AL-AMIN.UZ

ОХИРАТ НАЖОТИ.

Нажотни хар ким ўз қаричи билан ўлчайди. Мусулмон инсон эса хар нени жавобини шариатдан қидиради. Бу эса нажотнинг энг тўғри йўлидир.
Келинг, бизлар ҳам нажот нимада эканлигини набавий таълимотдан ўрганамиз:

Уқба ибн Омир розияллоҳу анҳудан ривоят қилинади:

«Эй Аллоҳнинг Расули, нажот недир?» дедим.

«Тилингни тий. Уйингга сиғ. Хатоингга йиғла», дедилар».

Имом Термизий ривоят қилган.

"Тилингни тий"- Ҳа, инсон бошига келадиган бало кўпроқ унинг тилидан келади. Ноўрин, беҳуда гап-сўз кишини уятга қўяди. Шунинг учун нажот тилни тийишда эканлигини Пайғамбар алайҳис салом таълим бермоқдалар.

"Уйинга сиғ"  -  кўчаларда сабабсиз ўтирма. Беҳуда вақтингни зое қилиб одамлар ўтадиган йўл бўйларини маскан  қилиб олма. Одамларни назаридан қоч, уйингда ўтир.

"Ҳатоинга йиғла"- доим тавба қилувчи банда бўл. Ёшинг бир жойга етди ҳануз тавбанг йўқ. Қачон ўтказган гуноҳларинг учун йиғлайсан? Бугун ҳатоларинга йиғласанг эртага нажот топгувчилардан бўласан.

АБДУРАХМОН ДОМЛА АРТИҚОВ
Исломшунос-олим.

https://t.me/al_aminuz

Пешин олди суҳбатлар

Устоз Абдурахмон домла.

Сийрат китобидан:

17 - илмий маърифий суҳбат.

Иймон йўлидаги уқубатлар

Салафийларга раддия.

https://t.me/al_aminuz

Уч нарса аёллик латофатини камайтириб юборади: итоатсизлик, асабийлашиш ва овозни кўтариш.

«Ҳикматлар – саодатга етаклар» китобидан

https://t.me/al_aminuz

Яхши эркакни аёли кетмайди,
Яхши аёлдан эри кечмайди.

https://t.me/al_aminuz

Агар бор олғонингнинг яхши ҳоли,
Дема хотун, дегил диннинг камоли.

Сўфи Оллоҳёр қуддиса сирруҳу

Шарҳ:
Агар никоҳингга олганингнинг юриш-туриши, одоб-ахлоқи яхши бўлса, уни хотин дема, балки динингнинг камоли, уйингнинг жамоли, раҳмату баракотнинг сабаби дегил.

Равойиҳур райҳон китобидан

https://t.me/al_aminuz

Аёллар фақат жаҳолат, динсизлик, илмсизлик ҳукмрон бўлган хонадонларда хор бўладилар, аммо солиҳларнинг уйларида улар маликалардир.

https://t.me/al_aminuz

ЧЕГАРА

Одамзот нима учун кафтдек ҳовлисига гул экади? Ундан кўра шолғом экса, қозонига тушади-ку.

Одамзот нима учун булбул чах-чахини эшитганда энтикиб кетади? Ундан кўра булбулни шўрвага солиб пиширса, нафсини қондиради-ку.

Одамзот нима учун осмонда чарақлаб ётган юлдузларни кўриб, кўнгли завққа тўлади? Юлдузлар унинг ҳамёнидаги тиллалар эмас-ку.

Одамзот нима учун китоб ўқиётиб, суюкли қаҳрамони ўлиб қолса йиғлайди? Уни ёзувчи «ичидан тўқиб чиқаргани»ни билади-ку?

Одамзот нима учун ўзга юртларга бориб беҳисоб мол-дунё орттирсаю, иттифоқо болалиги кечган кулбаси тушига кириб қолса, туни билан йиғлаб чиқади? Ахир у шоҳона қасрда яшайди-ку.

Одамзот нима учун боласининг бошида алла айтади? Гўдак алла эшитмаса ухламайдими?

Одамзот нима учун неварасини етаклаб неча замон аввал ўтиб кетган бобосининг қабрини зиёрат қилади?

