AAFDA

የጤና ተቋማት እና ባለሞያዎች ቁጥጥር ዳሬክቶሬት በ 6 ወር የተከናወኑ የቁልፍ ተግባራት አፈጻጸም ሪፖርት ገምግሟል።

22/4/2017ዓ.ም

የባለስልጣን መስሪያ ቤቱ የጤና ተቋማት እና ባለሞያዎች ቁጥጥር ዳሬክቶሬት የ2017 በጀት አመት በ6 ወር በእቅድ ተይዘዉ የተከናወኑ የቁልፍ ተግባራት አፈጻጸም ፣ የአገልግሎት አሰጣጥ ና ብልሹ አሰራር እንዲሁም በመልካም አስተዳደር ችግሮች አፈታት ዙሪያ ፣ የሪፎርምና የድጋፍ ክትትል ስራዎች በተጨማሪም በማቹሪቲ ሌቨል ስሪ ( maturity level three) የተሰሩ ስራዎች ከዘርፉ ባለሞያዎች ጋር ገምግመዋል።

ዳሬክቶሬቱ ባለፉት 6 ወራት ጥራቱን፣ ደህንነቱንና ደረጃዉን የጠበቀ የጤና አገልግሎት ለህብረተሰብ እንዲደርስ ለማስቻል በ 141 የጤና ተቋማት እና በ93 መድሀኒት ቤቶች ላይ የቁጥጥር ስራ መስራቱን ያስታወቀ ሲሆን በቁጥጥር ወቅት ግኝት በተገኝባቸዉ 3 የጤና ተቋማት ላይ አስተዳደራዊ እርምጃ መወሰዱ በሪፖርቱ ተጠቅሷል ።

በተጨማሪም ዳሬክቶሬቱ ከጤና ባለሞያዎች ቁጥጥር አንጻር፣ ከትንባሆ ቁጥጥር እና በናርኮቲክ እና በሳይኮትሮፒክ መድሀኒት አግባባዊ አጠቃቀም ዙሪያ የተሰሩ ስራዎች ገምግሟል።

በተከናወኑ ተግባራት በ 66 የጤና ተቋማት እና በ 65 መድሀኒት ቤቶች የራስ በቆጣጠር (self audit inspection )የተሰራ ሲሆን በመድሀኒት ቤቶች ጠያቂነት የአገልግሎት ጊዜአቸዉ ያለፈባቸዉ 314 ኪሎ ግራም የሚሆን ድሀኒቶች መወገዳቸው ተገልጻል።

በጋራ ዉይይቱ የጤና ተቋማትና ባለሞያዎች ቁጥጥር ዳሬክተር አቶ ገልገሎ ኦልጅራ ዳሬክቶሬቱ በ6 ወራት የህብረተሰቡን ጤና በማስጠበቅ ሂደት የ maturity level three ስራዎችንና የራስ መቆጣጠር (selfe audit inspection ) ስራዎች በሰፊዉ መሰራታቸዉን ገልጻዋል። ዳሬክተሩ አክለዉም በግማሽ አመቱ የባለሞያዉን አቅም ለማጎልበት የተለያዩ ስልጠናዎች መሰጠታቸዉን ገልፀው በሪፖርቱ የታዩ ክፍተቶችን በማረም በቀጣይ በሙሉ አቅም የ maturity level three ስራዎች ላይ ትኩረት ማድረግ እንደሚገባ አቅጣጫ አስቀምጠዋል

የባለስልጣኑ አቻ ሰራተኞች በኤች አይቪ ኤድስ ሜኒስትሪሚኒግ ዙሪያ ውይይት አካሄዱ፡፡
=========
ታህሳስ 23/2017ዓ.ም
የአዲስ አበባ ምግብ መድሃኒት ባለስልጣን አቻ ሰራተኞች የኤች አይቪ ኤድስ ሜኒስትሪሚኒግ በኤች አይቪ ኤድስ የቅርብ ጊዜ ጥናት መሰረታዊ እውነታዎች እና በሚስተዋሉ የተሳሳቱ ግንዛቤ ዙሪያ ውይይት አካሄዱ፡፡

በውይይቱም ኤች አይቪ ኤድስ ከቅርብ ዓመታት ወዲህ ስለበሽታ ያለው ግንዛቤ የተቀዛቀዘ ቢመስልም ስርጭቱ በከፍተኛ ደረጃ እየጨመረ ስለሆነ መዘናጋት እንደማያስፈልግ፣ ሁላችንም ስለኤች አይቪ ኤድስ በማስተማር የበኩላችንን ሚና መወጣት እንደሚገባ በውይይቱ የተመላከቱ ሀሳቦች ናቸው

ባለስልጣኑ በከንቲባ ጽ/ቤት ክትትልና ድጋፍ ተደረገ
**
የአዲስ አበባ ከተማ ምግብና መድሃኒት ባለስልጣን ለከቲባ ተጠሪ ከሆኑት ተቋማት አንዱ ስለሆነ የ2ኛ ሩብ ዓመት ክትትልና ድጋፍ ለመጡ ባለሙያዎች የተሰሩ ስራዎችን እና የመጡ ለውጦችን አስገምግሟል፡፡

ታህሳስ 23/2017 ዓ.ም

የክትትልና ድጋፍ አግባቡም በርከት ያሉ ዋናዋና እና ዝርዝር ተግባራትን በያዘ ቸክሊስት በአብዛኛው የአስተዳደር ዘርፉ ላይ የሚገኙ ዳይሬክቶሬቶችን የስራ ሁኔታና የመጡ ለውጦችን የሚዳስስ ነው፡

በክትትልና ድጋፉ የተሰሩ ስራዎችን አበረታትተው የተጀማመሩ እና ያልተሰሩ ስራዎች ላይ ጠንከር ያለ በቃለ ጉባኤ የተደገፈ የቃል ግብረ መልስም ሰጥተዋል ፡፡

ከከንቲባ ተወክለው የመጡ ወ/ሮ ብርቱካን እና አቶ ቢኒያም ባለስልጣን መስሪያ ቤቱ እየሰራቸው ያሉ ስራዎች እና የመጡ ለውጦች ጥሩና በተለይ ቅንጅታዊ ስራዎች ላይ ያለው አበረታች መሆኑን ገልጸው በእያንዳንዱ ተግባራት ላይ የታዩ ትንንሽ ክፍተቶች እየታረሙ መሄድ እንዳለባቸውና ተቋሙ ግንባር ቀደም መሆን እንዳለበትም አስተያየቶችን ሰጥተዋል፡፡

