رسالة طبية 💌

متاكلش بيض وسمك او تشرب لبن لو عندك دور برد 🤧
اكيد سمعت الجملة الجملة دي قبل كده من حد
تفتكر الكلام دا صح ولا لأ ؟
من المعلومات المنتشرة ان مينفعش تاكل بيض وسمك او تشرب لبن اثناء نزلات البرد لكن الكلام دا غلط تماما 🧐
اثناء نزلات البرد الجهاز المناعي بيكون الاجسام المضادة لمحاربة الميكروب ودي بتكون عبارة عن بروتينات وبالتالي بيزيد احتياج جسمك للبروتين وطبعا البيض واللبن من اهم مصادر البروتين للجسم
دا غير ان الاسماك مصدر للاوميجا 3 اللي من دورها انها بتقوي المناعة

طب ايه الحالة اللي تتجنب فيها اكل الاطعمة دي ؟
لو كان الشخص عنده حساسية تجاه الاطعمة دي فيمكن تجنبها اثناء نزلات البرد
#فريق_الاستشارات_الطبية_رسالة
#رسالة_طبية

تعالوا بينا نتعرف على أشهر الادوية والمواد الفعالة الى ممكن تسبب تشوهات للجنين أو إجهاض خلال فترة الحمل 🌀

- الكلورامفينيكول
- سيبروفلوكساسين و ليفوفلوكساسين
- بريماكين
- السلفوناميد
- تريميثوبريم
- كودايين
- ايبوبروفين
- الوارفارين
- كلونازيبام
- لورازيبام


🌀بشكل عام، يجب عدم أخذ أي أدوية خلال الحمل إلا بوصف من الطبيب، وخاصةً الأدوية التالية:
المضادات الحيوية.

☁مضادات الاكتئاب.
☁أدوية أمراض الدم.
☁أدوية علاج الصداع.
☁مسكنات الألم.
☁مضادات الإلتهاب.
☁أدوية إدرار البول.
☁أدوية علاج حب الشباب
☁مضادات الهيستامين
☁مضادات الفطريات

سمعت قبل كده عن عينة الكعب للأطفال 👶👣

🔘 عينة الكعب تحليل إلزامي في مصر لكل مولود من➖٣ إلي ٧ ➖ أيام بعد الولادة

🔘  بقيس فيه إيه بالضبط ؟
بقيس هرمونات الغدة الدرقية

اشمعنا بقى من ٣ ل ٧ أيام بعد الولادة ليه مش بعد كده أو قبل كده ⁉️🤔

➖أول يومين➖ 
مستوى الهرمونات عند الطفل بتبقى مش متظبطة و عالية فممكن أشخص غلط

➖بعد ٧ أيام ➖
كل يوم بتأخر فيه علي التشخيص بعرّض الطفل لمضاعفات نقص هرمونات الغدة الدرقية. 


🔘 طيب هي مهمة أوي كده عشان يبقى فحص إلزامي ؟
في الحقيقة هرمونات الغدة الدرقية مهمة جدًا للنمو العقلي و الجسدي للطفل

〰️ نقص هرمونات الغدة الدرقية 〰️
تعتبر من أشهر الأمراض اللي كانت بتعمل تخلف عقلي و تأخر في النمو في الأطفال قبل تطبيق التحليل الإلزامي
Dr Eman Abdelhamid

⚽ مشكلة اليوم واحدة من أكبر الإصابات التي يتعرض لها الرياضيين و يُمكن أن تحدث لأي شخص!
←و هي: التواء الكاحل.
لا شك أنكم قد سمعتم أن شخصًا ما تعرض لهذه المواقف من قبل التى تحدث غالبًا عند المشي أو عند ممارسة أي رياضة 🏃🏼‍♂️
🔹️ما هو سبب حدوث التواء للكاحل ؟
هذا نتيجة التواء مفاجئ لمفصل الكاحل أثناء المشي أو تَلتَف القدم بشكل غير طبيعي، فهذا يُسبب تمزق في أربطة الكاحل مما قد يُسبب ألمًا و صعوبة في حركة المفصل.
ما هي الأعراض ؟
حسب درجة الإصابة الذي سيتحدد بناء عليه العلاج المناسب من قبل الطبيب لكن لا مفر أنك ستجد ألمًا شديدًا و ورمًا و عدم سهولة في الحركة، فلابد الحذر عند المشي و ارتداء الحذاء المناسب 👀
📋ما هي طرق العلاج :
■ نعمل أكياس تلج لحين العرض على الطبيب، وبيحدد وقتها حسب درجة إصابة المريض.
🩺 العلاج إما كمادات مع رباط ضاغط أو يحتاج علاج طبيعي أو تدخل جراحي مع الراحة التامة و مسكنات.
دمتم في حفظ الله 🌸
د.منار يونس💌
#فريق_الاستشارات_الطبية_رسالة
#رسالة_طبية

الكواشيوركور Kwashiorkor
الاسم يخض وغريب صح؟ 🥺
لكنه أحد الأمراض الناتجة عن سوء التغذية خاصة في الأطفال حيث أن كثير منهم يصاب بهذا المرض.
☆ والاسم يعني الطفل الأول والثاني -باللغة الأفريقية- بمعنى أن الطفل الأول لا يحصل على نصيبه كاملٍ من الرضاعة الطبيعية بسبب ولادة الطفل الثاني وبذلك يكون فطام الطفل الأول مبكرًا👶
مما يعرضه لسوء التغذية خاصة نقص البروتينات التي تتكون من أحماض أمينية الجسم غير قادر على تصنيعها بنفسه فيلزم تناولها عن طريق الغذاء.
🔹️من أعراضه:
■ يسبب تورمًا وضعفًا وبروزًا في البطن
■ يكون لون جلد الطفل داكنًا و تساقط شعره بسهولة
■ فقدان الشهية وضعف الجهاز المناعي فيصبح معرضًا لأي عدوى بسهولة
■ الجفاف
■ قد يحدث له مشاكل في الكلى أو الكبد وإسهال مزمن لنقص البروتين
🔹️علاجه:
الإكثار من تناول الأغذية التي تحوي كمية كبيرة من البروتينات، وكثرة السوائل مع متابعة الطبيب المختص.
دمتم في حفظ الله وأمانته.🌸
د.منار يونس
#فريق_الاستشارات_الطبية_رسالة
#رسالة_طبية

الطواريء 🚑
ورجعنااالكم مرة تانية علشان نقولكم مين العيان اللي مرحب بيه في استقبال الطوارئ وخصوصا طوارئ المستشفيات الكبيرة فياااا مراااحب 🥳🥳
بص يا سيدي باختصار كده استقبال الطوارئ ده اتعمل لعيان لو متلحقش وبسرعة العيان ده ممكن يروح مننا ويقابل رب كريم 🥹 أو مثلًا: يدخل في مشاكل كبيرة احنا في غنى عنها يا حفيظ يارب!!
يعني يا سيدي ده اتعمل لمين؟!
1- اتعمل لعيان اشتباه سكتة دماغية سواء جلطة أو نزيف في المخ ومش هقولك أعراضها روح أنت دور 📚
2- اتعمل لعيان بـ يشتكي من ألم في منتصف الصدر والألم ده بيزيد مع المجهود لأنه ده عيان اشتباه جلطة في القلب!
3-اتعمل لعيان بيرجع دم أو بيجيب دم مع البراز أو لون البراز بتاعه بقي أسود زي الـ بَلَك😥
4-اتعمل لعيان ترجيع شديد أو اسهال شديد علشان العيان ده ممكن يدخل في جفاف أو اختلال في المعادن!
5-اتعمل لعيان عنده حساسية شديدة سواء من دواء أو حساسية صدر 🩻
6-اتعمل لواحد نفَسُه كاتم عليه ومش عارف ياخد نفسه
7- عيان فقد الوعي أو بيتصرف تصرفات غريبة أو دخل في توهان وابتدى يفقد الذاكرة🤔.
8-اتعمل لعيان ضربات قلبه سريعة وشديدة وحاسس بيها ← خصوصا لو صَاحبها ضيق نفس أو عرق شديد
9-اتعمل لعيان حصله هبوط سكر شديد لدرجة أنه بقى مش في كامل وعيه أو سكره رفع ومعاه اعراض غيبوبة السكر الكيتونية زي: ترجيع، نفس سريع، أو ألم في البطن.
10- أو عيان تسمم أو بلبع  من أي حاجة سواء بقصد(يعني بغرض الانتحار 😥) أو من غير قصد🤷🏻‍♀️
11-اتعمل لعيان مش بيجيب بول أو بيجيب كمية قليلة خالص!
12-اتعمل لعيان جسمه ورم ومليان ميه!
13-عيان الانيميا بتاعته شديد 8 أو أقل!
14-اتعمل لعيان عنده وجع في البطن بس وجع شديد مش أي كلام وخصوصا لو كان عامل عمليات أو عنده حصوات مرارة أو حصوات كِلى أو كان مصاحب بإمساك وترجيع .
15- حالات الحوادث فى كل الأحوال للاطمئنان.

