Taomlanish ilmi

Bugun 21-oktyabr, oʻzimizning til — Oʻzbek tili bayrami kuni.

OʻZBEK TILI

Koʻksim ichra bir sharor oʻzbek tili,
Etgay olamni bahor oʻzbek tili.

Sochgay ochunga goʻzal chechaklarin,
Yogʻsa ham boshida qor, oʻzbek tili.

Bitta turkiy til daraxtin shoxlari – 
Turk, qozoq, qirgʻiz, totor, oʻzbek tili.

Soʻz bitiktoshlarda or-nomus boʻlib,
Toshni ham soʻylatdi zor oʻzbek tili.

Qoldi Yofasdan aziz yodgor boʻlib,
Parchalanmas bir diyor –  oʻzbek tili!

Tutma pinhon: olam ichra boʻldi goh,
Doʻstga zor, dushmanga xor oʻzbek tili.

Necha imlo oʻzani oʻzgardi-yu,
Oqdi mangulikka yor oʻzbek tili.

Doʻst bu tilni bemalol oʻrgangusi,
Yovni etgay toru mor oʻzbek tili.

Yassaviy, Bobur, Alisher, Mashrabing
Topdi sen deb eʼtibor, oʻzbek tili!

Qaysi tilkim, boʻlsa Haqning zikrida,
Ul lisonga Tangri yor, oʻzbek tili!

Yashna, ey dil, bu jahon chiltorida,
Hech uzilmas bitta tor –  oʻzbek tili!

Toki olam barqarordir, to abad,
Olam ichra barqaror oʻzbek tili!
@M_Kenjabek she’ri.

@doctorferuz

28. XOTIRANI MUSTAHKAMLASH uchun retsept:

— Yongʻoqlar (har qanday turi) yeyish kerak. Bosh miyani asosini yogʻlar tashkil qiladi, yongʻoqlarda esa aynan shu turdagi foydali yogʻlar bor.
— Kunda 1-2 ta meva yeyish kerak. Tarkibidagi vitaminlar neyronlarni stabil ishlashi uchun muhim.
— Qattiq non yeb turish kerak (agar tishlar butun boʻlsa, yeya olsangiz). Jagʻni qisqa-qisqa, keskin va qattiq harakatlari bosh miyada qon aylanishini yaxshilaydi.
— Miya “mushaklari”ga mashq qilish kerak — oʻqish, masalalar yechish, krossvord va sudokularni ishlash, she’r va tez aytishlarni yodlash bilan boʻladi.

@taomlanish_ilmi

Barcha ustozlarimni menga oʻrgatgan har bir harfi uchun minnatdorman! Sizlar sabab dunyo oʻz oʻrnida, yorugʻ va rang-barang… Sizlarni yaxshi koʻraman! Dard koʻrmang!

@doctorferuz

27. PROSTATA ADENOMASI muolajasi.
Retsept:

— Pomidor kunda kamida 1 dona yeyish (sokini chiqarib ichish ham yaxshi). Tarkibidagi likopin moddasi davolaydi.
— Zigʻir urugʻini yanchib (maydalab, un holatiga keltirib) kunda 1-2 osh qoshiqdan, kunni xohlagan vaqtida yeyish kerak.

@taomlanish_ilmi

26. STRESS gormonini (kortizol) me’yoriga keltirish muolajasi.
Retsept:

— Sogʻlom uyqu (tunda 6 yoki 7,5 soat uxlang);
— Nimalarnidir ustida ishlang, masalan biror narsa yasash mumkin;
— Kunda 20-30 daqiqa mashq qilishga odatlaning, bu kortizolni parchalaydi;
— O'zingiz yoqtirgan ishga (hobby) vaqt ajratib turing;
— Tabiat qoʻynida sayr qiling, piyoda yuring;
— Tez-tez tabassum qilib turing, oynaga qarab tirjaying.

@taomlanish_ilmi

25. ANJIR foydalari

Bu meva tarkibida inson tanasi uchun kerakli vitamin va minerallar mavjud. Yana eng muhim moddalardan biri — kletchatkaga boy. 100 gramm anjirda 18 gramm kletchatka bor. Agar 300 gramm anjir yesangiz, kunlik kletchatkaga boʻlgan ehtiyojni qondirgan boʻlasiz.

”Anjir bilan qasam va zaytun bilan qasam." (Qur’on: At-Tiyn, 1-oyat)

@taomlanish_ilmi

24. YOGʻLI GEPATOZ (jigarning alkogolsiz yogʻli distrofiyasi) muolajasi.
Retsept:

— Yetarlicha suyuqlik iching (kunda 1,5 l).
— Pomidorni kunda 1-2 dona iste’mol qiling. Tarkibidagi likopin moddasi jigar hujayralarini zararlanishidan himoya qiladi.
— Kunda 2-3 chashka (125 ml’lik) kofe iching. Gepatoprotektor xususiyati bor.
— Kletchatkaga boy mahsulotlarni iste’mol qiling. Bu jigarga tushadigan yuklamani kamaytiradi.
— Ortiqcha vazn boʻlsa ozish kerak! Busiz yogʻli gepatozni bartaraf qilish ilojsiz.
👉 Jigar haqida bepul dars

@taomlanish_ilmi

23. Homilador ayollar mevalarni ichida nok va behini tanlagani yaxshi.

Sababi bu mevalarni tarkibida kletchatkasi nisbatan koʻpligi uchun homiladorlikdagi qabziyatni ketkazadi.

