لطميات حسينيه نسأئيه مكتوبه

@yetgwwea

لاَوطَن إلاّ الحُسيَن 🤍!!.

لطميات حسينيه نسأئيه مكتوبه (Arabic)

هل تبحث عن مكان للاستماع إلى لطميات حسينية نسائية مؤثرة؟ إذا كانت إجابتك نعم، فقد وجدت المكان المناسب! قناة 'لطميات حسينية نسائية مكتوبة' تقدم لك تجربة مميزة ومليئة بالعبارات القوية والأداء العاطفي. يمكنك الاستماع إلى تلك اللطميات التي تحمل في طياتها روح الحزن والشجن وتعبيرًا عن حب الإمام الحسين وعائلته. ستجد في هذه القناة الصوت النسائي الذي يقدم الحس والعاطفة بطريقة مميزة ومؤثرة. إنها فرصتك للتأمل والتأمل في قصة الحسين والمشاركة في تجربة دينية تعبق بالعظمة والتضحية. انضم إلينا اليوم واستمتع بتجربة فريدة من نوعها!

لطميات حسينيه نسأئيه مكتوبه

06 Jul, 11:22

قصيدة للمسير {اخوانك الاربعة}

يمه اسلـــــملك اخوانك الاربعة
بسيف كون انحورهم متگطـعة

موتو لعيون الحسين
عفيه بيكم يالبنين

انه اودعكم وحيل اموجعه
❥❥❥❥ـــــــــــــ❁❁ـــــــــــــ❥❥❥❥
يمه اسلملك اخوتك هالمسيه
كلهم يموتون برض الغاضريه
مذبحين الخاطر اوليد الزجيه

موتو لعيون الحسين
عفيه بيكم يالبنين

وانته كون تموت يم المشرعه
❥❥❥❥ـــــــــــــ❁❁ـــــــــــــ❥❥❥❥
فدوة للعطشان طيحو عالثره
ماتعوضني حرگتي بمنحره
من تموتون أمشي أصيح المعذره

موتو لعيون الحسين
عفيه بيكم يالبنين

المعذره من حسين جثته امكطعه
❥❥❥❥ـــــــــــــ❁❁ـــــــــــــ❥❥❥❥
احزام صيروا للاخو اه يالولد
انتوا ليه اليوم يا اجمل سند
سوئ اريدنكم ولا اوصي بعد

موتو لعيون الحسين
عفيه بيكم يالبنين

انه اودعكم ييمه اموجعه
❥❥❥❥ـــــــــــــ❁❁ـــــــــــــ❥❥❥❥
اموجع ادليلي ييمه من الجفه
نوركم من بيتي هالليله طفه
جرحي بجفاكم ولا هاد و شفه

موتو لعيون الحسين
عفيه بيكم يالبنين

اه ياناري بدليلي املسعه
❥❥❥❥ـــــــــــــ❁❁ـــــــــــــ❥❥❥❥
اخر وصيتي عله زينب بت علي
ابد مااااااريدنها تبقئ بلا ولي
يمها ضلوا يمها ها ياكل هلي

موتو لعيون الحسين
عفيه بيكم يالبنين

بسيف اريد اركابكم متگطعه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج4
نشر القصيدة بثواب المرحوم خادم الحسين ع
محمد ابن سالم رحم الله من قرأ سورة الفاتحة لروحه

https://t.me/yetgwwea

17,831

لطميات حسينيه نسأئيه مكتوبه

24 May, 10:18

قصيدة ( زينب والسباية)

زينب والسبايه ـــــــ حركوها العبايه
رڪضن رڪضن بل هيمه رڪضن
مـــــرن مــــرن يم عباس مـــــرن
شافاهن حسين ــــــ بس ماعنده رجلين

❥❥❥❥ـــــــــــــ❁❁ـــــــــــــ❥❥❥❥

زينب تمر يم الولي/ وتعاين ابكل حسره
شافت اخوها اعله الرمل/يشخر ودم بنحره
شافت الماي بكل عطش/ودموعه تجري بعبره
رادت تروح وتنشده/ياجرح بيهن اقوه
وجروح السبايه ___حركوها العبايه

❥❥❥❥ـــــــــــــ❁❁ـــــــــــــ❥❥❥❥

شافت شمر فوك الصدر/كاعد يحز بنحره
شافته والعين اهملت/دم ودمع يل زهره
راح الدلال من الولي/ضل نايم اعله الغبره
ضل العطش يمرد جبد/وضلوع من الحره
وجروح السبايه ___ حركوها العبايه

