ELTUZ

“ОЙДИНЛАР ОДАМЛАР ОРАСИДА” ЛОЙИҲАСИ ҲАҚИДА

Сўнгги бир ҳафта давомида Адлия вазирлиги ҳамда Тошкент Давлат Юридик университети томонидан “Ўзбек тили байрами” куни муносабати билан “Ойдинлар одамлар орасида” лойиҳаси амалга оширилмоқда.

Ҳозирги кунгача Абдулла Қодирий, Чўлпон, Заҳириддин Муҳаммад Бобур, Маҳмудхўжа Беҳбудий, Моҳларойим Нодира образлари иштирокидаги видеоқаторлар шаҳримизнинг гавжум жойларида суратга олинди ва омма эътиборига тақдим этилди.

Лойиҳадан мақсад ўзбек тили хазинасини ўзининг шоҳ асарлари билан бойитган, шу билан бирга, миллий тафаккурда катта ўсиш қилган буюк боболаримиз ва момоларимиз сиймоси, асарлари, ғояларини кенг оммага, айниқса, ёшларга таъсирчан тарғиб қилишдан иборат.

Ижрочилар профессионал актёрлар эмас, балки Тошкент Давлат юридик университети талабалари, бўлажак ҳуқуқшунослар.

💬Telegram |📱Facebook |
🐦Twitter |📱Instagram | ▶️YouTube

РАССОМ ТУЗ БОСҚИНЧИЛАР ТИЛИ ҲАҚИДА

Финландия, Балтиқбўйи ва Шарқий Европадаги ўнлаб давлатлар мактабларидан рус тили олиб ташланди.

Украинада рус тили ва адабиёти мактаб дастуридан олиб ташланди.

Мўғулистон мактабларида ҳам рус тили олиб ташланиб, инглиз тили асосий хорижий тилга айланди. Авваллари мўғул мактабларининг аксариятида рус тили ўқитилар эди.

Ўзбеклар эса "мен ўрисга ўзини тилида жавоб қайтарадиган бача ўстираман" деган бетон аргумент билан бу босқинчи тилидаги мактабга бола тиқишда давом этмоқда.

Ўзбекистоннинг ўлган президенти бола бақраси, охтиқ чувлиқи ўзбекчани билмайди. Ўрисча гапиради. Ҳар бир ўзбек ўз устида ўрис турибди деб ҳисоблайди. Ҳар бир ўзбекнинг ичига ўрис кириб олган.

Кеча рассом оғам Охунов билан гаплашсам, "Тошкент худди чор генерали Кауфман давридаги каби ўрис ва ўзбекка бўлинган", деди.

Тошкентнинг қоқ марказида туғилиб ўзбек тилини билмай ўсиб чиққанлар учун Тошкент худди Россия провинцияси Рязань ёки Иванова каби комфорт.

Мана атини "бадиий академия" қўйиб олган рассомлар вазирлиги ўтказган биеннале тадбирлари ҳам ўрисча бўлиб ётибди. Кошки тузукроқ билса экан.

Агар мабодо Францияда туғилган журналист, киночи ёки ўқитувчи французча билмайман, деса унга моховга қарагандай қарашади.

Бизда эса "меники ўзбекча билмаган" десанг, табассум билан сийлаб, дарров атроф жониб сенга хушомад қилиб, телба-тескари қилиб бўлса ҳам ўрисча чулдирайди.

Ўзлари қишлоқдан келиб ўрисча гапирганларга ичидан ҳавас қилганлар энди фарзандини ўрисча гапиртириб, ўз руҳий комплексини даволамоқчи.

Постколониал давлатга хос мутелик, синиқлик ва генетик импотенция бу.

Барча даврларнинг улуғ инсони Валерия Новодворская хоним айтганидек, "рус тили босқинчилар қуролига" айланиб қолди.

Босқинчи Россия Маориф вазирлиги 100 минглаб нусхада янги рус тили дарслиги чоп этиб, Ўзбекистонга олиб кириб, аҳолини ўрисқул, советпараст ва манқурт бўлишига самарали шароит яратмоқда.


💬Telegram |📱Facebook |
🐦Twitter |📱Instagram | ▶️YouTube

“Ойдинлар одамлар орасида” лойиҳаси ҳақида

Сўнгги бир ҳафта давомида Адлия вазирлиги ҳамда Тошкент Давлат Юридик университети томонидан  “Ўзбек тили байрами” куни муносабати билан “Ойдинлар одамлар орасида” лойиҳаси амалга оширилмоқда.