دي كده أهم حالات الطوارئ وده حالات نقدر نسميها طوارئ، ومحتاجة تدخل سريع وحقيقي ومحتاجة حجز وفحوصات، وكلام كبير وبس ياسيدي خلصت الحدوتة والسلام 👋
د.جلال💌

-استقبال الطوارئ اتعمل لمين؟؟؟
=ياراجل ياطيب الإجابة في السؤال 🙄🙄
-امممم تصدق صح قصدك اتعمل لحالات الطوارئ 🤗 طيب يعني أما يجيني دور برد معديش على استقبال طوارئ المستشفى الجامعي أو المركزي؟؟!!!
=معلش صدقني مش هو ده المكان المناسب لعلاج الحالات البسيطة اللي زي كدة، انت كدة بتضيع فرصة عيان طوارئ ممكن ميتلقطش أو نتأخر عليه في الخدمة اللي المفروض تتقدم ليه بسببك،

الحاجات البسيطة اللي زي دور البرد، الصداع العادي، حرقان الصدر أو الحموضة اللي بتطلع على صدرك مع الأكل الحراق أو المسبك، وجع المعدة، ألم البطن والتقلصات والمغص، وجع الجناب، الحالات النفسية وحالات الزعل والضغط النفسي، الحاجات دي كلها مكانها العيادات الخارجية سواء في المستشفى أو في الخاص دي مش حالات طوارئ خالص مش هي دي الحاجات اللي بتموت.

يارب تكونوا فهمتوني وهنكمل معاكم في بوست تاني ونقولكم مين العيانين اللي مرحب بيهم في استقبال الطوارئ وخصوصًا طوارئ المستشفيات الكبيرة سواء الجامعة أو غيرها.
د.جلال

#طوارئ
#نشاط_الاستشارات_الطبية_رسالة
#رسالة_طبية

جالك دور برد جامد من بتوع الشتا وتاعبك خالص.. تعالى أقولك تعمل إيه 👌:
- ارتاح وابعد عن الأعمال الشاقة.
- تجنب التدخين لأنه هيزوّد تعبك.
- اشرب سوائل دافية كتير زي الزنجبيل مع الليمون.
- اعمل غرغرة بماية دافية وملح.
- ممكن تاخد أدوية زي بنادول كولد اند فلو، إلا لو كنت مريض ضغط أو قلب

ڤيتامين سي، أوتريڤين adult لاحتقان الأنف ( بس متزودش استخدام الأوتريڤين عن ٥ أيام)

وممنوع تمامًا تاخد مضاد حيوي من نفسك من غير ما الطبيب يوصفه.

- كمان يُنصح بتطعيم الانفلونزا الموسمية خاصة الأطفال وكبار السن ومرضى الحساسية وضعف المناعة للحماية من نزلات البرد المتكررة .
- د.لمياء

كبسولة صغيرة؛ لتعم الفائدة 👌🏻

⭕ أكتر سبب لمراجعة طبيب الأطفال في الشتاء
هو التهاب الشعب الهوائية الحاد
Acute bronchitis
تقريبًا ٣ من كل ٥ هيدخلوا عليك في العيادة
😉😉
سبب العدوى:
بنسبة تقترب من ٩٠ ٪؜ هو فيروس 🦠 .
يعني مش هنحتاج مضاد حيوي في الغالب 🤔🤔
أعراضها عبارة:
عن حرارة بسيطة وشوية تكسير في العظم...
لكن الأهم كحة ببلغم 😭😭
غالبًا بتبقى غير مصحوبة بصعوبة في التنفس 🤲🏻🤲🏻.
وإن شاء الله علاجها بسيط💫
شوية سوائل دافية علشان نتأكد من الإرواء 🍵
Hydration
وتغذية سليمة
بروتينات وفيتامينات 🍋🍋🍋
علاج للحرارة بالكمادات و خوافض الحرارة عن طريق الفم
وشكرًا
غير ثابت علميًا فوائد استخدام أدوية الكحة و طارد البلغم وإذابة البلغم ومضادات الحساسية و*الكورتيزون* ومجموعات البرد وخلافه...
استخدامها بيبقى في أضيق الحدود
بداعي طبي بعد استشارة الطبيب المختص بعد إجراء الفحص 🩺

للأسف حالات كتير من دي يتم معاملتها على إنها إلتهاب رئوي!!
🛑 الالتهاب الرئوي غير 🤓🤓
د. محمود حامد💌

meniere's disease?!
مرض منيير؟!

🔸يحدث بسبب تراكم سائل اللمف فى الأذن الداخلية، لكن سبب تراكمه لايزال غير واضح وهو يختلف عن متلازمة منيير التي تحدث نتيجة بعض الأسباب, مثل:
• العامل الوراثي بنسبة ١٠-٢٠ ٪.
• بعض الأمراض المناعية، مثل: مرضي الزئبة الحمراء أو مرضي الغدة الدرقية هاشيموتو.
• المرضى الذين يعانون من حساسية لبعض الأطعمة.
• وجود تاريخ مرضي للإصابة بالرأس أو مشاكل بالدورة المخية.
🔻كل دي عوامل مساعدة تؤدي لحدوث متلازمة منيير.🔻

🔸الأعراض: نوبات دوار منتظمة من 20 دقيقة إلى 12 ساعة ولا تزيد عن 24 ساعة، دوخة شديدة، غثيان، طنين الأذن، الشعور بانسداد الأذن، قد تصل إلى فقدان السمع.

🔸تتحسن الأعراض بعد انتهاء النوبة وبمرور الوقت يمكن أن يقل عدد مرات النوبات التى يُصاب بها الشخص .

🔸لا يوجد علاج شافٍ ولكن تستخدم أدوية الدوار ومضادات الغثيان ومدرات البول لتخفيف شدة النوبات.

🔸يمكن أن يلجأ الطبيب إلى حقن الأذن الوسطى بالأدوية أو الجراحة فى بعض الحالات .
كتابة د. سهير مصطفى
تصميم د نسمة محمد

صداع ضغط الدم🤕
☄️النوع : ثانوي
☄️الجهة :- غالباً ؛ خلف الرأس
☄️العلاج : مراجعة الطبيب بشكل عاجل
☄️مرتبط بـ: ارتفاع عالي جدا لضغط الدم.
كتابة: د/فاطمة جهاد
تصميم: د/منال الشوني
#نشاط_الاستشارات_الطبية_جمعية_رسالة
#رسالة_طبية

صداع التوتر🤕
☄️النوع : أولي
☄️الجهة :- الجهتين من الجبهة.
☄️الخصائص: إحساس بالضغط حول الجبهة تزداد و تنقص الحدة على فترات
☄️المدة مختلفة مختلفه من شخص لاخر و ليست ثابته
كتابة: د/فاطمة جهاد
تصميم: د/منال الشوني
#نشاط_الاستشارات_الطبية_جمعية_رسالة
#رسالة_طبية

صداع المفصل الصدغي الفكي🤕
☄️النوع : ثانوي
☄️الجة: جهة واحده حول الأذن
☄️ الخصائص: مزمن يتكرر ( دوري)
☄️اعراض مصاحبة :
*الم وصعوبة في المضغ
*صعوبة في تحريك الفم.
*طنين في الأذن
☄️المدة : ايام
☄️يجب عمل تمارين الفك و كمادات
كتابة: د/فاطمة جهاد
تصميم: د/منال الشوني
#نشاط_الاستشارات_الطبية_جمعية_رسالة
#رسالة_طبية

أنواع الصداع:
الصداع النصفي🤕
(الشقيقة)
☄️النوع :- أولي
☄️الجهة :- جهة واحدة (%70)
☄️الخصائص : يتكرر (دوري ) او يظهر بالتدرج
☄️الحدة: متوسط الى شديد
☄️المدة: ما بين 4ل 72 ساعة
☄️اعراض مصاحبة غثيان وتقيؤ وإنزعاج من الضوء والصوت
☄️يجب شرب الكثير من السوائل
كتابة: د/فاطمة جهاد
تصميم: د/منال الشوني
#نشاط_الاستشارات_الطبية_جمعية_رسالة
#رسالة_طبية

