МАҲАЛЛА ЕТТИЛИГИ РАСМИЙ | MAHALLA YETTILIGI RASMIY

#Диққат
#Тарқатинг
#юристдан

КЕКСА ЁШДАГИ ШАХСЛАРГА БЕРИЛГАН АЙРИМ ИМТИЁЗЛАР

Президентнинг 2022 йилдаги 167-сон қарорига асосан;

ўзгалар парваришига муҳтож ёлғиз кексалар ва ёлғиз яшайдиган кексалар ҳар йили бир маротаба санаторийларда бепул соғломлаштирилади;

шароити оғир ва кам таъминланган кексаларга рецептга асосан 3 ойлик эҳтиёж асосида дорилар, тиббий ва махсус протез-ортопедия мосламалари олиб берилади ҳамда жарроҳлик амалиётларининг харажатлари қопланади;

оғир ташхисли касал ҳамда ногирон кексаларга шифокорлар рецептларига мувофиқ, 3 ойлик эҳтиёждан келиб чиқиб дори воситаларининг 50 фоизигача суммаси компенсация қилинади;

кексаларнинг жисмоний тарбия ва спорт билан шуғулланишлари учун абонемент харажатлари қопланади;

давлат театрлари ва музейларига кексалар учун чипта нархлари тўлиқ қоплаб берилади.

@Mahalla_Raisi

#Диққат
#Тарқатинг

Маҳалла раиси тегишли ҳудудда жойлашган давлат органлари ва ташкилотлари мансабдор шахсларига уларнинг ваколатларига кирадиган масалалар юзасидан асослантирилган тушунтириш бериш ёки ўз нуқтаи назарини баён қилиш талаби билан сўров юборишга ҳақли.

Маҳалла раиси сўрови қайси мансабдор шахс номига юборилган бўлса, жавоб хати ўша мансабдор шахс ёки унинг вазифасини бажарувчи томонидан имзоланади ва сўров олинган кундан бошлаб ўн беш кундан кечиктирмай, сўралган барча ҳужжатларни илова қилган ҳолда фуқаролар йиғини раисига юборилади.

@Mahalla_Raisi

#Диққат
#Тарқатинг

Шавкат Мирзиёев БРИКС саммитида иштирок этади

Шавкат Мирзиёев Россия Федерацияси Президенти Владимир Путиннинг таклифига биноан 23-24 октябрь кунлари БРИКС бирлашмаси давлатларининг саммитида иштирок этиш учун амалий ташриф билан Қозон шаҳрида бўлади. Ўзбекистон Республикаси Президенти Россия томони раислигида ўтказиладиган “БРИКС плюс” форматидаги ялпи сессияда нутқ сўзлайди.

@Mahalla_Raisi

#Диққат
#Тарқатинг

Қўшработда икки қаватли уй портлади. Бир оиланинг 4 аъзоси ҳалок бўлган

Ҳодиса бугун эрта тонгда Қўшработ туманининг Мустақиллик маҳалласида жойлашган кўп қаватли уйларнинг хонадонларидан бирида содир бўлган. Оқибатда эр-хотин ва уларнинг ўғли ва қизи вафот этган. Портлашга газ сабаб бўлгани айтилмоқда. Қўшниларга кўра, портлашдан сўнг хонадонда ёнғин ҳам келиб чиққан.

https://kun.uz/kr/15645132

@Mahalla_Raisi

#Диққат
#Тарқатинг

4 та вазирликнинг 160 нафар ходими тадбиркорлик билан шуғулланаётгани аниқланди

Коррупцияга қарши курашиш агентлиги Экология, Тоғ-кон саноати ва геология, Олий таълим, фан ва инновациялар, Энергетика вазирликларининг 160 нафар бошқарув ходими 170 та тадбиркорлик субъектида таъсисчилик асосида фаолият юритаётганини маълум қилди.

