Юрист Хизмати | Расмий канал

Мактабларда ўқитувчилар мажбурий тиббий кўрикдан ўтмагани учун жарима борми?

@Yurist_Xizmati 4760-савол:

Ассалому алайкум! Мен мактабда ММИБДУ булиб ишлайман. Укув йилининг бошидан туман тиббиёт бирлашмасидан курикдан утганман, лекин туман СЭСдан курикдан утмадим.  Хозир СЭС ходимлари мактабимизга келиб текширув утказишяпти ва мени курикдан утмаганим учун жаримага тортмокчи. Мен бу вазиятдан азият чекмасдан чика оламанми? Уларнинг бу хатти харакати канчалик тугри?

ЮРИСТ ЖАВОБИ:

🙅‍♂ Тиббий кўрикдан ўтмаганлик учун жарима мавжуд эмас. Қаранг! Меҳнат кодексининг 355-моддасига кўра мажбурий тиббий кўриклардан ўтиши лозим.

Ушбу кодекс 360-моддасига кўра иш берувчи умумий ўрта таълим ташкилотларининг, мактабгача таълим ташкилотларининг ва бошқа ташкилотларнинг бевосита болаларга таълим ёки тарбия бериш билан банд бўлган педагог ходимларини ва бошқа ходимларини дастлабки (меҳнат шартномасини тузаётганда) ва даврий (меҳнат фаолияти давомида) мажбурий тиббий кўрикдан ўтказишни ташкил этиши шарт.

Бунда иш берувчи мажбурий тиббий кўрикдан ўтмаган ёхуд мажбурий тиббий кўрик натижаларига кўра тиббий комиссиялар томонидан берилган тавсияларни бажаришдан бўйин товлаган шахсларни ишдан четлаштириши шарт.

✅ Шунга кўра сиздаги ҳолатда тиббий кўрикдан ўтмаганлик учун жарима мавжуд эмас.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Расмий каналимизга уланинг
            👇👇👇
👉 @Yurist_Xizmati 👈

❗️Болаларга нисбатан оилавий (маиший) зўравонлик содир этганлик учун жавобгарлик белгиланди

Президент томонидан имзоланган Қонун (ЎРҚ-978-сон, 21.10.2024 й.) билан айрим қонун ҳужжатларга ўзгартиришлар ва қўшимча киритилди

Қонунга кўра, Жиноят кодексига ва Маъмурий жавобгарлик тўғрисидаги кодексига болаларга нисбатан оилавий зўравонлик содир этганлик учун жавобгарликни назарда тутувчи ўзгартиришлар киритилмоқда.

Шунингдек, Жиноят-процессуал кодексига оилавий (маиший) зўравонлик билан боғлиқ ишлар юзасидан ярашув тўғрисидаги ариза фақат суд муҳокамаси босқичида берилиши мумкинлиги белгиланмоқда.

Қонун расмий эълон қилинган кундан эътиборан кучга киради.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

Расмий каналимизга уланинг
            👇👇👇
👉 @Yurist_Xizmati 👈

⚡️Коллежлар тўлиқ тугатилиб, ягона техникумлар тармоғи ташкил этилади

Президент Фармони (ПФ-158-сон, 16.10.2024 й.) қабул қилинди

Фармонга кўра, касбий таълим ташкилотларининг амалдаги турлари мақбуллаштирилиб, касбий таълимнинг барча даражалари бўйича кадрлар тайёрлайдиган ягона техникумлар тармоғи ташкил этилади.

🎓 Техникумларда:

➖кадрлар тайёрлаш Таълимнинг халқаро стандарт таснифлагичи ва Ўзбекистон миллий малака тизими талабларига мос равишда ташкил этилади;

➖бошланғич, ўрта ва ўрта махсус касбий таълим дастурлари бўйича кадрлар тайёрлаш йўлга қўйилади, шунингдек, малака ва компетенциялар бўйича қисқа муддатли ўқув курслари ташкил этилади;

➖бошланғич касбий таълим дастурлари бўйича кадрлар тайёрлаш умумий ўрта таълим ташкилотининг 9-синфини тамомлаган ўқувчилар учун – давлат гранти асосида амалга оширилади;

➖ўрта ва ўрта махсус касбий таълим дастурлари бўйича кадрлар тайёрлаш давлат гранти ва тўлов-контракт асосида ташкил этилади;