Ҳозирги кунгача Абдулла Қодирий, Чўлпон, Заҳириддин Муҳаммад Бобур, Маҳмудхўжа Беҳбудий,  Моҳларойим Нодира образлари иштирокидаги видеоқаторлар шаҳримизнинг гавжум жойларида суратга олинди ва омма эътиборига тақдим этилди.

Лойиҳадан мақсад ўзбек тили хазинасини ўзининг шоҳ асарлари билан бойитган, шу билан бирга, миллий тафаккурда катта ўсиш қилган буюк боболаримиз ва момоларимиз сиймоси, асарлари, ғояларини кенг оммага, айниқса, ёшларга таъсирчан тарғиб қилишдан иборат.

Ижрочилар профессионал актёрлар эмас, балки Тошкент Давлат юридик университети талабалари, бўлажак ҳуқуқшунослар. Шу сабабли ижродаги ва образдаги камчиликларга тушуниш ҳамда кечириш билан қарайсиз деган умиддамиз (кўпчилик шундай қиляпти, улардан миннатдормиз). Асосийси ёшларнинг  ташаббуси ва иштиёқи. Улар албатта янада ўсиб-ривожланиб борадилар.

Лойиҳани режалаганимизда биз учун ёшларнинг, талабаларнинг ўзлари ойдинларимизнинг сиймосини гавдалантириши, ўз талқинларида бериши ҳамда замонавий ва ёшларга таъсирчан тарзда тарғиб қилиши аҳамиятли бўлди.

Манзиллар сифатида бозорлар, метро бекатлари ва Тошкентнинг гавжум кўчалари танланганида аҳоли ойдинларимизни фақат телевизор ё кинода эмас, реал ҳаётда ҳам кўриши мақсад қилинган.

Таъкидлаш жоиз, видеоларни суратга олиш жараёнида қаҳрамонларимиз билан бирга суратга тушишни, уларга яқинроқ келиб саволлар беришни, яъни ойдинларимизни ўрганиш истагини билдирганлар инсонлар кўп бўлди ва бу бизни хурсанд қилди.


Ушбу лойиҳада иштирок этган, асосий ишидан, дарсларидан, имтиҳонларидан ортиб ватанпарварлик туйғуси билан ойдинларимизни тарғиб қилишга жон деб киришган ТДЮУ ўқитувчи ва талабаларига алоҳида миннатдорчилик билдирамиз.

Лойиҳа доирасида шу кунгача чиқарилган видеоларга ҳаволалар:

https://t.me/shahnozxon/4068
https://t.me/shahnozxon/4072
https://t.me/shahnozxon/4076
https://t.me/shahnozxon/4087
https://t.me/shahnozxon/4092

Ҳали давоми бор...

Фикр-мулоҳазаларингиз учун очиқмиз ва миннатдормиз.

@shahnozxon

АДЛИЯ ВАЗИРЛИГИ ТАДБИРИ НАТИЖА БЕРМАДИ

Адлия вазирлиги ўтмишдаги ойдинлар (Беҳбудий, Нодира¸ Қодирий..), бугунги кунимиздаги бозор ва метроларда юришии ëнгсилаб видео лавҳалар суратга олди.

Ўтмишдаги буюк одамнинг бугунги кунда пайдо бўлиб қолиши ҳақида фантастик китоблар ëзилган.

Адлия вазирлигининг бу ташаббуси менга антисовет ëзувчи Сергей Довлатовнинг ҳикоясини эслатди.

Ҳикояда Николай Шлиппенбах исмли ватанпарвар ўз таниши ëзувчи Довлатовни ҳаваскорлик фильмида подшо биринчи Петр ролини ўйнашни таклиф қилади.

Шлиппенбах ғоясига кўра, Россия императори Пётр ўзи асос солган аммо советлар Ленинград деб атаган шаҳарда пайдо бўлиб қолади.

Шлиппенбах фильмида фақат Довлатов роль ўйнайди атрофдаги замонавий одамлар документаль кинодаги каби суратга олинади.

Довлатовнинг 194 сантиметрлик узун гавдаси шох образи учун Шлиппенбах назарида "айни муддао" бўлган.

Албатта фильм давлат буюртмаси эмас ва аксинча ўғринча олинаëтган эди.

Сценарий бўйича Петр эгнида яшил камзол, оëғида ботфор, бошида эса учбурчак телпак билан шаҳардаги пивога очередь турган маҳаллий алкашлар орасида пайдо бўлииши керак эди.

