قصايد مكتوبه كتابه مع ألحان

بـنـور حـيدر نورت دنيانه       اليوم عل عالم ظهر برهانه
الـــف مـبــروك       الـــف مــبـــروك
       
اليوم من نوره بزغ نور الشـمس
عيد الكون اوضحله اجمل درس
ناده لجل المرتضى اليوم العرس
مـعـيـده لجـلك سـيدي جـن وأنس
نـاده سيد المرسلين       عـلي نـور الساجـديـن
حـضـر جـبـريـل وجـه وهـنـــانــــه
       
اليوم ومــعــيديــن لجل المرتضى
وخل يموت ابحقده كلمن مارضى
حـبـــه من رب الجليل الفارضــى
خــل يـسـمـونـه يـشيـعـه الـرافضى
بحبه وحنه امجننين            الغير شخصه ما نـلين
خـل يـمـوت ابـحـقـد وضـــدانــــــه
       
الـيـوم فـرحـتـله ملاكة السماء
عـلـي اسـمك بلسم وأنه الدواء
نجح كلمن واله حيدر بلـدعــاء
ما يمره الضيم لايعرف غـنـاء
الواله حيدر من صحيح       يبقه عالي ما يـطـيـح
الـدنـيـه ضـلـمـه وحـيـدر الـضـوانــه


علي وسمك سر صعب تفسيره
بـيـه الـمعـنـه وكـرم والغـيـــره
وبـلـشـجاعه احتار من تعبـيـره
بوصفك وصعبه العقول اديــره
انـتـه ماعـنـدك مـثـيـل       ياعـلي حامـي الدخيل
وبـالحـشـر مــولانـه مـاتـنـسـانــه
       
كـل بـشـر مطلوب رايـدله دفــاع
ونته ابو الحسنين سكان وشــراع
انته حامي ادخيله وحامي السباع
شلون ماتحمينه لو صار الــوداع
ونـتـه تـحـمـي شـيـعـتـك         يـاعــلــي بـمـحـبـتـك
مـاكـو غـيـرك يـاعــلي مــولانــــــه
        **

ابو سلام الجابري

هل جاب الشط عم سكينه

تنخه وصال بسمج يلعقيله
ظل الجيش حاير ماله حيله
والشرده صفت عدهم واسيله

توسل بي الشط .رف متنه

رد الجيش كله ويذبح السيف
منهم كال لازم ناخذ الحيف
رجفهه الزلم ماجنهه بصيف

عله جروفه .سواهم تله

اخذ حيفه بجربته يعبي بروس
والشط بلزم وتشوفه متروس
مابيهم كلف وكباله ويحوس

بريشات ظل .يذبح بيهه

مالابس درع موت احمر وهاد
اليسلم من يفر لتظن بعد عاد
ماصح لامفر لا خله مشراد

حتارت بي الكوم وذلهه

ذل الكوم كلهه وكال واجب
ادوس اليوم لازم عل شوارب
ناخذ ثارنه وما جاي  اعتاب

يا شارب يندك وي سيفه


ابو سلام الجابري

مقدمة ام البنين عليها السلام

آنه ام البنين ابچي وأون سكته
عله وليدي المشه وللموت ودّعته
........

حزن يعگوب حزني واكثر جروحي
لا تنشف دمعتي ولا هجع نوحي
بنار الفرگه تطفه وتشتعل روحي
وبنيني الاربعه من راح سلّمته
........

ابن الزهره ابني حسين تاج الراس
ريحانة مُحمّد اغله كل الناس
فدوه لنور وجهه منحر العباس
لو بيدي الأمر والله ما عفته
.........

اخذ حيلي برحيله واخذ شَوف العين
امشي ليا وجه بغيابه ورحل وين
يبني حسين ارجع كافي يبني حسين
گلبي امن المناحة عليك گطّعته
.........

بقيت بلا اهل ياناس من يومه
أمّ بدار ظلمه وروح ملچومه
بقت بسّ العليله وياي مهضومه
ليل انهار تبچي وما هدت بنته
..........

فدوه اولادي كلهم فدوه لعيونه
المهم سالم يردلي ومايغدرونه
ادري بآل امية ما يرحمونه
راح ومارجع عالنار ناطرته
..........

راح حسين منّي ومارجع ليّة
راح الچان ينشد كل مسه عليّة
اقره الفاتحه وادعيله يوميّة
يرجع بالسلامه وگلبي صَبّرته
..........

اخذني الموت ريت ولاسمعته شصاح
ابن حذلم يصيح حسين منكم راح
جسمه عله الوطية وراسه فوگ ارماح
هذا اللي خفت منّه وتوقّعته
.........

يعظّم اجرج الله بولّدج الطيبين
يبن حذلم صحت اخبرني عن حسين
راح حسين لطمي وهلّي دمع العين
عفته بلايه راس وخيل دايسته

سيد زيد الفحام
____

نزلة / ام البنين عليها السلام 2024

السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
ام الكمر هايه.  خل تعرف الناس
وفت لبواليمه. ضحّتله عباس
ما بخلت بكلشي.  ما دنكت راس
ضحّت باولادها.      حققت امجادها
حتى تنصر دينه.    الله للطف رادها
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
سار الظعن عنها.  ودمعتها بالعين
وصّت كمر هاشم. ضنوتها بثنين
يكفل خدر زينب  ومايترك حسين
ضحّت بشبّانها.       وقدمت قربانها
فارگاها الغالي.       ظلت باحزانها
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
من واست الزهره. واستها بحيود
اربع بنين انطت.  للتضحية شهود
صارو لبواليمه.   بالمعركة جنود
حگها تفخر بيهم.     أمهم توصّيهم
للحُسين وآله.      بالحرب تفديهم
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
لحسين ابواليمه. تتنشّد اخبار
راح وبقت هيه.  تنتظره بالدار
تبجي وتون ظلّت. ما تدري بالصار
تكعــد بمحــرابه.    تبچي دم بغيابه
تدعي الله يجيبه.   لو تموت ابابه
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
للغالي مشتاگه.  تحسبله ايام
ليليّه سهرانه.  ما كدرت تنام
ام البنين أمه.  من حگها تحتام
تنتظر ملهوفه     والدرب متعوفه
والأمل بعيونها.  للحُسين تشوفه
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
لن تسمع الناعي  يصرخ اويلاه
ذبحوا ابواليمه.  ونسفكت دماه
ام الكمر صاحت. اَي وا حُسيناه
ياحبيب الزهره.     لجيّتك منتظره
ما دريت بحالك.    تنذبح عالغبره
السلامُ على امُ البنين
السلامُ على امُ البنين

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

#شوط كربلائي((زنجيل))

لأم البنين عليها السلام

هاي ام الگمر عباس هاي الطاهرة الحرّه
ضحّت أربـع الأولاد بيهـم واست الزهره
...

