташкилотчиси учун БҲМнинг камида 75 минг баравари миқдорида; (28,125 млрд сўм)

лотерея ташкилотчиси — БҲМнинг камида 40 минг баравари миқдорида (15 млрд сўм) маблағ шаклида резерв ажратиши керак.

@avantaj_buxgalteriya
1,986
Avantaj|Buxgalteriya

26 Dec, 04:00

Йил сўнггида қуйидаги кунлар дам олинади:

28 декабрь (шанба) — 5 кунлик иш ҳафтасида ишлайдиган ходимлар учун дам олиш куни (6 кунлик иш ҳафтасида ишлайдиган ходимлар учун *иш куни*);

29 декабрь (якшанба), 30 декабрь (душанба), 31 декабрь (сешанба), 1 январь (чоршанба), 2 январь (пайшанба) — 5 кунлик иш ҳафтасида ишлайдиган ходимлар учун дам олиш куни, 6 кунлик иш ҳафтасида ишлайдиган ходимлар учун қўшимча дам олиш куни.

Ишчиларга қайси куни қайси қарор ёки фармонга асосан дам олаётгани, қайси куни қўшимча дам олиш куни эканлигини қизиғи йўқ деб ўйлаймиз ))) Асосийси 5-6 кун дам. Маза қилиб ҳордиқ чиқариш керак, тамом. Барчага мароқли ҳордиқ ҳамроҳ бўлсин.

@avantaj_buxgalteriya
2,092
Avantaj|Buxgalteriya

26 Dec, 03:00

Корхона жисмоний шахс билан ижара шартномаси тузса, даромад солиғини ушлаб қолишга мажбур.

Жисмоний шахс мол-мулкини ижарага берганда мулкий даромад олади ва 12% солиқ тўлаши керак бўлади. Ижарага олувчи юридик шахс бўлса, солиқ агенти сифатида, солиқни ҳисоблаб чиқариш, ушлаб қолиш ва бюджетга тўлашни амалга ошириши шарт.
СК, 375, 386, 387, 390 моддалар.

@avantaj_buxgalteriya
1,891
Avantaj|Buxgalteriya

26 Dec, 01:00

Фоиз шаклидаги даромадларга тўлов манбаида солиқ солинмайди.

2020 йил 1 январдан бошлаб Ўзбекистон Республикаси солиқ резидентига тўланадиган фоизлар ушбу даромадларни олувчининг солиқ базасида ҳисобга олинадиган тартиб жорий қилинган.
(СК, 344-модда).

Фоиз шаклида даромад олишни тавсия қилмаймиз.

@avantaj_buxgalteriya
1,880
Avantaj|Buxgalteriya

09 Dec, 18:58

Пул - яхши хизматкор, лекин ёмон хўжайин.

Фрэнсис Бэкон
3,450
Avantaj|Buxgalteriya

22 Nov, 10:07

Солиқ текшируви пайтида текширувчи ЭҲФлардан кўчирма сўраши мумкин эмас.

Солиқ кодексининг 146-моддасида ҳисобга олиш ҳужжатлари электрон шаклда тузилган тақдирда солиқ тўловчи (солиқ агенти) солиқ текшируви чоғида солиқ органлари мансабдор шахсларининг талабига кўра бундай ҳужжатларнинг қоғоздаги кўчирма нусхаларини тақдим этиши шарт, бундан электрон ҳисобварақ-фактураларнинг ахборот тизимида рўйхатга олинган ҳисобварақ-фактуралар мустасно дейилган. ЭҲФдан бошқа электрон расмийлаштирилган ҳужжатлар, агар текширувчи талаб қилса, қоғозга чиқарилган ҳолда тақдим қилиниши керак.

@avantaj_buxgalteriya
822
Avantaj|Buxgalteriya

22 Nov, 01:51

Кеча жисмоний шахслар ўртасида текин фойдаланиш асосида тузилган ижара шартномалари бўйича ижарага берувчиларга 12% даромад солиғи ҳисобланди. 2024 йилдаги барча ойлар учун кеча пенялар билан ҳисобланди. Лекин қизиқ, даромад солиғи нега ижарага берувчига ҳисобланди? Ижара текин бўлгани учун солиқ оқибатлари ижарага олувчида пайдо бўлади-ку?!
СК, 377-модда, 3-банд.

@avantaj_buxgalteriya
1,252
Avantaj|Buxgalteriya

18 Nov, 02:15

Айланмадан олинадиган солиқ, сув ресурсларидан фойдаланганлик учун солиқ, мол-мулк солиғи ва ер солиқларига нисбатан 2 йилгача тўлашни кечиктириш ёки бўлиб-бўлиб тўлаш имконияти берилиши мумкин. СК, 99-модда.

@avantaj_buxgalteriya
2,154
Avantaj|Buxgalteriya

16 Nov, 12:00

Яқинда бир хабар кўриб қолдим. Илон Маск Твиттерни 44 млрд долларга сотиб олганда банк комиссияси учун 200 млн доллар тўлаган. Банк хизмати учун 200 млн доллар. Ҳаёлимга келган биринчи фикр, банк тарифи қиммат экан 😊 қарийб 0,5%. 200 млн доллар камчилик инсонлар ишлаб тополадиган миқдор. Бу суммани 10 баробар камайтирамиз. 20 млн доллар ҳам аксарият инсонлар умри давомида ишлаб тополмайдиган миқдор. Майли, яна 10 баробар камайтирамиз. 2 млн доллар. Ишлаб топиш учун бир неча йиллар, балки бир неча ўн йиллар кетади. Дунё шундайда, сени бир умр ишлаб топган пулингни 100 баробари кимларнидир бир марталик банк хизмати учун тўлаган пулига тенг.

Шунинг учун, мол-дунёда ўзимиздан пастга, илмда ўзимиздан юқорига қарасак, ҳаммаси жойида бўлади ва хотиржамроқ яшаймиз.
2,211
Avantaj|Buxgalteriya

16 Nov, 07:00

"Обороти" 1 миллиарддан ошганлар ҚҚС тўлашга ўтади. Бошқа даромадлар ҳам ҳисобга олинадими?

Солиқ кодексининг 462-моддасида "Солиқ даври давомида жами даромади 1 миллиард сўмдан ошган солиқ тўловчилар, шу жумладан янги ташкил этилган юридик шахслар ва янги рўйхатдан ўтган якка тартибдаги тадбиркорлар жами даромади кўрсатилган миқдорга етган кундан эътиборан қўшилган қиймат солиғини ва фойда солиғини тўлашга ўтади" дейилган. "Жами даромад" таркибига товарлар реализациясига қўшимча бошқа даромадлар ҳам киритилади. Хулоса қиладиган бўлсак, товарлар реализацияси ва бошқа даромадларни қўшганда жами даромад 1 млрд.дан ошса, ҚҚС тўлашга ўтилади. Мисол учун, товарлар реализациясидан олинган даромад 970 млн ва 35 млн қайтармаслик шарти билан молиявий ёрдам олинди дейлик. Реализациядан даромад 970 млн сўм бўлса ҳам, жами даромад 1млрд.дан ошгани учун ҚҚС тўлашга ўтишга тўғри келади.