በስነ-ምግባርና መልካም አስተዳደር ዙሪያ የስነ-ምግባርና ፀረ ሙስና መከታተያ ዳይሬክቶሬት ስልጠና መስጠቱን ገለፀ።
---------------------------------
ታህሳስ 23/2017ዓ.ም
የአዲስ አበባ ምግብ መድሃኒት ባለስልጣን የስነ-ምግባርና ፀረ ሙስና መከታተያ ዳይሬክቶሬት ለማዕከል እና ለቅርንጫፍ ፅ/ቤት የአስተዳደር ሰራተኞች በሥነ-ምግባርና መልካም አስተዳደር እና የሀብት ጥቅም ማሳወቅና ማስመዝገብ ስርዓት ጉዳዮች ዙሪያ ከታህሳስ 23 ቀን 2017ዓ.ም ጀምሮ በሁለት ዙር ስልጠና እየሰጠ መሆኑን አስታወቀ።

የባለስልጣኑ የስነ-ምግባርና ፀረ ሙስና መከታተያ ዳይሬክቶሬት አቶ አክሊሉ ነጋሽ ስለ መልካም አስተዳደር ፅንሰ ሀሳብና አስፈላጊነት፣ ሙስናና ብልሹ አሰራር በሀገር ኢኮኖሚ እድገት ላይ ስለሚያስከትለው ጉዳት፣ የሀብት ጥቅም ማሳወቅና ማስመዝገብ ስርዓት፣ ስለፈቃድ አሰጣጥ እና አበል አከፋፈል ዙሪያ በገለፃና ማብራሪያ በዝርዝር ስልጠናውን ሰጥተዋል፡፡

ጥራቱና ጤናው የተጠበቀ ምግብና መድሃኒት ተደራሽ እንዲሆን የህብረተሰቡ ተሳትፎ
https://youtube.com/watch?v=ROO49tLWRIk&si=ORhD_SEEJF7aZkcP

ባለስልጣን መስሪያ ቤቱ በምግብ ዘይትና የስንዴ ዱቄት ምርቶች ላይ አስገዳጅ ሆኖ የወጣውን የምግብ ማበልጸግ ( fortification) ተግባራዊ የማያደርጉ አምራቾችን የብቃት ማረጋገጫ እድሳት እንደማያደርግ አስወቀ።

ህዳር 27 /2017ዓ.ም

ባለስልጣን መስሪያ ቤቱ የምግብ ዘይትና ስንዴ ዱቄት አምራች ድርጅቶች በሀገር አቀፍ ደረጃ አስገዳጅ ሆኖ በወጣው የምግብ ማበልጸግ ተግባራዊነት ዙሪያ ከአምራች ድርጅቶች ጋር የጋራ ውይይት አካሄደ ።

ውይይቱ ሰኔ 2016 ዓ.ም አሰገዳጅ ሆኖ የወጣው የምግብ ዘይትና የስንዴ ዱቄት ምርቶች ለማበልጸግ አምራቾችን ወደ ተግባር ለማስገባት ከባለስልጣን መስሪያ ቤቱ የብቃት ማረጋገጫ የወሰዱ ተቋማት የማበልጸግ ሂደቱን ለማስተግበር የአቅም ውስንነት የነበረባቸው በመሆኑ ተግባራዊ ሳይደረግ የቆየ ቢሆንም ባለስልጣኑ አምራች ባለቤቶችን በማወያየት ወደ አስፈላጊው የምግብ ማበልጸግ ደረጃ እንዲመጡ የሚያስችል ቅድመ ዝግጅቶችን በማድረግ የወጣውን አስገዳጅ ደረጃ እንዲያሟሉ የ 1 ወር ጊዜ ገደብ በማስቀመጥ የጋራ ስምምነት ላይ ደርሰዋል።

ምግብ ማበልጸግ በዋነኝነት ተዘውትረው በሚበሉ ምግቦች ላይ የተመረጡ ቫይታሚኞችን መአድኖች በተመጠነ መጠን በመጨመር የምግብ ይዘቱን መጨመር ሲሆን በምግብ ዘይት ቫይታሚን ኤ እን ዲ ( vitamin A&D ) በስንዴ ዱቄት ቪይታሚን ቢ ኮምፕሌክስ እና ዚንክ( Vitamin B Complex & Zinc ) የምግብ ማበልጸግ አስገዳጅ ደረጀ ሆኖ ተቀምጧል።

ከጋራ መግባባቱ በመነሳት ባለስልጣን መስሪያ ቤቱ በተቀመጠው የ1 ወር የጊዜ ገደብ ውስጥ አስፈላጊውን ቅድመ ዝግጅት በማድረግ የማበልጸግ ሂደቱን ያልጀመሩ አምራች ድርጅቶችን የብቃት ማረጋገጫ እድሳት እንደማያደርግና አስፈላጊውን እርምጃ እንደሚወስድ አስታውቋል።

ሙስናን ለመታገል ከውስጥ የመነጨ ቁርጠኝነትን ይጠይቃል ተባለ፡፡
**********************
በዓለም አቀፍ ደረጃ ለ 21ኛ ጊዜ፣በሀገራችን ለ2ዐኛ ጊዜ ወጣቶችን ያማከለ የፀረሙስና ትግል፣የነገን ስብዕና ይገነባል‶ በሚል መሪ ቃል የፀረ - ሙስና ቀን ተከበረ።

ህዳር 27/2017 ዓ.ም
የአዲስ አበባ ከተማ አስተዳደር ምግብና መድኃኒት ባለስልጣን አመራርና ሰራተኞች አለም አቀፍ የፀረ-ሙስና ቀንን ምክንያት በማድረግ ሁሉም የህብረተሰብ ክፍል በተለይም ወጣቶች ሙስናና ብልሹ አሰራር በከተማዋ ላይ ሊያስከትል የሚችለውን ፖለቲካዊ፣ማህበራዊና ኢኮኖሚያዊ ጉዳት በመቀነስ ረገድ ድርሻቸውን እንዲወጡ ለማስቻልና የጸረ ሙስና ትግሉ ባለቤት እንዲሆኑ ማድረግ እለቱን አስመልክቶ በጋራ ውይይት አክብረዋል።

በእለቱ ተገኝተው መልክት ያስተላለፉት የባለስልጣኑ ዋና ስራ አስኪያጅ ወ/ሮ ሙሉ እመቤት ታደሰ ፀረ -ሙስና ከግለሰብ ስነ- ምግባር ጋር በቀጥታ ተያያዥነት ያለው ለሀገር እድገት ፀር የሆነ የግለሰቦችን ኪስ ብቻ ሊያካብት የሚችል እኩይ ተግባር በመሆኑ ተቋማችን ለፀረ -ሙስና ያለውን ተጋላጭነት በመረዳት ከሙስናና ብልሹ አሰራር የጸዳ አገልግሎት መስጠት ያስፈልጋል ብለዋል።

