تحفيزات دراسية 👩‍⚕️🤍

لا تنتضر الفرصة بل اصنعها

اذا ارت ان تحقق هدف فعليك ان تؤمن بقدراتك🤍

#إلى_اولياء_الأمور

المدارس على وشك البدء وأريد أن أطلب منكم جميعًا معروفًا :

إجلس مع أولادك لمدة 10دقائق إشرح لهم أن الطويل والقصير والسمين والنحيف والأسود والأبيض خلق اللّٰه وليس مزحة! أخبرهم أنهُ لاحرج في إرتداء الاحذية والحقائب القديمة
كل يوم إشرح لهم أن حقيبة الظهر القديمة تحمل نفس أحلام حقيبة الظهر الجديدة
يرجى تعليمهم عدم الإستهزاء بغيرهم إشرح لهم أن الإغاضة تؤلمهم وأنهم يذهبون إلى المدرسة #للتعلم والإستمتاع وتجربة أشياء جديدة
وإكتشاف أنفسهم وتكوين صداقات

التعليم_يبدأ_من_المنزل..
.أسال الله تعالى ان يبارك في أولادكم ويجعله عامًا دراسيًا مميزًا. حافلًا بالنجاح والتفوق

كل تعبك وتفكيرك ومستقبلك ما يتحقق الا تتعب هل ايام صح انت تعبان وشعرك مخربط او شكلج محلو صاير بسبب الدراسة والتفكير المفرط انجح لو ارسب!!! خلي نعوف كلشي ونكول هاي مو نقطة توقف هاي نقطة نجاح خليك ذكي وتعرف شلون تنجح روحك حتلو معدل مو قوي لمهم اثبت نفسك واثبت نجاحك لمهم تنجح وتثبت للكل انو انته كدرت انته حققت الي تريده حاول تدرس وتعب روحك هل ايام خصة هل كم يوم مابقة شي وينتهي كُلشي وتحدد مَصيرك مَحد يحدد مَصيرك غيرك حتَ الظُروف متكدر تغير مصيرك دام انت نفسك الانسان الناجح ❤️🫶🙂

عادي اذا ترسب مره ومرتين واكثر وين المشكلة هاي يسموها محاربة الفشل لمهم توصل الي تريدة معليك بحجي الناس من ترسب ارجع حاول منا لما تنجح وتثبت نفسك مو عيب ترسب عيب تترك دراستك لمهم خليكم قوين يا ابطال ❤️

- يراك الله وأنتَ تحارب فأطمئن ولا تيأس💗.

دُفعة 24 أحسها أقوى دُفعة رغم الكُل جان ضدهم من ناحيةة الوزارة لا حُذوفات ولا وقت العطلة هواي همه الوحيدين الوقت مراجعتهم قصيرة راجعو اكثر من مادتين . بس باقين صَامدين لحد هاي لحضهَ هل دُفعة مراح تنسي أبد . ولحد لان همَه مستمرين بلجهاد والدراسة ومهما جان ضُروفهم يدرسون .همه الأقوى والاحسن . ومابقى اله ساعات قليلة تفصلهم عن الإمتحانات وباقين مُستَمرين بلـ دراسةة والبعض خايف والبعض متوَتر .عوفو هل أشياء الي تخربكم حاليا .هل اشياء مراح تفيدك خليك قوي .خليك لكُـل يحجي بيك .وفعلا الكل حَيحجي بدفعتكم دُفعة الأقُـوياء والابـِطال🫰🩵🩵🩵 .

ماكو واهس ، مالحك أكمل ، ماقريت كلشي ، أريد أجل ، توتر ، وخايف ،

كلمات محد يحس بيها غير طلاب السادس هذا الوقت كلش حساس كنصيحة مني

لا تتوتر ولا تخاف أنت دارس أنت قاري كلشي ليش هل خوف الخوف حيضيع تعبك ووقتك وتذكر تعب شهرين أو اكثر غير تعب أهلك عليك وحرصهم على مستقبلك ولا تنسى حلمك الي جاهدت عليه كل هذا الوقت فلا تستسلم
وصلت لأخر نقطة لازم تحصد تعب شهرين بعد يومين أول أمتحان وزاري لازم أجمع كل قوتي وحرصي عليه ومايضيع مني
منتظرين ننائجكم يأ ابطال بالتوفيق يارب

- لا بأس إنها فقط القليل من الأيام التي تحتاج إلى المزيد من الاجتهاد عليك أن تبذل فيها ما تستطيع لانها ستصنع مستقبلك 🫰♥️ .