Гап шундаки, Одамзотни ҳайвонотдан ажратиб турадиган чегара бор. Бу чегаранинг номи Маънавият деб аталади

Ўткир Ҳошимов

https://t.me/al_aminuz

Ассалому алайкум ва раҳматуллоҳ

Аллоҳни Робб деб, Исломни дин деб ва Муҳаммад соллаллоҳу алайҳи васалламни Набий деб рози бўлдим.

https://t.me/al_aminuz

КЕЛИН ХИЗМАТКОР ЭМАС.

Ҳонадондаги барча ишлар фақатгина келиннинг зиммасида бўлмаслиги керак. Маърифатли оилалар келинни ўз қизлари қатори билади. У қул эмас, хизматкор эмас. Тўғри, уй ишлари, эрни хизмати учун савоб олади. Хар ишда адолат бўлмоғи лозим. Келин гўдагига қарасинми, эригами, қайнонани кўнглигами, қозон-тавоққами?

ЭЙ ЙИГИТЛАР❗️
Уй юмушларида Пайғамбар алайҳис салом аёлларига кўмаклашганлар. Пайғамбардек зот уй супирганлар, таом тайёрлаганлар, либосларини тикканлар. Хозирги ўғил болалар бу ишни ор билади. Суннатни ор билишлик жафо бўлади. Оила юмушлари фарзандли аёлларнинг  ўзларигагина юкланса уларга  жабр бўлади.

ҚАЙНОНАЛАР❗️
Келиннинг рўзғордаги баъзи камчиликларини рўкач қилиб уларни камситманг, аксинча кўмаклашинг, ўргатинг, насиҳат қилинг, бир қизни воега етказиб, иффатини асраб-авайлаб сизга берса зулм қилманг! Аллоҳдан қўрқинг! Фарзандларингиз  оиласини бузманг, ажратиб юборманг!

Мўмин-мусулмон бузувчи эмас, ислоҳ қилувчи бўлади.
Хар ишда МЕЗОН бўлиши керак.


АБДУРАХМОН ДОМЛА АРТИҚОВ.
Исломшунос-олим.

https://t.me/al_aminuz

Аҳмад ибн Ҳарб роҳимаҳуллоҳ айтади: "Аллоҳга эллик йил ибодат қилдим. То уч нарсани тарк қилмагунимча ибодатнинг ҳаловатини топмадим:

1. Одамларни рози қилишни тарк қилдим, ҳақиқатни айтишга қодир бўлдим;
2. Фосиқларнинг суҳбатини тарк қилдим, солиҳлар суҳбатини топдим;
3. Дунё лаззатларини тарк этдим, охират лаззатини топдим".

https://t.me/al_aminuz

Сўнги васият.

Шайҳ Нуриддин Ҳолиқназар ҳазратлари.

Пешин олди суҳбатлар

Устоз Абдурахмон домла.

Сийрат китобидан:

16 - илмий маърифий суҳбат.

Исломга даъват

https://t.me/al_aminuz

Аёлларнинг кўчада юриш одоблари.

Инсон ҳожати юзасидан кўчага чиқар экан у кўчанинг одобларига амал қилмоғи унинг қай даражада одоб чиқарганлигига, оиладаги тарбиясига боғлиқ. Айниқса, бу борада аёл-қизларимиз ўзларининг қай даражада одоб соҳибаси эканлигини намоён қиладилар. Минг афсуслар бўлсин-ки, бугунги кун аёл-қизларини аксарини кўчаларда юриш одобини билади ва амал қилмоқдалар дея олмаймиз.
"Қуш уясида кўрганини қилади" деганидек оиладаги тарбия одамнинг кимлигини ошкор қилади.
Шундай экан фарзандларимиз тарбиясига эътиборсиз бўлмайлик!
Ҳўш, кўчада юриш борасида шариат қандай таълим беради?

Абу Усайд Ал-ансорий Розияллоҳу анҳу айтадилар:
- Расулуллоҳ ﷺ масжиддан чиқаётиб , эркаклар билан аёллар йўлда қоришиб кетганларини кўриб айтдилар :

- "Четроқ туринглар, йўлнинг ўртасидан юриш сизларга эмас!.
Сизлар йўлнинг четини лозим тутинглар" дедилар .

