Si’a sadii ol nama murteen du’aa itti murteeffamee ture, Daawit Dirribaa.
Eeliyaas Dirribaa Badhaaneen kana dura yakka cimaan himatamee murtoon adabbiin du’aa yeroo 3 irratti darbee kan ture ta’uu ibsame
Namoota qajeelfamaa fi hojmaata Siiviil Ayiveeshinii camsuun to’annoon jala oolaan keessa Eeliyaas Dirribaa Badhaaneen kana dura maqaa Daawwit Dirribaa Badhaanee jedhuun yakka cimaan himatamee murtoon adabbii du’aa si’a 3 irratti kan darbe ta’uu Poolisiin Federaalaa beeksiise.
Yakkamaan kun bara 1989 hanga 1999tti maqaa Daawwiit Dirribaa Badhaanee jedhuun yakkoota adda addaan himatamuun manni murtii yeroo 3 adabbii du’aa irratti murteessee turuu Poolisiin Federaalaa ibseera.
Manni Murtii Olaanaa Federaalaa Dhaddacha yakkaa 2ffaa Mudde 25, 1999 ooleen yakka saamichaa, hannaa, reebichaa, ajjeechaa fi seera camsuun himata irratti dhiyaateen adabbii cimaa umrii guutuu irratti murteessee turuu qorannoon poolisiin mirkaneesseera.
Shakkamaan kun maqaa Eeliyaas Dirribaa Badhaanee, Jamaal Nuuruu fi Daawwit Dirribaa Badhaanee jedhu fayyadamuun meeshaalee waraanaa 11 saamuu, hanna garaagaraa, nama 3 ajjeesuu dabalatee yakkoot adda addaa hedduun himatamuun murtoon adabbii cimaa umrii guutuu itti murtaa’ee turuu eereera.
Akkasumas Shakkamaan kun saamicha meeshaa waraanaan deeggarame raawwachuu, yakka mana hidhaa miliquu fi yakka hannaa garaagaraa raawwachuu himatamuun Manni Murtii Olaanaa Federaalaa Dhaddacha yakkaa 2ffaa Ebla 30, 2000 ooleen irra deebiin adabbii cimaa umrii guutuun adabuu himeera.
Shakkamaan kun murtoo du’aa irratti darbe ol iyyannoon gara umrii guutuutti akka jijjiiramuuf taasiisus, irra deebiin iyyannoo dhiyeeffachuun gara adabbii waggaa 25tti jijjiiramuun waggaa 17 mana amala sirreessaa erga turee booda dhiifamaan gadi lakkifamuu Poolisiin qorannoo taasiiseen mirkaneessuu ibseera.
SABA GUDDAA WAAN TAANEEF MIIDIYAA GUDDAATU NUUF MALA!
📡 MIIDIYAA @ABDII_SABAA 📡