هاي ام الوفه وأنشد عنها حسين ابواليمه
خلّص كل عمرها وياه بطيب وعاطفه تخدمه
تعرفه وتعرف اسراه امام الرئفه والرحمه
تخدمه وصـار سيّدها
أعز من كل وَلَد عدها
غيـر حسين ماعــدها
آنه وكل بنيني تگول فدوه لخامس العتره
...

ولِـدِها الاربعـه الاقمــار ربّتهـم لبوالاكبر
وصّتهم يخدمونه ويفدونه بدمه المنحر
غذّتهم وفه واحساس منهـم محّد اتعذّر
سيـّدهم گمــر هـاشم
لحسين السبط خـادم
تحچي بموقفه الوادم
ماخانوا ابد للموت حسين وزينب الكبره
....

لمن راح ابواليمه ظلت تجـري دمــع العين
ماتنشد عله العباس تنشد عالغريب حسين
ظلت تنحب بداره وتذكر لَمّة الطيبين
ماگطعت بـواچيــها
فراگ حسين ياذيها
راح ومـارجــع ليـها
تنوح بداره ماتهجع تصب عبره بأثر عبره
....

بدار حسين ابواليمه ظلت تبچي مهمومه
آ يحسين ومصابه تبچي وتشبگ هـدومه
نوبة تروح للمحراب تذكـر صـورة رسومه
تذكــر مـن يصلــي هنـا
يدعي وتدعي هي وياه
عزيز عليها ماتنســاه
نست اولادها الراحـوا بس حسينـها تذكره
.....

وهي بهذا الحزن لنها تسمع صوت ابن حذلم
يهالـوادم يصيـح بصـوت خـل الماعلـم يعلـم
حسين عله الرمح راسه وجسمه الطاهر تخذم
لن ام الـوفـه تحـاچيــــه
يناعـي حسين گلي شبيه
فارگني واخاف عليه
يگلــها يالتنشـدينـي ذبحوا بالغرب نحره
......

من سمعت حچي الناعي گامت تلطم عله الراس
مـره تصيح آ  يحسيـن ومـره تنـادي ياعباس
راسك عالرمح مرفـوع وجسمك بالخيول انداس
مايكفينـي دمــع العيـن
ياخذ روحي ريت البين
مـاريـد العمــر يحسيـن
شلـون صبـر علـى فـرگـاك ما اگدر يبوالعتره

خادم ام البنين عليها السلام
سيد زيد الفحام

#تجليبه  لام البنين ع
((زنجيل))
الشاعر حيدر تركي الكربلائي


اسولف والســوالف كلش هوايه
وبأم الاربعـه مملــوحه الحجايه

------------

يونسـني الحـچي طاريـها لو جيبه
واجلب بالــسوالف خـوش تجـليبه
الحچي ابلياها ماصـخ حيل ادريبه
رأي وكــل بشر يــتنومــس ابــرايه

---------------

بأسـم الغيره ابدي وصاحب النوماس
واســولف يمــها لكــن مااشيل الراس
كــرامه واحتــرامـه الهـــامة العــباس
امــربيــتني المـجالس خـوش تربـايه

--------------

عن ام البــنيـن اشــما گــلت خجلان
ام عباس هـذي وموش ياهي الچان
اذا وياها اسولف كون اجي عطشان
وخشبة الساني كون وفوگه جمرايه

----------------

بيــها الساني كــل ما راد يتــكلم
بطــاري الــرايه لازم اني اتيــمم
صــل الله عليـــها وبارك وســـلم
بكثر ماشال ابنها ابكربله الــرايه

--------------

الواحد من يسولف كون عنده شهود
وانــه بهالــسوالف شاهــدي مـوجود
هــاي ام الــذي ذب عــالفرات ازنـود
وگـــبله ياهــو سوه هـــاي الــسوايه

---------------

ام الــرجف الــماي وشـــواطـــيه
مــو علـــويه گـــالـــولي كـــلابيه
شلون اقبل حچيهم موش علويه
الـِمربــريه ولــد لحــسين تچــايه

-----------

كريمـه والكرم يتخــوتل ابسدها
اوسام الجود بيده الحسن قلدها
يالمــاصدگــتني كربلــه انشــدها
مــو واحد نطــت اربعــه الوفايه

------------

صدر ام البــنين الــوفــه غـذاهم
ولبو السجاد اجل خــدام خلاهم
فــنه الگال جيش ايــزيد لاواهم
بحر والجيش يمهم  صـار كشايه

--------

اتبدت من وصلها صوت ابن حذلم
رأسن سلهمــت والناعـي هم سلهم
خــاف اعــليـه لو گــاللــهـا تتــهدم
طــاري احسين  هــدم الها لبـــنايه
------------
الشاعر حيدر تركي الكربلائي

القصيدة : مسلم شيخ وقائد
محرم الحرام
▫️▪️▫️▪️▫️▪️

مسلم شيخ و قائد
مسلم مـــن يعــائد
وحده ويكلب الكون
مسلم هـــد يجاهد
ــــــــــــــــــــــــــــــــــــــــــــــــــــــــــــــــ
مسلم من ينازل يصدر حكم الاعدام
قائـــد فذ محنك معروف من الاسلام
بالكوفه ويوضح بيده الهدم الاصنام
موسوعة عجيبه حطمت كل الارقام

