Bahodir Ahmedov

«Бола ҳам алоҳида шахс. Нега унга нисбатан мактабда қилинган зўравонлик шунчаки ишдан бўшаш билан тугаши керак? Қонунда болага ёки инсонга деган жойи йўқ. Шахсга нисбатан бор»

“Миллий тикланиш” демократик партияси номзоди Умида Раҳмонова.

Қурултойнинг навбатдаги сонида миллий қадриятларнинг жамиятимизда тутган ўрни ҳамда Ўзбекистон “Миллий тикланиш” демократик партияси томонидан Ўзбекистон Республикаси Олий Мажлиси Қонунчилик палатаси депутатлигига кўрсатилган номзодларнинг бу борадаги қарашлари ҳақида суҳбат борган.

Томоша қилинг:

https://youtu.be/9mTCcVoRGe4?si=TIbCmZmdvmdKgiPZ

Ўтган хафта Адлия вазирлиги таклифи билан "Матонат" фильми премьерасига бордим. Вазирлик ташаббуси билан йўлга қўйилган “Имкон” ижтимоий-ҳуқуқий лойиҳаси доирасида ҳомийлар, ННТлар билан ҳамкорликда олти ой давомида олиб борилган ижтимоий экспримент муваффақиятли якунланган.

Ушбу фильм реал воқеаларга асосланибди. Унда бахтсиз ҳодиса туфайли икки оёғидан ажраган аёл Дилором Йўлдошеванинг оғир ҳаёти акс эттирилибди. У қандай ўзини тиклагани, ёнидагилар қийин кунларда қандай туриб бергани, айрим масъуллар шунчаки ҳисобот учун расмга тушиб берган коляскасини ҳам қайтариб олган жойлари жуда таъсирли чиқибди. Майли спойлер қилмай батафсил фильмда кўрасизлар.

Мен бу фильмнинг номи фақатгина бу аёл учун эмас унинг турмуш ўртоғи, овсини, онаси ва қўшнилари учун ҳам "Матонат" деб қўйилибди дея хулоса қилдим. Мен айниқса аёлнинг турмуш ўртоғи Дилмурод аканинг гапидан қаттиқ таъсирландим. "Уйланинг дейди менга. Қандай қилиб? Бу ахир эркакликка ҳам тўғри келмайди-ку" деган жойида зал қарсак чалиб юборди. Ҳаста аёлини ташлаб кетаётганлар, соғ-саломат аёлини устига шаръий никоҳ билан хотин олаётганлар камми? Бу кишининг қатъияти ҳақиқий мардлик, бир ёстиққа бош қўйган инсонига муҳаббат ва ҳурмат...

Вазирлик берган кўмагидан хурсанд бўлдим. Баъзида бундай инсонларга яқинлари, атрофидагилари, жамият берган ёрдамнинг ўзи камлик қилади. Қайсидир масалаларда давлат ташкилотлари томонидан кўмак берилиши керак. Уларсиз иложи йўқ. Ахир биз ижтимоий давлатмиз. Шу ўринда нодавлат ташкилотлар кўмаги ҳам таҳсинга сазовор.

Шундай кейслар кўпайиши керак. Одамлар ибрат олсин. Бундай кўмаклар эса бардавом бўлсин. Суратда мен ва Дилором опанинг турмуш ўртоғи Дилмурод ака!

Фильм📹 https://youtu.be/oTCyEmyI1jo

ЎзЛиДеП Қорақалпоғистонда

Нукус шаҳридаги "Дўстлик майдони"да Тадбиркорлар ва ишбилармонлар ҳаракати – Ўзбекистон Либерал-демократик партиясининг навбатдаги оммавий тадбири ўтказилди.

“Эркин ва фаровон, қудратли янги Ўзбекистонни биргаликда қурамиз!” шиори остидаги оммвий тадбирда минглаб тадбиркорлар, фермерлар, таълим ва тиббиёт соҳаси ходимлари, маданият ва санъат соҳаси вакиллари, партия фаоллари ҳамда ёшлар иштирок этди.

Видеода батафсил.

#saylov2024
👉@bahodirahmedoff👈

ЭНДИ ОИЛАДАГИ БОЛАГА НИСБАТАН БЎЛАДИГАН ЗЎРАВОНЛИК УЧУН ҲAМ АЛОҲИДА ЖАВОБГАРЛИК БОР

Оилавий (маиший) зўравонликдан ҳимоя қилиш кучайтирилиши муносабати билан тегишлича баъзи Кодексларга ўзгартириш киритилмоқда.