@avantaj_buxgalteriya
1,778
Avantaj|Buxgalteriya

16 Nov, 04:00

Резидент ва Норезидентдан фоизсиз қарз (қайтариш шарти билан молиявий ёрдам) олинганда солиқ оқибатлари.

СКнинг 299-моддасига асосан фоизсиз қарз олинганда, олувчи томон қарз олиш санасидаги қайта молиялаштириш ставкаси миқдорида даромад кўради. Ушбу даромад корхонанинг даромадлари таркибида акс эттирилади ҳамда фойда солиғи ёки айланмадан солиққа тортилади. Даромадни ҳисоблаш фoрмуласи:

Қарз суммаси х қайта молиялаштириш ставкаси / 365 кун х ҳисобот даврида қарздан фойдаланилган кунлар сони.

Мисол учун, қайтариш шарти билан 100 млн сўм фоизсиз молиявий ёрдам олинган. Қарз 47 кунда қайтарилди. Ушбу ҳисобот даврида қарз олувчи 100 млн х 13,5% / 365 х 47 кун = 1 738 356,16 сўмни даромадлари таркибида акс эттиради.

Худди шундай қарз норезидентдан олинса, 299-модданинг бу қоидаси тадбиқ қилинмайди, яъни қарз олувчи томонда солиқ оқибатлари вужудга келмайди.

Бизни инстаграмда ҳам кузатинг.

@avantaj_buxgalteriya
1,528
Avantaj|Buxgalteriya

16 Nov, 02:00

100 милллион сўм моддий ёрдам олса ҳам бўлади, фақат...

Моддий ёрдамнинг максимал ёки минимал миқдори, унинг берилиши мажбурийлиги тўғрисида қонун ҳужжатлари мавжуд эмас. Ҳар бир корхона ўзининг молиявий имкониятига қараб ҳодимларига моддий ёрдам бериши мумкин ёки умуман бермаслиги ҳам мумкин. СКнинг 377-моддасида белгиланган моддий ёрдамлар берилган тақдирда, СКнинг 378-моддасида кўрсатилган миқдордаги қисми даромад солиғидан озод қилинади, ундан ошган қисми эса солиққа тортилади.

Бизни инстаграмда ҳам кузатинг.

@avantaj_buxgalteriya
1,361
Avantaj|Buxgalteriya

15 Nov, 13:20

Ҳаммани рози қиламан деб уринманг. Одамлар ҳар доим нимадир дейди!

Бизни инстаграмда ҳам кузатинг
Instagram
1,969
Avantaj|Buxgalteriya

15 Nov, 11:00

Кредитни муддатидан аввал тўлаб бўлсангиз, суғуртадан ҳақдор бўлиб қоласиз.

Масалан, кредит олишда суғурта хизматидан фойдаландингиз ва 3 млн сўм тўлов қилдингиз. Кредит муддати 3 йил. Агар кредитни муддатидан аввал тўлаб бўлсангиз, айтайлик 2 йилда, қолган бир йил учун суғурта тўловини (1 млн) суғурта компаниясидан қайтариб олишингиз мумкин.

Cуғурта харажати cуғурта даври қанча бўлса, мос равишда тенг улушларда ойма-ой тан олиниши керак.

@avantaj_buxgalteriya
1,650
Avantaj|Buxgalteriya

15 Nov, 09:12

Оилавий корхона, Хусусий корхона, Масъулияти чекланган жамият.

Қайси бири хавфсизроқ?

Бизнес муваффақиятсизликка учраса, корхонанинг қарзлари ва мажбуриятлари учун таъсисчилар (мулкдорлар) ўз мулклари билан якуний жавобгар бўлиб қолиши мумкин.

Хусусий корхона тўғрисидаги қонуннинг 3-моддасида Хусусий корхона мулкдори корхонанинг мол-мулки етарли бўлмаган тақдирда хусусий корхонанинг мажбуриятлари бўйича ўзига қарашли мол-мулк билан қонунчиликка мувофиқ субсидар жавобгар бўлади дейилган.

Оилавий тадбиркорлик тўғрисидаги қонуннинг 4-моддасида Оилавий корхона иштирокчилари корхона мол-мулки етарли бўлмаганда оилавий корхонанинг мажбуриятлари бўйича ўзига тегишли мол-мулк билан қонунчиликка мувофиқ субсидиар жавобгар бўлади дейилган.

Масъулияти чекланган ҳамда қўшимча масъулиятли жамиятлар тўғрисидаги қонуннинг 3-моддасида Масъулияти чекланган жамиятнинг иштирокчилари унинг мажбуриятлари бўйича жавобгар бўлмайдилар ва жамият фаолияти билан боғлиқ зарарлар учун ўзлари қўшган ҳиссалар қиймати доирасида жавобгар бўладилар дейилган.

Хавфсизроғи МЧЖ.

@avantaj_buxgalteriya
1,671
Avantaj|Buxgalteriya

15 Nov, 04:28

Даромадлар ва харажатлар тўланган вақти ва пул келиб тушган санадан қатъи назар, қайси даврга тааллуқли бўлса, ўша ҳисобот даврида бухгалтерия ҳисоби стандартларига мувофиқ акс эттирилади.

Бухгалтерия ҳисоби тўғрисидаги қонун, 18-модда.

@avantaj_buxgalteriya
1,492
Avantaj|Buxgalteriya

13 Nov, 02:15

Ҳаром, ҳаромдир; ҳамма қилаётган бўлса ҳам!
Ҳалол, ҳалолдир; битта сен қилаётган бўлсанг ҳам!
2,001
Avantaj|Buxgalteriya

13 Nov, 02:00

ҚҚС бўйича имтиёздан фойдаланиш мажбурий.

Солиқ тўловчилар солиқлар бўйича имтиёзлардан тегишли ҳуқуқий асослар юзага келган пайтдан эътиборан уларнинг бутун амал қилиш даври мобайнида фойдаланишга ёки солиқ имтиёзидан фойдаланишдан воз кечишга ёхуд ундан фойдаланишни бир ёки бир неча солиқ даврларида тўхтатиб туришга ҳақли, бундан қўшилган қиймат солиғидан озод этиладиган товарларни (хизматларни) реализация қилиш мустасно.
СК, 75-модда.

