قصائد ملايات

@sfvcc

قصائد ملايات (Arabic)

قصائد ملايات هو قناة تيليجرام مميزة تهتم بنشر الشعر العربي التقليدي والحديث. يمكن لمتابعي القناة الاستمتاع بقراءة مجموعة متنوعة من القصائد الرائعة التي تعبر عن مشاعر مختلفة وتعكس جمال اللغة العربية. القصائد المنشورة على القناة تأتي من شعراء موهوبين ومبدعين يسعون لنقل القارئ إلى عوالم مختلفة من العواطف والتفكير. متابعي القناة سيجدون فيها مساحة للتأمل والاستمتاع بجمالية الشعر وقوة كلماته. انضم إلى قصائد ملايات على تيليجرام اليوم لتستمتع بأجمل الكلمات والمعاني الشعرية الملهمة.

قصائد ملايات

01 Sep, 12:15

قصيده لاستشهاد النبي صلى الله عليه واله وسلم

يبعد الروح فگدك ذوب حشاي
تاركني يبويه بضيم دنياي
🖤🖤🖤🖤
يبعد الروح عني تبعد شلون
منت مهجتي وضي العيون
بعدك ناحله ومتغير اللون
اجر گوه النفس وتتراجف عضاي
🖤🖤🖤🖤
اجر كوه النفس والغصه بالروح
شلون تعوفني يابويه وتروح
بعدك هالگلب خزن بالجروح
خلصان ويون والونه بهداي
🖤🖤🖤🖤
يبويه من شلت اعداك جارت
ودولبني الدهر والدنيا دارت
شوف عزيزتك وشلون صارت
مكسور الضلع وانعمت عيناي
🖤🖤🖤🖤
تعال وشوف بي سوه الاصحاب
ذوله اهل السقيفه حركوا الباب
كسرولي الضلع وبخدي صواب
اشكيلك يبويه ترضه بهاي
🖤🖤🖤🖤
اشكيلك يبويه المر عليه
مرمرني زماني السوه بيه
ريت وياك موتتنه سويه
واخلص من هظم فكدك وبلواي
🖤🖤🖤🖤🖤

صفاء الساعدي. @Qwewv

2,486

قصائد ملايات

30 Aug, 11:15

قصيده لاستشهاد النبي صلى الله عليه واله وسلم

بحركه صاحت يارسول الله
مودع بالله يبويه مودع بالله
مودع الله يالحنين
عفت كلبي للونين
مودع بالله يبويه مودع بالله
〰〰〰〰〰
هاي ليله صعبه هوايه عله الزهره
بالدمع تودع ابوهه بالصدر عبره
تكله صد ليه يبويه حتى لو نظره
خلي اشبع من حنانك والكلب يبره
صدك رايح ماتجي
كلبي بالهم مبتلي
مودع بالله يبويه مودع بالله
〰〰〰〰〰〰
مودع بالله يبويه تروح يالغالي
وانه تتركني وحيده الضيم ياحالي
تدري بويه بعدك انه شنهي يجرالي
ينغصب حقي يبويه يذوب دلالي
ينكسر مني الضلع
كلبي بويه ينشلع
مودع بالله يبويه مودع بالله
〰〰〰〰〰
روحي يابويه عليله تريد وياك
والله مالومه وتنوح خلاف عيناك
عيني رافكها السهر من يوم فركاك
ريت ميته ولا اصد نعشك ومثواك
روحي راحت يالحبيب
خلص كلبي من النحيب
مودع بالله يبويه مودع بالله
〰〰〰〰〰
صدك تتركني وحيده وعني تغيب
فراكك بكلبي يبويه سهامه تصيب
ترضى يابويه انهظم وابقه للنحيب
روحي مجروحه وجرحها ما يطيب
بعدك انه انولي
وني بويه يعتلي
مودع بالله يبويه مودع بالله
〰〰〰〰〰〰
بويه يابويه تراني محمل جروح
شلون تترك بضعتك وعني تروح
تدري رافكني خيالك وين ماروح
صار لي بيت الحزن للدمع والنوح
شلون عني تبتعد
وانت لجروحي ضمد
مودع بالله يبويه مودع بالله
〰〰〰〰〰〰〰〰〰〰〰