📣 سمعت قبل كده عن اضطراب فرط الحركة و تشتت الانتباه؟ 🤔
و هل أي طفل حركته كتيرة شوية يبقى عنده الاضطراب ده؟ 🤷‍♀🧒
✅ تعالوا نعرف شوية عن
〰اضطراب فرط الحركة و تشتت الانتباه〰
أو ما يُعرف ب
🔆 ADHD 🔆
- Attention deficit , hyperactivity disorder
✔️ الأعراض العامة للاضطراب :
🔹الميل للتصرُّف باندفاع
🔹عدم التنظيم ومشكلات في ترتيب الأولويات
🔹مشكلات التركيز على مهمة محدَّدة
🔹صعوبة القيام بمهام متعدِّدة
🔹النشاط المفرط أو التململ
🔹ضعف القدرة على ضبط النفس والعصبية
🔹تقلُّبات مزاجية متكرِّرة
🔹صعوبة استمرار وإكمال المهام
🔹تدني في المستوي الدراسي علي الرغم من عدم وجود صعوبات في التعلم أو نقص معدل الذكاء
🔊 طيب هل أي طفل ظهر عليه الأعراض دي لفترة صغيرة يبقي عنده الاضطراب ؟ 🤔
في الحقيقة التشخيص له عده شروط منها
1⃣ استمرار الأعراض لأكثر من ست شهور و ظهورها قبل سن ١٢ سنة
2⃣ الأعراض موجودة في مكانين مختلفين، يعني الطفل مش عارف يركز في المدرسة و البيت مع بعض
3⃣ مأثر علي الوظائف الحياتية والدراسية
⭐️ ضروري تتعامل مع طفلك بشكل سليم ، متسمحش لحد إنه يقلل ثقته بنفسه، و تتوجه للطبيب النفسي للتشخيص و العلاج الصحيح
كتابة: د/إيمان عبدالحميد
تصميم: د/فاطمة جهاد
#نشاط_الاستشارات_الطبية_جمعية_رسالة
#رسالة_طبية

🌀عوامل الخطر التي يجب الانتباه إليها خلال الأشهر الثلاثة الأولى من الحمل🌀


1️⃣النزيف المهبلي :
النزيف من المهبل يُشكل خطراً مميتاً لكل من الأم والطفل، وهذه الحالة تمثل خطورة كبرى حيث يمكن أن تحدث في أي وقت خلال فترة الحمل ، لذا فإن أي علامات تدل على حدوثها يجب استدعاء الطبيب المختص فوراً.
2️⃣آلام شديدة أسفل البطن:
تشعر معظم النساء الحوامل عادة بآلام أسفل البطن بسبب تمدد عضلات الرحم لاحتواء الجنين بداخله، لكن عندما يصبح الألم شديدًا أو يستمر لساعات طويلة، في هذه الحالة يجب التوجه للطبيب المختص لمعرفة السبب.
3️⃣الغثيان و التقيؤ :
تميل معظم الأمهات إلى الشعور بغثيان شديد في الصباح خلال الثلاثة أشهر الأولى حيث تشعرن بالغثيان والقيء وفقدان الشهية، وبالرغم من ذلك يجب عليهن الاستمرار في تناول الطعام بشكل صحيح لأن نقص التغذية يمكن أن يؤدي إلى نقص المعادن الذي يمكن أن يؤثر على كل من الأم والطفل ، وفى حالة النقص الشديد للمعادن و الڤيتامينات لدى الحامل يجب استشارة الطبيب المختص و المتابعة المنتظمة معه.
وغيرهم من المخاطر
🌀 لذا يجب على الأم الحامل :
- اتباع نظام غذائي صحي متوازن
- تناول جرعات الڤيتامينات التى يحددها الطبيب المختص
- الحفاظ على الصحة النفسية
- المشاركة فى تمارين خفيفة منتظمة
- تجنب الاجهاد
كتابة:د/آيه رجب
تصميم:د/منال الشوني
#نشاط_الاستشارات_الطبية_جمعية_رسالة
#رسالة_طبية

السلام عليكم ورحمة الله وبركاته 💜

💭عندي سؤال 🙋🏻 ، السمك مفيد 🫣؟
💭آه طبعًا مفيد جدًا 👌🏻
حيث إنه يحتوي على: البروتين ، الحديد , وبعض الاحماض الدهنية المفيدة ، الاوميجا 3 , والكثير من الفيتامينات 👀.
لا اله الا انت سبحانك اني كنت من الظالمين 💜.
دمتم بخير وسعادة دائما 💜.
كتابة: د.أشواق
تصميم: د. سلمى رمضان
#نشاط_الاستشارات_الطبية_جمعية_رسالة
#رسالة_طبية

السلام عليكم ورحمة الله وبركاته 💜

جاهزين نكمل فوائد الفول 💪🏻🥳:

💭يساعد على النمو السليم لما فيه في عناصر غذائية👶🏻
💭يزيد من الإحساس بالشبع وبالتالي يساعد على المحافظة على وزن مناسب🥳
💭يساعد على تعزيز جهاز المناعة لوجود فيتامين c 💪🏻
💭قد يساعد في خفض نسبة الكوليسترول 👌🏻
💭يساعد في تحسين أعراض فقر الدم (الأنيميا) لاحتوائه على الحديد🦾
💭يساعد على نمو العضلات وتقويتها🦾


اللهم صل وسلم وبارك على نبينا محمد وعلى اله وصحبه وسلم 💜.

دمتم بخير وسعادة دائما💜.

كتابة: د.أشواق
تصميم: د.منال الشوني
#نشاط_الاستشارات_الطبية_جمعية_رسالة
#رسالة_طبية

تعبت من ضغط الدراسة ؟
حابب تفصل كل شوية وتعرف معلومات جديدة في نفس الوقت ؟
وعشان دا هدفنا في فريق الاستفادة رجعنالكم بمسابقة جديدة ولكن بصورة وشروط مختلفة عن كل مرة ✨🩶

مسابقة ✨ رسالة طبية ✨

المسابقه علي صفحه الفيس بوك رسالة طبية فقط
https://www.facebook.com/profile.php?id=100088346041082&mibextid=ZbWKwL
شروط المسابقة :

• ريأكت على كل البوستات اللي بتنزل من صفحة رسالة طبية خلال الشهر

• منشن لاتنين من صحابكم على البوستات دي

• هينزل اربع اساله

•كل سؤال على توبيك معين ذُكر في البوستات دي وهينزل بوست بالفائز وهتوصله جايزة بإذن الله 🩶

🦋معاد نزول السؤال كل يوم خميس بعد صلاه العشاء على صفحه رسالة طبية🦋

🧾مواعيد نزول البوستات:-

🦋سبت الساعه ٧
🦋 الاتنين الساعه ٧ونص
🦋التلات الساعه ٨ونص
🦋الجمعه الساعه ٩ونص

ورونا همتكم 💪🏻

السلام عليكم ورحمة الله وبركاته 💜

💭عندي سؤال تاني🙋🏻 ، الفول المدمس مفيد 🫣؟
💭آه طبعًا مفيد جدًا 👌🏻 تعالى اقولك فيه اي 🏃🏻‍♀️:
يحتوي على: الكربوهيدات ، البروتين ،الكالسيوم , الماغنيسيوم ، بوتاسيوم ، حديد , صوديوم ، وبعضاً من الفيتامينات 👀.
إستنونا نكمل فوائد الفول في الجزء الثاني 🥳.
اللهم صل وسلم وبارك على نبينا محمد وعلى اله وصحبه وسلم 💜.
دمتم بخير وسعادة دائما 💜.
كتابة: د. أشواق
تصميم: د. منال الشوني
#نشاط_الاستشارات_الطبية_جمعية_رسالة
#رسالة_طبية

اخيرا
بالرغم من أن علاج ادمان مخدر الشابو من أصعب أنواع علاج الادمان ولكنه لايعد مستحيلا بل الكثير من الحالات شفيت بفضل الله وكسبت حياتها من جديد
ويتم من خلال عملية إزالة السموم من الجسم تحت إشراف طبي، حيث يُساعد الأطباء في التعامل مع أعراض الانسحاب الشديدة. مع تقديم جلسات علاج نفسي وسلوكي للتعامل مع التأثيرات النفسية الناتجة عن الإدمان وتغيير أنماط التفكير والسلوكيات التي تشجع على استخدام المخدرات. ولكن عليك التوجه إلي مستشفيات ومراكز علاج الادمان واتباع خطوات العلاج بحزم وقوة وكلما كان الأمر مبكرا كلما كانت النتائج افضل والعلاج اسرع ونسأل الله العافية والشفاء
كتابة: د.جلال
تصميم: د/سلمى رمضان
#نشاط_الاستشارات_الطبية_جمعية_رسالة
#رسالة_طبية

