Жаңалықтар 🇰🇿

👶Биыл еліміздегі ең көп қойылған есімдер тізімі жарияланды

📊Ұлттық статистика бюросының мәліметінше, 2024 жылы ұлдарға Мұхаммед, қыздарға Айлин есімі жиі қойылған. Ал былтыр Алихан мен Медина ең танымал есімдер болған.

2024 жылы ең көп қойылған есімдер:

👦🏻Ұлдар:⤵️

1. Мұхаммед
2. Айсұлтан
3. Алихан
4. Мухаммад
5. Омар
6. Алдияр
7. Амир
8. Алан
9. Али
10. Хамза

👧🏻Қыздар:⤵️

1. Айлин
2. Медина
3. Асылым
4. Айша
5. Томирис
6. Аяла
7. Айым
8. Раяна
9. Сафия
10. Мариям

🏳️‍⚧️❌Дональд Трамп АҚШ-та балалардың жынысын ауыстыруға тыйым салатын заң шығармақ

АҚШ-тың сайланған президенті Доналд Трамп елде балалардың жынысын ауыстыруға тыйым салмақ.

TurningPoint’s AmericaFest 2024 шарасында АҚШ президенті қызметіне ресми кіріскен күннен бастап трансендерлермен күрестің нақты қадамдарын жасайтынын айтты. 

🗣«Трамп басшылық еткен кезде АҚШ үкіметінде тек екі гендер ғана болады. Бұл қиын емес қой... Біз трансгендерлік лунатизмді тоқтатамыз. Мен балалардың жынысы ауыстыруына тыйым салу туралы жарлыққа қол қоямын. Әскерден, бастауыш мектептен, орта және жоғары оқу орындарынан трансгендерлерді қуып шығамын», – деді Дональд Трамп. 

Оның айтуынша, трансгендерлер спортта да болмайды.

🗣«Бізде әйелдер спортында ер адамдар болмайды және бұл жарлықты алғашқы күні-ақ қабылдаймын. Оны екінші не үшінші күнге қалдырудың не керегі бар», – деді Трамп.

📌Сақ болыңыздар: интернет алаяқтықтың тағы бір түрі пайда болды

Қаскөйлер енді азаматтардың телефон нөміріне интернет-дүкендердің атынан промокоды бар хабарлама жібереді екен.

Әдетте хабарламада тосынсый ұтып алуға болатын сілтемелер көрсетіледі. Ал азаматтар жалған сайтқа кіргенде зиянды қосымшаны жүктеуді немесе жеке деректерін енгізуді сұрауы мүмкін. Мамандар күдікті сайттарға өтіп, ұялы телефонға тексерілмеген қосымша жүктемеуге кеңес береді.

🇰🇿Тәуелсіздік алғанымызға 33 жыл болыпты🇰🇿
3️⃣3️⃣🇰🇿
Тәуелсіздік күні құтты болсын ҚАЗАҚ елім ❤️

Еркеееееек! Жеңіііііс!

🥊 Шавкат Рахмонов Лас-Вегастағы UFC 310 турнирінде Иэн Гэрриден басым түсті.

🇰🇿 Бұл отандасымыздың 19-шы жеңісі болды және бірінші рет мезгілінен бұрын аяқтай алмады. Ал Гэрри мансабында алғаш рет жеңілістің ащы дәмін татты.

🔥 Енді Шавкат 2025 жылы титул үшін Белал Мұхаммадқа қарсы жекпе-жек өткізеді.

👀15 жасқа толмаған жасөспірімдерге әлеуметтік желі қолдануға тыйым салынады

😉Бірақ бұл бізде емес, Норвегияда…🇳🇴

Билік заңның іс жүзінде жүзеге асуын қамтамасыз ету үшін жергілікті жеке деректер туралы заңдарды өзгертуді және адам жасын ресми түрде тексеру механизмін енгізуді жоспарлап отыр.

Біздің елге де осындай заң керек пе, қалай ойлайсыз?👇

👍 - қолдаймын.
👎 - қарсымын.

🇰🇿Бүгін 25 қазан — Республика күні!

Тәуелсіздігіміздің тұғыры нық, ғұмыры мәңгі болсын! Еліміз қуатты мемлекет болып, жылдан жылға халықтың әл ауқаты жақсара берсін.
Баршаларыңызға дендеріңіздің саулығын, отбасының амандығын, мемлекетіміздің бай-қуатты болуын тілейміз!

🇰🇿Қазақстан азаматтығын алу үшін мемлекеттік тілді білу талаптары белгіленді

✍️Тиісті бұйрыққа ғылым және жоғары білім министрі қол қойды.

