Azimjon Zukhurov | Rasmiy blog

Абитуриент Билим ва малакаларни баҳолаш агентлиги(ДТМ)ни судга берди

Юридик йўналишларга имтиҳон топширган абитуриентларга моддалар санкцияларидан (қанча жарима белгиланган, неча йилга “қамалади” каби) саволлар тушгани асос қилиб кўрсатилмоқда

Yuz.uz суд жараёнидан репортаж тайёрлади

📹 БАТАФСИЛ ВИДЕОНИ КЎРИШ

Telegram | Facebook | YouTube | Instagram

🔰 Ҳозирги кунда Ўзбекистон ҳудудида:

🔹меҳнатга ҳақ тўлашнинг энг кам миқдори – 1 155 000 сўм;

🔹базавий ҳисоблаш миқдори – 375 000 сўм;

🔹пенсияни ҳисоблашнинг базавий миқдори – 428 000 сўм;

🔹ёшга доир энг кам пенсия – 834 000 сўм;

🔹ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 920 000 сўм;

🔹меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 920 000 сўм;

🔹белгиланган ёшга доир энг кам пенсия миқдоридан (834 000 сўмдан) 920 000 сўмгача пенсия олувчиларнинг ёшга доир пенсиялари – 920 000 сўм;

🔹зарур иш стажига эга бўлмаган кекса ёшдаги фуқароларга бериладиган нафақа – 745 000 сўм;

🔹иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 745 000 сўм.

Каналга уланиш: 
➖@Yurist_Zukhurov

ШАРТНОМАЛАРНИ ТАЙЁРЛАШДА КИЧИК БИР ТАВСИЯ

Шартнома лойиҳасини тайёрлаган тараф бўлғуси ҳамкорларига нисбатан доимо устунроқ вазиятда бўлади.

Ташаббус доимо шартнома лойиҳасининг муаллифи томонидадир. Шунинг учун бошқа тарафнинг шартномасини ўз манфаатларингизга мослаштиришга тўғри келади, лекин кейинчалик бу имконият бой берилиши мумкин. Айнан шунинг учун шартнома лойиҳасини ўзингиз ишлаб чиқишингиз лозим.

Агар ҳамкор ўз шартнома лойиҳасини тайёрлаган бўлса, унинг барча шартларини тегишли қонун ҳужжатларига солиштирган ҳолда диққат билан ўрганиб чиқиш лозим ва зарур бўлса, қарши тараф билан биргаликда муҳокама қилиш ва келишиш учун ўзининг муқобил шартнома нусхасини тайёрлаш керак.

Аниқ бир шартноманинг лойиҳасини тегишли соха мутахассислари тузишлари зарур. Шартнома лойиҳасини тегишли билимга эга бўлган мутахассис ёхуд ҳуқуқшунос, ҳуқуқшунос бўлмаган тақдирда эса, жалб этилган адвокат тайёрлагани маъқул.

“Хўжалик юритувчи субъектлар фаолиятининг шартномавий-ҳуқуқий базаси тўғрисида”ги Қонуннинг 20-моддаси талабларига мувофиқ, хўжалик шартномаси субъектларига юридик хизмат кўрсатиш уларнинг юридик хизматлари ёки ана шу мақсадда шартнома асосида жалб этилган ҳуқуқшунослар томонидан амалга оширилиши белгиланган.

Шартноманинг ҳар бир тарафи бошқа тарафнинг даромад олиши учун қайғурмайди, бу оддий бизнес қоидаси, шартномани ўзининг манфаатларига мос равишда тузишга ҳаракат қилади, иккинчи тарафнинг манфаатларини эса, шунчаки юзакигина ҳисобга олади.

