تحليلك كان ايه؟

ازاي ممكن الرقم الي قصاد plts count يضللك في تقرير CBC ويوهمك أن ده الرقم الصح لكن العينه نفسها فيها مشكله والمشكلة زودت قيمه plts count زياده كاذبه !

تعال مثلا لو حثل تلوث لعينه الدم بتاعه المريض بالبكتيريا يا بسبب أنه مصاب بعدوي بكتريه في دمه يا بسبب عدم التعقيم وقت السحب وهكذا ، المهم أن جهازك بتاع CBC اعمي بيقيم الخلايا علي أساس حجمها فهو هيشوف البكتريا الي ف دم المريض ع أنها صفائح دمويه plts وده يا جماعه حتي لو معاك أحدث جهاز CBC في القرن الحالي ، ما كلهم بيقيموا الخلايا بحجمها وخصائصها و ما علينا .

المهم أن لو في بكتريا في دم المريض هتتعد علي انها صفائح دمويه بالتالي عدد الصفائح الدموية platelets count هيزيد (ممكن تكون قليله وظهرت في التقرير أنها طبيعيه ، ممكن تكون النتيجه كانت طبيعيه وظهرت ف التقرير أنها عاليه عن الطبيعي )

طاب وانا هعرف منين بقا أن دي زياده وهميه في الصفائح الدموية وتحديدا بسبب حاجه متداخله مع الصفائح في القياس زي البكتريا

قالك بص علي histogram بتاع plts تفهم ع طول أن في حاجه غلط
يعني الصوره الي قدامك دي الشكل الطبيعي plts histogram ، الكيرف بتاع الصفائح حادف ناحيه الشمال وبيكون peak واحده و كيرف مستقيم زي الصوره كدا ، واهم حاجه أن الكيرف بيبدا وينتهي علي baseline ، يعني بدايه الكيرف دي لازم تبقي لازقه في الخط الأفقي تبدأ منه يعني من بدايه النقطه الحمراء دي بالظبط البدايه ( مهم طبعا الحته دي عشان الصوره الي هحطهالك في الكومنتات هتبين قد ايه لو الكيرف مبدأش من baseline يبقي في حاجه غلط يبقي في عامل متداخل مع plts count وبالتالي زود النتيجه بتاعهها ، فشوف اول كومنت وقولي رايك )

طاب وبعد ما عرفت من plts histogram أن ده شكل مش طبيعي للكيرف ، الخطوه الي بعد كدا انت مش هتعتمد النتيجه انت يا هتسحب عينه دم تانيه من مريض يا هتاخد نفس العينه وتعمل منها فيلم الدم )

اكتب تم لو وصلك البوست
#تحليلك_كان_ايه

بشوف تقرير فحص الاستول الكامل في معامل الأجانب وهما بيقيسوا فيه reducing sugar كجزء أساسي من التحليل 😂

وطبعا عندنا بيفاصلوا في سعر تحليل الاستول العادي ، اومال لو ظبطنا التقرير زي الأجانب وحطينا reducing sugar test هيحصل ايه !

لكن عموما بنحب نفرحك أننا كمان ضيفنا شرح تحليل reducing sugar في الاستول ضمن كورس البارا اونلاين ♥️

وانت بعد الكورس ابقي اعمل تحليل reducing sugar test لوحده وتحليل الاستول لوحده ، حقك!

للحجز والاستفسار عن كورس البارا اونلاين رواند 8 هيبدا يوم 8 مارس اكتب تم وهنرد عليك بالتفاصيل
#تحليلك_كان_ايه

لطلب كتاب امراض السكري وتحالبله ابعتلنا مسج علي صفحتنا الرسمية على الفيس بوك

بتبقي متخيل اول ما تشوف حاله dyslipidaemia أن ده شخص تخين وطبيعه اكله غير صحيه تماما

بعدين بتبص علي شكل البيشنت تلاقيه جسمه طبيعي ، طاب ايه الي بيحصل وازاي النتائج دي منطقيه مع حالته الصحيه !

الفكره أن مش عشان هو عنده dyslipidaemia أنه تخين !

لكن في اسباب كتير بتعمل نتائج غير طبيعيه في تقرير lipid profile وبالتالي تظهر ك حاله dyslipidaemia ومن ضمن الأسباب دي الي دكتورك بيبدأ يدور فيها عشان يعرف سبب dyslipidaemia

يطلب منك thyroid profile tests لانه في الغالب شاكك أن السبب hypothyroidism

يطلب منك liver function tests لانه في الغالب شاكك أن السبب
Obstructive liver disease

يطلب منك renal function tests لانه في الغالب شاكك أن السبب
Chronic renal disease

واخيرا يسالك هو انت بتاخد ادويه ايه بالظبط ، لان ممكن ادويه زي
Estrogen, progestins , corticosteroids, thiazides
تبقي هي سبب dyslipidaemia

فهل انت متاكد ان كل مصابين أمراض الكلي أو الكبد بيعانوا من السمنه عشان نقول إن في dyslipidaemia ؟
#تحليلك_كان_ايه

Cystine crystals in urine sample under microscope ❤️🔬
PH : Acidic
وجود كريستالات cystine في البول لشخص بيعتبر مرض وراثي لانها مش بتظهر غير لو ف مشكله وراثيه وبتبدا تكون حصوات لو زادت والحصوات حتي من نوع الكريستال ده مش بتظهر باشعه X-ray ولكن بتقدر تعرفها باشعه CT scan ، ظهورها ف البول بيسموه cystinuria ولو ظهرت في البول بيكون المريض بيعاني من وجود دم ف البول وكمان بيحس بألم ف جانب واحد من ضهره ونادر أن يلاقي الالم ف الجانبين الاتنين وكمان بيكون ف ألم ف الحوض ، عشان تتعالج منها ومنخلهاش تكون حصوات ف الكلي بنشرب مايه كتير وبنقلل الاكلات الي فيها ملح كتير وكمان الطبيب بيتعمد في علاجه يخلي البول قلوي فتدوب فيه لأن cystine بيتكون ف الوسط الحامضي وبيدوب ف الوسط القلوي PH اعلي من 7 .

#تحليلك_كان_ايه

في حاله لمريضه عندها 45 سنه ، كانت بتابع مع طبيب نسا وداخله عمليات لاستئصال الرحم وقبل العمليه بكام يوم عملت تحاليل كتير ومنها التحاليل الي قدامك دي CA125 وده بيكون tumor marker لأنواع من الكانسر في الغالب بيكون كانسر المبايض ovarian cancer ، بس هو بيظهر بردو في حالات تانيه تخص النساء (وطالع هنا طبيعي )

بعد كدا عملت بردو CEA وده tumor marker نوع تاني وخاص ببعض أنواع الكانسر الي منهم القولون والمستقيم (طالع هنا طبيعي تماما)

الحاله عملت استئصال للرحم والمبايض كعمليه جراحيه شامله لأسباب طبيه تخص الحاله وتم ارسال العينه لعمل تحليل
Histopathology test

كانت المفاجأة أن في أورام حميده( benign tumor)صغيره في المبيض !! ، كانت لسا في البدايه ومن حكمه ربنا أن الرحم اتشال بالمبايض اصلا مع أن الطبيب مكنش شايف اي علامه الأورام دي ولا حتي في تحاليل tumor markers .

الحاله دي بتقولك أن يا جماعه tumor markers لا تشخيص ولا مقياس واصلا كل نوع tumor markers مرتبط بأكتر من نوع من الكانسر وكمان مرتبط بحالات التهابات وكمان زي CA125 مرتبط اصلا بمشاكل النساء الي هي تحديدا بعيدا عن الكانسر كمان ، ورغم أن tumor markers طبيعيه (بالمناسبه التحاليل معموله في اكبر معامل مصر الي انت عارف الدقه بتاعتهم مشهوره ازاي عشان متشكش ف الشغل) إلا أن كان في بدايه ظهور اورام !!

من فضلك لا تغفل عن الأعراض ولا عن أي اشعه أو فحوصات يتم طلبها منك اكتر من tumor markers بحجه أن المحاليل دي طلعت طبيعيه ابقي انا طبيعي !
#تحليلك_كان_ايه

لينك الحلقه ع اليوتيوب
https://youtu.be/21ftGsM54jY

الحق ده طلع بيشرب كوكايين !!