📝«ҚР азаматтығына қабылдау немесе ҚР азаматтығын қалпына келтіру кезінде мемлекеттік тілді қарапайым деңгейде білу деңгейі кемінде 36 (отыз алты) балл, Қазақстан Республикасы Конституциясының негіздері кемінде 9 (тоғыз) балл, сондай-ақ Қазақстан тарихы кемінде 15 (он бес) балл болып бекітілсін», - делінген құжатта.

✅Бұйрық 12 қазаннан бастап күшіне енеді.

🔥РЕСМИ: 7 желтоқсанда Лас-Вегас қаласында біздің Шавкат пен американдық Белал Мухаммад арасында чемпиондық белбеу үшін жекпе-жек өтеді.

Бұл туралы UFC президенті Дана Уайт хабарлады.

Басты жекпе-жекте екен😍 Шавкатқа сәттілік!!!

Ет дегенде бет бар ма: Туризм министрлігі қызықты дерекпен бөлісті

Отандық туроператорлар жасаған сауалнама бойынша қазақтың үздік бес тағамы анықталды.

Сауалнамаға V Дүниежүзілік көшпенділер ойындарына келген қонақтар жауап берген.

🏅Үздік бестіктің 5-орнына – шұбат жайғасты;

🏅4-орында – құрт;

🥉3-орында – қымыз;

🥈2-орында – бауырсақ. Шетелдік қонақтар әсіресе ши бауырсақты кәдесый ретінде көп сатып алған (елдеріне алып кетуге ыңғайлы болған сияқты шамасы);

🥇Үздік бестіктің көшбасшысы болып, 1-орынға жайғасқан – ет (бесбармақ) болыпты.

🏎️👮‍♀️Елімізде жылдамдықты белгіленген мөлшерден асырған көлік иелері үшін айыппұл көлемі екі есеге артады

Жаңа өзгерістерге сәйкес, жылдамдықты 60 км/сағ немесе одан көп асырғандар 40 АЕК мөлшерінде айыппұл төлейтін болады, бұл 2024 жылы 147 680 теңгені, 2025 жылы 157 280 теңгені құрайды. Бір жылдың ішінде құқықбұзушылық қайталанса айыппұл 60 АЕК-ке (2024 жылы 221 520 теңге, 2025 жылы 235 920 теңге) дейін көтеріледі.

Қазіргі уақытта жылдамдықты 40 км/сағ және одан асырғандар 74 мың теңгеге жуық төлейді.

👨‍🏫Бүгін – ҰСТАЗДАР КҮНІ!

Ұлт ұрпағын білім нәрімен сусындатып, тағлымды тәрбие беріп жүрген білім саласының мамандарын кәсіби мерекелерімен шын жүректен құттықтаймыз! Күнделікті жұмыстарыңыздан рахат алуға, ұжымда жақсы қарым-қатынас болуына, ақылды және тілалғыш оқушылар және жеңіл оқу жылын тілейміз. Өмірлеріңізде жақсы күндер көп болсын!🤲

📱🚫Қазақстанда TikTok платформасын жауып тастау ұсынылды

Сенат депутаты Геннадий Шиповских елімізде TikTok платформасын бұғаттауды ұсынды.

Оның сөзінше, TikTok-тағы контенттер адам өміріне қауіпті және де көптеген елдер платформаны қолдануға ішінара тыйым салып отыр. Мұны біздің елімізге де енгізу керек дейді.

Расымен, Тиктокта небір қуғынбай контент жасап, ерігіп эфирде отыратындар көбейіп кеткен. Сіздің Тиктоктың жабылуын қолдасаңыз лайк 👍

🔥Атышулы Мұрат Әбділда бостандыққа шықты

Бұған дейін өз жасаған істеріне өкінетінін айтқан болатын. Кім қателеспейді? Бастысы өз-өзін қолға аламын деп уәде беріп отыр. Әлеуметтік желілердің жұлдызына айналған жан өнер жолына қайта оралуды жоспарлап отыр екен.

🏅Қазақстан құрамасы Париж Паралимпиадасын рекордпен аяқтады

Паралимпиадашылар алдыңғы өткен Токио ойындарында 5 медаль жеңіп алған болса, Парижде олар өткен нәтижеден едәуір асып түсті.

Параспортшылар бұл жарыста 9 медаль алды:

🥇Давид Дегтярев (пара пауэрлифтинг);

🥇Ақмарал Науатбек (пара дзюдо);

🥈Еркін Ғаббасов (пара нысана көздеу);

🥈Нұрдәулет Жұмағали (пара жүзу);

🥈Ерғали Шамей (пара дзюдо);

🥉Дастан Мұқашбеков (пара жеңіл атлетика);

🥉Даяна Федосова (пара дзюдо);

🥉Зарина Раифова (пара дзюдо);

🥉Жұрқамырза Шүкірбеков (пара дзюдо).

