Zaid Does Pharmacy

سلام عليكم دكاترتنا هاي فرصة الكم للي يحتاج

مطلوب تواجد صيدلاني(ة) دفعة 24 ذو خبرة سابقة من سكنة (صليخ، ال٦٠٠، القاهرة، الاعظمية)

لشفت مسائي ٥-١١ مساءاً في صليخ ل٦ ايام والجمع حسب الاتفاق

@zaiim_oh

الجواب هو نسبة ال hydroquinone تختلف
بالفورت 4%
وبالعادي 2%
وكذلك ال dospin a وال dospin a forte
تختلف نسبة ال Atorvastatin
بال dospin a 10 mg
اما بال dospin a forte 20 mg

ثنينهم نفس المكونات والشركة بس شنو الفرق بينهم؟

اذكر بيوم من الايام جنت بحوار بمقابلة مع شخص.. كان Passive listener

لاحظته اثناء المقابلة عليه صفات:
- مشغول ومشتت
- ما مركز بكلامي
- كان يشتغل باوراق وعينه عليها
- ما مبين مهتم نهائياً
كنتيجة، ما كان متفاعل، كان يسمع فقط كلام، وأكيد كانت مقابلة سيئة

على عكس كثير من المقابلات الثانية كانوا:
- مركزين ومأجلين اي شغل ثاني، حتى لو احد اتصل بيهم
- اكو لغة جسد (تلويح بالرأس، انتباه لإيماءات اليد وتعابير الوجه، تعابير تدل على التركيز)
- كانوا يسألون عن توضيح اذا نطيت فكرة غير واضحة، اشارة انهم مهتمين ان يفهمون التفاصيل
- كانوا ينطون فيدباك مثل (افهم قصدك، اكيد من حقك هذا، متتصور هذا التصرف غلط؟، الخ)

كنتيجة، ما سمعوا فقط الكلمات، كانت الكلمات تمثل 30% فقط من الرسالة، لكنهم بانتباههم وصلت الهم ال100% الكاملة

تخيلوا لو كان الحوار عن مشكلة بشركة.. عن حدث مهم.. عن عمل مشترك بين فريق

أي فريق من الفريقين راح يطلع النتائج الافضل؟

فهذه فكرة المستمع النشط Active listener
من الصفات الاساسية بالتواصل بكل العلاقات، سواء مع اخ او صديق او مدير او زميل عمل

Active listening:
- Strengthens trust and relationships
- Enhances problem-solving and decision-making
- Guarantees empathy and understanding
- Improves collaboration and teamwork
- Resolves conflict and enhances communication
- Improves personal and professional growth

كيف تكون مستمع نشط ناجح؟
- كون متواجد ومركز بالكامل (لا يكون جزء منك مشتت بالشغل او التليفون او الاوراق او الدفتر.. أجل كل شي ثاني)
- لغة الجسد (Eye contact, تلويح الرأس بالموافقة او الفهم، تعابير الوجه)
- جلسة مفتوحة، بيها استرخاء وميلان للأمام اشارةً بالاهتمام والتقدير للمتحدث
- اجابات تدل على الانتباه والتركيز (اكيد كان هذا صعب؟، شنو قصدك بهذي النقطة؟)
- اعادة صياغة النقاط الرئيسية بكلام المتكلم اله بأجابة (افهم انك تقصد كذا وكذا وكذا)

وبالنهاية اقتبس عن نصيحة اخذتها عن شخص وخلتني اتعلم هذي المهارة
"زيد احنا بالمصطلح الدارج نكول الله خلق النا لسان واحد واذنين ثنين"
اشارة ان الاستماع دائما اهم من الكلام

@zaiddoespharmacy

شكرا الكم جميعا
الاندكيشن هو لغرض تقليل لزوجة مخاط الcervix.. بالنهاية يقوي الmotility مال الsperm وكنتيجة يزيد الfertility

ولكن

ماكو دراسات واضحة تبين ان هذا الشي واقعي.. المثبت فقط ان المادة تقلل الmucus viscosity in the cervix

وهاهية.. بل في بعض الدراسات شافوا المادة تؤثر بشكل سلبي على الimplantation وتسوي شغل contraceptive

الي يريد موضوع علمود بحث تخرج.. ولو هسه كلكم مختارين

@zaiddoespharmacy

شنو استخدام السلفودين؟

@zaiddoespharmacy

عاشت ايديكم د. علي ود. نوح ود. اميمة

بالعادة Reye's syndrome تصير بالاطفال المتعافين من الاصابات الفيروسية (viral infections) مثل الانفلاونزا ونزلات البرد.. اذا كانوا اخذوا اسبرين اثناءها

بالعادة تصير بعد ٣ ايام..

