MEHROB HIMMATI @mehrob_himmati Channel on Telegram

MEHROB HIMMATI

09 Jan, 09:47

САДАҚАНИНГ СОЯСИ

Бир аёл ҳар сафар ўғилларидан бирининг хулқида ёмон ўзгариш кўрса, дарров садақа қилиб, таом тарқатар ва: “Уларнинг молларидан садақа ол. Бу билан уларни поклайсан, тозалайсан ва уларнинг ҳаққига дуо қил...” (Тавба, 103) оятини ўқиб, дуо қиларди. “Ё Аллоҳ, ушбу садақам фарзандимнинг ахлоқи покланиши учун, унинг бу ҳоли менга у касал бўлиб қолганидан оғирроқ”, дер эди.
Нима учун вафот этган инсон дунёга қайтиш имкони берилса, бошқа ибодатлар эмас, садақа қилишни танлайди? Қуръони каримда: «Ва бирингизга ўлим келиб: “Эй Раббим, агар менинг ўлимимни яқин муддатга орқага сурсанг, бас, садақа қилиб солиҳлардан бўлсам”, демасдан аввал Биз сизларга ризқ қилиб берган нарсалардан нафақа қилинг» (Мунофиқун, 10), дейилган. Нима учун “Намоз ўқийман” демайди, “Рўза тутаман” демайди, балки “Садақа қиламан” дейди?!
Илм аҳли дейди: “Вафот этган киши ўлимидан кейин садақанинг фойдаси қай даражада улкан бўлишини кўргани учун ҳам шундай дейди. Садақани кўпайтиринглар, албатта, мўминлар қиёмат кунида садақотларининг сояси остида бўладилар...”

Араб тилидан Анвар АҲМАД таржимаси

@mehrob_himmati

390

MEHROB HIMMATI

09 Jan, 07:02

Бир киши Увайс Қаранийга деди:
– Менга бир насиҳат айтсангиз.
– Аллоҳ сени танийдими?
– Ҳа, танийди.
– Қолганлар танимаса ҳам майли.
У одам "яна бир насиҳат айтинг" деди.
– Сен Аллоҳни танийсанми?
– Ҳа, танийман.
– Бошқаларни танимасанг ҳам майли.

@mehrob_himmati

418

MEHROB HIMMATI

09 Jan, 04:43

Усмонийлар даври соати

Соатда рақамлар ўрнига қуйидаги сўзлар ишлатилган: тавҳид, илм, ирфон, ақл, ҳикмат, инсон, амал, адл, ахлоқ, умрон, ислом, ҳақ. "Соат неча бўлди? деб сўралганда, "Ҳикмат соати бўлди" каби кўринишда жавоб қайтаришган.

©️Ислом тарихи ва ҳазораси
@mehrob_himmati

531

MEHROB HIMMATI

08 Jan, 10:23

Одамлардан "Қайси диндасан, намоз ўқийсанми, рўза тутасанми?" деганга ўхшаш Аллоҳ таоло сўрайдиган саволларни сўраманг! Улардан "Очмисан, нимага муҳтожсан, бирор муаммойинг борми?" каби банданинг бандадан сўрайдиган саволларини сўранг!

Фотиҳ Султон Муҳаммад
@mehrob_himmati

739

MEHROB HIMMATI

08 Jan, 06:30

Ғам-ташвишни қувиш бекорчиликни қувиш билан бўлади

Мўмин кишини бўш қолиши ғафлатдир, бекорчилик эса уни ҳалок қилувчи қотилидир. Энг кўп ташвишли ва қайғули одамлар бекорчи ва иш-ҳаракатсиз ўтирган одамлар бўладилар. Турли бекорчи ғоялар, орзулар самара берувчи фойдали уриниш ва меҳнатнинг йўққа чиқарувчи, муваффақиятсизликка олиб келувчи сармоя бўлиб қолади.
Шундай экан, ҳаракат қилинг, амал қилинг. Тажриба қилинг, юзага чиқинг. Қуръон тиловат қилинг, тасбеҳлар айтинг. Ёзинг, хизмат қилинг. Вақтингиздан унумли фойдаланинг, бекорчилик учун бирон дақиқа қолдирманг.
Бекор қолсангиз, ўша кундаёқ сизни ғам-ташвишлар, хавотир ва зерикиш чулғаб олади. Мана шу ҳол эса шайтонга (сизни васваса қилиш, оздириши учун) ўйин майдони бўлиб қолишга олиб келади.

@mehrob_himmati

533

MEHROB HIMMATI

07 Jan, 16:04

Бас! Дунё ва дунё ҳаётидан баҳслашиб, уни ёмонламанг! Агар қалбингизда дунё севгиси бўлмасайди, уни ёдга олмасдингиз. Зеро, ким бир нарсани севса, ўшани кўп зикр этади.

Робиъа ал-Адавийя
@mehrob_himmati

631

MEHROB HIMMATI

07 Jan, 08:17

Барака недир?!

У Аллоҳ таолонинг яширин қўшинларидан биридир. Уни бандаларидан хоҳлаганига юборади. Агар у мол-мулкка тушса, уни кўпайтиради. Фарзандга тушса, солиҳ бўлади. Жисмга тушса қувватга киради. Вақтга тушса узаяди. Ва қалбга тушса фараҳ-севинчга тўлади.

Шайх Али Тантовий
@mehrob_himmati

674

MEHROB HIMMATI

07 Jan, 06:02

НИЯТГА ЯРАША...

Бир киши ноиложлик сабаб, танишидан каттароқ миқдорда қарз олган эди. Белгиланган муддатда қарзнинг қарийб 90 фоизини тўлади. Лекин бугун пулнинг қолган қисмини олиб кетиш учун ташриф буюрган таниши олдида жуда ҳам хижолатда. У уйидаги бор-будини бермоқчи бўлди, лекин қўлга илинадиган айтарли ҳеч нарса тополмади. Шунда қарз берган кишининг нигоҳи хона четида турган, чет элда ишлаб чиқарилган ўзи юрадиган замонавий ногиронлик аравачасига тушди. Хаёлига бойвачча қўшнисининг ногирон фарзанди келди. Куни кеча қўшниси кириб суҳбат орасида ўғлига янги русумдаги ногиронлик аравачасини сотиб олиш учун бизнесдаги хорижлик ҳамкорларига буюртма бермоқчи эканлигини айтган эди. Айни муддао. Шу баҳона бу аравани яхшигина пулга сотса, қарзнинг тўланмаган қисмидан ҳам тўрт ҳисса кўп пул ишлаб олиш мумкин...
Бу аравачани хонадон эгасига бир ҳамқишлоғига омонатга ташлаб кетган бўлиб, яқин орада олиб кетиши керак эди. Хонадон эгаси бу омонат эканлигини, уни асли бера олмаслигини қанчалик таъкидламасин, таниши барибир кўнмади. Шу нарсани олмаса, бу ердан кетмаслигини айтгач, қарздор киши ноилож аравачани беришга мажбур бўлди.
Йиллар ўтди. Бир куни қарз олган киши ногаҳон кўчада ўша танишини учратиб қолди: у ногиронлик аравачисида ҳаракатланар эди. Маълум бўлишича, ўшанда таниши уйига қайтаётиб, йўлда автоҳалокатга учраган экан. Шунда у ичида “аттанг” деб қўйди, чунки ўшанда унинг қалби қаттиқ ранжиган эди-да. Ногиронлик аравачаси дилозорнинг ўзига асқотганини кўриб, у дилдан афсусланди. Очкўзлик қандай оқибатларга олиб келишини кўриб, ҳайрат бармоғини тишлади.
Байт:
Эй, дил! Бу йўл (умр) қайга боради?
Киши ниятига қараб боради.

«Уммондан дурлар» китобидан.
@mehrob_himmati

587

MEHROB HIMMATI

07 Jan, 02:51

Сидқ ва ростгўйлик

Ростгўйлик тўрт нарсада бўлади:
1. Бир ишни амалга оширасиз, сўнгра Аллоҳдан бошқа ҳеч кимдан у амал учун мукофот ва раҳмат кутмайсиз.
2. Ўша амал кетидан миннат ва озор бериш билан ҳабата қилмайсиз, пучга чиқармайсиз.
3. Сўзлашда фақат ростни сўзлайди.
4. Гоҳида тилида гапирган пайтда ростгўй бўлади, аммо ғийбат ва чақимчилик қилиб ростгўйлигида Аллоҳ учун гуноҳкор бўлади.

Имом Муҳосабийнинг «Нафслар одоби» номли китобидан.

@mehrob_himmati

554

MEHROB HIMMATI

06 Jan, 09:27

Бешта муҳим хислат

Мужоҳид айтади: «Ибн Аббоснинг шундай деганини эшитдим: Бешта хислат борки, улар мен учун кўп нарсаларни вақф этишдан ҳам суюклироқ:
1. сенга аҳамиятсиз бўлган, бекорчи гапдан тийил, чунки у ортиқча. Боз устига, унинг устингга тушадиган ёмонлигидан сақлангувчи ҳам эмассан;
2. то ўрни эмас экан, аҳамияти бор гапни ҳам гапирма. Зеро, қанча гапирувчилар борки, айтаётгани муҳим бўлса ҳам ўрнида айтилмаётгани учун қийин аҳволда қолишган;
3. ҳалим одам билан ва аҳмоқ билан тортишма. Чунки ҳалим киши сени ёмон кўриб қолади, аҳмоқ эса озор етказади;
4. биродаринг сени қайси сўзлар билан ёдга олишини ёқтирсанг, сен ҳам уни ўзи йўқлигида шундай сўзлар билан эсга ол. У сенга нисбатан кечиримли бўлишини хоҳлаганингдек, унга нисбатан кечиримли бўл. Биродаринг сенга қандай муомала қилишини хуш кўрсанг, сен ҳам унга шундай муомалада бўл;
5. эҳсон билан мукофотланишини, эҳтиром билан қабул қилинишини билган кишининг амалини қил».

@mehrob_himmati

650

MEHROB HIMMATI

06 Jan, 06:04

Бирон ибодатни амалга оширсанг, яқийн – аниқ ишонч билан бажаргин.

Тажриба қилиб кўраман, уриниб кўраман демагин.

Маймун ибн Меҳрон деди: “Мен садақа қиламан ва (бунинг натижасида) мол-мулким зиёда бўлганини кўраман. Унинг дўсти садақа қилди ва деди: “Эй Маймун, (мен садақа қилдим лекин) менинг молим (ортиш ўрнига) камайдику?”.
Шунда Маймун ибн Меҳрон унга қарата: “Мен Роббим билан аниқ ишонч, ато этишига қатъий ишонганим ҳолда муомала қиламан. Сен бўлсанг, тажриба қилиб кўрасан. (Яъни, садақа қиласану, лекин Аллоҳ сенинг молингни зиёда қиладими, ёки йўқми аниқ ишонмайсан”.

Доктор Аҳмад Исо Маъсоравий.

@mehrob_himmati

651

MEHROB HIMMATI

05 Jan, 16:07

Луқмони ҳакимдан: “Ҳикматни кимдан ўргангансиз?”,– деб сўрашганида, у зот: “Жоҳиллардан ўрганганман. Ҳар қачон уларда бирор айбни кўрсам, ўша айбдан сақландим”,– деб жавоб берган экан.

@mehrob_himmati

716

MEHROB HIMMATI

05 Jan, 06:26

Фойдали маслаҳатлар

1. Меҳрибонлик, ҳалимлик Аллоҳ таолонинг сифатларидан биридир. Зеро, У Зот меҳрибон, раҳмли, ҳалимдир.
2. Расулуллоҳ соллаллоҳу алайҳи васаллам мўминларга меҳрибон бўлганлар.
3. Катталарга ҳурмат кўрсатиш, кичикларни иззат қилиш чин мусулмоннинг сифатларидандир.
4. Ҳайвонларга шафқатли бўлиш чинакам инсоний фазилатдир.
5. Меҳр-шафқатнинг мукофоти жаннатдир.
6. Қалби қаттиқ, қўпол одамнинг жазоси оғир бўлади.

@mehrob_himmati

884

MEHROB HIMMATI

04 Jan, 16:00

Тавфиқнинг тўсилиши, бефойда бедорликлар, гуноҳ устида уйқуга ётиш, қуёш кўтарилганидан сўнг кеч уйғониш маъсият ва гуноҳлар учун жазодир. Шундан кейин бу кимса кунни худди бўйинга осилган кишанлар каби мушкулот ва муаммоларга тўла ҳолда қаршилайди.
Аллоҳим, худди (дўл ва ёмғир суви) оқ кийимдан кирни ва доғни кетказгани каби биздан гуноҳларимизни поклагин, тозалагин!

@mehrob_himmati

813

MEHROB HIMMATI

04 Jan, 07:17

МЕЪРОЖ КЕЧАСИНИНГ ФАЗИЛАТИ

Халқ орасида ражаб ойининг 27 кечаси меърож кечаси бўлиб, уни қадр кечаси каби ўтказиш керак, деган гап-сўзлар машҳур бўлиб қолган. Ҳатто баъзилар меърож кечасида ўқиладиган мухсус намозлар борлигини ҳам айтиб юришади. Яна айтишларича, меърож кечасида ўқиладиган намозларнинг ҳар бир ракъатида фалон, фалон хос суралар ўқилар эмиш. Меърож кечасида одамлар орасида яна қандай тафсилотга эга намозлар машҳур бўлиб кетганини Аллоҳ билади. Ҳар биримиз яхшилаб билиб олишимиз керакки, бу гапларнинг ҳеч бири шариатда бирор асосга суянган эмас.
@mehrob_himmati

833

MEHROB HIMMATI

04 Jan, 04:11

Қалб қасаллигининг давоси

Кўп зикр қилиш, тоатларни вақтида бажариш, гуноҳ-маъсиятлардан тийилиш, яхшиликларни кўпайтириш, оиладаги ота-она, ака-ука, опа-сингиз, эру хотин ўзаро яхшилик билан яшаш, жамиятдаги муҳтожларга ёрдам бериш, етимларнинг бошини силаш, энг асосийси қиёматни кўп эслаб, ўлимни эсдан чиқармасликдир.

@mehrob_himmati

1,693

MEHROB HIMMATI

03 Jan, 11:11

TAҚBO БУ:

– қиёмат кунида ҳеч ким сенинг ёқангдан олмаслиги;
– қалб истакларини гавдалантириб бир лаганга қўйилиб бозорларда (ҳаммага) намоён қилинганда ҳам ҳеч қандай надомат бўлмаслигидир.
* * *
Биз илм ва тақво билан сифатланган салафи солиҳлар паноҳ сўраган замонда яшаяпмиз.
Қалбга васваса келиши раҳмат ҳисобланади, тақвога зид иш саналмайди. Бунинг ҳикмати шуки, бу туфайли инсоннинг ўзига бино қўйиш асоси кесилади. Зеро, ҳадиси шарифда: «Ўша нарса очиқ-ойдин иймондир», дейилган.
Валийлик иймонга ва тақвога боғлиқ. Бу иккиси эса инсоннинг қалбига алоқадор бўлади.
Тақвосизнинг пешқадам кўриниши худди пуфлаб шишириб қўйилган руҳсиз гавдага ўхшайди.

Шайх Зулфиқор Аҳмад Нақшбандий
@mehrob_himmati

1,178

MEHROB HIMMATI

02 Jan, 10:05

ИХЛОС

"Оллоҳ таоло бир бандага яхшиликни ирода қилса, унинг қалбини ўзининг яхши амалларини кўрмайдиган, тилини сўзламайдиган қилиб, фақат ўзининг гуноҳларини кўрадиган қилиб қўяди. Натижада банда то жаннатга кириб улгургунга қадар ўз гуноҳларини доим кўз ўнгида тутиб яшайди. Зотан, энг мақбул амал кўрилмоғи қалбдан, айтилмоғи тилдан кўтарилган амалдир (яъни, "тузук амал қилдим" деб қалб ҳам ўйламаган, тил ҳам сўзламаган амал)".

Ибн Қаййим раҳимаҳуллоҳ.
Тариқул ҳижратайн, 277- саҳифа.

© Сайфуллоҳ Носир ҳафизаҳуллоҳ

@mehrob_himmati

1,096

MEHROB HIMMATI

26 Dec, 09:34

Расулуллоҳ соллаллоҳу алайҳи васаллам: “Мусулмон кишига ўз биродаридан уч кундан ортиқ аразлаши – ҳалол эмас. Ким уч кундан ортиқ аразласа ва шу ҳолида вафот этса, дўзахга киради”, – дедилар (Имом Абу Довуд ривоятлари).

@mehrob_himmati

406

MEHROB HIMMATI

26 Dec, 02:49

Беморлик нима?

Сен бемор бўлиб қолдинг. Демак, Аллоҳ таоло:
• сени яхши кўради;
• гуноҳингни мағфират қилади;
• даражангни кўтаради;
• сенга яхшиликни хоҳлайди;
• ғафлатдан огоҳ қилади;
• сенга Ўзининг неъматларини эслатади.
Ушбу ато этилган нарсаларнинг барчаси Ар Роуф ва Ар Роҳим сифатли Зотнинг даргоҳидандир.

@mehrob_himmati

533

MEHROB HIMMATI

25 Dec, 13:14

Дунёдаги денгиз суви жаҳаннам оловининг бир учқунини ҳам ўчира олмайди. Лекин, Аллоҳдан қўрқиб йиғлагандаги бир томчи кўзёш дўзах оловини сендан тўсишга қодир бўлади.
Худди (тўхтовсиз) нафас олганингдек, яхшиликларни ҳам (тўхтовсиз) амалга ошириб туриш керак. Шуни билингки, яхшилик улашишга бўлган эҳтиёжингиз сизни нафас олиб туришга бўлган эҳтиёжингиздан кўпроқдир. Нафас бир кун тугайди, яхшиликлар эса боқий қолади.

@mehrob_himmati

560

MEHROB HIMMATI

25 Dec, 10:07

Тақво ва Аллоҳга иймон келтиришнинг самараси!

"Агар у қишлоқларнинг (жойнинг) аҳли иймон келтириб, тақводор бўлганларида эди, албатта биз уларга осмону ердан баракот (дарвозаларини) очиб қўйган бўлур эдик" (Аъроф сураси, 96 оят).

Аллоҳ таолонинг сўзидан бизга равшан бўладики, мўмин ва тақводор инсон, ҳаётида, аҳли ва фарзандларида баракани ҳис қилиб яшар экан.