@Mahalla_Raisi

#Диққат
#Тарқатинг

Ўзбекистонда мавжуд барча вазирликларнинг ишонч рақамлари:

🔷 Мактабгача ва мактаб таълими вазирлиги +99871 202-09-09
🔷 Экология вазирлиги +99871 207-11-07
🔷 Бандлик вазирлиги +99871 203-01-41
🔷 Ички ишлар вазирлиги 1102
🔷 Қурилиш вазирлиги 1298
🔷 Сув хўжалиги вазирлиги +99871 202-47-00
🔷 Ёшлар сиёсати ва спорт вазирлиги +99871 239-24-52
🔷 Ташқи ишлар вазирлиги +99871 233-28-28
🔷 Қишлоқ хўжалиги вазирлиги 1243
🔷 Фавқулодда вазиятлар вазирлиги 1101
🔷 Соғлиқни сақлаш вазирлиги 1003
🔷 Энергетика вазирлиги +99871 231-81-18
🔷 Мудофаа вазирлиги +99871 269-81-72
🔷 Олий таълим, фан ва инновациялар вазирлиги 1006
🔷 Иқтисодиёт ва молия вазирлиги 01115
🔷 Транспорт вазирлиги 1167
🔷 Адлия вазирлиги 1008
🔷 Рақамли технологиялар вазирлиги 1199
🔷 Маданият вазирлиги +99855 502-33-75
🔷 Тоғ-кон саноати ва геология вазирлиги +99871 256-52-90
🔷 Инвестициялар, саноат ва савдо вазирлиги +99871 238-50-05

@Mahalla_Raisi

#Диққат
#Тарқатинг

Болаларга нисбатан оилавий (маиший) зўравонлик содир этганлик учун жавобгарлик белгиланди

Президент томонидан имзоланган Қонун билан Жиноят кодексига ва Маъмурий жавобгарлик тўғрисидаги кодексига болаларга нисбатан оилавий зўравонлик содир этганлик учун жавобгарликни назарда тутувчи ўзгартиришлар киритилмоқда.

Шунингдек, Жиноят-процессуал кодексига оилавий (маиший) зўравонлик билан боғлиқ ишлар юзасидан ярашув тўғрисидаги ариза фақат суд муҳокамаси босқичида берилиши мумкинлиги белгиланмоқда.

@Mahalla_Raisi

#Диққат
#Тарқатинг
#юристдан

АВВАЛ СУБСИДИЯДАН ФОЙДАЛАНИБ УЙ-ЖОЙ ОЛГАН ОИЛА ЯНА СУБСИДИЯ БИЛАН УЙ ОЛСА БЎЛАДИМИ ?

САВОЛ;
Биз олдин хам субсидия орқали уй-жой олганмиз лекин, аввалги олган уйимизни сотиб юборган эдик. Ҳозирги кунда уй-жой учун бериладиган субсидиядан фойдаланиб яна уй олишимиз мумкинми ?

ЖАВОБ;
Вазирлар Маҳкамасининг 182-сон қарори билан тасдиқланган низомнинг 34-бандида, фуқароларга уй-жой учун субсидия ажратилишининг рад этиш сабаблари кўрсатилган бўлиб, унга кўра, илгари шаҳар ва қишлоқ жойларда арзон уй-жой қуриш дастурлари доирасида имтиёзли ипотека кредитларидан фойдаланган ҳолда квартира ёки якка тартибдаги уй-жой ҳамда субсидия олган (аввал олинган уй-жой бошқа шахсга бегоналаштириб юборилган тақдирда ҳам) оила аъзолари (эри, хотини) такрорий мурожаат этганда ариза рад қилинади деб кўрсатилган.