هاي الاكياس شنو؟
هاي لحالات تستدعي المخاطرة لو صح التعبير.. يعني حالات تكون فوائد الاسبرين اكثر من مضاره..
- Kawasaki disease
- Thrombosis prophylaxis
- Juvenile idiopathic arthritis

كنتيجة.. بشكل OTC ولنشلة ان فلاونزا عادية لا يُصرف اسبجيك ابد.. هذي الاكياس لحالات خاصة

@zaiddoespharmacy

هذا يكلك الاسبرين بالناس الي اعمارهم جوة ال١٤ (وفي روايات اخرى جوة ال١٦) ممنوع لاحتمالية حدوث Reye's syndrome

وهذا من الاسباب ان العراق ما يقبل ينطي اقرار وتسجيل لأكياس الaspegic لحماية الصيدلاني والمجتمع من احتمالية حدوث هذا الاستخدام الخاطئ الي عواقبه fatal بسهولة

السؤال.. زين هاي شنو؟
Nourrissons يعني للرضع بلغة ذولاك العالم
سولفولنا
@zaiddoespharmacy

شكرا على مشاركاتكم د. خير الله، د. نوح، د. اميمة، د. زهراء

شباب
مشكلة هذني الانتي بايوتك هي overlap بالspectrum

يعني الطيف مال الاوكمنتين تقريييباً مغطيته السفترياكسون.. ونفس الكلام للأزثرو..

الناتج من هذا الشي هو polypharmacy..
يعني شنو.. يعني وجود ادوية بغير حاجة.. يعرض المريض للسايد افكت مالتها وهو ممستفاد منها

والازثرومايسين يقلل فعالية الاموكسسلين by antagonism

الشراب الي كاتبه Brovolek
- Guaifenesin
- Terbutaline
- Bromhexine

ما اكو غير تداخلات

موضوع الTdp هذا شوية debatable
المصادر الي شوفتكم اياها بالتعليق عالوصفة تكول ميسوي
هم اريد اسمع منكم بعد بخصوص هذا الشي

@zaiddoespharmacy

شنو رايكم اكو خلل؟

#وصفة
@zaiddoespharmacy

عاشت ايدك د. خير الله

اهم شي بالصيدلاني يكون يكدر يبحث بالمصدر الصحيح ويطلع المعلومة الصحيحة بسرعة

كلامه كله صح، وخلوا ببالكم ان ماكو استخدام لحبوب levofloxacin 500, 750 غير مرة وحدة باليوم لكل الحالات الي يستخدم الها، هذي قاعدة لا تقبل الشواذ نهائيا..

هذي وحدة من الوصفات الي اجتني، وواضح ان المريض ديستخدمه بعد ابر (طالع من عملية)

صححنا الاندكيشن انه مرة باليوم

هو لو يكون prescribing error سببه lack of knowledge بهذا الموضوع من الطبيب الprescriber..
لو من ورة السرعة واللود وتشابه اسمه وية الciprofloxacin كتبه 1×2

احنا عموما موجودين نصلحها، المشكلة احنا اذا خطأنا بعد ماكو احد ورانا يصحح🙂

@zaiddoespharmacy

اكو غلط بالوصفة؟

@zaiddoespharmacy

هذا ابو التداخلات يكلك الNSAIDS طلعت ملغمة.... باشياء متدري منين بس خطرة

تداخلات قوية مع الNSAIDS:

- Apixaban (ELIQUIS) (Increase risk of bleeding

هذا يكلك ان استخدام الNSAIDS حبوب او حتى لو كان topical سواء جل او كريم او قطرات عيون مع الapixaban.. ممكن يسوي نزف دموي بالمنطقة...


- ACE Inhibitors (Pharmacodynamic antagonism)

الNSAIDS كلها تقلل افراز الRenal vasodilating prostaglandins.. وهذا شافوه انه سبب انها تضعف شغل الACE inhibitors كخافضات ضغط.. الناتج هو ارتفاع ضغط الدم ومشاكل كلوية


- Perindopril (COVERAM, COVERSYL, TRIPLIXAM)
نفس الميكانزم المشروحة وية الACE inhibitors لانه نفس كلاسه بس للتنبيه

#تداخلات
@zaiddoespharmacy

دنحاول نسوي سلسلة جديدة نسميها #تداخلات
نذكر بيها تداخلات مهمة لادوية مشهورة بالباي هاند وعليها سحب قوي