صفاء الساعدي

2,237

قصائد ملايات

30 Aug, 10:58

ابوذيات
استشهاد النبي الاعظم (صلى الله عليه واله

🔸🔸
بفاتحته اصيحن آه وي آه
ونار بمهجتي فرگاه وياه
ابوي وريت كون اندفن وياه
يحيدر راحتي بهاي المنيه
🔸🔸
الزهره ياابو الزهره وجنها
يهل جمره ولياليها وجنها
عليها التمن امصايب واجنها
رحيلك والضلع والغاضريه
🔸🔸
انجرح گلبي بغيابك وابد منشال
والأنكر وصيتك ريت منشل
لنعشك يارسول الله من شال
بس حيدر حضر وكت المنيه
🔸🔸
سور وايات لمصابك هم الهن
وعليك الوحي دمعاته هملهن
زمزم والصفا لطمن هام الهن
عنهن من غبت يابو الزجيه
🔸🔸
صفاء الساعدي. @Qwewv

1,802

قصائد ملايات

12 Aug, 13:29

( ابو ذيات للحسن )

عليك امن الفتن دارت رحى الها
وروحك منها ما شافت رحه الها ( راحة الها)
الفجيعة بسمك الليلة رحلها
ينوُّخ بالديار الهاشمية
--
عميد الآل شوف الآل بعداك
صفت موتوره للاحقاد بعداك
يمن ما ادرك التاريخ بعداك ( بُعدك)
المصاب لشيعتك فجعة ورزية
--
وحگ الذي باجمل اسم سمّاك
وعلى نجوم المكارم فوگ سمّاك
على حسين وعيالك صار سمّاك
صعب يالمجتبى وخلف اذيه
--
فتح باب الرزايه مصاب يدّاك ( جدك)
ولا لزمت عُرى الراحات يداك
جرح يالحسن من بلواك يداك
گلب اسلامنه او ونته شجية
--
صفاء الساعدي

3,354

قصائد ملايات

12 Aug, 13:27

نعي لرقيه ع

عله كيفج يخاله يالتغسلين
خاف جروحها بيدج تلجمين
بهيده وي رقيه من تكلبين
بعدهي زغيره خافنج متدرين
خلي اتغسل وياج النساوين
فوك اجتافه لا لا تمسحين
عليه اثار سوط من الملاعين
وبعدفوك الظهر عدهه نياشين
.....
موعليله يغسالة رقيه موعليله
لجن شافت مصايبنه الثجيله
زغيره ومحنة المرت طويله
تتمنه ابوها يعود ليله
ومن هذا الهظم صارت نحيله
....
الله وياج عمه يارقيه
يالمتي يعمه ابين اديه
شكل لحسين من يعتب عليه
يكلي ليش ماجبتيه اليه
شكله اندفت ابطن الوطيه
........
صفاء الساعدي