سيفه يعرف يختار
سيفه يختار اكبــار
وحده ويكلب الكون
مسلم هـــد يجاهد
ــــــــــــــــــــــــــــــــــــــــــــــــــــــــــــــــ
مسلم هذا طبعـه فــارس هيبه مغوار
بالكوفـــه ويصرح تربايتـه ذو الفقار
حيرها العساكـــر وخلاها اطـب انذار
وسواهـــم مقابـــر عاين كـــل الاكتار

ترعب عينه ترعـب
ترعب ايده تغضب
وحده ويكلب الكون
مسلم هـــد يجاهد
ــــــــــــــــــــــــــــــــــــــــــــــــــــــــــــــــ
مسلم جفه يسطر شمرة حيدره وصال
ذكــرهــا القبائــل بيمن والهــا جتــال
وزلزلهـــا بيهم ورجـــف هــاي الانذال
كل هاي الجحافل بضربة سيفه تنشال

بيهم وحــده ويكر
بيهم وبجفه ايجر
وحده ويكلب الكون
مسلم هـــد يجاهد
ــــــــــــــــــــــــــــــــــــــــــــــــــــــــــــــــ
مسلم وحده يدحر جيش امكون الاف
الموت عله كيفه من سيفه تشوفه يخاف
سطرها الحجافــل وعليهم ظــل يلتاف
جتل كل زلمهم مسلم وحـــده ينشاف

وحده فارس ويصول
وحده ابن الافحول
وحده ويكلب الكون
مسلم هـــد يجاهد
ــــــــــــــــــــــــــــــــــــــــــــــــــــــــــــــــ
مسلم يرعب الكون والجيش اوزلمهم
رجعهم مسافـــه وفلش كل خططهم
زلم الكوفه تشهد اشلون اهوه ذلهم
كل واحد منيته وجف مسلم سطرهم

فارس واليسأل ليش
فارس ماهاب الجيش
وحده ويكلب الكون
مسلم هـــد يجاهد
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

سلام الله عليك ياسفير الحسين #نزلة
القصيدة : خل ترجع السبعين الف كوفانهـــا
محرم الحرام 1446 هــ

▪️▫️▪️▫️▪️▫️▪️

مسلم وصلهــا وماتـرك ميدانهـــا
خل ترجع السبعين الف كوفانهـــا
ــــــــــــــــــــــــــــــــــــــــــــــــــــــــــــــــ
مسلم دخل للكوفه شاهر سيفه
الرعب طب بيها وشهامه ابطيفه
الجيش كثره وهـــاي لا متخيفه
صفـــوف رتبها على سيفه بكيفه

انشـــاف بيهـــا وتيهـــت عنوانهـــا
خل ترجع السبعين الف كوفانهـــا
ــــــــــــــــــــــــــــــــــــــــــــــــــــــــــــــــ
بـــده معركته وزلـــم ردمـت زلم
بكيفه ضـــل ايطشــر ابيكفه يلم
الجيش طـره وصارو ابسيفه فلم
الراد روحـــه ايعيش لا هذا حلم

مسلم صعدهــا ومايهــد اعنانهـــا
خل ترجع السبعين الف كوفانهـــا
ــــــــــــــــــــــــــــــــــــــــــــــــــــــــــــــــ
للكوفـــه عزرائيل طب هل ليله
الجيش شافه وانتكس كل حيله
الزلـم حـــارت لاذت ويه الشيله
الما وصله السيف صاح ادخيله

مسلم دخلهـــا وطلعــت دخانهـــا
خل ترجع السبعين الف كوفانهـــا
ــــــــــــــــــــــــــــــــــــــــــــــــــــــــــــــــ
من دخلها ابيا علي وصله الفرض
سله سيفه وترس بيهم هل ارض
واحد على الثاني يوكع شي ركض
مشهد الــحيدر علي جن ينعرض

ظلمه صـــارت واختلــف ميزانهـــا
خل ترجع السبعين الف كوفانهـــا
ــــــــــــــــــــــــــــــــــــــــــــــــــــــــــــــــ
الكاع حمره امن الدمه سوه الصعب
وصـــاح ياحيدر علـــي وســده الدرب
الكوفـــه راح اليـــوم يكلبهــــا كلـــب
البي شجاعـه على الحـــرب خله يطب

نـــاس تتمـاده ويكـــص اللسانهــا
خل ترجع السبعين الف كوفانهـــا
ــــــــــــــــــــــــــــــــــــــــــــــــــــــــــــــــ

الشاعـر : فيصل

﷽ مسلم ابن عقيل عليه السلام
القصيدة : مسلم موقف وانسان
محرم الحرام 1446 هــ

▪️▫️▪️▫️▪️▫️

مسلم طبها كوفان مسلم موقف وانسان
معـروفـــه نخوتـــه لحسين اوخـوتـــــــه
ـــــــــــــــــــــــــــــــــــــــــــــــــــــــــــــــ
تجادح اعيونــه غضـــب فنهم يلاكونــه
وين اليكول انـه سبع خل ينظر اعيونه
المات مات امن الخزر والمنخطف لونه
الجيش كلـــه بكوفتـــه لا مـــا يلاونــه

مسلم سيف الاسلام مسلم ضـــد الظـلام
ويضل عالي صوتـــــه لحسين اوخـوتـــــــه
ــــــــــــــــــــــــــــــــــــــــــــــــــــــــــــــــ
الكوفه حاصرها الرعب ضرباته جتاله
مسلم شبيه الحيــدره بفعاله واقواله
الخيل من تدخل حـرب معناها عياله
مسلم دخلهــا ومالكــه فوكاها خياله

مسلم ناصر للدين مسلم ضحى لحسين
واسنينـــه فدوتـــه لحسين اوخـوتـــــــه
ــــــــــــــــــــــــــــــــــــــــــــــــــــــــــــــــ
سل صارمه مثل رعد معروفه صولاته
ابنص الدرابين الجثث كومتها ضرباته
هنياله كالوا عاللبد واليشرد ابريشاته
والراد عمره يستمر يتوسل ابخطواته