❗️2024-йил 21-октябр кунида Ўзбекистон Республикаси томонидан ЎРҚ-978 сонли янги Қонун қабул қилиниб, унга мувофиқ:👇

➖Жиноят кодекси 126'1-моддасидаги барча диспозицияларига, эндиликда оилада болага нисбатан содир етиладиган зўравонлик тури ҳам киритилди.

➖Шунингдек, худди шунга ўхшаш бўлган Маъмурий жавобгарлик тўғрисидаги кодекснинг 59'2-моддаси 2-қисмига ҳам тегишлича болага нисбатан содир етиладиган оилавий (маиший) зўравонлик маъмурий ҳуқуқбузарлиги қўшилди.

➖Жиноят-процессуал кодекси 583-моддасига ҳам тегишлича қўшимча киритилиб, унга кўра эндиликда оилавий (маиший) зўравонлик билан боғлиқ жиноятлардаги тарафларнинг ярашуви фақатгина суд босқичида амалга ошира олиниши мумкинлиги белгиланди. Қолган жиноятларда эса тарафлар нафақат суд босқичида, балки суриштирув ҳамда дастлабки тергов босқичида ҳам ярашув қилишлари мумкин бўлади.

❗️Бунгача оиладаги болага нисбатан оилавий (маиший) зўравонлик содир этилгани учун алоҳида турдаги жавобгарлик мавжуд эмас эди, бу қилмиш умумий тарзда квалификация қилинар эди.

✅ Эндиликда худди оиладаги эр ёки хотинга нисбатан содир этиладиган оилавий (маиший) зўравонлик каби, болага нисбатан ҳам шундай зўравонлик учун тегишлича маъмурий ҳамда жиноий жавобгарлик белгиланадиган бўлди.

Қонун расман эълон қилинган кундан бошлаб кучга киради.

👉@bahodirahmedoff👈

Соғлиқни сақлаш тизимини тўлиқ рақамлаштирамиз — "Адолат" СДП

Адолат социал демократик партияси ўзининг сайловолди дастурида соғлиқни сақлаш тизимини ўзгартириш борадисида қатор вазифаларни қайд этган. Хусусан:

➡️ходимларининг ижтимоий ҳимоясини кучайтириш ва уларнинг ҳуқуқларини кафолатлаш;
➡️олис ва чекка ҳудудлардаги оила­вий шифокор пунктлари ва оилавий поликлиника­ларда тор соҳа мутахассислари фаолиятини йўлга қўйиш;
➡️«Ақлли тиббиёт» тизимининг ҳуқуқий асосларини ишлаб чиқиб, соғлиқни сақлаш тизимини тўлиқ рақамлаштириш;
➡️«электрон поликлиника» ва «ягона электрон анкета» тизимларини йўлга қўйиш;
➡️тиббиёт даромад олиш манбаига айланиб қолмаслиги учун нодавлат тиббиёт ташкилотларини «тижорат ташкилоти»дан нотижорат ташкилотига ўтказиш режа қилинган.

Тан олиш керак, тиббиёт соҳасида ҳали кўп муаммо ва етишмовчиликлар бисёр. Партия таклифларини қўллаб-қувватлаган ҳолда соғлиқни сақлаш тизимида катта ўзгаришларни кутиб қоламан.

#saylov2024
👉@bahodirahmedoff👈

Фирибгарликда айбланиб оқланган шахс

Урганч шаҳар ИИБ ҳузуридаги қўриқлаш бўлими 3-взвод ходими Бунёд Авезов жиноят ишлари бўйича Шовот туман судининг 2017 йил 6 февралдаги ҳукмига мувофиқ жиноий жавобгарликка тортилган эди.

Суд ҳукмида баён этилишича, О. Уллиевнинг “Хоразмавтотеххизмат” акциядорлик жамиятидан “Captiva S-6” русумли автомашина олмоқчи эканлигидан хабар топган Б. Авезов ва унинг ҳамкасби Р. Эгамбердиев харидорнинг маблағини қўлга киритмоқчи бўлишади.

