AEROPORT ✈️ vodiy @aeroport_vodiy Channel on Telegram

AEROPORT ✈️ vodiy

16 Nov, 12:29

⚡️Mahalliy vaqt bilan soat 16:30 dan ob-havo sharoiti yomonlashgani sababli Farg‘ona xalqaro aeroportida havo kemalarining uchib kelishi va uchib ketishiga vaqtinchalik cheklovlar joriy etildi.
Cheklovlar vaqtida barcha reyslar muqobil aerodromlarga yo‘naltiriladi.
- - -
С 16:30 по местному времени в международном аэропорту Фергана временно введены ограничения на прием и выпуск воздушных судов в связи с ухудшением погодных условий.
На время ограничений все ближайшие рейсы будут перенаправлены на запасные аэродромы.

515

AEROPORT ✈️ vodiy

30 Oct, 12:03

🇺🇿Chegirmalar bilan sizni xursand qilishda davom etamiz

🤩

Ertaga, 31-oktyabr kuni “Yorqin payshanba” aksiyasi doirasida e’lon qilingan parvozlar jadvali tugaguniga qadar bajariladigan quyidagi aviaqatnovlar tariflariga 20% gacha chegirma e’lon qilamiz: Toshkentdan Grozniy, Dehli, Maxachkala, Mumbay, Nijnevartovsk, Nijniy Novgorod, Nyu-York, Nukus, Samarqand, Termiz, Urganch va ortga.

Aksiya faqat bir kun davomida amal qiladi – 00:00 dan 23:59 gacha. Aviachiptalarni www.uzairways.com saytida, ilovada, Uzbekistan Airways Sales filialida yoki aviakompaniya agentlaridan xarid qiling. Yoʻlovchi va yuk tashish tariflariga qo‘shimcha ravishda turli soliqlar, yigʻimlar va to‘lovlar ham o‘rnatiladi. Ularga 20% gacha chegirma amal qilmaydi.

🇷🇺Продолжаем радовать вас скидками

🤩

Завтра, 31 октября, в рамках акции «Яркий Четверг» объявляем скидку до 20% от стоимости тарифов на следующие рейсы до конца опубликованного расписания: из Ташкента в Грозный, Дели, Махачкалу, Мумбаи, Нижневартовск, Нижний Новгород, Нью – Йорк, Нукус, Самарканд, Термез, Ургенч и обратно.

Акция действует только один день – с 00:00 до 23:59. Успейте приобрести авиабилеты на сайте www.uzairways.com, в приложении, в филиале Uzbekistan Airways Sales или у агентов авиакомпании. Дополнительно к тарифу пассажирской и грузовой перевозок, устанавливаются различные налоги, сборы и доплаты, на которые не распространяется скидка до 20%.

#uzbekistanairways

1,127

AEROPORT ✈️ vodiy

21 Oct, 05:21

Hurmatli aviatsiya sohasi xodimlari, aziz do‘stlar!

Avvalo, Siz, azizlarni bugungi qutlug‘ ayyom – “Davlat tili to‘g‘risida”gi Qonun qabul qilinganiga 35-yil to‘lishi va ushbu qonunda belgilab berilgan 21-oktyabr – O‘zbek tili bayrami kuni bilan chin qalbimdan samimiy muborakbod etaman.

Inson uchun kindik qoni to‘kilgan Vatani, dunyoga keltirib voyaga yetkazgan ota-onasi qanchalik aziz va qadrli bo‘lsa, uning o‘zligi va ma’naviy olamini belgilaydigan, onajonisining birinchi allasidan boshlab tinglaydigan ona tili ham shunchalik qadrli va mo‘tabardir.

Hurmatli Prezidentimiz Shavkat MIRZIYOEV aytganlaridek, “Ona tilimiz milliy ma’naviyatimizning bitmas-tuganmas bulog‘idir. Shunday ekan, unga munosib hurmat va ehtirom ko‘rsatish barchamizning nafaqat vazifamiz, balki muqaddas insoniy burchimizdir”, degan dono o‘gitlariga amal qilgan holda, yurtimizda til masalasida olib borilayotgan davlat siyosati inson qadrini ulug‘lashga qaratilgan tub islohotlarga har tomonlama uyg‘un va hamohangdir.

Hammamizga ayonki, ko‘p millatli xalqimiz va jamoamizni yuksak ma’rifatli jamiyat barpo etishdek ezgu maqsad yo‘lida jipslashtirish, yurtdoshlarimiz qalbiga yagona Vatan, umumiy farovon kelajak tuyg‘usini singdirishda o‘zbek tili birlashtiruvchi ahamiyatga egadir.

Ayni shuning uchun ham xalqimiz tafakkurining tiniq ko‘zgusi bo‘lgan bu bebaho xazinani asrab-avaylash va rivojlantirish bugungi kundagi eng sharafli vazifalarimizdan biridir.

Aziz do‘stlar, fursatdan foydalanib, milliy o‘zligimiz va g‘ururimiz timsoli bo‘lgan ona tilimizni asrab-avaylash va rivojlantirishdek sharafli ishga munosib hissa qo‘shib kelayotgan barcha hamkasblarimizga chin qalbdan minnatdorlik bildiraman.

Siz azizlarni yana bir bor O‘zbek tili bayrami bilan samimiy qutlab, barchangizga mustahkam salomatlik, oilangizga qut-baraka, tinchlik va omonlik tilayman.

Go‘zal va betakror Vatanimizning osmoni hamisha musaffo, ko‘pmillatli bag‘ri keng xalqimiz har doim omon bo‘lsin.

Ona tilimizning so‘nmas ziyosi tafakkurimiz, qalblarimizni hamisha yoritib tursin!

Chuqur hurmat va ehtirom ila,

Javlonbek Umarxodjayev,
“Uzbekistan Airports” AJ boshqaruvi raisi

1,456