مسلم قائد فذ حوك مسلم طلاب حكوك
موصوفه اهيه قوتـــه لحسين اوخـوتـــــــه
ــــــــــــــــــــــــــــــــــــــــــــــــــــــــــــــــ
الكوفه مكلوبه كلب مسلم دخل ليها
والجيش ساكه للحرب وين الدعا بيها
الكوفه مو ديرة وفـــه ويوضح اشبيها
ويه الهواشم كـــل زمن ينعاد ماضيها

مسلم راعب السيوف مسلم راواها الخوف
ومعروفـــه مرؤتــــــه لحسين اوخـوتـــــــه
ــــــــــــــــــــــــــــــــــــــــــــــــــــــــــــــــ
معروف مسلم من قبل وحروبه معروفه
وبشدة اصوابه علـــي ومترجم احروفه
الجيش جهز عدتـــه وثلمهن اسيوفـــه
الموت رحب بالوصل يم جدمه ويشوفه

مسلم رجف الارجاس مسلم فوكاهم داس
وحيـــــــدر قدوتــــــه لحسين اوخـوتـــــــه
ــــــــــــــــــــــــــــــــــــــــــــــــــــــــــــــــ

((رجعوني))


افزع يكافل محملي گلب اختك احتار
لـــــو اطلع أگبال الغرب لو احترگ نار
تسمعني لو اسحگ جمر دار الوكت دار

اركض اروحن ويــــن
مصيوبه مني العيـــن
وصاحن بناتي حسين .. لحگوني

وحسين طـــــايح عـالثره
وخيل العده تسحگ سره
يتــــلـوه
بالحذوه
ياخــويه
ويريد فزعةّ خوه .. ياخويه

ها يخوتي الجبتوني
الديرةّ هـلي رجعوني .. رجعوني
"""""""""""""""""""""""""""""""""""'''''''''''

يبن الهواشم ياشهم تدري اختك شلون
معقوله اركض والجرح متعدي العيون
كل عثره اكبر چم سنه وآنه اختك ام عون

خويه النـــهر ياصـوب
أعليه الركض مكتوب
يل بل العمد مصيوب .. تلگوني

گلبي طفر من مدمعه
يامن أديـــك امگطعه
يبن امي
يالنشمي
يالكـافل
ياخويه يبن امي .. يالكافل

يهل الشيــم عفتوني
الديرةّ هـلي رجعوني .. رجعوني
"""""""""""""""""""""""""""""""""""'''''''''''

طاحت خيمنه وحشمت يابو الفضل خيل
وطشينه ياسرب الگطه والسوط ياويل
والعيله عطشانه وجمر مابينه كل حيل

الجيش أجه هــــادود
وتدري الدرب مسدود
وطايح اخوي العــــود .. من جوني

بستانه خــــويه انسـحگ
وكل الورد خويه احترگ
من الطـگ
بس الحگ
كفـــــــالي
بالگوه گمت اشهگـ .. كفالي

بهودج ستر جبتوني
الديرةّ هـلي رجعوني .. رجعوني
"""""""""""""""""""""""""""""""""""'''''''''''

بينك لما بين الخيم گمت اركض اشواط
والدنيا تمطر بالحجر عباس وسياط
حتى المهد خويه احترگ مذبوح الگماط

وأم الطــفل شتگول
هَــدت علينه خيـول
وبالخيمه بس معلول .. حاچوني

معلول وسهام وحــجر
ماخله من عدنه الدهر
ياويلي
ياحيلي
وعيوني
عباس لو جن ليلي .. يعيوني

والليل يــــاخذ لوني
الديرةّ هـلي رجعوني .. رجعوني


عبد زينب
محمد الابراهيمي

تعالي يم حسن ليه تعالي
وشوفي كربله شسوت بحالي
يــ ام الحسين .. راح الحسين
___

يـ ام حسن شفته عزيزج .. منچوي بحر الترب
والأشد وأكثر عليّه .. ومِنّه شلعان الگلب
بكلشي حاد هناك يُمه .. حسين ابنج منضرب
يا جرح مِنّه أداوي .. العله وجهه منگلب

يا جرح الأشده وياهو اعوفه
وگوه من السحگ الحسين اشوفه
يــ ام الحسين .. راح الحسين

___

ما رضى يحرسنه واحد .. راسه عالرمح وحِرَس
هوه چان النه الحماية .. الماي والفَي والحَرَس
كافلي أدّى الكفالة .. برغم ما ظلّه نَفَس
بالضعن كل العطاشى .. چفوفهم دمعه ترَس

ريشاته اصبحت عالرمح رايـة
كان وما يزال النه الحِمايـة
يــ ام الحسين .. راح الحسين

___

حالهم شفتي اليتامى .. بيها شمسوي الحبِل
حبل مو عادي يُمه .. البي يچتفون الطفِل
حيل ينضب فوگ اديهم .. لحد ما چفهم يشِل
منِهم اثگل چان وزنه .. و وينهم وين الثگِل

چم طفل الأشوفه زرگه أيده
ما يوصل الدم ظَل لـ وريده
يــ ام الحسين .. راح الحسين

___

على أخواني الكلها غيرة .. أبد ما عندي عتَب
على حسين أعتب هضيمه .. والضلع مِنّه انسلَب
لو على العباس صعبة .. الماي يَمّة وما شرَب
روسهم عالرمح لكن .. عنّه ضموه التعَب

أهون عندي يـ هالناس موتي
اولا اعاتب انه الغالين اخوتي
يــ ام الحسين .. راح الحسين

___

اني ميتة هناك والله .. و روحي بالطف طالِعة
حسين لو ما رفع چفه .. و بالصبر إلي دعى
يا گلب يسمعها گادر .. تنكسر كل أضلُعه
ويا گلب يگدر يشاهد .. خيل گلبه تِشلَعه

