Кушербаевга мурожаат

@kusherbayevga_murojaat

Расул Кушербаевга йўлланадиган мурожаатлар учун очилган махсус канал.

Мурожаат йўллаш тартиби:👇 https://t.me/Kusherbayevga_murojaat/16

Алоқа: @Kusherbayevga_murojaatbot

Кушербаевга мурожаат

22 Oct, 09:28

Aholi "raygaz" va tadbirkor o‘rtasida tabiiy gazsiz qolmoqda➖Marhamat

Assalomu alaykum!

Marhamat tumani, Ming tepa MFY, Navbahor ko‘chasi 10ta xonadon aholisi 15-avgust kunidan buyon tabiiy gaz tarmog‘idan sababsiz uzib qo‘yilgan.

Avvaliga tadbirkor qurilish boshlashiga xalal berdi, 3 kunda qayta ulaymiz deyishdi. Оradan 1 oy o‘tib ulashdida ertasi kuni yanauzib qo‘yishdi.

Tumangaz injeneri ham, rahbari ham tadbirkor bilan kelishib olinglar, keyin ulab beramiz deyishdan nariga o‘tmaydi.

Aholi "raygaz" va tadbirkor o‘rtasida tabiiy gazsiz qolmoqda. Nazoratga oladigan MARD topilsa, zora gazimiz yonib, uylarimizni isib qolardi!

Bir guruh aholi

👉 @Kusherbayevga_murojaat

1,758

Кушербаевга мурожаат

21 Oct, 06:50

Маҳалла ҳам, ҳокимият ҳам ҳолатни билади, лекин жим кузатишади➖Чиноз

Мурожаатчи: Неча йилдан бери аҳвол шу. Ёмғир ёғса бўлди, кўчалардан юриб бўлмай қолади. Ҳаммаёқ лой бўлиб кетади.

Маҳалла ҳам, ҳокимият ҳам сектор ҳам ҳолатни билади, лекин жим кузатишади.

Суратда Тошкент вилояти, Чиноз тумани, Самарқанд маҳалласи, Тантана кўчаси.

👉 @Kusherbayevga_murojaat

2,765

Кушербаевга мурожаат

21 Oct, 05:18

Yozda yopilgan avtomaktablar haligacha ochilmayapti➖Nukus

Assalomu alaykum!

Men hozirda Qoraqalpoq davlat universiteti Yuridik fakulteti talabasiman.

Sizga murojaat qilishimning sababi, haydovchilik guvohnomasi olish masalasi boʻyicha edi. Yozda yopilgan avtomaktablar haligacha ochilmayapti.

Buning sababi nimada ekanligini biron bir maʼsul tashkilot hali chiqib munosabat bildirganini koʻrmadim.

Sizdan iltimos shu masalani yechim topishiga yordam bersangiz.

Azizbek Urolov

👉 @Kusherbayevga_murojaat

2,719

Кушербаевга мурожаат

19 Oct, 13:49

Yomg‘ir yog‘sa, ko‘chamizdan yurib bo‘lmaydi➖Qarshi

Assalomu alaykum! Bizlar Qashqadaryo viloyati, Qarshi shahri, A. Navoiy MFY, Qushbogʻ ko‘chasidan murojat qilayapmiz.

Ko‘chamiz asfalt bolmaganligi uchun mana ahvoli, yurib bo‘lmaydi.

Shu ko‘chada yashovchi
bir guruh fuqarolar

👉 @Kusherbayevga_murojaat

3,084

Кушербаевга мурожаат

19 Oct, 09:29

Siz ko'pchilikka yoqmasligingiz mumkin, ammo biz uchun doim hurmattasiz

Assalom alaykum hurmatli Rasul
Kusherbaev!

Bundan bir necha kun muqaddam nech yillik muammoyimiz yuzasidan sizga murojaat yo‘llagan edik.

Ushbu murojatimiz siz orqali kanalingizda yoritilgandan so'ng tegishli mutasaddilar (sektor rahbari, obodonlashtirish va tuman avtoyo'l rahbarlari) tomonidan hal etildi.

Buning uchun eng avvolo sizga Samarqand viloyati, Urgut tumani Buloqboshi MFY fuqarolari nomidan samimiy minnaddorchiligimizni bildiramiz.

Davat rahbari takidlaganlaridek siz ko'pchilikka yoqmasligingiz mumkin, ammo biz uchun doim hurmattasiz va bu hurmatimiz yana ham oshdi sizga nisbatan.

A. Umrzoqov

👉 @Kusherbayevga_murojaat

3,431

Кушербаевга мурожаат

18 Oct, 06:15

Йўлни бузган масъуллардан изоҳ кутамиз➖Булунғур

Мурожаатчи: Самарқанд вилояти, Булунғур тумани, Килдон Мўғол йўли аянчли ҳолатда!

Ўтган йили феврал ойида йўлимиз таъмирлаш учун бузилди. Мана 8/9 ой бўлдики мана йўлни ҳолатини кўришингиз мумкин.

Йўлни бузган масъуллардан биз фуқаролар изоҳ кутамиз.

👉 @Kusherbayevga_murojaat

3,317

Кушербаевга мурожаат

17 Oct, 11:12

Ваъда қилинган "Дамас"ни ҳам пулимни ҳам беришмаяпти

Ҳурматли Расул Хидиралиевич!

Сизнинг мамлакатимизда истеъмолчиларнинг ҳуқуқ ва манфаатлари борасидаги чиқишларингизни зўр қизиқиш билан кузатиб келамиз.

