كيسات

يلا عوفوا هاي سوالف التعبانه
احجولنا شونكم بالكيموثيرابي ؟

شتعرفون عنه Emend ?

منو الذكي الي مختار ella ?
مو كنالكم الا وصفة وكنالكم ماتنطي للمرضع و كنالكم هي داتكلك عندي infant يعني رضيع يعني دترضع

شون تكلي انطيها ella وشون اصلا تكلي انطيها CHCs pills وهي مرضع؟؟

وشون اصلا تنطيها جرعة عالية هو انت تعرف شنو الدوه وشنو الجرعة هو حت بالمصدر مذاكر الجرع و العلاج لان بكتب الطبية مو كتب الصيادلة

شنو الضوضوع ليش هيج

جتي للطبيبة فيميل
To prevent unintended pregnancy after unprotected sexual intercourse ..

والطبيبة اتصلت ع الصيدلية دتسأل عن Emergency contraception EC الا حبّة Ella(Ulipristal) لان توفرها قليل بالصيدليات ع فكرة ..
ف واحد تخطر باله ليش ما كتبت i pill (Levonorgestrel)
الي كلنا نعرفها ومتوفره ؟

هو مبدأيا احنا عدنا EC الي هي FDA approved نوعين:

🟡Progestin only EC (i pill containing Levonorgestrel)
✔️هاي تنطي خلال 72 ساعة من حصول ال unprotected intercourse فقط
✔️وتكون مو كلش فعالة اذا وزن البيشنت فوك ال75 هنا هم ما افضل انطيها احتمال جبير مراح تشتغل!
وهي ايضاً
OTC in United State.✔️

🟡Selective progesterone receptor mediators(Ella containing Ulipristal).

✔️تنطي اذا عبر الوقت 72 ساعة يعني خلال 120 ساعة او خمس ايام وهنا حتوقع انها احسن للي وزنهم فوك 75

✔️الشي المهم not recommended for breastfeeding and not OTC
__________
يعني من الاخير تجيك للصيدلية تكدر تنطي i pill خلال تلث ايام وشفت وزنها جوه 75 اما اذا صارلها فوك 72 ساعة و زنها زائد دزها للطبيبة تصرفلها Ella ..

⁉️🚨واذا عبرت الخمس ايام شون؟
هنا يا اما يجربون ella نوب ممكن تفيد.. يا اما شدلها لولب IUD يا اما تروح ع طريقة yuzpe method هي انو طبيبة تنطي جرعة كلش
عالية من CHCs pills
_

✅ بعد متاخذ حبوب منع حمل الطوارئ تنبهها تبقى تستخدم وسيلة منع حمل غير هرمونية لمدة اسبوع ع الاقل مثل واقي ذكري


Ref. Pharmacotherapy handbook 12th edition
#نسائية

ع طاري الكيتوناز

يجي واحد يكلك استخدمه ومفادني

اني مثلا مستمرة عليه مدى الحياة لازم مرة بالاسبوع لان هي قشرة كرونك ترا ترجع تطلع نوب! فلازم تعالج وترجع تستمر وراها! مو تتركه وتكول ميفيد اني بس اتركه سبوعين هيج جرة وحدة ترجعلي كشره !


+ اكو صدك ميفيد وكشره كثيفة حيييل لدرجة توكع حت ع جتفهم هاي مناعية وتكون اشبه بالصدفية ودشوف طبيبة تكتب الها حت سايكلوسبورين وشامبو صدفية وتحاضير وشغلات مال فطريات ..

#جلدية

شخص يجي يكلك جفن عيني-الفوك او الجوه- ديرف او ديرعش و هلشي مقلق ومزعج

السبب هو شد عصبي والقلق وكثره استهلاك المنبهات و دراسة و جلوس لساعات طويلة كدام التلفون وهلشي يجهد عضلات العين و كثرة تركيز بالتلفون خصوصا للي عنده شغل او دراسة راح تنجهد العين وتجف و تنرهق العضلة

ف الحل هو انه يبتعد عن المسبب يقلل منبهات وسهر وينام زين و يقلل التلفون واذا مضطر يستخدم هاي الاشياء لان يشتغل ويدرس ويسهر فلازم يستخدم قطرات مرطبة و قبل لينام يخلي كمادات دافية فد عشر دقايق حت ترخي التشنج الي ديصير بالعضلات الي حول العين ..

واذا ديشتغل لو يقره لساعات طويلة ف يقطر كل ساعتين قطرة مرطبة ..

#عيون

شوف هسا الosteocare شركة بنفسها مصنعة شي للmenopusal حاطيلك بيه اوميغا٣ و عود soy لان بيها فلافانويد الي هي كلاوات بلاسيبو عود تعتبر فدشي يساعد بصناعة استروجين ف يخفف الاعراض بس عموماً حركة ذكية حت تكون بيها جرع امنة ك استخدام يومي ✅

يعني من الاخير اهم العلاجات تكدر تستمر عليهم :

↪️Vit E 800 iu for hot flash
↪️Ca+d3 supp.
↪️B complex for mood swing and sleep disorder
↪️Evening primrose oil 🌸 for many symptoms like hot flashes, anxiety ,mood swing ,sleeping disorders

هاي الاشياء الbadic لازم تستمر عليها بشكل يومي ، اكو شركات حاطه كل هاي الامور سوه مثل aktiv meno او تاخذ فيتامينات A-z او osteocare بيها كلها كالسيوم ودي٣ و فيتامينات b وحت بيها مغنسيوم وزنك حبة بعد الغداء وياها فيتامين e كبسوله وحدة باليوم

+ تضيفلها علبة evening
primrose مرة وحدة مساءً بعد العشاء ✅

المكملات مو اكثر من ٣ شهور متواصله .. تترك فترة وترجع تاخذ حت ممكن هي اكلها صحي وعدها كالسيوم كافي حت ليصير زيادة ولو هي شركات حاطتلك جرعة يوميه ومتضر بس هاي ملاحظة لازم تذكرها ✅

#نسائية #فيتامينات

📌Postmenopausal woman cases
نساء الي تبدي عدهم اعراض انقطاع الطمث شون نتعامل وياهم بالصيدليات؟
شنو نقصد لمن نكول هاي المرأة دتمر بسن انقطاع الطمث؟
A woman has reached menopause when her ovaries stop releasing eggs (ovulating)

شوكت تعتبر دخلت بسن انقطاع الطمث ف ابدي اشك بالاعراض المصاحبه لعمرها؟
, a woman is considered no longer fertile once she has gone 12 months in a row without having any bleeding.