بالطف ماكو حافر جسمه عابر
وكل واحد بصدره شكثر حافر
يــ ام الحسين .. راح الحسين

___
حسين علي الدليمي

تصرخ حميدة الوالد اريدة
يا عماه ياعماه
ــــــــــــــــــــــــــــــــــــــ
يا عمي شو كَلبي رجـــف والدمــــع سال بعيني
تبچون انتة وكل هـــلي شنهي الجرة حاچيني
وتمسح على راسي كَمت يا عمـي وتواسيني
چني يتيمة انه صرت وظلمة تصــير سنيني
گلبي تحطم حيلي تهدم
واويلاه واويلاه
ــــــــــــــــــــــــــــــــــــــ
من زغري يتمني الدهر ودموعي حفرت خدي
طفلة وغريبة محــــيرة خــلاني ابوي لوحدي
ذل اليتم ماينحـــــــــمل والــــغربة فتت چبدي
بوية يمسلم من رحـت غير الـحزن ما عندي
ماكف ونيني واعميها عيني
ماانساه ماانساه
ــــــــــــــــــــــــــــــــــــــ
بوية اليفاركَ دنيـــــــتة اهلة تـــــغمض عيونة
واخوانة تحظر بالغسل وبيديهم ايـــــــــچفنونة
وعلى الچتاف اتشيـعة كل اهلة ويدفــــــــنونة
وحدك غريب ابهالبـلد حالك يبوية شــــــلونة
هم غمضولك واتشاهدولك
ياابتاه ياابتاه
ــــــــــــــــــــــــــــــــــــــ
أبلسان الـــــحال جاوب مســــــلم وعينة يهلها
بوية غربــة شاف ابيج غربـــة ماشايف مثلها
وحدي او ولـــية ولوني واغدرتني الناس كلها
بس تحشم طوعة ظلت وسكتت الكوفة واهلها
وهاني بوكَفتة قدم ركَبتة
لجل الله لجل الله
ــــــــــــــــــــــــــــــــــــــ
للقصر ودوني بويــة دمي من جروحي يجري
والعطش ذوب چبدتي بوية مــــثل النار صدري
وبسطح قصر الامارة سلمـــــــت للباري امري
لو وصل بوية سلامي تحملـــــي بوية وصبري
ومن اذبحوني من اعلى رمووني
آه آه آه آه
ــــــــــــــــــــــــــــــــــــــ
خبراهة الناعي قصــــتة والجرة بمصاب ابوها
شدوا احبال اعله رجلة وجثتة انوب اسحبوها
مسلم وهاني خذوهم او جثثـــهم جرجروهة
صاح ابو اليمة يزينــب هاليتيمة دللوهة
ياعمي انة والد مجانة
ياعماه ياعماه


أسالكم الدعاء رائد الأسدي

#ام_البنين عليها السلام

القصيدة : اربع اولاد اشحلاهم
محرم الحرام 1446 هــ

▫️▪️▫️▪️▫️▪️

اربع اولاد اشحلاهم
الوفه يمشي بدماءهم
اغلى من الروح بس مو من الحسين
ــــــــــــــــــــــــــــــــــــــــــــــــــــــــــــــــ
نبذه عنهم بالوفـــه
ترسو ادروب العشك خوه وحنان وعاطفه

الكل بطل بيهم صفه
المايهاب الما رجـــع اتشوفه سيد موقفه

ابديها من عبدالله لو ابديها من عثماني
ابديها من شيخ النهر عباسي حيدر ثاني
لو جعفر الشامخ نخل جمار كلبه احياني
اولادي وابطـــال الوغى بيهم وضح عنواني

للنصر تمشي خطاهم
الرايه رفت من سماءهم
اغلى من الروح بس مو من الحسين
ــــــــــــــــــــــــــــــــــــــــــــــــــــــــــــــــ
ابطال ساحات الحرب
الهيبه والغيره ســوه الحومه يعني تنكلب

ولدي من نبض الكلب
ارباي واعرفهم صدك باجـــر يسدون الدرب

من الشجاعه والفعل ربيت زلم الحومه
بذلو نفسكم والمهج وانطيتهم معلومه
الطاهر حليبه ومرضعه السالت تراها دمومه
معروف بالحومه البطل معروف كلمن يومه

بالشجاعه الحب طواهم
بس وفه تلكه وراهم
اغلى من الروح بس مو من الحسين
ــــــــــــــــــــــــــــــــــــــــــــــــــــــــــــــــ
وصيتهم كالـــوا بلي
جهزنه الارواح ونهب ريح بشجاعه من علي

بيهم عزم ماينجلي
شفت الفعل من الصغر وينعاد بالحومه الي

ثابت عزمهم بالشدد والي يهـــد جاوينه
والله خالقهم مـــدد من الشهامه الطينه
لحسين رخصوها الدمه ذوله عمام اسكينه
ارباتهم نهـــج الولـــي حيدر علي ومن دينه

بالهوه يرفرف لواهم
بكربله والحب خذاهم
اغلى من الروح بس مو من الحسين
ــــــــــــــــــــــــــــــــــــــــــــــــــــــــــــــــ
ربيتهم زود وفخـــر
ورضعتهم بالوفـــه وكبرتهـــم للنهر

الشاهده جفوف الكمر
وانه لو بدي اروحن للحسين انطي النحر

لو بيدي احرسها الخيم متمنيه اروحن وياه
لحسين يرخص كل نحر لبيك ياداعي الله
فرض النصر فرض العشك بالحومه وحده صلاه
هل من مناصر تنتصر ونكتبت ابسيل ادماء

وارفع جفوف ابنداءهم
والله ينطيني العطاهم
اغلى من الروح بس مو من الحسين
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