2,868

قصائد ملايات

12 Aug, 13:23

فزاعيه للحسن المجتبى
لسان حال مولاتي فاطمة الزهراء عليها السلام

منصوب العزه هاليوم
عالمسوم عازوني

•───✧◐◐✧───•

واسوني بدمع جاري
صبحت مظلمه داري
انوحآ ليلي وانهاري
على ابني وقرة اعيوني

•───✧◐◐✧───•

على امصاب الحسن ونو
سود اثيابكم لبسو
مظلوم الحسن صيحو
بمدمعكم تواسوني

•───✧◐◐✧───•

بالمجلس اجي وياكم
واسمع صوت مبجاكم
تونون اعله مولاكم
خدام واجيتوني

•───✧◐◐✧───•

لطمكم عالحسن مذخور
اليلطم واليون مشكور
عزاكم كل سنه مذكور
بوليدي تذكروني

•───✧◐◐✧───•

ذكرو مصيبته ويومه
من السم خربت ارسومه
وتون زينب وكلثومه
بمصابه حيل اذوني

•───✧◐◐✧───•

يالخدام اشكركم
بالدفتر اسجلكم
وبالمحشر اجي يمكم
يلي مانسيتوني

صفاء الساعدي. @Qwewv

2,767

قصائد ملايات

31 Jul, 01:24

*مربعه للامام السجاد ع*
ــــــــــــــــــــــــ
مشو بجنازة السجاد دفانــــــه
وسعوله الگبر مو حـــــــار تربــانه
ـ............................
وسعله الگبر يالتدفن المسموم
گضه عمره بحزن من كربله لليــــوم
موحش ضل مكانه العابد المعلوم
حزين البيت لجله ومالت اركانه
ـ...........................
حزين البيــــت طلاب العلم تنعــــــــه
حسافه عليك شخصك سيدي نودعـــــه
نعازي العتره كلنه ونهـــمل الدمعـــــــــه
نذكر جبدتك متگطــعه مولانـــــــــه
ـ............................
مولانه شفت من الدهر شوغات
وي زينب اسيره ورافگت شمات
شنوصف ما نصل للنايبه هيهات
يمن شفت النحر واطفال عطشانـــه
ـ...........................
يمن شفت النحر والخيم محترگه
خلي ينوح گلبي ياخلگ حگــــــــه
ضيع كل هله وكتاله الفـــــــــرگه
دمعه ما نشف حد شيلة جثمانـــــه
ـ............................
دمعه ما نشف لمن وصـــــــل گبره
مجلس للعزه نسويله ونذكـــــــره
نندب يالعليل نعازي الزهـــــــره
بكل مجلس تحضره ام حسن ويانـــــــه
ـ............................
اكتب يالعليل بدمـــــــعه همالـــــــه
بحق نحر الحسين وضيعت اطفالـــــه
ترفع كل عذاب الگبر وهــــــــــواله
اااه يا وحشتي ناديت ملفانــــــــه
ــ..............................
صفاء الساعدي

4,291

قصائد ملايات

31 Jul, 01:07

.

نعي للأمام السجاد عليه السلام

زين الاعباد ايلوج بلدار
واخوانه منهم ماكو اخبار
بالغاضريه والرمل حار
❥━──➸➽❥💔❥━──➸➽❥💔
هليوم ابو الباقر كضاهه
بيد المنيه سلماهه
او رجليه يا ويلي اسبلاهه
❥━──➸➽❥💔❥━──➸➽❥💔
كضه العصر بلونه والنوح
او كلبه على اهله صبح مجروح
بلسم يويلي طلعت الروح
❥━──➸➽❥💔❥━──➸➽❥💔
يا حاله بفراش المنيه
ايسو اهله او هاي هيه
ايريد يرحل يا نويه
❥━──➸➽❥💔❥━──➸➽❥💔
التموا عياله يودعونه
بحزان كامو يندبونه
مسموم متغير يلونه
❥━──➸➽❥💔❥━──➸➽❥💔
اصبح علي السجاد مسموم
حيله انهدم ما يكدر ايكوم
جا وين اخوته تحضره اليوم
❥━──➸➽❥💔❥━──➸➽❥💔
جا وين كل اهله واخوته
ايحضروله لو كرب موته
من ون اضن ما وصل صوته
❥━──➸➽❥💔❥━──➸➽❥💔
مسموم محد حضر يمه
السم ثجيل او يبس دمه
لاحضروا اخوانه او لا عمه
❥━──➸➽❥💔❥━──➸➽❥💔

