Alamura Seventh Day Adventist Church , Hawassa (የሀዋሳ አላሙራ 7ኛ ቀን አድቬንቲስት ቤተክርስቲያን)

ማስታወቂያ
በቀን 19/05/2017 ዓ.ም ጀምሮ 24/05/2017 ዓ.ም ከድቭዥን (south africa) የመጡ እንግዶች ጋር ልዩ የአምልኮ እና የትምህርት ሳምንት ይሆናል ስለሆነም ሁላችሁም የቤ/ያን አባላት ሌሎችን በመጋበዝ እንድትካፈሉ ተብለዋል።
የአላሙራ ሰባተኛ ቀን ቤ/ያን

በቀን 25/05/2017 ማለትም ቀጣይ እሁድ 10:00 ላይ የአጠቃላይ የመዘምራን የመዝሙር ጥናት ስላለን በዝህ ሰዓት ላይ ለላ ቀጠሮ መያዝም ሆነ መቅረት አይቻልም።
የጌታ ፀጋ ከሁላችን ጋር ይሁን!
የአላሙራ ሰባተኛ ቀን አድቬኒቲስት የመዘምራን ኮሚቴ!

በቀን 17/05/2017 ዓ.ም
የዛሬው ሰንበት ዉሎ በጥቂቱ

ሰንበት ትምህርት ዛሬ አራተኛ ክፍል ስሆን ርዕሱ እግዚአብሔር አፍቃሪና ሩኅሩኅ ነዉ የምል ነዉ። ይህ ትምህርት እግዚአብሔር ሰዎችን እንዴት በጥልቅ ፍቅር እንደምወድ በሥፋት ይተርካል። የእግዚአብሔር ፍቅር በሰዎች አዕምሮ ልለካ የማይችል እንደሆነ ያትታል።

የዛሬው ሰንበት ትምህርት እግዚአብሔር ለእኛ ያሳየውን ፍቅር እንዴት ተግባራዊ ማድረግ እንችላለን በገጽ 40

የመጀመሪያ አንቀፅ ላይ የሚከተለው ሀሳብ አለ።
1.የመጀመሪያ ብቸኛው ተገቢ ምላሽ ፍቅር የሆነዉን አምላክ ማምለክ
2.ለሌሎች ርኅራኄ እና ደግነት የተሞላበት ፍቅር በማሳየት ፤በክርስትና እምነታችን ረክተን መቀመጥ ብቻ ሳይሆን ሌሎችንም ለማጽናናት መነሳሳት አለብን
3.የመጨረሻዉ እግዚአብሔር ብቻ እንጂ እኛ ልባችን መለወጥ እንደማንችል መገንዘብ አለብን ።

ከሁሉም በላይ እንድህ ዓይነቱ ፍቅር በሕይወታችን ሊታይ የሚችለው የመንፈስ ቅዱስ ፍሬ ሆኖ ነዉ። መንፈስ ቅዱስ በእምነት የክርስቶስ ኢየሱስ ለሆኑት በልባቸዉ ዉስጥ የእግዚአብሔር ፍቅር ያፈስላቸዋል (ሮሜ 5:5)
ስለዚህ እግዚአብሔርን አዲስ ልብ እንድሰጠን እንለምነው።

የቃል ጊዜ:- ክርስቶስ ለምን ከይሁዳ ወገን ተወለደ
1.ትንቢቱ ይፈፀም ዘንድ ነዉ።( ዘፍ 49:8)
2.ለዳዊት የተገባውን ቃል ክዳን ለመፈፀም (ኢሳ 11:1) & (2ኛ ሳሙ 7:12-16) (ማት 1:1)
3.ይሁዳ ንጉሳዊ የሆነ የዘር ግንድ ሆኖ ስለተመረጠ ነዉ። (ዘፍ 37:26)
4.ይሁዳ የተመሰለበት መንገድ ነዉ።( ዘፍ 49:9)& (ራዕ 5:5)
5.የሰማይ ፍቃድ ስለሆነ (ማት 1:1)
6.የላቄ የመርነት ምና፤ሌሎች እራሱን አሳልፎ የመስጠት ምና እና ነገሮችን በጥልቀት የማገናዘብ ችሎታ ታይተዉ ነዉ። (ዘፍ 44:18-33)
የጌታ ፀጋ ከሁላችን ጋር ይሁን!