فبناءاً على ملاحظات الادمن الثاني (د. امنة) نبلش بالازثرومايسين Azithromycin

كتداخلات خطرة كلنا نعرف ان الانتي بايوتك تتداخل وية اللقاحات

تداخلات قوية مع الازثروماسين (ممنوع الصرف):
Increase QTc interval يعني تأثر على كهربائية القلب
1. Salbutamol (VENTOLIN)
2. Alfuzosin (XATRAL)
3. Hydroxychloroquine
4. Ondansetron (NO VOMIT, ZOFRAN)
5. Escitalopram (CIPRALEX)

Affect serum levels of: تؤثر على مستويات الدم للادوية الاتية
1. Colchicine
2. Digoxin
3. Enoxaparin (CLEXANE)
4. Heparin


فالسيناريوهات هواية.. خصوصا شخص دياخذ كلكسان وتاثرت بيه، او مريض ربو (هواية يكتبولهم ازثرو وهالشي موجود بالكايدلاين) يكون دياخذ فنتولين ويأثرن على القلب

وباقي السيناريوهات لكم ان تتخيلوها
@zaiddoespharmacy

طلع بيه خطأ بسيط بجرعة الباراسيتامول🙂

المهم ان حينزل جدول اعادة لهذا ومضافة اله شرابات اكثر
وحينزل جدول ثاني لقطرات الاطفال🙂

احتاج منكم صور مال leaflets مال القطرات من صيدلياتكم على @zaiim_oh، هواية تفيدني احسبلكم الجرعة على عدد القطرات، لان كل dropper ينزل كمية شكل حسب شركته، وتنكتب بس بالليفلت ماكو بغير مصدر

@zaiddoespharmacy

لحد الان اكثر مستند فادني بالصيدلية
ميجي يوم الا استعمله

انصح الكل يطبعوه ويخلوه بالصيدلية

@zaiddoespharmacy

اليوم نفس الحالة وبعد اوضح ISDN
نصف حبة مرتين

@zaiddoespharmacy

برأيكم شنو الخطورة في حال نطينا توصيف غير صحيح؟
وهل هذا الخطأ اذا صار يُحسب على الطبيب لو الصيدلاني؟

شباب كولتكم الايتم الرابع شنو توصيفه؟

@zaiddoespharmacy

اول شي قريت SC ساعدتني
معناها ابرة تحت الجلد

بعدين لكفت mixtard

1. Mixtard insulin 20 I.U SC 1×3 كل ثمان ساعات

قبل النوم، وبادية بpre,
هو بريكابالين بس اذا تركزون مكتوب pregavit هذي شركة حخليلكم صورتها جوة

2. Pregavit tab 1×1 قبل النوم

بعد العشاء، يعني سوالف مال كولسترول
3. Lipidox tab 1×1 بعد العشاء
اسم تجاري نازل بيه مادتين حخلي صورته جوة

4. Dynergy tab بعد الافطار
هذني مكملات تنطي طاقة، اسمها مبين واضح،

5. Telmicard 80 1×1 بعد الغداء
مبين اسمه نتأكد من الجرعة صحيح ٨٠

6. Concor 5 1×1 قبل العشاء
هم مبين بالاسم والجرعة

@zaiddoespharmacy

#وصفة 27 باطنية
قبل شوية اجتنا

@zaiddoespharmacy

بحدمه تعالى اجتزنا الدورة النقابية الاولى لأعداد الصيادلة العاملين في المستشفيات الاهلية
تضمنت ٨ ورش عمل وتدريب عملي بالمستشفى الملكي الاهلي
واختتمت بامتحان OSCE حصلت بيه على المركز الاول على الدفعة، شاركنا بالقاء محاضرة تلخص الدورة وتثمن جهود الاساتذة العاملين عليها

اهديت المركز الاول الى كل صيدلاني ربط الليل بالنهار وهو يتعب على نفسه ويرفض ان يموت طموحه وشغفه للتطور والتميز
وهذا شي دائما اذكركم بيه

@zaiddoespharmacy

#من_اعماق_البايهاند
@zaiddoespharmacy

ساعة 10:40 ليلن

=سلام عليكم يوم
-عليكم السلام هلا بيج

*دتتفرج على المميات مال اطفال*

=يوم اكو عدكم مميات مال قبل؟
-مميات مال قبل؟

=اي اي مال قبل
-شون يصيرن يوم؟

=هي مال قبل ذني الجانن
-مو اني مجنت عايش قبل اني من جماعة هالجيل هذا

=اي ادري يوم.. هيج جانن يخبلن
-زجاجية مو؟

=اي هيج جانن زجاج وكلش حلوات مو مثل هسه (وابتسامة مال شخص تذكر وقت حلو وشي مرتب.. مو مجرد ممية عادية🙂)
-يوم هسه الصناعة كلها تعبت
=اي والله صحيح