: كوكايين ازاي ، العلامه مش طالعه قصاده دي قصاد THC يعني حشيش

حشيش من كوكايين المهم أن الواد ده مزاجه عالي وكمان ايه علامه AMP

: منشطات

يعني حشيش ومنشطات دي فيها مؤبد

: ي بني بيشربهم مش بيتاجر فيهم

تمام يعني لما يجي أقوله طالع إيجابي مع الحشيش والمنشطات

: انت اتجننت ، عايز تقوله مبروك الحشيش ظاهر في البول

اومال ايه يعني

: هو جاي بعمل التحليل عشان يطمن ع الصنف مضروب ولا اصلي ، ما اكيد جاي خايف تطلع النتيجه إيجابي

طاب أقوله ايه ، يشربني معاه !

: اعمل نفسك ريسبشن لو سالك قوله الدكتور اجازه النهارده

ولو معملتش نفسي ريسبشن وفضلت دكتور هيحصل ايه ؟

ولو عايز تفهم تفسير نتائج تحليل المخدرات اكتر وتفهم الأساس العلمي للتحليل هتلاقي الحلقه كامله علي اليوتيوب (لينك الحلقه اول كومنت)
#تحليلك_كان_ايه

للحجز والاستفسار ابعتلنا مسج علي صفحتنا الرسمية على الفيس بوك
https://www.facebook.com/share/1A4LPSZBRZ/

فيدباك كورس البارا اونلاين
لسا متاح الانضمام لرواند 8 لكورس البارا اونلاين هيبدا يوم 8 مارس

لينك قناه اليوتيوب
https://youtube.com/@yourmedicaltest?si=B6YCb3LVe3l1R_O0

مفيش حد بيدخل المعمل يعمل drugs test in urine لأغراض طبيه دائما بيكون محطوط في خانه الشُبهه ناحيه النتيجه يا هيتم اتاخذ إجراءات قانونية لو النتيجه طلعت إيجابي يا مهدد يخسر وظيفته بسبب النتيجه وعشان كدا بيسعي يفسد العينه بأي شكل عشان النتيجه تطلع سلبي ، أي حد في مكانه هيعمل كدا حتي لو هو شخص كويس جدا

ولأن التحليل بيبدا من جمع العينه فعندنا كذا قاعده بتتطبق ودي قواعد طبقا ل national institute on drug abuse (NIDA)

أن يكون في طرق مباشره للتاكيد علي جمع العينه من المريض وده عن طريق يكون موجود شخص مع المريض وهو بيجمع العينه للتاكيد أن العينه جات منه لكونتينر العينه (الحركه الي بتحصل في مصر ومفكر أنها مبتحصلش في حته بس ده موجود بردو في باقي الدول الاجنبيه)

لكن بعد كدا قالك أن مش جمع العينه الي هيقول أن العينه تصلح للشغل والنتائج مظبوطه ، احنا ممكن نعرف بطرق غير مباشره زي

ـ انك تخلي المريض يجيب العينه في مكان مفهوش أحواض مايه ولا حنفيات (زيرو مايه)

ـ أن المكان الي هيعمل فيه العينه ميكونش فيه اي مسحوق غسيل ولا صابونه ولا شاور جل ولا اي حاجه من دي

ـ واخيرا انك اول ما تستلم العينه منه علي طول تقيس درجه حرارتها فورا وده دليل قوي أن لو حصل اي اضافه في العينه أو تخفيف هيظهر في درجه الحراره بتاعه العينه

في خطوات بتم في المعمل كفحص قبل تحليل drug test بتكشف عن وجود اي اضافه في العينه أو أن العينه حصلها dilution مش مجرد قواعد وقت جمع العينه

الحلقه بتاعه تحليل drug test in urine هتنزل كامله علي اليوتيوب لينك القناه في اول كومنت
#تحليلك_كان_ايه

لو كان في مريض اول ما بدا ينقل الدم حصله اعراض زي سخونيه أو رعشه وعرق بينزل وكمان الم في صدره ف اول ربع ساعه ف عمليه نقل الدم بتقف فورا لأن كدا المريض حصله تفاعل من الدم الي دخله ولو متلحقش هيموت

ولكن انت بتوقف نقل الدم اول ما الأعراض تظهر بس لو كان معلق محاليل ف نفس الوقت مش بتقف بتفضل شغاله بيجي دورك هنا انك تسحب عينه دم وعينه بول من المريض وتاخد كيس الدم الي اتنقله هو كمان وتطلع ع بنك الدم مش المعمل

بعد كدا بنك الدم هيبدا يراجع كل سجلات المريض وهويته وكيس الدم الي المريض اتنقله وتحليل cross matching ويشوف.
بعد كدا هيبدا في بنك الدم يفحصوا عينه دم المريض قبل ما ينقل الدم وعينته بعد ما نقل الدم ويشوف شكل السيرم/البلازما هنا طبيعي ولا محمر عشان نتأكد أن محصلش هيمولوسس الي هو بياكد أن حصل فعلا تفاعل وقت نقل الدم ونفس الحال في عينه البول.

بعد كدا يبدأ المتخصصين يعيدوا تحليل ABO+RH للمريض ويشتغلوا ع العينه بتاعه قبل النقل والعينه بتاعه بعد النقل

كمان هيعملوا تحليل cross matching تاني للعينه بتاعه قبل النقل وعينه الدم بتاعه بعد النقل

واخيرا هيتم عمل تحليل direct antiglobulin من عينه المريض الي مسحوبه بعد نقل الدم

لو ملقناش أي اختلاف في عينه قبل نقل الدم وعينه بعد النقل وتحاليلهم متطابقه وكمان طلع تحليل direct antiglobulin سلبي يبقي كدا المريض محصلهوش تفاعل وقت نقل الدم وان الأعراض دي بعيده عن نقل الدم الي كان بياخده

أما لو حصل أن ف اختلاف ف عينه قبل نقل الدم وعينه بعد النقل من حيث اللون وحيث التحليل وكمان تحليل direct antiglobulin طلع إيجابي يبقي كدا فعلا حصل تفاعل وقت نقل الدم 🤷
#تحليلك_كان_ايه

في ناس بتتوهم أو بيحصل عندها اصابه كاذبه ب F.heptica وده ليه لان مثلا الدوده دي بتصيب الأغنام والماعز والإنسان وبتتطفل عليهم وتروح تقعد ف الكبد فوارد الإنسان ياكل كبده للماعز والماعز نفسه مصاب ب F.hepatica وفالبويضات فيها ، فالحاله دي هينزل ف برازك باعتبار أن انت لسا واكل الكبده بويضات f.hepatica وهنا عشان تتأكد انك مش مصاب بيها فيلزم تعيد فحص البراز بعد الامتناع عن تناول أي كبده لمده 3 ايام متتاليه ، وهقولك هنا انت مش متصاب عشان ف البويضات ده عشان تبقي متصاب لازم تتصاب ب larva بتاعه الدوده نفسها مش البويضه عشان تبدأ تكمل حياتها جواك ، لكن لو البويضات نفسها جواك وجاتلك من كبده اي حاجه فأنت مش متصاب ولا هتتصاب ، فلو ظهر البويضات خلي المريض يعيد التحليل بعد الامتناع عن أكل اي نوع كبده لمده 3 ايام 🤷
#تحليلك_كان_ايه

لينك الحلقه ع اليوتيوب
https://youtu.be/Lb2Zt05o79M

كميه الهيبارين الي بتتاخد عشان نعمل هبرنه للسرنجه عشان تحليل ABG بتتاخد بحساب ، الزياده أو النقصان هتاثر علي نسب التحليل ودي واحده من اهم pre analytical errors الي بتحصل قبل التحليل نفسه ، ولو عايز تعرف ايه هي pre analytical errors بتاعه تحليل ABG وبتاثر ازاي ع التحليل هتلاقي حلقه كامله علي اليوتيوب (لينك الحلقه اول كومنت)
#تحليلك_كان_ايه

فيدباك كورس البارا اونلاين ومتنساش في رواند جديد بيبدا في اجازه نص السنه 24/1

قصه بتحصل في المعمل (تحت الميكروسكوب خلايا دم حمراء ، علي استرب اليورن سلبي مع blood) !

أن ده يحصل فده معناه أن ف غلط في الفحص سواء كيميائي أو تحت الميكروسكوب ، لان الاسترب هيبدا يدي إيجابي مع blood لو عدد خلايا الدم الحمراء زادت عن 5 تحت الميكروسكوب (هو الاسترب اتصمم كدا) فلما انت تطلع عدد خلايا الدم الحمراء اكتر من 5 بكتير ويطلع معاك الاسترب سلبي فكدا في حاجه غلط ومش مفهومه والمفروض منك تنسق بين نتائج الفحص الكيميائي مع الفحص الميكروسكوبي ، بس احنا مش بنعمل كدا ونجري نلغي خانه blood من الفحص الكيميائي ونحذفها من التقرير !