Шунинг учун шартнома лойиҳаси айнан биз маслаҳат бераётган юрист ёки малакали мутахассис тарафидан тайёрланмаса, ҳамкор ўзи тайёрлаган шартномани ўз манфаатларига мослаштиришга улгурган бўлади, натижада бизнинг ҳурматли обуначимиз фаолият юритаётган ташкилот томонидан ташаббус кўрсатиш имконияти бой берилган бўлади.

Бу каби вазиятларнинг олдини олиш мақсадида, тузилаётган ҳар бир шартнома лойиҳасини шу шартнома мазмуни бўйича мутахассис ва юристнинг иширокида тайёрлаш лозим.

👉@yuristkadr

Адвокатликнинг катта плюси

@Advokat_Abdullayev

Эй ҳуқуқни қўлловчи! Ҳуқуқни аввало ўзингизга нисбатан қўллай оляпсизми?

Агар юқоридаги саволга виждонингиз олдида "ҳа" деб жавоб бера олмаётган бўлсангиз, яхшиси Сиз ҳуқуқни қўлламанг, "ҳа" дея оладиганларга қолдиринг!

@yurist_zukhurov

ДИҚҚАТ, САЙЁР ҚАБУЛ!

Олий суд раисининг биринчи ўринбосари И. Муслимов ва Олий суд раисининг ўринбосари О. Исмоилов бошчилигидаги ишчи гуруҳ томонидан Тошкент шаҳри аҳолисининг суд-ҳуқуқ соҳасига доир мурожаатларини ўрганиш мақсадида 16 октябрь куни соат 10.00 дан бошлаб Яшнобод тумани, “Мономарказ” биносида (Паркент кўчаси, 331 уй) оммавий сайёр қабул ўтказилади.

Фуқаролар ва тадбиркорлар сайёр қабулда суд-ҳуқуқ масалалари юзасидан мурожаат қилишлари мумкин.

Сайт |  Telegram

Оилавий низоларга оид суд ишларидаги ғалати иқрорлик.

Фуқаролик судларида оилавий низолар, хусусан, ажрим ишлари кетаётган бир вақтда кўпроқ эр томони билиб-билмай жиддий бир қонунбузарликни бўйнига олиб қўяди.

Биласиз, никоҳдан ажратиш бўйича суд кетаётганда эр ёки хотин ажримга эришиш учун бор кучларини тўплаб, бир-бирларини имкон қадар кўпроқ ёмонотлиққа чиқаришга ҳаракат қилади.

Эр томони хотинидан нолир экан, судда ўзича унинг “айбларини” очиб ташлайди: “менга ишлайдиган хотин керак эмас, дипломи ҳам керак эмас менга, менга уйда ўтирадиган хотин керак, бу эса мен ишлайман деб туриб оляпти, менинг гапимга қулоқ солмаяпти”.

Бу ерда эр бўлмиш қовун туширган бўлади. Аслида унинг мана шу гаплари “мен қонунбузарман, мени жазоланглар” деганидир.

Чунки, эр хотинига меҳнатга оид ҳуқуқни амалга оширишга, яъни масалан, унинг ишлашига ва меҳнат фаолиятини амалга оширишига тўсқинлик қилиши Маъмурий жавобгарлик тўғрисидаги кодекснинг 59-2-моддасида кўрсатилган ҳуқуқбузарликдир.

❗️Бунинг учун эрга нисбатан ушбу моддага мувофиқ БҲМнинг 10 баравари (3.750.000 сўм)дан 20 баравари (7.500.000 сўм)гача жарима ёки 10 суткагача муддатга маъмурий қамоқ жазоси қўлланилиши мумкин.

Бунақанги вазиятларда эр қош қўяман деб, ўзини кўзини чиқарган бўлади. Хотин томони, ёки унинг адвокати шу гапи учун ҳам бу довдирнинг додини бериб қўйиши мумкин.

10 суткага тиқтириб қўйиши ҳам ҳеч гапмас хатто.

(c)Yuristkadr

Мурожаат учун: @Yuristlik

Каналга уланиш: 
➖@Yurist_Zukhurov

Муаллифлик ҳуқуқи ҳақида жуда оддий тушунтириш.