Бундан тушуниш мумкинки, агар илгари субсидиядан фойдаланиб уй-жой олган бўлсаларинг эндиликда бундай имкониятдан фойдалана олмайсизлар. Бу нормада бўшлиқ йўқ. Яъни, ҳар қанақасига хам бир марта субсидия билан уй олган оила иккинчи бор яна шундай қилолмайди. Биринчи олган уйингиз эрингизни номига олинган бўлса хам, агар эр ўзингиз бўлсангиз хотинингизни номига олинган бўлса хам, у уйни яшаш шароити бўлмаса хам, уйни шартномадаги кредит тўловчисини ўзгартириб юборган тақдирингизда хам ёки уй олганингиздан бери орадан анча вақт ўтиб кетган бўлса хам ё бўлмаса — "Тақдир экан яхши эга бўлолмадим, тўлар эдим пул бўлмади тўлолмадим" деб, кредитини тўлашга қийналиб у уйни қандайдир хужжатлар билан бошқа одамга сотиб юборган тақдирингизда хам такроран субсидияли уй ололмайсиз.

@Mahalla_Raisi

#Диққат
#Тарқатинг

Президент Тошкентда кучли ёмғирдан кейин дренаж тизимини танқид қилди

Муаммони ҳал этиш учун пойтахтда дренаж тизимини қуриш бўйича дастур ишлаб чиқиш вазифаси қўйилди.

@Mahalla_Raisi

#Диққат
#Тарқатинг

Коллежлар тўлиқ тугатилиб, техникумлар тармоғи ташкил этилади

Президент Фармони (ПФ-158-сон, 16.10.2024 й.) қабул қилинди.

Фармонга кўра, касбий таълим ташкилотларининг амалдаги турлари мақбуллаштирилиб, касбий таълимнинг барча даражалари бўйича кадрлар тайёрлайдиган ягона техникумлар тармоғи ташкил этилади.

@Mahalla_Raisi

#Диққат
#Тарқатинг

Боқувчиси бўлмаган хотин-қизларнинг уй-жойини таъмирлаш учун уларга 11,250,000 сўмгача маблағ ажратилиши мумкин

Вазирлар Маҳкамасининг 145-сон қарори билан тасдиқланган низомда, «Аёллар дафтари»га киритилган хотин-қизларни қўллаб-қувватлашнинг бир нечта йўналишлари кўрсатилган бўлиб, унга кўра боқувчиси бўлмаган эҳтиёжманд хотин-қизлар учун зарур ҳолларда:

Сектор раҳбари хулосаси асосида оғир турмуш шароитидаги (уй-жойи таъмирлашга муҳтож, бироқ оиласининг моддий имконияти етмайдиган) хотин-қизларнинг уй-жойини таъмирлаш ишлари олиб борилиши кўрсатилган.

 Қарорда хар бир уй-жойни таъмирлаш ишларига «Аёллар дафтари» жамғармаси ҳисобидан базавий ҳисоблаш миқдорининг 30 баравари (11,250,000 сўм)гача миқдорда маблағ ажратилиши белгиланган.

@Mahalla_Raisi

#Диққат
#Тарқатинг

Тошкентда 4 кун кетма-кет ёмғир ёғиши кутилмоқда

Синоптиклар келаси ҳафта бошидан ёмғир ёғишини, кечаси эса ҳаво ҳарорати 1°C гача тушишини тахмин қилмоқда. 

Яқинларингизни совуқ ҳавога тайёр бўлишлари ҳақида огоҳлантиринг.

@Mahalla_Raisi

#Диққат
#Тарқатинг

Ўзбекистонда пора олиш камайиб, бюджетни талон-тарож қилиш кўпайибди

Ўзбекистонда мансабдор шахсларнинг пора бериш ва пора олиш жинояти камайган. Аммо бюджет пулларини талон-тарож қилиш, мансаб ваколатини суиистеъмол қилиш каби коррупцион жиноятлар кўпайган. Акмал Бурхановга кўра, жавобгарликни оғирлаштиришга қаратилган қонун лойиҳаси ишлаб чиқилмоқда.

@Mahalla_Raisi

#Диққат
#Тарқатинг
#мулоҳаза_учун

Ҳар ерни қилма орзу, ҳар ерда бордир тошу тарозу.

Так что ўйлаб кўриладиган ролик.