በመድረኩ የስነ-ምግባርና ጸረ ሙስና መከታተያ ዳሬክተር አቶ አክሊሉ ነጋሽ የስነ-ምግባር ጽንሰ ሀሳብ የሥነምግባር ዓለም አቀፍ የሆኑ እሴቶችን ፣የመንግሥት ሃላፊዎች እና ሠራተኞች ሊመሩባቸው የሚገቡ የሥምግባር መርሆዎች፣የሙስና ወንጀል ልዩ ባህሪያት፣የፀረ-ሙስና የህግ ማዕቀፎች፣ሙስናን ለመታገል ያሉ ምቹ ሁኔታዎች እና መሰል ሀሳቦችን ያያዘ የውይይት የመነሻ ሰነድ አቅርበዋል።

የውይይቱ ተሳታፊዎች ሀገራዊ የፖሊቲካል ኢኮኖሚ ለዉጥ መምጣቱን ፣መንግሥት ሙስና መከላከልን ቁልፍ ተግባር አድርጎ እየሰራ መሆኑን ፣ በፀረ - ሙስና ትግሉ ላይ የደጋፊና ተባባሪ አካላት መኖርን ፣ሚዲያና ቴክኖሎጂያዊ ሁኔታዎች ማደግ ሙስናን ለመታገል ያሉ ምቹ ሁኔታዎች በመሆናቸው ያሉትን እድሎች በመጠቀም ሁሉም አገልጋይ ፍትሀዊ አገልግሎት ለማህበረሰቡ መስጠት ይገባል ሲሉ አስተያየታቸውን ሰተዋል።

በመጨረሻም ሙስናና ብልሹ አሰራር ከገንዘብ ጋር ብቻ ሳይሆን ከአገልግሎት አሰጣጥ ጋር ያለውን ቁርኝት በመገንዘብ በተቋማችን ለችግሩ ተጋላጭነት ያለውን ሁኔታ በመገንዘብ ና የስነ -ምግባር መርሆችን በመተግበር ለተቀመጥንበት ህዝብ የተሟላ አገልግሎት መስጠት እንዳለብን ገልጸዋል፡፡ከዚህ በተጨማሪ የማገልገል ተግባርን ከችግር የጸዳ ለማድረግ ሁሉም የበኩሉን እንዲወጣና በከተማ ደረጃ ለሚደረገው የጸረ ሙስና ትግል እራሳቸውን ዝግጁ በማድረግ ሚናችንን መወጣት እንደሚገባ የባለስልጣኑ ዋና ስራ አስኪያጅ ተናግረዋል።

እኔ ለጤናየ ባለስልጣን ነኝ!!

በአዲስ አበባ ምግብና መድኋኒት ባለስልጣን ጉለሌ ቅርንጫፍ ጽ/ቤት" እኔ ለጤናየ ባለስልጣን ነኝ "!በሚል መሪ ቃል የጤና ቁጥጥር ፎረም መመስረቱን አስታወቀ።

ህዳር 26/2017ዓ.ም

የጤና ቁጥጥር ፎረሙ ባለስልጣኑ ባስቀመጠው አቅጣጫ መሰረት ባለድርሻ አካላት እና ልዩልዩ አደረጃጀቶች በተገኙበት የተካሄደ ሲሆን የክፍለ ከተማው ምግብና መድሃኒት ጽ/ቤት ሀላፊ ወ/ሮ መቅደስ የፎረሙን አላማ ፣ አደረጃጀትና አሰራር እንዲሁም የቀጣይ አቅጣጫዎችን አስቀምጠዋል።

አጠቃላይ ሂደቱን የሚገልጽ ሰነድም ቀርቦ ውይይት ተካሂዶበታል።

የአቃቂ ቃሊቲ ቅርንጫፍ ፅ/ቤት ህገ-ወጥ ምርትና አገልግሎትን ለመከላከል የጤና ቁጥጥር ፎረም ምስረታ አካሄደ።
**************************************
የአዲስ አበባ ምግብ መድሃኒት ባለስልጣን የአቃቂ ቃሊቲ ቅርንጫፍ ፅ/ቤት እኔም ለጤናዬ ባለስልጣን ነኝ በሚል መሪ ቃል ባለድርሻ አካላትንና የተለያዩ የብሎክ አደረጃጀት የህብረተሰብ ክፍሎችን ያሳተፈ ህገ-ወጥ ምርትና አገልግሎትን ለመከላከል 21/3 2017ዓ.ም የጤና ቁጥጥር ፎረም ምስረታ አካሄደ።

ህገ-ወጥ የምግብና ምግብ ነክ ንግድ፣ የመድሃኒት ስርጭት እና ከሙያ ስነ-ምግባር ያፈነገጠ የጤና አገልግሎት አሰጣጥ እያስከተለው ያለውን ችግሮች ለመቆጣጠር እንዲያስችል እኔም ለጤናዬ ባለስልጣን ነኝ በሚል መሪ ቃል በባለስልጣኑ አስጀማሪነት የተመሰረተው ህዝባዊ አደረጃጀትን ፎረም በቅርንጫፍ ጽ/ቤቶች ተግባራዊ እየተደረገ ይገኛል።

በፎረሙ የምስረታ መድረክ የቁጥጥር ፎረሙ ዓላማ ና አስፈላጊነት፣ የህገወጥ ንግድ ምንነትና መፍትሄዎች ፣ ህብረተሰቡን የቁጥጥሩ ባለቤት የሚያደርግ ስትራቴጂክ መተግበር ፣ በ ፎረሙ ስለተካተቱ አባላት፣ የፎረሙ አደረጃጀት፣ ተግባር፣ ሀላፊነት እንዲሁም የግንኙነት ጊዜ ጨምሮ መነሻ የውይይት ሰነድ ቀርቧል።

የመድረኩ ተሳታፊዎች የፎረሙ መመስረት ማህበረሰቡ ጤናውን በራሱ ለማስጠበቅ አንድ አካል እንዲሆን እድል የሚፈጥር እንደሆነ ገልፀው በየአካባቢው እየተስተዋለ ያለው ህገ ወጥ የምግብና መጠጥ አሰራር ፣የትንባሆ ጭስ ና አደንዛዥ እጽ መበራከት የማህበረሰቡን ጤና ጉዳት ላይ የሚጥል በመሆኑ የተመሰረተው ህዝባዊ ፎረም እስከታች የብሎክ አደረጃጀቶች ድረስ የመረጃ ምንጮችን በማጠናከርና በህገወጥ ተግባር ተሰማርተው የሚገኙትን ከተቆጣጣሪ አካላት ጋር በመቀናጀት ለተጠያቂነት ሊሰራ እንደሚገባ ሀሳብና አስተያየታቸውን ሰተዋል።