➖ўрта махсус касбий таълим дастурларининг битирувчиларига ўзлаштирган модуллари, тўплаган кредитлари ва олий таълим ташкилоти томонидан белгиланган баллар ўртача қийматидан (GPA) келиб чиқиб, бакалавриатнинг тегишли босқичидан ўқишни давом эттиришга рухсат этилади.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Расмий каналимизга уланинг
            👇👇👇
👉 @Yurist_Xizmati 👈

2025 йил 1 январдан бошлаб умумтаълим мактабларида миллий сертификатга эга бўлган ўзбек тили ўқитувчиларига маошининг 50 фоизи миқдорида ойлик устама ҳақ тўланади.

Бу ҳақда президент Шавкат Мирзиёев Ўзбек тили байрами муносабати билан Ўзбекистон халқига йўллаган табригида таъкидлади.

📩 Юристга савол юбориш

Расмий каналимизга уланинг
            👇👇👇
👉 @Yurist_Xizmati 👈

Сайловга жалб қилинган ходимларга қўшимча ҳақ тўлаб бериладими?

@Yurist_Xizmati 4759-савол:

Assalomu alaykum yaxshimisiz biz yaqinda bo‘lib o‘tadigan aniqrog‘i 27 oktyabr kuni bo‘lib o‘tadigan saylovda o‘zimizning saylov uchastkasida a'zo sifadida ish yurityapmiz aytishlaricha bizga ish haqi tushar ekan bu mablag‘  a'zolarga qancha va rais, o‘rin bosar va kotibga qancha tushadi va qachon tushushi kerak shu haqda malumot bering.

ЮРИСТ ЖАВОБИ:

Сайлов участкаларида раис, ўринбосар, котиб лавозимида фаолият юритиш учун алоҳида пул тўланмайди.

❗️Бу даврда ходимнинг иш жойидаги ўртача иш ҳақи сақланади. Бошқача айтганда бу даврда ходимга унинг ўртача иш ҳақи тўлаб берилади.

Қаранг! Меҳнат кодексининг 282-моддасига кўра Иш берувчи ходимнинг давлат ва жамоат мажбуриятларини бажариш вақтида уни ишдан иш жойини (лавозимини) ва ўртача ойлик иш ҳақини сақлаган ҳолда Ўзбекистон Республикаси Вазирлар Маҳкамасининг қарорларида назарда тутилган ҳолларда озод қилиши шарт. 

Юқоридаги норма ҳамда Вазирлар Маҳкамасининг №133, 11.03.1997-йилдаги қарорига кўра сайлов ҳуқуқини амалга ошириш даврида ходимнинг ўртача иш ҳақи сақланади холос.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Расмий каналимизга уланинг
            👇👇👇
👉 @Yurist_Xizmati 👈

МИБ ижарага олинган жойни ҳам аукционга чиқаришга ҳақлими?

@Yurist_Xizmati 4758-савол:

Саволим. Мен битта танишдан вактинчалик жойидан пул бериб иккита докон огандим. У танишимни мифдан 40 млн карзи бор экан. Бу жой уша танишимни номида эди. МИБ аукционга чикарамиз карзини толамаяпти  силарни кизигларинг йук бу жой уни номида мен шунчаки айтиб куйяпман деди. Вактинчалик жойни хам аукционга чикарадими? Агар чикарса кимдир сотиб олса мен жойсиз колораманми?

ЮРИСТ ЖАВОБИ:

✅ Бу ҳолатда МИБ ижарага берувчининг қарздорлигини қоплаш учун унинг мулкини аукцион савдоларига чиқаришга ҳақли.

Суд ҳужжатлари ва бошқа органлар ҳужжатларини ижро этиш тўғрисидаги қонун 63-моддасига кўра мол-мулкнинг ва мулкий ҳуқуқларнинг айрим турларини реализация қилиш бўйича электрон онлайн-аукционлар ваколатли оператор томонидан ташкил этилади ва ўтказилади.

Бунда ижарага берувчининг ундирувни узоқ муддатли ижара ҳуқуқига қаратишга розилигини тасдиқловчи ҳужжат ёки агар ижара ҳуқуқи ижарага олувчи томонидан аукцион шаклидаги кимошди савдоси натижасида олинган бўлса, узоқ муддатли ижара ҳуқуқини ижарага берувчининг розилигисиз ўтказиш имконини берувчи ҳужжат илова қилинади.