Яъни улар аввалига О. Уллиевга ўзларининг жамият мансабдор шахслари билан яқин муносабатда эканликларини айтишади. Сўнгра 2 000 АҚШ доллари миқдоридаги манфаатдорлик эвазига автомашина сотиб олиш бўйича шартномани ҳал қилиб беришни билдиришади. Натижада 2016 йил 18 ноябрь куни улар “Туронбанк”нинг Урганч филиали халқаро пул ўтказиш шохобчасида О. Уллиевдан келишилган пулнинг 1 000 АҚШ долларини олаётган вақтда ушланган. Оқибатда иккала ходимга нисбатан жиноят иши қўзғатилган. Суд Бунёд Авезовни Жиноят кодексининг 168-моддаси 2-қисми “в” банди ва 28,211-моддаси 1-қисми билан айбдор деб топиб, кодекснинг 45 ва 59-моддалари тартибида унга нисбатан 2 йил муайян ҳуқуқдан маҳрум қилинган ҳолда 2 йил 1 ой муддатга озодликни чеклаш жазосини тайинлаган.

Судланувчининг бундан норози бўлиб ёзган кассация шикояти Хоразм вилояти суди томонидан қаноатлантирилмаган, суд ҳукми ўзгаришсиз қолдирилгач, Б. Авезов Олий судга мурожаат қилган.

Олий суд жиноят ишлари бўйича судлов ҳайъатининг 2021 йил 15 сентябрдаги ажрими билан вилоят суди кассация инстанциясининг 2019 йил 7 майдаги ажрими бекор қилиниб, жиноят иши апелляция инстанцияси судига янгидан кўриш учун юборилган.

Хоразм вилоят суди апелляция инстанциясининг 2021 йил 4 ноябрдаги ажрими билан эса, суд ҳукми ўзгартирилиб, Бунёд Авезовнинг жиноий ҳаракати Жиноят кодексининг 168-моддаси 2-қисми “в” бандидан, эски таҳрирдаги Жиноят кодекснинг 25,168-моддаси 2-қисми “в” бандига қайта малакаланган. Аниқроқ айтганда, собиқ ИИБ ходимига эски таҳрирдаги Жиноят кодексининг 25,168-моддаси 2-қисми “в” банди ва 28,211-моддаси 1-қисми билан тайинланган жазолар бекор қилиниб, у жавобгарликка тортиш муддати ўтиб кетганлиги сабабли кодекснинг 64-моддаси 1-қисми “б” банди тартибида жазо тайинланмасдан жазодан озод қилинган.

Аммо Бунёд Авезов ўзини айбсиз деб билар эди. Шу боис у ҳимоячилари билан бирга Хоразм вилоят судига тафтиш тартибида мурожаат қилди.

Хоразм вилоят судининг тафтиш инстанцияси бир неча асосларга таяниб, Бунёд Авезовни айбсиз деб топган ва оқлаган.

Батафсил

👉@bahodirahmedoff👈

Электрон овоз беришни биласизми?

Сайловга саноқли кунлар қолди. 27 октябрь куни юртимизда Қонунчилик палатаси ва маҳаллий Кенгашларга депутатларни сайлаймиз. Бу галги сайловларда технологиялар асосидаги янгиликлардан бири — электрон овоз бериш қурилмалари. Бундай қурилмалар сайловчиларга янги ва қулай имкониятлар тақдим этиши билан бирга, жараённинг янада шаффоф бўлишини таъминлаши айтиляпти.

Сайловчи электрон овоз беришни танласа, жараённи шу тарзда босқичма-босқич амалга ошириши керак:

1. Қурилма ёқилгандан кейин, сайловчи ўзига қулай тилни танлайди;
2. Сайловчи номзод ёки сиёсий партияни танлаш учун экрандаги кичкина бўш квадратни босади;
3. Барча тур бўйича овоз берилгандан сўнг, натижалар экранда кўринади ва принтердан квитанция чиқарилади;
4. Агар натижалар тўғри бўлса, сайловчи тасдиқлаш тугмасини босади ва квитанция қурилма қутисига тушади;
5. Мабодо хатолик бўлса, “бекор қилиш” тугмаси босилиб, овозлар қайта кўриб чиқилади.