ورجعنالكم مره تانيه علشان نكمل كلام عن الشابو
ومن ضمن الأعراض قصيرة المدى
تبدأ أعراض تعاطي الشابو قصيرة المدى سريعًا فيشعر الشخص المدمن بدفعة من السعادة والنشوة والنشاط وتتمثل آثاره قصيرة المدى في الآتي:
الشعور بالسعادة والثقة.
التعرق المفرط.
اتساع حدقة العين.
جفاف الفم.
سرعة ضربات القلب.
سرعة التنفس.
الجز على الأسنان.
زيادة الطاقة والنشاط.
زيادة الرغبة الجنسية.
الشعور بالحكة.
فقدان الشهية.
نزيف الأنف وتلف في الحاجز الأنفي بسبب إصدار صوت شخير أثناء التعاطي
الآثار الجانبية تشمل النشاط المفرط، الهلوسة، السلوك العدواني، فقدان الشهية، التقلبات الشديدة في المزاج، وأضرار على المدى الطويل للدماغ
من اعراض مدمن الايس زيادة ضربات القلب وارتفاع في ضغط الدم
ألم في الصدر.
كما من اعراض مدمن الايس صعوبة في التنفس.
تشنجات في الجسم ورعشة
التهيج والارتباك والطفح الجلدي
صداع شديد ودوخة وتكسير في عضلات الجسم
الإغماء وفقدان الوعي.
كما تؤدي الجرعات الزائدة من الشابو إلى السكتات الدماغية المفاجئة.
و السكتات القلبية بسبب ارتفاع ضغط الدم المفاجئ.
واخيرا الموت فجأة
.
شوفت بقي كل دي كوارث من المدعو الشابو الحقير فبلاش نضيع أنفسنا وياريت نخلي بالنا من اولادنا ولنا تكملة في الموضوع ده باذن الله
فى رعاية الله وحفظه وأمنه
كتابة: د.جلال
تصميم: د/سلمى رمضان
#نشاط_الاستشارات_الطبية_جمعية_رسالة
#رسالة_طبية

هنتكلم معاكم عن أمر ضَاعت بِسببه الكثير من الأرواح وفُقدت من بينِنا 😥😥 ..عن شئ كان وما زال سبباً في ضياع أبنائنا وتفكك الكثير من الأسر بل وضياع مجتمع
مخدر الشابو، والمعروف علمياً باسم (الميثامفيتامين)، هو نوع من المخدرات المنشطة التي تؤثر بشكل مباشر على الجهاز العصبي المركزي. يشتهر الشابو بقدرته العالية على زيادة النشاط الجسدي والعقلي، ويُعتبر من المخدرات ذات التأثير القوي التي قد تؤدي إلى إدمان شديد بسرعة.
الميثامفيتامين هو مركب كيميائي يتم تصنيعه غالبًا في مختبرات غير قانونية، ويأتي في عدة أشكال، بما في ذلك البلورات الشفافة أو مسحوق أبيض يُستنشَق أو يُدخن أو يُحقن. يتداول في الأسواق السوداء تحت عدة أسماء، مثل "الشابو" أو "الكريستال ميث".
هنتكلم معكم باذن الله عن مخدر (الشابو) أو ما يسمي ايضا الآيس أو الكريستال
هذا المخدر من اقوي المخدرات تأثيرا علي الجسم ومن أسرع المواد التي تسبب إدمانا قويا
لماذا يعتبر الشابو خطيرًا جدًا؟
الشابو خطير لأنه يسبب الإدمان بسرعة، وله تأثيرات قوية على الدماغ والجسم، بما في ذلك تحفيز النشاط الزائد، الأرق، وتغيرات في السلوك
من أعراض مخدر الايس أنه عندما يتعاطى الشخص مادة الميثامفيتامين الموجودة في الشابو فإنه يشعر باندفاع مفاجئ للطاقة والنشوة ويوصف ذلك الشعور بالتوهج (The flash).
تظهر الأبحاث أن تعاطي مادة ميثامفيتامين الموجودة في الشابو ينتج نشوة أعلى بمقدار 6 أضعاف الشعور بالسعادة الطبيعي الذي يطلقه الدماغ من تلقاء نفسه، ذلك الشعور يحاصر مدمني المخدرات ويجعلهم متلهفين على مطاردة تلك النشوة.
ويستمر في تناول المخدرات مرة وراء أخرى حتى يدمن تلك المواد المخدرة ويقع في فخ الإدمان التي تحوفة الكثير من المخاطر.
عندما يصلون إلى مرحلة الإعتمادية وإدمان تلك المواد المخدرة، يضطر مريض الإدمان إلى زيادة الجرعات للوصول إلى نفس النشوة.
في حالة إدمان مخدر الآيس الشابو لأنه مادة منشطة، قد لا يقدر على القيام بالأنشطة والأعمال اليومية دون الحصول على الجرعة التي تعطيه النشاط الكافي للقيام بها.
وعندما يتلاشى تأثير المخدر من الجسم، تستبدل مشاعر السعادة والنشاط والطاقة بأخرى مثل القلق والغضب والإنفعال الشديد وتبدأ أعراض انسحاب مخدر الشابو في الظهور.
ومن أعراض مخدر الآيس أن الشخص يدخل في مرحلة “الإنهيار” يعاني من تقلبات مزاجية حادة، تفيد الدراسات أن الأشخاص المدمنين على مادة الميثامفيتامين قد يعانوا من تغييرات دائمة في الدماغ.
كما أنه يتسبب في تغييرات في المظهر مثل:
بهتان الجلد.
مظهر يدل على التقدم في العمر.
بثور وقروح في الجلد صعبة الإلتئام.
جفاف الفم.
اتساخ وكسر الأسنان وتصبغها.
بعد فترة من إدمان ذلك المخدر قد تظهر عليه أعراض مرض ذهان التعاطي، يعاني من جنون العظمة والهلاوس والضلالات.
قد يشعرون وكأن هناك حشرات تزحف تحت جلدهم أو قد يفكرون في الانتحار أو إيذاء نفسهم.
ولنا تكملة في هذا الموضوع باذن الله
دمتم في رعاية الله وأمنه وحفظه ♥️💚
كتابة:د. جلال
تصميم:د/سلمى رمضان
#نشاط_الاستشارات_الطبية_جمعية_رسالة
#رسالة_طبية

(Trismus) تشنج الفك

هي تشنجات مؤلمة توجد في العضلات المحيطة بمفاصل الفك (temporomandibular joints)، وقد يكون ذلك أحد الآثار الجانبية لعلاج سرطان الرأس والرقبة أو بعد جراحة الأسنان، وقد تحدث أيضًا بسبب الضغط وبعض الإلتهابات أو التعرض لضربة في الفك.
وعادةً ما يبلغ عرض فتحة الفم من 40 إلى 60 مليمترًا أي ما يعادل إصبعين إلى ثلاثة أصابع تقريبًا، وتُعالج معظم الأعراض في غصون أسابيع قليلة عن طريق الأدوية أو العلاج الطبيعي.
• الأعراض : العرض الأكثر شيوعًا هو عدم القدرة على فتح الفم على اتساعه المعتاد، مصاحبًا لأعراض أخرى مثل: آلام أثناء التثاؤب أو مضغ الطعام.
• الأسباب: قد تكون الأسباب داخلية كاضطراب داخلي في المفصل أو هشاشة العظام أو إلتهاب في المفاصل، وكذلك أسباب خارجية عن طريق صدمة في الفك السفلي أو أثناء خلع ضرس العقل بعد الجراحة أو العلاج السني أو عن طريق إلتهابات حادة للأنسجة الفموية التي تشمل الخدين وعضلات المضغ.
• التشخيص : يتم التشخيص عن طريق السؤال عن الأعراض وفحص الفك والرقبة والمفصل (temporomandibular joint).
• العلاج : يتم العلاج عن طريق إزالة العرض المسبب، مثل: إزالة السن في حالة الخراج أو إعطاء مضاد حيوي أو إعطاء مهدئات لتخفيف التشنج العضلي أو بتمارين العلاج طبيعي.