- ستطوي صفحات الفشل يومًا وتعلن ڪتب  الوصول إلى النجاح فقط ثق بالله🫀.

رسالة لأولياء الأمور ..
أيها الآباء والأمهات، استوصوا بالأجيال خيراً، نشئوها على حب كتاب ربها، فالخير كل الخير فيه، وتعاهدوا ما أودع الله بين أيديكم من الأمانات، بتربيتها تربية قرآنية، كي تسعدوا في الدنيا قبل الآخرة، فما هانت أمة الإسلام إلا بهجرها لكتاب ربها وبعدها عنه
نعم ..
القرآن أساس العلم والتعليم..،
اللهم اجعل القرآن الكريم ربيع قلوبنا ونور صدورنا وجلاء أحزاننا وهمومنا ومغفره لذنوبنا.. اللهم آمين.

الكُل حالياً داخل بفترة الخُوف والقلق والتَوتر .الاسئلة حتجي سهله ؟ لو صعبة ذا صعبة خاف أرسب ؟ شلون يالله خايفةة . هَذني كلهن حالياً الطلاب يٓفَكر بيهن .بَس ليش هَلتفكير بـلـ الاشياء السِلبية ؟ وبهذا الوقت خلي عندكم أيجابية ولو 60% حت يكون عدكم عزيمة وأصرار من اجل حلمكم .وهسه البعض يكول ماعندي حلم , زين اذا ماعندك حلم ليش درست وتعبت 12 سنة؟ خلي عدكم أحلام مو بسس حلم واحد حت يصير عدكم واهس تكملون وكلكم أصرار . صحيح لكل تعب وخايف يضيع تعبة.بس لاا ابد لتفكر هيج عندك رب معقولة تخاف!! خلي الخوف شي ثانوي . وبهل فترة أبتعد عن كلشي سلبي وعن كل شخص يسَببلك اوهام مالها داعي .أبتعد عن كُل شخص يهبطكم .
وأن شاء الله ربكم مراح ينسه تعبكمم أبد انتُ درستو وتعبتو صَدكُ حيجي يوم ويكون السادس مجرد ذكرى حلوهَ عشتها.
{ﻭَﻧَﺤْﻦُ ﺍﻟَّﺬِﻳﻦَ ﻻ ﻧَﻤْﻠِﻚُ ﻣِﻦْ ﺍﻷَﻣْﺮِ ﺷَﻴْﺌًﺎ ﺇِﻟَّﺎ ﺍﻟﺪُّﻋَﺎﺀُ ﻓَـ ﻳَﺎﺭَﺏِّ ﺍِﺳْﺘَﺠِﺐْ ﻟَﻨَﺎ ﻭَﻻ ﺗُﺮِﺩْﻧَﺎ ﺧَﺎﺋِﺒِﻴﻦ}🩵🩵.

هاي الفتره بعنوان :

لو تنجح وتكسر خشوم
لو ترسب وتصير مضحكه💗

لا يوجَد أعظم مـن نجاحكِ وتخرجُك وفخِر أهَلك بك، اجتهدو من أجل تلك اللحظة 🩵🩵.

من هو الطالب #الفاشل ؟
هو الطالب الي يمشي على احساسه فقط!
احس ما مضبط المادة
احس ما الحك على المواد
احس ما راح اطلع معدل
احس راح ااجل المادة
احس الاسئلة صعبة
احس راح اعيد السنة

من هو الطالب #الناجح ؟
هو الطالب الي يمشي بعقله
عقله يكول ان شاء الله الحك
عقله يكول الاسئلة ماتجي صعبة
عقله يكول اذا اجت صعبة فصعبة على الكل مو بس عليّ
عقله يكول مئات الالاف امتحنو قبلي
عقله يكول اذا اني احس نفسي ناسي فالشي طبيعي لان سبحان الذي لاينسى
عقله يكول حتى لو عندي مشكلة وما مضبط ١٠٠% فاكو ترك يساعدني
عقله يكول ملايين اتجاوزوا هذه المرحلة واني حالي حالهم بعد ايام اتجاوزها
لاتنسون : الدراسة بلا ثقة كالقلم بلا حبر

- سيُسهل الله لك طريقك، ما دمت تملك اصرارًا، قوةً، عملاً مستمرًا ، ثقةً به 💕✨.