@avantaj_buxgalteriya
2,141
Avantaj|Buxgalteriya

12 Nov, 16:00

Амалда умуман ишламаётган норма.

ҚҚС гувоҳномани амал қилиши кўпи билан 30 кунга тўхтатилиши керак.

Гувоҳноманинг амал қилишини тўхтатиб туриш тўғрисидаги қарор солиқ органи томонидан амалга оширилаётган битимлар (операциялар) харид қилинаётган ва реализация қилинаётган товарлар (хизматлар) номенклатурасига мос келмаганлиги ҳолатлари аниқланганда қабул қилиниши мумкин.
Бунда гувоҳноманинг амал қилиши кўпи билан 30 кун муддатга тўхтатиб турилади ва ушбу муддатда камерал ҳамда сайёр солиқ текширувлари натижасига кўра юқоридаги ҳолатлар ўз тасдиғини топмаганда, гувоҳноманинг амал қилиши қайта тикланади.
ВМ, 22.09.2021, 595-сон қарорига 1-илова, 8-боб.

@avantaj_buxgalteriya
2,135
Avantaj|Buxgalteriya

12 Nov, 15:09

Офисингиз юқори қаватларда жойлашган бўлса ҳам ер солиғи тўлайсиз!

СКнинг 426-моддасида кўп квартирали уйлар эгаллаган ерлар солиқ солиш объекти сифатида ҳисобланмайди дейилган. Лекин, бундан яшаш учун мўлжалланмаган кўчмас мулк объектлари эгаллаган ер участкалари мустасно. Офисингиз юқори қаватда жойлашган бўлса, ер солиғини ҳисоблаш учун бинонинг умумий майдони, офисингиз майдони ва ушбу бино жойлашган ер участкаси майдонини билишингиз керак. Мисол учун, бино жойлашган ер майдони - 800 м², бинонинг умумий майдони - 3 800 м², офисингиз майдони эса - 120 м² дан иборат. Офисингиз майдони умумий бинонинг 3,15%ни ташкил қилади. Демак, сиз солиқ тўлайдиган ер майдони - 25,2 м² бўлади (800 м² х 3,15%). Ер солиғини ушбу солиқ солинадиган майдонни ҳудудингиз ер солиғи ставкаларига кўпайтириш орқали аниқлайсиз.

@avantaj_buxgalteriya
1,817
Avantaj|Buxgalteriya

11 Nov, 01:59

Кимлар йиллик молиявий ҳисоботларни (бухгалтерия баланси, молиявий натижалар тўғрисида ҳисобот) топширмайди?

1. Якка тартибдаги тадбиркорлар. Молия вазирлигининг 24.01.2003 йилдаги 1209-сонли буйруғи.

2. Aйланмадан олинадиган солиқни қатъий ставкада тўловчи тадбиркорлик субъектлари. 10.11.2022 йилдаги ПҚ-419-сон.

3. 2024 йил 1-октябрдан кейин очилган фирмалар.

«БУХГАЛТЕРИЯ ҲИСОБИ ТЎҒРИСИДА»ги янги тахрирдаги қонуннинг 24-моддасида "Агар юридик шахс (бюджет ташкилотларидан ташқари) 1 октябрдан кейин рўйхатга олинган бўлса, биринчи ҳисобот йили кейинги йилнинг 31 декабрида тугайди" дейилган.

@avantaj_buxgalteriya
2,388
Avantaj|Buxgalteriya

10 Nov, 01:58

​​Байрам муборак!

Бугун, 10-ноябрь, Халқаро бухгалтерлар куни! Кучли бухгалтерлар гурухи ҳар қандай савдо ташкилоти муваффақиятнинг гаровидир. Масъулиятли ишингизда куч-қувват, соғлик ва улкан зафарлар тилаб қоламиз! Барча бухгалтерларга байрам муборак!

P.S. Ўзбекистонда Бухгалтер ва аудиторлар куни 9-декабрда нишонланади. Бир йилда 2 марта ҳам байрам қилиб қўяверамиз, бизга ярашоради )))

@avantaj_buxgalteriya
3,310
Avantaj|Buxgalteriya

09 Nov, 10:00

Еб-ичишимизни ҳам бўлиб тўлашга олиш даражасига тушиб қолаётганимиздан афсусдаман.

Насия савдо жоиз ва ҳалол. Бу томонига фикр билдирмаймиз, илмимиз ҳам етмайди. Лекин, акалар, опалар, агар уйингизда 700 минг қарз бўлганингиз учун светсиз ўтирган бўлсангиз, илтимос, «рассрочка»га сотадиган дўконларга бориб кир машина, холодилник сотиб олманг. Чунки, 5 миллионлик нарсани 7 миллионга оласиз, кейин тўлолмасдан 4 миллионга сотасиз. Шу керакми сизга?
2,318
Avantaj|Buxgalteriya

09 Nov, 08:30

​​Якка тартибдаги тадбиркор товар моддий бойликлар олишда ишончнома (доверенность) БЕРМАЙДИ!

Ўзбекистон Республикаси Фуқаролик Кодексининг 134-моддасида бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланиши ўрнатилган. Ишончнома ишонч билдирувчининг бошқа шахс олдидаги вакилига ваколат берилган хатти-ҳаракатларни амалга ошириш учун берилади. Товар-моддий захиралари бўйича битимларни тузиш ва уларни олиш якка тартибдаги тадбиркорнинг ўзи томонидан амалга оширилади. Шунинг учун ишончнома ёзишга эҳтиёж йўқ.
4-сонли БҲМС, 12-боб, 93-моддада ТМЗ сотиб олиш учун ишончномани "ташкилот"лар бериши белгиланган. “Тадбиркорлик фаолияти эркинлигининг кафолатлари тўғрисида”ги Ўзбекистон Республикаси Қонунининг 6-моддасида эса якка тартибдаги тадбиркорлик жисмоний шахс (якка тартибдаги тадбиркор) томонидан тадбиркорлик фаолиятини юридик шахс ташкил этмаган ҳолда амалга оширишдир дейилган.

Хулоса қиладиган бўлсак, ЯТТлар товар моддий бойликлар сотиб олишда ишончнома бермайди.

@avantaj_buxgalteriya
1,999
Avantaj|Buxgalteriya

09 Nov, 06:37

Якка тартиблаги тадбиркорларга (ЯТТ) улгуржи савдо билан шуғулланиш (перечисленияга сотиш) мумкин эмас!