كتابة:د/آلاء حماد
تصميم:د/فاطمة جهاد
#نشاط_الاستشارات_الطبية_جمعية_رسالة
#رسالة_طبية

☆أسباب التهاب اللثة :
* تجمع بقايا الأكل وتراكمها.
* التنظيف بشكل خاطيء.
* حشوات قديمة.
* وجود الطبقة الجيرية.
* الأمراض المزمنة مثل السكري
* استخدام بعض الأدوية كأدوية القلب ومضادات الاكتئاب.
* نقص الفيتامينات مثل: فيتامين *ج* وفيتامين *ك*
* التغيرات الهرمونية في النساء، مثل: خلال فترة الحمل تصبح اللثة حساسة، ولكن عند انتهاء هذه الفترة تعود اللثة بالتدريج لوضعها الطبيعي.
* عوامل وراثية.
☆*الوقاية والعلاج*:
• تنظيف الأسنان بشكل جيد ويشمل ذلك استخدام غسول الفم والخيط الطبي.
• استخدام فرشاة أسنان ناعمة.
• عدم فرك الأسنان بقوة شديدة.
• زيارة الطبيب بشكل دوري كل ست أشهر وحسب الحالة وعمل جلسات لتنضيف الجير.
• يمكن وصف دواء أو كل سنة مضاد حيوي .
• اتباع نظام غذائي صحي والإكثار من تناول الخضار المليئة بالألياف، وتجنب السكريات
• بالإضافة إلى الابتعاد عن التدخين.
• يمكن استخدام معجون أسنان خاص بالتهاب اللثة.
•استخدام فرشاة أسنان medium فى حالة الالتهابات الشديدة أو soft فى حالات الجراحة.
كتابة:Dr. Mohamed Samy💌
تصميم:د/فاطمة جهاد
#نشاط_الاستشارات_الطبية_جمعية_رسالة
#رسالة_طبية

هنتكلم النهاردة
عن فيروس C : عبارة عن فيروس يسبب التهاب الكبد ويمكن أن يؤدي إلى تليف الكبد وسرطان الكبد .
وبينتقل الفيروس بشكل رئيسي من خلال الدم ، مثل استخدام الإبر الملوثة ، نقل الدم الغير آمان .
وتشمل الأعراض
:التعب والارهاق والغثيان
: و اليرقان (اصفرار الجلد والعينين)
:وآلام في البطن
:تغير لون البول إلي اللون الداكن
العلاج
في علاجات فعالة لفيروس C تشمل الأدوية المضادة للفيروسات والتي يمكن أن تؤدي إلى الشفاء التام في كثير من الحالات
كتابة:Dr Nesma
تصميم:د/فاطمة جهاد
#نشاط_الاستشارات_الطبية_جمعية_رسالة
#رسالة_طبية

🍁الجزء الثانى من نمو الشعر تحت الجلد (جلد الوزة)🍁

اتكلمنا في الجزء الأول عن الأسباب والعوامل بتزيد من تعرض الشخص لنمو الشعر تحت الجلد تعالوا نكمل 🍂
🍁 المضاعفات :
• نمو الشعر تحت الجلد سهل التمييز بالعين المجردة والشعر المدفون تحت الجلد يسبب حدوث تهيج للجلد مما يؤدي إلى :
»« طفح جلدي
»« حكة فى الجلد
»« نتوءات حمراء صغيرة تشبه الحبوب ويمكن أن تكوّن صديد فيما بعد
»« عدوى بكتيرية
»« يصبح لون الجلد داكن
🍁 العلاج :
»« عن طريق استشارة الطبيب المختص ليحدد له الكريمات المناسبة و المضاد الحيوي لمنع أي عدوى بكتيرية
»« تقشير الجسم يساعد على ذلك أيضاً
🍁 تعليمات الوقاية :
»« النظافة التامة للمنطقة
»« ترطيب المنطقة جيداً
»« تبليل المنطقة بالماء الدافىء قبل الحلاقة
»« حلق الشعر في نفس اتجاه النمو
»« إذا كان الشخص يستخدم شفرة الحلاقة فعليْه تجديدها باستمرار
كتابة:د/آيه رجب
تصميم:د/فاطمة جهاد
#نشاط_الاستشارات_الطبية_جمعية_رسالة
#رسالة_طبية

الجزء الأول:
تعالوا نتكلم عن مشكلة شائعة ألا وهي :
نمو الشعر تحت الجلد (جلد الوزة)🍂
»« طبيعة الشعر إنه ينمو للخارج لكن مشكلتنا هنا في نمو الشعر لداخل الجلد
🍂المشكلة دي ممكن تحصل في أي منطقة في الجسم لكن الأشهر:
• الوجه (خاصةً اللحية في الرجال)
• الأرجل
• الذراعين
• الإبط
وغيرهم
🍂 أسباب نمو الشعر تحت الجلد:

1️⃣ إزالة الشعر بطريقة غير صحيحة :
»« عن طريق استخدام تقنية غير مناسبة لإزالة الشعر، و بالتالي بيكون فيه طرف حاد للشعر في نهايته ممكن يخترق الجزء ده للجلد و ينمو للداخل
2️⃣ انسداد بصيلات الشعر :
»« بسبب تراكم الجلد الميت والأوساخ وعشان كدة النظافة مهمة جداً
3️⃣ الاحتكاك :
بسبب ارتداء الملابس الضيقة على الجسم
🍂عوامل تزيد فرصة حدوثه:
»« الحلاقة بشكل مستمر بطريقة غير صحيحة
»« امتلاك شعر مجعد جداً أو خشن
»« ارتفاع نسبة هرمونات معينة تزيد من نمو الشعر فيصبح أكثر عرضة لذلك
كتابة:د/آيه رجب
تصميم:د/فاطمة جهاد
#نشاط_الاستشارات_الطبية_جمعية_رسالة
#رسالة_طبية

مين فينا مبيحبش الفاكهة وتحديدًا الفراولة؟ 🍓
الفراولة من الفواكه المحببة جداً للأطفال والناس عموما لكن...
بعض الناس من صغرها بتعاني من حساسية من الفراولة، تعالوا نعرف ايه الى بيحصل 🤍👩🏻‍🦯
💥بيحصل إن جسم الشخص بيحصل له تَحسُّس من البروتينات الموجودة في الفراولة وبمجرد ما ياكلها، الجهاز المناعى يبدأ يهاجمها
💥 الأعراض :
- طفح جلدى وحكة
- حكة وتنميل فى الفم
- غثيان و تقيؤ
- سعال واحتقان
- إسهال
💥 الأعراض الشديدة :
( يتعامل معها طبيب الطوارىء )
- تورم اللسان
- تورم فى الحلق يسد مجرى الهواء
- تسارع ضربات القلب
- انخفاض ضغط الدم
- دوخة و دوار
- إغماء
💥 العلاج :
- العلاج الأول لكافة أنواع الحساسية هو تجنب الشيء المسبب للحساسية والامتناع عنه
- الأدوية الطبية المضادة للهستامين تحت استشارة الطبيب المختص
كتابة:د/آية رجب
تصميم:د/فاطمة جهاد
#نشاط_الاستشارات_الطبية_جمعية_رسالة
#رسالة_طبية

مع دخول فصل الشتاء هنلاقي أدوار البرد ومشاكل الجيوب الأنفية وحساسية الأنف والصدر بتزيد فتعالوا بينا ناخد بعض النصائح اللي تنفع لينا
⛔ نصائح لمرضى الحساسية.. 🤧😷
✅ استنشق بخار الماء لأن البخار يعمل على ترطيب المخاط فى الأنف وتخفيف أعراض الاحتقان
✅ غسل الأنف بالماء المالح الدافئ يساعد على تخفيف أعراض احتقان الجيوب الأنفية ويقلل من تأثير المهيجات زى الغبار والتلوث والعطور
✅ ابتعد عن دخان السجائر حيث يمكن أن تزيد السجائر والتدخين السلبي(اي الجلوس بجوار المدخنين ) من خطر إصابتك بالتهاب الجيوب المزمن وحساسية الأنف وكذلك فإن التدخين يجعل التهاب الجيوب الأنفية وحساسية الأنف أكثر صعوبة في علاجه
✅ استعمل البخاخات التي تحتوي علي كورتيزون ده خط العلاج الاول واحسن علاج لحساسية الأنف والصدر ومتخفش مش هتبقي مدمن أو شمام لما تستخدمها 😏😅
✅ شرب الكثير من المياه يساعد على ترطيب الجيوب الأنفية وكمان احسن مذيب للبلغم
✅ابتعد عن المثيرات للحساسية زي التراب والدخان والعطور والبخور والقطط والطيور والتدخين واي حاجه بتهيج معاك الحساسية ده اهم حاجه في العلاج خلي بالك
✅اخر حاجه دور البرد مش علاجه مضاد حيوي ولا حقنة الديزل 3*1 علاجه راحة وسوائل وعلاج اعراض وشكرا علي كده بالله عليكم بلاش سف مضادات عمال علي بطال
دمتم في رعاية الله وأمنه وحفظه 💖♥️
كتابة:Dr Galal
تصميم:د/محمد حسين
#نشاط_الاستشارات_الطبية_جمعية_رسالة
#رسالة_طبية