من يا عمر ؟
Menopause usually occurs between the ages of 45 and 55. About half of women reach menopause by age 50. By age 55 some 96% of women have reached menopause.

شنو تجي عدها اعراض؟
Women experience physical effects before, during, and after menopause: hot flashes,
excess sweating, difficulty holding urine, vaginal dryness that can make sex painful, and difficulty sleeping.
طبعا الاعراض تطلع قبل ، واثناء،وبعد الانقطاع التام للدوره يعني يجون عمرها منتصف الاربعين دورتها تخربط ممنقطعة نهائي تروح وترجع وعدها هاي الاعراض من سن 45 وتبقى هيج لحد سن ال50 ممكن يلا تنقطع تماماً !
فهذوله كلهم من عمر45-55 اعتبرهم menopausal woman’s

📌شون اقلل هاي الاعراض بالصيدلة واساعدها تتأقلم ؟
اسألها شنو عندج اعراض اشوف من شنو هي تعاني من اي عرض ؟ لان الـ side effects متطلع كلها مرة وحدة ولا تطلع عد كل الاشخاص بالتساوي لكن اكثرها شيوعاً

⭕️Hot flash ➡️ Vit.E 800iu/day +eating food containing soy
⭕️vaginal dryness ➡️vaginal lubricant or moisturiser can be use اذا طول الجفاف وجان قوي بحيث يسوي irritation و حكة اكو تحاميل هيالرونك وكريمات داخليه مفيده
واذا الجفاف اثر كلش بعد خصوصاً during sex
و ادى الى painful intercourse or pain durin sex ف ننصح ب استخدام مزلقات lubricant during intercourse
⭕️Ca+D3 ➡️eating food rich in Ca and taken Ca supp.
بسبب انقطاع الاستروجين راح تبدي مشاكل قلة امتصاص الكالسيوم وتبدي الام مفاصل والعظام ف لازم يهتمون بهلجانب بالاكل و مكملات -بجرع يومية وليست علاجية-اذا كان اكلهم مو غني بالكالسيوم وميحصلون ع كفايتهم من اشعة الشمس
⭕️night sweat ➡️Omg3 cap 1*1
omega-3 supplements may alleviate night sweats but have no benefit in reducing hot flushes, or improving
quality of sleep during the menopausal period.
مو كلش مفيده من الاخير اصرف بدالها الـ 👇🏻
⭕️Evening primrose oil
➡️ can offer relief from a number of menopausal symptoms, such as hot flashes, night sweats, difficulty sleeping, vaginal dryness..etc
ليش هو هلكد مفيد؟
هو يحتوي ع omg6 و انواع من fatty acids الي يستخدمها الجسم ديصنع prostaglandin that
help counter hormonal changes associated with menopause..
⭕️ dietary supplement➡️like Aktiv-meno
بيها مكملات خاصة لهيج فئة بيها كالسيوم ودي٣ وبيها ايضاً فيتامينات B6,B12 الي تخفف من الام الاعصاب والصحة العصبية الها لانو حتعاني من mood swings بسبب الhormonal change
⭕️magnesium supplements ➡️ may help with a number of menopause symptoms, including anxiety, sleep problems, low mood and reduced bone density


📕 Ref.
WHO-Family Planning Handbook 2022

#نسائية #فيتامينات

فيميل عمرها ١٨
حكة وحرقة بالادرار وافرازات

معدها امراض مزمنة ومتاخذ ادوية

⭕️Fluconazole 1 cap* as single dose after dinner
⭕️Suprax 400mg 1*1 after lunch
⭕️Uricol sach.1*2 morning ,evening
⭕️Nystacort cream apply twice daily o/n

#نسائية

طفله عمرها ٩ سنوات عدها حكة بالمنطقة الحساسة ف شكيت مجاري بولية ف سالتها ع حرقة الادرار وجان جواب الام انو حرقة شديدة حت تخاف تدرر لانه تحرگها المنطقة !


الشي الاكيد اذا حللت حتلكه رمل والتهابات وهلشي شائع بالاطفال اهمال الاهل جبس وبهارات واندومي و مي طفل متركز بيه اذا شرب لولا الياف ماكو سوائل ماكو !

مهم ماكو امكانية تاخذها تحليل وطبيب وعلاجات ف تعالجها انت بشي مفيد احسن مما تاخذ من غيرك شي ممفيد!

⭕️Cefodox syr. 5cc*2 For 1 week
⭕️Uricol sach. 1/2 sach *2
⭕️Nystacort cream o/n for external use only

#اطفال #بولية #انتيبايتك

البامبو يستخلصون منه مادة silica هاي مادة موجوده بالشعر وبالاظافر والبشرة مثل الكولاجين

وموجوده بالمفاصل وهسوالف ف البامبو يفيد ك مقوي شعر واظافر و مفاصل وهسوالف يعني مثله مثل كولاجين وبايوتين ف اخذ بايوتين و نيوروبين اشرفلك واضمنلك بصراحة ..

ما يبيض برأيي وماله فايده
لان يحتاج كورس لمدة طويلة يلا يثبط الانزيمات الي تصنع الميلانين

ممكن يحسن نظاره وعلامات تقدم سن لانه مضاد اكسده و اله تأثير تفتيح بسيط ع مدى بعيد اذا شخص هو اصلا ابيض وصار عنده تصبغ مو انه اسود واكعد افتح بشتري بالحبوب .. اكو ابر وتقنيات لخ تفتح بشرة مو الحبوب هاي..