صفاء الساعدي

3,861

قصائد ملايات

23 Jul, 13:59

قصيده ثقيله للسبي والمسير الى الشام
وزن البحر الطويل
=========

براضي الشام . صوت ايتام

ماتگعد تحاميها

كفر ظلام . وتدگ دمام

امعيده براس واليها

=========

عيد معيده اهل الشام
براس حسين فرحانه

وتتفرج علينه الناس
بشماته وانه حزنانه

مسبيه لراضي الشام
محد من هلي ويانه

ماكو اسلام *
كفر ظلّام *

معيده براس واليها

¶∆¶∆¶∆¶∆

تفرج علينه الشام
معيدين وتدگ اطبول

يرامونه بحصو وحجار
ظيم الشفته مامعقول

اشگف بيدي علنسوان
وعيون الحريم سيول

العيون اسهام *
كفر   ظلام *

معيده براس واليها

¶∆¶∆¶∆¶∆

ماتگعد تحامي ايتام
تراني حيل مابيه

اگعد خويه من النوم
انشد عن البنيه

شمر جرها من اذنها حيل
دنت نفسه اعلى ترچيه

دم والالام *
كفر ظلام *

معيده براس واليها

¶∆¶∆¶∆¶∆

شفت الهم براضي الشام
يخويه وداعت الزهره

شوف اختك يماي العين
چتافي من الضرب حمره

كتلني افراگ المحبين
عليكم گلبي شيصبره

صرت عظام *
كفر   ظلام *

معيده براس واليها

¶∆¶∆¶∆¶

نون بهداي علمذبوح
محد يسمع ابچانه

لو يسمعنه الملعون
بلسوط الشمر جانه

وراس ابن النبي مرفوع
جدامي على الزانه

وادگ علهام *
كفر   ظلام *

معيده براس واليها

=========
صفاء الساعدي

4,938

قصائد ملايات

23 Jul, 13:57

فزاعيه للمسير ألى الشام

بلسوط ضربوني العده
والوليان ماجوني
❥━──➸➽❥💔❥━──➸➽❥💔
امشي اوتهل ادموعي
وحسين حنه ضلوعي
ماسكن والله روعي
من شالو او عافوني
❥━──➸➽❥💔❥━──➸➽❥💔
خلوني وحدي اويلغرب
امشي يسيره اشكد صعب
اوضلوا اخوتي علترب
ما كعدو او زتوني
❥━──➸➽❥💔❥━──➸➽❥💔
حسين عني اشعطله
خليت جثته اموصله
والجفن محد فصله
ادفنه ما خلوني
❥━──➸➽❥💔❥━──➸➽❥💔
ضربوني وانه بليسر
وحسين ليه ما حضر
علترب ضل جسمه وذر
وعليه تجري عيوني
❥━──➸➽❥💔❥━──➸➽❥💔
عطشان ضل بلحومه
جسمه خضيبه ادمومه
وانه رحت مهضومه
من حمليت اضعوني
❥━──➸➽❥💔❥━──➸➽❥💔

صفاء الساعدي

4,369

قصائد ملايات

23 Jul, 09:46

هوسات لمصرع الأمام الحسين (ع)

❈●••┈❁*❈┈❁●••┈❁

مطروح الحسـين ابـشمس وبغبره
ومن ماي العذب ما ضايگ الگطره
ويـن الزاچيه خـل تعتني اتحضره

( ترويها... عطشانه اشفافه)

❈●••┈❁*❈┈❁●••┈❁

عـطشـان الـدلـيـل ونــاره مجموره
ومثل امه الامام اضلوعه مكسوره
مـاجوره بالولد ياام حسن ماجوره

( اتنظرينا ... بالطف مذبوح )

❈●••┈❁*❈┈❁●••┈❁

هوسات جنوبية لمصرع الأمام الحسين ( ع)

❈●••┈❁*❈┈❁●••┈❁

شـالـوا راس ابـو السجاد وبـسنان الرمح خلوه
بـيـوم الـعـاشـر الكـفـار جـده الـمـصـطـفـى آذوه
حـتى الخـنصر امـن ايده الملاعين هم گطعوه
وبـدمـه الـغـريـب اعـداه مـرمـي وعـالـثره خلوه

( وينك ها يحيدر ... عاين الحاله )

فـرحان ويهوس ابـراسه چتاله
وينك هـايحيد ر...عـاين الحاله
ابـنك گطعوها ابكـربله اوصاله
وينك هـايحيدر ...عاين الحاله
مـن كـثـر السـهام انـفـطر دلاله
وينك هايحيدر ... عاين الحاله
بس زينب غريبه وتجمع اعياله
وينك هايحيدر ... عاين الحاله

( وين المهدي يعجل ... ياخذ ثاراته)

مـن سـاعة الطف ومـا طفت ناره
وين المهدي يطلع ... ياخذ ابثاره
وثـار الـبـاب بــعـده وثـار بسماره
وين المهدي يطلع ... ياخذ ابثاره
بــوجــوه الاعـــادي يـســله بتاره
وين المهدي يطلع ... ياخذ ابثاره
ودمــوع الـمـوالـي اعلـيه تتجاره
وين المهدي يطلع ... ياخذ ابثاره

( ايعليها ...رايات الحق )

❈●••┈❁*❈┈❁●••┈❁

صفاء الساعدي

3,918

قصائد ملايات

23 Jul, 09:44

نعي بحق العقيلة زينب عليها السلام

على يامنهن أم الخدر تنحب
رزايا اهواي منها الگلب شَيَّب
على الماشاف گطرة ماي يشرب
وجسمه على الثرى طاح وتسلب
لوحامي الضعن علجيش من طب
گطيع ازنود وبعينه تصوب
لو عريس بدمومه تخضب
لو الاكبر هوه على الگاع كوكب
لوطفل الرضيع ابحال الأصعب
لولضعون بيها الگوم تنهب
لولخيام بيها النار تلهب
لونسوان فوگ الهزل تركب
ها گد مايله الدنيا وي زينب