فيتامين ك
✅معروف بڤيتامين التجلط لأنه ليه دور رئيسى فى عملية التجلط ومنع النزيف
✅ينتج من البكتيريا الطبيعية فى الأمعاء بكميات كافية لكن ممكن تقل بس فى حالة تناول المضادات الحيوية اللى بتقتل البكتريا دى أو لوجود أمراض فى الأمعاء والجهاز الهضمى وبتقل كمان لو مخدنهاش بشكل كافى فى الأكل.
○ له ثلاثة أنواع:
● ك1(phylloquinone): وده موجود فى الفاكهة والخضار زى الكرنب والسلق.
● ك2(Menaquinone): فى الأكل زى فول الصويا والأكل اللى مصدره حيوانى زى اللحوم والبيض والأجبان.
فى نوع تالت مصنع لكن غير مخصص للاستخدام البشرى.
○ *فوائد فيتامين ك*🦆
مهم جدا لعملية تجلط الدم الضرورية لإيقاف النزيف عند الإصابة بالجروح
ومهم كمان فى تكوين والحفاظ على صحة العظام والقلب♥️
كما يعطى كعلاج مضاد للتسمم مع الأدوية المانعة للتجلط زى ال (warfarin).
علاج أو الوقاية من هشاشة العظام وكمان بيحسن الذاكرة وبيقلل ضغط الدم وبيحمى من السرطان وليه فوايد كتير كمان للأسنان وغيرها عشان كدة بنحقنه للأطفال بعد ولادتهم لمنع حدوث النزيف.
بالتالى فهو مهم جدا ونقصه ممكن يسبب نزيف ومشاكل كتيرة🐥
تصميم:د/نسمة محمد
#نشاط_الاستشارات_الطبية_جمعية_رسالة
#رسالة_طبية

سمعت قبل كدا عن الفصال العظمي🦴؟🤔

هو أشهر أمراض المفاصل والتي تصيب كبار السن والسيدات بعد سن اليأس غالباً وتؤثر علي الغضاريف والعظام المحيطه بالمفصل.
احتياطات واجب إتباعها لتقليل الأعراض والحفاظ علي المفاصل:
📌انقاص وزن الجسم ويعتبر الأهم علي الإطلاق وقد تحتفي الأعراض نهائياً بعدها
📌يجب تغيير وضع الجسم من الحين للآخر وتجنب الجلوس او النوم لفتره طويله في نفس الوضع
📌عدم استخدام المقاعد القصيرة
📌تجنب الاستخدام الكثير للمفاصل المصابه
📌تجنب الجلوس او النوم بشكل غير صحيح مما قد يؤذي المفاصل
📌تجنب التحميل علي المفصل المصاب عندما تشعر فيه بالألم الشديد
كتابة:د/رنا حجاب
تصميم:د/سلمى رمضان
#رسالة_طبية
#نشاط_الاستشارات_الطبية_جمعية_رسالة

خلاص داخلين على الشتا وهنستقبله بشوربة العدس زي كل سنة عشان نتدفى 🤗
بس يا ترى هل لشوربة العدس فايدة تانية غير أنها بتدفينا 🤔؟
الحقيقة هي ليها فوايد تانية كتيرة زي:
- بتحمي من الأنيميا.
- مصدر كويس جدًا للحديد.
- فيها بروتين كتير اللي بيساعد على نمو الخلايا والعضلات.
- بتقولي الجهاز المناعي.
- مفيدة جدًا لعضلة القلب.
- بتحسن حركة الأمعاء وعملية الهضم.
- تعتبر صديقة للرچيم لأن فيها سعرات حرارية قليلة مقابل عناصر غذائية كتير.
يارب المرة الجاية لما نلاقي الغدا شوربة عدس نفرح بقى ونرحب بفوائدها
كتابة: Dr lamiaa
تصميم: د/منال الشوني
#نشاط_الاستشارات_الطبية_جمعية_رسالة
#رسالة_طبية

آلام ما بعد الخلع:
بداية معرفتك بالشيء هي أول طريق ليك فإنك تتغلب عليها فقررنا النهاردة نتكلم فألم ما بعد الخلع واللي جايز تتعرض ليه إنت أو أي حد من أهلك يومًا ما.
ومن هنا لازم نعرف نفرق إمتى الألم بيكون طبيعي وإمتى لا ولازم نرجع للطبيب المُعالج فورًا..
بشكل عام الألم بعد الخلع شيء طبيعي وخصوصًا بعد غياب مفعول البنج ودا بيكون من فترة 24-48 ساعة مُصاحب لتورم وإحمرار بسيط في مكان الجرح نتيجة للعملية اللي بتحصل في مكان الجرح عشان يخف لإن في الفترة دي بتبدأ تتكون جلطة دموية ودي بتبقى عبارة عن طبقة فوق العظم ونهايات الأعصاب عشان تحميها وتساعد على إلتئام الجرح واللي لو محصلتش هتسبب ألم بعد الخلع وعدم تكونيها بيكون عن طريق سببين:
الأول فدا سبب متعلق بيك إنت ليه بقى؟ عشان ملتزمتش بتعليمات الخلع ألا وهي إنك لازم تضغط على الشاش أو القطنة لمدة ساعة بعد الخلع وتتجنب أي مضمضة لمدة 24 ساعة من بعد الخلع وتبعد عن التدخين في حالة إنك كنت مُدخن عشان ميحصلش ليك أي مضاعفات والأكل يكون على الجهة التانية وبختص هنا من الأكل الأكل الطري ونبعد تمامًا عن المشروبات السُخنة ونستبدلها بالمشروبات الباردة
طيب يا دكتور أنا طبقت كل دا بس حاسس بوجع خفيف أعمل ايه؟..في الحالة دي الدنيا بتكون تمام والعلاج بسيط هتعمل كمادات مية باردة على الجنب اللي إنت خالع فيه أول 24 ساعة مع مضمضة بمية دافية وملح بعد 24 ساعة من الخلع
أما بالنسبة للسبب التاني فدا متعلق بجسمك زي مثلًا خلل في الأوعية الدموية أو إضطراب في التخثر أو نتيجة مرض أو وراثة وفي الحالة دي لازم ترجع لطبيبك المعُالج عشان يقولك على طريقة العلاج المُناسبة لحالتك
وبس كدا دُمتم سالمين🖤
كتابة:Dr Alaa hammad
تصميم: د/روان جمال
#نشاط_الاستشارات_الطبية_جمعية_رسالة
#رسالة_طبية

⚠️ موضوع يهم الأمهات الجديدة ، هل السخونية البسيطة سبب إني أمنع طفلي من التطعيم ؟ 🤔🤔
⚠️ مش التطعيم عبارة عن الميكروب نفسه بس ضعيف او متعدل عليه ، هل كده ممكن يزود الأعراض و يضره أكتر ؟!
🔷 خوف الأمهات علي أطفالهم اكيد معتبر لكن لازم نزيد وعينا و نعرف أن :
🔆 موانع التطعيم عندنا بتنقسم لقسمين 🔆 :
❌ موانع مؤقتة 〰️ هنا ممكن نأجل الجرعة :
▪️ حرارة شديدة أعلي من 38 درجة
▪️نزلات معوية شديدة ( إسهال مصاحب معاه ترجيع )

❌ موانع ممتدة 〰️ هنا الطفل بيغير نوع التطعيم أو مش بياخد تطعيم خالص :
➖ حدوث تشنجات من التطعيم الثلاثي البكتيري، وفي هذه الحالة تكمل التطعيمات بالثنائي البكتيري.
➖ حدوث حساسية من التطعيم علي شكل صدمة أو طفح جلدي عنيف.
➖ حالات أمراض نقص المناعة
➖ حالات تناول علاج كيماوي أو إشعاعي أو الكورتيزون بجرعات عالية
🔴 لكن السخونية البسيطة الأقل من 38 درجة
🔴 الرشح البسيط
🔴 الكحة
✔✔ دي أشياء لا تمنع من التطعيم
#vaccination
كتابة:د/ إيمان عبد الحميد
تصميم:د/روان جمال
#نشاط_الاستشارات_الطبية_جمعية_رسالة
#رسالة_طبية

العين الكسولة 👁️
ما هي العين الكسوله ؟
🔸 يحدث كسل العين عندما تختلف حدة البصر بين العينين و تكون إحدى العينين أضعف أو أكسل من الأخرى.
لماذا يوجد عين كسوله ؟🤔
🔸 يحدث كسل العين عند الأطفال
في حالة اختلاف طول أو قصر النظر بين العينين.
🔸في حالات الحول.
🔸لوجود سبب عضوي مثل اصابة بالقرنية أو ماء أبيض بإحدى العينين
ايه هو العلاج؟🤔
تغطية العين السليمة لتحفيز العين الكسولة للعمل وبالتالي تحسين الرؤية من خلالها.
و يجب زيارة الطبيب
كتابة:د/فاطمة جهاد
تصميم:د/روان جمال
#نشاط_الاستشارات_الطبية_جمعية_رسالة
#رسالة_طبية