زين شنو تعرف عن البامبو كسبلمنت؟🎍🎋
لو متعرف عنه شي ومشايفه؟

شنًو الفيدباك الي تعرفه عنها
وصدك تبيض؟

وهل تسوه ٧٠ الف ؟

قسماً بالله متلكون مثلي هاي واني نفسيتي تعبانه واوفرلكم واجاوبكم بكلشي اعرفه لو مو تعبانه جان شسويت بس تخيلوووا

Pharmacotherapy hand book 12th edition 🎀✨

#مصادر

Pharmacotherapy hand book
طبعة ١٢

🔴كومة تسمع اخذ حديد لمدة شهر وراها حلل .. فكرة حيييييل فاشلة علاج الحديد يحتاج ع الاقل شهرين يلا يتعالج -اذا دتاخذ اورل مو جلسات parenteral- ف يحتاج ورا ميتعالج بالقليل شهررين ياخذ جرعة علاجية!! يحتاج وراها فد ٣-٦ شهوور جرع وقائية !! يعني يبقى ياخذ حديد بجرعة يومية بس -حسب نوعية الحديد و ملح الحديد الي دياخذها -ف يعني اني اخذ ٣ و شهر واحد وقائي

اما سالفة. تاخذ شهر وتحلل شغله كلشششش كلاوان ومو علمية لان هو فعلا حيصعد بال circulation وحيطلع طبيعي ممكن لكن بعد مصار عندك replenish للستور مال الحديد المخازن بعدها فارغة ما انترست ف اذا تركته والمخازن ممليانه راح يهبط مباشرة ورا فتره وهلسبب يفسر انه ليش ناس تكلك مدا اتعالج و ميفيدني الا يروحون ع الiv لان اول سبب مدياخذه بطريقة صحيحة ولا جرعة صحيحة ! و هو امتصاصة كلش نحس وقليل ونوب هو اصلا دياخذ قليل او ترك بدون وقايه ورجع هبط فجأة!
فلازم تنبه ع مدة وجرعة الصحيحة ✅

Ref. Pharmacotherapy hand book 📕

راح اعالج نفسي
مخزون حديد عندي ١٨ لازم ارفعه ٧٠ -٦٠ ع الاقل هو فوك٣٠ يلا نكول عنه near normal هو نورمال بس انه ع وشك يهبط فلازم فد لل٧٠

حاخذ فيالات
وبعدين حبوب اي فورملا

اريد اجرب sidral فورملا جديدة عساس يوصل كامل للدم ! مرتين باليوم

واريد شهر نوب اجرب هيمابلكس مرتين لان الخديد بيه ٨٥ لازم
و فروفولك وياه فولك اسد اذا اخذه ف ٣ مرات مفروض لان حديد بيه اقل من ٦٠

واني اصلا داخذ فولك اول ابو ٤٠٠ ug شهر و فيتامين سي

وb12 هم اكدر اخذ عدد٣ كل ٥ ايام شرب 🍾


اني ما الطش كلما يصير عندي فقر دم اخذ كل شهر شركة بس انتبه للدوز حت تاخذلك فدشي بيه حديد صافي عالي

____

العلاج حسب BNF يكلك لازم يوصل صافي حديد باليوم ١٠٠-٢٠٠ mg باليوم

يضل ٣ شهور علاجية و شهر وقائي

شباب الاعراض جانت
تساقط قوي <بس هذا يصير وي كلشي ف مو شرط حديد ما اهتمين لان اني شعري يبقى يوكع

بس اكثر شي لاحظته ع نفسي هو الخفقان كلش وهبوط ضغطي ١٠/٦ و تعب كلش تنام شكد تكعد تعبان و متكدر تبذل اي جهد كبل اتعب وادوخ و postural hypotension من كاعده واكوم فجأة دنيا صير سوده بس اكثر عرض يخليني اتأكد فقر دم هو الخفقان و الاعياء وضيق تنفس يعني اذا اوكف فتره طويلة او اشتغل شوي يصير عندي ضيق تنفس وخفقان


اني اعرف نفسي لان مو اول مرة يصير عندي كل كم سنة الكه عندي انيميا لان لايف ستايل ماتي خرط بسبب الجاي بعد كل وجبة اشرب هوايه جاي ف الحديد عندي مزفت وعوامل ثانية هم ف هلشي متوقع

مهم حط بالك هاي الاعراض اهم شي الى جانب شحوب والهالات وتساقط محد يديرلها بال لان تصير وي اشياء ثانية بس خفقان وضيق تنفس و فقدان شهية

شربت حديد ب٨ شكد لازم انتظر داشرب جاي احس راح اموت

و اذا ع شغل ف حسب تقنية لكن تحتاج تكعد فد سبوع او بالزايد ١٠ ايام

اني كعدت بس ٥ ايام اليوم السادس شلتها وغسلت ووووووجهي وداومت عادي

بس محطيت مكياج** لانه بقيت ميصير افرك عيني و مواد كيمياوية وواقي شمس ومكياج ما حطيت لان جان بعده جرح خفت عليه من فرك ومن مكياج وجانت عيني بعدها تصير بيها حرقة ف فد سبوع بعد العدسة وجعت اغسل و عادي بس ما حطيت مكياج لعيوني حت لا افركها بالغسل ولا تتلوث بمواد كيمياوية ووووبسسس 🤜🏻🤜🏻

ف يعني تجربة لازم تسووها وتخلصون بالذات البنات

لان اني صارلي تقريبا ١٠ سنوات البس نظارة وعدسات طبية وماشوف بدونهم ولعبت نفسي و تقيدت كلش بالطلعة وبالطبة وبالبيت هم الا نظارة

ف الحمدلله هسا كلشي اشوف حتلو بقة مغوش شويه هم عادي ماحتاج نظارة ابداً وهلشي نعمة والعملية ناجحة كلش و مو مكلفة ابداً و عملية باردة مطول ١٠ دقايق ف شوفوا طبيب زين و توكلوووووا …

وحاليا اني بنعمة الحمدلله رب العالمين نظري جان ٣/٦ وحاليا كلشي واضح والحمدلله نعمة فضيلة ان رب العالمين علم الانسان ونطاه هيج امكانية للشفاء وتطور الطب

بس كتلكم حاليا مو ثابت مرات يغوش ومرات قريب مغوش البعيد كلشششش زين مع انه عندي قصر اصلا بس بعد ما ثبت و عيني اليسرى من اسد اليمنى واعتمد بس ع يسرى بعدها مغوشة ف انتظر المدة تنتنهي واراجع الطبيب واشوف شون ان شاء الله لانه كالي يحتاج فترة ديثبت وهي دا تتحسن الحمدللله♥️♥️♥️♥️♥️

تاسعا النتيييييييييجة🤩🙈


بالخمس ايام الي بيها العدسة بس تدمع و تحرك مو الم قوي بس شي مزعج احتاج ابقى مغمضة ونايمة وي مسكنات الامور سهله ان شاء الله-وبقية التقنيات ع فكرة ك الم وحرقة اسهل من الprk التقنية ماتي هي المها اكثر- ف اول خمس ايام متفتهم شي لان عيونك مغوشة