Бирор-бир ижод маҳсулини яратмаган ва унинг муаллифи бўлмаган аксарият одамлар муаллифлик ҳуқуқи нималигини у қадар тушунмайди.

Сиз яратган ижод маҳсулини ўғрилаб, бутун бир оммага ўзиники қилиб кўрсатишганида айниқса, ғурурингиз ва нафсониятингиз қаттиқ топталади. Руҳан қаттиқ азобланасиз ўшанда. Айнан мана шунда муаллиф сифатида ҳуқуқингиз ер билан битта қилинганини тушуниб етасиз.

Ижод маҳсули инсон учун худдики унинг фарзандидек, ёки ўзи барпо қилган биттаю-битта уйидек. Тасаввур қилинг, фарзандингизни бошқа бир одам бу менинг болам деб ўзи билан етаклаб олиб кетиб қолди. Ёки, йиллар давомида қуриб кўчиб кирган уйингизга бегона одам келиб ўрнашиб олдида, энди бу менинг уйим, бу ерда мен яшайман деяпти.

Қандай ҳолатга тушасиз шунақа вазиятларда? Ғурурингиз ва нафсониятингиз топталиб, руҳан азобланасизми? Ўзингизни қаерга қўйишни билмай қоласизми?

Муаллифнинг ижод маҳсули ўғриланганда ҳам ҳудди шундай оғир вазиятга тушиб қолади у. Бу нарсани айни шу вазиятни ич-ичидан ҳис қилиб кўрган одамларгина тушуниши мумкин.

Шунинг учун ҳам, қонунларимизда муаллифларнинг ҳуқуқ ва манфаатлари жуда қаттиқ ҳимоя қилинади.

👉@yuristkadr

#mutolaa #fikr

FARISHTALAR

Xonadoningizda keksa odam bormi? Baxtli ekansiz! Dunyo tashvishlaridan to'yib ketsangiz, shularni ziyorat qiling: hayot abadiy emasligini o'ylab, taskin topasiz.

Xonadoningizda go'dak bormi? Siz ham baxtli ekansiz. Dunyo tashvishlaridan to'yib ketsangiz, go'dakni bag'ringizga bosing: hayot abadiy ekanini o'ylab, taskin topasiz...

- O'tkir Hoshimov

@Yurist_Zukhurov

#video

Sud orqali nikohdan ajrashish uchun ariza berganda 100 mln jarima bormi?

@yurist_zukhurov

Ижара муносабатларидаги муҳим қоидалар

ФКнинг 535-моддасига кўра мулк ижараси ижараси шартномаси бўйича ижарага берувчи ижарага олувчига ҳақ эвазига мол-мулкни вақтинча эгалик қилиш ва фойдаланиш ёки фойдаланиш учун топшириш мажбуриятини олади, 544-моддасига мувофиқ ижарага олувчи молмулкдан фойдаланганлик учун ҳақни ўз вақтида тўлаб туриши шарт, мол мулкдан фойдаланганлик учун ҳақ тўлаш тартиби, шартлари ва муддатлари мулк ижараси шартномаси билан белгиланади.

Ўзбекистон Республикаси Олий хўжалик (Олий суди) суди Пленумининг 2011 йил 1 декабрдаги “Мулк ижарасига оид фуқаролик қонун ҳужжатлари нормаларини иқтисодий судлар томонидан қўллашнинг айрим масалалари ҳақида”ги 234-сонли қарорининг 9-бандига асосан мулк ижараси шартномаси ҳақ эвазига тузиладиган шартнома ҳисобланади, шу сабабли ижарага олувчининг асосий мажбуриятларидан бири мулкдан фойдаланганлик учун ҳақни, яъни ижара ҳақини ўз вақтида тўлашдир.