☝️Эътибор берган бўлсангиз, ижага берувчининг розилигисиз ўтказиш ҳақидаги ҳужжат ҳақидаги қоида белгиланган. Бироқ бу ижара шатномасининг шаклига риоя қилинган ҳолда тузилган ижара шартномасига тааллуқли қоида.
Қаранг! Фуқаролик кодексининг 574-моддасига кўра бино ёки иншоотни ижарага бериш шартномаси тарафлар имзолайдиган битта ҳужжат тарзида ёзма шаклда тузилади.

Бунда Бир йилдан кам бўлмаган муддатга тузилган бино ёки иншоотни ижарага бериш шартномаси давлат рўйхатидан ўтказилиши лозим ва рўйхатдан ўтказилган пайтдан бошлаб тузилган ҳисобланади.

Шунингдек, фуқаролар ўртасида тузилган бино ёки иншоотни ёхуд унинг бир қисмини ижарага бериш шартномаси давлат солиқ органларида ҳисобга қўйилиши лозим.

🙅‍♂ Шунга кўра сиздаги ҳолатда ижара шартномаси шаклига риоя қилинмагани сабабли, сизда бирор ҳуқуқ мавжуд бўлмайди.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Расмий каналимизга уланинг
            👇👇👇
👉 @Yurist_Xizmati 👈

Одамлар нега камбағалликка тушиб қолишади?

Телеграмда каналлар жудаям кўп, аммо аҳолига ҳуқуқий маълумотлар бериб борадиган, айниқса меҳнат фаолиятини амалга ошираётган халқимиз учун махсус каналлар жудаям кам. Ана шундай фойдали ишга бел боғлаган бир жамоани сизларга тавсия қилмоқчиман.

«HUQUQ VA MEHNAT|UZ» telegram канали Ўзбекистонда меҳнат фаолиятини амалга оширувчи барча ходимларга, ишчи ва меҳнаткашларга меҳнат қонунчилигига мувофиқ халқаро стандартлар бўйича ишончли маълумотлар бериб боради.

👉🏻 @huquqvamehnatuz 👈🏻

Тизимдаги хатоликни деб олий тоифали ўқитувчининг тоифасини мутахассисга тушириб ташланиши тўғрими?

@Yurist_Xizmati 4755-савол:

Ассалому алайкум. 2017-йил аттестациядан муваффақиятли ўтиб, олий тоифа олганман. Ҳозирда стажим 21 йил. Шунча йилдан бери мактабда ишлаб келмоқдаман. 2022-йил, 2-августдаги Вазирлар маҳкамасининг 425-қарорига биноан олий тоифам умрбодга сақланиб, шу сентябрь ойигача олий тоифа ставкасида ойлик маош олиб келаётган эдим. Сентябрь ойининг ойлигини АСБО мутахассис ставкаси билан тўлаган, лекин ойлик ботда "олий тоифа" деб турибди. "Тарификацияга "мутахассис" деб киритишга мажбур бўлдик, чунки сизнинг сертификатингизнинг сроги ўтган, Асбо программаси қабул қилмаяпти"-деди завуч. Шундан кейин мен pedkadr.edu.uz. га тўғридан тўғри тоифа беришлари учун мурожаатнома юбордим. Лекин мурожаатномам рад этилибди, сабаби у ерда айнан "узлуксиз ўн беш йил стаж ва олий тоифага эга бўлган ўқитувчилар" деган имтиёз ёзуви йўқ экан. У ерда фақатгина "15 йил узлуксиз стажга эга бўлган ва олий тоифани уч марта кетма кет ҳимоя қилган" деган имтиёз тугмаси бор бўлиб, менинг ҳолатимга тўғри келмайди. Тизимдаги мавжуд хатоларни деб менинг тоифамни, шунча йиллик меҳнатимни куйдириб, мутахассисга тушириб ташлашлари тўғрими? ВМ нинг қарорининг ижроси таъминланмаслигига кўз юмиб юраверамизми? Ким булар учун жавобгар?