من رد المهر سابح ابدمه
زینب سمعته وطلعت ابهمه
.........................
دگ رجله وغده بلراس یومی
های ادموم اخیچ مو ادمومی
یزینب گومی لحگی حسین گومی
عفته والسیوف اعلیه لمه
.........................
من ظهری وگع واجروحه کثره
واخاف من المثلث فات أمره
شعب گلبه وطلع من خرز ظهره
طاح اعله الارض والشمر یمه
........................
گبعت روحهه وللحومه راحت
آه اشلون خویه حسین صاحت
چم مره اعله وجه الگاع طاحت
ومن توگع تنادی اهنا ییمه
.........................
بس شلفایده من اوصلته
زینب والأمر فايت لگته
اویلی والشمر گاطع رگبته
اشلون اتحظنه واتحبه وتشمه
..............................
دارت للبقیع ابصوت عالی
تنادی ام الحسن یمی تعالی
یایمه بگیت ابغیر والی
راحو کل هلی وشملی اشیلمه
..............................
دارت للغری وصاحت یحیدر
احضر مثل ما للغیر تحضر
ادخیله یاعلی وحملی تگنطر
وکلهه اتصیح لحگینی یعمه

عزیز_الفیصلي

يا ام البنين
القصيدة : سمعاً وطاعـــه
محرم الحرام 1446 هــ

▪️▫️▪️▫️▪️▫️

سمعاً وطاعـــه سمعاً وطاعـــه
امرج على العين سمعاً وطاعـــه
ــــــــــــــــــــــــــــــــــــــــــــــــــــــــــــــــ
أبشري وحك حسين نفني العدو
اولادج فخر للناس اربات الابو
ننطي النحر والعين نفدي الاخو

تــدلل ام عــــــون ننطيها العيون
بس أشري ونكون بأمر العقيله

وأمرج وضح زين يأمنه ام البنين
نوكــــف للحسين ونطوي الثجيله

ابهاي الشجاعـــه ابهاي الشجاعـــه
امرج على العين سمعاً وطاعـــه
ــــــــــــــــــــــــــــــــــــــــــــــــــــــــــــــــ
من القلب والروح ننطي النحر
شاهدنه بالطف صار جرف النهر
ولو حره رادت ماي يوكـــع كمر

سهله النه وانجاز بيها اليحب فاز
ونحـــل الالغـــاز ونكلبها بيهم

نفعل بالافعـــال ومو جلمه تنكال
حي الله الابطال عاشت اديهم

كلنه قناعــه كلنه قناعــه
امرج على العين سمعاً وطاعـــه
ــــــــــــــــــــــــــــــــــــــــــــــــــــــــــــــــ
لحسين ابو السجاد كلشي سهل
نوكف جدار الموت وينه النبل
ارباتج نطيح اجبال كول وفعل

ونلفه الانكـــاب ونردهم اتراب
اولاد القلع بـاب بينه يحيرون

ونبتر الـــروس واعليهم اندوس
فنه الذي يحوس كلهم يشردون

والرف شراعه والرف شراعه
امرج على العين سمعاً وطاعـــه
ــــــــــــــــــــــــــــــــــــــــــــــــــــــــــــــــ
اولادج خلكنه جبير عدنه صبر
ننطي المهج والروح ويله اليمر
نفنه ويضل حسين راية نصر

وتـــرف بالافاق مو بس بالعراق
من هاي الاشواق والكل يشمها

صار الها عنوان من بيت الاحزان
ويلي يعطشان ريت الفهمها

واجب سماعه واجب سماعه
امرج على العين سمعاً وطاعـــه
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

نور عيني . يا حسين
يا حبييي . يا حسين

يحسين احس بمجلسك روحي شكثر مرتاحه
ومن اتعب لغيرك امل بس انت تعبك راحه
المجروح گلبه بمجلسك لو طب تطيب جراحه
بغيرك اضيعن سيدي طير ويعيب اجناحه
......
نور عيني . يا حسين
يا حبييي . يا حسين

الف انعم الله سيدي خليتني احظر مجلسك
انت الكريم وتختلف بالكرم محد نافسك
يلمنطي اصبعك سيدي للراد ياخذ محبسك
ساترني وانت بكربلا عريان باكو ملبسك
......
نور عيني . يا حسين
يا حبييي . يا حسين

فضلك جبير وما له حد يحسين ديِن برگبتي
خالقني الله لكربلا لأجلك وجودي ونشأتي
ومن فاضل ترابك صرت مولاي منك طينتي
خليني دوم ابچي الك ماريد تبرد جمرتي
......
نور عيني . يا حسين
يا حبييي . يا حسين

هذا الهوى الي بمجلسك يحسين بس هوه الهوى
ولو ما بواجي وتعزيه للروح ما يرهم دوه
مو اله مدفون بترب والمات بعيوه الضوه
الما عاش حزنك بالگلب المات والعايش سوه
......
نور عيني . يا حسين
يا حبييي . يا حسين

مولاي لو ما نعمتك والله وجودي كـالعدم
ولو ما فياي مخيمك ما سترت الناس الخيم
بس انت طايح للسما وخالد تظل فوك القمم
سويتني بنادم صدك واشعر شنو الحب والالم
......
نور عيني . يا حسين
يا حبييي . يا حسين

بس اصفن الها الدنيا اذا من غير ابو الاكبر شكو
لا طعم  لا  لـون  وابد  ما  بيها  راحه  ولا  دفو
مــولاي  انت  كلشـي  الي  حنية  الام   والابـو
بالضيج  الكاك انت  سِد  فازع گبل حتى الاخو

الاقل
ازهر العبادي

يا ام البنين
القصيدة : سمعاً وطاعـــه
محرم الحرام 1446 هــ

▪️▫️▪️▫️▪️▫️

سمعاً وطاعـــه سمعاً وطاعـــه
امرج على العين سمعاً وطاعـــه
ــــــــــــــــــــــــــــــــــــــــــــــــــــــــــــــــ
أبشري وحك حسين نفني العدو
اولادج فخر للناس اربات الابو
ننطي النحر والعين نفدي الاخو

تــدلل ام عــــــون ننطيها العيون
بس أشري ونكون بأمر العقيله

وأمرج وضح زين يأمنه ام البنين
نوكــــف للحسين ونطوي الثجيله

ابهاي الشجاعـــه ابهاي الشجاعـــه
امرج على العين سمعاً وطاعـــه
ــــــــــــــــــــــــــــــــــــــــــــــــــــــــــــــــ
من القلب والروح ننطي النحر
شاهدنه بالطف صار جرف النهر
ولو حره رادت ماي يوكـــع كمر