تفتكروا احنا بنتولد بكام مخ ؟
واحد اكيد يا دوك ! لا
امال يعني هيكون 2!😅
كذلك لأ ... الحقيقة عزيزي الإنسان كل واحد فينا بيتولد ب ثلاثة امخاخ :
الرئيسي في الدماغ و التاني في القلب و التالت في الجهاز الهضمي
☆ المخ اللي في الدماغ :
هذا مركز التحكم في الجهاز العصبي المركزي و مهم للذاكرة و الاحساس فهل يغنينا عن الباقي؟
☆ بالطبع لا ، المخ الذي في القلب و الجهاز الهضمي لديهما خلايا عصبية بنسبة عالية تشبه تماما لخلايا المخ و لهم دور كبير في الحفاظ علي ذاكرة المخ و الحالة المزاجية و الاستجابة للصدمات و الاحاسيس ف لابد أن تحافظ عليهم جميعاً
قال تعالى : أَفَلَمۡ يَسِيرُواْ فِي ٱلۡأَرۡضِ فَتَكُونَ لَهُمۡ قُلُوبٞ يَعۡقِلُونَ بِهَآ أَوۡ ءَاذَانٞ يَسۡمَعُونَ بِهَاۖ فَإِنَّهَا لَا تَعۡمَى ٱلۡأَبۡصَٰرُ وَلَٰكِن تَعۡمَى ٱلۡقُلُوبُ ٱلَّتِي فِي ٱلصُّدُورِ 🌸
حتى اثبتت الدراسات بعد عمليات نقل القلب وُجد الشخص الذي نُقل له القلب بيحس نفس أحاسيس الشخص المتبرع تجاه الأشخاص و الأشياء و هذا من ذاكرة القلب نفسها .
دمتم في حفظ الله و امانته
كتابة:د/ منار يونس
تصميم:د/محمد حسين
#نشاط_الاستشارات_الطبية_جمعية_رسالة
#رسالة_طبية

الجزء 2

تعالوان بينا نتكلم عن :
💥الفحص الذاتى للكشف عن سرطان الثدى 💥
-هو فحص روتينى تقوم به النساء اما بالملاحظة او باللمس :
🌸 بنعمله بعد ما تخلص فترة الحيض كل شهر من اليوم ال ( 7 : 10 ) من الحيض
🌸لو كانت فى فترة الرضاعة فهتعمله بعد ما تخلص والثدى فاضى من الحليب
🌸 لو كانت حامل او كبيرة فى سن اليأس فالافضل انها تحدد وقت شهرى تعمل فيه زى مثلا بداية كل شهر
💥 قولنا فوق الفحص الذاتى بيكون ب طريقتين :

1️⃣الملاحظة :
هنا هنقف قدام مراية و نبدأ نبص على الثديين فى اتجاهات مختلفة و نلاحظ حجمهم هل متساوى ولا لا ونلاحظ شكلهم ولونهم هل فيه دماميل او اى تورم
2️⃣ اللمس :
ده بيكون عن طريق ٤ حركات دائرية في كل جزء و تحت الثدي و الحلمة عشان نعرف هل فيه كتل محسوسة ولا لا
كتابة:د/آية رجب
تصميم: د/منال الشوني
#نشاط_الاستشارات_الطبية_جمعية_رسالة
#رسالة_طبية

جزء 1 :

تعالوا بينا نتكلم عن حاجة مهمة جدا فى حياة البنات و السيدات عموما ✨
💥 سنة 2022 اتصنف سرطان الثدى إنه أكثر السرطانات شيوعاً لدى النساء فى العالم
- لازم تبقوا عارفين ان المراحل المبكرة لسرطان الثدى ملهاش أى أعراض و هنا بيظهر أهمية الكشف المبكر
💥 ايه الاعراض الى تخلينا نشك و نقلق ؟
- كتلة فى الثدى دون ألم على الاغلب
- كتلة أو ألم تحت الابط
- تغير فى حجم الثدى او شكله او مظهره
- تغيير فى مظهر الحلمة او الهالة حول الحلمة
- احمرار او تغير فى طبقة الجلد
- سائل افرازى او دم من الحلمة
كتابة:د/ آية رجب
تصميم:د/منال الشوني
#نشاط_الاستشارات_الطبية_جمعية_رسالة
#رسالة_طبية

التبرع بالدم حاجة عظيمة جدًا وبتنقذ حياة ملايين الناس ..
بس تعرف إن مش أي حد ممكن يتبرع بالدم ؟
في شروط كدا لازم تكون متوفرة في حضرتك عشان تقدر تتبرع من غير من تأذي نفسك ولا تأذي المريض اللي هتتبرعله ✅:
🩸متكنش اخدت مضاد حيوي قبل أسبوع أو أقل من التبرع.
🩸متكنش رحت لدكتور الأسنان أو عملتي بيرسينج أو وشم قبل ٣ شهور أو أقل من التبرع.
🩸 ميكنش جالك ڤيروس بي او سي الكبدي قبل كدا.
🩸 لو عندك سكر وبتمشي على انسولين فللأسف مينفعش تتبرع❌ .. لكن لو عندك سكر وماشي على أدوية بالفم والسكر متظبط فتقدر تتبرع ✅.
🩸 لو عندك ضغط ودايما عالي ومش متظبط فمينفعش تتبرع ❌.
🩸 لو عندك زيادة نشاط أو خمول في الغدة الدرقية فمينفعش تتبرع ❌.
🩸لو في تعاطي لأي مادة مخدرة فمينفعش تتبرع ❌.
🩸لو حضرتك حامل فمينفعش تتبرعي❌.
🩸 بعد الولادة لو مش بترضعي طبيعي تقدري تتبرعي بعد ٦ شهور .. لكن لو بترضعي طبيعي فتتبرعي بعد سنة من الولادة.
كتابة:د/لمياء
تصميم:د/مروة إبراهيم
#نشاط_الاستشارات_الطبية_جمعية_رسالة
#رسالة_طبية

فاكرين حمالات التطعيم في المدرسة ؟ 🧑‍🏫 مين كان بيهرب و يستخبي عشان مش عايز ياخد التطعيم 😏

🗯 ما تيجي نتكلم عن نوع من أنواع التطعيمات دي ؟
و البطل معانا النهاردة 〰️ تطعيم السحائي 〰️
مهم يعني التطعيم ده ؟ 🤔 و هل بيتاخد في المدرسة بس ؟ 🤔
▪️ في الحقيقة هو مهم جدا عشان بيحمي من بكتيريا بتسبب في التهاب الأغشية السحائية حول المخ و اللي بدورها بتسبب مضاعفات خطيرة في الجهاز العصبي 🧠🧠
▪️ و بالمناسبة البكتيريا دي سهل تنتشر جدا عن طريق الرذاذ 😷
يعني كحة واحدة او عطسة من طفل تعدي الفصل كله 🤕
⚠️ طيب هل بس الاطفال اللي بتاخد تطعيم السحائي ؟
في الحقيقة لا ❌
اي حد معرض لتجمعات كبيرة زي الحج ، الجيش
لازم وقائيا ياخد التطعيم 👌
#vaccination
كتابة:د/ إيمان عبد الحميد
تصميم: د/سلمى رمضان
#نشاط_الاستشارات_الطبية_جمعية_رسالة
#رسالة_طبية

ابني حرارته مرتفعة وفجأة لقيته بيتشنج؟؟
Febrile convulsion
(التشنجات الحرارية)
نوبة بتحصل فى الاطفال من ٦شهور-٦سنين، مع ارتفاع لدرجة الحرارة بدون وجود دليل على عدوى أو سبب واضح للنوبة
بشرط ان التشنجات دي تكون في جسمه كله، ومتجيش أكتر من مرة في اليوم الواحد، ولا تتعدى ١٥ دقيقة، وبيفوق بعدها عادي
الحل وقتها اننا ننزل الحرارة بس.
لكن لو التشنجات استمرت أكتر من ربع ساعة، أو اتكررت أكتر من مرة في اليوم، أو عمره كان أقل من ٦ شهور أو اكتر من ٦ سنوات، أو كان بياخد أدوية مخ وأعصاب، أو اتشنج بعد ما وقع أو اتخبط على دماغه
وقتها لازم استشارة طبيب وعمل أشعة مقطعية ورنين ورسم مخ.
ربنا يعافي جميع أولادكم ويطمنكم عليهم 🤍
كتابة:د/ندى عبد السلام
تصميم:د/سلمى رمضان
#نشاط_الاستشارات_الطبية_جمعية_رسالة
#رسالة_طبية

هرمون النمو 🦹
يفرز من الغده النخاميه ليحفز نمو جميع الانسجه الجسم يزيد إفراز وتدريجيا خلال مرحله الطفوله يصل إلى ذروته في سن البلوغ 👌
💥وظيفة هرمون النمو💥
✅وزياده الطول عند الأطفال والمراهقين.