@mehrob_himmati

511

MEHROB HIMMATI

24 Dec, 13:06

«Умматим ичида энг раҳмлиси Абу Бакр, Аллоҳнинг амрларига энг шиддатлиси Умар, энг ҳаёлиси Усмон, ҳалол ва ҳаром илмини энг яхши билувчи Муоз ибн Жабал, мерос (фароиз) илми билимдони Зайд ибн Собит, энг яхши қори Убай ибн Каъбдир. Ҳар бир умматнинг амини (ишончли кишиси) бўлади. Бу умматнинг амини Абу Убайда ибн Жарроҳдир».

Имом Термизий ривояти.
@mehrob_himmati

587

MEHROB HIMMATI

24 Dec, 05:03

Қанийди ҳаёт бир ҳикоя бўлса ва қалам билан ёзилса-ю, мозийдаги эслашга лойиқ бўлмаган нарсаларни ўчириб ташласам.

@mehrob_himmati

578

MEHROB HIMMATI

24 Dec, 01:27

Қалбинг юмаб, ишларинг юришади

Абу Дардо розияллоҳу анҳудан ривоят қилинади:
«Бир киши Набий соллаллоҳу алайҳи васалламнинг ҳузурларига қалби қорайганидан шикоят қилиб келди. У зот соллаллоҳу алайҳи васаллам дедилар: «Қалбинг юмшаб, ишларинг юришишини истайсанми? Ундай бўлса, етимларга раҳм қил, уларнинг бошини сила, таомингдан бер. Шунда қалбинг юмшаб, ишларинг юришади».

@mehrob_himmati

585

MEHROB HIMMATI

23 Dec, 05:53

Иброҳим ибн Адҳам дейдилар:
"Киши то олти тўсиқни босиб ўтмагунича солиҳлар даражасига етиша олмайди:
1. Неъмат эшигини ёпиб, машаққат эшигини очади.
2. Иззат эшигини ёпиб, хорлик эшигини очади.
3. Роҳат фароғат эшигини ёпиб, жидду жаҳд эшигини очади.
4. Уйқу эшигини ёпиб, бедорлик эшигини очади.
5. Беҳожатлик эшигини ёпиб, ночорлик эшигини очади.
6. Орзу ҳавас эшигини ёпиб, охиратга тайёргарлик эшигини очади.

@mehrob_himmati

634

MEHROB HIMMATI

23 Dec, 02:15

Фарзанд отасидан:
"Отажон! Менинг табассумим билан сизнинг табассумингиз орасида қандай фарқ бор?" деб сўради. Ота: "Сен ўзингни бахтиёр ҳис қилганингда табассум қиласан. Мен эса, сени бахтиёр кўрганимда табассум қиламан", деб жавоб берди.
"Ота онанг учун меҳрибонлик билан хорлик қанотини паст тут – ҳокисор бўл ва: «Парвардигорим, мени (улар) гўдаклик чоғимдан тарбиялаб-ўстирганларидек, сен ҳам уларга раҳм-шафқат қилгин», деб (ҳақларига дуо қил)!" (Исро сураси, 24 оят).

@mehrob_himmati

828

MEHROB HIMMATI

22 Dec, 12:46

«Ким Аллоҳга ва охират кунига иймон келтирган бўлса, меҳмонини иззат-икром қилсин. Унинг мукофоти бир кечаю бир кундуздир. Меҳмондорлик уч кун. Ундан кейингиси садақадир. Унга токи уни (мезбонни) тангликка солгунча турмоғи ҳалол бўлмас».

Имом Абу Довуд ривояти
@mehrob_himmati

640

MEHROB HIMMATI

22 Dec, 02:20

Ёқтирган кийимларингни(гарчи эски бўлсада) қайта-қайта кийишинг – бу айб иш эмас.

Телефонинг дўстларингникидан эскироқ бўлиши – бу айб иш эмас.

Ёшинг анча улғайиб қолган бўлсада, шунга қарамай оилангдагилар сендан хавотир олганлари учун уйингга эрта қайтишинг – бу айб иш эмас.

Ўзинг ва оилангга ёрдам бўлиши учун иш танламасдан меҳнат қилишинг – бу айб эмас.

Айб – бу бошқани кўнглига қараб, уни рози қилишга уринишингдир.

@mehrob_himmati

840

MEHROB HIMMATI

21 Dec, 12:00

АЛЛОҲНИ АЛДАБ БЎЛМАЙДИ

Абдуллоҳ ибн Динор ,ундай ривоят қилади:
«Умар ибн Хаттоб розияллоҳу анҳу билан Макка сари йўлга чиқдик. Йўлда дам олиш учун тўхтадик. Тоғдан бир чўпон ёнимизга келди. Унга:
– Эй чўпон, бир қўй сотгин? – дедик. У:
– Мен қулман, – деди. Умар ибн Хаттоб розияллоҳу анҳу синаш учун:
– Хўжайинингга бўри еди дегин, – деди. Шунда чўпон:
– Хўжайин-ку ишонар, лекин Аллоҳни нима деб алдайман? – деди.
Умар ибн Хаттоб розияллоҳу анҳу йиғладилар, сўнгра қул билан бирга уйига бориб, уни хожасидан сотиб олди ва озод қилди. Сўнгра: “Бу сўз сени бу дунёда озод қилди, охиратда ҳам (дўзахдан) озод қилишидан умидворман”, деди»

@mehrob_himmati

750

MEHROB HIMMATI

20 Dec, 16:30

Аёл эрнинг рухсатисиз уйига ҳеч кимни қўймаслиги керак.

Абу Ҳурайра розияллоҳу анҳудан ривоят қилинади:
«Пайғамбаримиз соллаллоҳу алайҳи васаллам: «Аёл кишининг эри уйда бўлса, унинг изнисиз нафл рўза тутиши, унинг изнисиз уйга бировни киритиши ҳалол эмас», дедилар».
Аёл уйига эрнинг рухсатисиз ҳеч кимни қўймаслиги керак. Эрининг ижозатисиз уйдаги бирон нарсани ўзининг яқинларига ҳам бериб юбориши керак эмас. Фақатгина муҳтож бўлишса, озиқ-овқатни исроф қилмай берса бўлади, бундан бошқа нарсани на акасига, на опасига, на отасига эридан берухсат беришга ҳаққи йўқ экан. Агар шундай қилиб бераётган бўлса, аёл гуноҳкор бўлади, эри эса ўзи билмаган ҳолда савобга қолади.

Шайх Саййид Раҳматуллоҳ Термизий ҳафизаҳуллоҳ

@mehrob_himmati

909

MEHROB HIMMATI

20 Dec, 11:48

Жаннатдаги уй кимлар учун?

1. Анас розияллоҳу анҳудан ривоят қилади, Расулуллоҳ соллаллоҳу алайҳи васаллам: “Ким “Қул ҳуваллоҳу аҳад»ни ўн марта ўқиса, Аллоҳ унга жаннатда бир уй бино қилади”, дедилар. Имом Аҳмад ривояти.

2. Расулуллоҳ соллаллоҳу алайҳи васаллам: “Ким намозда ўринни тўлдирса, Аллоҳ унинг бир даража кўтаради ва унга жаннатда бир уй бино қилади”, дедилар.

3. Расулуллоҳ соллаллоҳу алайҳи васаллам: “Ким Аллоҳ учун какликнинг тухумларини қўядиган еричалик бўлса ҳам, масжид бино қилса, Аллоҳ унга жаннатда уй қуриб беради” дедилар.
Имом Аҳмад ривояти.

4. Расулуллоҳ соллаллоҳу алайҳи васаллам: “Ким тўрт ракат зуҳо намози ўқиса ва пешиндан аввал тўрт ракат ўқиса, у учун жаннатда бир уй барпо қилинади”, дедилар.

5. Абу Ҳурайра розияллоҳу анҳудан ривоят қилинади, Расулуллоҳ соллаллоҳу алайҳи васаллам: “Ким бирор касални бориб кўрса ёки Аллоҳ йўлидаги биродарини зиёрат қилса, бир нидо қилувчи: “Пок бўлдинг, юришинг ҳам пок бўлди ва жаннатдан ўзинг учун жой тайёрлаб қўйдинг”, деб нидо қилади”, дедилар.
Имом Термизий ривояти.

6. Абу Мусо розияллоҳу анҳудан ривоят қилинади, Расулуллоҳ соллаллоҳу алайҳи васаллам: «Агар бирор банданинг фарзанди вафот этса, Аллоҳ таоло фаришталарига: «Бандам фарзандининг руҳини олдингларми?» дейди. Улар: «Ҳа», деб жавоб беришади. Сўнг Аллоҳ: «Қалбининг мевасини қабз қилдингларми?» дейди. Фаришталар яна: «Ҳа», деб жавоб беришади. «Бандам нима деди?» деб сўрайди Аллоҳ таоло. Фаришталар: «Сенга ҳамд ва истиржоъ айтди», дейишади. Шунда Аллоҳ таоло: «Бандам учун жаннатда бир уй қуринглар ва уни «ҳамд уйи» деб атанглар», дейди», дедилар.
Имом Термизий ривояти.

7. Расулуллоҳ соллаллоҳу алайҳи васаллам: «Қайси бир мусулмон банда ҳар куни фарздан ташқари ўн икки ракат ихтиёрий намоз ўқиса, Аллоҳ унга жаннатда бир уй қуриб беради», деганлар. Умму Ҳабиба: «Шундан бери уларни доимо ўқиб келаман», деган». Имом Муслим ривояти.

8. Ибн Умар розияллоҳу анҳумодан ривоят қилинади: «Набий соллаллоҳу алайҳи васаллам: «Ким бозорга кирганда «Лаа илааҳа иллаллооҳу, ваҳдаҳуу лаа шариика лаҳу, лаҳул мулку ва лаҳул ҳамду, йуҳйии ва йумийту ва ҳува ҳаййун лаа ямууту, биядиҳил хойру ва ҳува ъалаа кулли шайъин қодийр», деса, Аллоҳ унга миллионта ҳасана ёзади ва ундан миллион ёмонликни ўчиради ҳамда уни миллион даражага кўтаради», дедилар».

Бошқа бир ривоятда: «Уни миллион даражага кўтаради» жумласининг ўрнига «ва унга жаннатдан бир уй қуради», дейилган. Имом Термизий ривояти.
Маъноси: “Аллоҳдан ўзга илоҳ йўқдир. Унинг Ўзи ёлғиздир, шериги йўқдир. Мулк Уники ва ҳамд Уникидир, тирилтирур ва ўлдирур ва У тирикдир, ўлмас. Яхшилик Унинг қўлидадир ва У ҳар бир нарсага қодирдир».

9. Абу Умома ал-Боҳилий розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Ҳақ бўла туриб жанжални тарк этган кишига жаннат ёнидаги бир уйга кафилман. Ҳазилдан бўлса ҳам, ёлғонни тарк этган кишига жаннат ўртасидаги бир уйга кафилман. Чиройли хулқли кишига жаннатнинг энг юқорисидаги бир уйга кафилман», дедилар. Абу Довуд саҳиҳ иснод билан ривоят қилган.

10. Расулуллоҳ соллаллоҳу алайҳи васаллам Расулуллоҳ соллаллоҳу алайҳивасаллам: «Албатта, жаннатда ташқариси ичидан, ичкариси ташқаридан кўриниб турадиган хоналар бор. Аллоҳ у хоналарни – таом едирган, саломни ёйган ва кечаси одамлар уйқуда ётганда тунги (таҳажжуд) намозни ўқиган зотлар учун тайёрлаб қӯйгандир”, дедилар.
Имом Аҳмад ривояти.

Бошқа ривоятда: «Сўзни чиройли қилган... ва (нафл) рўзада давомий бӯлганлар», деб зиёда қилинган.

@mehrob_himmati

898

MEHROB HIMMATI

19 Dec, 08:00

Ошкора ва махфий садақа

Фарз, вожиб садақаларнинг ошкора қилинишида бошқаларга ибрат бўлиш ёки унутганларнинг эсига солиб қўйиш каби фойдалар бор. Аммо нафл садақаларни “ўнг қўл берганини чап қўл сезмайдиган” даражада яширин қилиш керак.

Абдуллоҳ ибн Аббос розияллоҳу анҳу айтади:
“Ихтиёрий садақаларни пинҳона қилиш (савоби) ошкора қилинганидан етмиш даража, фарз садақа (закот, ушр, қурбонлик, фитр каби)ларни эса ошкора қилиш (савоби) пинҳон тутилганидан кўра йигирма беш марта ортиқдир”.

Эзгу ишларни “MEHROB HIMMATI” билан бирга амалга оширинг

@mehrob_himmati

820

MEHROB HIMMATI

19 Dec, 06:05

🤲 "Сендан қўрққанимдан, эй Роббим...

Абу Ҳурайра розияллоҳу анҳудан ривоят қилинади, Расулуллоҳ соллаллоҳу алайҳи васаллам:
«Ҳеч ҳам яхшилик қилмаган бир одам ўз аҳлига қачон ўлса уни куйдириб кулининг ярмини қуруқликка, ярмини денгизга сочиб юборишни айтди.
Аллоҳга қасамки, агар Аллоҳ уни тутса уни оламлардан бирортасини азобламаган азоб ила азоблашидан қўрқди. Ўша одам ўлганда унинг айтганини қилдилар.
Бас, Аллоҳ қуруқликка амр қилди. У унинг ўзидаги нарсаларини жамлади. Аллоҳ денгизга амр қилди. У унинг ўзидаги нарсаларини жамлади.
Сўнгра У зот унга: «Нима учун бундоқ қилдинг?» деди. «Сендан қўрққанимдан. Эй, Роббим. Ўзинг билувчисан», деди. Бас, Аллоҳ уни мағфират қилди», дедилар. Муттафақун алайҳи.

Жунайд Бағдодий айтади: «Тавбанинг уч маъноси бор; биринчиси-надомат, иккинчиси-Аллоҳ қайтарган нарсага қайтишни тарки этишга азму қарор қилиш, учинчиси-зулмларни адо этишга шошилиш».
У киши яна айтади: «Тавба - Аллоҳдан бир йўла юз ўгирганинг каби У зотга бир йўла юзланишингдир».

@mehrob_himmati

757

MEHROB HIMMATI

21 Nov, 10:22

Собир бандалар деб кимга айтилади?

Саид ибн Жубайр айтади: Сабр икки турли бўлади: биринчиси, Аллоҳ ҳаром қилган ишлардан тийилишда сабр қилиш ва Аллоҳ буюрган ибодатларни бажаришда сабр қилишдир. Бу энг афзал сабр. Иккинчиси, мусибатлардаги сабр. Бу бандага етган мусибатни Аллоҳники деб тан олиб, Аллоҳнинг олдида савоб умид этмоқдир. Бу сабр учун ҳам буюк ажр-савоб берилади. Аммо мусибатга ўта чидамли, лекин буни Аллоҳ учун қилмайдиган, савобини умид қилмайдиган кимсани ҳам кўрасиз. Ҳар битта миллатда мусибатларга жуда чидамли кишилар бўлади. Аслида бу масалада одамлар икки хил сабр қиладилар. Кимдир Аллоҳ учун собир турса, яна кимдир табиатан чидамли бўлгани боис сабр қилаверади.
Бесабрлик ҳам худди шундай икки қисмга бўлинади: биринчиси, гуноҳлардаги бесабрлик, яъни киши гуноҳ қаршисида ўзини тута олмай қолади. Иккинчиси эса, бошга мусибат тушганда кўринади. Мусибатларга сабр орқали Аллоҳдан ажр умид қилмаган, савобига интилмаган кимса бошига тушган ишни фақат ёмонлик деб билади. Бундай кимса табиатан жуда сабр-тоқатли бўлгани боис мусибатларга сабр қилса-да, собир бандалар қаторига кирмайди.

@mehrob_himmati

332

MEHROB HIMMATI

21 Nov, 07:17

(Ибратли ҳикоя)
НАМОЗ ШИФО БЎЛДИ

Бир муслима аёл намоздан топган ҳузур-ҳаловати ҳақида шундай ҳикоя қилади:
“Уйимиз дала ёнида, дарвозамиз яқинида катта зовур бор эди. Кўпинча зовур ичидаги булоқдан сув олардик. Бир куни шомга яқин булоқдан сув олиб уйга кирдим. Негадир ўзимни ғалати сездим. Тун бўйи нимадир безовта қилиб чиқди. Ухлаёлмадим, аллақандай тушлар кўрдим...
Аввалига буни ҳеч кимга айтолмадим. Кейинроқ аямга ёрилдим. Чунки кечалари сира ухлаёлмас, аллақандай қора, думалоқ, жундор бир нарса кўзимга кўринар, бир хунук башара пайдо бўларди-да, бўға бошларди. Аямни, дадамни ёрдамга чақириб алаҳсирардим. Аммо улар мени эшитишмас, чунки овозим чиқмасди.
Хуллас, ҳаммасини бирма-бир аямга сўзлаб бергач, ўпкам тўлиб йиғлаб юбордим. У ёқ-бу ёққа қаратдик, аммо фойдаси бўлмади.
Икки йил шундай азобландим. Ниҳоят мактабни битириб, Тошкентга ўқишга келдим. Ҳаммаси энди барҳам топар, деб ўйлагандим, аммо...
Институтга кирдим. Талабаликнинг илк йиллари. Биласиз, бу давр қанчалар шод-ҳуррамлик даври бўлади. Лекин менга асло татимасди. Кечалари ҳамон безовталанар, аҳволимни хонадошларим билиб қолишларидан уялардим. Ҳар тун улар ухлаганидан кейингина дам олишга ётардим.
Аммо қачонгача яшира олардим? Ҳамхоналаримдан бири намозхон бўлиб, ярим кечалари ибодатга турарди. У тунги алаҳсирашларимдан хавотирга тушибди. Эрталаб мени ёнига чақириб, қандай дардим борлигини сўради. Ўртоғимга ҳам аямга айтганимдек дардимни тўкиб солдим-у, йиғлаб юбордим. У эса жилмайиб қўйди. “Бу дарддан халос бўлиш йўлини ўргатаман”, деб намоз ўқишим кераклигини айтди. Кечқурунлари таҳорат қилиб, ўзимга дам солиб ётишимни, яна билишим зарур кўп нарсаларни ўргатди.
Аввалига, барибир фойдаси бўлмайди, деб қўл силтадим. Кейинчалик унинг далдаси билан намоз ўқишни бошладим.
Ниҳоят, илк бор намоз ўқиб уйқуга ётдим. Ўша тун бирам мириқиб ухладимки... Неча йиллардан бери уйқудан энди ором топишим эди. Аста-секин намоз ҳаловатини сеза бошладим, рукуъ-саждаларни яхши кўриб қолдим. Кечалар ётишдан олдин таҳорат қилиб, Қуръон ўқиб, ўзимга дам солишни канда қилмасдим. Йиллар давомида қийналиб, ҳатто анча сарф-харажатлар эвазига топилмаган давони намоздан топганим учун бениҳоя хурсанд эдим. Бу ҳол Меҳрибон Аллоҳнинг менга бир маҳрамати эканидан қувонаман”.