በህዝባዊ አደረጃጀት ፎረም ምስረታ ላይ የተገኙት የባለስልጣኑ የአስተዳደር ዘርፍ ም/ል ስራ አስኪያጅ አቶ ፍሰሀ አበራ ባለስልጣኑ የማህበረሰቡን ጤና ለማስጠበቅ ዘርፈ ብዙ የቁጥጥር ስራዎች ፣ግንዛቤ የማስጨበጥ ተግባራትና በህብረተሰቡ ላይ ጉዳት ሊያስከትሉ የሚችሉ ምርቶች ሲገኙ የማስወገድና እርምጃ የመውሰድ ስራዎች እያከናወነ እንደሚገኝ ገልጸው ከዚህ በበለጠ የቁጥጥር ስራውን ለማጠናከር ከህዝቡ ጋር ተቀራርቦ መስራቱ አስፈላጊ መሆኑን ገልጸው በህገወጥ ቁጥጥር ዘርፉ ያሉ ተግዳሮቶች፣ የከተማው የህገወጥ ምርትና አገልግሎት እንቅስቃሴዎችን ውስብስብነት በመረዳት ወደ ተግባር መግባትና ጤናማ ማህበረሰብ መፍጠር አስፈጊ ነው ብለዋል።

የቅርንጫፍ ጽ/ቤቱ ዋና ስራ አስኪያጅ አቶ ደምስ ፎረሙ ህገወጥ የንግድ እንቅስቃሴዎችን ማህበረሰቡን በማሳተፍ በይበልጥ ለመቆጣጠር እንዲሁም የቁጥጥር ስርዓቱን ለማደበር የሚያስችል የቴክኖሎጂ አማራጭ ሃሳቦችን ለማመንጨት ታሰቦ የተጀመረ በመሆኑን በህዝባዊ አደረጃጀት ፎረሙ ውስጥ የተካተቱት በሙሉ ከባለስልጣኑ ጎን በመቆም የተሰጣቸውን ተግባርና ሀላፊነት በመወጣት የህዝብ ውክልናቸውን በተግባር እንዲያገጋግጡ መልክታቸውን አስተላልፈዋል።

የመካከለኛ ዘመን ወጭ ማዕቀፍ (MTEF) እና የኖርም በጀት አጠቃቀም ዙሪያ የግንዛቤ ማስጨበጫ ስልጠና ተሰጠ፡፡
--------------------------
የአዲስ አበባ ምግብ መድሃኒት ባለስልጣን የእቅድ በጀት ዝግጅት ድጋፍ ክትትልና ግምገማ ዳይሬክቶሬት ከፋይናንስ ቢሮ ጋር በመተባበር የመካከለኛ ዘመን ወጭ ማዕቀፍ (MTEF) እና የኖርም በጀት አጠቃቀም ዙሪያ ከሁሉም ክፍለ ከተማ ለተውጣጡ የእቅድና በጀት እና ለሰው ሃብት ባለሙያዎች ህዳር 20/2017ዓ.ም የግንዛቤ ማስጨበጫ ስልጠና ተሰጥቷል፡፡

በስልጠናውም የመካከለኛ ዘመን የወጭ ማዕቀፍ (MTEF) ዓላማ፣ በከተማ አስተዳደሩ ያለፉት ዓመታት የገቢና ወጭ ሁኔታ ምን እንደሚመስል፣ በበጀት ድልድል ወቅት የታዩ ችግሮች፣ የመደበኛ በጀት ዝግጅት መርሆዎች፣ በቀጣይ መወሰድ ያለበት የመፍትሄ ሀሳብ እንዲሁም ስለበጀት ኖርም ምንነትና ዓላማ፣ መስፈርትና ጥቅም፣ የኖርም ጥናት ሰነድ የተካተቱ አሰራሮችና መርሆዎች ገለፃና ማብራሪያ በዝርዝር ቀርቧል፡፡

ሰልጣኞችም በቀረቡት ርዕሰ ጉዳየች ዙሪያ ውይይት በማካሄድ የግንዛቤ ማስጨበጫ ስልጠናውን ተከታትለዋል፡፡

የቁጥጥሩን ስርአትን ለማጠናከር በተዘጋጁ የአስራር ማንዋሎች ላይ የጋራ የምክክር ተካሄደ::
*
የአዲስ አበባ ከተማ አስተዳደር ምግብና መድሀኒት ባለስልጣን የምግብና ጤና ነክ ቁጥጥር ዳሬክቶሬት በዘርፉ ያለውን የቁጥጥር ስርአት አጠናክሮ ለመቀጠል የአሰራር አዋጅ ፣ደንብ ፣መመሪያን እንዲሁም ሳይንሳዊ መገለጫዎችን ያጣቀሱ የአሰራር ማንዋሎችን በማዘጋጀት የቁጥጥር ስራው ከማእከል እስከ ክላስተር ወጥነት ባለው መልኩ ለማስተግበር በቅርንጫፍ ጽ/ቤት ካሉ የዘርፉ ዳሬክተሮች ጋር በ 19/3/2017 ዓ.ም የጋራ ምክከር አድርገዋል።

በዳሬክቶሬቱ የተዘጋጀው የማዋል በምርትና ናሙና አወሳሰድ ፣የምርት አወጋገድ እንዲሁም የአስተዳደራዊ እርምጃ አወሳሰድ ላይ ትኩረት ያደረገ እንደሆነ ተገልጻል።

የማነዋል መዘጋጀት ከላኛው አስከታችኛው መዋቅር ድረስ በናሙና አወሳሰድ ዘዴዎች ወጥ የሆነ አሰራርን እንዲኖር ለማስቻል፣ ማንኛውም ቁጥጥር የሚደረግባቸው ተቋማት ላይ በአዋጁ ፣በደንቡ ወይም በመመሪያው መሰረት ተመሳሳይ ጥፋት አጥፍተው ሲገኙ ተመሳሳይ ውሳኔ ለመስጠት እንዲረዳ ፣ ከተቋማት ባለቤቶች ለሚነሱ ቅሬታዎች እንደ አንድ ሰነድ ሆኖ እንዲያገለግል ብሎም በአመራሩና ባለሞያው እርምጃ አወሳሰድ ስርአት ላይ ተመሳሳይ ግንዘቤ እንዲኖር ለማስቻል የማንዋል ዝግጅቱ አስፈላጊነት ሆኖ ተቀምጧል።

በቀጣይ የቁጥጥር ስርአቱን ወጥ ለማድረግ በወጡት ማንዋሎች ላይ በማወያየት የማስተካከያ ግብአቶችን በመውሰድ ወደ ስራ እንደሚገባ ተግልጻል።

የህብረተሰቡን ጤና የማስጠበቅ ሀላፊነት በተኩረት መወጣት እንደሚገባ ተገለጸ።
********
የባለስልጣን መስሪያ ቤቱ የጤና ተቋማትና ባለሞያዎች ቁጥጥር ዳሬክቶሬት የ2017 በጀት አመት የአምስት ወር እቅድ አፈጻጸም ላይ የጋራ ውይይት አካሂዷል።