بعد خمس ايام تشيل العدسة تشوف ان شاء الله بس هم مغوش ومو ثابت وممكن تبقى عندك احساس انه اكو شي طاب بعينك و حرقة خفيفة عادي شوي شوي تتحسن

وراها تبدي تختفي كل الاعررراض تدريجياً ان شاء الله وتستمر ع دكسا و ع ترطيب


النظر مو ثابت مرات تكعد ثابت مرات تحس الحروف دا تداخل مال الوصفة تكون عيونك تغوش 😂😂😂😂

بالفون مغوش القريب مغوش الوصفة مغوشة وهذا الغواش مرات ومرات ف نظر متذبذب يستمر هلشي شهر تقريباً بس عادي انت تكدر تشوف بدون النظارة من اول يوم ! وبعد اذا تجرب تلبسها ابد متشووووووف بيها .. بس يبقى اكو غووووواش بالعين و تحتاج شهر حت يثبت نظرك


اني عين ثابته تماما وعين اليسرى مغوووشة ودا تتحسن شوي شوي بس بعدها مغوشه ! بعد مصارلي شهر راسلت الدكتور كالي انتظري النظر يحتاج ٣-٤ اسابيع يلا يثبت ف دانتظر انه يثبت واشوف .. و ايضا عندك لازم موعد مراجعة بعد شهرين هيج شيي حت تفحص نظرك ف يكلك تعال بعد فتره خت تجيك نظرك …

سابعا الادوية 🤷🏻‍♀️🤷🏻‍♀️

خلال ايام ال٥ مال العدسة تحط كل ساعتين مرطب
و انتيبايتك و ستيرويد اربع مرات
و قطرة مسكنة نبيفيناك مرتين باليوم اول ٣ ايام بس

وبعد متشيل العدسة-يم طبيب مثل مشرحتلك حت يفحص القرنية التأمت لو بعد يحتاح ترجع العدسة لحد متلتأم- ف تبقى تحط دسكاميثازون ٦ اسابيع يعني شهر ونص اربع مرات
وتبقى ع قطرات مرطبة شهرين هم اربع مرات

✅اكو ناس تبقى ع مرطب سنة؟ اي هاي حسب التقنية الي يسوون ليزك يبقون سنة اني مسوية ليزك سطحي ما كصيت القرنية كلها بس كشطلي الغشاء الفوك ف يعني شهرين بس الترطيب

📣ثامناً التلفون والمناظر
الشمسية والضوه 💡📞🕶️

اني ما منعني لا تلفون ولا ضوه شمس و لا مالي البسي نظارة شمسية لانو كتلكم شي بسيط فقط اول خمس ايام كال اذا طلعتي البسي نظاره شمسية ك حماية من التراب وتلوث خصوصا اذا بالسيارة وفاتح جام حت ليطب تراب بعينك

وتلفون وضوه انت تلللقااااائيا خلال هاي الخمس ايام متكدر تلزم اي شيييي ولا تكدر تركز ولا تتعرض لضوه ف مراح تكدر تلزم فوووون لان عيونك تحركك ودمعع ونظارة شمسية لبستها بالبيت عند الحاجة من تهيج عليه الحرقة لان ضوه يصير مزعج ف البسها ترتاح عيني اكثر بالظلام

اما اكو ناس تبقى تلبس نظره سنة كامله وتقطر سنة كامله ذوله اهل الفمتو و الليزك العادي اني ابسط ف ما منعني من شي كالي ماله علاقة -ويبقى كل طبيب و اسلوبه و توجيهاته- هو يعلمك وانت استفسر منة

⚠️اني بس حذرني بهاي الخمس ايام حت سجود ما اسجد حت ليصير صغط ع عين وتتلوث من الكاع ف اهم شي نظافة العين

خامساً المبلغ 💸
كشفية ٣٠
العملية مليون
و فحص قرنية اني وقتها سويته ب٥٠ بالانبار و اعتمد عليه وهم رجعت سويت نوب ف اعتقد من ضمن اجور العملية مياخذون نوب
ادوية تقريبا ١٠٥ او١١٠ ماذكر لان اني جبتها كلها مال شهرين من صيدليتهم نفس مكاتب الدكتور الشركات الي يريدها

يعني ك شي كلي تكلف مليون و٣٠٠ وي الفندق ومصاريف يوم اذا بقيتوا بس يوم ف مليون ونص بالزايد

📣📣سادساً تفاصيل العملية

✅حسب شكل قرنيتك يختارلك التقنية ممكن ليزك بسيط prk الي سويته اني الي هو ميكص قرنيه كلها بس يكشط الطبقة الفوك. ويسلط ليزك او ليزك العادي او فمتو ليزك هاي يحتاج يكص قرنية

✅العملية ما طولت ١٠ دقايق يخليلك بنج موضعي قطرات ونوب تعقيم وبنج من تدخل للصالة و تنام ع سديه و يشتغلك الالم يعني تكدر تتحمله عادي وي البنج ومن اول ثووووواني تطلع تشوووووف🤩🤩🤩🤩🤩🤩🤩🤩

لكن شنووو …

من سوالي prk كشط غشاء الفوك من العين وسلط ليزك وحطلي عدسة لمدة ٥ ايام تبقى الى سبوع حت تحمي العين من تلوث لان نكشط الغشاء -ولازم ما تلزم عينك ابداً تنساها و لا تفركها ممنوع ولا تخلي اي مكياج ولا واقي ولا اي شي حت مي ممنوع ⚠️ لمدة ٥ ايام لحد متشيل العدسة و بعد ماشيلها ترجع تغسل طبيعي لكن ع الخفيف بدون اي فرك فد سبوع نوب حت يلتأم الكشط و العدسة تروح تشيلها يم طبيب عيون يفحص بالجهاز اذا الكشط التألم لولا اذا التألم يشيلها واذا لا يرجعها كم يوم بعد

هنا من يبدي يكشط حتحس ب الم وحرقة بس شي تكدر تتحمله عادي لان بنج..وراها بساعة يبدي الالم الحقيقي 🥵🥵

من يبدي يطلع مفعول البنج تبدي تتألم والالم حرررررررررقة و عيووووووون دمعععع ومتكدر تفتحهااا وهذا الالم يبقى اول ٥ ايام لحد ما يلتألم الكشط الي صار لانه مثل جرح والم مو مستمر يعني متقطع يروح ويجي خلال هاي الايام وي القطرات ومسكنات تكدر تتحمل عادي يعني مو الم قوي بس شعور حرقة ومزعج وانه اكو شي طاب بعينك وبهاي الايام الخمسه لازم عينك متتلوث ومتفركها وما تداوم تبقى بالبيت حت ما تتلوث وميطب لا مي ولا تراب ولا اي شي! وابقى بالبيت ديربالك تتلوث لان شي مثل الجرح