طاب ايه يخلي الاسترب يدي سلبي كاذب رغم أن ف خلايا الدم الحمراء غير طبيعيه والمفروض يدي إيجابي !

اول حاجه شوف هل البول بتاع المريض فيه نسبه ascorbic acid عاليه ولا طبيعيه لان لو هي اعلي من الطبيعي هتاثر ع فحص blood ع الاسترب وتدي سلبي فيظهرلك الاسترب مع blood سلبي رغم أنه المفروض يبقي ايجابي (احنا بنقيس نسبه ascorbic acid ع الاسترب بردو في خانه للفحص لها مش بنعمل تجارب كيميائيه)

تاني حاجه شوف عينه البول بتاعه المريض دي يمكن اتحط عليها فورمالين ولا حاجه ما هو لو موجود ع البول هياثر ع فحص blood علي الاسترب ويدي سلبي رغم أن المفروض يدي إيجابي !

تالت حاجه شوف كدا طلع معاك ع الاسترب إيجابي nitrite ولا لا لانه لو طلع إيجابي بيأثر ع فحص blood علي الاسترب ويدي نتائج سلبي مع أنه المفروض يدي إيجابي

اخر حاجه بتقص الاسترب ي دكتور ما احنا قلنا بلاش قص الاسترب هيديك نتائج غلط بس نعمل ايه 🙂

ومهم جدا متكتفيش بفحص الاسترب كفحص كيميائي وتاخد نتائجه وتسكت مهم بعد ما تطلع نتائج الاسترب تأكد عليها بتجارب كيميائيه وفي حاله لو عايز تتأكد من خانه blood وبيدي نتائج مظبوطه ولا لا بتعمل تجربه اسمها
Benzidine test 🤷

قولنا حصل معاك القصه دي في شغلك ولا لا وعملت ايه ؟
ومتنساش أن لو عايز تعرف تركات اكتر في شغل اليورن تقدر تحجز كورس البارا اونلاين أو تطلب كتاب اليورن وتحاليله pdf♥️
#تحليلك_كان_ايه

كورس البارا اونلاين رواند 7
من zero ل hero في اليورن والاستول
هيبدا يوم 24/1/2025 لمده 6 اسابيع
#تحليلك_كان_ايه

New feedback 🤩

اهلا 2025 ♥️🥳
استمتع بخصم 15% علي اي كتاب والعرض لمده 48ساعه ♥️
اكتب تم للحجز والاستفسار
#تحليلك_كان_ايه

https://youtu.be/ZYd5a6Xtssg

الناس بتغفل عن عنصر الماغنسيوم مع أن ممكن مستواه القليل يدخل المريض العنايه المركزه ، كمان الماغنسيوم بيتحلل في كذا شكل total , ionized ، بس انا عمري ما شفت ريكوست في التحاليل كلها بتطلب ionized magnesium ، رغم أن علميا وعمليا هو الادق من total ، طاب ليه ؟

بالمناسبه في حلقه كامله عن الماغنسيوم علي قناتنا ع اليوتيوب اكتب تم وهبعتلك اللينك
#تحليلك_كان_ايه

مستوي vitamin D بيقل في موسم الشتاء عشان مفيش شمس ، ألا تفتكر انك عندك vitamin D deficiency !!
#تحليلك_كان_ايه

القصه بتبدا أن البول شبه المايه مش لونه اصفر وبعدين المريض بيفكر أنه كدا عنده السكر ويروح يعمل تحليل الي بيشخص مرض السكر HbA1C وتحليل سكر ف الدم يلاقيهم طبيعين !

بعدين استمر أن البول زي المايه كل يوم وبيروح يعمل تحليل بول بيلاقي رمز sp.gr أقل من الطبيعي وده طبيعي ف لون المايه الي عنده ده لان sp.gr بيدل ع تركيز البول وكثافته والموضوع أن المريض كل شويه يحلل بول يلاقي sp.gr أقل من الطبيعي لا بتزيد ولا بتبقي طبيعيه ! وكدا دي مشكله كبيره أن الكلي ممكن تكون مش عارفه تركز البول !

فالخطوه التانيه بيروح يعمل تحليل اسمه urine osmolality وده انسب حاجه تتعمل بعد ما تشوف sp.gr أقل من الطبيعي وثابته ع كدا ، لان اسموزيه البول دي أدق تحليل لمعرفه أن الكلي غير قادره ع تركيز البول ، والتحليل مبني ع فكره بيقيس عدد الجزيئات الي دايبه ف المحلول الي هو هنا البول ومن غير ما النتيجه تتأثر بوجود بروتين او سكر ف البول زي ما sp.gr بتتاثر بيهم فعشان كدا ده أدق !

وطلع أن urine osmolality أقل من الطبيعي !

والخطوه الي بعدها أن المفروض تشوف ايه السبب ورا كل ده فتروح تعمل تحليل water deprivation test ، التحليل عباره عن انك بتمنع عن المريض السوائل فتره معينه وبعد كدا تقيس نسبه sp.gr ونسبه urine osmolality والمفروض أن osmolality تكون عاليه عشان انا منعت السوائل عن المريض ! لكن مش بتكون كدا !

كدا انت بعد ما لقينا sp.gr قليله و urine osmolality قليله وتحليل water deprivation مش طبيعي يبقي كدا انت مريض سكر !

اومال ازاي ف سكر وانا عملت تحاليل سكر وهيموجلوبين سكري وكانوا طبيعين !
ما هو ده مش سكر mellitus بتاع الأنسولين لا ده مرض السكر الكاذب diebetic insipidus ! ( عشان كدا كان عندك كل اعراض مرض السكر ، بس سكرك مكنش عالي وهو واخد اعراض السكر كلها بس مبيعليش السكر ف الدم عشان كدا سموه كداب ، بس هو مشكلته الاساسيه هرمون ف المخ اسمهADH !
#تحليلك_كان_ايه

- بيدخلك المريض يقولك عايز اعمل تحليل براز بتديله العلبه ويمشي .

بس بتنسي تقوله المفروض تكون موقف اي علاج للاسهال أو ملينات الامساك أو علاج الطفيليات قبل ما تجيب لي العينه ب7 ايام 🤷

بتقوله ولا مبتقولش؟

ولو عايز معلومات اكتر عن تحليل الاستول تقدر تطلب كتاب الاستول والطفيليات pdf ، اكتب تم وهنرد عليك بالتفاصيل
#تحليلك_كان_ايه

حقيقي هيوفر عليك كتير اوي في استخدام الميكروسكوب انك تشتري حاجه اسمها ocular micrometer هتقيس لك طول cyst , ova تحت الميكروسكوب بمنتهي السهوله ومنها انت بتكون حافظ طول كل نوع من cyst/ova فيُسهل عليك تتعرف علي الطفيل صاحب cyst/ova
#تحليلك_كان_ايه

هو ليه التحليل بتاع brucella test مسميناه كدا ! مع أنه اسمه
Rose Bengal test (RBT)
#تحليلك_كان_ايه

كورس البارا اونلاين رواند 7
من zero ل hero في اليورن والاستول
هيبدا يوم 24/1/2025 لمده 6 اسابيع
#تحليلك_كان_ايه

لينك الحلقه كامله ع اليوتيوب
https://youtu.be/kmqYviyUZak?si=Wol9e_XDUJMn1Yrn

عارف ايه الي يوجع ؟

: ايه

انك تنزل شغلك من الفجر لحد المغرب ومتشفش الشمس

: عارف انت بقا ايه الي يزعل ؟

ايه ؟

: إن يجيلك مريض يقولك عايز اعمل فيتامين دال وتلاقي مكتوب علي السيستم vit D و vit D3 و 25OH vit D و 1,25OH vit D وفي الاخر المريض يقولك أنجز متنح قدام السيستم ليه ولا اروح معمل تاني

ولو عندك مشكله في اسامي فيتامين D ومش عارف هنختار ايه تقدر تشوف الحلقه كامله علي اليوتيوب اللينك اول كومنت
#تحليلك_كان_ايه

سبب من أهم الأسباب لحدوث الحالات دي هو genetic toxicity للاب أو الأم أو الاتنين علي حسب ، وده معناه أن الأب أو الأم اتعرض لماده كيميائيه أو إشعاع أو سبب يعمل تسمم وخلل داخل الجسم والحاجات دي بتستهدف الماده الوراثيه DNA نفسها يا تعمل فيها damage يا alter gene expression