ЮРИСТ ЖАВОБИ:

Вазирлар Маҳкамасининг 2021-йил 17-сентябрдаги 572-сон қарори билан тасдиқланган "Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида"ги низом 6-бандига кўра таълим ташкилотларида 15 йиллик узлуксиз иш стажига эга бўлган олий малака тоифали (бош ўқитувчи лавозимидаги) педагог кадрлар мажбурий аттестацияга жалб этилмаслиги белгиланган эди.

Ушбу бандга Вазирлар Маҳкамасининг 2022 йил 2 августдаги 425-сонли қарори билан киритилган ўзгаришга кўра олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар мажбурий аттестатсияга жалб қилинмайди. Уларнинг тоифаси сақланади.
Мазкур ўзгариш 2022 йил 2 августдан киритилган.

Норматив-ҳуқуқий ҳужжатлар тўғрисидаги қонун 41-моддасига кўра норматив-ҳуқуқий ҳужжатлар орқага қайтиш кучига эга эмас ва улар амалга киритилганидан кейин юзага келган ижтимоий муносабатларга нисбатан қўлланилади.

Қоиданинг мазмунига кўра педагог ходим олий тоифани олгандан сўнг уни 3 марта ҳимоя қилган бўлса (бу 15 йилга тенг), унинг тоифаси сақланади.

Бу ҳақида вазирлик ҳам алоҳида кўрсатма хат билан чиққан. Унинг мазмунида ҳам ВМ 425-сон қарор билан кирган ўзгариш 2022 йил 2 августдан бошлаб кучга кириши белгиланган.

✅ Шундай экан сиз 2022 йил 2 августга қадар бўлган даврда 15 йиллик узлуксиз педагогик иш стажига ҳамда олий тоифага эга бўлган бўлсангизгина, тоифангиз сақланади.

Бунда Низомнинг 32-бандига кўра имтиёзга эга педагог кадрлар ҳар йили 1 январдан 31 декабрга қадар тўғридан-тўғри аттестациядан ўтказилмасдан малака тоифаси (лавозим) сертификатини олиш учун бевосита давлат хизматлари марказлари орқали ёки Ягона интерактив давлат хизматлари портали ёхуд ваколатли вазирликларнинг расмий веб-сайтида рўйхатдан ўтган ҳолда мурожаат қиладилар.

❗️Бу масалада сиз вилоят Мактабгача ва мактаб таълим бошқармасига мурожаат қилишингиз лозим.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Расмий каналимизга уланинг
              👇👇👇
👉 @Yurist_Xizmati‌‌

Иш ҳақи кечиктириб берилса, қандай чора кўриш мумкин?

@Yurist_Xizmati 4753-савол:

Enter enjinering pte ltd kompaniyasi tarkibidagi Enter machineries service mchj xususiy korxonasida qurilish sinov labaranti sifatida  ishlayman. Kompaniya tomonidan asossiz  ravishda ish haqi doimiy kechiktirilib beriladi. Bu safargisi chuzilib ketdi judayam. 2024-yil may,/iyun, iyul, avgust, sentyabr ish haqimizni ololmayapmiz, soliq uz ilovasida hammasi kursatilgan lk plastik kartamizga tushmagan ish haqi.shu buyicha qaysi tashkilotga murojat etishni tavsiya qilasiz?

ЮРИСТ ЖАВОБИ:

Меҳнат кодекси 244-моддасида иш берувчи ўз молиявий аҳволидан қатъи назар, қонунчиликда, меҳнат ҳақидаги бошқа ҳуқуқий ҳужжатларда, меҳнат шартномасида белгиланган меҳнатга ҳақ тўлаш шартларига мувофиқ ходимлар томонидан бажарилган иш учун ҳақ тўлашни амалга ошириш мажбурияти мустаҳкамланган.

☝️Мана шу қоидага кўра сизга меҳнат шартномасида ва бошқа локал норматив ҳужжатларда (лавозим йўриқномаси, ички меҳнат тартиб қоидалари) белгиланган меҳнат мажбуриятларингизни бажарганлигингиз учун иш ҳақи тўланиши лозим.

Бунда ушбу кодекс 253-моддасига биноан ходимларга иш ҳақи тўлаш муддатлари жамоа шартномасида ёки ички ҳужжатда, улар мавжуд бўлмаганда эса меҳнат шартномасида шарт қилиб кўрсатилган муддатларда белгиланади ва ҳар ярим ойда бир мартадан кам бўлиши мумкин эмас.