حبايب كتلكم انتظروا اتحسن وانطيكم الفيدباك بس عدكم فضول 🌝🤜🏻


اولا سويتها ب اربيل بالمستشفى الامريكي يم د زيد العاني بابا سأل كومة وشاف تجاوب كومة واطباء هناك كلهم زينين ومتخصصين بهاي المستشفى بس للعيون لكن سويت يمه

ثانياً قبل لتروح لاربيل و تفحص لازم ما تلبس عدسات لاصقة قبل بشهر ع الاقل انت نازعها لان مراح يكدر يفحص وميكدر يشوف سمك القرنية عدل

ثالثاً ماذكر ايام الي يكعد بيها بس استفسروا من رقمهم بالفيس سكرتيره تكلك بس حسب ماذكر هو سبت استشارية احد عملية
ثنين استشاريه ثلاثاء عملية
ف اني رحت فحصت ثنين وبتت هناك وثلاثاء الصبح سوالي العملية ورجعت بنفس الدقيقة طلعت من عملية ورجعت للبيت-يعني ميحتاج تبقى بالمستشفى ولا شي -

رابعاً بعد ما فحصت هو يختارلك تقنية المناسبة لشكل قرنيتك ووضعية عينك ويشرحلك تفاصيل و تنزل ع حسابات تستفسر ع اجور العملة وتدفع بيوم العملية لازم -لان دفع بالدولار ف يكلك انه سعر صرف يتغير بين يوم والثاني-ف تدفع بيوم العملية الصبح و تدخل للعملية

منطقي جداً، ولازم تكون متأكد مو بس مصدگ!

بس شون؟


📌🔻اكو obese ياخذونه ويفيدهم
لان هو السمنه و مقاومة الانسولين واحدهم سبب للثاني ف هو مدام سمنة عنده اتوقع عنده او حتبدي عنده مقاومة انسولين ف يحسن من سكره و ايضاً fertility مالته اكو نساء يحسن fertility مالتها ليش؟؟

ماهي اصلا مقاومة انسولين تسوي تكيسات وتقلل fertility فهي من اخذته قللت المقاومة ودتعالج تكيس وهو approved for PCOs

زين والي تكلك حماتي مجانت يصير عدها اطفال من اخذته حملت ف اريده اني هم اخذه دا احمل 🤰🏻
راح تصدك لو هم حماتها تجذب عليها ؟

#case_scenario

هنا تفهمها انه ميضعف!

مجرد ٢-٣ كيلو وحماتج ضعفت لان ممكن غيرت نوع اكلها وياه او اصلا تجذب عليج واكو ناس تضعف شي بسيط لانه حيزود حساسية الانسولين ف جسم بعد ميحتاااج يعلك الانسولين ديحرك لانه كمية منه بسيطة راح يتحسسها الجسم ويبدي يحرك ف مراح يتباطئ عنده ال lipolysis

وشي ثاني ميسوه راح يسبب عندج مشاكل بالكلية يقلل الGFR

يرفع حموضة الدم يزود lactic acid

يسوي GIT upset بس اهم منهن كلهن تأثيره ع الكلية !

ف اهتمي بنوعية اكلج وقللي نشويات و العبي رياضة اذا انت اوفر ويت

واذا جنت obese فهذا شي وراثي ولازم تشوفين طبيب غدد صُم او تغذية

اني الحمدلله تذكرون نبهتكم ع سالفة الاطفال مرة
وكتلكم حتذا هي تطلبه لا تنطي جوه ٣ سنوات ممنوع واذا اكبر من هيج هم لا تنطي الا اذا لحت و نببها ع هلشي

ف قبل لتنشر النقابة اني ذكرته وفكرت بيه لانه شي صاير مو طبيعي!!

والله حت عمرهم سنة وسنتين ينطوهم قطرات لو تجي تكلي انطي نص دب مو دب كامل حت ينام

ادري كلش اتنرفز اذا ممستعدين تربون طفل وتتحملونه وهو يبجي شكو تجيبون جهال لعد شهل بيئة شهل عقليات !

ولحد يدافع عن اهمال الاهل ويكلي جهل، لان احنا من دا ننبه مداياخذون حجي!

تكلها يابه يبقى عصببببي الطفل و ميركز و يأثر عليه ويدوخه متاخذ حجي مهم ينام حت تبقى هي ع الفيس و تكلب ريلز !

بين قوسين جوه ٣ سنوات ممنوع كُلياً

والي جوه ١٨ الا وصفة خصوصاً اذا وياه اعشاب

وللكبار الجرعة الباي هاند هي 5mg لمدة اسبوع فقط ..

شباب بغض نظر عن نقص ب١٢ يعني هي تريد تضعف بحال نقص وعادي يتعوض بس الفكرة يعني انت شنو فكرتك عنه بشنو راح توجهه ؟

زين ع طاري السُكري

شنو ردك ع للي تجي تاخذ متفورمين حت تضعف؟

#case_scenario

طفله عمرها شهرين اذنها دطلع جراحة - جابوها للطبيب وطلع عدها التهاب-

ف طبيب كتبلها بالوصفة

🟡سيفارين شراب ٢ سيسي مرتين
🟡فنستيل قطرات ٥ قطرات مرة ليلاً
🟡ادول قطرات ٥ قطرات تلث مرات



📌اذا تجيك باي هاند حيلها لان طبيب فحصها وشخصها بجهاز اذن وهيج وتاكد اذنها سليمة من الداخل وهي صغيره تحتاج اختصاص ، وايتمات نزلتها دتطلع عليها بس ..