طاب دي هتبان عندك ازاي كشخص اتعرض ل genetic toxicity بكذا طريقه

يا اما مش هيبان عندك اي حاجه ولا يحصلك اي حاجه وده لان toxicity هنا استهدفت germ cells بالتالي انت زي الفل لكن الي هيتأذي هو الأجيال القادمه منك ، تشوف ده في حدوث aneuploidy أو polyploidy الي هو التغير في عدد الكروموسومات داخل الخليه فيتولد طفل عنده متلازمه علي حسب عدد الكروموسومات والي من أشهرهم down syndrome

يا اما يظهر عليك انت في شكل أن فجاه تتصاب بمرض وأعراض غريبه فجاه تدور ورا السبب بالتحاليل تكتشف أن عندك mutation في gene وده السبب وراء المرض الي عندك (طاب ما أنا كنت طول عمري كويس هي mutation جايه تظهر دلوقتي ! ، لا انت اتعرضت ل genetic toxicity خلتها تظهر )

يا اما بردو تظهر عليك في شكل cancer وتتفاجي أن ازاي ده حصل والسبب أن genetic toxicity أصابت هنا somatic cells فحصل تغيير في نمو الخلايا فظهر في شكل cancer

عشان كدا متستهترش بأي إشعاع أو مواد كيميائية بتتعامل معاها بحجه أن مبيحلصش حاجه لما بتعرض لها دي بتقعد في جسمك وتظهر بعد كدا علي مدار زمن
#تحليلك_كان_ايه

ج

عينه بول urine مليانه صديد pus زي ما انت شايف كدا وفيها بكتريا بردو وكمان كان طالع ع شريط البول أن في nitrite وده طبعا كدا كله مرتبط ببعضه ، بس خلي بالك اوقات بينزل صديد بردو ف البول بالشكل ده وممكن متلاقيش بكتريا وممكن اكبر متلاقيش nitrite وف الحاله دي متتخضش ما هو مش كل بكتريا موجوده هتسبب أن nitrite يظهر 🤷

أما ف الحاله دي انت بتقول للمريض أو بيتكتب له أنه يعمل مزرعه بول ما هو مفيش حل تاني ولا تحليل تاني يعمله اكتر من urine culture 🧫

ولو عايز تفهم الفحص الميكروسكوبي بشكل أوسع تقدر تحجز كورس البارا اونلاين دلوقتي وهيبدا يوم 12/13 اكتب تم وهنرد عليك بالتفاصيل
#تحليلك_كان_ايه

للتواصل
https://www.facebook.com/yourmedicaltest?mibextid=ZbWKwL

كنا بنقيس pH لعينه براز ♥️

الطريقه عباره عن (جزء من البراز+ مايه مقطره distal H2O وبتقلبهم سوا كويس وبعد كدا شريط اليورن وتقيس PH في نص دقيقه )
طريقه سهله خالص مش عارف ليه بيهملوا قياس pH للبراز في المعمل وتلاقي تقرير التحليل طالع من غير مع ان pH للبراز مهمه جدا وخصوصا في حالات الإسهال.

لو فايتك كتير في البراز ومنتش عارف طرق التحليل الكيميائي للبراز الي منهم pH وباقي الحاجات زي reducing sugar تقدر تسال عن كورس البارا اونلاين رواند 6 الي هيبدا يوم 12/13 اكتب تم وهنرد عليك بالتفاصيل أو ابعتلنا مسج
#تحليلك_كان_ايه

تحليل ammonia طول ما الشخص عنده امراض الكبد سواء مزمنه أو مش مزمنه وموصلتش معاه لمرحله HE يبقي تحليل الامونيا ملهوش لازمه !
ومادام هنعمل تحليل ammonia عشان نقيم مرحله تسمي
Hepatic encephalopathy
يبقي واجب عليك تختار عينه دم دقيقه وافضل لتقييم نسبه الامونيا وهي هنا عينه الدم الشرياني هي الأفضل لقياس نسبه الامونيا في الدم عن عينه الدم الوريدي
معني hepatic encephalopathy هو المعني المنتشر بالعاميه أن المريض حصله غيبوبه كبديه ، بس الموضوع اكبر من كدا بكتير
بيبدا المريض الكبد عنده وصل لأخطر الامراض المزمنه وهي سواء تشمع الكبد cirrhosis أو الفشل الكبدي liver failure ، ويبدأ الكبد يفقد وظيفه من أهم وظائفه وهي أنه يخلص الجسم من ماده الامونيا العاليه الي بتنتج من عمليات الميتابولزم ويحولها ل urea عشان لو اتسابت كدا هتبقي توكسيك للجسم وللدم ، وهنا الكبد هيفشل ف الخطوه دي ومن ثم
تزيد نسبه ammonia في الدم وتطلع للمخ وتعدي BBB ويشوف ده نوع خلايا اسمه astrocytes ولأنها عايزه تحافظ ع الخلايا العصبيه من تأثير الامونيا الي زاد هتفرز انزيم اسمه glutamine synthase ويأخد هو الامونيا العاليه دي ويحولها ل glutamine وكدا يبقي حافظنا علي الأعصاب والخلايا من تسمم الامونيا ، ولكن في حاله فشل خلايا astrocytes أنها تطلع الانزيم مع وجود أمراض خطيره للكبد هيتم ترجمه الحاله دي لمصطلح أو مضاعفات خطيره نتجت عن أمراض الكبد تسمي hepatic encephalopathy ، لان هنا الامونيا هتاثر ع الخلايا العصبيه وتسبب تغييرات في الحاله المزاجيه والعقلية للمريض الي هتدخله بعد كدا في غيبوبه .
وعشان بقا نقيم حاله المريض الي حصله
hepatic encephalopathy =HE
يبقي احنا هنقيس مستوي الامونيا في الدم ammonia level
طاب اولا الموضوع اتعمل عليه دراسات كتير وان اشمعنا عينه الدم الشرياني افضل من الوريدي وريطوا النتائج بحاله HE وتم قياس
Partial pressure of ammonia in arterial blood
Total ammonia level in arterial blood
Partial pressure of ammonia in vienous blood
Total ammonia level in vienous blood
ولقوا أن الأربعه دول بيستجيبوا لمراحل HE، يعني ينفعوا في تشخيص حاله hepatic encephalopathy من غير اي مشاكل ، بس طلع هنا إن
Partial pressure of ammonia in arterial blood
اعلي من partial pressure of ammonia in vienous وكمان نسبه total ammonia في عينه الدم الشرياني اعلي من نسبتها في عينه الدم الوريدي
كمان لقوا أن مستوي الامونيا في arterial blood بيعبر عن مستوي ammonia في whole body ، وده لان طلع أن مستوي الامونيا الي في الوريد بيتأثر بالميتابولزم الي بيحصل يوميا وكمان ف أن عندي العضلات بتأخد نسبه من الامونيا بردو فبيتاثر ع قيمتها الأساسيه ، إنما وقت السحب لعينه الدم الوريدي ربط التورنكيه نفسه بيرفع من قيمه عينه الامونيا قيمه وهميه ، وفي عينه الدم الشرياني احنا مش بنستخدم تورنكيه.
#تحليلك_كان_ايه

للتواصل معنا
https://www.facebook.com/yourmedicaltest?mibextid=ZbWKwL

في الحقيقه ابسط سكه تفهم بيها حاجه انك تفهم البذره بتاعتها أو ازاي هي تم تكوينها وع أساس ايه اتعمل منها تحليل كبير ، الموضوع هيفرق معاك في درجه الفهم اكتر من اي حد

يعني مثلا بالنسبه لتحليل اليورن ، بدل ما اجيبلك كل الفحوصات في التحليل وشغلها العملي وتقولك ده بيزيد في كذا وبيقل في كذا ، طاب ما تيجي نشوف مع بعض هو ايه سائل اليورن ده نفسه اتكون فين وازاي يعني تفهم كيف يتكون اليورن في الجهاز البولي نفسه ورحلته لحد ما تشوفه عينه في المعمل وعلي أساس ايه اتعمل منه تحليل اليورن الكامل!

مثلا بالنسبه لتحليل الاستول ، بدل ما اديك شويه صور واقولك دي بتاعه كذا كذا واحفظ الشكل ، طاب ما تيجي تفهم الاول هو ايه الاستول ده اتكون فين وازاي واشمعنا في نوع طفيليات اقول دي بتاعه الاستول ونوع طفيليات استحاله يتشاف ف الاستول ولو اتشاف نوع الطفيل الغريب ده يبقي بمنتهي الثقه اقول ده contaminated

عشان كدا دي رحله كورس البارا اونلاين ♥️ الي بنبدأها معاك من بذره الشئ لآخر خطوه في التحليل ، انت من نفسك بتكون فاهم أن عادي الحاجه دي تكون في اليورن لان ده تركيب اليورن وان عادي الحاجه دي في الاستول لان ده تركيب الاستول مش هنحط تشخيص لحاجه طبيعي تنزل في العينه !