Тижорат мақсадларида ёки ўз ишлаб чиқариш-хўжалик эҳтиёжлари учун фойдаланиш учун ҳисоб-китобларнинг нақдсиз шаклида харид қилинадиган товарларни сотиш улгуржи савдо деб аталади. ВМнинг 26.11.2002 йилдаги №407 сонли қарорининг 3-бандига асосан улгуржи савдо билан юридик шахс сифатида рўйхатдан ўтказилган хўжалик юритувчи субъектлар шуғулланишлари мумкин. ЯТТлар юридик шахс ҳисобланмайди. Амалиётда кўп ЯТТлар "перечисления" орқали ҳам товарларни сотмоқдалар. Бу қонунан мумкин эмас. Фақатгина ўзлари ишлаб чиқарган маҳсулот ёки хизматларини пул ўтказиш йўли билан сотишлари мумкин бўлади.

@avantaj_buxgalteriya
2,005
Avantaj|Buxgalteriya

07 Nov, 16:04

#тафаккур

Ҳеч бир гап қолмади, маълум бўлмаган,
Жуда оз сир қолди, мавҳум бўлмаган,
Билимим ҳақида чуқур ўйласам,
Билдимки, ҳеч нарса маълум бўлмаган.

Aбу Aли ибн Сино.

Шунча илми билан Ибн Сино шундай деб турганда, биз илмда кибр қилмайлик.
493
Avantaj|Buxgalteriya

07 Nov, 11:00

Корхонангизга бошка ташкилотдан "иш ҳақи ҳисобидан" деб пул тушса, тўловчи ким?

Мисол келтирамиз. Ўқув марказ ёки боғчага ота-оналарнинг иш жойидан фарзандини таълим олиши учун тўловлар келиб тушади. Тўлов мақсадида "иш ҳақи ҳисобидан" деб ёзилган бўлади. Амалиётда пул тушган ташкилотга ЭҲФ расмийлаштираётган корхоналар ҳам учрамоқда. Бундай вазиятларда НКМ чеки берилиши керак. Тўлов шаклини аҳамияти йўқ. Яъни пул юридик шахсдан (ота ёки онанинг иш жойи) тушгани билан, тўловчи болани отаси ёки онаси бўлиб қолаверади. Чунки шартнома болани ота-онаси билан тузилган. Тўлов ҳам ота-онанинг шахсий даромади ҳисобидан ўтказилмоқда. Фақат бошқачароқ шаклда.

Ўзбекистон Республикаси ҳудудида савдони амалга оширишда ва товарларни сотишда, ишларни бажариш ёки хизматлар кўрсатишда аҳоли билан пулли ҳисоб-китоблар барча хўжалик юритувчи субъектлар томонидан фискал хотирага эга бўлган назорат-касса машиналари мажбурий тартибда қўлланган ҳолда амалга оширилади. Хизматни харидори болани ота-онаси ҳисобланади, улар ишлайдиган ташкилот эмас.

@avantaj_buxgalteriya
838
Avantaj|Buxgalteriya

07 Nov, 08:30

Пенсия ва нафақа фарқи.

Пенсия билан нафақа тушунчалари синоним сифатида ишлатиш тўғри эмас.

Пенсия — бу етарлича иш стажига эга бўлган фуқароларга ва уларнинг оилаларига давлат томонидан тўланадиган ижтимоий таъминот ҳисобланади. У инсон умрининг охиригача тўлаб бориладиган, доим ошиб борадиган тўлов.

Нафақа — бу ижтимоий ҳимояга муҳтож бўлган айрим тоифадаги шахсларга бериладиган пул тўлови ҳисобланади. Тўловлар ижтимоий ёки оилавий вазият туфайли қийин аҳволга тушиб қолган аҳоли қатламларига бир маротаба ёки бир муддатга берилади.

@avantaj_buxgalteriya
956
Avantaj|Buxgalteriya

07 Nov, 08:00

Таълим ташкилотларининг ўқувчилари ва талабалари ўқишнинг бутун даври давомида, бироқ 23 ёшга тўлгунига қадар боқувчисини йўқотганлик пенсиясини олиш ҳуқуқига эга.

Боқувчисини йўқотганлик пенсияси олувчиларнинг бир нафар меҳнатга қобилиятсиз оила аъзоси учун пенсиянинг энг кам миқдори — ойига 745 000 сўм этиб белгиланади ва кейинги ҳар бир меҳнатга қобилиятсиз оила аъзоси учун амалдаги тартибга мувофиқ пенсия тўланади.

@avantaj_buxgalteriya
944
Avantaj|Buxgalteriya

06 Nov, 15:21

Янги солиқлар ва йиғимлар белгиланишини назарда тутувчи солиқ тўғрисидаги қонунчилик ҳужжатлари расман эълон қилинган кундан эътиборан камида уч ой ўтгач амалга киритилади.

Солиқлар ва йиғимлар ставкаларининг ўзгартирилишини назарда тутувчи солиқ тўғрисидаги қонунчилик ҳужжатлари, агар уларда кечроқ муддат кўрсатилмаган бўлса, улар расман эълон қилинган ойдан кейинги ойнинг биринчи кунидан эътиборан амалга киритилади.
СК, 4-модда.

@avantaj_buxgalteriya
1,106
Avantaj|Buxgalteriya

05 Nov, 11:21

Пахта терими пули ЖШДС ва ижтимоий солиқдан озод этилган.

Пахта йиғим-теримида қатнашган жисмоний шахсларнинг ушбу ишларни бажаришдан олган даромадлари меҳнатга ҳақ тўлаш тарзидаги даромад ҳисобланади ва даромад солиғидан озод қилинган. СК, 378-модда.

Шунингдек, ушбу тўловлар бўйича ижтимоий солиқ ҳисобланмайди. СК, 403-модда.

@avantaj_buxgalteriya
1,707
Avantaj|Buxgalteriya

05 Nov, 08:00

Дангаса бухгалтерлар учун яна 2 хафта қўшиб берилмоқда!

Бухгалтерия ҳисобининг миллий стандартларига асосан тузилган йиллик молиявий ҳисобот ҳисобот йилидан кейинги йилнинг 1-мартидан кечиктирмай; (аввал 15-феврал эди)

Молиявий ҳисоботнинг халқаро стандартларига асосан тузилган йиллик молиявий ҳисобот ҳисобот йилидан кейинги йилнинг 1-майидан кечиктирмай (аввал муддат белгиланмаган) тақдим этилиши белгиланди.

@avantaj_buxgalteriya
1,707
Avantaj|Buxgalteriya

04 Nov, 12:11

Ажойиб. Каналга маълумот ёзсак одамлар чиқиб кетади, ёзмасак қўшилади. Жим турганимиз яхшироқ шекилли )))
1,563
Avantaj|Buxgalteriya

04 Nov, 11:00

Чегирма ҳисоби (харидорда).

Чегирмалар товарлар нархига таъсир кўрсатувчи элементлардан бири бўлиб, 4-сон БҲМС билан тартибга солинади. Чегирмалар асосан товарларни сотиб олиш пайтида бериладиган ва сотиб олингандан кейин бериладиган чегирмаларга бўлинади.