سهله النه وانجاز بيها اليحب فاز
ونحـــل الالغـــاز ونكلبها بيهم

نفعل بالافعـــال ومو جلمه تنكال
حي الله الابطال عاشت اديهم

كلنه قناعــه كلنه قناعــه
امرج على العين سمعاً وطاعـــه
ــــــــــــــــــــــــــــــــــــــــــــــــــــــــــــــــ
لحسين ابو السجاد كلشي سهل
نوكف جدار الموت وينه النبل
ارباتج نطيح اجبال كول وفعل

ونلفه الانكـــاب ونردهم اتراب
اولاد القلع بـاب بينه يحيرون

ونبتر الـــروس واعليهم اندوس
فنه الذي يحوس كلهم يشردون

والرف شراعه والرف شراعه
امرج على العين سمعاً وطاعـــه
ــــــــــــــــــــــــــــــــــــــــــــــــــــــــــــــــ
اولادج خلكنه جبير عدنه صبر
ننطي المهج والروح ويله اليمر
نفنه ويضل حسين راية نصر

وتـــرف بالافاق مو بس بالعراق
من هاي الاشواق والكل يشمها

صار الها عنوان من بيت الاحزان
ويلي يعطشان ريت الفهمها

واجب سماعه واجب سماعه
امرج على العين سمعاً وطاعـــه
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

ام البنين عليها السلام

القصيدة : شكراً الج يأم عباس
محرم الحرام 1446 هــ

▫️▪️▫️▪️▫️▪️

شكراً الج يأم عباس
ربيتي ازلام حســـاس
تتبختر ابين النــاس
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
ربيتي لحسين ونطيتي اربـــع زلـــم كلهم كفو
وين السبع وين القيادي اليفدي دمه للاخــو
الدرسو ابتعبج شهامـه وكـــل نتايجهم عفــو
وبالمحنه احنــان كلش للشمس وزعو دفـــو

شكراً الج وانه أم عون
ضحيتي ونطيتي اعيون
ياسيدة هـذا الكـــون
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
موقفج واضح سفينه شالت احمال التعب
وللسبط وفيتي عهدج وامر من ربنه انكتب
جنج اويانـــه مشيتي ونظر عينج عن كثب
بــس الج أم الاماجد يحلى والله هل لقب

واصلتي بالطف اهواي
وصيتي عبـــاس الماي
وعبدالله ويـــاه سكاي
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
يأم البنين الوصيـــه امـــر بيهـــا وانعلن
الباذل النفس الامامه يداوي جرح أم الحسن
انتــي بفعالج عظيمه وثبـــت دورج بالمحن
نفتخر بيج ونباهـــي على مــر هذا الزمن

من مثلج انطت لحسين
اربـــع ولد ضـــي العين
مـــن القلب يأم البنين
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
ولدج ابطال واشاوس زرعــج اليثمر قيم
حراس ظعني هالغياره بجفهم انأمن الخيم
لجل الحسين وعياله تمشي بالــدم الشيم
اجبال متهزهم منيه اكبال كل صعبه قمم

موقف يضل للاجيال
عفيه يولدج الابطال
ام الوفه وام الافعال
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
بسلسلة نهجج كريمه وفعلج انطاهم امـر
بالوداع اشكد قويـــه وكلبج اتخطى الصبر
كل مره وعدها ولدها احنان يسوون العمر
الا انتي وامـــرج الهم ضحــو ماريدن عـــذر

ماريد واحد عطشان
عبدالله جعفر عثمان
وصيتي لبـــو الاحنان
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور

#ام_البنين عليها السلام

القصيدة : اربع اولاد اشحلاهم
محرم الحرام 1446 هــ

▫️▪️▫️▪️▫️▪️

اربع اولاد اشحلاهم
الوفه يمشي بدماءهم
اغلى من الروح بس مو من الحسين
ــــــــــــــــــــــــــــــــــــــــــــــــــــــــــــــــ
نبذه عنهم بالوفـــه
ترسو ادروب العشك خوه وحنان وعاطفه

الكل بطل بيهم صفه
المايهاب الما رجـــع اتشوفه سيد موقفه

ابديها من عبدالله لو ابديها من عثماني
ابديها من شيخ النهر عباسي حيدر ثاني
لو جعفر الشامخ نخل جمار كلبه احياني
اولادي وابطـــال الوغى بيهم وضح عنواني

للنصر تمشي خطاهم
الرايه رفت من سماءهم
اغلى من الروح بس مو من الحسين
ــــــــــــــــــــــــــــــــــــــــــــــــــــــــــــــــ
ابطال ساحات الحرب
الهيبه والغيره ســوه الحومه يعني تنكلب

ولدي من نبض الكلب
ارباي واعرفهم صدك باجـــر يسدون الدرب

من الشجاعه والفعل ربيت زلم الحومه
بذلو نفسكم والمهج وانطيتهم معلومه
الطاهر حليبه ومرضعه السالت تراها دمومه
معروف بالحومه البطل معروف كلمن يومه

بالشجاعه الحب طواهم
بس وفه تلكه وراهم
اغلى من الروح بس مو من الحسين
ــــــــــــــــــــــــــــــــــــــــــــــــــــــــــــــــ
وصيتهم كالـــوا بلي
جهزنه الارواح ونهب ريح بشجاعه من علي

بيهم عزم ماينجلي
شفت الفعل من الصغر وينعاد بالحومه الي

ثابت عزمهم بالشدد والي يهـــد جاوينه
والله خالقهم مـــدد من الشهامه الطينه
لحسين رخصوها الدمه ذوله عمام اسكينه
ارباتهم نهـــج الولـــي حيدر علي ومن دينه

بالهوه يرفرف لواهم
بكربله والحب خذاهم
اغلى من الروح بس مو من الحسين
ــــــــــــــــــــــــــــــــــــــــــــــــــــــــــــــــ
ربيتهم زود وفخـــر
ورضعتهم بالوفـــه وكبرتهـــم للنهر