Ижара ҳақини тўлаш муддатлари
тарафлар томонидан белгиланади ва шартномада кўрсатилади. Ижара ҳақини тўлаш муддати муайян сана ёки давр билан белгиланиши мумкин.

Судлар назарда тутишлари лозимки, ижарага олувчининг ижара ҳақини тўлаш мажбурияти ижарага берилган мулк унга топширилган пайтдан
бошлаб вужудга келади.

Шунингдек, ижара шартномаси муддати тугаганидан кейин ҳам ижарачи ижарага олинган мулкдан амалда фойдаланишни давом эттираверса, ижарага олувчи бутун фойдаланган давр учун ижара ҳақини тўлашга мажбур.

ФК 541-моддаси иккинчи қисмининг мазмунига кўра мулкни ижарага берувчи томонидан ижарага олувчига топширилиши топшириш далолатномаси асосида амалга оширилади. Шу билан бирга судлар шуни инобатга олишлари лозимки, агар тарафларнинг шартномавий ҳуқуқий муносабатларга киришганлиги ёзма ёки бошқа далиллар билан тасдиқланса, топшириш далолатномасининг мавжуд эмаслиги ижарага берувчининг ижара ҳақини ундириш тўғрисидаги талабларини қаноатлантиришни рад этиш учун асос бўла олмайди.

Каналга уланиш: 
➖@Yurist_Zukhurov

Кеча кечки пайт телефоним жиринглади, кўтарсам, биттаси ўрусчалаб "здравствуйте, вас беспокоит кредитный специалист ТБС банка Иван (исми бошқача эди, эсимда йўқ), поздравляем, вы выиграли кредитный лимит на 50 млн сумов" дейди.

"Бўлди, укамжоним, ТБС банкдан бўлсанг, раисингни ФИОси қанақа дисам, "зачем вам" деди, "Ну, просто, қизиқдим" десам, "Азамат Алиев" дейди. 😆 (Маълумот учун: ТБС да раис грузин миллатига мансуб Спартак Тетрашвили.) А бўпти, 2 та аёл зам.пред. бор, уларни ФИОси қанақа десам. Бизда аёллар ишламайди, деб довдирашни бошлади.

Бечора "мошенник" бунақа қийин саволлар кутмаган шекилли. Кейинги сафар тайёргарлик кўриб қўнғироқ қилгин дедим.

Бугун эрталаб, яна худди ўша одам, бошқа рақамдан телефон қилиб, НБУ ходимимиман дейди. "Сан кеча ТБСда эдингку, бир кечада НБУга ўтиб кетдингми пид*р, тайёргарлик кўрдингми, савол беришни бошливурими?" десам, кечаги суҳбатни эслади, шекилли, қўйиб қўйди трубкани.

Ўтган сафар биттаси Марказий банк Киберхавфсизлик департаментиданман деб телефон қилувди, сан МБда ишласанг, ман Мамаризо Нурмуратовман, кир кабинетимга, деб роса прикол қилгандим устидан. 😁

Шунчаки бекорчиликдан ҳаммаси, нозик қалбларига озор берган бўлсам, Худо кечирсин.

Айтганча, мабодо сизга ҳам "мошенник"лар телефон қилишса, озгина вақт ажратиб, банк тизимига оид ҳар хил қизиқарли саволлар бериб, "Заковат-заковат" ўйнаб кўринглар, асабларингиз дам олади.

@ismoil_turopov

Энди мен адвокатлик билан бир қаторда, низоларни судгача ҳал қилиш бўйича профессионал медиаторман!

Яқинда медиаторлик ўқув курсини муваффақиятли тарзда ўқиб, имтиҳонлардан ўтиб, тўлиқ тамомладим ва бу бўйича Адлия вазирлиги реестридан рўйхатдан ўтказилган профессионал медиаторлик сертификатини қўлга киритдим.