Товарларни қабул қилиш пайтида берилган чегирмалар товарлар қийматини камайтиради холос. Солиқ оқибатлари мавжуд эмас.

Товарлар қабул қилингандан кейин берилган чегирмалар эса товарлар қийматини камайтирмайди ва корхона молиявий натижаларида акс эттирилади. Солиқ оқибатлари мавжуд.

Мисоллар ва проводкалар билан кўриб чиқамиз.

1. Товар қабул қилиб олинган пайтда чегирма.

Шартнома шартига кўра агар 10 тонна ва ундан кўп шакар олинса, товар нархидан 10% чегирма қилиб берилади. 1т шакар нархи 13 млн сўм. Агар сиз 12 тонна шакар сотиб олсангиз, 11,7 млн сўмдан шакарни кирим қиласиз ва бухгалтериянгизда чегирма миқдорини акс эттирмайсиз.

Дт2910 Кт 6010 - 140 400 000 сўм. (12т х 11,7 млн).

2. Товар қабул қилиб олингандан кейин чегирма.

Шартнома шартига кўра 10 тонна ва ундан кўп шакар олинса ва пули 5 кун ичида 100% тўлаб берилса, 10% чегирма берилади. 1 т шакар нархи 13 млн сўм. Агар сиз 12 т шакар сотиб олсангиз ва пулини 10 кундан кечикмай тўласангиз, 10% чегирмани бошқа операцион даромад сифатида тан олишингиз керак.

Дт2910 Кт6010 - 156 000 000 сўм
Дт6010 Кт5110 - 140 400 000 сўм
Дт6010 Кт9390 - 15 600 000 сўм.

3. Қўшимча бепул товар шаклида чегирма.

Шартнома шартига кўра агар 10 тонна шакар олинса, 1 тонна шакар текинга берилиши белгиланган. 1 тонна шакар нархи 13 млн сўм. Бухгалтерияда бу ҳолат товарлар миқдорини ошириш ва қийматини камайтириш билан акс эттирилади. Яъни, 1 тонна шакар нархи 11,81 млн бўлиб қолади.

Дт2910 Кт6010 - 130 000 000 сўм (11тонна)

4. Товар қабул қилиб олингандан кейин қўшимча бепул товар шаклида чегирма олиш.

Шартнома шартига кўра 10 тонна шакар олинса ва пули 5 кун ичида 100% тўлаб берилса, 1 тонна шакар текинга берилиши белгиланган. 1 тонна шакар нархи 13 млн сўм.

10 тонна шакар кирим қилинади:
Дт2910 Кт6010 - 130 000 000 сўм.

5 кундан кечикмасдан тўлов қилинганлиги учун яна 1 тонна шакар бепулга олинади. Текин шакарни таннархини аниқлаш учун пули тўланган шакар қийматини жами олинган шакар миқдорига тақсимлаш керак бўлади. (130 млн : (10+1)=11.81 млн.

1 тонна шакар кирим қилинади ва бошқа операцион даромад сифатида тан олинади.
Дт2910 Кт9390 - 11 818 181,82 сўм.

5. Қўшимча бошқа турдаги товарни бепул олиш.

Юқоридаги ҳолатлардан бироз фарқли бўлган яна бир ҳолат бўлиши мумкин. 10 тонна шакар олинганда бошқа турдаги бирор бир товардан бонус қилиб берилиш ҳолати бўлса, бу чегирма эмас, текинга олинган мол-мулк ҳисобланади. Ушбу ҳолатда Дт 2910 Кт 8530 бухгалтерия проводкаси берилади. Текинга олинган мол-мулк қиймати солиқ солиш мақсадида фойда солиғини ёки айланмадан олинадиган солиқни ҳисоблаб чиқаришда жами даромадга қўшилади.

@avantaj_buxgalteriya
1,405
Avantaj|Buxgalteriya

25 Oct, 06:30

Бугун кэшбекчиларни оши бор дейишяпти )))
2,396
Avantaj|Buxgalteriya

25 Oct, 06:23

Кундалик ҳаётимизда ишлатаётган айрим “янги сўзлар”.

Уларни кўп бора ишлатамиз-у, айримларимиз қандай ёзилади, маъноси нималигини билмаймиз ҳам. Эсимизга келганларидан айримларини мисол келтирамиз.

PR (ўқилиши — пиар) — инглизча "public relations“, яъни жамоатчилик билан алоқалар маъносини англатади.

HR (ўқилиши — эйчар) — инглизча «Human Resources», яъни “инсон ресурслари" деб таржима қилинади. HR мутахассиси - бу компанияда инсон ресурсларини бошқарадиган ходим.

Fake (ўқилиши — фейк) — инглизчадан сохта, қалбаки деган маъноларни англатади. Ҳақиқатга жуда ўхшаб кетадиган ёлғон хабарлар.

ChatGPT — инглизча “Generative Pre-trained Transformer”, яъни OpenAI томонидан ишлаб чиқилган ва мулоқот тилидаги сўровларни қўллаб-қувватловчи суҳбат режимида ишлашга қодир бўлган генератив сунъий интеллектга эга чатбот.

IT (ўқилиши — айти) — инглизча, "Information Technology", бу соҳа маълумотларни қайта ишлаш, узатиш, таҳлил қилиш ва сақлаш учун компютер ҳисоблаш ва қурилмалардан фойдаланишни ўз ичига олади.

@avantaj_buxgalteriya
2,448
Avantaj|Buxgalteriya

25 Oct, 02:40

Асосий воситаларга амортизация ҳисоблаш усуллари.

Амортизация қуйидаги усулларни қўллаш йўли билан ҳисобланади:

а) амортизацияни бир маромли (тўғри чизиқли) ҳисоблаш.

б) амортизацияни бажарилган ишлар ҳажмига мутаносиб равишда ҳисоблаш (ишлаб чиқариш усули).

Асосий воситалардан интенсив фойдаланилганда, шунингдек илмий-техникавий жараённинг катта таъсирида асосий воситалар амортизацияси қуйидаги усулларда ҳисобланадиган жадаллаштирилган амортизация йўли билан ифодаланади:

а) икки баравар амортизация меъёри билан қолдиқни камайтириш усули;

б) йиллар йиғиндиси усули (кумулятив усул).

@avantaj_buxgalteriya
2,170
Avantaj|Buxgalteriya

24 Oct, 14:00

Товарлар импортида товарга мулк ҳуқуқи қачон ўтади?