❗️Шунингдек, МК 319-моддасига биноан ходимга иш ҳақи тўлаш ва унга тўланиши лозим бўлган бошқа тўловлар кечиктирилганда етказилган зарар иш берувчи томонидан қопланиши шарт.

✅ Бу масалада сизлар туман адлия бўлимига ёки меҳнат инспекторига ёҳуд фуқаролик судига даъво қилишингиз мумкин.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Расмий каналимизга уланинг
              👇👇👇
👉 @Yurist_Xizmati‌‌

❗️Расман: энди ҳокимлар депутатларга бошлиқ эмас

Президент томонидан 17 октябрда имзоланган Қонун билан айрим қонун ҳужжатларига ўзгартириш ва қўшимчалар киритилди.

Унга кўра:

“Маҳаллий давлат ҳокимияти тўғрисида”ги Қонунидан вилоят, туман, шаҳар ҳокими бир вақтнинг ўзида тегишли ҳудуддаги вакиллик ҳокимиятига бошчилик қилиши ҳақидаги норма чиқариб ташланди.

Халқ депутатлари Кенгашларига депутатлар орасидан сайланадиган раис бошчилик қилиши, у ўз фаолиятини жамоатчилик асосида амалга ошириши белгиланмоқда, уни ваколатлари муддати тугагунига қадар лавозимидан озод қилиш тартиби назарда тутилмоқда.

Ҳокимларга тегишли халқ депутатлари Кенгашлари сессиясига масалалар киритиш, зарурат бўлганда Кенгаш сессияси чақирилишини талаб қилиш ва тегишли халқ депутатлари Кенгашининг қонунчиликка зид бўлган қарорларини бекор қилиш учун Сенатга ёки судга мурожаат қилиш каби қатор янги ваколатлар берилмоқда.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Расмий каналимизга уланинг
              👇👇👇
👉 @Yurist_Xizmati‌‌

❗️Rasmiy bayonot: Boysundagi konni portlatilishi haqidagi xabarlar asossiz

Ushbu holat bo‘yicha Surxondaryo viloyat hokimligi rasmiy axborot berdi.

Bugun turli telegram kanal va guruhlarda Boysun tumanidagi "M-25" konida gaz chiqishini to‘xtatish maqsadida yengil portlatish ishlari amalga oshirilishi haqida yolg‘on xabarlar tarqaldi.

Mazkur xabar asossiz bo‘lib, hozirda bunday choralarni amalga oshirish rejalashtirilmaganligi ma’lum qilinadi hamda bu kabi yolg‘on xabarlarga ishonmaslikni va tarqatmaslikni so‘raymiz.

Eslatib o‘tamiz, aholi o‘rtasida vahima uyg‘otuvchi yolg‘on va asossiz xabarlarni tarqatganlik uchun qonunchilikda javobgarlik belgilangan.

📩 Yuristga savol yuborish

☎️ Yurist bilan qo‘ng‘iroq orqali bog‘lanish

Rasmiy kanalimizga ulaning
             👇👇👇
👉 @Yurist_Xizmati

#Биласизми

❗️Директор жамғармасидан бериладиган устама ўқитувчининг умумий дарс соатлари учун берилади

@Yurist_Xizmati 4752-савол:

Assalamu alaykum, men maktabda o'zbek  (davlat) tilidan dars beraman,  823-sonli qaror asosida direktor jamg'armasidan 30% ustama haq olaman. Mening darslarim 2-11-sinflarda. Hozirgi paytda menga  5-11-sinflar uchun ustama haq to'lanadi, boshlang'ich sinflarda o'qitgan darslarimga to'lanmas ekan. Buxgalterimiz bir tomonlama to'lanadi deyapti. Shunga maslahatingiz kerak edi. Javob uchun raxmat.

ЮРИСТ ЖАВОБИ:

Директор жамғармасидан бериладиган устама ўқитувчининг умумий дарс соатлари учун берилади.

💁‍♂ Буни қуйидагича тушунтирамиз. Аввало, устама педагог ходимларга улар дарс ўтадиган фанлардан доирасида берилади.

Куни кеча бош вазир ўринбосарининг топшириқ хатига кўра табиий фани юқори синфларда география ўқитувчилари томонидан ўтилиши белгиланган.

✅ Шунга кўра, сизга устама берилиши керак.