❥❥❥❥ـــــــــــــ❁❁ـــــــــــــ❥❥❥❥

عباس ضل اعله النهر/والسهم مارد شوفه
زينبكم انه محيره/ليا صوب اضم الأسره
وخيام ماعدنه بعد/ومايسموني الحره
صار الاسم بنت الغرب/مو بت علي والزهره
وجروح السبايه ___ حركوها العبايه

❥❥❥❥ـــــــــــــ❁❁ـــــــــــــ❥❥❥❥

اطفال خويه بكل كتر/تاهت بهاي الصحره
منهم رقيه امن اطلعت/لاكتني ابكل حسره
تسئل ولا واحد بقه/وضل الابو اعله الغبره
جا مايرد لينه الولي /وعياله تنحب تبقه
وجروح السبايه ___ حركوها العبايه

❥❥❥❥ـــــــــــــ❁❁ـــــــــــــ❥❥❥❥

بقلم خادمة اهل البيت حنين الشريفي
غير مبري الذمة من ياخذ الكلام وينسبه له.

https://t.me/yetgwwea

19,317

لطميات حسينيه نسأئيه مكتوبه

24 May, 10:12

قصيدة للعليلة عليها السلام

الوزن ميمر

ــــــــــــــــــــــــــــــــــــــــ

شال الضعن وي الفجر عافوني

بعلتي اونن وهلي ماسمعوني

ــــــــــــــــــــــــــــــــــــــــ

متحضره امشي مثل خياتي

مكيفه اَنه ولملمت حاجاتي

ركب خواتي وبقت بس حسراتي

يابويه وحدي ارجوك لتخلوني

*ام محـــــــ✍️ـمد الساري*

ــــــــــــــــــــــــــــــــــــــــ

لميت حاجاتي واعاين ليهم

مقسوم ابگه وحدي بمبانيهم

بالحسره والاهات اظل اتنيهم

صحت بوراهم من مشو تانوني

*ام منــــــــــ✍️ـذرالحجار*

ــــــــــــــــــــــــــــــــــــــــ

ادخيلك يبويه فراگكم ما حمله

خليلي عبد الله اوياه اتسله

شلتوا سوه ظليت خلتي خله

والدمع مابطل عماهه عيوني

*ام احمـــــــــــ✍️ـد الساعدي*

ــــــــــــــــــــــــــــــــــــــــ

صحت بوراهم ماخذوني وياهم

يدرون بيه مصبر بلياهم

خلو بنتهم بالنزل عافاهم

شنهو الجنيته من ذنب حاجوني

*ام روكـــــــ✍️ـان الشمريه*

ــــــــــــــــــــــــــــــــــــــــ

بالدار وحدي والدموع بعيني

خلافك يبويه ماگطعت ونيني

فراكك صعب وسط الگلب جاويني

اني العليله ومااضن تجفوني

*مريــــــــــ✍️ـم الحجيمي*

ــــــــــــــــــــــــــــــــــــــــ

اني العليله والمرض هد حيلي

عليكم اونن مانمت كل ليلي

ولدار ظلمه وصوبتلي دليلي

راحو احبابي الكربله ونسوني

*مريـــــــــــــ✍️ـم الحجيمي*

__

*تمت بعون الله باقلام شاعرات رابطة ذبيح الغاضريه 1لانجيز حذف الاسماء ونسألكم الدعاء*

https://t.me/yetgwwea

17,504

لطميات حسينيه نسأئيه مكتوبه

24 Apr, 15:35

قصيده "للاخ"{شوفة اخوها}

يالاخت كلش تحب شوفة اخوها
تحس بي خيمة حنـينة من ابوها

رد عليـــــها ياوليها
خيمة وتفيي عليها

يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
يالاخت كلش تحب شوفة وليها
خصه لو بهـــمومها ينـشد عليها
يمسح الدمعات ويسكت بجيها

يمسح الدمعات بيده
روحي مشتاگه وتريده

يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
روحي مشتاگه تريد البيه محنه
وين راح الشال كلبه طيب اهلنه
ليش خويه ابساعه مطشر شملنه

ليش خويه تفارگينه
افترت الدنية علينه

يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
افترت الدنية وخذت زين المحاجي
اليوم اريد اگعد واموت من البواجي
گلبي ترجعله يخويه اليوم راجي

رايدة تنشد عليه
فرد مره اگطعت بيه

يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
جنت من تنشد عليه اطيب الجروح
هسه وينك يالعفتني حملي مطروح
تعبت كافي من الجفه مو طلعت الروح

شوفتك عنت يوالي
والهظم هل صار حالي

يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
شوفتك عنت عليه اهواي تدري
انته لو طالب عمر انطيك عمري
كافي من الفرگه شد وياي دهري

رايده يمج تگلي
انه احسن بيك ضلي

يالاخت كلش تحب شوفة اخوها
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج5

https://t.me/yetgwwea

16,940

لطميات حسينيه نسأئيه مكتوبه

01 Apr, 03:02

عَضم الله أجوركم بأستشهاد آمير المؤمنيـن عَـلي المرتضى آبا الحسنين (عليه السلام) 💔.