2017/18 ዓ.ም የዘርፎች የአገልግሎት ጊዜ ሰለዳ።

ማስታወቂያ
1.ነገ ማለትም 11/05/2017 ዓ.ም ሁሉም የቦርድ አባላት መናኸሪያ ሰባተኛ ቀን ቤ/ያን ላይ ስብሰባ አለ።
ስብሰባዉ ጠዋት 2:30 ይጀመራል። መቅረት አይቻልም

2. 2025 G.C የተመረጣችሁ አባላት በቀን 18/05/17 ማለትም በቀጣይ እሁድ ቀን ሥልጠና ይሠጣል።

3.ቀን 18-24/05/2017 በምስራቃዊ ዩኔን ሚሽን አዘጋጅነት ከድቭዥን የመጡ እንግዶች ሥልጠና ይሠጣሉ። ሥልጠናው ማንንም አይለይም! ሁሉም የቤ/ያን አባላት ይሳተፋሉ። ሥልጠናዉ ዘወትር 12:00-2:00 ይሠጣል።

4.የ2025 የተመረጣችሁ የዘርፍ አስተባባሪዎች ከዛሬ ማለትም 10/05/2017 ዓ.ም ጀምረዉ የዓመቱን ዕቅድ ለቤ/ክ ፀኃፍ እንድታስረክቡ ቤ/ያን መልዕክቷን ታስተላልፋለች።

5.ነገ ማለትም 11/05/2017 የቦርድ አባላት ስብሰባ 10:00 ላይ አለ። ሁሉም የቦርድ አባላት ቤ/ያን እንገናኝ።
መልካም የአምልኮ ጊዜ!

Share 'Alamura 10 days prayer schedule .pdf'

የሳምንቱ አስደሳች ዜና(እድል)
ከዛሬ ጀምሮ ለተከታታይ 10 ቀናት የሚቆይ ከአምላካችን ጋር የምንገናኝበት የፀሎት ሳምንት ፕሮግራም! ማለትም 04-12/05/2017 ዓ.ም የሚቆይ ይሆናል!

ፕሮግራሙ ዘወትር 12:30-2:00 ሰዓት ድረስ ነዉ።

" በጸሎትና በልመናም ሁሉ ዘወትር በመንፈስ ጸልዩ፤ በዚህም አሳብ ስለ ቅዱሳን ሁሉ እየለመናችሁ በመጽናት ሁሉ ትጉ፤"
(ወደ ኤፌሶን ሰዎች 6:18)

ሁላችሁም ተጋብዛችኋል! ለበለጠ መረጃ ከታች ባለዉ መረጃ ላይ መመልከት ይቻላል!

ተባረኩ!

ቀን 04/05/2017

Good news for all! መልካም ዜና ለሁሉም!
እኝ ቤተሰብ አጭር ታሪክ!
በጣም ብዙ አመታት በኋላ ወደጌታ የተመለሰው ወንድም ከመላው ቤተሰቡ ጋር በመሆን ምዕመኑን ተዋውቋል። የዚህ ቤተሰብ አመጣጥ እጅግ የሚያስደንቅ ሲሆን፣ ይህ ቤተሰብ ባሳለፍነው ማክሰኞ ታህሳስ 29 በመላው ኢትዮጵያ የገና በዓል የሚከበርበት ወቅት የቤ/ያናችን እናቶች፣ እህቶች፣ አባቶች በመሰባሰብ ዕለቱን በቤተክርስቲያን ጌታን ለማመስገን ተሰብስበው በአስደናቂ ሁኔታ በጣም በርካታ ሰዎች ፕሮግራም ሲያደርጉ ሳለ በመንገድ እያለፉ የነበሩ ባልና ምስት የቤ/ያንቱን ታፔላ በማየት ባል "ይህ ጥንት እኔ የሚገባበት ቤ/ያን ነው" በማለት አጋጣሚ ሲገቡ ነበር ፕሮግራም እያደረጉ ከነበሩ ወገኖች ጋር በመቀላቀል ወደ ህብረቱ የመጡት። ከዛም እዛው ምስክርነታቸውን በማቅረባቸው በወቅቱ የነበሩ አባላት በሙሉ በ2 ቀናት ልዩነት በዕለተ-ሐሙስ ወደዚያ ቤተሰብ ቤት በመሄድ የተለየ ፕሮግራም ተደርጎ ተመልሰው በዚህ ሰንበት ደግሞ በሙላተ-ጉባኤ ፊት ተዋውቀው ቤ/ያንን ተቀላቅለዋል።