Довлатовнинг «Шоферские перчатки» ҳикоясидан парча:
«Мен очередь думига бориб турдим. Мендан олдин турган учта эркак менга ортиқча қизиқишсиз қараб қўйди. Қолганлар эса мени пайқагани ҳам йўқ. Мендан олдин темир йўлчилар кийимини кийган кавказ типидаги киши турарди. Чапда эса боғичлари боғланмаган латта кавуш кийган жулдирвоқи. Икки қадам нарида эса гугурти синиб кетавергани учун оғзидаги папиросни эплаб ëндира олмаëтган интеллигент турарди. У семизгина портфельни оëқлари орасига қисиб ушлаб турарди. Вазият борган сари ўринсизлашарди. Ҳамма жим. Ҳеч ким улар орасида подшоҳ Петр пайдо бўлганига ҳайрон ҳам бўлмаяпти. Менга савол ҳам беришгани йўқ. Қанақаям савол бўлиши мумкин? Бу турганларнинг битта муаммоси бор. Кечаги мастликдан мияни аритиш учун пиво ичиб похмел қилиш. Мен эса улар орасида турибман. Жимгина
прилавкага яқинлашдим.
Бирдан темир йўлчи кийимидаги киши сасини эшитдим. У ëнидагига тушунтираëтган эди:
- Мен калнинг ортидан турибман. Подшоҳ мендан кейин. Сен эса подшоҳдан кейин » (Рассом Туз таржимаси)
Россия подшоси Пётр кийимини кийган Довлатов ўзи учун ва Шлиппенбах билан бирга келган қиз учун пиво олади. Баланд бўйли ва подшо гримидаги Довлатов одамлар орасида ажралиб турарди. Аммо ҳеч ким ҳайрон бўлмади, савол ҳам бермади.

Ижодий гуруҳнинг "халқ уйғонади" деган ғояси чиппака чиқди.

Адлия вазирининг ҳаваскор артистлар ижросидаги тадбири ҳам Довлатов ҳикоясидаги каби ноль результат берди.

Давлатнинг ҳуқуқий бўғини бўлган бу вазирлик замонамизнинг тирик ойдини¸ Каримов таъқибидан қочиб 33 йилдан бери сургунда яшаëтган юрт ойдини шоир Муҳаммад Солиҳни Ўзбекистонга таклиф қилиб, Қўйлиқ бозори ëки метронинг Навоиий бекати ичида сайр қилдира олишга журъати етадими?

Бу ойдинга Каримов даврида уйдирилган жиноий тамғани бекор қилдириш учун ҳуқуқий ташаббус билан чиқа оладими?
Ўз иши қолиб ҳаваскорлик театри ўйнаëтган вазирлик дунëдаги энг ғамгин вазирлик. Унинг ғамгин бошини силаш учун юзта сулувнинг қўли керак.


💬Telegram |📱Facebook |
🐦Twitter |📱Instagram | ▶️YouTube

ШОФИРКОН ТУМАНИДА ИЖТИМОИЙ ХОДИМЛАР МАЖБУРИЙ МЕҲНАТГА ЖАЛБ ЭТИЛМОҚДА

Шофиркон туманида ижтимоий ходимлар бир неча ойдан бери мажбурий меҳнатга жалб қилинаётгани ҳақида шикоятлар пайдо бўлди. Ҳатто, мажбурий меҳнатга чек қўядиган ташкилотнинг ўзи ҳам бу ҳолатга аралашмаган.

Туман ижтимоий маркази ходимлари ўзларининг белгиланган иш вақти — душанбадан жумагача соат 9:00 дан 18:00 гача бўлишига қарамасдан, шанба ва якшанба кунлари ҳам ишлашга мажбурланмоқда. Ходимларнинг айтишича, 1 сентябрь — Мустақиллик байрами кунида ҳам уларни ишга чиқишга мажбурлашган.

Агар ушбу ҳолат бўйича шикоят қилсалар, ижтимоий марказ бошлиғи "топшириқлар ўз вақтида бажарилмагани учун" деб уларга нисабатан интизомий чора қўллаш билан таҳдид қилган. Ходимлар бу ҳолатга чидашга мажбур бўлишган, аммо мажбурий меҳнатга чек қўйилгани йўқ.