"Намозда хушуъ" китобидан.

@mehrob_himmati

371

MEHROB HIMMATI

21 Nov, 02:22

Истиғфор айтишнинг энг улуғ вақти – саҳар пайтидир. Энг афзал вақти эса тунги таҳажжуд намозининг саждаси пайтидир.

Аллоҳ таоло Қуръонда «Саҳарларда истиғфор айтувчилар», деб мадҳ қилган. Оли Имрон сураси, 17 оят.

Имом Табарий: «Бу зотлар саҳар пайти гуноҳлари сатр қилинишини сўрайдиганлардир», деганлар.

@mehrob_himmati

490

MEHROB HIMMATI

20 Nov, 16:21

Бахтли ҳаёт деганда фаровонликни тараннум қилиш кўп учрайди.
Бахт ва бахтсизликни дунё тарозиси билан ўлчаш тўғри эмас. Мусулмон ўз бахтини Аллоҳ таоло буйруқларига итоати миқдорига қараб белгилайди. Унинг учун гуноҳ қилиб ўтган ҳар бир кун бахтсизлик бўлиши лозим.
Фаровон ҳаёт Исломда ҳар доим ҳам бахтли ҳаёт бўлавермайди.
Аксинча, тўқлик, фаровонлик Аллоҳ таолонинг шундай нозик синовидирки, бундан ўтганлардан кўра йиқилганлар, бахтиқаро бўлганлар неча баравар кўп бўлади.
Зеро, Аллоҳнинг синови тезда ўтиб олса бўладиган синовлардан эмас.

Аллоҳ барчамизни дунё синовидан эсон-омон ўтиб олишга муяссар қилсин.

©️Сайфуллоҳ Носир
@mehrob_himmati

475

MEHROB HIMMATI

20 Nov, 12:01

#Тавсия
Бирон иш сенга қийин келса, садақа бер ва Аллоҳга тақво қил!
«Аммо кимки ато берса ва тақво қилса...»

Натижа эса қуйидагича бўлади:
«Бас, Биз уни осонга муяссар қиламиз», Лайл сураси, 6,7 – оятлар.

Изоҳ: Аллоҳ таоло берган молу дунёдан Аллоҳ Ўзи кўрсатган жойларга сарфлаш, жумладан муҳтож кишиларга ато бериш ҳам ибодатдир. Аллоҳ кўрсатмаси бўйича пул-мол, сарфлаш молиявий ибодат ҳисобланади. Молиявий ибодатни садақа ҳам, дейилади. Садақанинг луғатдаги маьноси «тасдиқлаш»дир. Кишилар тиллари билан иймонли эканликларини даьво қилаверадилар. Улар баьзи баданий-жисмоний ибодатларни ҳам қилаверадилар. Аммо иймон тасдиғини кўрсатиш молу-дунё сарфлашга келганда билинади. Ўзидан кечиб Аллоҳ кўрсатган жойга молу дунё сарфлаган одамнинг иймони тасдиқланади. (Тафсири Ҳилолдан)

@mehrob_himmati

514

MEHROB HIMMATI

20 Nov, 07:28

Шайтонни ҳалок қилувчи калималар

Абу Бакр розияллоҳу анҳудан ривоят қилинади: Набий алайҳиссалом айтадилар: (“Лаа илаҳа иллаллоҳ” калимасини) ва истиғфор (яъни, “астағфируллоҳ”)ни кўп айтинг. Чунки шайтон айтади: “Мен инсонларни гуноҳлари билан ҳалок қилмоқчи бўлдим, улар мени “Лаа илаҳа иллаллоҳ” ва истиғфор билан ҳалок қилдилар, шундан сўнг уларни ҳавойи нафслари билан ҳалок қилдим, улар ўзларини тўғри йўлдамиз деб ўйлайдилар” (Имом Термизий ривояти).

@mehrob_himmati

520

MEHROB HIMMATI

20 Nov, 02:22

Тўрт нарса ризқ келтиради:
– Кечаси (ибодатда) қоим бўлиш;
– Саҳар чоғи истиғфорни кўпайтириш;
– Садақа беришга аҳд қилиш;
– Куннинг аввали ва охирида зикр қилиш.

@mehrob_himmati

637

MEHROB HIMMATI

19 Nov, 16:31

ИНСОНЛАРНИНГ ЯХШИСИ

Расулуллоҳ соллаллоҳу алайҳи ва салламнинг ҳузурларига келган бир киши у зотнинг ҳайбатлари босиб гапиришга журъат қила олмади.
– Тортинма, – дедилар Расулуллоҳ соллаллоҳу алайҳи ва саллам. – Мен ҳам қуритилган гўшт еган аёлнинг боласиман.
Бошқа куни одамлар олдидан ўтиб бораётган эдилар, одамлар таъзим бажо айлаб ўринларидан турмоқчи бўлдилар. Аммо Расулуллоҳ соллаллоҳу алайҳи ва саллам бу ишдан қайтариб:
– Ажамлар бирбирларига таъзим қилиб ўринларидан тургани каби сизлар ҳам ўринларингиздан турманглар, – дедилар.
Аллоҳ таоло мўминларга неъматини охирига етказиб, динларини мукаммал қилганидан сўнг Расулуллоҳ соллаллоҳу алайҳи ва саллам фоний дунёдан риҳлат қилиш фурсати етганини сезиб қолдилар. Минбарга кўтарилиб:
– Эй инсонлар! Мен кимнинг орқасига урган бўлсам, мана менинг орқам, ўчини олсин! Кимнинг шаънига теккан бўлсам, ўчини олсин! Кимнинг молини олган бўлсам, мана менинг молим, қайтариб олсин! Ғазабланади, деб чўчимасин, у иш менинг шаънимга тўғри келмайди, – дедилар.
Яна бир куни Ғавс ибн Ҳорис Жаноб соллаллоҳу алайҳи ва салламнинг йўлларини тўсиб, қиличини суғурди ва:
– Эй Муҳаммад! Сени мендан ким сақлайди? – деди.
– Аллоҳ, – дедилар соллаллоҳу алайҳи ва саллам.
Шу пайт Ғавснинг қўлидан қиличи тушиб кетди. Пайғамбар соллаллоҳу алайҳи ва саллам қилични қўлларига олдилар ва:
– Энди сени мендан ким сақлаб қолади? – дедилар.
– Бир яхшилик қилинг, – деди Ғавс.
Расулуллоҳ соллаллоҳу алайҳи ва саллам уни афв қилиб, қўйиб юбордилар. Ғавс қавмига қайтиб бориб уларга:
– Мен инсонларнинг энг яхшиси ҳузуридан келяпман, – деди.

@mehrob_himmati

538

MEHROB HIMMATI

19 Nov, 11:10

📹 ДУНЁ ДЕБ ДЎСТЛАР ЮЗ КЎРМАС БЎЛМАСИН!

❤️ Шайх Саййид Раҳматуллоҳ Термизий

🕌 “Минор” жоме масжиди имом-хатиби

@mehrob_himmati

586

MEHROB HIMMATI

19 Nov, 08:26

Солиҳа аёл учун энг муҳими...

Каъбул Аҳбор: “Қиёмат куни хотиндан сўраладиган биринчи нарса намоз бўлса, ундан кейингиси эрининг ҳақидир”, деган. Ҳар бир аёл биринчисини тўлиқ ва канда қилмасдан бажариб юриши мумкин, аммо эрининг ҳаққига келганда тўлиқ адо этолмаслиги мумкин. Шунинг учун аёллар бу нарсага жиддий аҳамият беришлари лозим. Кўпчилик аёллар эрининг топиш-тутиши яхши эмаслигини айтиб, нолиб қолишади. Эрининг топиш-тутиши яхши бўлмагани учун уни писанд қилмайдиган аёллар жуда кўплиги афсусланарли ҳолдир. Бу нарса аёлнинг хатти-ҳаракатида, эрнинг ҳақларини адо этмаслигида очиқ-ойдин кўриниб туради. Яъни топиш-тутиши яхши бўлмаган эр маломат остида яшайди. Бундай аёл гуноҳкор бўлади, охиратда Аллоҳнинг ғазабига учрайди. Мўмина, муслима аёл бу нарсага алоҳида эътибор бериши, ўз қарашларини, эрига муносабатини тузатиши лозим.

Др. Шайх Саййид Раҳматуллоҳ Термизий

@mehrob_himmati

528

MEHROB HIMMATI

19 Nov, 06:13

«Ҳаёт сенга сен яхши кўрган ҳамма нарсани беролмаслиги мумкин. Лекин қаноат сен эга бўлишни яхши кўрган ҳамма нарсани муҳайё қилади ва сен гўё ҳамма нарсага эга бўласан. Ҳар доим Аллоҳга ҳамд айт».

@mehrob_himmati

505

MEHROB HIMMATI

18 Nov, 14:41

📹 ЎЛИМ ДОИМ ҚАРШИМИЗДА!

❤️ Шайх Саййид Раҳматуллоҳ Термизий

🕌 “Минор” жоме масжиди имом-хатиби

@mehrob_himmati

1,472

MEHROB HIMMATI

18 Nov, 11:21

Замон ҳар қандай нарсани ўзгартиради.

Изоҳ. «Замон»дан мурод - вақт. Ўтаётган сония, дақиқа, соат Оллоҳдан бошқа ҳамма нарсани ўзгартиради. Хоҳ у инсон, хоҳ ҳайвон, хоҳ жонсиз нарсалар бўлсин, барчаси бу дунёда ҳалокат томон юз тутаётган бўлади. Демак у тўхтовсиз ўзгаришда, наинки, у кечасини бугун, бугунини эртага топа олмайди, балки вақтнинг ҳеч бир бўлагини такрор кўрмайди.

"Унвонул баён"дан.

@mehrob_himmati

521

MEHROB HIMMATI

18 Nov, 09:52

Силаи раҳм – қариндош уруғчилик алоқаларини сақлаш ҳақида тавсиялар

Қариндош-уруғлар билан муносабат ушлашда қуйидагаларга риоя қилишинг зарур:
– Уларни уйларига бориб кўриш, зиёрат қилишинг.
– Уларни уйингда меҳмон қилишинг, қабул қилишинг.
– Уларни суриштириб туришинг, ҳолларидан сўраб туришинг.
– Уларга мол-мулкингдан садақа ва ҳадя кўринишида бериб туришинг.
– Уларнинг катталарига ҳурмат, иззат кўрсатишинг, кичикларига раҳм қилишинг.
– Улар ҳақли бўлган ўринларга қўйишинг, даражаларини кўтаришинг.
– Уларнинг хурсандчилик ва маҳзун кунларига шерик бўлишинг.
– Уларнинг касалларини бориб кўришинг, жанозаларидан иштирок этишинг.
– Жиддий узр бўлмаса, уларнинг чақириқ, таклифларига ижобат этиб боришинг.
– Уларга нисбатан кўнглингни тоза қилишинг. (Қалбингда кек, араз, ҳасад, адоват сақламаслигинг).
– Уларнинг ўрталарини ислоҳ қилишинг. (Аразлашган, уришиб қолганлари бўлса, яраштиришинг).
– Уларнинг ҳаққига дуо қилишинг ва яхшиликка чақиришинг ва насиҳат қилишинг лозим бўлади.

@mehrob_himmati

1,705

MEHROB HIMMATI

18 Nov, 07:30

Расулуллоҳ соллаллоҳу алайҳи васаллам айтадилар: “Балонинг биринчи зарбаси пайтидаги сабргина чин сабрдир” (Имом Бухорий ривояти).

@mehrob_himmati

516

MEHROB HIMMATI

18 Nov, 04:14

Қилмиш-қидирмиш

Ажабо! одамларнинг юмшоқ бўлишини хоҳлаймиз-у, ўзимиз ғазабланамиз, бошқалардан сахий бўлишни талаб қилиб, ўзимиз бахиллик қиламиз. Бошқалардан дўстликка чиройли вафо кутамиз, аммо, ўзимиз бу нарсага амал қилмаймиз.

Шеър:
Айбдан холи эмас ҳеч қайси инсон,
Дўст танбеҳи ила камаяр нуқсон.

Шеър:
Бир нишон излайсан айбсиз инсондан,
Ўзинг холимисан бирон нуқсондан?!

"Ўкинма" китобидан.

@mehrob_himmati

637

MEHROB HIMMATI

17 Nov, 02:32

ҲАҚИҚИЙ БАНДА КИМ?

Инсон бу дунёда бир неча кунлик меҳмондир. Бу дунёга у на ўз хоҳиши билан келади ва на ўз хоҳиши билан кетади. Мазкур вақт оралиғида ўз хою-хавасларига кўра ҳаёт кечиришга банданинг ҳаққи йўқдир. Унинг Хожаси ва Яратувчиси – Аллоҳ уни йўқдан бор қилди. Бас, инсон Унинг амри билан бу дунёга келади ва Унинг амри билан дунёни тарк этади. Одамзот Аллоҳнинг буйруқларига қулоқ солиб, амал қилиб яшаса, нажот топади.
Яшашдан мақсад – Аллоҳ таолога бандалик қилиш, ҳаётдан мақсад эса Аллоҳ таолони зикр қилишдир. Аллоҳ таолога қулликни ўз ўрнига қўйган киши ҳақиқий маънодаги бандадир. Аксинча бўлганида эса у нопоклик, ёлғон-яшиқ ва алдов исканжасига тушиб қолган бўлади.

@mehrob_himmati

651

MEHROB HIMMATI

16 Nov, 11:41

Жаннат аҳлининг сифатларидан

Абдуллоҳ ибн Масъуд айтадилар: «Расулуллоҳ сўрадилар: “Қайси бирингиз ворисининг молини ўз молидан кўра яхши кўради?” Саҳобалар: “Ё, Расулуллоҳ, ҳаммамиз ворисимизнинг молидан кўра ўз молимизни яхши кўрамиз”, деб жавоб беришди. Расулуллоҳ соллаллоҳу алайҳи ва салллам бундай марҳамат қилдилар: “Билиб қўйинг, ҳаммангиз ворисининг молини ўз молидан кўра яхши кўрасиз. Фақат ўзингиздан олдин юборганингиз (Аллоҳнинг йўлида сарфлаганингиз) сизнинг молингиздир, қолдирганингиз вориснинг моли”. Сўнг яна сўрадилар: “Сизнингча кучли, паҳлавон ким?” Биз: “Одамлар енголмаган киши”, дедик. “Йўқ, – дедилар у зот. – Ғазабланганида ўзини боса олган киши ҳақиқий паҳлавондир” (Имом Бухорий ривояти).

@mehrob_himmati

302

MEHROB HIMMATI

16 Nov, 08:56

📹 ҲАР БИР НАРСАНИНГ ЗАКОТИ БЎЛАДИ

❤️ Шайх Саййид Раҳматуллоҳ Термизий

🕌 “Минор” жоме масжиди имом-хатиби

@mehrob_himmati

376

MEHROB HIMMATI

16 Nov, 04:00

Бало

Тақдир тақозоси билан йўқотган нарсаларинг сендан балони даф қилади, буни шундай деб бил! Бир улуғ зотдан “Тасаввуф нима?” деб сўрадилар. У шундай жавоб қайтарди:
“Сиқилган пайтда кўнгилда қувонч, фараҳнинг бўлиши!” Аллоҳ “Йўқотган нарсаларингизга ачинманг, ҳатто бўри келиб эчкингизни еса ҳам”, деди. Бу бало каттароқ балоларни даф этиш, бу зиён даҳшатлироқ зиёнларнинг олдини олиш учундир.

Жалолиддин Румий.

Каналга уланиш👇
@mehrob_himmati

423

MEHROB HIMMATI

15 Nov, 14:02

ҚАРЗИМНИ ЭРТАГА УЗАМАН

Ривоят қилишларича, Расулуллоҳ соллаллоҳу алайҳи ва саллам бир яҳудийдан қарз олган эдилар. У қарзни қайтариб олмоқчи бўлди. Мадина кўчаларида Расулуллоҳ соллаллоҳу алайҳи ва салламни кўриб қолиб:
– Сиз Абдулмутталиб уруғи қарзни чўзиб юборадиган одамлар экансизлар, – деди.
Бу ҳолатни кўриб Умар розияллоҳу анҳунинг ғазаби келди ва:
– Расулуллоҳ соллаллоҳу алайҳи ва саллам изн берсалар, бу яҳудийнинг калласини узиб ташлар эдим, – деди.
Пайғамбар соллаллоҳу алайҳи ва саллам эса ҳалимлик ила:
– Эй Умар, мен билан бу яҳудий бошқа чорага муносибмиз. Сен, яхшиси, унга қарзни мулойимлик билан сўрашни, менга эса вақтида адо қилишни таклиф қилсанг бўларди, – дедилар.
Сўнг яҳудийга илтифот қилиб:
– Худо хоҳласа, эртага қарзимни тўлаб бераман, – дедилар.

"Расулуллоҳ соллаллоҳу алайҳи ва саллам ҳаётидан лавҳалар" китобидан.
@mehrob_himmati

471

MEHROB HIMMATI

14 Nov, 09:42

Анас ибн Моликдан ривоят қилинади:
«Расулуллоҳ соллаллоҳу алайҳи васалламнинг даврларида нархлар ошиб кетганда: «Бизга нархларни белгилаб беринг, эй Аллоҳнинг Расули!» дейишди. У зот шундай дедилар: «Нархни белгиловчи ҳам, тутиб турувчи ҳам, кенг қилувчи ҳам, ризқ берувчи ҳам Аллоҳнинг Ўзидир. Мен эса менга бирортангизнинг на қонда, на молда зулм даъвоси бўлмаган ҳолда Роббимга рўбарў бўлишни хоҳлайман».

