በእውነት ረዳቴ ቅዱስ ሚካኤል ሆይ እኔን አገልጋይህን ከሞት ኃጢአት አድነኝ ያለመጠራጠር አንተን ያመነ ሁሉ የፈለገውን ሳያገኝ ተስፋ በመቁረጥ አዝኖ ተክዞ የሄደ የለምና በጠላቶቼ እንዳልበዘበዝ ከኔ ሳትለይ ጠብቀኝ ።
የተቸገሩትን የተጨነቁትን ዘወትር እንደምትረዳቸው ሁሉ እኔንም ለመርዳት ክንፍህን ዘርግተህ ፈጥነህ ድረስልኝ እግሮቼን ከስህተት ጎዳና ጠብቀህ ወደ ጽድቅ ጎዳና መርተኸኝ የሕይወትን ፍሬ ለመብላት አብቃኝ።
ልመናዬን በማቀርብበት ጊዜ ሁሉ መጭውን ዘመኔን በክንፈ ረድኤትህ ተንከባክበህ በቸርነትህ ጌጥ አስጊጠኝ ።
በጠላት ተማርከው ለሚጨነቁትና ለሚሰቃዩትም ፈጥነህ ድረስላቸዉ የረድኤትህን ኃይይልም ከኔ አታርቅ ።
ለፍጥረታት ሁሉ የምትረዳና የምታዝን የምሕረትና የሰላም መልአክ ሆይ ለኢትዮጵያ ሰላም ፣ ፍቅር ፣ አንድነት ፣ መተሳሰብ ለህዝቦቿ ስጥልን ።
የመልአኩ የቅዱስ ሚካኤል ምልጃውና ረድኤቱ ጥበቃው አይለየን አሜን ! ❤️🙏🏻
#Share
💚 @orthodox_photo💚
💛 @orthodox_photo💛
❤️ @orthodox_photo❤️