Adu.uz | Rasmiy kanali | Andijon davlat universiteti

🟦🟦🟦

Bugun, 21-noyabr kuni Andijon davlat universiteti birinchi prorektori Talantbek Madumarov talabalarning darsdan tashqari bo‘sh vaqtlarini qanday maqsadga yo‘naltirayotgani, shuningdek, ularning yashash sharoitlari bilan tanishish maqsadida 3-sonli talabalar turar joyida bo‘ldi.

Dastlab, prorektor mas’ullar ishtirokida yotoqxonaning issiqlik tizimi, sanitariya, ma’naviy hordiq chiqarish xonalari, oshxona, kir yuvish xonalarini zarur buyumlar bilan ta’minlanganligini ko‘zdan kechirdi.

Shundan so‘ng, talabalarning bo‘sh vaqtlarini mazmunli tashkil etish maqsadida osh tanlovi tashkil etildi va tadbir kechki konsert dasturi bilan bayramona kayfiyatda davom etdi.

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

🟦🟦 🟦🟦🟦🟦

🎓 Nosirova Margʻuba Maxsudovna dissertatsiya ishini muvaffaqiyatli himoya qildi

Bugun, 21-noyabr kuni Tarix fakulteti Ijtimoiy fanlar kafedrasi katta o‘qituvchisi Nosirova Margʻuba Maxsudovna “Oila va gender” ilmiy-tadqiqot instituti huzuridagi PhD.21/30.10.2020.Ped/S.127.01 raqamli Ilmiy kengashning navbatdagi yig‘ilishida “Xotin-qizlar o‘rtasidagi jinoyatchilikning davlat va jamiyat rivojiga salbiy ta’siri (Farg‘ona vodiysi misolida)” mavzusidagi 22.00.02 – Ijtimoiy tuzilish, ijtimoiy institutlar va turmush tarzi ixtisosligidagi sotsiologiya fanlari bo‘yicha falsafa doktori (PhD) dissertatsiyasini himoya qildi.

Tadqiqotchi dastlab o‘z ishini ham nazariy, ham amaliy jihatdan muhim mavzuga bag‘ishlanganini asoslab, tadqiqot ishining mohiyatini ochib berdi va xulosalarini bayon qildi. Dissertant ishning muhokamasi davomida kengash a'zolarining savollariga a'lo darajada javob berdi.

Rasmiy taqrizchilar dissertatsiyaga ijobiy baho berib, alohida e'tirof etdilar.

Yig‘ilish yakunida kengash a'zolari dissertatsiya ishini 100 foiz yoqlab ovoz berdilar va Nosirova Marg‘uba Maxsudovna sotsiologiya fanlari bo‘yicha falsafa doktori ilmiy darajasi uchun loyiq deb topildi.

Ahamiyatli jihati, universitet tadqiqotchisi tariximizda ilk marotaba sotsiologiya fanlari bo‘yicha ilmiy darajaga ega bo‘lmoqda.

Jamoamiz nomidan Marg‘uba Maxsudovnani ushbu ilmiy yutuq bilan samimiy qutlab, mustahkam sog’lik, ilm yo'lida muvaffaqiyat tilaymiz!

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

🏡 Ijara xonadonlarida istiqomat qilayotgan talabalarning yashash sharoitlari prorektor tomonidan o'rganilmoqda

Bugun, 21-noyabr kuni Andijon davlat universiteti Yoshlar masalalari va ma'naviy-ma'rifiy ishlar bo'yicha prorektor Talanbek Madumarov boshchiligida mas'ullar ijara xonadonlarining kuz-qish mavsumiga tayyorgarlik jarayonlari va mavsumini betalafot o‘tkazish hamda xonadonlarda talabalar uchun yaratilgan shart-sharoitlarni o‘rganish maqsadida ijara xonadonlarida bo'ldilar.

O'rganish davomida talabalar yashayotgan xonadonlarda isitish tizimlari, xonadonlarning issiqlik izolyatsiyasi, oynalar, derazalar va devorlarning holati, shu bilan birga xonadonlarning umumiy holati, ularning ta'miri, jihozlarining samaradorligi va talabalarning kundalik ehtiyojlarini qondirishga imkon beradigan sharoitlar ko'zdan kechirildi.

Shuningdek, mas'ullar tomonidan talabalarga isitish tizimlarini muntazam tekshirib turish, gigiyena va sanitariya qoidalariga rioya etish bo'yicha ko'rsatmalar berildi.

✴️Andijon davlat universitetining rasmiy sahifalari👇🏻
Veb-sayt 🌐 Telegram 🌐 Facebook 🌐 Instagram 🌐YouTube