محطة شِعر.. @iii3tb Channel on Telegram

محطة شِعر..

08 Sep, 01:48

خل هامات القصايد تنحني لعيون غادة
‏عيطموسٍ تذبح العشاق بـ سهوم المودة

‏ان تمادى صمتها وان سولفت سكر زياده
‏مستعده تغرّق الدنيا حلاوه مستعده

‏والقصيد ان ما غدى في عنقها مثل القلاده
‏وش ابي به لا رحم جد القصيد وجدّ جده؟

1,649

محطة شِعر..

17 Aug, 02:42

‏قلبي اللي حب من طهر واغراه النشيد
‏جادلٍ ما شالت من الذنوب الا الوداع

‏يا وريثة كاسب الطيب والمجد التليد
‏اللي مثلك لازم يقدّر حقوق الشجاع

‏ما غويت الا بحبك وبلحون القصيد
‏المتاع اللي تمنيت والدنيا متاع

‏لا تقولي حمر عين وقلبه من حديد
‏الحديد يذوب عند اللي عيونه وساع

2,584

محطة شِعر..

30 Jul, 02:36

مجي الرسوم هموم قلب وعنا وشعاف
‏تمثنيتهـا والحــزن منهـا تمثنـانـيّ

‏احث القدم ما كنّ روحي لهـا ميلاف
‏ياليت القدر ما سـاق رجلي مسيّـاني

‏حصيـلي هموم وضيقه وونه ومنكاف
‏انـا وين حظي لـ التحـاسيف وداني؟

‏منـازل بني عم ومداهيل حم اشعاف
‏وزمـانٍ ونيس وسجةٍ عمرهـا فانـي ..

2,950

محطة شِعر..

22 Jul, 01:37

شامخه بين البشر من سلايل شامخين
‏بنت شيوخٍ كل دعوه تجي يحمونها

‏الخصال الفارقه في الحجاج وفي الجبين
‏والنعومه والفخامه وسحر عيونها

‏مهرتن ماتنظر الناس غير بنص عين
‏ماتناظر جملة الخلق لو يدعونها

‏عينها يم ابلجٍ في المواقف مـايلين
‏ينثني من دون ربعه ويحمي كونها ..

3,127

محطة شِعر..

14 Jul, 02:59

يا وجهٍ كل ما بان الصباح .. وبنت
‏عرفت إن نور شمسك نقطة بداية

‏تعاطيتك بدون حدود ، لين أدمنت
‏وصرت أقصى الطموح وذروة الغاية

‏محد يملك زمام اللي مضا غير انت
‏هواك اللي تصرّف .. واتخذ رايه

‏ياكم بأسباب طيفٍ من غلاه أذعنت
‏سريت بـ ليلةٍ .. ما هي بـ سرّاية

3,254

محطة شِعر..

21 Jun, 02:16

اعتقيني من يدين العالم اللجاجه
‏كل ليلٍ دون وصلك ليل ما له قمرا

‏يا علاج الخافق اللي فيك كل علاجه
‏من سواليف الغرام الى الشفاه الحمرا

‏لإتجاهات القوام العدله المنعاجه
‏واستمالات التقوس والرموش السمرا

‏كل شيٍ قلت ما احتاجه انا محتاجه
‏اغمريني فيه حتى يحدث الله امرا ..

3,837

محطة شِعر..

15 Jun, 22:25

هلا بأول عظيمه عانقت قلب العتيبي لين
خذت ماياخذ الصاحب من اجزل خيرة اصحابه

هلا بك لو مجيّك كل مره بين حين وحين
هلا بأعظم عظيمه مالك اموازي ولا مشابه

ألا يا ام الأناقه والتفاخر والغنج والزين
عليك الروح منقاده مثل ماهيب منصابه!

3,825

محطة شِعر..

02 Jun, 14:00

أنا سيّد أفكاري ما أحب أتبع التنوير
‏قناعاتي اللي داخلي .. موجز أحزاني

‏ما أعيش الحياه اللي تجي وفق فكر الغير
‏شعوري عميق ومنطقي منطق إنساني

‏ولاني بحاجه حُب واهم ، ولا تقدير
‏أنا نصفي الأول وأنا نصفي الثاني!

4,156

محطة شِعر..

16 May, 14:07

الشاعر : عبدالعزيز الوذيناني
@abdazeez555

4,432

محطة شِعر..

16 May, 14:07

ما تضيّق سود الأيام من صدره رحب
‏مؤمنٍ بـ أن البسيطه و أهلها فانيه
‏-
‏جعل دنيا فرقتنا عن أغلى من نحب
‏يجمع الله بيننا . . فـ الحياه الثانية

4,620

محطة شِعر..

16 May, 14:05

راسي اللي جرب الدنيا وصل ومفارق
‏ماخذٍ من ( دورة الأيام ) درسٍ قاسي

‏لين صار الوضع مع سود الليال مزارق
‏كان ما جتني بضيقة جبتها من راسي

‏مختلف ما عاد يشعاني وميض البارق
‏وصايرٍ ما عاد أحس الناس هذي ناسي

‏أدري أن عزمي قوي بس أشعر إني غارق
‏واثقٍ من كل شي وخايف من إحساسي!

4,457

محطة شِعر..

16 May, 14:05

مساء الخير بعد غيبه❤️.

4,160

محطة شِعر..

07 Mar, 23:52

ابي من عيونك نظرةٍ ، تلفت الانظار
‏عساها تداوي جرح من قوسك الباري

‏وابي من كفوفك ضمّة الارض للامطار
‏لا صبّت مزونـه صبّ والليل سمّاري

‏وابي قطعة اللولو ، وابي فكّة المحّار
‏وابيك السماء والمزن والارض وابحاري

‏هذي كلها عـن جرح عينك ، وابيها ثـار
‏انا منجرح من سهم عينك وابي ثاري!

5,647