@Mahalla_Raisi

#Диққат
#Тарқатинг
#жиноят

“Кўмир таъминот” МЧЖнинг Узун тумани омбори мудири Э.Р., туман аҳолиси ва тумандаги ижтимоий соҳа объектларини иситиш учун олиб келинган умумий баҳоси 447 млн сўм бўлган жами 1470 тонна кўмирни сотиб юбориб талон-тарож қилганлиги аниқланди.

@Mahalla_Raisi

#Диққат
#Тарқатинг

Октябрь-ноябрь ойларида маҳаллаларда 40 миллион дона манзарали ва мевали дарахт янги тизим асосида экилиши белгиланди.

“Маҳалла еттилиги” ҳар бир маҳаллада 30 тадан камбағал оила хонадонига 20 тупдан, 20 минг якка ёлғиз кексалар хонадонига 10 тупдан мевали дарахтлар тарқатади. Шунингдек, еттилик ўзига бириктирилган кўчаларда жами 6 миллион дона манзарали дарахт, кўчалар, уйлар, кўп қаватли уйлар атрофига жами 3 миллион мевали ва манзарали дарахт экишни ташкиллаштириши муҳимлиги қайд этилди.

Таълим тизими раҳбарларига 20 мингдан зиёд боғча, мактаб, олийгоҳ ва шифохоналар ҳудудида 2,5 миллион дона кўчат экишни ташкил қилиш топширилди. Ёшлар ишлари агентлиги 155 минг ёшларга бўлиб берилган 60 минг гектар ерда жами 1,5 миллионта мевали дарахт экишга кўмаклашади.

Барча маҳаллаларда кўчат ярмаркасини ташкил қилиб, 30 миллионта кўчат етказиб бериш муҳимлиги таъкидланди.

Телевидение, радио, газета ва ижтимоий тармоқларда дарахт экиш нуронийлар, маҳалла фаоллари, жамоат арбоблари, санъаткор ва спортчилар иштирокида кенг тарғиб қилинса, ишларнинг самараси бундан-да юқори бўлиши таъкидланди.

Президентимиз аҳолини дарахт экишга жалб қилиш бўйича яхши тажрибалар кўпаяётганини қайд этиб, тўлов ташкилотлари ва электрон савдо платформаларининг бундай лойиҳаларини қўллаб-қувватлаш зарурлигига эътибор қаратди.

@Mahalla_Raisi

#Диққат
#Тарқатинг

Уйингизга номаълум кишилар "прописка"га қўйиб олган бўлса, нима қилишни биласизми?

Қонунчиликка кўра, Давлат хизматлари марказлари ва Ягона интерактив давлат хизматлари портал (my.gov.uz) орқали "доимий яшаш жойида рўйхатдан ўтиб яшовчилар тўғрисида маълумотнома олиш ва уни тўғрилаш" каби давлат хизматини кўрсатиш йўлга қўйилган. 

Уйингизда кимлар рўйхатда турганини билиш учун тегишли ташкилотга вақт йўқотиб ва овора бўлиб бориш шарт эмас.

Бунинг учун, my.gov.uz сайтига кириб, "Шахсий кабинет"га ўтиш ва "Фуқаролик" бўлимини танлаш, сўнг “Доимий яшаш жойида яшовчилар рўйхатини тўғрилатиш учун сўров юбориш” тугмасини босиш керак.

Агар хонадонингизда нотаниш шахслар рўйхатга олинганини аниқласангиз, шу жойнинг ўзидаёқ ўчиришга электрон мурожаат юборишингиз мумкин.

@Mahalla_Raisi

#Диққат
#Тарқатинг
#хотин_қизлар
#тайинлов

Усманова Камола Зойирқуловна Оҳангарон шаҳар ҳокими ўринбосари — оила ва хотин-қизлар бўлими бошлиғи лавозимига тайинланди.

@Mahalla_Raisi

120 миллион сўм кредит олиб уйини таъмирламоқчи бўлганлар маҳалла еттилиги тавсияси асосида кредит олишлари мумкин.

Кредит Микрокредит банк томонидан берилади.

@Mahalla_Raisi