كورس البارا اونلاين رواند 6 شغال الحجز فيه دلوقتي هيبدا يوم 12/13 للحجز والاستفسار اكتب تم وهنرد عليك بالتفاصيل
#تحليلك_كان_ايه

الاجابات بتنزل اول باول علي انستجرام
https://www.instagram.com/yourmedicaltest/profilecard/?igsh=MWQwb3d1NDFwaXNzYg==

ايه السبب أن male قلبه ضعيف عن female واكتر منها في أمراض القلب ؟
#تحليلك_كان_ايه

لمعلومات اكتر عن تحليل OGTTتقدر تحجز كتاب امراض السكري وتحاليله ♥️

عينتين بول بس باختلاف الوسط الحامضي لهم PH بقا شكل الراسب ده مختلف والراسب ده كمان بيكون املاح والي اختلفت ف اسمها ولونها بسبب الوسط الي هي فيه يعني مثلا

لما يكون الوسط حامضي PH أقل من 7 بيتكون املاح لونها بمبي بالشكل الي ف الانبوبه الشمال دي ووقتها بيسموا الأملاح amorphous urates .

نفس عينه البول بس ف يوم مختلف لما كان الوسط بتاعها قاعدي يعني بتكون ال PH اعلي من 7 بيتكون املاح لونها ابيض بالشكل الي ف الانبوبه اليمين دي وبيسموها amorphous phosphate .

فكدا استحاله نلاقي urates ف pH اعلي من 7 لان الوسط القاعدي بيدوبها فعشان كدا مش بتظهر urates ف الوسط القاعدي وكذالك مع
املاح ال phosphate بتكون ف وسط اعلي من 7 ومينفعش تظهر ف وسط حامضي لان الوسط الحامضي بيدوبهم ..

والمعلومات عن crystals في البول اكتر تقدر تطلب كتاب اليورن وتحاليله pdf فيه اطلس كامل لكل حاجه في التحليل مع تفسير وجودها ، للحجز والاستفسار اكتب تم وهنرد عليك أو ابعتلنا مسج

#تحليلك_كان_أيه
#معلومة_عالسريع

https://www.instagram.com/p/DCcSrzwIztJ/?img_index=2&igsh=NWx2bzRwdzRrbWRz

لينك البوست كامل

بدأ الحجز في اخر رواند لكورس البارا لسنه 2024 (رواند 6)
هيبدا يوم 13/12/2024 ويستمر لمده 6 اسابيع
من الزيرو للهيرو في شغل stool , urine
اكتب تم وهنرد عليك بالتفاصيل أو ابعتلنا مسج
#تحليلك_كان_ايه

للحجز والاستفسار ابعتلنا علي الصفحه الرئيسيه علي الفيس بوك

بمناسبه اليوم العالمي لمرض السكري ♥️
خصم 20% علي كتاب امراض السكري وتحاليله pdf
العرض لمده 24 ساعه فقط
للحجز والاستفسار اكتب تم وهنرد عليك بالتفاصيل أو ابعتلنا مسج
#تحليلك_كان_ايه

للحجز والاستفسار ابعتلنا علي الصفحه الرئيسيه علي الفيس بوك

متوفر كورسات مسجله الان
كورس الاستول والطفيليات
كورس اليورن وتحاليله

دي اسمها cuvette بيتحط فيها المحلول الي هيدخل الجهاز عشان يتقاس ال cuvette دي لا تلمسها من كل حته ولا تسيب اثار صوابعك عليها ولا تغسلها بمنظفات ولا تسيبها مش نضيفه ولو فيها أي خدش ترميها وتجيب واحده جديده
لان كل حركه عليها بيأثر ع قراءه التركيز بتاع الماده الي هتتقاس ، يعني بالبلدي كدا نتائج شغلك مش هتبقي صح
#تحليلك_كان_ايه

Uric acid crystals in urine sample under microscope 40x
pH acidic
لصور اكتر تقدر تحجز كتاب اليورن وتحاليله متاح فيه اطلس صور كامل بكل ما هو في تحليل اليورن ، للحجز والاستفسار اكتب تم وهنرد عليك بالتفاصيل
#تحليلك_كان_ايه

التيبسات مش بنمسكها بالايد ( زي ما احنا عاملين كدا ، بس احنا ماسكينها دلوقتي عشان نقولك أن ده غلط ) 🤷
#تحليلك_كان_ايه

لو لعبت تمارين رياضيه قبل التحاليل هيحصل ايه في النتائج
شوف الريلز ده
https://www.facebook.com/share/r/o4V4hnWt1YUB4mLw/

في سنه 1970 عملوا اول تقرير بيظهر فيه زياده نسبه هرمون prolactin من أورام الغده النخاميه pituitary tumors وهنا كان الورم اسمه prolactinoma والي لقوا الناس الي عندها prolactinoma عندهم شويه اعراض غريبه زي
1- Galactorrhea
يعني بينزل إفرازات من الثدي وده المفروض مش بيحصل في الحالات الطبيعيه بس لو حد عنده prolactinoma سواء راجل أو ست هيحصل الحاله دي

2- amenorrhea
انقطاع البريود عند البنت أو الست من قبل ما توصل لسن اليأس
3- hirsutism
زياده كثافه الشعر ف اماكن ومناطق المفروض معروف فيها أن الشعر مش بيطلع كتير وده بيتلاحظ عند البنات اكتر

التلات اعراض دول لما ارتبطوا ب prolactinoma ، أثبتوا أن هرمون prolactin له دور وبيشارك ف العمليات الحيويه زي
1- Lactation
ودي اصلا مرحله ظهور اللبن ف الثدي وبتحصل بعد الولاده للست الحامل
2- reproductive function
وظائف الجهاز التناسلي بيشارك بردو فيها هرمون prolactin سواء عند الراجل أو الست
3- hair growth
نمو الشعر

دول اتلاحظوا من الأعراض الي حصلت لما مستوي prolactin زاد عن الطبيعي بسبب ورم في الغده النخاميه

وانت لو عندك اي عرض من الأعراض دي ، اعمل تحليل هرمون prolactin وشوف نسبته ولو طلعت عاليه عيده تاني وتالت عشان هو نسبته مش ثابته ع مدار اليوم بيكون عالي الصبح وبعد ما تصحي من النوم وبيقل مع باقي اليوم ووقتها لو طلع بردو عالي في 3 تحاليل ، الطبيب هيطلب منك اشعه وتحديدا هتبقي الرنين المغناطيسي عشان يتأكد انت عندك ورم فالغده النخاميه ولا لا ما هو مفيش طبيب هيشخص حالتك من نسبه تحليل ويحكم بيها أن عندك ورم🤷
#تحليلك_كان_ايه

زمانك كنت مستني انزل بوست بسرعه فصل الاستول واربطه بمرتبك،بس اكسكيوز مي مرتبك اعلي من سرعه الاستول🤷
#تحليلك_كان_ايه

لينك قناه اليوتيوب
https://youtube.com/@yourmedicaltest?si=cLLUYJGglBsqOYvh

اسباب تخلينا نحب صبغه gram في وحده الميكروبيولوجي

اولا بتميزلك البكتريا علي أساس تركيبها من ناحيه cell wall والي علي أساسه هتظهرلك بكتريا بإتنين اسم gram positive, gram negative ولكل واحده لون مميز بيها

تاني حاجه بتعرفك البكتريا الي في العينه شكلها عامل ازاي bacterial morphology. بتاعها شكله ايه (cocci , bacilli , ..... )

تالت حاجه هتقولك البكتريا دي مترتبه بانهي شكل (سلسله ولا عنقوديه ولا ايه بالظبط ) bacterial arrangements

بالتالي كدا يعتبر نص شغلك علي انك تعرف البكتريا تم من استخدام صبغه

ولو مش فاهم ازاي نعمل gram staining وازاي الصبغه بتميز البكتريا بأساس علمي ، فده معادنا في الحلقه الجايه علي اليوتيوب (لينك القناه اول كومنت 👇)
#تحليلك_كان_ايه

كتابنا الجديد كتاب امراض السكري وتحاليله pdf
فيديو توضيحي للكتاب
https://www.facebook.com/share/r/6uCBrNB45Pb5NB5u/?mibextid=oFDknk