✅تحفيز الكبد والأنسجة الأخرى على إنتاج عامل النمو شبيه الأنسولين وهو هرمون مماثل في التركيب الجزيئي للانسولين ولكن وظيفته الأساسية هي محاكاة هرمون النمو
✅يحفز بناء البروتين
✅ يحفز الجهاز المناعي
✅وزيادة كتله العضلات
💥أعراض نقص هرمون النمو 💥
قصر القامة
أو حالات التقزم
كتابة:د/ نسمة محمد
تصميم:د/منال الشوني
#نشاط_الاستشارات_الطبية_جمعية_رسالة
#رسالة_طبية

الشامة اللي في وشي دي ممكن تكبر؟ ولو كبرت دي خطر ولا أي؟

التغير في حجم الشامة دليل على تغيرات غير طبيعية في الخلايا تنتهي بحدوث سرطان في الخلايا دي.
الحجم يعني أنها تأخذ مساحة أكبر في الجلد بشكل سطحي أو تبرز عن الجلد.
طب لو بقي فيها حكة او بتنزف وتتعور لوحدها..او الاطراف بتاعتها بقت مش متساوية من الخارج
وده مش بس ف الوجه.. دي اي شامة او حسنة ف الجسم
لو حسيت بالتغيرات دي اجرِ بسرعة على دكتور جلدية وتجميل.
الكاتب: د/عاطف على
تصميم:د/ منال الشوني
#نشاط_الاستشارات_الطبية_جمعية_رسالة
#رسالة_طبية

> رسالة طبية 💌:
🖼 السمك 🐟
السمك معروف بقيمته الغذائية العالية فهو يحتوي على البروتين وبه العديد من الفيتامينات والمعادن المهمة لصحه الإنسان

💥 السمك بيستوى يحتوي على مستوى مرتفع من الاوميجا 3
💥من المعادن و الفيتامينات الموجوده في السمك
"اليود ،الكالسيوم ،الفسفور، البوتاسيوم والماغنسيوم ،والزينك والحديد،وفيتامين ب12 وفيتامين د ”

💥فوائد السمك

✅الحفاظ على الدماغ والوقايه من الزهايمر
✅ تقليل من خطر الإصابة بأمراض القلب ✅تقليل الاصابه بأمراض المناعه
✅ الحفاظ على البصر
✅ تحسين من جوده النوم
💥💥
تناول السمك بكثره يسبب بعض الأضرار الصحيه بسبب زياده خطر تعرض الجسم لكميات كبيره من الملوثات والمعادن الثقيله مثل الزئبق الموجود في السمك وخصوصا كبير الحجم🐟
كتابة: د/نسمة محمد
تصميم: د/محمد حسين
#نشاط_الاستشارات_الطبية_جمعية_رسالة
#رسالة_طبية

حبيبي و حبيب الجماهير
💗(عصير القصب) 💗
تعال أما أقولك بيعمل ايه
💯 بيحسن صحة الجهاز الهضمي وعلاج إلامساك و وتحسين وظائف الكلى وعلاج حصى الكلى والتهاب المسالك البولية .
💯وبيعمل على خفض الوزن لانه بعض الأحماض الأمينية الموجودة في قصب السكر بتعزز عملية حرق الدهون وعمليات الأيض المختلفة في الجسم

💯يساعد على الشعور بالشبع لفترة طويلة والحفاظ على ثبات مستويات السكر في الدم لفترة أطول.
💯عصير القصب غني بالمعادن والفيتامينات المهمة لصحة البشرة والشعر والأظافر.

💯 عصير القصب له دور وقائي ضد تسوس الأسنان ورائحة الفم الكريهة.
كتابة: أ/نسمة محمد
تصميم: د/سلمى رمضان
#نشاط_الاستشارات_الطبية_جمعية_رسالة
#رسالة_طبية

كما هو من المعلوم بالضرورة أنه الأصل في علاج أي مرض مزمن ومنهم السكر هو المتابعة.
أنا هنا هتكلم عن النوع الأول من السكر ...
🚨 نصايح لأبطال السكر من النوع الأول أو عيلته المسئولين عنه:
✅1.من أول يوم ابنك اتشخص فيه سكر نوع أول تعمله ملف تضع فيه كل ورقه، وتخصص كراسة لتسجيل قياسات سكره في المتابعة بالتواريخ.
✅2.مينفعش تروح متابعة سكر بدون عمل جدول قياسات 3 أيام متتالية ب 7 قياسات: قبل كل وجبة وبعدها بساعتين و 3 فجرًا؛ علشان دكتورك يعرف ياخد المتوسط ويعدل على أساسه سكرك.
✅3.مفيش أي دكتور مهما كانت شطارته يقدر يعدل جرعاتك بدون جدول؛ لأن الأنسولين مش دواء يستهان بيه وسلاح ذو حدين.

✅4.قياس السكر التراكمي لا يعني الاستغناء عن قياسات المتابعة ومش معنى أن سكرك التراكمي منضبط أو منخفض أنك تمام، السكر التراكمي هو متوسط سكرك في آخر 3 شهور بما فيه من ارتفاعات وانخفضات.
ومكملين معاكم بإذن الله يامسكريين في بوستات قادمة، دمتم طيبين 💗💚
كتابة: د/جلال محمود
تصميم: د/منال الشوني
#نشاط_الاستشارات_الطبية_جمعية_رسالة
#رسالة_طبية

من أهم النصائح اللي لازم تكون عارفها يامسكر ويا أهل المسكريين

✅.تغيير مكان حقن الانسولين بصفة دورية كل 3 ايام علي اقصي تقدير وكل يوم بنغير نفس نقطة الحقن في الطرف الواحد مانركزش في مكان واحد لمنع وجود كلكعة مكان الحقن.
✅. اسرع مكان امتصاص الانسولين البطن ثم الذراع ثم الفخد فمتعارف عليه الفخد افضل في القاعدي زي انسولاتارد او لانتوس او ترسيبا والبطن افضل مكان لحقن جرعة التصحيح.
✅.لازم الانسولين سواء اقلام او امبولات يتحفظ في باب الثلاجة في الحر دا لانه بيتلف في درجة الحرارة العالية ومابيجيبش مفعول والاقلام بتحفظ في الثلاجة الرف السفلي او الباب لو درجة الحرارة اكتر من 30.
✅.علامات تلف الانسولين تغيير لونه ووجود شوائب او رواسب بيه ووجود ثلج بداخله وعدم الفاعلية.
✅.سرنجة الانسولين او سن القلم استخدام شخصى فقط.
✅.الافضل تغيير السرنجة مع كل مرة حقن وفي حالة عدم توافر الامكانيات المادية غيرها يوميا اوالقلم سنه يتغير يوميا او علي اقصي تقدير كل يوم او يومين لان الحقن بنفس سن القلم اكثر من 5 مرات بيعمل كلاكيع مكان الحقن تمنع دخول الانسولين للجسم وتسبب ارتفاع السكر
✅الالتزام بمواعيد الانسولين والوجبات هام جداا يعنى الانسولين الصباحى لا يتعدى 9 صباحا او 10 صباحا علي اقصي تقدير لان بعد كدا بيقع الجسم تحت تاثير مضادات الانسولين زى الكورتيزون
✅خلي بالك
نوبات الهبوط المتكرر بتاثر على الادراك الحسى للطفل يعنى رد فعله بيبقى بطئ وتصيبه بالاكتئاب والكوابيس المتكررة والبكاء بدون سبب.
عدم انضباط السكر بيعطل النمو والبلوغ جدا للتاثير السلبى على الغدة النخامية
✅.القيم المنضبطة للسكر من 80 مجم الى 130 مجم صايم ومن 90 ل 180 مجم فاطر والسكر قبل النوم من 90 ل 140.
دمتم في رعاية الله وحفظه يا أبطال
🌺💚💗
كتابة: د/جلال محمود
تصميم: د/منال الشوني
#نشاط_الاستشارات_الطبية_جمعية_رسالة
#رسالة_طبية