Ана, тамом, шундай осон ва тезкор овоз берилади. Синаб кўриш керак экан бир)

👉@bahodirahmedoff👈

Темурийлар даври маликаси томонидан ёзилган Қуръон қўлёзмаси аниқланди

Ўзбекистондаги халқаро маданий мерос ҳафталиги доирасида бир қатор янгиликлар, кашфиётлар ҳам эълон қилинмоқда. Жумладан, мазкур ҳафталикда иштирок этаётган туркиялик тадқиқотчи, Истанбул университети профессори, доктор Эмек Ушенмез ҳам бир қатор янги лойиҳиларни илгари сурди. Шунингдек Э.Ушенмез Туркияда Амир Темур авлодидан бўлган малика Шодмалик Хотун қўли билан ёзилган Қуръони карим қўлёзмаси ҳақида маъруза қилди.

“Ушбу қўлёзма ҳижрий 871, милодий 1467 йилда кўчирилган, - дейди Эмек Ушенмез. - Қўлёзма қаерда кўчирилгани ҳозирча маълум эмас. У айни пайтда Истанбулдаги Турк ва ислом асарлари музейида сақланмоқда. Қўлёзманинг хотимасида араб тилида ушбу Қуръони карим Муҳаммад Султон мирзо қизи Шодмалик қўли билан кўчирилгани айтилган. Шунингдек, Шодмаликнинг отаси Муҳаммад Султон, бобоси Жаҳонгир, катта бобоси Амир Темур Кўрагон экани битилган.

Маълумки Амир Темур 1402 йилда усмонийлар султони Йилдирим Боязидга қарши жангда тўнғич набираси Муҳаммад Султонни ҳам ўзи билан олиб боради. Шахзода Амир Темурнинг катта фарзанди Жаҳонгир Мирзонинг ёлғиз ўғли бўлгани учун уни ўз тахтининг вориси сифатида кўрарди. Бироқ, Муҳаммад султон Анқара жангида оғир ярадор бўлади. 1403 йилда 28 йилда Афён-Қораҳисор вилояти яқинида вафот этади. Шахзоданинг жасади дастлаб Султонияда, кейинчалик Самарқандга келтириб дафн этилади.

Маълумотларга кўра, Муҳаммад Султондан 12 фарзанд қолган. Улардан бири Давлат Султондан дунёга келган қизи Шодмалик Султон эди.

Ушбу Қуръони карим нусхасидан маълум бўладики, Шодмалик Султон мазкур қўлёзмани ўз қўли билан ёзиб тугаллаган пайти 65-70 ёшлар оралиғида бўлган. Эътиборлиси, шу пайтга қадар темурий маликалар орасида Қуръони карим хаттотлиги билан шуғулланган аёллар ҳақида маълумот топилмаган. Бу қўлёзма нафақат диний-маърифий, балки тарихий нуқтаи назардан ҳам муҳим қўлёзма экани таъкидланмоқда.

“Адолат” партияси коррупцияга қарши курашиш бўйича қандай таклифлар берди?

19 октябрь куни сиёсий партиялар вакиллари иштирокида қизғин баҳс ва мунозараларга бой навбатдаги теледебатлар бўлиб ўтди.

“Адолат” СДП ва Экологик партия вакиллари ўртасидаги баҳс-мунозараларда қоррупцияга қарши кураш масаласи кўтарилди.

“Адолат” партияси вакили Г.Агзамова партия дастурида коррупцияга қарши янги чоралар киритилганини алоҳида қайд этди. Хусусан, коррупцион жиноятлар учун жавобгарликни кучайтириш, давлат хизматида манфаатлар тўқнашувининг олдини олиш мақсадида ротация тизимини жорий этиш партиянинг муҳим ташаббусларидан бири сифатида кўрсатилди.

Таҳлилларга кўра, ҳозирда коррупциянинг дунё миқёсидаги зарари 3 триллион АҚШ долларига яқин миқдорни ташкил қилмоқда.

Бу иллатни енгиш учун биринчи навбатда аҳолининг ҳуқуқий саводхонлигини ошириш, фуқаролик институтлари фаолиятини кучайтириш керак деб ҳисоблайман.

#saylov24
👉@bahodirahmedoff👈

ВКС орқали қатнашиш судга қатнашиш эмасми?

Ўтган хафта Андижон вилояти Избоскан туманида кўрилаётган бир жиноят иши юзасидан судда қатнашдик. Тошкентдан боришга улгурмаётганлигимиз сабабли олий суд томонидан яратиб берилган имкониятдан фойдаланиб видеоконференцалоқа орқали қатнашаётгандик.

Суд мажлиси пайтида сўзга чиққан гувоҳ кўрсатмалари бизга унчалик эшитилмади. Судьяга бу ҳақда билдиришимизга жавобан прокурор бизга қарата: шунинг учун келиш керак эдида шу ерга деб қолса.