Мисол тариқасида, ижтимоий марказ бошлиғи ҳар кеча 22:00 дан 2:00 гача топшириқлар беришни одат қилиб олган. Бу ҳолат шанба ва якшанба кунларида ҳам такрорланади. Ходимларнинг айтишича, уларни энди шанба ва якшанба кунлари пахта теримга мажбурий олиб чиқишмоқда. Меҳнатдан чарчаган ижтимоий ходимлар дам олиш кунида телефонларини ўчириб, дам олишга уринишса, раҳбарият уларни "сиёсат билан ўйнашмаслик керак" дея таҳдид қилаётган экан.

Ижтимоий ходимларни иш вақтидан ташқари ишга жалб қилиш, шанба ва якшанба кунлари ишлатиш, ҳамда пахта теримига мажбурий олиб чиқиш Ўзбекистон қоуннларига мутлақо зиддир. Ходимлар ўз вақтида КПИ ҳам ололмаганларидан норози.

Маҳаллий ижтимоий ходимлар қачон дам олиши мумкин? Қачон оила ва фарзандларига вақт ажратиши мумкин?

Меҳнатга мажбурланган ходимлар Бош прокуратура, АРГОС ва Бандлик вазирлигидан ёрдам сўрашмоқда.


💬Telegram |📱Facebook |
🐦Twitter |📱Instagram | ▶️YouTube

НЕГА КЎКСАРОЙНИ ҚАЙТА ТИКЛАМАЙМИЗ?

Кўксарой Темурийлар давлатининг асосий саройларидан бири бўлган. Қароргоҳ қолдиқлари Самарқанднинг тарихий марказида, Кўксарой майдонининг шарқий қисмида, Самарқанд вилоятининг маъмурий биноси (Даҳбед кўчасидаги кўприк) ёнидаги асосий бино (15 қаватли бино) ёнида жойлашган.

Бугунги кунда вилоят ҳокимияти биноси ва вилоят маъмурий суди унга яқин муҳим объектлар ҳисобланади.

Кўксарой Амир Темур томонидан 1370 йилда тахтга ўтирганидан сўнг қурилган. Кўксарой муҳташам ва катта ҳажмдаги тўрт қаватли бинодан иборат бўлган. Сарой махсус мустаҳкам баланд девор билан ўралган бўлиб, унинг ичидаги тиллакор нақшлар ва асл жиҳозлар эл оғзида достон бўлган. Темурийлар салтанати кенгайгач, унинг ёнида яна бир сарой - Бўстонсарой қурилган.

Кўксарой Амир Темурнинг асосий ва муҳим қароргоҳларидан бири бўлган. Амир Темур Хитойга юриш учун Кўксаройдан йўлга чиққан. Унинг энг охирги қароргоҳи ҳам айнан шу ер бўлган.

1497 йил ноябрида Бобур ҳам Бўстонсаройда бўлгани айтилади. Мирзо Улуғбек эса Кўксаройда узоқ йиллар давомида илмий фаолият олиб боргани манбаларда қайд этилган.

Айтишларича, туркий ҳукмдорлар, беклар ва амирлар рамзий равишда Темурнинг Кўктош тахтига ўтиришган ва лавозимига киришган.

1865 йилгача сарой ҳатто шикастланган ҳолатда сақланган. Лекин қороқчилар томонидан вайрон қилинган. Руслар истилоси даврида ҳашаматли сарой бутунлай ер билан яксон этилган ва ўтган асрда археологлар томонидан қайта очилган. Бугун қароргоҳдан фақат пойдевор ва ғишт деворларининг бир қисми қолган.

Руслар босқини даврида бу ер қурол-яроғ сақланадиган омбор сифатида фойдаланилган. Маҳаллий тарихчиларнинг фикрича, бу ер ҳам Соҳибқирон ва Темурийлар салтанати марказий қароргоҳларидан бири бўлган Бўстонсарой сингари руслар томонидан атай портлатиб йўқ қилинган. Ҳашаматли қароргоҳдан фақатгина Темурийларга тегишли Кўктош тахти бутун қолган. У Гўри Амир мақбарасида сақланади.

"Кўксарой"нинг қолдиқлари бугунги кунда "Самарқанд - маданиятлар чорраҳаси" деб номланган бўлиб, ЮНЕСКОнинг Жаҳон мероси рўйхатига киритилган. Бироқ, бу мерос бугун қаровсиз аҳволда.

Бу ҳолатга Соҳибқирон Темур издоши эканлигини иддао қилган Самарқанд вилояти ҳокимлари ҳам бепарво қарашмоқда. На қайта тиклайди, на борича обод қилишга уриниб кўришади. Кўксарой жойлашган ҳудуднинг бир қисми сотиб юборилган, ёнида эса ҳиндистонлик инвесторлар томонидан баланд меҳмонхона қад ростлаган.