የአዲስ አበባ ከተማ አስተዳደር የምግብና መድሀኒት ባለስልጣን የጤና ተቋማትና ባለሞያዎች ቁጥጥር ዳሬክቶሬት የህብረተሰቡን ጤና ለማስጠበቅ በ5 ወራት ውስጥ ያከናወናቸውን ተግባራት ከ ቅርንጫፍ ጽ/ቤት የዘርፉ ዳሬክተሮች ጋራ በ 18/3/2017 ዓ.ም የጋራ ውይይት ተካሂዷል።

በውይይቱ ላይ በ 5 ወራት ውስጥ በጤና ተቋማትና በመድሀኒት ቤቶች የተሰሩ የቁጥጥር ሰራዎች፣ በተቋማት በራስ መቆጣጠር (self audit ) የተከናወኑ ተግባራት፣በ ናርኮቲክና ሳይኮተሮፒክ መድሀኒቶች ቁጥጥር ዙሪያ የተሰሩ ስራዎች እንዲሁም የህብረተሰቡን ጤናን ሊጎዱ የሚችሉ የተወገዱ ምርቶች እና የተወሰዱ እርምጃዎች ሪፖርት ላይ የጋራ ውይይት አካሂደዋል።

የባለስልጣኑ የቁጥጥር ዘርፍ ም/ል ዋና ስራ አስኪያጅ አቶ እንጋ እርቀታ በውይይት መድረኩ ላይ ተገኝተው የነበሩ የስራ ጥንካሬዎችን በማስቀጠል ክፍቶችን አርሞ ለመሄድ ስራዎችን በጋራ መገምገም ፣ ወጥ የሆነ የቁጥጥር ስርአት መዘርጋት የሚስተዋሉ ችግሮችን ተቀራርቦ መፍታት፣ እንዲሁም የቁጥጥር ስራውን በሀላፊነትና በባቤትነት ስሜት በመያዝ ጠንካራ የሰራ ቡድን መንፈስን በመፍጠር በቀዳሚነት የተያዘውን የህብረተሰቡን ጤና የማስጠበቅ አለብን ሲሉ የቀጣይ የስራ አቅጣጫ አስቀምጠዋል።

ባለፉት 5 አመታት ውስጥ በሀገራችን የተከናወኑ ታላላቅ የልማት ፕሮጀክቶችን አስመልክቶ በኢግዚብሽን ማእከል የተዘጋጀ የፎቶ አውደ እርይ ተጎበኝ።

14/3/2017ዓ.ም

የአዲስ አበባ ከተማ አስተዳደር የምግብና መድሀኒት ባለስልጣን የበላይ አመራሮች፣ የቅርንጫፍ ሀላፊዎችና ዳሬክተሮችን ጨምሮ በሀገራችን ባሳለፍነው አምስት አመታት ውስጥ የተሰሩ የልማት ስራዎችን አስመልክቶ በአዲስ አበባ ኢግዚብሽን ማእከል በተዘጋጀው የፎቶ አውደርእይ ላይ በመገኝት ጉብኝት አካሂደዋል።

በጉብኝቱም በሀገራችን በአምስት አመታት ውስጥ ማህበራዊ በኢኮኖሚያዊ ዘርፍ እንዲሁም ከተማችንን ጽዱ ውብና ፣ለኑሮ ተስማሚ ፣አለም አቀፍ የስበት ማእከል ለማድረግ የተከናወኑ ትልልቅ ፕሮጀክቶች በፎቶ፣ቪዲዮ፣በፊዚካል ሞዴል እንዲሁም በቨርችዋል ተደግፈው ለጎብኚዎች ክፍት ተደርገዋል።

የተግባቦት ሳምንት ፕሮግራሙ በስኬት ተጠናቅቋል !!

የተግባቦት ሳምንት በማለት የሰየምነው ከባለስልጣኑ ሰራተኛ እና አመራር እንዲሁም ከንግዱ ማህበረሰብና ከከተማችን ነዋሪ ያካሄድናቸው መድረኮች በስኬት ተጠናቀቅቀዋል፡፡

በማእከልና በቅርንጫፎች አንድ ወጥ ማወያያ ሰነዶችን በማዘጋጀት በመልካም አስተዳደር፣ በሌብነትና ብልሹ አሰራርና የሙያዊ ስነምግባር ስልጠና 648 ሰራተኞችና ወደ 2500 በላይ የንግድ ተቋማት ባለቤቶችና ሃላፊዎች ተሳትፈውበታል፡፡

ከዚህ በተጨማሪ የዚሁ የተግባቦት ሳምንት ፕሮግራም አካል የሆነው ከሁሉም ወረዳዎችና ክፍለከተሞች የተወከሉ የህብረተሰብ ክፍሎች፣ የጤና ተቋማት እና የምግብ ተቋማት ማህበራት፣ የጤና ባለሙያ ማህበራት፣ የህዝብ አደረጃጀቶች፣ አካል ጉዳኛች ማህበር፣ ስቪክ ማህበራት እንዲሁም ከማእከል ቢሮዎች የባለስልጣኑ ባለድርሻ አካላት የተሳተፉበት ከ200 በላይ ሰዎች የተገኙበት የ1ኛ ሩብ አመት አፈፃፀም የተገመገመ ሲሆን ለመጀመሪያ ጊዜ ከተማ አቀፍ የጤና ቁጥጥር ፎረም በመመስረት የቋሚ ባለድርሻ አካላት አደረጃጀት ተፈጥሯል፡፡

እነዚህ መድረኮች በተሳካ ሁኔታ እንዲሳኩ የተጋቹህ የመ/ቤታችን አመራሮች፣ ባለሙያዎችና በተለይ የፎረሙ ምስረታ እንዲሳካ አብሮን የሰራው የአዲስ አበባ የህብረተሰብ ተሳትፎና በጎ ፈቃድ ኮሚሽንን በእጅጉ አመሰግናለሁኝ፡፡ ቀጣይ ስራዎቻችንም የተሳኩ እንዲሆኑ እመኛለሁኝ፡፡
ሙሉእመቤት ታደሰ(ዋና ስራአስኬያጅ) ህዳር 4/2017

ቁጭት ፈጥሮ በተነሳሽነት ውጤት ለማምጣት ተግቶ በመስራት የተቋማችን አምባሳደር መሆን እንደሚገባ ተገለጸ፡፡
---------------------------
የአዲስ አበባ ምግብ መድሃኒት ባለስልጣን የቁጥጥር ዘርፍ በበጀት ዓመቱ የተከናወኑ ዋና ዋና ተግባራት እና በቀጣይ የትኩረት አቅጣጫዎች ዙሪያ ከዘርፉ ዳይሬክቶሬቶችና ባለሙያዎችና ህዳር 6 ቀን 2017ዓ.ም የትውውቅ መርሃ ግብር አካሄዱ፡፡