ምን እንላለን የጌታችን ስም ለዘለዓለም ይባረክ!
መልካም ሳምንት

ዛሬ የ2025 G.C ለተመረጡ ተመራጮች ስልጠና ተሠጥቷል።

ስልጠናዉ በአራት ቡድን ተከፋፍሎ ነዉ የተሠጠው።

" እንግዲህ፥ ወንድሞች ሆይ፥ ሰውነታችሁን እግዚአብሔርን ደስ የሚያሰኝና ሕያው ቅዱስም መሥዋዕት አድርጋችሁ ታቀርቡ ዘንድ በእግዚአብሔር ርኅራኄ እለምናችኋለሁ፥ እርሱም ለአእምሮ የሚመች አገልግሎታችሁ ነው።"
(ወደ ሮሜ ሰዎች 12:1)

(ወደ ሮሜ ሰዎች ምዕራፍ 12)
----------
እግዚአብሔር ለእያንዳንዱ የእምነትን መጠን እንዳካፈለው፥ እንደ ባለ አእምሮ እንዲያስብ እንጂ ማሰብ ከሚገባው አልፎ በትዕቢት እንዳያስብ በመካከላችሁ ላለው ለእያንዳንዱ በተሰጠኝ ጸጋ እናገራለሁ።
በአንድ አካል ብዙ ብልቶች እንዳሉን፥ የብልቶቹም ሁሉ ሥራ አንድ እንዳይደለ፥
እንዲሁ ብዙዎች ስንሆን በክርስቶስ አንድ አካል ነን፥ እርስ በርሳችንም እያንዳንዳችን የሌላው ብልቶች ነን።
እንደ ተሰጠንም ጸጋ ልዩ ልዩ ስጦታ አለን፤ ትንቢት ቢሆን እንደ እምነታችን መጠን ትንቢት እንናገር፤
አገልግሎት ቢሆን በአገልግሎታችን እንትጋ፤ የሚያስተምርም ቢሆን በማስተማሩ ይትጋ፤
የሚመክርም ቢሆን በመምከሩ ይትጋ፤ የሚሰጥ በልግስና ይስጥ፤ የሚገዛ በትጋት ይግዛ፤ የሚምር በደስታ ይማር።
ፍቅራችሁ ያለ ግብዝነት ይሁን። ክፉውን ነገር ተጸየፉት፤ ከበጎ ነገር ጋር ተባበሩ፤
በወንድማማች መዋደድ እርስ በርሳችሁ ተዋደዱ፤ እርስ በርሳችሁ ተከባበሩ፤
(ሮሜ 12:3-10)
ጌታ ይባርካችሁ!!

ለቤተክርስቲያን ወጣቶች ማስታወቂያ

በፊታችን ባለው ሰንበት አርብ ምሽት እና ቅዳሜ ሙሉ ማለትም ታህሳስ 18 እና 19 በአላሙራ ሰቀአ ቤ/ያን የ2024 G.c የአመቱ መጨረሻ የወጣቶች ዘርፍ አገልግሎት ቀን ነው። በዚህ ቀን በቤ/ያን ውስጥ ያሉ ወጣቶች በሙላት እንዲያገለግሉ ይፈለጋል በዚህም መሰረት ነገ እሮብ 16/04/2017 ዓ.ም በአላሙራ ቤ/ያን የዝማሬ ጥናት ስለምኖር ሁላችሁም በ11:00 ላይ የዝማሬ ጥናት ላይ እንድትገኙ የወጣቶች ዘርፍ አስተባባሪዎች ያሳስባሉ።

Mass-Wedding
እሁድ 13/04/2017 ዓ.ም በኢትዮ-ባርናባስ ሚኒስትሪ አዘጋጅነት የተደረገው ልዩ የMass-Wedding ስነ-ስርአት በHope Channel Ethiopia ማህበራዊ ሚዲያዎች ላይ በፎቶ ተለቋል፣ በወቅቱ የነበረው ድባብ በሙላት በHope channel Social media'ዎች ላይ በሙላት መረጃውን ከዚያ አግኙ እያልን፣ በወቅት ከነበሩ ድባቦች በጥቂቱ ከዚህ በታች አስቀምጠናል። በሙላት ግን በዚህ ማስፈጠሪያ/Link https://t.me/hopetvethiopia ገብታችሁ መመልከት ትችላላችሁ። እግዚአብሔር ይባርካችሁ።

ሰላም ምዕመናን!

የሲዳማ ሚዲያ ኔትወርክ ዛሬ ማታ 2፡30 ላይ የብዙሐን ሰርጉን ዜና በሲዳሚኛ ያስተላልፋሉ።

የምትችሉ ተከታተሉ ለሌሎችም አድርሱ::

ተባረኩ!