15,606

لطميات حسينيه نسأئيه مكتوبه

01 Apr, 02:25

قصيدة لـ استشهاد الامام علي ع{علي بالمكبره}

لحن .... حسيناه يشريان الگلب

دفناه ... دفناه ... دفناه
علي بالمكبره علي بالمكبره

علي ** بالمكبــره نام ونساني
علي ** زغيره بعدني ويتماني
علي ** بفراگه يا ويلي عماني

علي ** عافاني بس انحب بدونه
علي ** بالمكبره غمض اعيونه
علي ** الايتام من بعدك اجونه

صاحوا اعليه يزينب وين حمل هيبتچ
فدوه گليله يجينه منو النه امروتچ

يحسراه يحسراه يحسراه
الگلب شيصبره الگلب شيصبره
دفناه ... دفناه ... دفناه
❥❥❥❥ـــــــــــــ❁❁ـــــــــــــ❥❥❥
الگلب ** شيصبره الحمل دلاله
الگلب ** هسه الگلب ونه حلاله
الگلب ** غير الحنين المات ماله

الگلب ** لمن يحن ونته ثجيله
الگلب ** مايصبر وانه نحيله
الگلب ** مايهده عالحمل عويله

شلون يهده اونين گلبي وعافني زين الطبع
امحمل الغالي وبدونه ضال ينبض بس وجع

الوجع اه الوجع اه الوجع اه
كله من الجره كله من الجره
دفناه ... دفناه ... دفناه
❥❥❥❥ـــــــــــــ❁❁ـــــــــــــ❥❥❥
متت ** چم موته هاي اتلث ليالي
متت ** لـــمن يون عزي و دلالي
متت ** چي باوعت لمچانه خالي

متت ** بس الجسد ما دافنينه
متت ** من سدها ابوي اكبالي عينه
متت ** لمن سمعت انه ونينه

كون يرجعلي الجفاني وكون ترجع ضحكته
گلبي مصدوم برحيله ما استوعب موتته

علياه علياه علياه
جرحه مابره جرحه مابره
دفناه ... دفناه ... دفناه
❥❥❥❥ـــــــــــــ❁❁ـــــــــــــ❥❥❥
بعد ** ماعندي ابو واسمي يتيمه
بعد ** من هسه راح اشبع هظيمه
بعد ** المن يسولف كلبي ضيمه

بعد ** بس الدمع كلساه يجيني
بعد ** بفراگه اريد اعميها عيني
بعد ** خنگه بدونه كل سنيني

بعد مدفون اليمرلي لو يجي وكت العصر
نام ويلي بالمكابر وانه ميته من القهر

بلياه بلياه بلياه
اصير اميسره اصير اميسره
دفناه ... دفناه ... دفناه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

https://t.me/yetgwwea

16,905

لطميات حسينيه نسأئيه مكتوبه

01 Apr, 02:10

قصيدة فزاعيه ( لاستشهاد الامام علي ع )
.....................

العيد اجانه ياعلي
لا تمشي و تخلينه

العيد ايام ويجي
بعدك عليمن ننتجي
لتروح و نضل بالبجي
غيرك منو ايهم بينه

منهو يهم لينه بعد
ياحيدر و انته الضمد
مو تدري ياذينه الفگد
و اغيابك يبجينه

اغيابك انخلصه هضم
و العيد يا بويه لطم
شملك منو بعدك يلم
محد ترا ايلم بينه

منهو اللي يجمعنه سوه
يابعد روحي و الهوه
لو تمشي گلبي ينجوه
و الجفن تهمل عينه

تهمل ادموع الفاگده
بالعيد منهو اتعايده
ثوبي بعد ما جدده
غاب الحنين اعلينه

منهو يگص ثوب الفرح
لو تمشي گلبي ينجرح
بالمگبره عيدي الصبح
وياك يا والينه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له