صفاء الساعدي

3,405

قصائد ملايات

23 Jul, 09:43

يابعد العيون انه اختك ام عون
الكربله جيت بحميتك ياابو الغيره

اتسولف الدمعه ضعنك منو يرجعه تضل بالكلب لسعه بنار الخيم

يحتركن خيامي يل عالنهر ضامي
وتزيد ألالامي… يابو الشيم

ابچيلك هواي يمعطش الماي
الحرم يا أبو فاضل ضاله بحيره

خويه يكفالي يلجنك خيالي
بكل لحظه تبرالي.. وينك يخيي
بنص الزلم امشي يالشيبت رمشي
ذله وهضم بلشي تصعب عليي

ياخويه عباس لماعدهم احساس
يهضم بگلبي حجيهم صعب تفسيره

يامعنئ للخوه يالكلك مروه
يل بسمك اتگوه يبو الفضل
يالعايش بروحي شيهيد جروحي
عگبك يضل نوحي ودمعي يهل
جيت انه بحماك وامشي اعله ممشاك
باجر يفرون ضعنك ديره من ديره

لو بيدي اجي يمك خويه والم جسمك
وبهداي اجر سهمك بلكي ترد

ياريت اودعنك وبانفاسي اشمنك
خاافن الجمنك حيلي ركد
اعذرني مااجيت حيلي انته هديت
حسيني ضل حاير خطيه صعبه وجبيره

صفاء الساعدي

3,719

قصائد ملايات

23 Jul, 09:42

( نعي للسيدة زينب -ع-)
اعثــر بالجــثث يحــسين
                   واتعنــيت يــم جسمك
يخويه اكعد ولــتنه الكوم
                      أمــشي عليك ظلع امك
اجيتك واني كلي اجروح
                   طفي اخيامي من دمــــك
يخنكني هوه العدوان
                      كلبي بلهــــفته ايشمــك
يالريحت محمد بيك
                   هذا الرسم مــــــــــورسمك
من أثر طعناتهم يحسين
                      تـــصعب عـــــالذي ايلمك
يخويه انهض لفانه الليل
                  شـــــــنهي الراي كلي اشلون
ولاوالي الـــبقه عــــدنه
                علينه انــــدار خــــويه الـكون
وجوه اعيالي من الخوف
              كــــل ساعـــة ولفــــاهن لون
حـركوها الخيــم يحـسين
                   الــــحك سكـــــت اليبجون
بحيرة أختك يبوالســجاد
               حـــــشم انصــارك ايـفـزعون
زحــمـه الناس تــــتفرج
               علــــينه والـــعـــده يضـربون
ماتقـــبل أعــرفك حـيد
                  كـــوم وشـــيل بـــــــتــارك
بين حيدر علي الكرار
                 كـــوم وعـــــــيـــد تذكــارك
زحمه أنظرب خويه حسين
               واحــــنـــه أنلـــوذ بـــكـــتارك
شــــــــبت بالكـــلب نيران
                مــــاتبــــــــرد تشـــــب نـارك
اعاتب والدمــــوع اتسيل
                 هــــذا عــــتـــابي مــــن دارك
صحت ارجــع يماي العين
                    لوتـــــبقــــه انــته ونصــارك

صفاء الساعدي

3,566

قصائد ملايات

14 Jul, 16:27

هوسة مع فزاعية ختامية مجلس للقاسم بن الحسن عليهما السلام والشهداء والشبان ( ناموا بالتراب )

صدگ ماتنحمل يافرگة الشبان
تعمي العين وتخلي الگلب تعبان
ضل امچانهم ماينچهب حزنان
چا ليش الورد يندفن بتربان

    ( نزلة الفزاعية )

وناموا بالتراب ... الچنهم اورود
شعدهم حملوا ماردوا اردود
     وناموا بالتراب
اشماله الموت بيهم صاح فرهود
     وناموا بالتراب
ندگ ياباب شو كل باب مسدود
     وناموا بالتراب
گلب الفارگاهم صار ممرود
     وناموا بالتراب
نحچي بزودهم وانريدهم زود
     وناموا بالتراب
شو كلمن نوده اليوم مفگود
      وناموا بالتراب
(( احا يفراگ الشالوا     مر مانهواه )

صفاء الساعدي

5,712

قصائد ملايات

14 Jul, 15:33

نعي القاسم عليه السلام
،،،،،،،،،،،،،،،،،،،،،،،،،

احلفك بيش يوليدي يجسام
ينور عيوني فرحة ذيچ الايام
ذبحني الدهر تاليهه بالسهام
عشت بالاه وانه اتموت الاحلام

تانيني صرت دمعه
ذوبني العمر شمعه
صحت بس صوتي شيسمعه ييمه

بعد من رحت من عندي شتاني ؟
الضوه البلدنيا يمدلل عماني
شجاني وعدله ليهسه شجاني
عجيبه العيشه من بعدك ثواني

