တကယ်တော့ မအလစစ်တပ်ဟာ အကြမ်းဖက်ဆိုခြင်းထက် အဆများစွာသာလွန်တဲ့ မိစ္ဆာအဖွဲ့ ဖြစ်နေပါပြီ။ ကိုယ်တိုင်လည်း ကြုံတွေ့ခဲ့ရဖူးပါတယ်။ အလွန်ပင်ရိုင်းပြတဲ့ စစ်မိစ္ဆာကောင်တွေပဲဖြစ်ပါတယ်။
လွန်ခဲ့သည့်ရက်ပိုင်းက ဘုတလင်ဒေသအတွင်း တော်လှန်ရေးတပ်ဖွဲ့များက စစ်ကောင်စီစစ်ကြောင်းတကြောင်းလုံး ကုန်စင်သည်အထိ ချေမှုန်းနိုင်ခဲ့ကြတယ်။
ထိုအတွက် စစ်ကောင်စီက ပြန်လည်စစ်ကြောင်းထိုးတယ်။ မုံရွာမြို့ နမခစစ်ဌာနချုပ်က ထွက်ခွာခဲ့တဲ့စစ်ကြောင်းလို့ဆိုတယ်၊၊
ဘုတင်လင်မြို့အရောက် မြို့တွင်းသေနတ်ပစ်ဖောက် ရမ်းကားကြတယ်။ မြို့ခံများအားလုံး ထွက်ပြေးကြရတယ်။ ဒါပေမယ့် စစ်တပ်ထောက်ခံ မိသားစုတစုကတော့ ထွက်ပြေးခြင်းမပြုလုပ်ခဲ့ဘူး။ ၎င်းတို့ကို မအလတပ်က ထိခိုက်မှုဖြစ်တဲ့အထိ မပြုလုပ်နိုင်ယူဆခဲ့ကြဟန်ရှိပါတယ်။
ထိုအိမ်တွင်းကိုဝင်ပြီး ပစ္စည်းများကိုဖျက်စီးတယ်။ ထိုမိသားစုမှ လူမမယ်ကလေး (၄) နှစ်သမီးအရွယ်ကို မြေကိုင်ပေါက် သတ်ဖြတ်တယ်။ ကျန်မိသားစုဝင် (၅) ဦးကိုလည်း နေအိမ်တွင်းမှာပဲ သတ်ဖြတ်ထားခဲ့တယ်။
ထိုစစ်ကောင်စီစစ်ကြောင်းမှာ သူ့လူကိုယ့်လူမသိ လူသတ်ခြင်းပြုလုပ်ဖိူ့ အဓိကအမိန့် ပါလာပုံရှိပါတယ်။
ထိုနောက် စစ်ကြောင်းထိုးလျှက် မောင်းထောင်ရွာနှင့် မနီးမဝေးက စီပါရွာကိုရောက်တယ်။ စီပါရွာပင်မက အခြားသော ကျေးရွာ (၆) ရွာခန့်ကပင် ကြိုတင်ထွက်ပြေးနေကြရတဲ့အတွက် ကျေးရွာများအတွင်း ရွာသားတွေမရှိဘူး။ မပြေးနိုင်တဲ့သက်ကြီးရွယ်အိုများသာလျှင် အိမ်စောင့်ကျန်ရစ်ခဲ့ကြတယ်။
လူသတ်အမိန့်ကို တရားဝင်ရရှိထားတဲ့အတွက် လူသတ်ဖို့သည် ၎င်းစစ်ကြောင်းအဖို့ အဓိကဖြစ်တယ်။
ဒါကြောင့် အသက် (၈၀) ကျော် အဖိုးအိုကိုပင် ခေါင်းဖြတ်သတ်ခဲ့တတယ်။ စိတ်မနှံ့တဲ့ ဘုန်းကြီးကပ္ပိယကို အူကလီစာထုတ်သတ်တယ်။
အခြားနယ်များတွင်လည်း ဘုတလင်နည်းတူ ၎င်းတို့ကိုတိုက်ခိုက်ခဲ့လျှင် စီပါကဲ့သို့ ခံစားရမယ်ဆိုတဲ့ မြင်ကွင်းကို ပြသလိုကြခြင်းပဲ။ ဒါပေမယ့် ပြည်သူရွံမုန်းမှုကိုသာလျှင် ရရှိသွားတယ်။ စစ်တပ်ထောက်ခံသူများ၏အမုန်းကိုပင် ရရှိသွားကြပြီဖြစ်တယ်။
မူးယစ်ဆေးဝါးသုံးစွဲထား၍ဆိုခြင်းဟာ မှန်ကန်ကောင်းမှန်ကန်နိုင်ပေမယ့် ၎င်းတို့စစ်ဗိုလ်ချုပ်တွေကိုယ်တိုင် အမိန့်ပေးစေခိုင်းခြင်းကြာင့်ဖြစ်တယ်။ အစိုးရတရပ်အဖြစ် ပုံဖော်လိုချင်တဲ့ စစ်ကောင်စီဟာ နောက်ကွယ်မှာ ပြည်သူကိုနေ့စဉ်အလားတူသတ်ဖြတ်နေတာပါ။
မီဒီယာပေါ်ရောက်ရှိမလာတဲ့ လူသတ်မှုတွေ နေ့စဉ်ထုနဲ့ဒေးရှိပါတယ်။ စီပါဖြစ်စဉ်မျိုးများ နေ့စဉ်ရှိနေတယ်ဆိုတာပါပဲ။
Sar K ✍️
https://t.me/htookhantzawmothersson
t.me/generationz122021 💬
#htookhantzaw/အမေ့သား