كتاب امراض السكري وتحاليله pdf
متاح حاليا

في نوع من media اسمه eosin methylene blue (EMB) ده الي صورته قدامك ، بيتميز أنه selective media يعني بينمو عليه نوع معين من البكتريا وبيوقف نمو نوع تاني من البكتريا فأنت بتكون عارف ايه الي هينمو عليه في العموم ، هنا مثلا EMB بيدعم نمو gram negative bacteria وبيوقف نمو gram positive bacteria دي اول ميزه

تاني حاجه أنه بيتميز أنه differential media يعني هيقدر يميز البكتريا الي حصلها growth اكتر من ناحيه انها بتعمل fermentation
ل lactose و sucrose

وكدا يبقي نوع media الي اسمه EMB قالك أن الي هينمو عليه نوع معين من البكتريا الي هو gram negative وبعد كدا هيقسم ال gram negative الي نمت عليه
علي حسب قدرتها علي عمل fermentation of lactose, sucrose

فهنا لو هي strong fermenter of lactose, sucrose هتلاقيها أدت لون علي الميديا 🖤 dark purple 💜 to black

ولو هي weak fermenter of lactose, sucrose بتلاقيها أدت لون علي الميديا 🩷 pink

ولكن الي ظاهر قدامنا ده حاله خاصه لبكتريا Escherichia coli عملت growth والنتيجه بتكون dark black 🖤 with green metallic sheen زي الصوره كدا

ولو عايز معلومات اكتر علي الميكروبيولوجي قولنا عشان نعمل حلقه علي اليوتيوب 🤩
#تحليلك_كان_ايه

الحلقه كامله علي اليوتيوب
https://youtu.be/TyDjaUoX2aI?si=olKM2oV29_nhAdYY

حاجات غلط بتعملها ف تحليل الحمل سواء ف الدم أو البول

مبتاخدش التاريخ المرضي من المريضه عشان ممكن التحليل يدي إيجابي وهي مش حامل اصلا وده ممكن يكون راجع لورم موجود !

بتستخدم عينه بول معكره سواء بصديد أو املاح ع شريط الحمل ، بس المفروض تدخلها السنترفيوج ع سرعه 1000 لمده دقيقه وبعد كدا تاخد السائل supernatant تشتغل بيه!

بتعمل تحليل حمل للمريضه والبريود عليها عشان طمعان ف تمن التحليل رغم انك عارف أنه هيطلع سلبي!

مش بتشتغل التحليل من بول فريش وبتدخله التلاجه بكام ساعه واول ما يطلع من التلاجه تعمل التحليل ع طول ،الحركه دي لو العينه فيها حمل هيديك إيجابي بعد وقت طويل مش من اول ثانيتين ، لكن المفروض تستني عينه البول ترجع لدرجه الحراره العاديه.

مش بتستني خمس دقايق ع شريط البول عشان تاخد النتيجه منه ولا بتستني ال15 دقيقه بتوع شريط الحمل ف الدم عشان تقيم النتيجه .

مش بتستخدم سيرم فريش لتحليل الدم مع أن المفروض تستخدم العينه فريش ومفهاش هيمولوسس ولا متعكره ولو عايز متستخدمهاش دلوقتي تقدر تحفظها ف التلاجه لمده يوم صالحه للتحليل.

عينه البول المخففه زي المايه بتشتغل منها التحليل رغم أن البول المخفف قادر يديك نتيجه سلبي للحمل رغم أنه موجود عشان كدا يفضل تستخدم اول عينه بول ف الصبح لأن فيها تركيز عالي من هرمون الحمل

لما بتعمل تحليل الحمل الرقمي بتاخد المواد الكيميائية بتاعه التحليل من التلاجه وعشان تسرع ف انها ترجع لدرجه الحراره العاديه بتحطها ف درجه حراره اعلي من 30 (قصدي بتحطها ف الحضانه 🙂) والحركه دي بتعمل تكسير للمواد وهيدي نتيجه مش مظبوطه.

بتحط البول ف انبوبه من المعمل مغسوله بصابون أو بريل وده غلط والمفروض يتحط ف أنابيب معقمه .

وفي حلقه كامله عن الحمل وتحاليله علي اليوتيوب لو عايز الحلقه اكتب تم وهبعتلك اللينك
#تحليلك_كان_ايه

لينك الحلقه ع اليوتيوب
https://youtu.be/mthtUrGLy-Y?si=7ZYSnYUw1cK0w24w

مش انا وانا بعمل تحليل ABO فصائل لقيت شويه التفاعل يطلع ضعيف ولما اعيده يطلع سلبي !!

: وانت في الاخر عملت ايه ولا طلعت الفصيله ازاي ؟

طلعتها سلبي طبعا ما أنا بقولك لقيته ضعيف فجبت ريجنت تاني للفصائل ولما عدته طلع سلبي

: تفتكر ليه التفاعل طلع معاك ضعيف ف الاول مش دي اشاره أن ممكن يكون الفصيله إيجابي ولا انت اخدت التفاعل السلبي وسهلت علي نفسك

افكر ايه ي عم انا الي اعرفه ان الريجنت بيخرف اول ما يبقي قرب يخلص فعشان كدا جبت ريجنت جديد واخدت منه النتيجه

: يعني انت مش ماشي معاك ان نسبه antigens بتاعه الفصيله نفسها قليله في العينه والتفاعل طلع ضعيف عشان كدا ولا أنا بردو بخرف ؟

متزعلش مني بس شكلك بتخرف فعلا هو ايه يا خويا الي نسبه antigens بتاعه الفصيله قليله في العينه دي عمري ما سمعت الكلام ده ؟

: بكره تسمعه لما يجيلنا اتصال من بنك الدم انك عملت الفصيله غلط

او يجيلنا اتصال أنهم يطلبوني في بنك الدم اشتغل معاهم من خبرتي وشطارتي ايهما أقرب ؟

ولو مش فاهم الموضوع هتلاقي الحلقه بتاعه فصائل الدم علي اليوتيوب ولينك الحلقه اول كومنت 👇
#تحليلك_كان_ايه

الحلقه نزلت علي اليوتيوب
https://youtu.be/mthtUrGLy-Y?si=oFzw2DlruAnlgylD

لينك الحلقه
https://youtu.be/BIoJjq9w1Es?si=K2Pc2tXnJAYSxX0C

متعود تشوف في تحليل CBC مصطلح hematocrit وعارف بيتم ازاي والتعبير عن قيمته بيكون في حالات ايه !
لكن علي الجانب التاني موجود بردو مصطلح plateletcrit ولو مش عارف هو بيعبر عن ايه او بيتم حسابه ازاي وتفسير القيمه بتاعته بالحاله المرضيه ايه فده موجود في حلقه كامله علي اليوتيوب (لينك الحلقه في اول كومنت 👇)
#تحليلك_كان_ايه

لما مريض تلاقيه جيلك وشه مدور ومليان وعنده كرش طويل وبيني وبينك عنده استرتش مارك لونها بنفسجي ف بطنه دي مش عياده تغذيه بس عندنا احنا بيكون ف شك أنه مريض بحاجه اسمها Cushing syndrome والمرض ده مش بس بيعمل العلامات الي فوق دي لا كمان بيخلي المريض ضغطه عالي ، واحنا عشان ميهمناش غير التحاليل فهو بيعمل تحليل يخلي ف الشك أنه فعلا عنده Cushing وده تحليل الكورتيزول cortisol وهيطلع عنده عالي

طاب دلوقتي الطبيب عايز يتأكد ان مريضه فعلا عنده Cushing ويشخصه بيه ومنه بردو يتأكد من سبب زياده الكورتيزول ما يمكن وقت سحب تحليل الكورتيزول خلي النسبه عاليه والراجل اصلا زي الفل والعيب منك انت.