Абу Довуд ва Термизий ривояти.

@mehrob_himmati

539

MEHROB HIMMATI

14 Nov, 06:37

Ҳазрати Умарни йиғлатган ҳодиса

Буюк тобеин Зайд ибн Аслам айтади:
«Умар розияллоҳу анҳу кечаси одамларнинг аҳволларини кузатиб юрганларида, бир уйда ёниб турган чироққа кўзлари тушди. Қарасалар, бир кампир жун титиб: “Муҳаммадга яхши бандаларнинг саломи бўлсин. Поклар, яхшилар у зотга салавот айтадилар. Сиз кечалари ибодатда қоим бўлар, саҳарлари кўз ёш тўкар эдингиз. О, кошки, мен билан ҳабибим бир ҳовлига жамланса!?” деб Пайғамбаримиз соллаллоҳу алайҳи ва салламни назарда тутар эди.
Умар розияллоҳу анҳу ўтириб йиғлай бошлади...

@mehrob_himmati

532

MEHROB HIMMATI

13 Nov, 17:12

ВАҲИМА ҚИЛМАНГ!

Расулуллоҳ соллаллоҳу алайҳи ва саллам ҳаммадан кўра шижоатлироқ, гўзалроқ ва саховатлироқ эдилар. Бир кун Мадина халқи шаҳар атрофидан шовқинсурон овозини эшитиб қўрқиб кетишди. Ҳатто душман бостириб келдимикин, деган гумонга ҳам боришди. Расулуллоҳ соллаллоҳу алайҳи ва саллам шу заҳотиёқ қиличларини бўйнига осиб яланғоч отга миндилар ва ёлғиз ўзлари овоз келган томонга етиб бордилар. Қарасалар, ҳамма ёқ жимлик. Ортга қайтсалар, Мадина аҳли ҳам шу томон келаётган экан:
– Ваҳима қилманглар. Хавотир олманглар, – дедилар ва бирга шаҳарга қайтдилар.

"Расулуллоҳ соллаллоҳу алайҳи ва саллам ҳаётидан лавҳалар" китобидан.
@mehrob_himmati

550

MEHROB HIMMATI

13 Nov, 05:34

Ривоятларда улуғ инсонлардан бирлари замондошларига: “Биз шундай улуғларни кўрганмизки, уларнинг савобли амалларимиз қабул бўлармикин, дeб қўрқишлари бизларнинг қилган гуноҳларимиз оқибатидан қўрқишимиздан кўра кучлироқ эди”, дейилади.

@mehrob_himmati

556

MEHROB HIMMATI

12 Nov, 10:04

Ҳар бир мўмин билиши лозим бўлган ҳадис!

Абу Жуҳайфадан ривоят қилинади: «Мен Али ибн Абу Толибнинг ҳузурига кирдим. У зот менга: “Ҳар бир мўмин билиши лозим бўлган ҳадисни айтиб берайми?” – деди. Абу Ҳотим айтади: “Биз ўша ҳадис ҳақида сўрадик”. У зот: «(Эй инсонлар!) Сизларга не мусибат етса, бас, ўз қўлларингиз қилган нарса (гуноҳ) сабаблидир. Яна У кўп (гуноҳлар)ни афв этиб турур», оятини ўқиб: “Чунки Аллоҳ таоло дунёда бирор сабаб билан азоблаган бўлса, қиёмат куни ўша нарса учун қайта азобламайди. У меҳрибондир. Аллоҳ таоло дунёда кечирган гуноҳ учун охиратда азобламайди. Чунки У улуғдир”» ҳадисини айтиб берди (Имом Аҳмад ривояти).

@mehrob_himmati

692

MEHROB HIMMATI

12 Nov, 07:35

Ибн Аббос ва Қатода розияллоҳу анҳумо айтади: “Гиёҳларнинг ердан униб чиқиши, дарахтларнинг кўкариб, гуллаб мева қилиши, полиз маҳсулотлари ва ҳоказолар инсонларнинг саъйҳаракати, жидду жаҳди, куч-қуввати ва талаби билан эмас, балки Аллоҳ таолонинг раҳмати ила ҳосил бўлади”.

@mehrob_himmati

623

MEHROB HIMMATI

12 Nov, 04:28

БУЮК КАФОЛАТ

Содиқул масдуқ Расулуллоҳ соллаллоҳу алайҳи васаллам кафил бўлсалар, У зот кафил бўлган нарса эни еру осмон оралиғича жаннат бўлса, бундай кафолатга нима дейсиз?

Убода ибн Сомит розияллоҳу анҳудан ривоят қилинади: «Набий соллаллоҳу алайҳи васаллам бундай дедилар: «Сизлар ўз нафсларингиздан олти нарсага кафил бўлинглар, мен ҳам сизларга жаннатнинг кафолатини бераман: сўзлаганда рост гапиринглар, ваъда берсангиз, вафо қилинглар, омонат қўйилса, уни адо этинглар, фаржларни (ҳаромдан) сақланглар, кўзларингизни (фаҳшдан) тийинглар, қўлларингизни (бировларга озор беришдан) тўхтатинглар» (Имом Аҳмад ривояти).

@mehrob_himmati

658

MEHROB HIMMATI

11 Nov, 08:54

#саждаи_саҳв_масалалари
ИМОМ ЖАҲРИЙ НАМОЗДА ОҲИСТА ВА ОҲИСТА НАМОЗДА ЖАҲРИЙ ЎҚИСА

Агар имом жаҳрий намозда унутиб оҳиста қироат қилса ёки махфий намозда баланд овоз билан қироат қилса, унга саждаи саҳв вожиб бўлади. Башартики, у кичик уч оят ёки битта узун оят ўқиса саждаи саҳв вожиб бўлади. Агар бир кичик оят ёки бир узун оятнинг бир-икки калимасини ўқиса, унга саждаи саҳв вожиб бўлмайди. («Раддул муҳтор», 1-ж, 498-б;)

ЁЛҒИЗ ЎҚИГУВЧИ ЖАҲРИЙ НАМОЗДА ОҲИСТА ҚИРОАТ ҚИЛСА

Мунфарид, яъни ёлғиз намоз ўқигувчи жаҳрий намозда оҳиста ёки махфий намозда баланд овоз билан қироат қилса, унга саждаи саҳв вожиб эмас. («Фатово Оламгирий», 1-ж, 128-б.)

ФОТИҲА СУРАСИНИ ЎҚИГАЧ БИР МУДДАТ СУКУТ ҚИЛСА

Агар бир киши Фотиҳа сурасини ўқигандан сўнг бир рукн, яъни уч тасбеҳ миқдорида сукут сақласа ва ундан сўнг зам сура ўқиса, унга саждаи саҳв вожиб бўлади. («Таҳтовий», 250-б.)

ИККАЛА РАКЪАТДА ҲАМ БИР ХИЛ СУРА ЎҚИШ

Агар бир киши иккала ракъатда ҳам бир хил сурани икки бора ўқиса, унга саждаи саҳв вожиб бўлмайди. Албатта, бундай қилиш макруҳдир. («Кабирий», 342-б.)

@mehrob_himmati

656

MEHROB HIMMATI

11 Nov, 05:53

Абу Бакр Сиддиқ розияллоҳу анҳу айтади:

“Шайтон олдингизда туриб, иймоннни тарк қилишликка чақиради ва агар унга итоат қилсангиз – сиздан дин кетади.
Нафс ўнг томонингизда туриб, гуноҳ қилишликка чақиради ва агар унга бўйсунсангиз – сиздан руҳоният кетади.
Ҳавои-нафс чап томонингизда туриб, шаҳватга чақиради ва агар унга итоат этсангиз – сиздан ақл кетади.
Дунё ортингизда туриб, уни олишликка чақиради ва агар унга бўйсунсангиз – сиздан охиратингиз кетади.
Аъзоларингиз атрофингизда туриб, гуноҳларга чақиради ва агар уларга итоат қилсангиз – сиздан жаннат кетади.
Аллоҳ таоло қудрати билан устингизда туриб, жаннат ва мағфиратга чақиради ва агар унга итоат қилсангиз сиздан ёмон амаллар кетади, барча яхшиликларга эришасиз”.

@mehrob_himmati

637

MEHROB HIMMATI

10 Nov, 13:40

Умар ибн Хаттоб розияллоҳу анҳу: “Илм ўрганиш – Аллоҳ таолодан қўрқиш; уни талаб қилиш – ибодат; билмаганга ўргатиш – садақа; уни ўз аҳлига ўргатиш қурбатдир. Илм танҳоликда ҳамроҳ, хилватда – дўст, тўғри йўлни кўрсатувчи далил, жаннат йўлининг минорасидир”, дейди.

@mehrob_himmati

633

MEHROB HIMMATI

10 Nov, 06:41

Яширин солиҳ амалларимиз ҳам бўлсин!

Жанубий минтақалардан бирида бир оила яшар эди. Оиланинг катта қизи 22 ёшда эди. Бир куни оиланинг отаси тонг саҳар соат учларда ғалати бир овоздан уйғониб кетди. У ўрнидан туриб, уйнинг ичини кўздан кечира бошлади. Меҳмонхонани, бошқа хоналарни қараб чиқди, лекин овоз қаердан келаётганини топа олмади. Ўғиллари ётадиган хонага қараса, ҳаммаси ухлаб ётибди. Қизларнинг хонасига қараса, қизлар ухлаб ётишибди, лекин катта қиз йўқ. Бўш ўринни кўриб, ота қўрқувдан ақлдан озай деди, қизларини уйғотиб, «Опанг қани?» деб сўради. Қўрқиб кетган қизлар: «Билмаймиз», дейишди. Бутун хонадон оёққа туриб, уйнинг ичию ташини, ҳар тарафини қидира бошлашди.
Шу пайт томдан онанинг қичқирган овози эшитилди. Ҳамма жон ҳолатда томга югурди. Чиқиб қарашса, она фарёд уриб йиғлаяпти, ёнидаги жойнамоз устида эса катта қиз мук тушиб ётибди. Қизнинг ёнида мусҳаф ётар, ўзи эса саждада турган ҳолатда, лабларида ним табассум билан жон таслим қилган эди. Бу манзарани кўрган ота қизининг хотимаси гўзал якунлангани учун Аллоҳга шукрлар айтиб, дод солиб йиғлаганча саждага йиқилди.
Кейинчалик билишса, қиз ҳар куни кечаси уйнинг томига чиқиб, бомдодга азон айтилгунча таҳажжуд намозини ўқир экан. Тонг ёришганда эса мусҳафи шарифни олиб, Қуръон тиловат қилар экан. Қарангки, оиласи йиллар давомида буни билмаган экан.

Набий соллаллоҳу алайҳи васаллам: «Жаннатда ташқариси ичкаридан, ичкариси ташқарисидан кўринадиган хоналар бор», деганлар.
Шунда бир аъробий: «Улар ким учун, эй Аллоҳнинг Расули?» деб сўраган. Расулуллоҳ соллаллоҳу алайҳи васаллам: «Ширинсўз, таом улашган, рўзада бардавом бўлган, кечаси ҳамма ухлаб ётган пайтда Аллоҳ учун намоз ўқиганлар учун», деганлар. (Имом Термизий ривояти, 1984).
Ким билсин, эҳтимол, ўша қиз шу ҳадисни эшитиб, жаннатга муштоқ бўлгандир?

@mehrob_himmati

613

MEHROB HIMMATI

09 Nov, 14:58

ОБИДЛАР ВА ЗОКИРЛАР САЙЙИДИ

Набий соллаллоҳу алайҳи васаллам обидларнинг, зикр қилувчиларнинг саййидидирлар. Аллоҳ таоло у зотни чорлаб бундай дейди: «(Эй Муҳаммад!) Албатта, Раббингиз Сиз ва Сиз билан бирга бир тоифа (саҳобаларингиз) кечанинг учдан иккисидан озроғида, баъзида унинг ярмида ва (гоҳо) учдан бирида (бедор бўлиб, намозда) туришларингизни билур» (Муззаммил сураси, 20-оят);
«Раббингиз зикрини кўп қилинг ва эртаю кеч тасбеҳ айтинг!» (Оли Имрон, 41-оят);
«Унутган вақтингизда (ёдингизга келиши билан) Раббингизни зикр қилинг (яъни “иншоаллоҳ”, денг)» (Каҳф сураси, 24-оят);
«Унга бутунлай ажралинг!» (Муззаммил сураси, 8- оят);
«Эртаю кеч Раббингиз номини ёд этинг! Яна кечанинг бир қисмида ҳам Унга сажда қилинг ва узун тунда унга тасбеҳ ҳам айтинг!» (Инсон сураси, 25-26-оятлар);
«Эй (кийимларига) ўралиб олган киши (Муҳаммад!) Тунда (бедор бўлиб, намозга) туринг! Фақат озгина (ухлашга вақт қолсин!). Яъни ярми (қолсин) ёки ярмидан ҳам бироз камайтиринг! Ёхуд унга (бироз вақт) қўшинг (ярмидан кўпроғида ухланг) ва Қуръонни “тартил” билан (дона-дона қилиб) тиловат қилинг!» (Муззаммил сураси, 1–4-оятлар).

@mehrob_himmati

554

MEHROB HIMMATI

09 Nov, 09:39

📹

ОЛТМИШДАН СЎНГ УЗР ЙЎҚ

❤️ Шайх Саййид Раҳматуллоҳ Термизий

🕌 “Минор” жоме масжиди имом-хатиби

@mehrob_himmati

571

MEHROB HIMMATI

09 Nov, 07:36

Зоҳидликнинг асл маъноси қиё боқмаслик, қайрилиб қарамасликдир. Дунёга зоҳид бўлди - қайрилиб қарамади, тарки дунё қилди.

Имом Суфён Саврий раҳимаҳуллоҳ айтади:
"Зоҳидлик икки турдир: фарз бўлган зоҳидлик, фазилат бўлган зоҳидлик.
Ҳаромга зоҳидлик фарз, айрим ҳалол нарсаларга зоҳидлик фазилат.
Парҳезкорлик ҳам икки турдир: гуноҳлардан парҳез қилиш фарз, иштибоҳли (ҳаром бўлиш эҳтимоли бўлган айрим мубоҳ) нарсалардан парҳез қилиш фазилат ва эҳтиёткорликдир".
Байҳақий, Шуабул иймон китоби, 9/202

=======

Кўриб турганингиздек, зоҳидлик ва парҳезкорлик (вараъ) бир-бирига маънода жуда яқин сўзлардир.
Иккиси орасидаги фарқни кўрсатиб берувчи таърифлар орасида аллома Ибн Қаййим раҳимаҳуллоҳнинг нақли диққатга сазовор:

"Зоҳидлик - охиратда фойда бермайдиган нарсаларни тарк этиш, парҳезкорлик - охиратда зарар бериш хавфи бўлган нарсаларни тарк этиш".

©️

Сайфуллоҳ Носир

📲

@mehrob_himmati

576

MEHROB HIMMATI

09 Nov, 04:59

Биродарларимиздан баъзида "Қуръон тиловатида ожизлик, дангасалик қиляпман" деганини эшитиб қоламиз.

Шунда беихтиёр Ҳасан Басрийнинг қуйидаги ҳикматлари ҳаёлимизга келади:

"Банда билан гуноҳлар ўртасида чегара бор, ким шу чегарани бузадиган бўлса Aллоҳ уни яхшилик қилолмайдиган қилиб қўяди".

Aллоҳим биз ўз нафсимизга зулм қилдик бизларни ва то қиёматга қадар келадиган умматни афв эт. Бизларга гуноҳларимизга қараб муомала қилма. Каломингни қалбимизнинг баҳори қил, зулматга ботган бу қалбларимизни Каломинг нури билан обод эт!

📲

@mehrob_himmati

587

MEHROB HIMMATI

08 Nov, 15:36

Ҳалол ва ҳаром ҳақида

Бир аъробий Қозий Иёс ибн Муовияга деди:
- Хурмо есам, мени дарралайсизми?
- Йўқ, - деди Иёс.
- Сув ичсам-чи, дарралайсизми?
- Йўқ.
- Шароб ҳам шу иккисидан тайёрланади-ку! Қанақасига у ҳаром бўлиб қолади ва нима учун уни ичганлар дарраланиши керак?!

Иёс деди:
- Тупроқ билан бошингга урсам оғрийдими?
- Йўқ, - деди аъробий.
- Бошингга бир челак сув қуйиб юборсам-чи, бошинг ёриладими?
- Йўқ.
- Энди сув билан тупроқни аралаштириб, ундан ғишт ясаб, ғишт билан бошингга урсам нима бўлади?
- Бошим ёрилади.
- Ҳа, яша! Шароб ҳам шундай.

@mehrob_himmati

647

MEHROB HIMMATI

08 Nov, 11:58

Иллатли қалб беҳуда ишларга мойил бўлади.

Изоҳ. Беҳуда ишга мойил қалб хастадир. Хасталанган жойда мезон бузилади, фойда билан зарар, ёмон билан яхшининг ўрни ўзгаради. Натижада бундай қалб эгасининг хулқи хунуклашади, ичи дунё муҳаббатига тўлиб, тўғри йўлдан озади. Аксинча, ичида ҳамиша Оллоҳнинг ёди бўлган кўнгил тўғри йўлдадир. Бундай кўнгилга эга бўлган банда нимаики ният қилса, ниятига эришади. Чунки кўнгил – подшоҳ, инсондаги бошқа барча аъзолар бу подшоҳнинг ҳукми остида, унга қарам. Адолатли подшоҳнинг эли омон, йўллари тинч бўлади. Агар ёмонлик султоннинг ўзидан чиқса, бундай элда омонлик бўлиши мумкинми?! Пайғамбар алайҳиссалом деди: «Огоҳ бўлинг! Жасадда бир парча эт бор. Агар у соғлом бўлса, жасаднинг ҳаммаси соғломдир. Агар у бузилса, барча жасад бузилади. Огоҳ бўлинг, у қалбдир». Бухорий ривояти.
Жасаднинг тириклиги тугаши билан поёнига етадиган дунёдаги барча оғриқлар қалб хасталиги олдида арзимас нарса. Жисмоний дард фоний ҳаёт каби ўткинчи. Лекин ёмон хулқ туфайли қалб хасталанса, абадий ҳаёт бой берилади. «Қалб хасталигининг манбаи шаҳватларга эргашиш ва унинг муолажа йўли шаҳватларни тарк этишдир», – дейди Абу Ҳомид Ғаззолий.
Ваҳиб ибн Вард айтган экан: «Нон бўлатуриб, яна қўшимча егуликларни исташ шаҳватдир. Кимки дунё шаҳватларини севса, хорликка ҳозирлигини кўраверсин»...