Мен 2022 йилнинг 29 декабрь куни “Orientavto” лизинг копманиясининг пуч ваъдаларига ишониб, Дамас автомобили хақид қилиш учун 10112/73-сонли шартнома асосида лизинг ширкатига 57 129 855 сўм миқдорида пул тўладим.

Компания билан шартлашувимизда 3 ой ичида менга автомобилни етказиб беришни ваъда қилишганди. Аммо орадан бир ярим йил ўтгач, алданганимни билиб, пулимни қайтариб олишга ариза бердим.

Шу йилнинг 3 июнь куни компанияга бориб ариза бердим ва улар 2 ойда пулим пластик картамга тушишини айтди.

Аммо кейинчалик бу ҳам ёлғон бўлиб чиқди. Орадан қарийб 4 ой ўтаётганига қарамай пулимни беришмаяпти.

Компанияга борсам, бор қўлингдан келганини қил, дейишмоқда. Судга бер дейди, судга бериш учун пулимнинг маълум фоизини давлат божи учун тўлаб, бунинг устига адвокат ҳам олишим керак.

Наҳотки, шаҳар шунчалик бедарвоза бўлса? Наҳотки, ҳар бир ҳаркатимиз учун суд идоралари остонасида сарсон бўлсак? Давлатда, идораларда тартиб борми?

Илтимос менга ёрдам беринг.

Эҳтиром билан,

Ризамат Тўраев,
Қашқадарё вилояти, Ғузор тумани, Кераит қишлоғи.

👉 @Kusherbayevga_murojaat

5,149

Кушербаевга мурожаат

17 Oct, 06:16

Gaz balloni vaqtida olib kelinmagani uchun janjal bo‘lmoqda➖Koson

Qashqadaryo viloyati Koson tumani Etak MFY dagi holat joriy yilning 15-oktabr kuni boʻlgan.

Yavkachev Jasur Rustam oʻgʻli

👉 @Kusherbayevga_murojaat

6,172

Кушербаевга мурожаат

17 Oct, 04:13

IIB xodimi va notariusni deb men zarar ko‘rdim

Men joriy yilning 22-sentyabr kuni Neksiya 3 avtomashinasini xarid qildim va shu kunning o'zida notarius orqali xaridimni rasmiylashtirdim.

11- oktyabr sanasida esa o'z nomimga avtoraqam olish uchun viloyat YXXB ga murojat qildim.

Avvalo jarimalarni tekshiradigan xodimga uchrashdim. U mashinaning 19- sentyabr kuni radar qurilmasi orqali qayd etgan jarimasi borligi aytildi.

Men mashina bu davrda mening nomimga o'tmaganligini bu jarimaga mening aloqam yo'qligini aytdim bu jarimani majburiy ijroga yo'naltirishlarini so'radim.

Shunda xodim bu muammo uni qiziqtirmasligini agar jarimani to'lamasam qarzi yo‘q degan ma'lumotnoma ololmasligimni aytdi.

Men mashinani menga sotgan shaxs bilan bog'lanib , telegram orqali jarima qog'ozini tashlab berdim. Lekin ushbu shaxs jarima Vobkent tumanida qayt etilganini u esa ushbu manzilga umuman bormaganini ushbu jarima texnik xatolik ekanligini aytdi. Men esa nat 238 ming to'lab malumotnoma olishga majbur bo'ldim.

Men sotib olgan mashinaning gaz baloni sinov mudati ham o'tib ketgan ekan bu uchun ham 170 ming so‘m to'lov qildim.

Nega notarius hujjatlarida shuncha kamchiliklar bo'lgan mashinani meni nomimga o'tqazib meni ovvorayu sarson qiladi?

Nega YXXB xodimi menga umuman aloqasi bo'lmagan jarimani to'lovini menga to'lattiradi?

Mutasaddilardan ushbu murojatimni atroflicha o'rganib, menga yetqazilgan moddiy va manaviy zararni undirib berilishida yordam berishlarini so'rab qolardim.

Hurmat bilan,
G‘anijon Jamilov

👉 @Kusherbayevga_murojaat

4,175

Кушербаевга мурожаат

16 Oct, 07:24

Вазирликнинг халкни фикри, истаклари билан иши йўқ➖Норин

Наманган вилояти, Норин тумани Сойбуйи МФЙда жойлашган 30-сонли МТТ биноси қурилганига 70 йилдан ошган бдлиб, бино яроқсиз ҳолга келиб қолган.

Бу бинони янги қуриш учун давлат дастурига тавсия қилинган ва молия вазирлигидан вакил келиб, маблағ ажратилганини билдирган.

Аммо Мактабгача ва мактаб вазирлиги бу бинони тадбиркор томонидан давлат хусусисий шерикчилиги асосида қуришни еқлаб чиқмоқда.

Бунга маҳалла ота-оналари норози бўлишмоқда. Чунки тадбиркор 120 ўринли боғча биносини қуриб давлатга топшириб, қолган ерга ўзига хусусий боғча қуришни режалаштирган.

Ҳозир Сойбўйи ва қўшни Норинкапа маҳаллалари аҳолисининг 100 дан ортиқ фарзанди боғчага навбат кутиб туришибди.

Шу боғчани тадбиркорга бермасдан 250- 300 ўринли боғчани давлат томонидан қуришса аҳолига яхши бўларди.

Йилдан йилга аҳоли сони ўсиб бормоқда. Хаш-паш дегунча яна канча болалар туғилиб, навбат кутишадими?

Лекин вазирликнинг халкни фикри, истаклари билан иши йўқ.
Халкнинг фикри ва истагининг қадри бормикан?

👉 @Kusherbayevga_murojaat

4,176