فقالك احنا نلعب ع حته ندي للمريض دوا يوقف تصنيع وإنتاج الكورتيزول ونقيس الكورتيزول بعدها ف دمه لو طلع قليل يبقي الراجل طبيعي ومفيش حاجه اسمها Cushing والراجل عايز يخس وخلاص ، اما بقا لو حلل وطلع الكورتيزول لسا عالي يبقي معني كدا أن الدوا ماثرش وان الراجل كدا بنسبه كبيره لا بالتأكيد عنده Cushing

ولأن الكورتيزول جاي بتحفيز من الغده النخاميه عن طريق هرمون اسمه ACTH وكمان الكورتيزول هرمون استرويد يبقي ندي للمريض دوا هو كمان استرويد مصنع وبيشتغل ع حته أنه يوقفلي إفراز الكورتيزول وطلع الدوا ده هو الديكسا dexamethasone والخطوه دي بتتعمل ف تحليل اسمه
Dexamethasone suppression test =DST

الموضوع انك هتجيب المريض وهياخد جرعه من الدوا ده بوصف من الطبيب نفسه مش منك وهيتسحب له عينه دم ويتقاس نسبه الكورتيزول فيها

بس هي سهله كدا يعني اجيب الدوا اديه للمريض واسحب عينه دم الكورتيزول هو مش الكورتيزول بيتسحب 9 الصبح أو بالليل ! ؟

التحليل له كذا طريقه ي المريض ياخد الجرعه بين الساعه 11 ل 12 بالليل والجرعه متحدده بالظبط بتكون مثلا 1 مللجرام ويجيلك الساعه 9 الصبح تسحبله cortisol وتشوف نسبته كام

يا اما المريض بمعدل 6 ساعات باخد جرعه من الديكسا مش بتتعدي نص ملجرام اصلا ف الساعه 9 الصبح ثم جرعه 3 العصر ثم جرعه 9 بالليل ثم جرعه 3 الفجر ثم ينام ويجيلك 9 الصبح تسحب له عينه الكورتيزول ونقيس نسبته🤷
#تحليلك_كان_ايه

وانت بتعقم مكان الي هتسحب منه الدم يفضل تستخدم الكحول احسن من استخدام البيتادين (لانه فيه يود) وتلوث الدم باليود هيسيب زياده مش صح ف نسبه البوتاسيوم والفوسفور واليورك اسيد

#تحليلك_كان_ايه

شوف الي هيحصل
https://www.facebook.com/share/r/fNr3J3xpeZ6NHLD8/

لو عينه الدم لتحليل CBC هيمولوسس !!
#تحليلك_كان_ايه #علوم #طبي #مختبرات #مختبرات_طبية #صحة

مسمهاش خلايا صديد كبيره في عينه البول ❌
اسمها transitional epithelial cells في البول
عدسه 40x
#تحليلك_كان_ايه

عندنا حل لذيذ اوي عشان تفهم الاستول وشكل الطفيليات وانواعها

لو مش فاهم خالص فيه حاجه ومحتاج تسمعه من غير ما حد يجري وراك فعندك
كورس الاستول والطفيليات المسجل تقدر تستلم الفيديوهات وتسمعهم براحتك

لو انت فاهم ومش محتاج شرح بس محتاج مرجع ليك ف المعمل فعندك
كتيب الاستول والطفيليات pdf اكتر من 150 صفحه ومش سايب اي كلمه اتقالت ف الكورس الي فوق الا وكاتبها وراه ، وكمان اي كلمه اتقالت ع الصفحه هنا تخص الطفيليات وازاي تكشف عنها موجوده فيه ، ومعاه اطلس الصور واضحه ومن غير guess 🤣

هل في تسهيل عليك اكتر من كدا🤷؟
#تحليلك_كان_ايه

تحليل fructosamine بنشتغله كتحليل داخل المعمل بكيماويات وجهاز وكذلك تحليل HbA1c بنشتغله كتحليل بكيماويات وجهاز ، لكن ايه موضوع معادله بينه وبين التراكمي وبيطلع منه التراكمي ده !!
#تحليلك_كان_ايه

بالفاااء مش ووواااء
#تحليلك_كان_ايه

فرصه للانضمام لرواند 5 كورس البارا اونلاين
Zero to hero
هيبدا يوم 11/1 #تحليلك_كان_ايه

شوف السبب
https://www.facebook.com/share/r/D1Ldc42n4XVfC6mv/

الست الحامل ممكن تعمل تحليل الحمل في البول يطلع سلبي !!!
#تحليلك_كان_ايه #علوم #طبي #مختبرات_طبية #طب

من قواعد السلامه ليك انت في المعمل انك مش مطالب منك تغطي السرنجه بالغطا بتاعها بعد ما تسحب من المريض وان ده ممنوع أنه يحصل وكمان ممنوع في حاله لو حبيت تغطي السرنجه تمسك الغطا بايد والسرنجه ف ايد تانيه وتدخل السرنجه فيه هنا انت متعرض للخطر انك تتشك بالسن بتاع الابره

المنظر الي قدامك ده هو افضل طريقه تغطي بيها السرنجه بعد ما تستخدمها مع أن يفضل ترميها ف البوكس الخاص بيها من غير ما تتغطي

قولنا انت بتتعامل ازاي مع السرنجه بعد ما بتسحب للمريض ؟
#تحليلك_كان_ايه

الاجابه بتنزل اول باول علي انستجرام
https://www.instagram.com/yourmedicaltest/profilecard/?igsh=MWQwb3d1NDFwaXNzYg==

نحلل total testosterone ولا نحلل free testosterone ؟؟!
#تحليلك_كان_ايه

طبعا المعمل مش مستهتر ولا حاجه هو بس كل ما حد يبقي مش فاهم يقولك المعمل غلط ، مع أن مش شرط أن
تحاليل RF , anti CCP تمشي ف نفس الاتجاه غير ف مرحله معينه بيوصلها المريض rheumatoid arthritis ، لكن لو طلع RF إيجابي لوحده بيكون ف اسباب تانيه ، احنا بنأكد ع اصابه المريض وتشخيصه اصلا ب anti ccp ، ولكن لا يُعتمد علي تحليل RF اعتماد مباشر ، احنا بنعتبره تحليل بير سلم عشان لا يؤكد تشخيص ولا ينفي تشخيص
#تحليلك_كان_ايه

كورس البارا اونلاين رواند 5
من zero ل hero في اليورن والاستول
هيبدا يوم 11/1 لمده 6 اسابيع
#تحليلك_كان_ايه

هو ممكن اعمل تحليل الفيدبال widal لواحد ويطلع إيجابي وهو اصلا معندوش التيفود ؟

اه في حاله لو
مسالتش المريض ع تاريخه المرضي ، يمكن واخد تطعيم للتيفود
أو
الريجنت الي بتشتغل بيه عرضته لدرجه حراره عاليه أو مثلا طلعته من التلاجه وبدل ما تستني أنه يبرد حطيته ف الحضان incubator
أو
السيرم أو الكارت الي بتشتغل عليه أو التيوب مش نضيفه وملوثين مكان غسيلك لهم بالمنظفات والصابون السايل (وقلنا لك اغسل بعد ما تغسل بالمنظف بمايه مقطره)
او
ممكن كان عنده تيفود قبل كدا زمان وخف منه وهو حاليا كويس بس عمل التحليل طلع إيجابي لانك اصلا في التحليل ده بتكشف عن الأجسام المضاده للبكتريا الي مسببه التيفود
#تحليلك_كان_ايه

Calcium oxalate (monohydrate + dihydrate ) crystals in urine sample under microscope 10x
#تحليلك_كان_ايه

Different shapes of uric acid crystals + pus cells +
Squamous epithelial cells in urine sample under microscope 40x
لمزيد من الصور هتلاقي كل ده في اطلس كتاب اليورن وتحاليله pdf للحجز والاستفسار اكتب تم وهنرد عليك بالتفاصيل أو ابعتلنا مسج
#تحليلك_كان_ايه

Part 1
https://youtu.be/UE0SMyQ2gQU?si=BZbBioeCXCnohoCM

Part 2
https://youtu.be/Tm508GgM0D8?si=hX8Oh0Q2V-uSeMHD

Part 3
https://youtu.be/BIoJjq9w1Es?si=1jFD5-1PqAS2bErV

استغل اجازه الجمعه وادرس تحليل صوره الدم الكامله علي قناتنا علي اليوتيوب

Urine sample under microscope 40x
1 - transitional epithelial cell
2- squamous epithelium cell

هل تحديد الخلايا مهم في تحليل البول ؟
: اه طبعا
يعني 1 دليل علي التهابات او عدوي في المجري البولي أو نتيجه قسطره بوليه
رقم 2 دليل علي أن عينه البول حصلها contaminated 🤷

تم شرح الأنواع وباقي العناصر في تحليل اليورن في كورس البارا اونلاين هيبدا يوم 11/1 لمده 6 اسابيع
للحجز والاستفسار اكتب تم وهنرد عليك بالتفاصيل أو ابعتلنا مسج
#تحليلك_كان_ايه

فجاه لقينا واحد داخل يزعق لنا ويقولنا ازاي تطلعوا نتيجه تحليل قليله كدا عن الطبيعي ومش صح والدكتور يشخصني بمرض خطير وراثي ويقولي مش هتتعالج منه وهيفضل معاك كل ده بسبب نتيجه التحليل بتاعتكم ولما يوديني معمل تاني احلل نفس التحليل يطلع النتيجه طبيعيه !