Қаранг! Вазирлар Маҳкамасининг 2019 йил 30 сентябрдаги 823-сон қарори билан тасдиқланган низомнинг 20-банди мазмунига кўра педагогларининг базавий тариф ставкаларига ҳар ойлик устамалар ушбу низомда қайд этилган баҳолаш мезонларига асосан 40 фоизгача миқдорда белгиланади.

Мазкур низомнинг 33-1-бандида педагог ходимларга белгиланган устамалар уларнинг тарификация рўйхатида ажратилган дарс соатларига (ўқитувчининг тариф ставкасига) мутаносиб равишда тўланиши келтирилган.

Шунингдек, Вазирлар Маҳкамасининг 275-сонли қарори билан тасдиқланган “Халқ таълими ходимлари меҳнатига ҳақ тўлаш тўғрисида”ги низомнинг 21-бандига мувофиқ педагог ходимларга қонунчилик ҳужжатларида белгиланган устамалар, шу жумладан мавжуд сертификатлари учун тўланадиган устамалар, тарификация рўйхатида ажратилган дарс соатларига (ўқитувчининг тариф ставкасига) мутаносиб равишда тўлаб берилади.

☝️Юқоридаги қоидаларга кўра сизга жами дарс соатларингиз (сизга тариф асосида берилган) миқдоридан келиб чиқиб устама тўланиши шарт.

❗️Бу масалада туман адлия бўлимига мурожаат қилишингиз лозим.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Расмий каналимизга уланинг
              👇👇👇
👉 @Yurist_Xizmati‌‌

Тил сертификати директор жамғармасидан устама олишда инобатга олинмайдими?

@Yurist_Xizmati 4751-савол:

Саволим шундан иборат ман мактабда рус тили фанидан 33 йилдан бери дарс бериб келаман. Халкаро С1 сертификатим бор 823 буйича устама ёзишда шу сертификат хисобга олинадими ёки йукми? Завуч хеч кандай хисобга олинмайди дейяпти шу тугрими?

ЮРИСТ ЖАВОБИ:

❌ Йўқ тил сертификати директор жамғармасидан устама беришда инобатга олинмайди.

Вазирлар Маҳкамасининг 2019 йил 30 сентябрдаги 823-сон қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”низомда белгиланган Педагог, психолог ва кутубхона ходимларининг фаолиятини баҳолаш Мезонларида 9та мезон қайд этилган бўлиб, улар қаторида тил сертификати мавжуд эмас.

❌ Шу сабабли сизнинг бу натижангиз учун директор жамғармасидан устама берилмайди.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Расмий каналимизга уланинг
              👇👇👇
👉 @Yurist_Xizmati‌‌

Ekologlar va huquqbuzarlar bilan o‘zbekcha forsaj

Buxoro viloyati Ekologiya, atrof-muhitni muhofaza qilish va iqlim o’zgarishi boshqarmasi tomonidan saksovul o’simliklari kesilishining oldini olish maqsadida nazorat reyd tadbirlari o‘tkazilmoqda.

👉 @Yurist_Xizmati

Дарс соати кам ўқитувчини кун бўйи мактабда ушлаб турилиши тўғрими?

@Yurist_Xizmati 4750-савол:

Oliy maʼlumotli oʻqituvchiman 1yosh 9oylik farzandim bor uyimiz oldidagi maktabga darsga chaqirgandi yosh bolam bogani uchun 6soat dars oldim, hozirgi kunlarda maktab rahbariyati tomonidan kechgi 5gacha navbatchilikga turishimni aytishyapti. Undan tashqari darsdan song toʻgarak oʻting deb aytishdi. 6soat dars uchun qancha vaqt ishda boʻlishim kerak toʻgarak oʻtishga majburmanmi?

ЮРИСТ ЖАВОБИ:

Меҳнат кодексининг 184-моддасига мувофиқ иши юқори даражадаги руҳий, ақлий ва асабий зўриқиш билан боғлиқ бўлган, яъни алоҳида хусусиятга эга бўлган тиббиёт ходимлари, педагоглар ва бошқа тоифадаги ходимлар учун иш вақтининг давомийлиги ҳафтасига кўпи билан ўттиз олти соат қилиб белгиланади. 