💬Telegram |📱Facebook |
🐦Twitter |📱Instagram | ▶️YouTube

АНДИЖОНДА НАВБАТСИЗ ГАЗ ҚУЙИШ ПУЛЛИК БЎЛИБ ҚОЛДИ

Андижон вилоятининг Олтинкўл туманида жойлашган газ заправкасида метан газини навбатсиз қуйиш пуллик қилиб белгилангани ҳайдовчилар ўртасида норозиликка сабаб бўлди.

Ҳозирги кунда метан газ нархининг ошиши ва узун навбатлар пайдо бўлгани етмаганидек, заправкага кириш ҳам 25 мингдан 50 минг сўмгача қилиб қўйилган.

Маҳаллий ҳайдовчиларнинг айтишича, заправка олдидаги айрим "тадбиркорлар" ҳайдовчилардан пул ундириш билан шуғулланмоқда.

"Газ қуйгани кирсак, ўша жойдаги тадбиркорлар ҳаммадан пул оляпти. Андижонда бундай ҳолатларни назорат қилувчи ташкилот борми? Халқ қийналиб кетди-ку," — дейди бир ҳайдовчи.

Мазкур ҳолат юзасидан тегишли идора вакилларидан чора кўришларини сўраймиз.

Ҳайдовчиларнинг талабига кўра, ушбу ноқонуний фаолиятга чек қўйиш ва қонунга мувофиқ чоралар кўриш зарур.

💬Telegram |📱Facebook |
🐦Twitter |📱Instagram | ▶️YouTube

МИЛЛИЙ ГВАРДИЯ ХОДИМИ ИШДАН БЎШАЙ ОЛМАЯПТИ

23 август куни ўзини Миллий гвардия Қўриқлаш бошқармаси ходимларидан бири деб таништирган шахс Элтузга мурожаат қилди.

Унинг айтишича, иш жойидаги адолатсизликлар туфайли ўз хоҳиши билан ишдан бўшатишга ариза топширган. Бироқ бошқарма раҳбарияти унинг аризасини қабул қилишдан бош тортмоқда экан.

Мурожаатчи маълум қилишича, Қўриқлаш бошқармасида кунлик йиғилишларда ходимлардан юқори хизмат даражасини (званиени) олиш учун 2,000 АҚШ доллари талаб қилинган.

Шу сабабли, у ўз хоҳиши билан ишдан бўшатишни сўраб, ариза топширган. Бироқ, хизмат гувоҳномасини йўқотганлиги туфайли, раҳбарият уни ишдан бўшатишдан бош тортган ва "агар ишламасанг, модда билан бўшатамиз, бошқа давлат идораларига ишга киролмайсан," деб таҳдид қилган. Шунингдек, раҳбарият "қачон рухсат берсак, кейин бўшайсан," дея мурожаатчини ҳайдаган.

Шикоятчи, шунингдек, Ўзбекистон Республикаси Президенти қабулхонасига мурожаат қилгани, бироқ бу ҳаракати ҳам натижа бермаганини таъкидлади. Унинг айтишича, қабулхонага қилган мурожаатидан бир ой ўтган бўлса-да, ҳануз ишдан бўшатилмаган. Ҳатто, унинг маълум қилишича, раҳбарият унга "хоҳласанг НАТОга бор," дея таҳдид қилган.

Мурожаатчининг сўзларига кўра, Қўриқлаш бошқармаси ходимлари ўзларига қўйилган талаблардан, шунингдек, коррупциядан норози. У ишдан ўз хоҳиши билан бўшашини ва бошқа ишлашни истамаслигини билдириб, модда билан бўшатилишини истамаслигини таъкидлади. Шу сабабли, у Элтуз орқали ушбу ҳолатга жамоатчилик эътиборини жалб қилишни ва ўзини қўллаб-қувватлашларини сўради.

Мурожаатчининг исм-шарифи махфий сақланмоқда.


💬Telegram |📱Facebook |
🐦Twitter |📱Instagram | ▶️YouTube

ТОШКЕНТДАГИ БСК: ХИЗМАТ КЎРСАТИШМИ ЁКИ ФАҚАТ ПУЛ ЙИҒИШ?