واخذت شريط دولبران وراحت

جنت ضايج وضحكتني الحجية😂😂

#من_اعماق_البايهاند

الواحد يحجي الاله والعليه

البارحة جتي مراجعة تريد باكيت gabapentin 300 لأبوها (بوصفة قديمة).. وضحت الها انه موزين يتعود عليه (لان تكول ياخذه صارله فترة وميدري يسوي هيج حالة)

اليوم جتي تكول استشاريت الطبيب هم وكلي ميصير ولازم يقطعه
ورجعتهن للشرايط الي اشترتهن منا

حسينا بالسعادة المطلقة حتى اجهشنا بالبكاء


*كلنالها احنا والطبيب انه ينقطع تدريجيا🙂

#من_اعماق_البايهاند

1. اريد زرنيخ عدكم؟ (الزرنيخ يستخدم سم جرذان)

2. - جانت بية فلاونزا اخذت الشريط ابو ال3 حبايات (تقصد ازثرو) كل ساعتين اخذت حباية...
= كل ساعتين؟
- اي
= ومصار عندج اعراض؟
- واللهي هو اني بقيت نايمة اليوم كله
*فضحك الجميع حتى اجهشوا بالبكاء*

3. دكتور ابني ريحة رجله كلش مطيبة.. بس ينزع الحذاء والجواريب تطلع.. شعندك علاج؟

4. - شريط فاليوم ابو الخمسة
= يمكن عندي بس ابو الثنين
- لعد اريد شريطين ابو الثنين

وكلها بنفس اليوم

#من_اعماق_البايهاند
@zaiddoespharmacy

تعليمات شراب اوكمتين طفل ٨ سنين

- عيني هذا ياخذ منه ٤ سيسي كل ٨ ساعات يعني ٣ اوقات
بس يضبط الوقت يلتزم بيه مثل الصلاة (اشارة الى اهمية الالتزام بوقته spacing out the dose of antibiotics)

وهذا الدوة الثاني و و و.. هلكد صار الحساب

= يعني دكتور هذا ياخذ منه بعد كل صلاة؟

#من_اعماق_البايهاند

متباركين بمولد سيد الكائنات محمد صلى الله عليه وسلم
اياً كانت فيروى انها من هذه الايام

نسأل الله تعالى ان يجعلنا مقتدين متبعين له صلى الله عليه وسلم ولدينه ورسالته

@zaiddoespharmacy

حبيت ان ما صالخيه بفلاجيل كبل

اكيد شافوا الحالة بالاكزام تشير الى viral او بصورة عامة self limiting

Dx toddleric diarrhea

نشوف الادوية،

1. Profen syr
5cc×2

2. Hidrasec sachet
اعرفوه هذا لان ينكتب بوصفات الدياريا للاطفال والكبار
هذا antidiarrheal مسموح من عمر ٣ اشهر فما فوق.. على عكس الباقيات المتوفرة
عدد 5 كيس 1×3 لمدة يومين

3. Zinc syr
2.5cc×1
الزنك كل الدراسات شافته فعال وشغال لدياريا الاطفال.. وهسه اكو محاليل ORS مضاف الها زنك.. دا اصرفها للمرضى اليجوني دياريا وفيدباكها كلش زين

4. هاي تحضير
Betnosam + fugidin

هذا مال طفح الحفاظة يكتبوه

عموما عجبتني الوصفة

@zaiddoespharmacy

#وصفة مدريشكد اطفال

بعد يمكم

@zaiddoespharmacy

زين
اول وحدة حتنعرف من جرعتها.. دا اقرى 150.. ومن اول كم حرف.. دا اقرة Flu

1. Fluoconazole cap 150mg
عدد وحدة فقط مكتوب

2. دا اقرة Mycoheal
هذا اكو منه skin cream, vaginal cream, vaginal supp
عرفت انها supp من العدد ستة..

اعتقد توضح النا ان الكيس candida

3. Fugidin cream 1×2
اني غلطت بالبداية قريته fucidin.. الفيوسدين يتخلى على الجرح.. الكيس مو عملية ولا اكو اي جرح فميرهم وياها..