https://t.me/yetgwwea

14,572

لطميات حسينيه نسأئيه مكتوبه

01 Apr, 01:05

قصیده للامام علي ع {{خربانه المحنه}}

بتک یا علي عالضیم مابیها
خربانه المحنه و موته اهالیها
ــــــــــــــــــــــــــ
بتک یا علي ما تحمل الونه
المشیمني صیته اشلون افگدنه
اشلون الیل بعدک بویه انامنه
شایل یا علي وروحي تجافیها
ـــــــــــــــــــــــــــــــــــ
شایل وین یا عزي ودلالي
اخلص الیل بالون هاذه حالي
عگب الدللاني الهم صفالي
وین ایرید ابو روحي الیباریها
ــــــــــــــــــــــــــ
العاشت بالدلال افراگ ماتحمل
تجر ونه علیک وعینهه تهمل
البت ابلا ابوهه یا علي تنذل
روحي اتموت لو راح الیداریها
ـــــــــــــــــــــــــــــــــــــــــــ
روحي اتموت یابوحسین لیلیه
تره انه اوداعتک محمل مهضمیه
نایم بالنجف وانه انگطع بیه
علیله العافیه و یاهو الیداویها
ــــــــــــــــــــــــــــــــــــــ
علیله العافیه والروح مسلوله
شیال الحمل حیدر دگلوله
هدل متني یبویه وطاحن احموله
بتک ناحله وترید والیها
ـــــــــــــــــــــــــــــــــ
تمت بعون الله تعالی
کلمات یاسمین الشموسي

https://t.me/yetgwwea

13,797

لطميات حسينيه نسأئيه مكتوبه

23 Mar, 23:02

قصيده للامام علي ع {ليش يوميه}

ليش يوميه النفس يخنگني بالليل
گلبي ماعايز اهموم وفگدك ايعيل
❥❥❥❥ـــــــــــــ❁❁ـــــــــــــ❥❥❥❥
آخ يالجرحك ابين اضلوعي نيشان
آخ بس چم آخ تترس بويه المجان
گلبي ماعايزله يتعب تدري عيزان

فز اليــــه يالونـــــــينك رگد الحيل
ليش يوميه النفس يخنگني بالليل
❥❥❥❥ـــــــــــــ❁❁ـــــــــــــ❥❥❥❥
تدري بي شگد يحن ليك اليدگ
بكل مسيه بسبب الاشواگ احترگ
اشم بالصوره اضل لو اختنگ

اعتازلك لا تبطي اه ياريحه الهيل
ليش يوميه النفس يخنگني بالليل
❥❥❥❥ـــــــــــــ❁❁ـــــــــــــ❥❥❥❥
اجروحي ديره شلون اداويها يوالي
رايح وعايفيني بدموعي التلالي
تعمه عيني ولا اشوف البيت خالي

شعجب مارداك وني ودمعي ليسيل
ليش يوميه النفس يخنگني بالليل
❥❥❥❥ـــــــــــــ❁❁ـــــــــــــ❥❥❥❥
اليختنگ ويريد بس شوفة حبيبه
بعلته لا ميطيح صدگني طبيبه
الراده گلبي بهل مسيه امنين اجيبه

كمت اكتب ياعلي بدمعي مراسيل
ليش يوميه النفس يخنگني بالليل
❥❥❥❥ـــــــــــــ❁❁ـــــــــــــ❥❥❥❥
اعليك لو نشدوني اكلهم يلفي باجر
ومثل كل ليله عله شوفك ابقه اناطر
آخ لو بس تدري بيه اكسر الخاطر

كاضيه عافيتي بعدك من العويل
ليش يوميه النفس يخنگني بالليل
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

https://t.me/yetgwwea

17,787

لطميات حسينيه نسأئيه مكتوبه

23 Mar, 20:15

قصيدة للامام علي ع {سوت فاتحة}

سوت فاتحه ام عون اعله واليها
صاحت يالعيون اتريد غاليها
❥❥❥❥ـــــــــــــ❁❁ـــــــــــــ❥❥❥
سوت فاتحه والدمعه مجريه
صاحت ياعلي للفركه مابيه
احزان الكون كلها التمت اعليه

ام عون لفرگـتك يالوالي مابيها
❥❥❥❥ـــــــــــــ❁❁ـــــــــــــ❥❥❥
افراگك ما احمله ردلي يالوالي
بس النوح عكبك صار يحلالي
يكون وياك ميته كلش اشوالي

زينب يالحنين الحزن غاطيها
❥❥❥❥ـــــــــــــ❁❁ـــــــــــــ❥❥❥
غاطيني الحزن بعدك يعافيتي
شلون تعوفني ها يانفس ريتي
صار اضلم بدونك يالشلت بيتي

وعيوني الدمع بالفركه عاميها
❥❥❥❥ـــــــــــــ❁❁ـــــــــــــ❥❥❥
عاميهه الدمع وتريدك اعيوني
تعال اعليه انشد يالولي اشلوني
بعدك يالحنين العده ايضربوني

بنيتك حيل تعبت كوم حاجيها
❥❥❥❥ـــــــــــــ❁❁ـــــــــــــ❥❥❥
حاجيني يبويه تعبت بلفرگه
بعد وياك كلي هم تصح ملگه
توجعني وحك اعيونك الشهگه

روحي تون عليك و لا تخليها
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

https://t.me/yetgwwea

13,099