“Унвонул баён”дан.

@mehrob_himmati

613

MEHROB HIMMATI

07 Nov, 04:15

Ибн Масъуд розияллоҳу анҳу айтади: Исломда тонг оттириб, Исломда кунни кеч қиладиган кишига дунёда етган мусибат зиён етказмайди.

@mehrob_himmati

128

MEHROB HIMMATI

06 Nov, 15:19

Пайғамбар алайҳиссалом айтганлар: "Кимки: "одамлар бузилиб кетди" деб айтадиган бўлса, у одам уларнинг энг бузилганидир" Имом Муслим ривояти.

Ҳадис шарҳида уламолар шундай дейдилар: бундай гапни айтадиганлар асосан икки тур бўлади:
1 - одамларни менсимай, ўзини устун кўриб, ўзига бино қўйганлар. Буларга ўзларининг айби кўринмайди, фақат одамларнинг айби кўринади. Ҳар қадамда ўзгаларни шариатга бўйсунмасликда, пайғамбар йўлидан чекинганликда айблайдилар. Юқоридаги ҳадиси шариф айни шу тоифа учун айтилган.

2 - одамлар қилаётган гуноҳларга, нотўғри ишларга қайғурган, ўзларини ўша одамлардан ҳам кўра айбдор ва гуноҳкорроқ ҳис этган кишилар. Булар ҳам баъзан афсус ва қайғу билан айтишлари мумкин. Лекин бу тоифа ҳадеб айтавермайди, балки одамларни яхшиликка чорлашга, улар ичидаги фасодни ўзни устун қўймаган ҳолда имкони етганча кетказишга уринади.

Хулоса, бу ёмон тоифага кирган-кирмаганини аниқлаш учун киши ўзига боқсин: агар ўзини бошқалардан сал бўлса-да афзал кўрса, қилиб юрган амалига бино қўйса, демак, ўзи шу тоифадан экан.
Муслим бин Ясор айтар эди: киши ўзини биродаридан афзал деб билса, унга шу ёмонлик кифоя, унда бошқа ёмонлик топилиши шарт эмас.

Оллоҳ ҳаммамизни ислоҳ қилсин.

©️Сайфуллоҳ Носир

@mehrob_himmati

326

MEHROB HIMMATI

06 Nov, 12:16

Ҳинд ҳукмдорининг исломга кириши

Балозурий шундай ёзади: “Кашмир, Мўлтон ва Қобул ўртасида жуда зийрак бир ҳукмдор бор эди. Бу ҳудуднинг аҳолиси ибодатхонадаги бир бутга сиғиниб, уни абадий деб билишарди. Бир куни ҳукмдорнинг ўғли касалланиб қолди. Шунда у ибодатхона хизматчиларини чақириб, уларга шундай деди: “Ўғлимни касалликдан қутқариш учун бутга дуо қилинглар". Хизматчилар ҳукмдорнинг олдидан чиқишди ва бироздан кейин қайтиб келиб: “Биз бутга дуо қилдик, у дуомизни қабул қилди, сўраганимизни бажаради”, деб айтишди. Аммо кўп ўтмай ҳукмдорнинг касал ўғли вафот этди. Бундан жаҳли чиққан ҳукмдор ибодатхонага ҳужум қилиб, уни вайрон қилди, бутни синдирди ва хизматчиларни ўлдирди. Кейин мусулмон савдогарлардан бир неча кишини чақириб, улардан тавҳид эътиқодининг асосларини тинглади. Оқибатда Аллоҳнинг ягона эканлигини тан олиб, мусулмон бўлди. Бу воқеа мўминлар амири Мўтасим биллоҳ даврида содир бўлган эди".

©️Равзатус Сафо

@mehrob_himmati

366

MEHROB HIMMATI

06 Nov, 10:23

Довуд Тоий айтади: “Мусулмон киши бу дунёдаги мусибатларга хафа бўлиши мумкин эмас, чунки у ҳар бир мусибатга савоб берилишини билади”.

@mehrob_himmati

372

MEHROB HIMMATI

06 Nov, 06:08

Эҳсоннинг энг чиройлиси аввал қилингани.

Изоҳ. Биров бировга яхшилик қилди. Кейин иккинчи киши аввалгисига яхшилиги баробарида ёки ундан-да кўпроқ қилиб яхшилигини қайтарди. Мана шу ҳолатда аввал қилган кишининг яхшилиги чиройли саналяпти. Чунки у хайрнинг бошида бўлиб қолди. Гўё яхшилик йўқ эди, у бошлаб берди, иккинчи киши эса уни давом эттирди. Мажозан айтсак, йўқдан бор этиш, борни бор этишдан мартабада баландроқдир.

“Унвонул баён”дан.

@mehrob_himmati

732

MEHROB HIMMATI

05 Nov, 14:36

ҲИКМАТ ИЗЛАГАНГА ҲИКМАТДИР ДУНЁ,
ИЛЛАТ ИЗЛАГАНГА...

Машойихларнинг айтишича, бир киши денгиз бўйида сувга тушиб, бир пой ковушини йўқотиб қўйиб, денгиз соҳилига “Денгиз ўғри!” деб ёзибди.
Бир балиқчи шу ердан кўп балиқни овлабди ва соҳилга “Денгиз жуда сахий!” деб ёзибди.
Бир онанинг ўғли шу ерда чўкиб ўлибди ва у соҳилга “Денгиз қотил!” деб ёзибди.
Бир ғаввос эса у ердан кўп дуру гавҳарлар топибди ва “Денгиз жуда олийжаноб!” деб ёзибди.
Шунда денгиздан тўлқин кўтарилибди-да, соҳилдаги ҳамма ёзувларни ўчириб ташлабди ва “Денгиз бўламан десанг, одамларнинг гап-сўзларига эътибор берма!” дебди».

@mehrob_himmati

596

MEHROB HIMMATI

05 Nov, 10:19

«Агар дўстингни душманинг билан бирга кўриб қолсанг, билгинки, иккаласи ҳам сенга душмандир: бири очиқчасига, бошқаси зимдан".

@mehrob_himmati

504

MEHROB HIMMATI

05 Nov, 08:37

Бир сахий инсон дўстидан сўрабди.
– Бир одамга 10 000 $ эҳсон қилмоқчиман, нима дейсан?
– Йўғ-е, дўстим, бу кўп-ку, шунча ҳам эҳсон қиласанми?
– Ҳа, унда, 1 000 $ берсамчи?
– Бу ҳам кўп.
– 100 $ берсамчи?
– Қўйсанг-чи, 100-200 минг сўм берсанг ҳам етади.
– Эҳ, дўстим-а, ўша пулни сенга бермоқчи эдим. Бахиллигинг сабаб, мени эҳсон қилишдан, ўзингни эса неъматдан маҳрум қилдинг.

@mehrob_himmati

484

MEHROB HIMMATI

05 Nov, 06:25

ЭНГ ЯХШИ НЕЪМАТ

Набий алайҳиссалом дунёнинг инсон фойдаланадиган, лаззатланадиган нарсаларининг энг яхшисини айтиб: “Унинг энг яхши неъмати солиҳа аёлдир”, деганлар. “Энг яхшиси”, яъни энг афзал неъмати – солиҳа аёлдир.
Солиҳа қандай аёл?
Уни Пайғамбаримиз алайҳиссалом бундай таърифлаганлар: “Аёл тўрт нарса учун никоҳланади: моли, насаби, жамоли ва дини учун. Сен диндорини танлагин, қўлинг тупроққа қорилгур” (Имом Бухорий ва Имом Муслим ривояти).
Диндорлик – аёл киши сифатланган энг яхши сифатдир. Шунинг учун энг яхши неъмат солиҳа аёлдир.
Саҳобалар Набий алайҳиссаломдан: «Ё Расулуллоҳ, аёлларнинг қандоғи энг яхшисидир, деб сўрашганда, у зот алайҳиссалом бундай жавоб берганлар: “Қачон назар солса, сурур бағишлайдигани, қачон буйруқ берса, итоат қиладигани ва эрига ўз жонида ва молида у ёқтирмайдиган нарса ила хилоф қилмайдигани» (Имом Термизий ва Имом Абу Довуд ривояти).
Дунё неъматнинг энг афзали – солиҳа аёл. Шунингдек, дунёнинг энг яхши неъмати, аёлга нисбатан, солиҳ эрдир. Солиҳа аёл қанчалик эрининг ҳақини адо этса, солиҳ эр ҳам аёлининг ҳақига риоя этади. Шу боис Пайғамбаримиз алайҳиссалом: “Қачон сизга ўзингиз динидан ва хулқидан рози бўлган киши келса, унга (сўраганини) никоҳлаб беринг. Йўқса, Ер юзида фитна ва катта фасод бўлади”, деганлар (Имом Термизий ривояти).

@mehrob_himmati

473

MEHROB HIMMATI

05 Nov, 03:59

Ким ҳисобсиз жаннатга киради?

Имом Абу Ҳотим ва Имом Ҳоким раҳимаҳумаллоҳ Жобир розиёллоҳу анҳудан ривоят қилган ҳадисда бундай дейилади: “Кимнинг яхшиликлари ёмонликларидан кўп бўлса, шу киши ҳисоб-китобсиз жаннатга киради. Кимнинг яхшиликлари ёмонликлари билан тенг келса, енгил ҳисоб қилинади. Сўнгра жаннатга киритилади. Кимнинг гуноҳлари яхшиликларидан зиёда келса, ана ўша ўз нафсини ҳалок этибди”.

@mehrob_himmati

469

MEHROB HIMMATI

04 Nov, 13:11

Яхши кўрган нарсангнинг озига ёмон кўрган нарсангнинг кўпига сабр қилиш билан етасан.

Изоҳ. Яхши кўрган нарсангнинг озгинасига эришиш учун жуда кўп ўзинг ёмон кўрадиган нарсаларга сабр қилишинг керак.

@mehrob_himmati

468

MEHROB HIMMATI

04 Nov, 11:09

АГАР...

Агар турмуш ўртоқни танлашда ихтиёр аёл ниятининг софлиги ва қалбининг поклиги асосида бўлганда эди, Осиё онамиз Фиръавнга турмушга чиқмаган бўлар эди.
Агар яхши аёл танлаш эркакнинг донолиги билан бўлганда эди, Нуҳ ва Лут алайҳимассалом икки хоин аёлга уйланмаган бўларди.
Агар фарзанднинг салоҳияти ёки фасоди отанинг сабабидан бўлганда эди, Озардан Аллоҳнинг халили Иброҳим алайҳиссаломдек зот дунёга келмаган ва улуғ пайғамбарлардан бири бўлган зот (Нуҳ алайҳиссалом)нинг фарзанди кофирлар билан бирга ғарқ қилинмаган бўлар эди.
Лекин буларнинг бари баъзилар баъзилар ила синаш ва ким яхшироқ сабр қилишини билиш учун жорий бўлгандир...

Доктор Аҳмад Исо Маъсоравий

@mehrob_himmati

500

MEHROB HIMMATI

04 Nov, 06:50

ДУНЁ ҲАҚИҚАТИ

Дунёнинг ҳақиқатини унутмаслик лозим. Қўлга киритилган нарсалар қанчалик кўп бўлмасин, бир кун кетади. Асло давомли бўлмайди. Шу сабабли Аллоҳ таоло нима берса, унинг қадрига етиб, тақво қилиш керак. Уларни Аллоҳ таоло рози бўладиган ерларга ишлатиш лозим. Ояти каримада: “Аллоҳ шундай зотдирки, сизларни заиф нарсадан (бир томчи сувдан) яратди, сўнгра (сизларга) заифликдан кейин (қувват пайдо) қилди. Сўнгра қувватдан кейин яна заифлик ва қариликни (пайдо) қилди. У Ўзи хоҳлаган нарсани яратур. У Билимдон ва Қудратлидир” (Рум сураси, 54-оят).

@mehrob_himmati

498

MEHROB HIMMATI

04 Nov, 01:55

Абдуллоҳ ибн Масъуд розияллоҳу анҳу айтади: “Мана бу Қуръон Аллоҳнинг одобномасидир. Унинг одобномасидан имконингиз борича ўрганинглар. Бу Қуръон Аллоҳнинг қатъий аҳди, ёрқин нур ва фойда берувчи шифодир. Унга амал қилган кишига саломатлик, унга эргашган кишига нажотдир. Унинг ажойиботлари туганмас, кўп такрорлаш билан эскирмас. Уни ўқинглар, Аллоҳ сизларга унинг ҳар бир ҳарфига ўнтадан ҳасанот беради. Мен «Алиф лам мим» битта ҳарф деб айтмайман. Балки алиф бир ҳарф, лам бир ҳарф ва мим бир ҳарфдир (Имом Ҳоким ривояти).

@mehrob_himmati

521

MEHROB HIMMATI

03 Nov, 14:36

#саждаи_саҳв_масалалари
УЧ ОЯТДАН СЎНГ ХАТО ҚИЛСА

Агар имом Фотиҳа сурасидан сўнг уч оят ёки бир узун оят ўқиса, ундан сўнг қаердадир хато ўқиса, агар у хатолик намозни фосид қиладиган даражада бўлса, унга луқма бериш зарурийдир. Акс ҳолда намоз фосид бўлади. Агар ушбу хатолик намозни фосид қилмайдиган даражада бўлса ҳам луқма бериш жоиздир. Саждаи саҳв вожиб бўлмайди. («Кабирий», 417-6.)

Танбеҳ: Баъзи одамлар имом уч оятдан сўнг қироатда қандай хато қилса ҳам унга луқма бермаслик лозим, деб ўйлайдилар. Баъзилар эса уч оятдан сўнг имом хато қилса, ҳеч қандай зиёни йўқ, намоз дуруст бўлаверади, деб ҳисоблайдилар. Бу иккала гап ҳам хатодир. Албатта, уч оятдан сўнг муқтадий луқма беришга шошилмаслиги, имом ҳам луқмага ўрин қолдирмасдан рукуъга кетмоқлиги лозимдир.

ФАҚАТ ИККИ КИЧИК ОЯТ ЎҚИСА

Агар бир киши Фотиҳа сурасидан кейин фақат икки кичик оят ўқиса ва унутиб рукуъга кетса, унга саждаи саҳв вожиб бўлади. Агар қасддан рукуъга кетса, намозни қайта ўқиши зарур бўлади. («Ад-дуррул мухтор» маъа «Раддул муҳтор», 1-ж, 308-б.)

ФАРЗНИНГ УЧИНЧИ ЁКИ ТЎРТИНЧИ РАКЪАТИДА ФОТИҲАДАН СЎНГ ЗАМ СУРА ҲАМ ЎҚИШ

Агар фарзнинг учинчи ёки тўртинчи ракъатида Фотиҳа сурасидан сунг унутиб ёки қасддан бирор сура ўқилса, саждаи саҳв вожиб бўлмайди. («Раддул муҳтор», 1-ж, 308-6; «Фатово Оламгирий», 1-ж, 126-б.)

ФАРЗНИНГ УЧИНЧИ ЁКИ ТЎРТИНЧИ РАКЪАТИДА ФОТИҲА ЎҚИМАСЛИК

Агар фарзнинг учинчи ёки тўртинчи ракъатида Фотиҳа сураси ўқилмаса, саждаи саҳв вожиб бўлмайди. («Раддул муҳтор», 1-ж, 498-6; «Фатово Оламгирий», 1-ж, 128-б.)

@mehrob_himmati

553

MEHROB HIMMATI

03 Nov, 11:09

Агар тавба қилмасанг...

🎙Шайх Саййид Раҳматуллоҳ ТЕРМИЗИЙ

🕌 “Минор” жоме масжиди имом-хатиби

@mehrob_himmati

536

MEHROB HIMMATI

03 Nov, 08:43

Яхши кўрган нарсангнинг озига ёмон кўрган нарсангнинг кўпига сабр қилиш билан етасан.

Изоҳ. Яхши кўрган нарсангнинг озгинасига эришиш учун жуда кўп ўзинг ёмон кўрадиган нарсаларга сабр қилишинг керак.

@mehrob_himmati

519

MEHROB HIMMATI

03 Nov, 05:31

Яҳё ибн Муоз Розий айтади: Аллоҳни нечоғлик яхши кўришингга қараб инсонлар сени яхши кўрадилар. Аллоҳдан нечоғлик қўрқишингга қараб инсонлар олдида ҳайбат касб қиласан! Аллоҳнинг амри билан нечоғлик машғул бўлишингга қараб бировлар сенинг ташвишинг билан машғул бўладилар.

@mehrob_himmati

547

MEHROB HIMMATI

02 Nov, 11:39

Имом Раббоний қуддиса сирруҳу айтадилар:
“Ислом олами бу даврда жиддий маънода ғариблашди. Бундай замонда исломиятни ривожи учун (олимлар, талабалар ва илмий фаолиятларга) бир фулус (танга) эҳсон қилиш, минглаб олтин-кумушга тенгдир. Бу толе кимга насиб қилса буюк саодатдадир.”

Мактуботи шариф, 1/193-мактубдан.