غدا يستعد الجيش الأبيض لمسيير كبير يزلزل العاصمة بغداد وبأعداد حاشدة تتجاوز اعداد ملحق الرصافة

وخريجيي دفعة 23 جاهزين عدة وعدد للنزول ولن نتراجع لحين تحقيق المطلب القانوني و أصدار أمر التعيين للدفعة بأكملها

الدرجات موجودة وتغطي كل الدفعة وهيه استحقاقنا لذلك تجنبوا المماطلة لأن نازليين ومانشوف امامنا أحد فقط التعييين

مسيرة دفعة 23 لن يكسرها أي رقم وسنواصل تحطيم الأرقام بهمة خريجينا الأبطال ✌🔥

#ثورة_الجيش_الأبيض
#درجات_الحذف_والأستحداث_لنا_وحقنا
#قادمون_ياشواف
#دفعة_المشاية

اني مأيسه بس مستمره ادعم هذا اسمه "حت ما اتندم"

هلشي تعلمته من جنت صغيره انو ابقى احاول احاول احاول بعز اليأس صارتلي مواقف بنص الامتحان جنت اكعد ابچي

وماعرف اكمل حل ؟ لو اكمل بچي واطلع؟ شنو اسوي؟

اكمل بچي و اكمل امتحان وانجح بالنهاية وحتلو منجحت ما راح اتندم لان اني ما انسحبت


امتحان ايست اكمل مادة وهم اكعد اضيع يومين ع اساس ااجل بس بقيت ابجي و اجلت؟ لا

كعدت اقره بيومين وعادي جبت جيد جدا بدل لا ااجل .. مع انو بقيت اقره واني مأيسه اطلع درجة زينه بس حت ما اتندم


فهنا ديصير نفس شي بصراحة مأيسه بس ماريد اتندم انو الي بداخلي استسلم ماري اتندم بعدين انو استسلمت والفكرة مو بالنشر وانما دافع النفسي الي بداخلي مع انو مبقت اي نفسية بس تشوف غيرك ديحاول وتخجل من نفسك

⭕️تنويه
يوم الثلاثاء مظاهرات في بغداد في حديقة الشواف
نتمنى من جميع خريجي 2023 الخروج اضافة لدفعة 2024
هاي المظاهرة املنا الوحيد✨🙏

استوعبو اهميتها رجاءاً

انتو جلبتوا بمضادات الهستامين ونسيتوا كومة اشياء اهمها هو الdecongestant

ما تنصرف for CKD patients لانو من قلصت اوعية دموعية قللت دم واصل للكلية وهو من غير شي كليته ما تشتغل ف انتبهوا من ١.٢.٣ بندول كولد فلو وجماعته الرومكس والبندول ساشيت اي حبوب بيها مضادات احتقان

ادوية الها anticholinergic effect الي هي مضادات هستامين جيل اول علمود الاحتصار وعلمود drowsiness

وهم نسيتوا شي كلش مهم ‼️
ادوية الفلاونزه ونشلة تجي combination ممكن بيه NSAIDS وبالذات البروفين يجي وي رومكس و flu-cold وغيرها ونعرف كلش زين تأثيرها ع PG-بروستاگلاندين- و شنو تأثيره بالمقابل ع GFR والكلية عموماً


ف بين قوسين حت ما تدوخ شغلات معينه بس تنطيها هي فلاونزه كله سوه رشح، عطاس، صخونه التهاب حلق، احتقانات.. الخ

🟡ننطي مسكنات البراسيتول عادي آمن لان شغله بالكبد-بس بحاله اذا جان end stage و حالته sever يعني يكلك اغسل كلية مرتين بالاسبوع! هنا لا تنطي

🟡مضادات هستامين لوراتدين -الدسلوراتدين هنا اذا حاله sever مينطي واحنا منعرف اذا mild او sever بالصيدلية ف نجنبه والبقيه نفس الشي تحتاج تعديل جرع ف بالصيدلة نجنبها أأمن شي لوراتدين👈🏻 مرة باليوم او بين يوم ويمم عند الحاجة

🟡حبوب مص امنه

🟡مزيلات اختقان الtopical زينه مثل بخاخ الاوترفين مو اكثر من ٣ ايام ومي وملح او sea water هم امنه لان توبكال


✅ وبرأيي حتلو آمنه مو تروح تنطي كل ذني لازم تقلل ادوية شكد متكدر حاجة حاجتين زايدات لان هو دياخذ كومة ادوية بس اكثر عرض مضوجة تنطيه الها وخلاص و لأقصر فترة ممكنه

📘Reff.BNF

شخص عنده فشل كلوي و يريد شي للنشلة

شنو يجي بالك تجنبه و شنو احسن خيار بالباي هاند لهيج كيس؟

#case_scenario

#عيون

الشي الي كلنا نعرفه هو انه القطرات لانو بيها مادة حافظة ف تستخدم بس ٣٠ يوم بعد الفتح والامبولات مبيها مادة حافظة تستخدم مباشرة بعد الفتح -والشي الي نجهله انو تنذب مباشرة بس هو يبقى بيها كومة تكدر تسدها وترجع تستخدمها لمدة ٢٤ ساعة بعد الفتح بشرط تسدها وهي تنسد مو متنسد متنسد-اذا تبقى مفتوحة راح تتلوث وتفسد بنفس اللحظة لكن تسدها وتكدر ترجع تستخدمها لانو كل امبوله توفرلك تقريباً ٦-١٠ قطرات حسب سيسيات الي بيها وشخص يحتاج يقطر قطرة او قطرتين بكل عين ويبقى بيها بعد فهي مخصصه انو تسدها وترجع تستخدم البقيه خلال اليوم ..

زين شنو فرقها بالاستخدام عن القطرات؟
🔻القطرات بيها مواد حافظه ف تكون غير مناسبة للاشخاص الي يحتاجون يقطرون كل ساعة او كل ساعتين او الي يقطر فترات طويلة لان كثرة تعرض العين لهاي المادة الحافظة تأذي القرنية وتسوي التهاب و تقرحات بيها ..