በመድረኩም የዘርፉ ዳይሬክቶሬቶች በበጀት ዓመቱ አንደኛው ሩብ ዓመት የተከናወኑ ዋና ዋና ተግባራት፣ የተገኙ ግኝቶች፣ በሩብ ዓመቱ የታዩ ጠንካራና ደካማ ጎኖች፣ ያጋጠሙ ችግሮች እና የቀጣይ የትኩረት አቅጣጫዎች ምን እንደሆኑ ገለፃና ማብራሪያ ሰጥተዋል፡፡

በመጨረሻም የባለስልጣኑ የቁጥጥር ዘርፍ ም/ዋና ስራ አስኪያጅ አቶ እንጋ እርቀታ የተሰሩ ስራዎች ቀርበው የጋራ ማድረጉ ጥሩ መሆኑንና በቀጣይ የሚኖሩ ችግሮችን ዓላማ አድርጎ ለመስራት ምቹ ሁኔታ የሚፈጥር መሆኑን አውስተው ጠንካራ ነገሮችን በማስቀጠል በቀጣይ የሚሰሩ ስራዎችን እየሰራን መሄድ እንደሚያስፈልግ፣ ሀላፊነት የመውሰድ ዝግጁነት ወሳኝነት እንደሚያስፈልግ፣ በየዘርፎቻችንና ለቡድን አባሎቻችን አርአያ መሆን እንደሚያስፈልግ፣ የምርት አወጋገድ፣ ናሙና አወሳሰድና አመላለስ እና እርምጃ አወሳሰድ ወጥ በሆነ መንገድ ማንዋል በማዘጋጀት መሰራት እንዳለበት፣ ቁጭት ፈጥሮ በተነሳሽነት ውጤት ለማምጣት ተግቶ በመስራት የተቋማችን አምባሳደር መሆን እንደሚገባ አስገንዝበዋል፡፡

የአዲስ አበባ ከተማ የምክር ቤት ቋሚ ኮሚቴ የ2017 በጀት አመት የመጀመሪያ ሩብ አመት የስራ አፈጻጸም ክትትልና ድጋፍ አደረገ ፡፡

5/3/2017 ዓ.ም

የአዲስ አበባ ከተማ አስተዳደር የምግብና መድሀኒት ባለስልጣን በበጀት አመቱ በሩብ አመት ባከናወናቸውን ተግባራት ላይ የአዲስ አበባ ከተማ የምክር ቤት ቋሚ ኮሚቴ ክትትልና ድጋፍ አድርገዋል፡፡

በክትትልና ድጋፉ የቋሚ ኮሚቴው የክ/ከተማ የዘርፍ የኮሚቴ አባላት፣የኮሚቴው የክትትልና የቁጥጥር ባለሞያዎች ፣የተቋሙ አመራሮችና ባለሞያዎች ተግኝተዋል፡፡

የምክር ቤት ቋሚ ኮሚቴው በባለስልጣን መስሪያቤቱ በሩብ አመት የተከናወኑ ተግባራትን መነሻ በማድረግ የአገልግሎቱን አሰጣጡን ለማዘመን ፍጣና ተደራሽ ከማድረግ አንጻር የተሰሩ ስራዎች፣ተቋሙ ከባለድርሻ አካላት በቅንጅት ያከናወናቸው ተግባራት ፣የሌብነትና ብልሹ አሰራርን አስመልክቶ የተሰሩ ስራዎችና እንዲሁም በተቋሙ የተደረገው የሪፎርም ትግበራ ያመጣው ለውጥ መነሻ በማድረግ ድጋፍና ክትትል አድርገዋል፡፡

አቶ እንጋ እርቀታ የአዲስ አበባ ከተማ አስተዳደር ምግብና መድሀኒት ባለስልጣን የምግብ፣የጤና እና ጤና ነክ ተቋማትና የቁጥጥር ዘርፍ ም/ል ስራ አስኪያጅ በመሆን ተሾሙ ።

የአዲስ ከተማ ክፈለ ከተማ የምግብና መድሀኒት ቅርንጫፍ ጽ/ቤት ዋና ስራ አስኪያጅ የነበሩት አቶ እንጋ እርቀታ ከቀድሞ የቁጥጥር ዘርፍ ም/ል ስራ አስኪያጅ ከሆኑት አቶ አሰፋ ተሬሳ በዛሬው እለት 2/3/2017 ዓ.ም የስራ እርክክብ አድርገዋል።

በርክክቡም የቁጥጥር ዘርፍ ም/ል ስራ አስኪያጅ የነበሩት አቶ አሰፋ ተሬሳ መልካም የስራ ዘመን እንዲሆንናቸው መልካም ምኞታቸውን ገልጸዋል።

ባለስልጣኑ ከተማ አቀፍ የጤና ቁጥጥር ፎረም ምስረታ አካሄደ።
******
የአዲስ አበባ ምግብ መድኃኒት ባለስልጣን እኔም ለጤናዬ ባለስልጣን ነኝ በሚል መሪ ቃል የተለያዩ አደረጃጀትና የህብረተሰብ ክፍሎችን ያሳተፈ ከተማ አቀፍ የጤና ቁጥጥር ፎረም ምስረታ ህዳር 2/2017ዓ.ም አካሄደ።

የባለስልጣን መ/ቤቱ ም/ዋና ስራ አስኪያጅ ወ/ሮ ትዕግስት በዳዳ በፎረሙ ምስረታ  እንኳን ደህና መጣችሁና በመክፈቻ ንግግራቸው እንደገለፁት ፎረሙ እኔም ለጤናዬ ባለስልጣን ነኝ በሚ ል መሪ ሀሳብ የተዘጋጀ መሆኑን ገልፀው ባለስልጣን መ/ቤቱ ምግብና መድሃኒት ደህንነቱ ተጠብቆ ለህብረተሰቡ መቅረቡን በመከታተልና በመቆጣጠርና ዘርፈ ብዙ ተግባራትን የሚያከናውን መሆኑን አውስተው በዚህ ሂደትም ሁላችንም የቁጥጥሩ አካል ሆነን በጋራ ህገ- ወጥነትን  ለመከላከል መስራት እንደሚያስፈልግ አብራርተዋል።