Аксарият ҳолларда, товарлар импортида қачонки ИМ40 режимига ўтказилгандан кейин товарга мулк ҳуқуқи пайдо бўлади деб ўйлашингиз мумкин. Лекин товарлар импорт қилинаётганда товарга мулк ҳуқуқи инкотермс шартларига боғлиқ. Масалан, FCA Инкотермс–2010 бўлса, товар ташувчи томонидан қабул қилиб олинган пайтдан бошлаб сотувчининг товарни етказиб бериш бўйича мажбуриятлари бажарилган деб ҳисобланади.

@avantaj_buxgalteriya
2,124
Avantaj|Buxgalteriya

24 Oct, 13:00

Чиқиндилар ҳисоби.

Чиқиндилар асосан ишлаб чиқариш жараёнида пайдо бўлади. Чиқиндилар қайтариладиган ва қайтарилмайдиган чиқиндиларга бўлиниши мумкин. Қайтарилмайдиган чиқиндилар тўлалигича тайёр маҳсулот таннархига киритилади.

Қайтариладиган чиқинди кирим қилинганда Дт 1090 Кт 2010 бухгалтерия проводкаси берилади ва тахминий сотиш нархида (бозорни ўрганиш керак) балансга кирим қилинади.

@avantaj_buxgalteriya
2,038
Avantaj|Buxgalteriya

17 Oct, 12:24

Курс фарқидан фойда/зарарни фойда солиғи ҳисоботида тўғри акс эттиринг.

01.01.2022 йилдан СКнинг 320-моддасига асосан берилган (олинган) бўнакларни қайта баҳолашдан юзага келадиган курсдаги ижобий (салбий) фарқ солиқ солиш мақсадларида ҳисобга олинмайди.
Айнан бўнакларни қайта баҳолашдан юзага келган фарқларни аниқлаш учун 1С дастурида "анализ счета" орқали 96 счетни дебети ва 95 счетни кредити бўйича айланмани 63 ва 43 счетларни ҳисобга олмаган ҳолда аниқлаш мумкин.

@avantaj_buxgalteriya
2,809
Avantaj|Buxgalteriya

15 Oct, 17:30

Хусусий секторда ишловчи аёлларга давлат томонидан тўланадиган “декрет пули”.

2022 йил 1 сентябрдан бошлаб барча юридик шахсларда (бюджет ташкилотларидан ташқари) охирги 6 ой давомида узлуксиз иш стажига эга бўлган аёлларга нафақа тайинлаш санасида белгиланган минимал истеъмол харажатлари миқдоридан келиб чиққан ҳолда Молия вазирлиги ҳузуридаги Ижтимоий суғурта жамғармаси маблағлари ҳисобидан ҳомиладорлик ва туғиш нафақаси тўланади;
юридик шахсларнинг ушбу ходималар олдидаги мажбуриятлари Жамғарма маблағлари ҳисобидан тўланган ҳомиладорлик ва туғиш нафақаси ҳажмида камайтирилади. (07.03.2022 й. ПФ-87-сон, 2-б.)

2024 йил 1 майдан бошлаб минимал истеъмол харажатлари 648 минг сўм этиб белгиланган.

20.09.2022 йилдаги 515-сон ВМҚга асосан ҳомиладорлик ва туғиш нафақаси минимал истеъмол харажатларининг (МИХ) 4 баравари миқдорида Ижтимоий суғурта жамғармаси маблағлари ҳисобидан тўланади. МИХнинг 4 баравари – 2 592 000 сўм;

Корхона "декрет"га чиқаётган ходимасига ҳомиладорлик ва туғиш нафақасини ҳисоблаб чиқаради. Агар унинг суммаси:

МИХнинг 4 бараваридан ортиқ бўлса – корхона ходимага фарқни ўз ҳисобидан тўлайди;
МИХнинг 4 бараварига тенг ёки ундан кам бўлса – корхона нафақа тўламайди.

@avantaj_buxgalteriya
3,555
Avantaj|Buxgalteriya

15 Oct, 11:48

Ягона иштирокчиси ногиронлиги бўлган шахсларнинг жамоат бирлашмалари ҳисобланган юридик шахсларга зўр солиқ имтиёзлари мавжуд.

Соддароқ айтганда корхонанинг ягона таъсисчиси “ногиронлик жамияти” бўлса, корхона қуйидаги солиқ имтиёзларига эга бўлади:

Қўшилган қиймат солиғи. Солиқ кодекси 243-моддасида бундай корхоналарнинг айланмаси ҚҚСдан озод қилинади дейилган.

Фойда солиғи. Солиқ кодексининг 337-моддасига асосан фойда солиғини ноль ставкада тўлайди.

Мол-мулк солиғи. Бундай корхоналар мол-мулк солиғидан ҳам тўлиқ озод қилинган. СК, 414-модда.

Ер солиғи. Солиқ кодексининг 429-моддасига асосан ушбу корхоналар томонидан эгалланган ер участкаларига нисбатан солиқ ставкаларига 0,25 коэффициент қўлланилади.

Айланмадан олинадиган солиқ. Солиқ кодексининг 467-моддасига асосан айланмадан олинадиган солиқ ставкаси ҳам ноль фоиз қилиб белгиланган.

Юқоридаги имтиёзлардан фойдаланиш учун корхона ходимлари умумий сонининг камида 50 фоизи ногиронлиги бўлган шахслардан иборат бўлиши ҳамда ногиронлиги бўлган шахслар меҳнатига ҳақ тўлаш фонди умумий меҳнатга ҳақ тўлаш фондининг камида 50 фоизини ташкил этиши керак.

@avantaj_buxgalteriya
2,272
Avantaj|Buxgalteriya

14 Oct, 11:56

Акани эплаб бўлмаяптию ))) бурни анча кўтарилиб кетди.
2,153
Avantaj|Buxgalteriya

14 Oct, 02:40

#савол
Фирма очганимда устав фондини ёғоч-тахта маҳсулоти билан шакллантирганман. Бироз муддат ўтгач, ёғочлар сотилмади ва мен фирмани ёпишга қарор қилдим. Солиқчилар шу товарларга ҚҚС чиқади дейишди. Шу тўғрими?

Солиқ кодексининг 239-моддасида, юридик шахс тугатилганда, акциядорга ёки иштирокчига товарларни бериш, реализация қилиш бўйича айланма ҳисобланади ва ҚҚС ҳисобланади.

@avantaj_buxgalteriya
2,406
Avantaj|Buxgalteriya

13 Oct, 18:00

​​Инстаграм ва телеграмдаги фирибгарларга алданманг. (Давоми)

Ҳатто расмдагидек “ҳужжатлар” беришса ҳам ишонманг. Булар ҳаммаси сохта ҳужжатлар. Бу шоввозлар банк деса одамлар учун ишончли бўлади деб ҳисоблашади. Марказий банк сайтида Ўзбекистондаги банклар рўйхати бор. Бу очиқ маълумот ҳисобланади.