Жарайсыңдар!👏

😍🥇ТАҒЫ ДА АЛТЫН! Ақмарал Науатбек — XVII жазғы Паралимпиада ойындарының жеңімпазы!!!

🥋Пара дзюдодан 48 кг салмақ дәрежесінде (J2 санаты) белдескен Ақмарал Науатбек Париж Паралимпиадасының чемпионы атанды.

🇫🇷Финалда ол Франция өкілі Сандрина Мартинеден басым түсіп, алтын жүлдеге қол жеткізді.

Жарайсың Ақмарал! Жеңіс құтты болсын ағайын!!!👏👏👏

Сүйінші!!! 😍Қос қуаныш🥳

🥇Давид Дегтярев – XVII жазғы Паралимпия ойындарының алтын жүлдесін алса, 🥉Дастан Мұқашбеков – Паралимпиада ойындарында қола жүлдегері атанды.

Паралимпия ойындарында пара пауэрлифтингтен 54 кг салмақ дәрежесінде сынға түскен Давид Дегтярев 188 кг салмақты еңсеріп, екі дүркін Паралимпиада чемпионы атанды.

Ал Дастан Мұқашбеков ядро лақтырудан F36 санатында қола медаль жеңіп алды. Оның нәтижесі – 16 метр. Бұл – Азия құрлығының жаңа рекорды.

Құтты болсын Қазақ елі! Жарайсыңдар!!!🎉🥳

👥Елімізде қанша адам тұрады?

📊Ұлттық статистика бюросының 1 тамыздағы мәліметі бойынша елімізде 20 182 003 адам тұрады. Жыл басынан бері қазақстандықтардың саны 148 мыңнан аса адамға артқан.

👩🏻Әйелдер саны - 10 332 836.
🧔🏻‍♂️Ер адамдар саны - 9 859 167.

👤Халық ең тығыз қоныстанған өңірлер бестігіне:

1. Алматы қаласы (2 264 499 адам);
2. Түркістан облысы (2 151 923 адам);
3. Алматы облысы (1 547 228 адам);
4. Астана (1 481 402 адам);
5. Шымкент қаласы (1 241 809 адам) кіреді.

Ал Жамбыл (1 223 625 адам) және Қарағанды (1 134 588 адам) облыстарында миллионнан аса адам тұратыны белгілі болды.

🔔Бүгін – Білім күні. Күздің алғашқы күні!

📚Биылғы оқу жылында 352 мың оқушы мектеп табалдырығын алғаш рет аттайды.

🎊Жаңа оқу жылы құтты болсын! Барлық ұстаздар мен оқушыларға толағай табыстар мен сәттілік тілейміз!

🍎🍏Елімізге алма әкелуге тыйым салынды

Енді шетелден алма әкелуге болмайды. Үкімет жыл соңына дейін автокөлікпен елге алма жеткізуге тыйым салды.

Себебі, биыл өзімізде жеміс қоры мол. Ішкі нарықты қамту үшін жыл соңына дейін 300 мың тонна алма жиналады деген болжам бар.

Үкімет бұдан бөлек бензин мен дизель отынын экспорттауға салынған тыйымның мерзімін тағы 6 айға ұзартты.

💸Кредит алу кезінде жұбайының келісімін алу ережесі бекітілді

Жаңа ережеге сәйкес, жұбайының келісімі қажет банктік несиенің немесе микрокредиттің ең төменгі мөлшері: 1 000 АЕК (2024 жылы 3 миллион 692 мың теңге) деп бекітілді.

Банк немесе микроқаржы ұйымы банктік қарызға немесе микрокредиттік келісімге қол қоймас бұрын, клиенттің некеде бар-жоғын тексеруі керек.

Клиенттің некеде екені және оның алғысы келетін несие сомасы 1000 АЕК-тен асатын болса, жұбайы келісім беруі керек.

Ереже ерлі-зайыптылардың біреуінің болашақта жалпы отбасы бюджетіне теріс әсер етуі мүмкін әрекеттің алдын алуға бағытталған.

🥊Бокс Олимпиада ойындарынан алынып тасталуы мүмкін

2028 жылы Лос-Анджелесте өтетін келесі ойындарда бокс Олимпиадалық спорт түрлерінің тізімінен шығарылуы мүмкін. Шешім 2025 жылы қабылданады.

Бұл туралы Халықаралық Олимпиада комитетінің (ХОК) президенті Томас Бах мәлімдеді.

🗣«Келесі жылы. Біз мұның мүмкіндігінше тезірек, жақсырақ жылдың бірінші жартысында болғанын қалаймыз, бірақ оның ертерек болуы екіталай», - деді Бах.

Каратэ алынды, оның орнына брейк-данс уақытша қосылды. Енді бокстың орнына паркур қосылуы мүмкін.