በመድረኩም የመ/ቤቱ ባለሙያዎች ባለስልጣን መ/ቤቱ በበጀት ዓመቱ አንደኛው ሩብ ዓመት ያተከናወናቸው ዋና ዋና ተግባራት ምን እንደሆኑ፣ የምግብና መድሃኒት አስተዳደር አዋጅ 1112/2011ይዘትና የትምባሆ ቁጥጥር ማዕቀፍ ኮንቬንሽን፣ የቁጥጥር ፎረሙ ዓላማ፣ አስፈላጊነት፣ የፎረሙ ምስረታ ዕቅድ መነሻ ሁኔታ፣ ሀገወጥ ምርቶች የሚያስከትሉት ጉዳቶች፣ የህገወጥ ምግብና መድሃኒት ዝውውር ምንጭ፣ ሀገወጥነትን አለመከላከል የሚያስከትለው ጉዳት፣ ስለ ፎረሙ አባላት፣ የፎረሙ አደረጃጀት፣ ተግባር፣ ሀላፊነትና የግንኙነት ጊዜ እና የጤና ቁጥጥሩ ፎረም የአደረጃጀት መሰረት ምን ምን እንደሆነ በዝርዝር አቅርበዋል።

የፎረሙ ተሳታፊዎችም የቀረቡት ሰነዶች አስተማሪና ግልፅ መሆኑን፣ የጤና ተቋማት የሚሰጡት አገልግሎት አካል ጉዳተኞች ታሳቢ ያላደረገ መሆኑን፣ የፎረሙ ምስረታ ጥሩና መ/ቤቱን ሊቀይር የሚችል ስለመሆኑ፣ የቅንጅታዊ ስራው ተለይቶ መሰጠት እንዳለበት፣ መ/ቤቱ የማህበረሰቡን የጤና ችግር ለመፍታት እየተከናወነ ያለው ተግባርና በቅንጅት ለመስራት ያለው ትጋት የሚያስመሰግን እንደሆነ፣ የሚዲያና የኮሙኒኬሽን ስራ በደንብ መሰራት እንዳለበት፣  ህገወጥ ተግባራት ሲፈፀሙ ዝም ማለት አስፈላጊ ስላልሆነ ሃላፊነታችንን መወጣት እንደሚገባ፣ ቁጥጥሩ ላይ መመሪያውን ጠበቅ ማድረግና ህገወጥ ተግባር በሚፈፅሙ አካላት ላይም አሰተማሪ እርምጃ መወሰድ እንዳለበት በውይይቱ የተነሱ ሀሳቦች ናቸው።

የባለስልጣኑ ም/ዋና ስራ አስኪያጅ ወ/ሮ ትዕግስት በዳዳ ከፎረሙ ተሳታፊዎች ለተነሱት ሀሳብና አስተያየት ማብራሪያ በሰጡበት ወቅት እንዳሉት ጤና ተቋማት ለአካል ገዳተኞች ምቹ አገልግሎት እንዲያገኙ ከማድረግ አኳያ በስታንዳርዱ መሰረት እንዲሰሩ የተደረገ መሆኑን ጠቁመው አዲስ ተቋማት አካል ጉዳተኞችን ታሳቢ ያላደረገ ብቃት እንደማይሰጣቸውና ነባር ተቋማትም  የጊዜ ገደብ በመስጠት እንዲያሻሽሉ ሰፊ ስራ የተሰራ መሆኑን፣ የስነ-ምግባር  ችግር ያለባቸውንና በተጨባጭ የተደረሰባቸው ባለሙያዎች ላይ እርምጃ እየተወሰደ መሆኑን አብራርተው ማህበረሰቡም በብልሹ አሰራር ዙሪያ ጥቆማ በመስጠት አጋዥ መሆን እንደሚያስፈልግ እና አዲስ አበባን ከህገወጥ ተግባራት ለመከላከል እኔም ለጤናዬ ባለስልጣን ነኝ በማለት በጋራ መስራት እንደሚገባ አሳስበዋል።

በመጨረሻም ባለስልጣን መ/ቤቱ ከህብረተሰብ ተሳትፎ ጋር የቃል ኪዳን የትስስር ሰነድ ተፈራርሟል።

‹‹የተግባቦት ሳምንት›› በሚል መሪ ቃል የንቅናቄ ፕሮግራም ተጀመረ

የአዲስ አበባ ምግብና መድኃኒት ባለስልጣን ‹‹የተግባቦት ሳምንት›› የሚል መሪ ቃል  የተሰጠውና በሚቀጥለው ሳምንት ለተከታታይ ቀናት ከ800 በላይ ለሚሆኑ የባለስልጣኑ ባለሙያችዎች፤ በከተማው ከሚገኙ የጤና እና ጤና ነክ ዘርፍ ባለሃብቶች፣ እንዲሁም ከተለያዩ የህብረሰተብ ክፍሎች ውይይት እንደሚያካሂድ አሳወቀ፡፡

የባለስልጣኑ ዋና ስራ አስኬያጅ ወ/ሮ ሙሉእመቤት ታደሰ ከሰራተኞች ጋር በተለያዩ የአገልግሎት አሰጣጥና ስነ-ምግባር ሰነዶች ስልጠናዊ ውይይት እንደሚያካሂድና ለስልጠናው መሳካት ሁሉም ሃላፊዎችና ባለሙያዎች ሚናቸው እንዲወጡ ማሳሰቢያ ሰጥተዋል፡፡

በዛሬው ቀን ጥቅምት 23/2017 የንቅናቄው አካል የሆነው ለ22 የአሰልጣኞች ስልጠና የተሰጠ ሲሆን የመልካም አስተዳደር መርሆዎች፣ የሌብነትና ብልሹ አሰራርና በሙያ ስነምግባር በሚሉ ርእሶች በማእከል ባለሙያዎች ተሰጥቷል፡፡በስልጠናው የተገኙ ባለሙያዎችም የስልጠና ሰነዶች መነሻ በማድረግ በቁጥጥር ስራውና በአጠቃላይ በመ/ቤቱ ስራዎች ማነቆ ናቸው ያሉዋቸውን የአመለካከት፣ የአሰራርና የስምሪት ችግሮችን በማንሳት በስፋት ተወያይተዋል፡፡

በአስልጣኞች ስልጠና መድረክ በመገኘት ማጠቃለያና አቅጣጫ የሰጡ የባለስልጣኑ የቁጥጥር ዘርፍ ም/ስራአስኬያጅ አቶ አሰፋ ተሬሳ  ስልጠናዊ ውይይቱ በቁጥጥር ስራዎቻችን በስራ ስምሪትና በእርምጃ አወሳሰዶች የሚታዩትን የወጥነት ችግር፣ የምላሽ አሰጣጥ መዘግየት፣ በአገልግሎት አሰጣጥ ያሉ ክፍተቶቻችን ነቀሰን በማውጣት ለቀጣይ ስራዎቻችን አቅም የሚፈጥር  በመሆኑ  ሁሉም ሰራተኛ  በስልጠናው በንቃት በማሳተፍ፤ ሃሳቦቻቸውን በነፃ በማንሸራሸር  ሚናቸው እንዲወጡ መልእክት አስተላልፈዋል፡፡