🔻اصحاب عمليات ليزك او عمليات عيون هذوله يحتاجون يقطرون كل ساعتين و العملية بالعين حساسة للمادة الحافظة ف هاي القطرات تفيد اكثر
🔻 الي عنده جفاف مستمر او يستخدم حاسبة وتلفون ساعات طويلة بالشغل او بالواقع ولازم يقطر كل ساعة ف يحتاج الامبولات اكثر
🔻الي يخلون عدسات طبية او تجميلة ويصير عدهم جفاف عين يكدر يستخدم قطرات العادية لكن مايصير يلزك العدسة مباشرة وميصير يقطر عينه وهو لابس عدسة لان مادة الحافظة راح تضر العدسة وتظر عينه اذا لزكت ع العدسة فلازم اذا استخدم قطرات للترطيب ينتظر بعد ربع ساعة يلا يلبس عدسات .. لكن اذا يحتاج يقطر قبل العدسة مباشرة او يحس عينه جفت او خشنت العدسة ويحتاج يقطر فوك العدسة او يقطر حت يلين العدسة و ينزعها اسهل فلازم يستخدم امبولات لانو مبيها مادة حافظة ومتظر العدسة ولا العين

🔻اذاً نتيجة تنطي امبولات اذا عمليات بالعين ويحتاج يقطر كل ساعتين-بعد عدة ايام اذا خف الاستخدم مثلا تلث مرات بس مو كل ساعتين او مثلا كم سبوع مو سنة او شهرين مثل عمليات ليزك تكدر تنطي قطرات عادية بس اذا استخدم عدة شهور لازم امبولات ويكدر يراوس بالقطرات فترات قصيره مثلا كم سبوع وراها يرجع امبولات علمود كوست لان قطرات ارخص (بس لازم بداية العملية كله امبولات لان مبيها مادة حافظة) مهم ميستمر ع قطرات هواي اذا يحتاج يقطر كل ساعتين او لمدة عدة شهور -واذا مجرد ترطيب ومدة قصيره مثلا بالامتحانات جنت اقطر عند الحاجة لان تجف عيني ف جبت قطره اصرف واحسن وهكذا ف انت هنا تقيم وتنطي
🔻او مثلا شخص يسوق وجو حار وعنده سفر تكدر تنطي قطرات لمدة زمنية معينه بس او امبولات يفتح الي يعجبه لمدة يوم بس ويضم البقيه وهكذا انت قيّم واحجي وي المريض ع كوست واستخدام

✅لكن اذا عملية او فد اجراء بحيث يحتاج يقطر هواي ولمدة طويلة ف لازم امبول اجباري علمود متصير مشاكل عكسية✅

#عيون

شنو تعرف فرق بين القطرات و الامبولات؟ وشوكت تنطي قطره وشوكت تنطي امبول-بغض النظر عن اختلاف المادة الفعالة وتركيزها وقوامها لان هي تختلف من شركة لشركة سواء جانت بقطره او امبوله-لكن خلي نعرف فروقات ك dosage form between drop and amp ?

🔻وهم بغض نظر عن سالفة الاستخدام الواحد لانو مبيها مادة حافظه هذا شي معروف ، اني اريد شي اخر مهم تعرفه بالـ indication and direction !

👏🏻👏🏻👏🏻👏🏻👏🏻

شرح قانون 6 لسنة 2000 واثبات ان الوزارة ملزمة بتعيين الجميع، الاخوة الابطال.

كيسات pinned Deleted message

بما انو راح نترحل

ف شنو رأيكم بالمندبة للبنية؟
دتجيني تيلات يسألوني عن رأيي، ف انتو شنو رأيكم؟ و البنات المندوبات احجولنا عنها و واذا دا تتعرضون لمضايقات و كلام سلبي؟

شاب عشريني تبقى تطلعله وكلما يحط كلوترمازول تختفي وترجع تطلع نوب ف واضح انها فطريات لكن اسوء شي بيها هو الrecurrence انه اذا الكورس مجان دقيق وحتلو مرات دقيق ف ترجع تطلع !

طبعا لازم طبيب بما انها recurrenc واذا مقبل شنسوي🫳🏻
✅topical terbinafen *2 for 2weeks
✅Fluconazole 150/3 days for 4 weeks
Or
✅itraconazole 100 once daily for 2 weeks or 200 for 1 week

#جلدية

اول ما مخليه العدسه عينها مأذيتها ونازعتها وباقه وراها ملتهبة وحمرة ودمع ومتكدر تفتحهاا

هاي تصير هواي العدسة بيها شي ومو نظيفه وممغسوله زين والعين تتهيج وتقفل

رايحة ع عيادة وغاسليها ومنظفيها ب ليدو و نورمال سلاين و تكول كدرت افتحها وراها رجعت ورمت

ماخذه قطره دايكلوفيناك ومدا تجيب نتيجة من البارحة !

نطيتها هاي القطرات
لوكسترا تلث مرات لمدة ٣ ايام بس
احتاج مضاد حيوي لانو العدسة اكيد ملوثه! و ستيرويد anti inflammatory و التتراهايدرازولين علمود احمرار

ومرطبة لازم لازم لازم حت تهدي العين وتنغسل وتتنظف زين …

ومسكن براسيتول او نيفوبام حبوب لان عدها الم قوي

#عيون

تعبتوني رابع مرة راح انزله مفروض اخلي طريقة التحميل ماته بفلوس رصيد ابو ١٠ اثير بس گلبي مينطيني 💔

BNF

حبايب مو موقع هذا كتاب دستور الادوية البريطاني ، وموجود منه برنامج نزلت كومة طريقة تحميله للايفون ان شاء الله باجر اعيد نشر الطريقة

🔴🔴🔴🔴🔴🔴🔴🔴🔻
تبقى عدنا كومة حالات التهابات فطرية هاي احنا لا نشوفها بعينا ولا نعرفها ولا ندخل بيها ولا نكدر نشخصها اصلا بس هاي امور النسائية وجلدية نعرفها ونشوفها وتجي كومة
-واشدد ع انه مو باي هاند الصرف لان تداخل هواي تأكد ماعنده امراض مزمنة ومياخذ ادوية خثرات و جلطات وسكر وهلسوالف- بس احنا هنا دا نتعلم وبس .. لان كومة ميقبل يروح ع طبيب حت هو يتحمل مسؤولية نفسه اذا رفض وكالك انطيني ومعليك ..