عُيوني انتُ جماعة ماريد مُعدل بس نچاح شنو هاي موديل!! چا انتُ درستو 12 سَنهَ عَلمود ماريد مُعدل!! ليش ترا حلو الشخص ذا جان عده طموح وهاا طموح قوي .الطموح يخَليك تكمل المادة بساع وماتنساها صدكني أي شَخص يكول ماريد بس معدل هذه لو يموت مراح يحفظ شي لان ماكو شي باله حتَ يوصله ويريد يحَققه .خلي عدكم طمووح . وربكم مراح ينساكم دام تعَبتو عملود شي انتُ تردو مو هيج بس دراسةة كلتوفيق ألكم 🩶🩶.

نهاية الطريق اقتربت
نحنُ في خطواتنا الاخيرة
موقنين أنك اعظم من أن تُضيع تعبنا
اعظَم من أن تترك أعيننا حزينة
اعظم من احلامنا
أنت أڪرم من ان تردنا فارغين نحنُ بأنتظار
العوض منك 🦋

اذا اكملت المادة وحسيت كلشي ماتتذكر منها فهالشي طبيعي
اذا جيت تراجع موضوع وشفت نفسك مافاهمه مثلما كنت فاهمه سابقا فهالشي طبيعي
اذا صار عندك ملل (وتسال نفسك شوكت اكمل) فهالشي طبيعي
اذا حسيت انك الوحيد الي داتعب ومحد يقدر تعبك فهالشي طبيعي
اذا بدات افكار التاجيل لبعض المواد فهالشي طبيعي (لاتخلي الفكرة تستمر)
اذا دائما يراودك شعور انك ماتكمل المواد فهالشي طبيعي
اذا جدولك نضرب بشكم يوم وماصار على نفس حساباتك فهالشي طبيعي..
اذا حسيت انك ماتكدر تضبط المواد ولازم تعيد السنة فهالشي طبيعي
الشي الي مو طبيعي ويخسرك هو انك تتوقف او انك تتراجع وتبقى تتراجع
الشي الي مو طبيعي ان الياس يسيطر عليك
الشي الي مو طبيعي هو انك تستسلم لافكار التاجيل
الشي الي مو طبيعي هو تنسى ان الاسئلة من منهج الارض وليست من المريخ
الشي الي مو طبيعي تتغافل عن ان الاسئلة بيها ترك بحدود ٤٠ درجة
الشي الي مو طبيعي هو انك تتناسى ان مئات الالاف عبروا هذه المرحلة وحالهم من حالك
الشي الي مو طبيعي هو انك تنسى باقيلك شهر وتنتقل الى مرحلة اخرى وتفرح وتفرح اهلك
الشي الي مو طبيعي هو انك بعدما تكمل قراءة هذا الكلام تبقى فاتح الموبايل وماتروح تقرا
تمنياتي لكم بالتوفيق
#ا_زكريا الساعدي

#عضة_الاصبع_ندم

شلون تجرب هاي الأكلة 😋 ؟

- من بعدلك شهر للوزاري
وانت مهتم بعلاقاتك و اصدقائك اكثر من دراستك

- من تغير مصدرك الدراسي ودفترك الي قريت بيهن منهجك سنة كاملة !

- من بعدك تسوف ( تاجل ) بدراستك وتخلص الساعات و الأيام بدون ما تحس و بس اتعب نفسك بالتفكير و بالأحلام بدون فعل وجهد !

- من تبقى اطلع حجج ماكو واهس وماكو شغف و تعبان ( وانت متوفرلك كلشي لدراستك بس ما مقدر نعمة ربك ومتعافي )

- من مخلصه بالنت و بالقنوات و الكروبات و المقارنة و اللطم ومن بعدك تسهر وما مرتب نومك وممهتم بصحتك ونفسيتك

احب احذرك اذا تسوي وحدة منهن بعد
فراح تجرب هاي الأكلة 🖤
و اوعدك تبقى تلطم لطم معزيات بسبب طعمه

تحفِيزُك لذاتِك هو أحد أسبَاب النّجاح، إن العَالم يفسَح الطّريق للمرء الذي يعرِف إلى أين هُو ذاهب ⭐️🌷 .