የአላሙራ 7ተኛ ቀን አድቬንቲስት ቤ/ያን የ2025 G.c ምርጫ ለማካሔድ 7 አባላትን ያቀፈ #አስመራጭ_ኮሚቴን በዛሬው ዕለት ምዕመኑ መርጧል። በዚህም መሰረት:-
አቶ ስንታየሁ ነጋኦ
አቶ ሔኖክ ዱካም
አቶ ማቴዎስ ማርሳ
ወ/ሮ ዘነበች ሻሸጎ
ወ/ሮ አስቴር ዱካሞ
ወጣት ታመነ ተሾሜ
ወጣት አሳምነው ኤልያስ
ከሽማግሌ እስከ ወጣቶች እንደየቅድመ-ተከተላቸው ተመርጠዋል።

👉 አስመራጭ ኮሚቴ ማለት በቤ/ያን ውስጥ ለሚገኙ ከ18 ላለፉ ዘርፎች በ2025 G.C ላይ ዘርፎቹን ወክለው የምሰሩ የቤ/ያን ምዕመናን የምመርጡ ሲሆን፤ የቤተክርስቲያንቱን ምዕመናን፣ ወጣት ሽማግሌውን በተቻላቸው መጠን ሁሉንም የሚያውቁ ናቸው ተብሎ ይታሰባል።

ሰንበት ቀን የሚኖረውን ምርጫ በተመለከተ...

ውድ ምዕመናን

የጌታ ሰላም በያላችሁበት ይብዛላችሁ

ባለፉት ሰንበታት ከመድረክ እንዳሳወቅናችሁ የፊታችን ቅዳሜ (ህዳር 7/2017 ዓ. ም) ቤተ ክርስቲያናችንን ለሚቀጥለው አንድ አመት የሚያገለግሉ ወገኖችን ምርጫ የሚያከናውኑ የቤ/ክ አባላትን ምርጫ እናከናውናለን ወይም ይህንን ስራ በእኛ ፈንታ ለሚያከናውኑ ብቁ ወገኖች ውክልናችንን እንሰጣቸዋለን።

ከቤተ ክርስቲያን መምሪያ ምዕራፍ 9 (ገፅ 177 ጀምሮ) ይህንን ጉዳይ በተመለከተ ከተፃፈው በጥቂቱ እናጋራችሁ።

"የአገልግሎት ዘርፍ ኃላፊዎች የሚመረጡት ለአንድ ወይም ለሁለት አመት ሲሆን የሚመርጣቸውም አስመራጭ ኮሚቴ ነው። ይህ ኮሚቴ ሪፖርቱን ወደ ቤ/ክ ይዞ ይመጣል። ቤ/ክንም በቀረቡት ስሞች ላይ ድምፅ ትሰጣለች።

"መራጭ ኮሚቴ የቤተ ክርስቲያኗን ፍላጎት ያጠናል። ግለሰቦችም በተለያዩ ዘርፎች ምን ያህል የማገልገል አቅም እንዳላቸው ያጤናል።

"በመራጭ ኮሚቴ አባልነት እንዲያገለግል መመረጥ ያለበት ቋሚ የቤ/ክ አባል ብቻ ነው። ይህም ሰው አመዛዝኖ መፍረድ የሚችልና የቤተ ክርስቲያኗ ደህንነትና ብልፅግና በልቡ ውስጥ ስፍራ ያለው መሆን አለበት።...ይህ ኮሚቴ በጥልቅ ፀሎት ስራውን ይጀምራል።"

በተቻለ መጠን አባላትን የሚያውቅና መክሊታቸውንም የተገነዘበ፤ በከፍተኛ ሁኔታ ምስጢር ጠባቂም መሆን ይኖርበታል።

እንዲህ ያሉ እግዚአብሔር ያያቸውን የሚያዩ እና በእምነትና በመንፈስ ብቻ የተሞሉ ወገኖችን መምረጥ የሚችሉ እነርሱም እንዲሁ የሆኑ አባላትን በዚህ ሰንበት እንመርጣለን።