ከሰራተኛው መድረክ መጠናቀቅ ቀጥሎ በጤና እና በጤና ነክ ዘርፍ የተሰማሩ ባለሃብቶችን የሚሳተፉበት በሁሉም ቅርንጫፎች የሚካሄድ ሲሆን ፤ ከዚህ በተጨማሪ ሁሉም የህብረተሰብ ክፍሎችን ያሳተፈ ‹‹የጤና ቁጥጥር ህዝባዊ አደረጃጀት›› ውይይትና ምስረታ እንደሚከናወን በወጣው የድርጊት መርሃ ግብር ተመላክቷል፡፡

የቁጥጥር ስርዓት ወጥነት ለማረጋገጥ ባለሞያዎች የሚጠበቅባቸውን ሚና እንዲወጡ እየተሰራ ነዉ ተባለ።

ጥቅምት 22/2/2017 ባለስልጣኑ የቁጥጥር ስርዓት ወጥነት ለማስተግበር በሶስት ተከታታይ ዙር እየተሰጠ ያለዉ የስታንዳርድ አተገባበርና የራስ መቆጣጠር ( self - audit) ሰልጠና ለቅርንጫፍ ጽ/ቤት የምግብና የጤና ብድን መሪዎች ተሰቷል።

የቁጥጥር ስርአት ወጥነት ለማረጋገጥ በሚደረገዉ ጥረት የተቆጣጣሪ አካላትን በአሰራር መመሪያዎች ዙሪያ እኩል የእውቀት ደረጃ ላይ ማድረስ አስፈላጊ ነዉ ያሉት የቁጥጥር ዘርፍ ም/ል ዋና ስራ አስኪያጅ አቶ አሰፋ ተሬሳ እንደ ሀገር የወጡ ስታንዳርድ እና መመሪያዎች ዙሪያ ለአሰራር እንቅፋት የሆኑትንና ለብልሹ አሰራር ሌብነት መንገድ የሚከፋቱትን ለይቶ ማውጣት ይገባል ብለዋል ።

የቁጥጥር ስርዓት ወጥነት ለማስተግበር እየተሰራ ባለዉ ስራ በቀጣይ ለፈጻሚ አካላት ስልጠና የሚሰጥ ሲሆን ለቁጥጥሩ ስርአት ወጥነት የራሱ አበርክቶት እንደሚኖረዉና እንደሀገር ለተጀመረዉ maturity level three ግብአት እንደሚሆን ተጠቁሟል።

የጤና ተቋማትና ባለሞያዎች ቁጥጥር ዳሬክተር አቶ ገልገሎ ኦልጅራ በ በስታንዳርድ አተገባበር ዙሪያ እንዲሁም የጤና ተቋማትና ባለሞያዎች የቁጥጥር ባለሞያ ወ/ሮ ዲና ጌታቸው በራስ ቆጣጠር( self - audit) ስልጠና ሰተዋል።

ተቋማት እራሳቸውን እንዲቆጣጠሩ (self-regulation) ለማስቻል ስልጠና ተሰጠ።

አዲስ አበባ 12/2/2017 ዓ.ም

የጤና ተቋማትና ባለሞያዎች ቁጥጥር ዘርፍ ተቋማት እራሳቸውን እንዲቆጣጠሩ( self-regulation )እንዲያደርጉ ለማስቻል ለማእከልና በሁሉም ቅርንጫፍ ጽ/ቤት ለተወከሉ የጤና ባለሞያዎችና ስልጠና ተሰጠ።

የጤና ተቋማትና ባለሞያዎች ቁጥጥር ዘርፍ ም/ል ስራ አስኪያጅ አቶ አሰፋ ተሬሳ ተቋማት በራሳቸው ቁጥጥር በመስራት (self-inspection audit) እራሳቸውን ማብቃት እንዲችሉ የተጀመረውን ስራ ወጥነት ባለው መልኩ ለማስተግበርና ስራዎችን ለመደገፍ ስልጠናው አስፈላጊ መሆኑን ግልጸዋል።

የስልጠናው አላማ እራስን መቆጣጠር ( self-regulation ) ማለት ምን ማለት እንደሆነ ፣እራስን መቆጣጠር ስናካሂድ ልንከተላቸው የሚገቡ ሂደቶች ፣ የስታንዳርድ ምንነትና አተገባበር ምን እንደሚመስል በመገንዘብ ስራውን ወጥነት ባለው መልኩ ወደ መሬት ለማውረድ እንዲያስችል እንደሆነ ተገልጻል።

የጤና ተቋማትና ባለሞያዎች ቁጥጥር ዘርፍ ዳሬክተር አቶ ገልገሎ ኦልጅራ በጤናና ጤና ነክ ስታንዳርድ ዙሪያ ስልጠና የሰጡ ሲሆን የስታንዳርድ ምንነት ፣የስታንዳርድ አስፈላጊነት ፣የ ፈቃድ እና የአስገዳጅ ስታንዳርድ ምንነት እንዲሁም የጤና ተቋማት ሊከተሉት ስለሚገባ ስታንዳርድ ፣እንደሀገር ሊተገበሩ የወጡ አዲስ የጤና ተቋማት ስታንዳርድ ዙሪያ ፣የተሻሻሉ፣ አዲስ የወጡ እንዲሁም በተሻሻሉ ስታንዳርዶች ዙሪያ የተደረጉ ዋና ዋና ለውጦች ፣ ተቋማት እራስ መቆጣጠር ሲሰሩ የሚሰጡት የነጥብ አሰጣጥ እንዲሁም ደረጃ አሰጣጥ አሰራር ዙሪያ ሰፊ ስልጠና ሰተዋል።

የጤና ተቋማት የቁጥጥር ባለሞያ ወ/ሮ ዲና የጤና ሚኒስተር የራስ መቆጣጠር ( self-regulation) ለማስተግበር ባወጣው መመሪያ ዙሪያ ስልጠና የሰጡ ሲሆን የራስ መቆጣጠር ( self-regulation ) ለማስተግበር መከተል ስለሚገባቸው ሞዴልና የአሰራር ቅደም ተከተል ፣ እራስ መቆጣጠር ማድረግ የሚገባቸው ተቋማት የሚመረጡበት መስፈርቶች፣እራስ መቆጣጠር ለማስተግበር የሚጠቀሙባቸው መርሆች እንዲሁም ስራዎችን ለማስጀመር ከእያንዳንዱ ባለድርሻ የሚጠበቁ ተግባርና ሀላፊነት በተጨማሪም የክትትልና ድጋፍና ሪፖርት አደራረግ ሂደቶች ላይ ሰፊ ስልጠና ተሰቶባቸዋል።