@taomlanish_ilmi

22. QON BOSIMINI KOʻTARISH (Gipotoniya) muolajasi.
Retsept:

— Kunda har 1 kg tana vaznga 30 ml suv ichish kerak (kamida). Hisoblash uchun tana vazningizni 30 ga koʻpaytirasiz. Masalan: vazn 70 kg boʻlsa, 70x30=2100 ml (2 litr)
— Kunda har 1 kg tana vazniga 1,2 gr oqsil yeyish kerak (kamida). Hisoblash: 70x1,2=84 gramm.
— Salatlarga (taomga ham) tuzni biroz koʻproq solib yeyish kerak. Tuzdan qoʻrqmaslik kerak va uni 10 grammgacha yesa boʻladi.

@taomlanish_ilmi

21. ANOR foydalari

— Yalligʻlanishga qarshi kuchli taʼsirga ega, chunki antioksidantlarga boy.
— Saraton hujayralarini hosil boʻlishiga qarshilik qilib, hatto oʻldiradi. Sut bezi rakida tavsiya qilingan!
— Qon bosimini tushiradi. Tajribada, har kuni 150 ml anor sharbati ichilganda, 2 hafta oʻtib qon bosimi pasaygan.
— Aterosklerozni oldini oladi. Uni davolashda, har kuni 100 ml anor sharbati isteʼmol qilish kerak.
— Erkaklar salomatligida juda muhim bo'lib, jinsiy quvvatni yaxshigina oshiradi.

@taomlanish_ilmi

20. Kuz faslida yeyish kerak boʻlgan eng yaxshi mevalar — aynan shu faslda pishadiganlar: xurmo, behi, uzum…

Mevalarga toʻyib olish kerak!

@taomlanish_ilmi

Immunitet haqida siz bilishingiz kerak boʻlgan muhim gaplar…
1,5X tezlikda eshitish mumkin.

— kayfiyatni ta’siri bormi?
— immunitetni mustahkamlashda qanday odatlar muhim?
— qaysi mahsulotlar immunitetni koʻtaradi?
Shu kabi savollarga javob olasiz.

Yaqinlaringizga ulashing!

@doctorferuz

19. “Suv yoki choy ichgim kelmaydi, uncha-munchaga chanqamayman, sababini bilmayman” deb murojaat qiladiganlarni koʻpi bilan gaplashib koʻrdim.

Ma’lum boʻlishicha, ular odatda gazli/gazsiz shirin ichimliklarni (napitok’lar) koʻp ichishar ekan.

Xulosa oʻzingizdan.

@taomlanish_ilmi

18. Kunda 100 gramm UKROP yeyish — organizmda temir (Fe) elementini kunlik ehtiyojini qondiradi. Bu bilan kamqonlikni (anemiya) oldini olish va agar anemiya boʻlsa uni davolash mumkin.

Temirga kunlik ehtiyoj:
Erkaklarga — 10 mg
Ayollarga — 15 mg

@taomlanish_ilmi

17. Goʻshtni KOʻKATLAR bilan birga yeyishga sabab

Har qanday goʻsht, hatto tabiiysi ham kolorektal saraton (yoʻgʻon ichak va toʻgʻri ichak oʻsma kasalligi) rivojlanishiga sabab boʻlishi mumkin. Xalqaro Saraton tadqiqotlari agentligi (XSTA) bundan ogohlantiradi!

Bunga asosiy sabab goʻshtga qizil rang beruvchi pigment — gem moddasidir. Gemni zararli ta’siridan himoya qiluvchi modda — yashil rangli xlorofill pigmentidir. U yashil rangga ega oʻsimliklarda koʻp miqdorda boʻladi.

«Qizilni yashil yengishi» taʼsiri Gollandiya olimlari tomonidan 9 yil davomida 120 ming kishini kuzatgan tadqiqoti bilan tasdiqlangan. Demak, goʻsht va goʻshtli taomlar bilan doim yashil rangli koʻkatlar isteʼmol qilish kerak.

@taomlanish_ilmi

16. JIGAR salomatligi uchun

Oshqovoqni turli koʻrinishlarda: somsa, manti, shirguruchga solib, oʻzini duxovkada pishirib, turli salatlarga qoʻshib isteʼmol qilsa boʻladi. Hattoki uni bir yoshgacha boʻlgan bolalarga pishirib, ezib berish mumkin.

Oshqovoq tarkibida kuchli antioksidant — flavanoidlar judayam koʻp. Bu moddalar jigar hujayralarini turli toksinlardan himoya qiladi va tiklaydi.

@taomlanish_ilmi

15. SHAMOLLAGANDA eng yaxshi ichimliklardan biri — na’matak damlamasi hisoblanadi. Bu ham immunitetni mustahkamlaydi.

Tayyorlanishi: 4-5 osh qoshiq quruq mevasini (ikkiga boʻlib) 1 litr suvga solinadi va bir qaynab chiqqandan keyin oʻchirilib, damlab qoʻyiladi. Tabga koʻra asal qoʻshish mumkin.

@taomlanish_ilmi

14. Behi yeyish yurak xastaligini ketkazadi. (Taomlanishda nabaviy tavsiyalardan)

@taomlanish_ilmi

13. UZOQ VAQT OʻTIRISH — chanoq sohasida va oyoqlarda qon aylanishini buzilishiga olib keladi.

Bu esa kichik chanoq sohasi va oyoqlarda varikoz rivojlanishiga, shu soha a’zolarida (jinsiy a’zolar, yoʻgʻon ichakni oxirigi 2 ta qismi) qon aylanishini buzilishiga sabab boʻladi.

Doim oʻtirib ishlaydiganlar har soatda bir marta oʻrnidan turib, biroz aylanib kelish tavsiya qilinadi.

@taomlanish_ilmi