🚞Елімізде әйелдерге арналған вагондар тағы 3 бағытта қатынай бастады

Бұрын бұл вагондар тек 8 бағытта болса, енді олардың саны 11-ге дейін артты. Әйелдерге арналған вагондармен жүретін пойыздар:

➡️№354/353 "Астана - Семей",
➡️№24/23 "Ақтөбе - Алматы",
➡️№25/26 "Алматы - Шымкент",
➡️№77/78 "Алматы - Маңғыстау",
➡️№351/352 "Алматы - Өскемен",
➡️№45/46 "Павлодар - Түркістан",
➡️№37/38 "Маңғыстау - Семей",
➡️№47/48 "Атырау - Астана",
➡️№33/34 "Ақтөбе - Алматы-1",
➡️№4/3 "Астана - Алматы-2",
➡️№71/72 "Астана - Шымкент".

✍️Мемлекет басшысы қол қойды

Президент Қасым-Жомарт Тоқаев «Қазақстан Республикасының кейбір заңнамалық актілеріне ойын бизнесі, лотерея қызметі, денсаулық сақтау, мемлекеттік еңбек инспекциясы, мемлекеттік бақылау және артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.

✅Құмар ойындарға/бәс тігуге қатысуына тыйым салынатын адамдар санатының тізімі кеңейтілді. Енді олардың қатарына Борышкерлердің бірыңғай тізілімінде тұрған тұлғалар (атқарушылық іс жүргізу бойынша борышкерлер туралы мәліметтерді қамтитын электрондық деректер банкі) қосылды. Сонымен қатар сыбайлас жемқорлыққа қарсы шектеу енгізу арқылы жауапты мемлекеттік лауазымды атқаратын, мемлекеттік функцияларды орындауға уәкілеттік берілген адамдардың, оларға теңестірілген адамдардың құмар ойындарға/бәс тігуге қатысуына шектеу қойылады.

✅Бұдан былай мемлекеттік қызметшілер, әскери қызметшілер, арнайы және құқық қорғау органдарының қызметкерлері, бюджеттік ұйымдардың басшылары құмар ойындарға/бәс тігуге қатыса алмайды.

✅Туризм және спорт министрлігі ойын мекемесінің, букмекерлік кеңсенің, тотализатордың, ставкаларды қабылдау және құмар ойындардың/бәс тігудің бірыңғай ережелерін бекітеді.

✅Букмекерлік кеңселер мен тотализаторлардың жарнамаларына шектеу қойылды. Атап айтқанда, букмекерлік кеңселер мен тотализаторларды сыртқы (көрнекі) жарнамасына, сондай-ақ олардың қызметін көлік құралдарында, бұқаралық ақпарат құралдарында, кино -, видео-және анықтамалық қызмет көрсету орындарында жарнамалауға тыйым салынады.

✅тұрғын үйлерде, жатақханаларда, ғибадат үйлерінде, мәдениет ұйымдарының ғимараттары мен құрылыстарында, әлеуметтік объектілерде (білім беру, денсаулық сақтау), сондай-ақ олардан жүз метр қашықтықтағы радиуста лотерея билеттерін таратуға және лотерея терминалдарын орнатуға тыйым салынады.

✅энергетикалық сусындардың зиянды салдарынан қорғау үшін мұндай сусындарды 21 жасқа дейінгі адамдарға сатуға тыйым салынады.

Raim-ның жолы болыпты": Ерекше образдағы Ерке Есмахан көпшілікті тәнті етті

Отандық танымал әнші Ерке Есмахан желіде жаңа фотосессиясын жариялап, елге ерекше образын паш етті. Қалың көпшілік өнер иесінің сұлулығы мен асқан нәзіктігіне тәнті болып, жылы лебізін білдірген.

Ерке Есмахан ерекше образын Instagram-дағы парақшасында көрсеткен. Онда әнші арудың қызғылт түсті көйлек киіп, басына орамал тағып алғанын көруге болады. "Өзіңді қатты жақсы көрсең, өмір де сені тура солай қатты жақсы көреді", - деген жазба қалдырды эстрада жұлдызы.

Өнер иесінің образы бірден желі қолданушыларының көңілінен шыққан. Қалың көпшілік Ерке Есмаханға тәнті болып, оны нағыз сұлулықтың символы деп атады.

"Қандай жарасымды. Мына орамал сізге сондай үйлесіп тұр", "Raim-ның жолы болыпты", "Ерке не кисе де жараса кетеді", "Не деген нәзіктік", "Мына орамал сізді одан бетер әдемі етіп тұр", "Өте ерекше образ екен. Сізге сондай жарасады", Сұлулық пен нәзіктіктің символы", - деп жазуда оқырмандар.