Бизда асосан тадбиркорлик фаолиятини амалга ошириш муносабати билан келиб чиқадиган низоларда қўлланиладиган амалиёт бўлиб қолган медиация жараёни нафақат тадбиркорлик, балки, якка меҳнат низоларига ва оилавий ҳуқуқий муносабатлардан келиб чиқадиган низоларга нисбатан ҳам қўлланилади.

Хизматлар бўлса алоқадамиз 😉

Адвокатларга медал ва орден

“Адвокатура тизимида меҳнат қилаётган деярли олти мингга яқин ҳамкасбларимизга нисбатан бугунги кунда давлат томонидан рағбатлантириш масаласида бўлаётган эътибор ҳавас қилгулик даражада эмас, деб ўйлайман. Масалан, Ўзбекистон Республикаси давлат мустақиллигининг 33 йиллиги муносабати билан суд, ҳуқуқни муҳофаза қилувчи идоралар ходимларининг бир гуруҳи давлатимизнинг медаль ва орденларига муносиб деб топилиб, тақдирландилар. Лекин кўп сонли адвокатлар жамоасидан ҳеч кимга бирон медаль ёки орден берилгани йўқ. Ўтган йили ҳам шунақа бўлган эди. Ваҳоланки, Адвокатлар палатаси ҳар йили ўз Бошқарув мажлисларида давлат медаллари ва орденларини олишга лойиқ бир неча номзодларни тасдиқлаб, уларни мутасадди идораларга тақдим этиб келмоқда. Шахсан мен ўзим учун бундан хафа бўлмайман. Чунки, 2022 йилда «Шуҳрат» медалига лойиқ деб топилдим ва бундан беҳад миннатдорман. Дарвоқе, ҳозирча мамлакатимизда медалга муносиб кўрилган охирги адвокат бўлиб турибман. Лекин масала бошқа ёқда: мамалакатимизда қонун устуворлигини, адолатни таъминлашга ёрдам бераётган касб эгаларининг хизмати наҳот бошқаларникидан кам бўлса?!

Яна бир эътибор қаратилиши лозим бўлган жиҳат. Нима учундир адвокатлар фақат ва фақат «Шуҳрат» медалига тавсия қилинади. Мамлакатимизнинг бошқа орден-медаллари йўқми? Мен бу билан «Шуҳрат» медалини камситмоқчи эмасман, соҳа ходимларига эътиборни назарда тутмоқдаман, холос. Ростини айтиш керакки, анча йиллар олдин адвокатларга ҳам «Дўстлик» ордени берилган, аммо улар орасида ўзбек адвокатлари йўқ.

Бундан ташқари, адвокатура тизимида фаолият юритаётган бирорта ҳамкасбимизга шу пайтгача «Ўзбекистонда хизмат кўрсатган юрист» унвони берилганлигини эслай олмайман. Ваҳоланки, ҳамкасбларимиз орасида нафақат адвокатура, балки юриспруденция соҳасини ривожлантиришга ўз ҳисссасини қўшиб келаётган олим адвокатлар талайгина. Баъзида шуларни ўйлаб адвокатура ўгай соҳами, дегим келади”.

Баҳром САЛОМОВ,юридик фанлар доктори, адвокат

(Мақолани “Advokat-Press” газетасининг 2024 йил сентябрь сонида тўлиқ ўқишингиз мумкин).

Каналга уланиш: 
➖@Yurist_Zukhurov

“Shu paytgacha poyezd chiptasi samolyot chiptasidan yuqori narxga ko‘tarilmagan edi” — senator temiryo‘lda xizmat sifatidan aholi norozi ekanligini bildirdi

Senator Abdurahim Erkayev tezyurar poyezd chipta narxlari erkin belgilanishi ortidan sifatni ham yaxshilash kerakligini ta’kidladi.