الشاهده جفوف الكمر
وانه لو بدي اروحن للحسين انطي النحر

لو بيدي احرسها الخيم متمنيه اروحن وياه
لحسين يرخص كل نحر لبيك ياداعي الله
فرض النصر فرض العشك بالحومه وحده صلاه
هل من مناصر تنتصر ونكتبت ابسيل ادماء

وارفع جفوف ابنداءهم
والله ينطيني العطاهم
اغلى من الروح بس مو من الحسين
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور

يا ام البنين
القصيدة : اربع بواسل
محرم الحرام

▪️▫️▪️▫️▪️▫️

اربع بواسل للحرب سميتكم لب القلب غالين مثل الرايه
ــــــــــــــــــــــــــــــــــــــــــــــــــــــــــــــــ
ماكــو أم بالدنيـه تحمل افراك سباح الكلب
واهيه تدري الراح منهم مـا يرده اي درب
يامــره تكــدر تضحــي الفكد كلش صعب
وانه عكس الناس كلها ولدي اطشهم للحرب

والاعز منهم الــــي حسين ابن حيدر علي غالي واعز اهوايه
ــــــــــــــــــــــــــــــــــــــــــــــــــــــــــــــــ
انه مــن انطيهـم افــرح حسين يستاهل بعد
من الولد كون انه عندي اكثـر واكثـــر عـدد
خل تطيح جفوف منهم اربـاي والهاي الشدد
شلون اقصر والاريــــده الفزعه لو صاح المدد

اي وحـق القل هوه عنهم تكطعون الهوه ادكون بالطف ثايه
ــــــــــــــــــــــــــــــــــــــــــــــــــــــــــــــــ
من دخلت البيته اخدم مو شريجه الفاطمه
حسين غالي وهوه مني وانــه ابقــى خادمه
بيضو وجهي ولاتقصروا ماي عصروا من السمه
صيروا لطفاله بعطشهم غيم ويــروح الضمه

لو طفل راد العذب الحومه كلبوها كلب النهر يرخص مايه
ــــــــــــــــــــــــــــــــــــــــــــــــــــــــــــــــ
انه اوصي وادري بيكم كد الوصيه ابكربله
وقبل لا يوكـــع اخيكم قبله طيحوا بهل فله
باجــر ابيوم الحرايـــب لو بقـــى ومحد الــه
وكفه كون تشرف اوكف واعلى بيكم منزله

يابو فاضل ياشهم بالحومه رفرف بالعلم يالتضوي كل دنيايه
ــــــــــــــــــــــــــــــــــــــــــــــــــــــــــــــــ
باجــر ابيــوم القيامـــه نلتقـــي بجده النبي
وانــه محتــاره شكلــه شلون مارحت ابسبي
وماضربني السوط حته وماتمزكتلــي العبــي
ضلت بروحي هيه غصه وجدمي ضل يدبي دبي

كون اعيش انه العمر جدمي يتلسع جمر منيتي صارت هايه
ــــــــــــــــــــــــــــــــــــــــــــــــــــــــــــــــ
الشاعر :فيصل عاشور المنصوري

احسین خویه طولیت الــنومه 
امنین اجیلک والطرق ملزومه

**

احسـین خـویه حیرتنی طیحـتک 
اشلون اجیک اشلون اعوفن عیلتک
گطــعت گــلبی یخــویه نـومـتک 
امنین اجـیک انمنع درب الـحومه

**

احســین خــویه الخــیم ناراموجره 
و لابگه عدنه کفیل و لا ضـره
چـــم یـتـیـم اجــمع وچــم امـخدرّه 
سلـبوهــا الــحرم یــا جـیدومه        
**

احسین خویه اطفالکم عرض الفله 
وتـدری ضرب الصوط ما تتحمّله
شـرد اشاجـف خـویه عـن العـایله 
امتـونی خـویه امدممه ومالومه

**

بگت زینب شکت من عظم المصاب 
ولمـت العیله عگب حرگ الطناب
اشـما تصـیح احسـین مـاتسـمع جواب 
و علثره احسین وصبحته وگومه                
**

آیــه لــوعة لیـــلة الــــحادی عشر 
ابعین تحمی العیله من ذاک الخطر
وعــین للــمیدان مشــبوحه الــنظر 
ولـسمه تمـطر ادمـوع اغـیومه

**

لنهه تسمع صوت وی طرت الفجر 
حضرونـوگ الهــزل شــان الــیسر
ورخصو العــیله اعــله ولــیاهه تمر 
کل فجـیده الولی اتـرید اعلومه

**

های من گامت تگع نوبه و تگوم 
وذیـچ بلـحومه مثل طـیرالیحوم
ایــدورن ولــیانهن بین الـــجسوم 
وکــل بــدرغـیر الحرّار رسومه

**

وصـلن الجـسم الـولی اربات الدلال 
بس جسد من غیر راس اعله الرمال
الـیهز جــــبرائیل مهــده ابلاضـلال 
بلشمس ولـحر هجـیر اسـمومه

**

آه مــن شــافــنه جــسمه اعله الثره 
ودمه یشخب من اجروحـه ومنحره
حــجـــة البــاری وابــن خـیرالـــوری 
عـاری حـته امسـلبین اهــدومه

**

اتگلله زینب خویه جینه انودعک 
ولـوبدیــنه انغسلک وانـشیـعک
غـصبن اعـلــینه نـخــلی مـصرعک 
ونمشی للـشام وتجـیک اعـلومه

**
اتوادعت زینب من احسین الضمد 
وکـل فـجیده اتـوادعت مــن الـولد
صـاحـت آنه اوداع ضل عندی بعد 
العل شریعـه هـامته مجـسومه

**

مـن الحـومـه اتـمشـت ابذاک الخطر 
امدوهنه وتنـشد عله درب النهر
اتـصیح یاهـلناس مـاشـفــتو گــمر 
طاح من سابع سمه اویه انجومه

الشاعر عزیز الفیصلی

اللهم_عجل_لوليك_الفرج