❗️Шунга кўра барча педагог ходимлар учун ҳафталик иш соати 36 соатдан ошмайди, бунда қонун чиқарувчи 1 ставка учун мазкур меёрни белгилайди.

Умумий ўрта таълим муассасаларининг педагогик мутахассисликлари бўйича намунавий йиллик иш режасини шакллантириш тартиби тўғрисидаги Йўриқномага (рўйхат рақами 3058) 4-бандига асосан умумий ўрта таълим муассасаси педагог ходимининг йиллик иш юкламаси қуйидагича ҳисоблаб чиқилади:

👉 1-4-синфлар учун белгиланган бир ставка миқдоридаги иш юкламаси ҳафталик ҳажмини 1 коэффициентга кўпайтириш орқали, яъни:
18x1=18+18=36x4,3(ҳафта)=154,8x43 (ҳафта)=1548 соат;

👉 5-11-синфлар учун белгиланган бир ставка миқдоридаги иш юкламаси ҳафталик ҳажмини 0,8 коэффициентга кўпайтириш орқали, яъни: 20x0,8=16+20=36x4,3(ҳафта)=154,8x43 (ҳафта)=1548 соат.

Таъкидлаш керакки, юқоридаги меёр фақат тўлиқ ставкада ишлайдиган ходимлар учун тааллуқли.

❌ Шунга кўра сиздаги ҳолатда 6 соат дарсингиз бўлса, сизни кун бўйи мактаб бўлишингизни талаб қилиш ноқонуний ҳисобланади.

✅ Агар сиз фан ўқитувчиси бўлсангиз сизнинг ҳафталик иш вақтингиз таҳминан 11 соатни ташкил этади.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Расмий каналимизга уланинг
              👇👇👇
👉 @Yurist_Xizmati‌‌

Тошкент туманида ит ёш болани ўлдириб қўяй деди. Унинг эгаси 370 минг жарима билан қутулиб кетади

Онаси ва опаси билан кетаётган болакайга баҳайбат ит ташланиб, бўйнига жароҳат етказган. Яхшики, ҳолатни йўлдан ўтаётган йўловчилар кўриб қолиб, ёрдамга келган ва итни ҳайдаб юборган. Бу каби ҳолатлар уй ҳайвонларини боқаётган фуқароларнинг масъулиятини ошириш учун жавобгарликни кучайтириш зарурати борлигини кўрсатмоқда.

📩 Юристга савол юбориш

Расмий каналимизга уланинг
              👇👇👇
👉 @Yurist_Xizmati‌‌

Бозорга ўтган бўлсак, лимит нега керак? Лимитлар сақланиб қолаётган экан, бозорга ўтдикми ўзи?

Кузнинг биринчи ёмғири билан метан заправкаларда кўзўйнатар навбатлар ҳосил бўла бошлади, водий вилоятларида эса тушдан кейин қатор заправкаларни "лимит тугади" деган сабаб билан ёпилиши ҳолатлари кузатилган.

Эслатиш шарт эмасдир, лекин кузда бошланиб баҳоргача давом этган энергокулфат ўтган йили ҳам шундай бошланганди, ундан олдинги йили ҳам, аввалги йилда ҳам.

Лекин ўтган, ундан олдинги ва аввалги йиллардан фарқли ўлароқ 2024 йил 1 августдан бошлаб Ўзбекистонда метан нархини бозор белгилаши эълон қилинган. Яъни, 2,5 ой аввал давлат ўрнатган потолок нархлар бекор қилинган.

Унда нега заправкалар учун даққиюнусдан қолган лимитлар сақланиб қолмоқда?

Энергочиновникларнинг лимит тақсимлаши, график ўрнатиши, кимга газ бериш бермасликни ҳал қилишларидан иборат бузуқ режими нега ҳалиям амал қилаяпти?

Лимитлар бекор қилинса, кабинетда ўтириб газ тақсимлайдиган энергочиновниклар оч қоладими?

Мен тушунаман, агар ҳарорат минус 20га тушиб кетса, пессимистик сценарий бўйича, тармоқ ва истеъмолчиларга вақтинчалик фавқулодда чекловлар ўрнатилишини (ўзи шунинг учун ҳам сценарийлар очиқланиши керак).

📩 Юристга савол юбориш

Расмий каналимизга уланинг
              👇👇👇
👉 @Yurist_Xizmati‌‌