Агар булар 4 соатда 4 млн сўм ишлаб топганда, сиздан 500 минг сўраб ўтирмасди. Бировга айтмасдан, фақат мен бой бўлай деб бу ишни ҳаммадан яширишган бўларди.

@avantaj_buxgalteriya
3,171
Avantaj|Buxgalteriya

13 Oct, 17:33

​​Инстаграм ва телеграмдаги фирибгарларга алданманг.

Расмдагига ўхшаган юзлаб рекламалар инстаграмм тармоғида тўхтовсиз айланмоқда. Гап-сўзига, уст-бошига, бошидаги рўмолига алданманг. Улар қиммат машина, кўп миқдордаги пул ва саёхат қилаётган инсонларнинг видеоларини монтаж қилиб сизни қизиқтиришади. Кийимига эмас, гапираётган гапига эътибор беринг. Улар очиқчасига қимор ўйинларига чорлашмоқда. 700 минг ёки 100 $ ўтказинг ва 4-5 соатдан кейин пулингиз 10 барораб бўлиб қайтади дейишади. Ҳалол деб ёзиб қўйганига ҳам ишонманг. 3-4 соатда 7-8 миллион топасиз деган гаплар сизни чалғитмасин. Тўғри, ҳозирда ҳалол йўл билан 3-4 соатда 7-8 миллион топаётган одамлар йўқ эмас. Лекин бундай даромад топиш учун бирор касб-ҳунарли, илмли бўлиш ва қандайдир босқичлардан ўтиш керак. Ҳар қандай киши ҳеч нима қилмасдан бундай даромад тополмайди.

Харом иш кўпчилик қилса ҳам, барибир харом бўлиб қолаверади.

Огоҳ бўлинг!

@avantaj_buxgalteriya
2,851
Avantaj|Buxgalteriya

12 Oct, 07:47

Бино учун ижара тўловини энг кам миқдордан хам камроқ суммага шартнома тузиш мумкин!

Ўзини биноси бўлмаган Юридик шахслар (фирмалар) офис, савдо зали ёки ишлаб чиқариш цехлари учун жойни ижарага оладилар. Ижара ҳақини қонунда 1 кв.м учун белгиланган энг кам миқдорлари мавжуд. Энг кам миқдор фақатгина солиқ солиш мақсадида киритилган бўлиб, томонларга энг кам миқдордан оз бўлмаган суммага шартнома тузиш мажбуриятини юкламайди. Ижара ҳақи томонларнинг келишувига кўра белгиланади ва у энг кам миқдордан кам бўлиши мумкин.

@avantaj_buxgalteriya
2,241
Avantaj|Buxgalteriya

12 Oct, 03:03

#савол
Божхона божи ва ҚҚСдан озод қилинган ҳолда импорт қилинган ускуналар Ўзбекистон ҳудудига сотилса, ҚҚС тўланадими?

СКнинг 240-моддасига асосан товар Ўзбекистон Республикаси ҳудудида турган бўлса ва битим натижасида унинг ҳудудидан ташқарига чиқарилмайдиган бўлса, Ўзбекистон Республикаси ҳудуди товарларни реализация қилиш жойи деб эътироф этилади. Импорт қилинганда ҚҚСдан озод қилинган ускуналар сотилганда амалдаги 12% ставкада ҚҚС ҳисобланади.

@avantaj_buxgalteriya
2,272
Avantaj|Buxgalteriya

11 Oct, 11:00

Сайёр солиқ текширувида билишингиз керак бўлган мухим жихатлар.

Сайёр солиқ текшируви 10 кундан кўп бўлмаган муддатда ўтказилади.

Сайёр солиқ текшируви солиқ органи раҳбарининг (ўринбосарининг) буйруғи асосида ўтказилади.

Сайёр солиқ текширувини ўтказиш тўғрисидаги буйруқда солиқ тўловчининг номи, текширувчи шахсларнинг фамилияси, исми, отасининг исми ҳамда лавозими, текширувларни ўтказиш муддати ва мақсадлари, Текширувларни электрон рўйхатга олиш ягона тизимидаги рўйхатга олиш рақами кўрсатилади.

Назорат харидини солиқчиларни ўзи ўтказиши ҳам мумкин. Бунда видеотасвирга олиш мосламаларидан фойдаланиш мажбурий бўлади. Видеотасвир материалларининг кўчирма нусхаси солиқ тўловчига ёки унинг вакилига солиқ назоратига оид тадбир тугагач тақдим этилиши керак.

Текширувини ўтказувчи солиқчи назорат харидини ўтказиш учун нақд пул маблағларини солиқ органи кассасидан олиши ва бу пулларни беришда уларнинг қиймати, банкнота серияси ва рақамлари алоҳида варақда қайд этилиб, чиқим касса ордерига илова қилиниши керак. Харид чоғида айнан шу пуллардан фойдаланилиши керак.

Назорат хариди натижаси бўйича баённома расмийлаштирилиши ва унинг бир нусхаси тадбиркорга берилиши керак. (кўп ҳолларда берилмайди)

Сайёр солиқ текшируви натижалари бўйича сайёр солиқ текширувини ўтказувчи солиқчи томонидан сайёр солиқ текшируви далолатномаси тузилади.

Сайёр солиқ текшируви далолатномаси 2 нусхада тузилади ва солиқ органи мансабдор шахслари ҳамда солиқ тўловчи томонидан имзоланади.

Солиқ органи текширув материаллари кўриб чиқиладиган сана, вақт ва жой тўғрисида солиқ тўловчини кўриб чиқиш бошлангунига қадар камида 2 иш куни олдин хабардор қилиши керак. (солиқ органи доим хам ушбу талабга риоя қилмайди)

Яна кўплаб талаблар мавжуд бўлиб, мухимроқларини келтириб ўтишга харакат қилдик. Солиқ органи юқоридаги текшириш талаблардан қайсидир бирига амал қилмаган тақдирда, юқори турувчи органга ёки судга мурожаат қилинг.

@avantaj_buxgalteriya
2,468
Avantaj|Buxgalteriya

07 Oct, 19:15

Фойда солиғи бўйича бўнак тўловларни ҳисоблаш тартиби.

Жорий солиқ даврининг биринчи чорагида тўланиши лозим бўлган ҳар ойлик бўнак тўловининг суммаси ўтган солиқ даврининг охирги чорагида тўланиши лозим бўлган ҳар ойлик бўнак тўлови суммасига тенг этиб қабул қилинади.

Жорий солиқ даврининг иккинчи чорагида тўланиши лозим бўлган ҳар ойлик бўнак тўловининг суммаси жорий йилнинг биринчи ҳисобот даври учун солиқ ҳисоботи бўйича ҳисоблаб чиқарилган фойда солиғи суммасининг учдан бирига тенг этиб қабул қилинади.