➖@Yurist_Zukhurov

Адвокат маслаҳатининг фойдаси

Айрим ҳолларда адвокатга иши тушиб келган инсонлар адвокат унга қанчалик фойда келтирганлигини ўзлари тушуниб етишмайди. Шундай вазиятлар бўладики, адвокатнинг бир оғиз маслаҳати ёки мижоз позициясини тўғрилаши уни бир неча йилни қамоқда ўтказишдан сақлаб қолади.

Оддий мисол. Фирибгарлик жиноятларида жабрланувчидан олинаётган пул қайсидир танишларига пора сифатида бериб, ишни ҳал қилиш учун деб олинган бўлса, айбланувчи қўшимча тарзда ЖК нинг 28, 211-моддалари билан ҳам айбланади, яъни пора беришга далолатчи сифатида.

Бироқ Олий суд Пленумининг 23.06.2023 йилдаги 17-сонли “Фирибгарликка оид ишлар бўйича суд амалиёти тўғрисида” ги қарорининг 24-бандида “Агар пора бериш ташаббуси пора берувчи томонидан билдирилган бўлса, бундай ҳолда шахснинг ҳаракатлари фақат фирибгарлик жинояти сифатида квалификация қилиниб, қўшимча равишда ЖК 211-моддаси билан квалификация қилишни талаб этмайди” деб белгиланган.

Бу қоидага асосан пулни кимгадир пора сифатида бериб, ишни ҳал қилиш таклифи жабрланувчи (тадбирда ёлланма аризачилар) нинг ўзидан чиққан бўлса, айбланувчи фақатгина ЖК 168-моддаси билан жавобгарликка тортилади ва зарар қопланган ҳолларда очиқда жазо тайинланади. Агар 28, 211-модда айбловда қолса, озодликдан маҳрум қилиш жазоси тайинланиши эҳтимоли катта.

Кўп ҳолларда айбланаётган шахсга шу қоидани яхшилаб тушунтириш ва исботлаш воситаларини тўғри қўллаш ҳимоя остидаги шахснинг кейинги уч-тўрт йилини очиқда ёки қамоқда ўтказишини ҳал қилади. Бу амалиётда жуда кўп қўлланилган.

Шунинг учун терговга қадар текшириш давридаёқ малакали адвокат хизматидан фойдаланиш жуда муҳим.

Адвокат Хайрулло Қосимов

Каналга уланиш: 
➖@Yurist_Zukhurov

Буни билмайдиганлар орамизда кўп…

Битимнинг оддий ёзма шаклига риоя қилмаслик унинг ҳақиқий эмаслигига олиб келмайди, бироқ низо чиққан тақдирда тарафларни битимнинг тузилганлигини, мазмунини ёки бажарилганлигини гувоҳларнинг кўрсатувлари билан тасдиқлаш ҳуқуқидан маҳрум қилади (ФК 109-моддаси).

#норма #ФК #шартнома

Каналга уланиш: 
➖@Yurist_Zukhurov

Барча судларнинг хизмат телефон рақамлари

Каналга уланиш: 
➖@Yurist_Zukhurov

МЧЖ нинг асосий таъсис ҳужжатлари

Жамиятнинг таъсис шартномаси ва устави жамият таъсис ҳужжатлари деб ҳисобланади.

Агар жамият бир шахс томонидан таъсис этилса, шу шахс тасдиқлаган устав жамиятнинг таъсис ҳужжати ҳисобланади.

Жамият иштирокчиларининг сони икки ва ундан ортиқ кишига кўпайса, улар ўртасида таъсис шартномаси тузилиши керак.

Айнан амалиётда худди шу жараёнда бир қатор муаммолар мавжуд. Яъни таъсис ҳужжатларига чуқур эътибор берилмайди. Номигагина қилиб қўйилади ҳолос. Натижада жамиятда жиддийроқ муаммо пайдо бўлса, тарафлар бошини ушлаб адвокат ёки юрист олдига келади…

Каналга уланиш: 
➖@Yurist_Zukhurov