@mehrob_himmati

606

MEHROB HIMMATI

30 Oct, 17:46

ОНА ва БОЛА ёхуд ноўрин РАҲМАТ

Она меҳри ва латофати билан дунёни безаб туради. Онасиз ҳаётни тасаввур қилиш қийин. Айниқса, бу ёшликда яққол кўзга ташланади. Она қадрини фақат она бўлганлар англаб етади. Унгача “она”ни том маънода тушуниш душвор. Қуйида она ва бола ўртасида учраб турадиган ҳаётий ҳақиқатни эсга олдик:
1 ёшга кирганингизда она сизни оқ ювиб-оқ таради.
Эвазига туни билан йиғлаб уни ухлатмасдан “раҳмат” айтдингиз.
2 ёшга кирганингизда сизга юришни ўргатди.
Чақирганда жавоб бермай қочиб “раҳмат” айтдингиз.
3 ёшга кирганингизда сизга турли таомлар тайёрлаб берди.
Овқат солинган идишни стол остига ағдариб “раҳмат” айтдингиз.
4 ёшга кирганингизда болам ёзишни ўргансин деб қўлингизга ранг-баранг қаламлар тутқазди.
Уйнинг деворларини бежаб “раҳмат” айтдингиз.
5 ёшга тўлганингизда ажойиб кийимлар сотиб олиб берди.
Тупроқ чангитиб, кийган кийимингизни кирга булаб “раҳмат” айтдингиз.
6 ёшдан ўтганингиздан кейин сизни мактабгача олиб бориб қўйди.
“Мактабга бормайман” деб кўчада хархаша қилдингиз.
7 ёшга кирганингизда туғилган кунингизга копток совға қилди.
Қўшнининг деразасини синдириб “раҳмат” айтдингиз.
9 ёшингизда сизни машинада мактабга олиб борар эди.
Машинадан туша солиб, раҳматни ва хайрни насия қилиб “раҳмат” айтдингиз.
10 ёшингизда сизни дўстларингиз билан кинога олиб борди.
“Ойижон, сиз биз билан бирга ўтирманг” деб “раҳмат” айтдингиз.
11 ёшга кирганингизда кўп телевизор кўрма, акс ҳолда кўзинга зарар бўлади деди.
У уйда йўқлигида телевизор “тагидан” чиқмай “раҳмат” айтдингиз.
13 ёшингизда сизни ёзги таътилда лагерга жўнатди.
Бир сатр бўлса ҳам хат ёзмасдан “раҳмат” айтдингиз.
15 ёшга кирганингизда дўстларингизнинг туғилган кунига боришга рухсат берди.
Бир марта телефон қилмасдан саҳарга яқин уйга қайтиб “раҳмат” айтдингиз.
17 ёшга кирганингизда “болам мактабни тугатди” деб фахр билан битирувчилар даврасида бағрига босди.
Унга совуққонлик билан “раҳмат” айтдингиз.
22 ёшингизда университетнинг битирув маросимида иштирок этиш учун ёнингизга келди ва тантана тугагунча ёнингизда бўлди.
Сиз “Она, уйга кетаверинг, мен дўстларим билан сайр қилиб кейин бораман” деб “раҳмат” айтдингиз.
25 ёшингизда сизни уйлантириб қўйди.
Тўйдан кейин ойлаб хабар олмасдан “раҳмат” айтдингиз.
30 ёшингизда бола тарбия қилиш тўғрисида маслаҳатлар берди.
“Ўзим биламан”, деб “раҳмат” айтдингиз.
40 ёшга кирганингизда телефон қилиб “бугун фалон қариндошимизнинг тўйи” эканини эслатди.
“Она, ишим бошимдан ошиб-тошиб ётибди” деб “раҳмат” айтдингиз.
50 ёшга кирганингизда унинг касал эканини эшитиб кўргани бордингиз ва “Киши кексайган сари ёш боладек нозик бўлиб қолар экан” деб “раҳмат” айтдингиз.
Шундай кунларнинг бирида у вафот этди. Унга ҳаётлигида қилмаган барча яхшиликларингиз бирма-бир кўз олдингиздан ўтди ва ўксиндингиз.
Шундай экан, ҳар онни ғанимат билиб, онажонларимизни кўнгилларини шод этайлик. Улар мудом ҳаёт эканлар, мудом бизни дуо қилар эканлар, бор-будимизни аямайлик. Зеро, жаннатни уларнинг пойи мубораклари остидан топамиз.

@mehrob_himmati

165

MEHROB HIMMATI

30 Oct, 13:06

#саждаи_саҳв

🧎‍♂️

ФОТИҲА СУРАСИНИНГ ЎРНИГА ЗАМ СУРАНИ БОШЛАБ ЮБОРИШ

Агар киши биринчи ёки иккинчи ракъатда Фотиҳа сурасидан олдин зам сурани бошлаб юборса, ёдига тушиши билан зам сурани келган жойида тўхтатиб, аввал Фотиҳани, сўнг зам сурани ўқиб, намознинг охирида саждаи саҳв қилмоғи лозим бўлади. Худди шундай, агар Фотиҳадан илгари зам сурани мукаммал ўқиган бўлса ва буни, яъни Фотиҳани қолдириб кетганини зам сурани ўқиб бўлганидан сунг ёки рукуъда турганида ёхуд рукуъдан қайтганида билиб қолса, Фотиҳа ва зам сурани бошқатдан ўқиб, такроран рукуъни ҳам бажариб, намоз охирида саждаи саҳв қилмоғи вожиб бўлади. («Фатово Оламгирий», 1-ж, 65-б.)

ФОТИҲАДАН СЎНГ ЎҚИШНИ ИРОДА ҚИЛГАН СУРАНИНГ ЎРНИГА БОШҚАСИНИ ЎҚИШ

Киши Фотиҳадан сўнг бирор сурани ўқишни мўлжалласа, бироқ адашиб бошқасини ўқиб юборса, унга саждаи саҳв вожиб бўлмайди. («Фатово Оламгирий», 1-ж, 65-б.)

ФОТИҲА СУРАСИДАН СЎНГ ТАШАҲҲУД ЎҚИШ

Агар киши биринчи ракъатда Фотиҳа сурасидан сўнг ташаҳҳудни (аттаҳиётни) ўқиса, унга саждаи саҳв вожиб бўлади. Агар ташаҳҳудни Фотиҳа сурасидан олдин ўқиган бўлса, унга саждаи саҳв вожиб бўлмайди. («Фатово Оламгирий», 1-ж, 66-6.)

@mehrob_himmati

292

MEHROB HIMMATI

30 Oct, 10:35

ШАЙТОН ВАСВАСА ҚИЛОЛМАЙДИ

«Эй имон келтирганлар! Сабр ва намоз билан (Мендан) ёрдам сўрангиз! Албатта, Аллоҳ сабр қилувчилар билан биргадир» (Бақара, 153).
Аллоҳ таоло бизларга Ўз амрларига итоат этишимиз ва қайтарганларидан тийилишимиз учун сабр билан мадад олишимизни буюради. Чунки киши барча яхшиликларга сабри боис эришади.

Али розияллоҳу анҳудан қўшнининг ҳақи хусусида сўрашди. У зот: “Сизлар қўшнининг ҳақи унга озор бермаслик деб биласизларми?” дедилар. Ўтирганлар: “Ҳа”, дейишди. Шунда у зот: “Озорларига сабр қилиш ҳам унинг ҳақи ҳисобланади”, дедилар. Демак, фақатгина унга озор бермаслик эмас, балки ундан етадиган озорларга сабр қилиш ҳам қўшнининг ҳақи экан.

Расулуллоҳ соллаллоҳу алайҳи ва саллам Билол розияллоҳу анҳуни азон айтишга буюраётганларида: “Бизни намоз ила роҳатлантир, эй Билол”, дердилар. Намозда банда Раббисига мурожаат қилади. Банда Раббисига мурожаат қилар экан, ҳамма машаққатлар унга осон бўлади. Зеро, борлиқдаги ҳар бир нарса Аллоҳга бўйсунади, итоат этади. Аллоҳга мурожаат қилган кишига бирор нарса журъат этолмайди. Яна Раббисининг итоатида бўлган кишига шайтон яқинлашолмайди, йўлдан оздиришга қуввати етмайди. Чунки шайтон ханнос, яъни инсон Аллоҳни эслаганда чекиниб, эсламаганда васваса қилувчидир.

Инсон Аллоҳ зикридан ғофил бўлса, шайтон унга ҳамла қилади. Агар Аллоҳни зикр қилса, у чекинади, заифлашади. Аллоҳ таоло бундай дейди: «(Иблис) айтди: “Энди, Сенинг қудратингга қасамки, албатта, уларнинг ҳаммасини йўлдан оздирурман. Фақат уларнинг орасидаги (айрим) ихлосли бандаларинггина (озмай қолурлар)”» (Сод, 82–83).

@mehrob_himmati

354

MEHROB HIMMATI

30 Oct, 06:50

Илм икки дунё саодатининг калитидир. Инсон ҳаётини тўғри йўлга солмаган, унинг феъл-атворию амалида таъсири билинмаган илмда яхшилик, хайр-барака йўқдир. Шунинг учун ўрганилган эмас, амал қилинган илм ҳақиқий илм саналади. Ўқиган, билганига амал қилмаган одам бу илмнинг ҳаммоли бўлади, холос.
Мавлоно Жалолиддин Румий айтганларидек, “Жаҳолат – зулматдир. Қоронғида дарахт дев бўлиб, олма эса тош бўлиб кўринади”. Жоҳил одамга оддий нарса қўрқинчли бўлиб, яхши нарса фойдасиз бўлиб кўринади. Бу иллатнинг давоси эса илмдир. Илм ҳақ билан ботилни фарқлашнинг энг муҳим воситаларидан биридир, битмас-туганмас хазинадир.

Шайх Саййид Раҳматуллоҳ Термизий

@mehrob_himmati

377

MEHROB HIMMATI

29 Oct, 07:16

Ваҳб ибн Мунаббаҳ айтади: Ажр-савоб ҳаммага кўриниб туради, лекин уни амал қилмаганлар олмайди, қидирмаганлар топмайди, қарамаганлар кўрмайди. Аллоҳнинг итоати-ибодати унга интилганлар учун яқин, ундан юз ўгирганлар учун йироқдир. Ибодатга ҳарис инсонлар унга талпинадилар, ибодатни суймаган кимсалар уни тополмай ўтадилар. Ким ибодатга интилса, албатта унга мушарраф бўлади, сусткаш-беэътибор кимсалар эса ундан маҳрум қолади. Аллоҳнинг итоатини иззат-икром қилган инсонлар ибодат туфайли шарафга чўмиладилар, ибодатни зое этган кимсалар хорликка кўмиладилар, Аллоҳнинг китоби унга далолат қилади, Аллоҳга иймон келтирмоқ унга бошлаб боради.

@mehrob_himmati

413

MEHROB HIMMATI

29 Oct, 05:04

МАШАҚҚАТ ВА ҚИЙИНЧИЛИКЛАРНИНГ ЭНГ ГЎЗАЛ МИСОЛИ

Ҳакимул уммат, Мавлоно Ашраф Али Таҳонавий қуддиса сирруҳ дейдилар: “Машаққат ва қийинчиликлар одамнинг жисмида беморликка ўхшайди. Доктор унинг муолажаси учун операция қилиш кераклигини айтади. Лекин, маълумки, операция оғриқли бўлади, докторлар ёради-кесади. Шунга қарамай, бемор эътироз билдирмайди, ҳатто тезроқ қилинг, деб доктордан илтимос қилади. Керак бўлса, катта миқдорда ҳақ ҳам тўлайди. Бемор буларнинг барчасини нега қилади? Сабаби, операция ва тиғнинг машаққати оддий ва вақтинча эканини, бир неча кундан кейин яраси тузалиб кетишини билади. Операциядан кейин етадиган саломатлик шу даражада улуғки, унинг олдида бу машаққат ҳеч нарса эмас. Операция қилаётган доктор, гарчи четдан қараганда азият бераётгандек кўринсада, аслида, бемор учун шу дамда ундан кўра меҳрибонроқ ва яхшилик қилувчироқ бошқа бирор кимса йўқ.
Худди шунингдек, Аллоҳ таоло қачон бирор бандага қийинчилик берса, у операция столига ётқизилгандек бўлади. Чунки бу машаққат ва мусибатлар ила банданинг касалликлари муолажа қилинади, кўзи очилади, гуноҳларидан покланади...”

“Насиҳатлар гулдастаси”дан.

@mehrob_himmati

451

MEHROB HIMMATI

28 Oct, 12:32

БЕРГАНИГА ЯРАША САХОВАТ

Жаъфар ўғли Абдуллоҳнинг бирор ҳожат сўраб келган тиланчини қуруқ қайтариш одати йўқ эди. У шунчалар қўли очиқ ва саховатпеша эдики, ҳатто уни бошқалар маломат қилишгача боришар эди. У: “Аллоҳ таоло мени бир ҳиссиётга одатлантириб қўйган, мен Аллоҳнинг бандаларини бир нарсага одатлантириб қўйганман
– Аллоҳ менга беришига одатланиб қолганман, бандаларини беришимга одатлантириб қўйганман”, дер эди.
Имом Лайс ибн Саъддан ҳикоя қилинишича, унинг кунлик даромади минг динор бўларди, лекин шундай бўлса-да, унга закот вожиб бўлмас эди. Чунки у топган даромадини йил давомида ушлаб турмас, балки топган сари Аллоҳ йўлида инфоқ ва садақа қилиб юбораверар эди. Абдуллоҳ ҳар куни уч юз олтмиш мискинга садақа қилмасдан гапирмас ҳам эди.
Кунларнинг бирида бир аёл келиб, ундан озроқ асал беришини сўради. Абдуллоҳ ибн Жаъфар унга меши билан бериб юборди. Буни кўрганлар айтишди:
– Бу аёлга озгинаси ҳам кифоя қилур эди.
– Аёл ўзининг ҳожатга яраша сўради, биз эса Аллоҳ берган неъматга яраша эҳсон қилдик! – жавоб берди Абдуллоҳ ибн Жаъфар.

@mehrob_himmati

541

MEHROB HIMMATI

28 Oct, 07:48

Умар ибн Солиҳ айтади: "Аҳмад ибн Ҳанбалдан сўрадим:
- Қалб нима билан юмшайди?
Менга қараб-қараб тургач, жавоб берди:
- Нима билан бўлар эди, ҳалол ейиш билан".
Табақотул ҳанобила, 1/219.

@mehrob_himmati

484

MEHROB HIMMATI

28 Oct, 04:15

Улуғлардан келган баъзи ҳикматлардан:

"Оллоҳнинг қўлидаги нарса (яъни, ҳали сен эриша олмаган нарса)дан кўра қўлингда турган нарсага ишончлироқ қарашинг иймонинг сустлигидандир". Ҳасан Басрий.
(Яъни, ўзингда бўлган-бўлмаган нарсага бирдек, барчаси Оллоҳнинг қўлида деб, ажратмасдан қарамоғинг лозим, сенда йўқ бўлган нарсани Оллоҳ хоҳласа бир зумда келтириши мумкин, қўлингда турган нарсадан ҳам Оллоҳ хоҳласа бир зумда айрилишинг мумкин, дегани, валлоҳу аълам).

"Охиратда нима сен билан бирга бўлишини яхши кўрсанг, шуни бугун қилавергин, нима бўлишини ёмон кўрсанг бугун ўшандан тийил". Абу Ҳозим Салама ибн Динор.

"Ким одамларнинг турли гапларидан, таъналаридан омонда қоламан деб ўйласа, у мажнундир. Чунки, Оллоҳни "учтанинг учинчиси", Муҳаммад алайҳиссаломни "жинни, сеҳргар" дейишди, бошқалар ким бўпти". Имом Шофеий.

"Эй Раббим! Мени амалим қандай қутқара олсин, ҳолбуки мен яхшилигу ёмонлик орасидаман (қилганларим яхшилик ва ёмонликлардан иборат). Ёмонликларимда сира яхшилик йўқ, яхшиликларим эса ёмонликлар (ужб, риё ва ш.к.)га аралаш бўлса! Сен эса фақат амалнинг софини, холисини қабул қиласан! Энди фазлинг ва карамингдан бўлак нарса қолмади!". Яҳё ибн Муоз.

@mehrob_himmati

490

MEHROB HIMMATI

27 Oct, 14:55

Ибрат

Иброҳим Нахаий айтади: Саҳобалар жанозадан кейин ҳам бир неча кун ўзларига келолмасдан юрардилар. Улар маййитнинг аҳволи ва ўлим ҳақида фикр қилишарди.

@mehrob_himmati

512

MEHROB HIMMATI

27 Oct, 07:23

«Шундай даврлар келадики, фақат одамлардан узлатга чекинибгина масрур бўлишинг мумкин».

Али ибн Абу Толиб розияллоҳу анҳу
@mehrob_himmati

542

MEHROB HIMMATI

26 Oct, 17:53

ҚУШ УЯСИДА КЎРГАНИНИ ҚИЛАДИ

"Ҳилятул авлиё" китоби (2/383)да шундай ҳикоя келади:
Фузайл ибн Иёз айтади: Молик ибн Динор намозини ўлда-жўлда қилиб тез ўқиётган бир одамни кўриб: "Эҳ, фарзандларига раҳмим келади-да" деди. Ёнида турганлар: "Эй Абу Яҳё (у зотнинг кунялари), намозни яхши ўқимаётган бу бўлса, фарзандларига нега раҳмингиз келади?" дейишди. Шунда у киши: "Оила бошлиғи ўша, ундан ўрганишади", дедилар.

Уйимизда болалар биздан нималарни ўрганишаяпти, шу ҳақда ҳар кун, ҳар бир ҳаракатимизда, ҳар бир сўзимизда ўйга толишимиз лозим. Ҳозирдан бу ҳақда қайғурмасак, умрни ўтказиб қўйгандан кейин, фарзандларни охират ғамини ўйлайдиган эмас, фақат дунё учун яшайдиган қилиб етиштириб қўйганимиздан сўнг кеч бўлади. Кеч кўз очилганининг эса фойдаси йўқ. Шоир айтмоқчи:
Иш ўтган сўнг пушаймондин нечук суд?
(Яъни, иш ўтиб бўлгандан кейин пушаймон қилиб ўтиргандан нима фойда?).
Бошқаси айтганидек:
Кўз очмоқ учун шартми эрур
Тошга бош урмоқ, сўнг бошни яширмоқ?

Сайфуллоҳ Носир
@mehrob_himmati

647

MEHROB HIMMATI

26 Oct, 09:20

ҚАРЗ БЕРИШ

Аллоҳ таолонинг: «Ва Аллоҳга “қарзи ҳасана” беринглар!» (Муззаммил сураси, 20-оят) оятидаги “қарз” сўзи араб тилида “кесмоқ” маъносини ифодалайди.

Араб тилида قرض الفأر الجراب [қаразал фаъру ал-жироба] – “сичқон мешни тешди” деган жумла бор. Шунинг учун ҳам у “қарз” сўзи билан ифодаланган. Чунки инсон ўз молидан сўралган қарзни “кесиб олиб” бошқа кишига беради. Шунингдек, инсон садақа қилиш орқали маълум миқдорни (гўё) “кесиб олади” ва холис Аллоҳ таоло учун сарф қилади. Шунинг учун ҳам у “қарз бериш” деб аталади.