4. Ornixol
هذا نفسه orcipol ويرهم وية طبيعة الكيس

5. Etodal واضح

6. Bioxit واضح

7. Dynergy tab سبلمنت

@zaiddoespharmacy

اجاني واحد صاير عنده الم البارحة

فمفتر على 6 صيدليات كل وحدة ناطيته مسكن.. وبالعهن كلهن 6 مسكنات.. وبالليل رايح للمستشفى ضاربيه ابرة

وهسه معدته هايجة عليه.. ديسأل ليش

ليش يا ترى

#من_اعماق_البايهاند
@zaiddoespharmacy

#وصفة 25 نسائية

حاولوا تقرون اول او ثاني ايتم ومنها تخمنون شنو الكيس وحتساعدكم تخمنون البقية

@zaiddoespharmacy

فشسمه
1. Dibase 300,000 amp
عدد اربعة.. وهذا منافي لما نصت عليه مبادئ حقوق الدي ثري في جرعة 600 الف كافية ترفع النسبة للطبيعي حتى اذا جان تحليله 5

المهم.. مكتوب شرب بالحليب كل اسبوعين

2. Osteovit eff.
هاي الeff. يعني فوار.. هو osteocare عادي

3. Ferrofol tab
حبة يوميا

4. pregabalin
شون عرفت.. لان كاتب مساءا ومرة وحدة
اول ما قريته قريت مايوجسك.. بس مو هو.. بس سبب ثاني هو الايتم الوراه

5. Unigesic tab
الي هو نفسه مايوجسك

6. Mobic 7.5

انتبهوا للموبك جرعته 7.5 مرات تختلف الاسماء التجارية ويجوز تقروها 75 يروح بالكم على البريكابالين

وكان الله بعون الوادم✌️

@zaiddoespharmacy

اي فشسمه #وصفة 24 اورثو

من شخصكم المفضل بالاورثو

@zaiddoespharmacy

اجتني وحدة عدها تليف رئة تريد علاج من الصيدلية

#من_اعماق_البايهاند

يمكن هاهية نغسل ايدينا من العراق بعد

لان هذولة دكاترة... من البلد.. اقل واحد دارس ٤ سنين.. طالعين ديريدون يتعينون بشغل يكرب عليهم كراب وينطيهم ٨٠٠
وهيج سوو بيهم

#مجزرة_الشواف
#المهن_الطبية

-يوم الجمعة-

دخلت مرة وزوجها

سلام عليكم
=عليكم السلام

-نريد حبوب ازثرومايسين
=المريض شعنده اعراض؟

-اني (المرة) عندي الم بصدري
=بكل الصدر لو جهة معينة؟

-على اليسرة وعلى الجتف
=...... والرقبة هم؟
-اي اي

=............. زين الالم يزيد او يصير بس لمن تتنفسين او تاخذين نفس عميق؟
-لا مستمر
=كم يوم صارله؟
-البارحة
=اكو كحة وياه؟
-اي
=رطبة؟
-لا.. جافة

=صار فد حدث معين مثلا عصبية او حزن او شي وصار؟
-لا بالعكس عادي

=ست حالتج النفسية شلونها هالفترة زينة؟
-اي زينة ماكو شي

~دكتور اني اعرفها من هيج تصير تاخذ حبوب التهابات وتصير زينة

=لا لا.... مو موضوع التهابات... يراد تراجعين طبيب باطنية..
-ليش شنو دكتور؟

=ما اكدر اني احدد اكو اكثر من حالة مختلف ممكن تكون هي.. فراجعي طبيب وانصح ما تأخرين الموضوع

-مو اني تصير عندي واخذ مال التهابات وعادي
~دكتور اني اعرفها مو سالفة قلبية ولا ابد هو دائما هيج يصير عدها

=ميخالف اني ولد دارس ٥ سنين دا اكلك مو التهابات.. هاي غي، موضوع يرادلها طبيب ولتأخر الموضوع


*استخدمت كل طرق الاقناع.. ودكتورة نور هم جانت موجودة يمكن دتقرة المنشور هم حاولت وياهم.. منعرف حيراجعون لو لا

ألم الصدر تتعدد اسبابه..

ممكن يكون مجرد التهاب..

ممكن يكون قلبي (مثل هذا البرزنتيشن يكون يصعد للكتف الايسر والرقبة.. ممكن يصاحبه سبيوتم لونه ابيض)

ممكن يكون رئوي.. يصير الالم ويزيد لمن يسحب نفس او يتنفس بقوة..

وممكن تشنج عضلات الصدر تسوي نفس هذا الالم

واكو اراء ثنين بالموضوع..
راي يكول "كلمن هو مسؤول عن صحته.. انت تنصح وتعبر للشخص الوراه"

الرأي الثاني يكول "اذا ما قنعت المريض ياخذ علاجه فلا قيمة للتشخيص"

@zaiddoespharmacy