Жорий солиқ даврининг учинчи чорагида тўланиши лозим бўлган ҳар ойлик бўнак тўловининг суммаси ярим йиллик якунларига кўра солиқ ҳисоботи бўйича ҳисоблаб чиқарилган фойда солиғининг суммаси ва биринчи чорак якунлари бўйича ҳисоблаб чиқарилган фойда солиғининг суммаси ўртасидаги фарқнинг учдан бирига тенг этиб қабул қилинади.

Жорий солиқ даврининг тўртинчи чорагида тўланиши лозим бўлган ҳар ойлик бўнак тўловининг суммаси тўққиз ойлик якунларига кўра солиқ ҳисоботи бўйича ҳисоблаб чиқарилган фойда солиғининг суммаси ва ярим йиллик якунлари бўйича ҳисоблаб чиқарилган фойда солиғининг суммаси ўртасидаги фарқнинг учдан бирига тенг этиб қабул қилинади.

@avantaj_buxgalteriya
3,033
Avantaj|Buxgalteriya

07 Oct, 17:47

Фойда солиғи бўнак тўловлари суммаси тўғрисида маълумотнома топшириш мажбурият эмас, балки ҳуқуқдир!

Солиқ кодексининг 340-моддасида Ҳар ойлик бўнак тўловини ҳисоблаб чиқариш солиқ органлари томонидан амалга оширилади дейилган. Солиқ тўловчи фойда суммасидан келиб чиққан ҳолда маълумотнома тақдим этиш ҳуқуқига эга. Маълумотнома тақдим қилмаслик хеч қандай жавобгарликка олиб келмайди.

@avantaj_buxgalteriya
2,607
Avantaj|Buxgalteriya

06 Oct, 01:40

Бошқарувчи ташкилотлар ёки кўп квартирали уйларни бошқарувчилар томонидан умумий мол-мулкни бошқариш, унга техник хизмат кўрсатиш ва уни таъмирлаш, шунингдек кўп квартирали уйларга туташ ер участкаларини ободонлаштириш бўйича кўрсатилаётган хизматлар ҳамда бажарилаётган ишлар ҚҚСдан озод қилинган. СК, 243-модда.

@avantaj_buxgalteriya
2,843
Avantaj|Buxgalteriya

05 Oct, 13:30

Талабалигимизда домламизни ҳам шошириб қўйган бир савол ўртага ташланганди: Сигир болаласа, қандай бухгалтерия проводкаси берилади?

Фикрингизни изоҳларда қолдиринг.
2,849
Avantaj|Buxgalteriya

05 Oct, 10:06

Корхона раҳбари алмашганда, корхонанинг электрон рақамли имзоси ҳам алмаштирилиши керак.

ЭЛЕКТРОН РАҚАМЛИ ИМЗО ТЎҒРИСИДАги қонуннинг 27-моддасида электрон рақамли имзо калитининг эгаси бўлган юридик шахснинг раҳбари ўзи билан тузилган меҳнат шартномаси тугатилганда электрон рақамли имзонинг калитини белгиланган тартибда топшириши шарт дейилган. Юридик шахснинг янги тайинланган раҳбари юридик шахсга тегишли бўлган электрон рақамли имзонинг калитини белгиланган тартибда («булутли технологиялардан» фойдаланилганда аутентификация қилиш омилларини алмаштириш мажбурияти билан) қабул қилиб олади.

@avantaj_buxgalteriya
3,008
Avantaj|Buxgalteriya

03 Oct, 18:53

Божхона тўловларига тортилмайдиган республикага жисмоний шахслар томонидан олиб кириладиган товарларни айрим турлари учун нормалар.

Алкогол маҳсулоти, шу жумладан пиво - умумий миқдори 2 литрдан кўп бўлмаган миқдорда.

Тамаки маҳсулотларининг барча турлари - умумий миқдори 10 қутидан кўп бўлмаган миқдорда.

Атир ва ифор таратувчи сувлар - умумий миқдори 3 тадан кўп бўлмаган миқдорда.

Қимматбаҳо металлар ва қимматбаҳо тошлардан заргарлик буюмлари - умумий оғирлиги 65 граммдан кўп бўлмаган миқдорда.

2018 йил 6 февралдаги ПҚ-3512-сон қарорига 1-илова

@avantaj_buxgalteriya
2,569
Avantaj|Buxgalteriya

03 Oct, 18:08

Банк солиқ органи сўровига жавоб бермаса, жарима тўлайди.

Банк ҳар қандай юридик ёки жисмоний шахснинг ҳисобварағи ёки омонати очилганлиги ёки ёпилганлиги, ҳисобварағи ёки омонати реквизитларининг ўзгартирилганлиги тўғрисидаги ахборотни тегишли ҳодиса рўй берган кундан эътиборан 3 кун ичида электрон шаклда, ўзи жойлашган ердаги солиқ органига маълум қилиши шарт.

Ушбу маълумотларни (кўчирмаларни) банк томонидан солиқ органига тақдим этмаслик, шунингдек маълумотномаларни (кўчирмаларни) белгиланган муддатни бузган ҳолда ёки нотўғри маълумотлар бўлган маълумотномаларни (кўчирмаларни) тақдим этиш, —
2 миллион сўм миқдорида жарима солишга сабаб бўлади.
СК, 134, 229-моддалар.

@avantaj_buxgalteriya
2,398
Avantaj|Buxgalteriya

02 Oct, 17:30

Солиқ органи шартномани кўзбўямачилик учун тузилган деса…

Ўзи кўзбўямачилик учун тузилган шартнома нима дегани? Фуқаролик кодекси, 124-моддада Агар битим бошқа битимни ниқоблаш мақсадида тузилган бўлса, кўзбўямачилик битими бўлиши келтирилган. Солиқ органи айтгани учун шартнома кўзбўямачилик учун тузилган бўлиб қолавермайди. Уни Судда исботлаш керак. Яъни, агар солиқ органи бир шартномани кўзбўямачилик учун тузилган деб даъво қилса, яширилган иккинчи шартнома қайсилигини ҳам келтириб бериши керак. Чунки, солиқ кодексининг 212-моддасида жавобгарликка тортилаётган шахс ўзининг солиққа оид ҳуқуқбузарликни содир этганликда айбдор эмаслигини исботлаши шарт эмас.

Солиққа оид ҳуқуқбузарлик факти ва шахснинг уни содир этишда айбдорлиги тўғрисида далолат берувчи ҳолатларни исботлаш мажбурияти солиқ органларининг зиммасига юклатилади дейилган.

Демак, тадбиркор шартномаси ҳақиқийлигини ёки бошқа шартномани ниқоблаш учун тузилмаганини исботлаши шарт эмас.

@avantaj_buxgalteriya
2,479

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.