Хайру эҳсон қилувчилар фақирларга миннат қилмасликлари учун Аллоҳ таоло оятда қарзнинг нисбатини Ўзига бериб: “Ва Аллоҳга “қарзи ҳасана” беринглар!” деди. Чунки қарз бериш (аслида) инсон билан Раббиси ўртасида ҳосил бўлади. Фақир эса ушбу ибодатни амалга оширишда саховатли инсонга ёрдамчи ҳисобланади. Чунки инсон воқеликда ҳожатидан ортиқча молни ўзи ишонган кишига (кейинчалик) муҳтож бўлганида қайтариб бериш шарти билан қарз олади. Инсон уни Аллоҳ таоло йўлида беради ва эҳтиёж сезганида, яъни қиёмат кунида, албатта, унинг самарасини топади.

@mehrob_himmati

642

MEHROB HIMMATI

26 Oct, 06:43

“Киши ўзининг тилига чиройли эга чиқса, у одамларнинг сўзидан ўта яхши ҳимояланган бўлади”.

Зуннуни Мисрий
@mehrob_himmati

586

MEHROB HIMMATI

25 Oct, 14:55

НАСИҲАТ

Аллома Изз ибн Абдуссалом раҳимаҳуллоҳ Қуръони каримдаги "..уларнинг озорини қўй ва Оллоҳга таваккул қил", "..улар ҳийла қилаётган ишлардан сиқилиб ўтирма" деган оятларни келтириб шундай дейди:

"Озор берган кишига ўшандай жавобга уриниш сени фойдали нарсадан тўсиб қўяди. Уларнинг азиятларини мулоҳаза қилиб ўтирма ва даф этишда келажакда Эгангга суян. Зеро ўтган нарса ҳақида қайғуриб ўтиришдан фойда йўқ".

Шажаратул маориф, 65- саҳифа.

@mehrob_himmati

692

MEHROB HIMMATI

24 Oct, 08:51

САХОВАТПЕШАЛИК

«Ўзлари таомни яхши кўриб турсалар ҳам, уни мискин, етим ва асирга берарлар» (Инсон сураси, 8-оят).

Аллоҳ азза ва жалланинг على حُبِّهِ (ъала ҳуббиҳи) деган сўзи “ўзлари қаттиқ хоҳлаб, унга эҳтиёжлари бўлса ҳам, етим-есирларга берадиганлар”, деган маънони билдиради.

Бир нақлда айтилишича, маъно “таом азиз бўлса-да, уни едирадилар” бўлади. Яна бир тафсирда “улар ҳаётдан умид узган вақтида эмас, балки таомни яхши кўрадиган ва унга ўч бўлган вақтларида бошқаларга едирадилар”, маъносини англатади. Бинобарин, Набий соллаллоҳу алайҳи васаллам ҳадисда: “Садақанинг энг яхшиси сен соғлом, очкўз бўлиб, яшашдан умид қилиб, фақирликдан қўрққан ҳолингда берганингдир”, деганлар”.

Баъзи муфассирларнинг айтишларича, “Албатта, Биз сизларни фақат Аллоҳнинг розилиги учун овқатлантирамиз. Бунинг эвазига сизлардан мукофот ёки ташуккур хоҳламасмиз” (Инсон сураси, 9-10-оятлар), деган сўзларни улар айтмаганлар.
Лекин уларнинг қалбларидан ўтган бу нарсани билган Аллоҳ таоло инсонлар рағбат қилишлари учун уларни мақтаган. Назар солсангиз, улар асирлардан ҳам мукофот ва миннатдорчилик кутмасдан туриб, уларни таомлантирганлар. Демак, улар бу амали билан фақат Аллоҳ таолонинг розилигини ва Унга яқин бўлишни мақсад қилганлар.

@mehrob_himmati

701

MEHROB HIMMATI

24 Oct, 06:07

ТИРИК СОЛИҲ КИШИЛАРНИ ВАСИЛА ҚИЛИШ

Василанинг яна бир кўриниши авлиёлардан бевосита ҳожатларини сўрамай, балки уларга илтимос қилиб: “Бизни муродимиз ҳосил бўлиши учун ҳаққимизга дуо қилинг” дейишдир.
Бунда киши ўз ҳожатини Аллоҳ таолодан сўраб беришини муқарраб бандалардан илтимос қилади ва улар Аллоҳ таолодан унинг муроди ҳосил бўлишини сўраб дуо қиладилар. Бундай қилиш суннат амал ҳисобланиб, Набий алайҳиссалом замоналаридан то ҳозирги кунгача барча мусулмонлар бир-бирларидан дуоларида эслашларини илтимос қиладилар. Мусулмонлар ўзаро бир-бирлари ҳаққига дуо қилишлари дурустлиги ҳақида ҳадисда шундай дейилган:
Усмон ибн Ҳунайф розияллоҳу анҳудан ривоят қилинади:
“Кўзи ожиз киши Набий соллаллоҳу алайҳи васаллам ҳузурларига келиб: “Менга шифо бермоқлигида Аллоҳ таолога дуо қилинг” деди. Шунда у зот: “Агар хоҳласанг кечиктираман ва мана шу (кўзингни ожизлигига сабр қилишинг) яхшидир. Агар хоҳласанг дуо қиламан” дедилар. У киши: “Дуо қилинг” деди. Шунда у зот у кишини чиройли таҳорат олиб, икки ракъат намоз ўқиб, қуйидаги дуони қилишга амр қилдилар: “Аллоҳумма инний асъалука ва атаважжаҳу илайка би Муҳаммадин набийир роҳмати”. (У киши) Эй, Муҳаммад соллаллоҳу алайҳи васаллам бу ҳожатим раво бўлиши учун Роббимга сизни васила қилиб юзланиб: “Эй, Аллоҳим мени ҳаққимдаги у (Набий соллаллоҳу алайҳи васаллам)нинг шафоатини қабул қилгин” (дедим) деди” (Ибн Можа ривояти).
Маъноси: Аллоҳим Ўзингга юзланиб, раҳмат пайғамбари Муҳаммад соллаллоҳу алайҳи васалламни васила қилиб сўрайман.
Бу ўриндаги “раҳмат пайғамбари Муҳаммад соллаллоҳу алайҳи васалламни васила қилиб сўрайман” жумласи шахсни васила қилиш жоизлигига далилдир. Муҳаддисларнинг энг улуғлари ҳисобланмиш ҳофизлар бу ҳадисни саҳиҳ деб таъкидлаганлар.

Абдуллатиф Аллоқулов

@mehrob_himmati

455

MEHROB HIMMATI

23 Oct, 18:26

МАЗЛУМНИНГ ДУОСИ

Муовия ибн Абу Суфён халифалик даврида Мадина шаҳрининг ҳокими Марвон ибн Ҳакамга Увайснинг қизи Арво Аллоҳ таоло жаннат башоратини берган Саъид ибн Зайднинг устидан шикоят қилиб келди.
– У менга зулм қилди. Мени рози қилсин, – деди.
Марвон Саъид ибн Зайдни чақиртирди. У:
– Сен мени зулм қилади деб ўйлайсанми?
Ҳолбуки, мен Расулуллоҳ соллаллоҳу алайҳи ва салламнинг “Ким бир қарич ерни ноҳақдан олса, Аллоҳ қиёмат кунида етти қават ерни гарданига қўйиб қўяди”, деганларини эшитганман.
Эй Аллоҳ! Агар у хотин ёлғон гапирган бўлса, токи кўзи кўр бўлмагунча ўлдирма! Қабрини қудуғида қилиб қўй! – деди.
Кунлар ўтди. Ўша аёлнинг кўзи кўрмай қолди. Ҳовлисида айланиб юриб қудуғига тушиб кетди.
Ўша қудуқ унга қабр бўлиб қолди.

“Расулуллоҳ соллаллоҳу алайҳи ва саллам ҳаётидан лавҳалар” китобидан.
@mehrob_himmati

506

MEHROB HIMMATI

23 Oct, 07:16

📹 ХАРИДОР КАМБАҒАЛ БЎЛСА УНГА ЁРДАМ БЕРИНГ

Mehrob.uz саҳифаси муассиси
«MEHROB HIMMATI» хайрия фонди ташаббускори
"Минор" жоме масжиди имом-хатиби

❤️ Др. Шайх Саййид Раҳматуллоҳ Термизий

@mehrob_himmati

528

MEHROB HIMMATI

23 Oct, 04:07

Бизнинг дунёдаги ҳолатимиз мана шунақадир!

– Тупроқ остидаги баъзи одамлар борки, улар бизни тушда зиёрат қилишади.

– Тупроқ устидаги баъзи одамлар борки, улар саломимизга алик олишмайди.

– Қасрда яшаб туриб, гоҳида ҳаётинг танг бўлиб қолади.

– Ғорда яшаб туриб, гоҳида қалбинг шод ва ҳурсанд юради.

– Гоҳида оппоқ ҳолда бўлишингга қарамасдан зулумот тарқалади.

– Гоҳида қора бўлишингга қарамасдан нур таралиб туради.

– Гоҳида ака‑укаларинг бўла туриб, танҳоликни ҳис қилиб яшайсан.

– Гоҳида танҳо бўлсангда, атрофингда биродарларинг бўлади.

– Гоҳида дўстлар орқангдан пичоқ тиқади.

– Гоҳида душманлар ҳаётингни сақлаб қолади.

– Гоҳида бадавлат кишилар мол‑мулкни сочадилар, камбағаллар эса садақа қиладилар.

Шунинг учун буни дунё (ҳақир, паст) деб номланди.

@mehrob_himmati

534

MEHROB HIMMATI

22 Oct, 17:07

ВАСИЯТ МОЛНИНГ УЧДАН БИРИГА ТЕГИШЛИ БЎЛАДИ

Баъзи одамлар вафотидан олдин бирор садақаи жория қилишга иштиёқманд бўлади. Чунки, вафот этиб кетгандан кейин ўша молни савоби ўзига етиб туришини хоҳлайди. Агар соғлигида бундай хайрли ишга қўл урган бўлса, нур устига аъло нур. Агар соғлиги ёмонлашиб умри охирида бирор садақаи жория қилишни истаб меросхўрларга васият қилса, қолдирган бойлигидан учдан бирига васияти тегишли бўлади. Қолган икки қисми эса, маййитни ҳаққи эмас, меросхўрларни ҳаққи ҳисобланади. Шу боис ҳам Набий соллаллоҳу алайҳи васаллам: “Дилларингизда садақа қилишга туртки пайдо бўлса, унга тездан амал қилинглар” деганлар. Ўзининг меросхўрларига қилган васияти шаръий васият қаторига кирмайди.

@mehrob_himmati

524

MEHROB HIMMATI

22 Oct, 11:52

Имом Ҳасан Басрий (тобеинлардан) раҳимаҳуллоҳнинг бир уйи бўлиб, эшиги очиқ турса, келган одам бемалол кираверсин, деган маънони билдирар эди. Бир куни танишларидан бири эшикни очиқ кўриб ичкари кирди. Уёқ-буёққа қараб Ҳасан Басрийни топа олмади. Кейин сўри тагида турган саватда егулик борлигини кўриб, олди-да, ея бошлади.
Шу пайт ташқаридан Ҳасан Басрий келиб қолди. Дўстининг таом еётганини кўриб қараб турди-да, кўзи ёшланди. Ҳалиги киши таом ейишдан тўхтаб:
- Сизни нима йиғлатаяпти, эй Абу Саид? - деди. Ҳасан Басрий унга:
- Ўтган дўстлар (саҳобийлар) ахлоқини эслатиб юбордингиз, - деди.

Имом Аҳмад, Зуҳд китоби, 525- бет.

@mehrob_himmati

575

MEHROB HIMMATI

22 Oct, 08:01

📹

ҲАР БИР НЕЪМАТНИНГ ҚАДРИ БОР

❤️ Шайх Саййид
Раҳматуллоҳ Термизий

🕌"Минор" жоме масжиди
имом-хатиби
@mehrob_himmati

590

MEHROB HIMMATI

22 Oct, 04:57

Одамларнинг энг афзали – айбини кўрадиган ва бошқаларнинг айбини кўришдан кўр бўлгани.

Изоҳ. Ўзганинг айбини кўрган киши ўз айбини ҳам кўрса, бу адолат. Ўз айбини кўриб, ўзганинг айбини кўришга кўр бўлган инсон эса ҳақиқий фазл эгасидир.

@mehrob_himmati

640

MEHROB HIMMATI

21 Oct, 13:37

Ибн Авн раҳматуллоҳи алайҳ айтади: Ибн Сийриннинг бир нечта жойлари бўлиб, уларни фақат зиммийларга ижарага берарди. Нима учун айнан зиммийларга бериши ҳақида сўраганларида шундай жавоб берди:
Ҳар ойнинг бошида ижарага олганларни безовта қиламан. Мен мусулмонни безовта қилишни истамайман.

@mehrob_himmati

654

MEHROB HIMMATI

21 Oct, 06:41

Гуноҳнинг дориси борми?

Боязид Бистомий ҳазратлари жиннихона ёнидан ўтаётганларида, бир табибнинг ҳавончада дори тугаётганини кўриб:
– Сенда гуноҳнинг дориси борми? Беҳад гуноҳкорман, – дебдилар.
Табиб бошини кўтариб улгурмасдан, жиннихона панжарасидан қараб турган бир хаста жавоб берибди.
– Тавбанинг томири билан истиғфорнинг япроғини аралаштир. Қалб ҳавончасида тавҳид тўқмоғи билан туйиб майдала. Инсоф элагидан ўтказ, кўз ёшига йўғир, ишқ тандирида пишир ва бомдод билан шом орасида кўпроқ тановвул қил. Кўрасан, хасталигингдан асар ҳам қолмайди.
Бистомий ҳазратларининг кўзлари жиққа ёшга тўлиб дебдилар:
– Ё Раббим! Бу дунё хастахонасида не табибларинг бор!!! – дея ҳушидан кетган эканлар.

@mehrob_himmati

906

MEHROB HIMMATI

20 Oct, 06:55

Мавлоно РУМИЙ:

Жим туришлигинг ҳеч нарсани билмаслигингни ифода этмайди. Кўп гапиришлигинг эса, кўп нарсани билишлигингни кўрсатмайди.

Ҳар кимни ўзинг билан баробар деб бил. Ким бўлса бўлсин, бир инсонни кичик билишлик (менсимаслик) — ақлсизликдир. Жуда буюк деб билишлик эса қўрқоқликдир. Жасорат ақлдан келса, жасоратдир. Ақлсизликдан келса жаҳолатдир.

@mehrob_himmati

673

MEHROB HIMMATI

18 Oct, 10:29

АЛЛОҲ ЯХШИ КЎРАДИ...

“Албатта, Аллоҳ чиройли (иш) қилувчиларни яхши кўради” (Бақара, 195).

“Аллоҳ эзгулик қилувчиларни севар” (Оли Имрон, 134).

“Аллоҳ эзгулик қилувчиларни севар” (Оли Имрон, 148).

“Албатта, Аллоҳ эзгулик қилувчиларни севади” (Моида, 13).

“Аллоҳ эзгулик қилувчиларни севади” (Моида, 93).

@mehrob_himmati

137

MEHROB HIMMATI

16 Oct, 16:40

АЛЛОҲ КИМНИ ЯХШИ КЎРАДИ?

Аллоҳ таоло қайси бандасини яхши кўришини қандай билса бўлади? Баъзилар Аллоҳ бандани суйишини бандага берилган бойлик билан ўлчайди. Баъзилар эса Аллоҳ фақирларни яхши кўради. Чунки уларнинг ҳисобини осон қилиш учун кам мол-мулк берган, дейди.
Уломолар айтадилар: “Нима билан машғул қилиб қўйилгансиз? Шунга қараб Аллоҳ сизни яхши кўрадими, йўқми – билиб олаверасиз. Агар ўзингиз ва жамиятга фойдасиз ишлар билан овуниб юрган бўлсангиз, демак, Аллоҳдан узоқлашибсиз. Аксинча, хайрли, савобли, икки оламда сиз ва бошқаларга нафи тегадиган ишларни қилиб юрган бўлсангиз, унда билингки, Аллоҳ сизни суюкли бандалари қаторига қўшибди. Чунки Ўзи яхши кўрадиган ишларни сизнинг қўлингиздан амалга оширибди.

@mehrob_himmati

617

MEHROB HIMMATI

16 Oct, 13:26

РОСТГЎЙЛИК

Бир эркак болаларини олиб, ўйингохга келибди. Бу ерда гольф ўйини ўтказилар, у ўғилларини илк бор томоша учун етаклаб олганди. Чипта олиш учун кассага яқинлашиб сўрабди:
- Чипта неча пул туради?
- Олти ёшдан катталар учун уч доллар, унгача эса бепул. Хўш, нечта берай?
- Кичигим уч ёшда, каттам еттида. Демак, 2та чипта оламиз, мана сизга олти доллар.
Чиптачи кулиб дебди:
- Жаноб, агар катта ўғлингизни олти ёш деганингизда мен бунга ишонган ва сиз пулингизни тежаб қолган бўлардингиз. Ахир кўпчилик шундай қилади. Олтими, еттими, болаларни фарқлаш қийин.
- Тўғри, сиз пайқамасдингиз. Лекин ўғлим биларди-ку? Атиги уч доллар деб уни ёлғонга ўргатишни истамадим…

@mehrob_himmati

519

MEHROB HIMMATI

16 Oct, 09:47

ОҚИБАТ ЙЎҚОЛМАСИН!