Саҳобий айтадиларки :

- "Шундан сўнг , аёллар (йўл четидаги) деворларга ёпишиб юришларидан, хатто кийимлари деворга илашиб қолар эди"

(Имом Абу Довуд ривояти)

Саҳобия аёлларнинг бу амрга бўйнсунишларида муболағани қаранг : "Эркакларга тегиб кетмасак бўлдида" деб Расулуллоҳ ﷺ амрларини ўзларича таъвил қилмадилар . Асли Расулуллоҳ ﷺ уларга : "Деворга суркалиб юринглар" демадилар . Аммо улар "четда юринглар" деган амрни ортиғи билан адо қилдилар!

Бизнинг замонамизда эса , афсусларким, аёлларни юриш-туришидан эркак уялиб кетасан гоҳида.
Масжидларга борар экансиз кўчаларда бемалол гап сотиб ўтирган аёлларни кўрамиз. На қочади, на ўзини четга олади.
Аёл оилада мадрасадир. У фарзанд тарбиячиси, келажак давомчиси. Шундай экан, биз эркаклар аҳли аёлларимиз юриш-туришига, тарбиясига жавобгармиз. Эркак, эр бўлиб шариат олдидаги ўз вазифасини бажарар экан, иншааллоҳ, жамият ҳам ислоҳ йўлига ўтади.

Абдурахмон домла Артиқов.

https://t.me/al_aminuz

Одоб ва эҳтиромни йўқотсанг, ҳаётнинг қадри қолмайди..

Бир йигит велосипеди билан қари аёлни туртиб кетди. Узр сўраб, йиқилган еридан турғизишга ёрдам қилиш ўрнига кулиб, йўлида давом этди. Онахон эса ортидан унга қараб:
«Сенинг бир нарсанг тушиб қолди», деди.
Йигит дарҳол орқасига қайтди ва қидира бошлади. Кекса аёл унга шундай деди: «Қидириб овора бўлма. Сен инсонийлигингни тушириб қолдирдинг. Энди уни асло тополмайсан».

https://t.me/al_aminuz

Ҳаёт йўлларингни гуллар билан безамоқчи бўлсанг, аввало қалбингни Аллоҳнинг зикри билан беза.

https://t.me/al_aminuz

#тонг

Тонгни қаршилашни насиб этган Аллоҳ таолога беҳисоб ҳамду санолар бўлсин!!!

Умидла кутганингиз, дуолар қилиб сўраганингиз, қалбингиздан истаганингиз барча орзуларингизни яратган рўёбга чиқарсин!

... 🍃🌿🌸🌺🌺🌸🌿🍃...

#tabrik
Давлат раҳбари ўзбек тили байрами муносабати билан Ўзбекистон халқига табрик йўллади

Батафсил: https://muslim.uz/e/post/40466-o-zbekiston-xalqiga-bayram-tabrigi-7

✅ Ўзбекистон мусулмонлари идораси Матбуот хизмати

Андижон   вақти  билан
беш  вақт  намозларнинг      
такбир вақтлари.


   🕋   Бомдод    06 : 00
                  
   🕋   Пешин      13 : 00

   🕋   Аср            15: 55

   🕋   Шом          17 : 30

   🕋   Хуфтон      19 : 20


НАМОЗ ВАҚТЛАРИНИ ЯҚИНЛАРИНГИЗГА ЕТКАЗИБ ҚЎЙИНГ!

Каналга уланиш учун👇босинг!

Андижон шахар "Уйғур" жоме масжидининг диний, маърифий канали

... 🍃🌿🌸🌺🌺🌸🌿🍃....

#VIDEOLAR

🎞Sodiq Samarqandiy, Abdulloh Zufar kabi soxta da’vatchilarning yolg‘on “fatvo”lariga uchgan yoshlarning afsus-nadomati

#Долзарб #Видеолавҳа

⁉️ Интернетдаги бузғунчи фирқаларнинг ширк ва бидъат тушунчаларига ёпишиб олгани

🎙 Доктор Салоҳ Муҳаммад Абул Ҳаж Ал-Ҳанафий ҳафизаҳуллоҳ