آخره مره اودعنك واشمك
واخر مره اگعد ريت يمك
صعبه وحيل تصعب هاي منك
ازفك للعرس والنوب ادفنك

اريد انعه لحد موتي
لحد ما يندفن صوتي
بيدك يحدي تابوتي....... ييمه

يبعد امك توادعنه وگعدنه
تعبنه من الدمع والله تعبنه
الف دمعه وتموت ارواح عدنه

جرح دنياي عذبني.........وحنيت
المصايب عوگت ظهري......وحنيت
عجنت الحنه يايمه...........وحنيت

وزفك للحرب بثنين اديه

●●●●●●●●●●●●●●●●●●●●

صفاء الساعدي

4,925

قصائد ملايات

14 Jul, 15:32

قصــيده للامــام العبــــاس ع

❥❥ـــــــــــــ❁❂❁ـــــــــــــ❥❥

كلف يـومـه على روس الزلم داس
يسحكهــم سحـك يايـوم عبـاس

❥❥ـــــــــــــ❁❂❁ـــــــــــــ❥❥

يسـحك روسهم ما كفته الحومه
كلمن كبالـه لا مـا شهـد يـومــه
اليوم بروس عزبـهـم الجـيدومـه
{ الطف مال وياه // ادخـيـلـــه }

❥❥ـــــــــــــ❁❂❁ـــــــــــــ❥❥

مرادم روسها الـعبـاس خـلاهــه
الخيل الشافته ردت وصاحـاهـه
من عباس خافت غصب جاباهه
{ روس الـجـابــاها // طشـــت }

❥❥ـــــــــــــ❁❂❁ـــــــــــــ❥❥

ويـا عـباس منـك رجفت شبيهه
طاحـت كربـلـه يــوم نزل بـيـهه
طش جـيوشها وخـرب معانيـهه
{ الطـف والملعب// حاكم بـي }

❥❥ـــــــــــــ❁❂❁ـــــــــــــ❥❥

ثلثين المراجـل صـدت عـيـونـه
يكضيها الطلابـه اليـوم يـردونـه
شـيـخ الكــوم منا طبهـا يهابونه
{ يسـوك اعليه // اليرفض امره}

❥❥ـــــــــــــ❁❂❁ـــــــــــــ❥❥

ياحلوه العراضه وتشهد الهوسه
من عباس حتـى الكاع مخلوسه
هاي ارواحكم بالسيف محبوسه
{ اعــرض يـومه // چتـال الخيل}

❥❥ـــــــــــــ❁❂❁ـــــــــــــ❥❥

صفاء الساعدي

4,309

قصائد ملايات

14 Jul, 03:04

ابو ذيات الليله الثامنه

الليالي ابچبدتي تطحن ... رحه الها
اوعيني امن الدمع مامش .. راحلها
اشلون اوليد هل ليله ...... راح الها
ابليلة زفته او ذبحوه أميه

جدامي انذبح ضامي ... وشفتاه
يخر الدمه من نحره ..... وشفتاه
يجاسم شفت كل لوعه ... وشفت آه
منها الموت اشوه او اخف ليه ...

الحزن ما دام لحد ... دام عليها
اهل دمعه اعله بنها .. دمعه ليها
لگت أثياب عرسه ..... دم عليها
عمت عيني اصرخت راح امن اديه

صفاء الساعدي

4,152

قصائد ملايات

14 Jul, 03:03

هوسات شجاعيه بحق قمر العشيره ((ع))

قائد ماكو قائد حيد بس هوه
جر نهر الفرات وجابه بالگوه
سبعين ألف عِد عباس ماتسوه

     من صدهم ماترسوا عينه

                                        *---------------*---------------*

سل سيفه الگمر وتْنكْروا القاده
وما رد هام سالم هيبة الساده
اليجي عنّاي لازم ياخذ امراده

      و يوزع موت العدوانه

                                        *---------------*---------------*

نفخت صور گالوا هايه مو صوله
برز و الگوم ضلت كلها مذهوله
جمدت يمه خصمه اتگول مشلوله

      خالسهم و يجول بكيفه

                                     *---------------*---------------*

طلع بيده العلم عباس المچنه
الزلم بالخوف گامت ترتجف منه
بدم اعداه خله السيف يتحنه

    و فرحان السيف بصولاته

                                        *---------------*---------------*

صفاء الساعدي

4,078