🎙

Шайх Саййид Раҳматуллоҳ ТЕРМИЗИЙ

🕌 “Минор” жоме масжиди имом-хатиби

@mehrob_himmati

654

MEHROB HIMMATI

16 Oct, 06:05

САҲОБАЛАРНИНГ ФАХРИЙ УНВОНЛАРИ

1. Сиддиқ – Абу Бакр Сиддиқ розияллоҳу анҳу.
2. Форуқ – Умар ибн Хаттоб розияллоҳу анҳу.
3. Зуннурайн (икки нур соҳиби) – Усмон ибн Аффон розияллоҳу анҳу.
4. Шижоат эгаларининг саййиди ва Ҳайдар (шер) – Али ибн Абу Толиб розияллоҳу анҳу.
5. Расулуллоҳнинг муаззини – Билол ибн Рабоҳ розияллоҳу анҳу.
6. Расулуллоҳнинг хатиб (нотиқ)лари – Собит ибн Қайс розияллоҳу анҳу.
7. Расулуллоҳнинг шоирлари – Ҳассон ибн Собит розияллоҳу анҳу.
8. Икки тараф эгаси (ҳар икки қўли бир хил ишловчи) – Умайр ибн Абду Амр ибн Мазла розияллоҳу анҳу.
9. Расулуллоҳнинг ходимлари – Анас ибн Молик розияллоҳу анҳу.
10. Расулуллоҳнинг ҳаворий (қўлловчи)лари – Зубайр ибн Аввом розияллоҳу анҳу.
11. Асадуллоҳ (Аллоҳнинг шери) – Ҳамза ибн Абдулмутталиб розияллоҳу анҳу.
12. Сайфуллоҳ (Аллоҳнинг қиличи) – Холид ибн Валид розияллоҳу анҳу.
13. Расулуллоҳнинг қўриқчилари – Саъд ибн Абу Ваққос розияллоҳу анҳу.
14. Бу умматнинг амини (ростгўй ва омонатдори) – Абу Убайда ибн Жарроҳ розияллоҳу анҳу.
15. Бу умматнинг билимдони – Абдуллоҳ ибн Аббос розияллоҳу анҳу.
16. Бу умматнинг ҳакими – Абу Дардо Уваймир ибн Зайд розияллоҳу анҳу.
17. Расулуллоҳнинг Маккадаги икки муаззинлари – Авс ибн Миъяр ибн Робиа ва Абу Маҳзура розияллоҳу анҳумо.
18. Уммат ичида ҳалол ва ҳаромни энг яхши билувчи – Муоз ибн Жабал розияллоҳу анҳу.
19. Расулуллоҳнинг райҳонлари – Ҳасан ва Ҳусайн розияллоҳу анҳумо.
20. Арабларнинг “Атрабуни” (даҳоси) – Амр ибн Ос розияллоҳу анҳу.
21. Румликларнинг Исломга пешқадами – Суҳайб ибн Синон розияллоҳу анҳу.
22. Форсларнинг Исломга пешқадами – Салмон Форсий розияллоҳу анҳу.
23. Ҳабашларнинг Исломга аввалгиси – Билол ибн Рабоҳ розияллоҳу анҳу.
24. Қуръонда исми зикр қилинган ягона саҳоба – Зайд ибн Ҳориса розияллоҳу анҳу.
25. Қиёмат кунида уламоларнинг имоми – Муоз ибн Жабал розияллоҳу анҳу.
26. Масжиднинг кабутари – Абдуллоҳ ибн Зубайр розияллоҳу анҳу.
27. Қабрини Расулуллоҳнинг ўзлари қазиган саҳоба – Абдуллоҳ Зулбижодайн розияллоҳу анҳу.
28. Парвоз қилувчи шаҳид – Жаъфар ибн Абу Толиб.
29. Мискинларнинг отаси – Жаъфар ибн Абу Толиб розияллоҳу анҳу.
30. Бану Хатма қабиласига имомлик қилган ва “Қори” деб аталган саҳоба – Умайр ибн Адий розияллоҳу анҳу.

@mehrob_himmati

486

MEHROB HIMMATI

16 Oct, 02:20

ҚАБУЛ ҚИЛИНГАН САДАҚА

Расулуллоҳ соллаллоҳу алайҳи васаллам айтдилар:
“Бир киши: “Албатта, мен садақа қиламан” – деди. Чиқиб садакасини ўғри кўлига топширди. Одамлар: “Кечаси ўғрига садақа қилинибди", дея бошладилар. У айтди: “Аллоҳим, Сенга ҳамд бўлсин. Мен албатта садақа қиламан” – деди. Садақасини олиб чиқиб зинокор аёл қўлига топширди. Одамлар: “Кечаси зинокор аёлга садақа қилинибди” – дейишга тушдилар. У айтди: “Аллоҳим, зинокор учун берилган бўлса ҳам Сенга ҳамд бўлсин. Мен албатта садақа қиламан” деди. Садақасини олиб чиқиб бир бой қўлига топширди. Одамлар: “Кечаси бир бойга садақа қилинибди", деб гапирадиган бўлдилар. У айтди: “Аллоҳим, ўғри, зинокор аёл ва бойга берилгани учун Сенга ҳамд бўлсин”. Тушида унга айтилди: “Сенинг ўғрига берган садақанг уни ўғирлигидан, фоҳишага берган садақанг уни зинодан тийиши мумкин. Бойга берган садақанг ҳам эътиборга олиниб, у Аллоҳ унга берган нарсадан инфоқ қилиши мумкин” (Имом Бухорий ва Муслим ривояти).

Ибрат: садақани холис, Аллоҳ учун беравериш лозим, ҳар хил гап сўзлар ёки бошқа нарсалар туфайли ниятни ўзгартирмаслик яхши амалларда бардавом бўлишга сабабдир.

“Тақво аҳлининг гўзал қиссалари” китобидан.

@mehrob_himmati

478

MEHROB HIMMATI

15 Oct, 14:54

НЕЧА ЁШДА ИСЛОМ БИЛАН ШАРАФЛАНДИ?

1. Али ибн Абу Толиб – 8 ёш
2. Зубайр ибн Аввом – 8 ёш
3. Арқам ибн Абу Арқам – 12 ёш
4. Абдуллоҳ ибн Масъуд – 14 ёш
5. Саъд ибн Абу Ваққос – 17 ёш
6. Масъуд ибн Рабиъа – 17 ёш
7. Абдуллоҳ ибн Мазъун –17 ёш
8. Жаъфар ибн Абу Толиб – 18 ёш
9. Қудома ибн Мазъун – 19 ёш
10. Сайд ибн Зайд – 20 ёшга етмасдан
11. Суҳайб Румий – 20 ёшга етмасдан
12. Зайд ибн Ҳориса – 20 ёш атрофида
13. Усмон ибн Аффон – 20 ёш атрофида
14. Тулайб ибн Умар – 20 ёш атрофида
15. Ҳаббоб ибн Арат – 20 ёш атрофида
16. Соиб ибн Мазъун – 20 ёш
17. Толҳа ибн Убайдуллоҳ – 21 ёш
18. Амир ибн Фуҳайра – 23 ёш
19. Мусъаб ибн Умайр – 24 ёш
20. Миқдод ибн Асвад – 24 ёш
21. Абдуллоҳ ибн Жаҳш – 25 ёш
22. Умар ибн Хаттоб – 26 ёш
23. Абу Убайда ибн Жарроҳ – 27 ёш
24. Утба ибн Ғазвон – 27 ёш
25. Абу Хузайфа ибн Утба – 30 ёш атрофида
26. Билол ибн Рабоҳ – 30 ёш атрофида
27. Иёш ибн Рабиъа – 30 ёш атрофида
28. Амир ибн Рабиъа – 30 ёш атрофида
29. Нуайм ибн Абдуллоҳ – 30 ёш атрофида
30. Усмон ибн Мазъун – 30 ёш атрофида
31. Абу Салама Абдуллоҳ ибн Абдуласад Махзумий – 30 ёш
32. Абдурраҳмон ибн Авф – 30 ёш атрофида
33. Аммор ибн Ёсир 30 ва 40 ёш орасида
34. Абу Бакр Сиддиқ – 37 ёш
35. Ҳамза ибн Абдул Мутталиб – 42 ёш
36. Убайда ибн Ҳорис – 50 ёш.

Аллоҳ барчасидан рози бўлсин!

@mehrob_himmati

522

MEHROB HIMMATI

15 Oct, 11:39

#саждаи_саҳв

🧎‍♂️

ҚИРОАТДАГИ САҲВ

ФОТИҲА СУРАСИНИ ИККИ МАРОТАБА ЎҚИШ

Агар киши фарз намознинг биринчи ё иккинчи ракъатида унутиб, бирин-кетин икки маротаба Фотиҳа сурасини ўқиса ёки унинг аксар (кўпроқ) қисмини икки маротаба қайтарса, унга саждаи саҳв вожиб бўлади. Фарзнинг учинчи ёки тўртинчи ракъатида Фотиҳа сурасини икки маротаба ўқиш билан саждаи саҳв вожиб бўлмайди. Бу масала фарз намозларга тегишли. Нафл ва суннатларнинг учинчи ёки тўртинчи ракъатида Фотиҳани икки маротаба ўқиш билан эса саждаи саҳв вожиб бўлади. («Раддул муҳтор», 1-ж, 458-б; «Фатово Оламгирий», 1-ж, 65-б.)

ФОТИҲА СУРАСИНИНГ АКСАР ҚИСМИНИ ЎҚИБ, ОЗРОҚ ҚИСМИНИ ТАШЛАБ КЕТИШ
Агар киши Фотиҳа сурасининг аксар (кўпроқ) қисмини ўқиса ва озгина қисмини қолдириб кетса, унга саждаи саҳв вожиб эмас. Аксинча, агар озроқ қисмини ўқиб, аксар қисмини ташлаб кетса, унга саждаи саҳв вожиб бўлади. Бу масала «Фатово Оламгирий» китобида айтилган. Лекин Аллома Таҳтовийнинг ёзишларича: рожиҳ (қувватли) гапга кўра, кишига ҳар иккала ҳолатда ҳам, яъни Фотиҳа сурасининг кўпроқ қисмини ташлаб кетганда ҳам, озроқ қисмини ташлаб кетганда ҳам саждаи саҳв вожиб бўлади.

«Саждаи саҳв масалалари» китобидан.
@mehrob_himmati

542

MEHROB HIMMATI

15 Oct, 08:50

Жаннатни излашда саҳобалардан фарқимиз шуки, улар жаннатни амал билан излашган, биз эса қуруқ орзу билан излаяпмиз.

@mehrob_himmati

540

MEHROB HIMMATI

15 Oct, 06:18

Ота-онам ўтиб кетгандан кейин уларга қандай яхшилик қиламан

🎙 Шайх Саййид Раҳматуллоҳ Термизий

@mehrob_himmati

574

MEHROB HIMMATI

15 Oct, 02:18

ҒАМ-ҚАЙҒУСИЗ ЯШАШ УЧУН 7 ҚАДАМ

Саҳоватда, ҳимматда оқар дарё каби бўл;
Шафқат ва марҳаматда кулган қуёш каби бўл;
Ўзга айбин ёпишдан қоронғу тун каби бўл;
Ғазабда ва жаҳлда худди ўлик каби бўл;
Тавозе - камтарликда майин тупроқ каби бўл;
Бағрикенглик - меҳрда улкан денгиз каби бўл;
Қандай бўлсанг - шундай кўрин ё кўринганинг каби бўл.

Мавлоно Жалолиддин Румий.

@mehrob_himmati

994

MEHROB HIMMATI

14 Oct, 11:47

Донишмандлардан бири айтади: «Ичидагини ушлаб турмасдан тўкиб юборадиган идиш каби сирини яширмайдиган қалбда яхшилик йўқ».

Изоғ. Ичидагини ушлаб турмасдан тўкиб юборадиган идиш – тешик идишдир. Тешик идишнинг на ўзига, на ўзгага хайри бор. Агар тешик бўлмасдан бутун бўлганида ундан фойдаланишарди, мудом эътиборда бўларди. Энди айтинг-чи, эътиборга муносиб бўлиш хайр эмасми? Ўзгага манфаат етказиш-чи? Албатта, униси ҳам буниси ҳам кони хайр.

“Унвонул баён”дан.

@mehrob_himmati

633

MEHROB HIMMATI

14 Oct, 07:46

ЛАТОИФ

Бир киши аёли билан ажрашди. Бир муддатдан кейин унга қўнғироқ қилди:

- Қайта қолгин, ярашайлик.
- Олдингда пиёла борми?
- Йўқ.
- Ошхонадан бир пиёла олиб кел.
- Бу ишга пиёланинг нима дахли бор? Майли, сенинг ҳурматинг учун олиб келаман. ... Мана, олиб келдим.
- Энди уни зарб билан ерга ур.
- Урдим.
- Менинг ҳозирги аҳволим ўша пиёла кабидир. Уни ўз ҳолига қайтара олсанг, сен билан ярашаман.
- Пиёла пластмасса эди. Унга ҳеч нарса бўлгани йўқ.
- Худо олсин сени. Бўпти, бугун шомдан кейин келиб, мени олиб кетавер. 😂

@mehrob_himmati

764

MEHROB HIMMATI

14 Oct, 04:01

«Агар сен учун ёпилган эшиклар ортида нималар борлигини билганингда эди, Аллоҳга кўп-кўп шукрлар айтардинг».

@mehrob_himmati

712

MEHROB HIMMATI

13 Oct, 08:37

ЛУҚМА ҲАРОМ БЎЛИШИДАН ҚЎРҚИШ КЕРАК

Луқманинг ҳалол бўлиши мусулмон учун энг муҳим ғоялардан. Чунки Аллоҳга боғланиши шу орқали бўлади. Зеро, луқмасига бир қултум ҳаром кирганнинг дуоси кўтарилмайди. Демакки, амаллари қабул бўлиши ҳам шубҳа остида қолади. Киши йиллаб тоат-ибодатларни қилса, биринчи сафда намоз ўқиб юрса, эҳсону садақалар, турли хайрли ишларни қилсаю, луқмасига ҳаром аралашган бўлса, унда унинг ҳолига вой. Луқмаси ҳаром бўлгани учун бошқа амаллари ҳам қабул бўлмайдими? У нарса Аллоҳга ҳавола.
Аллоҳ билади. Қабул бўлмай қолиш хавфи кучли.
Лекин дуоси қабул бўлмаслиги аниқ.
Пайғамбаримиз соллаллоҳу алайҳи ва салламнинг кўпчилик яхши биладиган қуйидаги ҳадиси шарифлари бор:
"Аллоҳ таоло покиза зотдир, у фақат покиза, соф нарсаларнигина қабул қилади.
Аллоҳ таоло мўминларни ҳам пайғамбарларга буюрган нарсага буюрган. У "Эй пайғамбарлар, покиза-ҳалол нарсалардан енглар, солиҳ амал қилинглар" деган".
Кейин пайғамбар алайҳиссалом узоқ сафарда қолган, сафар қийинчилари боис кир-чир, юпун қолган мусофир одам ҳақида сўзлаб шундай дедилар:
"Осмонга қўлларини чўзиб: ё Раб! Ё Раб! деб ёлворади, ҳолбуки егани ҳаром, ичгани ҳаром, кийими ҳаром, ҳаром билан тана озиқланган. Дуоси қандай ижобат бўлсин?!"

Ҳозирги кунда айниқса бунга эҳтиёт бўлиш керак.
Аллоҳ ҳалолидан берсин, ҳаромидан сақласин. Омин.

Сайфуллоҳ Носир

@mehrob_himmati

796

MEHROB HIMMATI

13 Oct, 05:49

📺

СЕРИАЛЛАР ҲАҚИДА

• У фоҳишалик билан пул топади. Чунки онаси касал. Шароит уни шунга мажбур қиляпти.

• У эрига хиёнат қилади. Чунки эри қари одам. Уни мажбурлаб эрга беришган.

• У ота-онасига қарши бориб, севган йигити билан қочиб кетади. Чунки муҳаббат ҳамма нарсадан кучли.

• У севган йигити билан бир хонада холи қолаверади. Чунки унга ишонади.

• У ота-онасига оқ бўлаверади. Чунки ота-онаси унга ёшлигида эътибор бермаган.

Серилларда мана шундай ҳолатлар такрорланаверади, такрорланаверади. Улардан мақсад ҳаромни ҳалол қилиб бериш ва бу ишни оқлайдиган омилларни қидириб топиш.

Томошабинлар эса ўғрига ҳам, фоҳишага ҳам, ота-онасига оқ бўлган фарзандга ҳам ҳамдард бўлаверадилар. Шароит уларни шунга мажбур қилган, деган хулосага келадилар.

“Иймон келтирган зотлар орасида бузуқлик тарқалишини истайдиганлар учун дунёда ҳам, охиратда ҳам аламли азоб бордир. Аллоҳ билади, сизлар эса билмайсизлар”. (Нур – 19)

Ўзимизники бўлсин, хорижники бўлсин, ҳеч бир сериал динимиз асосларини ифодаламайди. Оиламизга даюсликни сингдиришга уринади. Ундан эҳтиёт бўлинглар ва оилангизни ундан ҳимоя қилинглар. Зеро, сиз нишонда турибсиз.

Нима десангиз денг, лекин шуни билингки, Аллоҳни эслаш, Пайғамбаримиз Муҳаммад ва у кишининг покиза оилаларига раҳмат ва саломлар айтишдан кўра қалбга хуш ёқадиган, уни мунаввар қиладиган ва саодатга элтадиган ҳеч нарса йўқ.

Аллоҳ ҳаммамизга тавфиқ берсин.

©️

Фейсбукдан
@mehrob_himmati

2,676

MEHROB HIMMATI

12 Oct, 16:22

БУ – МЕНИНГ ДАДАМ!

Кино тарихида улкан из қолдирган комик актёр Чарли Чаплин айтади: «Кичкиналигимда дадам билан цирк томошасини кўргани бордик. Чипта олиш учун касса олдида навбатга турдик. Биздан олдинроқда бир оила олти боласи билан навбат кутар, кўринишларидан фақирликлари билинарди. Кийимлари эски, аммо тоза эди. Болалари хурсанд, цирк ҳақида завқланиб гапиришарди. Навбатлари келгач, ота чипта нархини сўради. Жавобни эшитиб, каловланиб қолди. Ташвишли юз билан хотинига нималардир деб пичирлади. Шу пайт дадам чўнтагидан йигирма доллар чиқариб, ерга ташлади. Сўнгра уни ўзи олиб, ҳалиги кишига узатди:
– Жаноб, пулингиз тушиб қолди.
Ота кўзида ёш билан:
– Раҳмат, жаноб, – деди.
Дадам қўлимдан тортиб, навбатда турганлар сафидан чиқариб олди. Уйга қайтдик. Чунки ўша йигирма доллардан бошқа пулимиз йўқ экан. Ўшандан бери дадам билан фахрланаман!»

@mehrob_himmati

670

MEHROB HIMMATI

MEHROB HIMMATI (Uzbek)

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI

MEHROB HIMMATI