Сўнгги йилларда Тошкент шаҳрида кўп қаватли уйларга хизмат кўрсатувчи бошқарув сервис компаниялари (БСК) фаолият юритмоқда. Аҳолига маълумки, ушбу компанияларни танлаш ҳуқуқи айнан уларнинг ўзларига берилган. Аммо Мирзо Улуғбек туманидаги Паркент кўчасида жойлашган 251, 251/1 ва 253-уйлар аҳолиси буни шубҳа остига қўймоқда.

Маҳаллий аҳолининг айтишича, мазкур уйларга хизмат кўрсатишга тайинланган “For The Population” МЧЖ номли БСК нафақат хизмат кўрсатишда масъулиятсизлик қилмоқда, балки ўз мажбуриятларини бажармасликда ҳам айбланмоқда.

Шартномани имзолатиб олгандан сўнг, БСК асосан пул йиғиш билан чекланиб қолган. Ҳатто суд орқали аҳолидан пул ундираётган ҳолатлар ҳам кузатилмоқда.

Фуқароларнинг фикрича, мазкур компаниянинг ҳокимият билан яқин ришталарга эга кўринади. Одамлар ширкат устидан шикоят қилиб ҳокимликка мурожаат қилишган, аммо ҳозиргача муаммо ҳал этилмаган. Маҳаллий раҳбар Озода Жўраевадан аҳолига ҳақиқий ва самарали хизмат кўрсатиш йўлидаги муаммоларни ўрганиб, самарали чоралар кўриш талаб қилинмоқда.

Фуқаролар илгари хизмат кўрсатган ва ҳозирда яқин атрофдаги 261 ва бошқа уйларга хизмат кўрсатаётган БСКни қайтаришни талаб қилмоқдалар.

“Бизга аввалги БСКни қайтаринг!”, – дея мурожаат қилмоқда Мирзо Улуғбек тумани Паркент кўчасида истиқомат қилувчи фуқаролар.

Улар фикрича, аввалги компания аҳолига беминнат ва самарали хизмат кўрсатган.

Шаҳар ҳокимияти ва мутасаддилардан ушбу муаммога эътибор қаратиш ва фуқароларнинг қонуний талабларини қондириш кутилаяпти.


💬Telegram |📱Facebook |
🐦Twitter |📱Instagram | ▶️YouTube

УРГАНЧНИНГ АБГОР КЎЧАЛАРИ

Урганч шаҳри Жалолиддин Мангуберди маҳалласи Гурлан кўчасидаги уйлар яқинида ахлатлар тўлиб тошиб ётибди.

Аҳоли чиқинди учун тўлов қилади, лекин хизмат кўрсатилмайди.

Экология органлари ўз вазифасига қандай ёндашаётганилигини видеодаги ҳолатдан билиш мумкин.

Урганч шаҳар ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимидаги “давлат хизматчиси“ ҳолатга қандай изоҳ берар экан?!


💬Telegram |📱Facebook |
🐦Twitter |📱Instagram | ▶️YouTube

КАРМАНА МАКТАБЛАРИДА ТОЗАЛИК ҚАЙ АҲВОЛДА?


2022 йилдан бери Навоий вилояти Кармана туманидаки 15-умумий ўрта таълим мактаби ҳожатхонасини тозалаш учун махсус машинага мактаб раҳбарларининг чўнтагидан пул тўлаб ахлати олинади.

Билишимча, бу ишлар ходимлар пулидан эмас, балки Кармана ММТБ томонидан шартнома асосида амалга оширилиши керак. Мактабдаги ахлат контейнери ҳам раҳбарлар томонидан нақд пулга сотиб олинган.

Аслида бу ҳам Кармана ММТБга тегишли шартнома асосида бўладиган иш. Мана, икки ойдирки, мактабдаги чиқиндилар ҳам Кармана ММТБнинг чиқиндилар чиқаришга масъул булган жамият билан шартнома қилмагани сабабли мактаб томонидан нақд пулга чиқарилади.

Бир ойдан бери чиқинди чиқарилмаганидан ҳаммаёқ сасиб ётибди.

Кармана ММТБ масъуллари мактабга келганида фақат тозалик ва таъмирлаш ишларини талаб қилишади.

Биз бирор жойга шикоят аризаси билан ёки ҳақ-ҳуқуқимизни талаб қилиб мурожаат қилсак, Кармана ММТБ томонидан босим бўлади ёки шикоят аризамизни ҳар хил йўллар билан қайтаришади.


💬Telegram |📱Facebook |
🐦Twitter |📱Instagram | ▶️YouTube