አብዝተን እንፀልይ። አብዝተን እንፀልይ። አስበንም እንምጣ።

ጌታ ይባርካችሁ

*በፅሁፉ ላይ በወንድ ጾታ የተጠቀሱት ለሴቶችም የሚያገለግሉ እንደሆኑ በትህትና እንገልፃለን።

Job vacancy

መልዕክት ከስልጠናው አዘጋጅ:-

- ስልጠናው እንደሰልጣኞቹ ንቃት የሚወሰን ሲሆን እንደሁኔታው ከ1 ወር - 3 ወር ሊፈጅ ይችላል፤
- ስልጠናው ለቤ/ያንቱ መመስረት ዋና መሪ በሆኑት በ28ቱ መሰረታዊ እምነቶች ላይ ያተኮረ ነው፤
- ይህን ስልጠና ማንም መሰልጠን ይችላል፣
- የስልጠናው አዘጋጅ አቶ ሳሙኤል ባካሎ ናቸው
- ለሰልጣኞች በሙሉ ማስታወሻ ደብተር ተዘጋጅቷል
- በስልጠናው መጠናቀቂያ ላይ የመጽሐፍ ቅዱስ ሽልማት ተዘጋጅቷል
- ስልጠናው ለጊዜው እሁድ ክ9;00~12:00 የሚሰጥ ሲሆን እሮብ ደግሞ ከ12-1:30 ይሰጣል፣ በስምምነት ሌላም ቀን ይጨመራል።

እሁድ በነበረው የመጀመሪያ ቀን ስልጠና ላይ እንደመግቢያነት ከላይ በተነሱ ሀሳቦች ላይ የተወያየን ሲሆን እሮብ ምሽት ደግሞ ወደ ትምህርቶቹ ሙሉ በሙሉ ይገባል።

ስልጠናው እሮብ ምሽት 12:00 ላይ ይቀጥላል።

የስልጠናው አዘጋጅ አቶ ሳሙኤል ባካሎ

በመጀመሪያ ቀን ስልጠና ላይ የተገኙ ወጣቶች እና ምዕመናን

ማስታወቂያ_ለወጣቶች

ዛሬ እሁድ 9:00 ላይ የሚጀምረው ስልጠና እንደተጠበቀ ነው፤ባለፉት 2 ሰንበታት በቁጥር ከ100 የሚያልፉ ወጣቶች በተመዘገቡበትና የ7ተኛ ቀን አድቬንቲስት ቤ/ያን 28ቱ መሰረታዊ እምነቶች ላይ ያተኮረው ስልጠና ዛሬ ጅማሮውን ያደርጋል፣ ስለዚህ ከ9 ሰዓት በፊት በቤ/ያን እንድንገኝ የስልጠናው አስተባባሪዎች ያሳስባሉ።

👉 11 ሰዓት ላይ በአቶ ዛዛ ጬቡ ቤት የማፅናኝ ፕሮግራም ስለምኖር የፕሮግራሞች መጋጨት እንዳይፈጠር በጊዜ እንገኝ።

📌 ስልጠናው የምደረገው በቤ/ያን ነው።

ሰላም ቤተሰብ!

ትላንት በሀዋሳ ማረሚያ ተቋም የምትገኝ የሰ/ቀ/አ/ቤ/ክ በይፋ ስራዋን የጀመረች ሲሆን በጌታ ጸጋም የተባረከ ጊዜ በዚህች አጥቢያ ነበረን!

እስካሁን በነበረው ሂደትም በአንድም በሌላም አስተዋጽኦ ያደረጉ ወገኖችን በዚያ የተገኙ ወገኖች አብዝተው ባርከዋል።

በረከቱ ለሁላችሁም ይድረስ!

የሚከተሉትን ፎቶግራፎች በማየት እንድትባረኩ ፣ በቀጣይ እርስዎም ከቤተሰብዎ እንዲሁም ከቤ/ክ አገልጋዮችዎ ጋር ሄደው ወገኖችን የሚጎበኙበትን ፣ የሚያገለግሉበትን ጊዜ ከሚመለከታቸው የቤ/ክ መሪዎች ጋር እንዲያመቻቹ ፣ ጌታ ፈቅዶ ደግሞ ሄደው እስኪጎበኙ ድረስ በዚያ ያለውን የቤተ ክርስቲያኒቱን የግንባታም ሆነ ሁለንተናዊ አገልግሎት ካሉበት ሆነው እንዲደግፉ በአክብሮት ቤ/ክ ጥሪዋን ታስተላልፋለች።

ተባረኩ!

ቅዳሜ 3
የውዳሴ ኳየር የ16ተኛ አመት የምስረታ የምስጋና ፕሮግራም (ጥቅምት 2017)

ቅዳሜ 2
የውዳሴ ኳየር የ16ተኛ አመት የምስረታ የምስጋና ፕሮግራም (ጥቅምት 2017)

ቅዳሜ 1
የውዳሴ ኳየር የ16ተኛ አመት የምስረታ የምስጋና ፕሮግራም (ጥቅምት 2017)