هو ايه التحليل الي من قيمه واحده تطلع له يتم تشخيص مريض بمرض وراثي كدا عادي !

لما شفنا التقرير طلع تحليل اسمه von willebrand factor test ، اه فعلا هو تحليل مرتبط بمرض وراثي اسمه von willebrand disease!

بيني وبينك ( von willebrand factor ) عامل مهم بيتفرز من خلايا مبطنه في جدار الوعاء الدموي (شريان أو وريد) وبيساعد الصفائح الدموية أنها تعمل شغلها لما يحصل جرح أو نزيف يخلها تكون السد بتاعها ، يعني النقص في العامل ده هياثر ع عمليه مهمه بتحصل جوا الجسم اسمها hemostasis ، إذن المريض هيحصله نزيف من أبسط الجروح وتلاقي نزيف بيحصله كمان لوحده من الانف أو الفم .

المريض بقا زعلان أن احنا طلعنا النتيجه مش طبيعيه

قولته انت قبل ما تجيلنا المعمل كنت بتعمل ايه ف حياتك ؟

المريض : أنا كنت متوتر من كلام الدكتور واصلا كنت خارج من الجيم اصل انا شخص رياضي زي ما انت شايف وعيبه ف حقي تقولي مرض وراثي وانا اصلا مبنزفش كتير لما بتعور

طاب انت مبلغتناش ليه قبل ما تعمل التحليل انك كنت متوتر وكنت بتعلب رياضه قبل التحليل ، مكناش سحبنا لك العينه أو كنا كتبنا ف التقرير أن التحليل ده بيتاثر بالتمارين الرياضية والتوتر ولو كنت واحده ست كنت هقولك بيتاثر قيمته بالحمل والالتهابات

المريض : يعني ايه بردو مش فاهم

يعني ترجع لدكتورك وتقوله أن يوم التحليل كنت بعمل كذا وكذا وان مفيش مرض وراثي أو مرض في العموم بنشخص بيه حاله المريض من قيمه واحده او تحليل واحد ، لان تحليل von willebrand factor test بسبب أنه بيتاثر بعوامل كتير ع مدار اليوم فبتخلي قيمته تتغير ع مدار اليوم بردو فمش بتقدر نستخدم قيمه واحده له للحكم ع حاله المريض ، يعني ع الأقل يتعاد التحليل 3 مرات

#تحليلك_كان_ايه

لينك الحلقه ع اليوتيوب
https://youtu.be/BIoJjq9w1Es?si=ZvnYieH9s7gD1iId

عندك 3 حالات بتحصل فيهم error في قراءه عدد الصفائح الدموية plts وجهاز CBC مش بيشوفهم وبالتالي مش هتعرف أنهم بيحصلوا لو اعتمدت علي قراءه الجهاز فقط

اول حاله أن يكون في عينه المريض large or small size plts وقتها جهاز ال CBC مش هيشوفها لانه متبرجم ع حجم معين الصفائح الدموية بالتالي مش هيعدهم وبالتالي هينتج plts count غير العدد الفعلي

تاني حاله platelets aggregation بتحصل بسبب سحب عينه الدم بطريقه غلط او ببطء أو تعاملك غلط مع العينه ، والمفروض أن البني ادم الطبيعي معندهوش plts aggregation في دمه ، بس بسبب السحب او التعامل الغلط هينتج plts count غير العدد الفعلي (لان جهاز cbc مش هيقولك ألحق ده العينه فيها aggregation فهطلع لك plts count غلط )

تالت حاله plts satellitism بتحصل بشكل مش منتشر بسبب سحب عينات الدم علي EDTA و بالتالي عدد الصفائح الي بتعمل satellitism الجهاز مش بيشوفها ولا بيتعامل معاها بالتالي plts count هيطلع غير العدد الفعلي

ولو عايز تفهم الموضوع اكتر هتلاقي حلقه plts في CBC test نزلت علي قناتنا علي اليوتيوب (هتلاقي لينك الحلقه اول كومنت 👇)
#تحليلك_كان_ايه

واحده ست جات المعمل تعمل تحليل بول كامل وفي التحليل كان في شكل لبويضه ومنقدرش نقول أو نأكد أنها schistosoma ova (بعيدا عن الشوكه والشكل ده بس اوقات البويضات شكلها مبيكونش زي ما احنا عارفينه) ، المهم أن في نفس الفحص الميكروسكوبي بتاع عينه البول كان في RBCs كتير ، فطبعا ده يأكد أن البويضه أن اتشافت في العينه كانت schistosoma ولكن

الي حصل ان لقوا البويضه دي جدارها تخين شويه وشكلها بيضاوي وراحوا ضغطوا عليها ب coverslip تحت الميكروسكوب و المفاجاه أن طلع المنظر الي انت شايفه في الصوره ده six leg mite larva ، يعني دي كانت في الأصل mite egg (يعني مطلعتش schistosoma ) !!

وطبعا mite egg عادي تنزل في البول أو البراز وتشوفها تحت الميكروسكوب وللاسف هي بتعمل لغبطه كبيره في الفحص الميكروسكوبي لأنها بتتداخل مع اشكال لبعض الطفيليات فبتخلينا نقول إن دي بويضه طفيل فعلا فيتحط تشخيص بالاصابه بالطفيل علي أساس كدا !

بالاضافه أن لو صادفت ولقيت ف البول تحت الميكروسكوب mite egg ، اطلب تكرر العينه عشان لو لقيت بردو فيها mite egg فممكن ده يكون دليل علي bladder mite infection خصوصا لو المريض عنده اعراض ، لكن لو مظهرتش ف العينه التانيه ومفيش اعراض يبقي كانت contamination 🤷

للحجز والاستفسار عن كتاب اليورن وتحاليله أو كتاب الاستول والطفيليات عشان يساعدك تفهم الفحص الميكروسكوبي باطلس الصور اكتب تم وهنرد عليك بالتفاصيل
#تحليلك_كان_ايه

لو كان عندك نقص في انزيم G6PD فأنت محتاج تبعد عن كذا حاجه الي منهم الفول عشان ميحصلش لك انيميا تكسيريه وفي ادويه كمان بتسبب انيميا تكسيريه مع الناس الي عندها نقص G6PD من الادويه دي

acetaminophen
Acetylsalicylic acid
Chloramphenicol
Diaminodiphenyl sulfone
Isoniazid
L-DOPA
Primaquine
Streptomycin
Sulfa drugs
Vitamin K

وانت لو عايز تعرف انت عندك نقص في انزيم G6PD فده بيتم عن طريق تحليل من الدم اسمه G6PD enzyme test
#تحليلك_كان_ايه

ثواني بس كدا انت المفروض تحدد درجه الهيمولوسس عشان شغلك ، هو اصلا مش معني أن ظهر هيمولوسس في العينه انك خلاص ترميها ونسحب واحده تانيه افرض معاك حاله طوارئ ولازم تشتغل من العينه الي معاك تحاليل معينه ! ، يعني مثلا عندك تحاليل في مستوي mild , moderate من الهيمولوسس مبتتأثرش بس لو وصلت لدرجه severe هتتأثر زي تحليل uric acid وعندك تحاليل مينفعش تتحلل اصلا في اي درجه من درجات الهيمولوسس زي potassium , LDH ، وعندك تحاليل ممكن تعملها حتي لو العينه الي معاك في اعلي درجه هيمولوسس زي creat , BUN

بعدين احنا معندناش حاجه في المعمل قايمه ع تشغيل الدماغ وان مجرد ما اشوف الهيمولوسس هعرف درجته ع طول ، وعشان ده مرفوض في حاجه اسمها hemolysis index chart الي هو زي الي قدامك كدا هو الاستندر لتقييم درجات الهيمولوسس للعينه الي معاك

فخلي بالك فعلا العينه مش عشان هيمولوسس ارمي ونسحب واحده تانيه ، لو انت مثلا في المستشفي وعندك مريض في العنايه المركزه عنده sepsis ودخل في shock انت لو سحبت منه عينه دم وطلعت سهله معاك مره مش هتعرف تسحب منه العينه التانيه لان أوردته بتكون ضعيفه جدا فالحاله دي مينفعش وقتها ترفض العينه الي معاك عشان هيمولوسس لكن من درجات الهيمولوسس تقدر تعمل بعض التحاليل ✌️

قولنا عندك hemolysis index chart ولا بتقيم الهيمولوسس ازاي ؟
#تحليلك_كان_ايه #معمل
#علوم
#طب #lab #medical #science