Биз прокурор тартибга риоя қилмаганлиги учун расман огоҳлантириш бериш бўйича судга юзландик. Чунки ЖПК бўйича суд мажлиси кетаётганда прокурор ҳам суднинг рухсати билан гапириши керак. Бу масала майли энди...

Асосий масала прокурор келтирган эътирозга келсак, видеоконференцалоқа режимида қатнашиш бу ҳар қандай фуқаронинг ҳуқуқи. Суд агар ёпиқ бўлмаса бунга тўсқинлик йўқ қонунан.

ЖПК 19-модда
Судларда жиноят ишларини ошкора кўриш суднинг ташаббуси билан ёки жиноят процесси иштирокчиларининг илтимосномасига кўра аудио- ва видеоёзувдан фойдаланган ҳолда, шунингдек видеоконференцалоқа режимида ўтказилиши мумкин.

Худди шундай нормалар бошқа судларнинг ҳуқуқий асосларида ҳам келтирилган. ФПК 12-модда, ИПК 11-модда, МСИЮТК 13-модда, МЖТК 308-моддаларида видеоконференцалоқа режимида қатнашиш мумкинлиги белгиланган.

Шунинг учун бундай суд муҳокамаларига бевосита келишни (агар ўша маъмурий бирликда бўлмаса) ҳеч ким талаб қилишга ҳақли эмас. Бевосита қатнашиши шарт бўлган айрим ҳолатлардан ташқари.

👉@bahodirahmedoff👈

Ўзбекнинг ўзлигини, ўзига хос қадриятларини, маънавий қиёфасини акс эттирувчи она тилимиз халқимизнинг бебаҳо бойлигидир.

1989 йил 21 октябрда “Давлат тили ҳақида”ги қонун қабул қилиниб, ўзбек тилининг ҳуқуқий мақоми мустаҳкамланган. Билганингиздек, бугун, 21 октябрь — Ўзбек тили куни.

Бу кун муносабати билан "Миллий тикланиш" партияси видеоролик тақдим этди. Партия ўзбек тилининг мавқейини сақлаш учун кўп ишлар амалга оширишни режалаштирган. Бу мавзуда сайловолди дастурида ҳам қайд этган.

Мен ҳам давлат тилимизни сақлаб қолиш ва уни кенг тарқалиши тарафдориман.

#saylov24
👉@bahodirahmedoff👈

Кейинги ҳафта сайлов

Хабарингиз бор, 27 октябрь куни Қонунчилик палатаси ва маҳаллий кенгашлар сайлови бўлиб ўтади. Партиялар томонидан тарғибот ва ташвиқот ишлари жуда кенг миқёсда ўтказиляпти. Партия номзодларини танимаган инсон қолмади шекилли.

Биздан номзодларга овоз бериш қолди, холос.

Ҳа айтгандай, 16 октябрдан сайловга олдиндан овоз бериш ишлари амалга оширилмоқда. Бу эса 23 октябргача давом этади.

Юртимиз келажагига бефарқ бўлманг!

#saylov24
👉@bahodirahmedoff👈

Оилавий низоларнинг ишхонага алоқаси йўқ.

Баходир Ахмедов жуда тўғри айтибди. Эр ва хотиндан бири оилавий келишмовчилик сабаб иккинчисининг ишхонасига бориб шикоят қилса, бу ходимга интизомий чора кўришга ёки уни ишдан бўшатиб юборишга асос бўлмайди.

Ҳақиқатдан ҳам, кўпроқ давлат органларида ва ҳуқуқни муҳофаза қилиш органларида шунга ўхшаш ҳолатларга гувоҳ бўлганмиз. Ходимнинг устидан унинг хотини ёки эри шикоят қилиб келганида, "тепага чиқса ёмон бўлади, ёки буни тинчлантир, ё бўлмасам аризангни ёз" деб шарт қўядиганлар бор.

Мана бу видеотушунтириш 👇ўшандай раҳбарларга тегишли.

👉@yuristkadr

Алимоффдан янги видео. Дам олиш кунларингизда эрудиция учун шунақа видеолар ҳам кўриб туринг.

Тошкентдаги вабо исёни ҳақида кўп гапирилмаган ҳеч. Кўрамиз унда

https://youtu.be/rEF9tpaN_tk?si=GNDltUJ2G6vu9CHM