هاي جرع لالتهابات النسائية

تضل عنده ال vaginal thrush او vaginal candidiasis
الي هي التهابات نسائية ف كلها كورسها يوووووم واااااحد

🔻Itraconazole 200*2 for 1 day

🔻Fluconazole 150 for 1 day

Reff.BNF

حنزلكم ملخص جرع وصرف الFluconazole + itraconazole

✅جرعة ال itraconazole

عندك 100 و 200

🔻اذا جانت الفطريات tinea corporis يعني بالجسم ع طوله او بالراس
واذا جانت cruris بالاعضاء تناسلية والمؤخرة
100 for 15 days
Or
200 for 7 days


🔻واذا جانت pedis بين الاظافر هاي اكرسفف وتحتاج نكثف الشغل ف
100 for 30 days
200*2 for 7 days


🔻اذا جان pityriasis
versicolor
هذا النوع الي يكون ع شكل دوائر بيض يفقد بيه لون الجلد الحقيقي يعني ميكون لون حلقات حمر يكون لون دوائر بيض افتح من لون الجلد

200 for 7 days

🔻اذا جانت بالاظفر نفسه تحت الاظفر هاي بعد شي اكرسف اكثر !
يكون الكورس كالتالي:
200 for 3 months!
Or 200*2 for 7 days

وينعاد هذا الكورس بعد 21 يوم .. ينعاد مرتين يعني دورتين كل 21 يوم اذا اصابع ايد واذا اصابع رجل ف ينعاد 3 بين كل دورات 21 يوم


Fluconazole✅

اذا جسم،شعر ،تناسلية وبين الاظافر واظافر جلد اي شي ف
50 daily for month

احنا معدنا جرعة 50 الي متوفر 150 ف تكله 150 كل ٣ ايام لمدة شهر

#تلخيصات
#جلدية

Reff.BNF

فطريات ال tinea pedis

وواصلة مرحلة لدرجة تحس الجلد متعفن -تحتاج طبيب امانة بس بيشنت ميكدر يروح يكلك معندي امكانية لذلك بهيج حالة شتصرف؟ اذا ما نطيته حيروح ع غيرك ينطي شي ممكن ميفيده ف انت هنا لازم تعرف شي اولي :

كريم تربنافين مرتين لمدة اسبوع

Itraconazole 100 مرة لمدة شهر
واذا جرعة 200 ف مرتين لمدة اسبوع

واذا فلوكنازول ف مرة كل ٣ ايام لمدة شهر


وتتاكد ماكو امراض مزمنة ولا ادوية مزمنة لان حيل يداخلن وي الادوية ويقللون فعاليتها ..

#جلدية

العلاج ضروري شخص بيه كانسر الي يعرف يدخل ع الدكتوره يدليها وين متوفر

@ph_Wa21

🔻نجي ع سؤال العظيم اذا ممتزوجة
الممتزوجات نادر تصير عدهم التهابات بهيج قوة

واذا صارت ف تنطي فلوكنازول حبه وفلاجيل ودوكسيسايكلين لمدة اسبوع

والغسول نفسه لمدة سبوع مرة بس او تنطي غسول بوفيدون لمدة ٥ ايام مرة باليوم

واذا الم وحرقة قوية بالuti تكدر تصرف ريابال يفيد لالم مجاري بوليه هاي اذا اكو رمل و حصو وهسوالف
هو او فولتارين ك مسكن او حت بونستان عادي

فيميل بالثلاثين متزوجة

عدها حرقة وحكة وافرزات كثيفة بيضة و حرقة خلال الادرار

🔻تكدر تكول التهاب نسائية و UTI
غسول بيكاربونات الصوديوم مرة بليل
وبعدها
تخلي تحميلة mix oval مرة
و حبه فلوكنازول وحدة تاخذه اليوم

وفور مجاري بولية


انتيبايتك مانطي التحاميل بيها وهي خلال اسبوع اذا مطابت تروح للطبيبة لانو محشكة التهابات وبالغالب اذا مطابت ع هذا العلاج ف راح تحتاح ابر ف ما تفلسفت ..

#نسائية

حاليا كلهااا موجة 🌊 common cold

تعرفها common cold مو influ لانه الاعراض تبدي ب احتقان بالحلق واكثر شي مزعج يعانون منه هو الم الحلق لانو مؤذي ، الصخونه خفيفة وياها

اعراضها اكثر شي كتلكم التهاب حلق والم وبعدين تطور احتقان ورشح 🤧 واخر شي ممكن تبدي كحة بالصدر خفيفة او قوية و تستمر

والصخونه خفيفة بنزلات البرد مو مثل الفلاونزه اكثر واقوى واهم عرض هو الصخونه وانو الاعراض كلها تبدي سويه وفجأة وتكون قوية صخونه وكحة والتهاب بالصدر لكن نزلة البرد خفيفة الصخونه وكحة وتبدي تدريجي ك التهاب حلق واحتقان


العلاجات لبنيه وامها

اسبجك ظرفين اليوم وباجر للبنية
وحبوب مص
و مونتيلوكاست جربته كلشش يفيد بالكومن كولد

والام لانو عدها ضغط ف تستبعد الاسبجك تبقى
دولبران مرتين صبح وبليل
و مونتيلوكاست مرة
وحبوب مص كل ٤ ساعات


تريد حبوب التهابات فهمها نزلة برد وتغيير جو و يومين ٣ وتروح الاعراض ف متحتاج

___

الفلو صخونة قوية ام القُشعريرة انه تبرد حييل وترجع تعرررگ
ف فرق جبير بيناتهم ..
#تنفسي

اني عرفت هاي المعلومة من بيشنت نفسه كالي تسوي عندي كآبه ماريدها ف ذكرت السبب كبل ربطت 💡💡✨
الدوبامين وانه يعبر دماغ 🧠

لازم وانت واكف تكدر تفكرله بالبديل مو تصفن! ف نطيته زوفران مباشرة

فهاي رسالة للطالب الي يكلي اقره وانسى ميخالف كلنا اذا نقراها من مصدر منذكرها بس انت مراح تنسى الميكانزم والبيسك بالتالي بالممارسه كلشي تذكر وبالكيساااااااات متنسى لذلك اشجعكم دائما ع كيسات ✔️✔️

Reff.
BNF

ليش هو البلاسيل يسوي كآبه؟
✔️✅اي يسوي و اصلا كلش common

البلاسيل الابر حتوصل بجرعة direct و pure كبل فتسوي كآبه حت وي الحبوب لكن الابر تبين من اول ابره ممكن لان تعرف الابر دايركت !

السبب انه البلاسيل يعبر الCNS ويسد الدوبامين الموجود بالجسم و بالCNS بدرجة كبيره لذلك يسوي دبرشن

الدومبي هم يقفل الدوبامين لكن اقل افكت من بلاسيل لانه ميعبر كلش للCNS مثل البلاسيل يعني من نادر انه يسوي دبرشن لكن البلاسيل يكون common to very common


الزوفران ميأثر ع دوبامين شغله ع السيروتونين لكن يسوي فدشي sensation abnormal بما انه حيخربط السيروتونين ف حيخربط مشاعرك بس مو دبرشن مثل البلاسيل

✅✅ف الحل انك تنطي دومبي بداله ك حبوب واذا راد الا ابره ف تنطي الزوفران