قناة الشاعر والملا ياسر الزيادي الثانيه

طلگت الكعبه وركن بيها ربد
من بعد رحم الجليله البيت صاراله مهد
گاصي داني بجيتك حيدر شهد
حگنه نفرح شيخنا الليله انولد

شمتاني؟؟؟؟
هلهل لو تعرف شمتاني
ــــــــــــــــــــــــــــ

واني برحِم امي ودوم اسمع ياعلي
دگوم تگعد ما نسته. تلهچ بطاري الولي
ملوحة اسمك تسوى كلشي بغير حبك چا شلي
ولذالك كزبرت حب لو طرو اسمك عَلّي

واليــــــــته؟؟؟
واليــــــــته وانه بكاروكي
ــــــــــــــــــــــــــــــــــــ
أبچي ويحيرون بيه.وفقط بسمك استچن
وانه بگماطي ألوجن.بضعن زينب لو حچن
دموعي تتربع وجنتي. عيوني منگد ما بچن
هذا امر محتوم نحزن.
نريد هم نفرح لچن

معقوله...
معقوله ما تصفگ أيدي
ــــــــــــــــــــــــــــــــــ
✍️ياسر الزيادي

https://youtu.be/hzGbMzwE1zA?si=rL-1KJ1cVR5FnPmK

https://youtu.be/hzGbMzwE1zA?si=rL-1KJ1cVR5FnPmK

فزاعيات... في حق شهادة مولاتنا زينب ص


جمر مو چلمه تطلع من گلب نـار
گبر بالغربه ابد ما جـــوله خـطار
عادة الميت يجو كـــل أربــــعين
بس ويه الغريبه اسمع اشــــصار

محد الجاها.... محد الجاها
وحشه وغربه تگتل... محد الجاها
ـــــــــــــــــــــــــــــــــــــــــــــــــــ
اذا مو زلم تلــــــفي الگبر نسوان
زينب ندري مـــــا ضلولها اخوان
ذيچ اترش گبرها وهاي الشموع
لأن حتــه التراب اعليها عطشان

ماي عطشانه... ماي عطشانه
حرَمت ما تضوگه.. ماي عطشانه
ـــــــــــــــــــــــــــــــــــــــــــــ
سوالف مستحيل ايشيلها اخيااال
ترستها  همــــــوم وشغلت البااال
وحده منهن ياخلگ طگوها ابحجااار
واليهضم سبيــــــه صعــبه تنگااال

گومو شوفوها.... گومو شوفوه
زينب هاي صاحو... گومو شوفوها
ــــــــــــــــــــــــــــــــــــــــــ
اريد اشويه الوعك اسمع اشـــضام
زاد اعله الطفوف الصــــــار بالشام
هيبة الساده جبر دخلوها ديــــوان
وتتفـــــــــــرج عليها شباه الـــزلام

هواي لوعوها.... هواي لوعوها
بضرب شفت اخوها... هواي لوعوها
ــــــــــــــــــــــــــــــــــــــــ
تهّوُد بالخــــــــرابه اشويه بالليل
يضل يدوي بأذنها حــــافر الخيل
صوت اضلوع لسه تسمع وصوت
يجد عطشان بيــــها يهدم الحيل

موش بس موته.... موش بس موته
الف موته اعله اهله... موش بس موته
ـــــــــــــــــــــــــــــــــــــــــــــــــــ
تمت بفضلهم ص
المقصر
✍️ياسر الزيادي...

هيه هاي ٠٠٠ الامس جتنه مجتفيها
هيه هاي ٠٠٠ الحبل ماعاف اديها
هيه هاي ٠٠٠ هيه هاي
٠٠٠٠ ٠٠ ٠٠٠٠
التمت اهل الشام كلهه وكل مره تحشم مره
هاي زينب هيه هيه الأمس جتنه ميسره
لا طفل لاشاب ماظل بقضيتي مادره
ريت كون ظلوعي بالطف وي اخوتي مكسره

ريت الخيل تكسر عضامي
وماشَوفن راسك جدامي

يتصورلي بعده برمحها
هذا شام وضيمه وجرحها


هيه هاي ٠٠٠ وينه عباس الكفلها
هيه هاي ٠٠٠ راجعه من غير اهلها
٠٠٠٠ ٠٠ ٠٠٠٠
كمت اموتن لحضه لحضه يافشلتي ومستحاي
من اطب جنت ألاميره والخدم جانت وراي
هسه محنيه وغريبه من اسولف مالي راي
جلمت الشمات تكتل جنهه سوط بنص گفاي

يذكروني بأيامي الراحت
ودمعاتي البل مجلس طاحت

بين الغربه وذيج الوادم
يا أمر صار علينه الخادم


هيه هاي ٠٠٠ صاحو الطبت سبيه
هيه هاي ٠٠٠ العقيله الهاشميه
٠٠٠٠ ٠٠ ٠٠٠٠
يمشي ليل ويلفي ليل لعيني ماطبك جفن
الحزن من شاف حالي صاح انتي ام الحزن
راح اسمي وراح رسمي وللمنيه شكد احن
امنيه جانتلي بحياتي يم الحسين اندفن

مامتهنيه حته بموتي
الغربه يحضرون بتابوتي

ماعدهم رحمه وحنيه
كله تصيح يل مسبيه


هيه هاي ٠٠٠ والله تهضمني الغريبه
هيه هاي ٠٠٠ امنين ابوفاظل اجيبه
٠٠٠٠ ٠٠ ٠٠٠٠
الشام اه يلشام منهه يشيط گلبي ويحترگ
يوم طبينه بضعنه طبولهم گامت تدگ
الشام من اشتم هواهه بضيمي انازع وختنگ
هناه وگفت انه وخواتي وبحجرهم ننرشگ

شنسه من القصر ودولابه
والطفله الصاحت يايابه

راسك بالطشت يجيبونه
ماتت وي نضرات عيونه


هيه هاي ٠٠٠ الظيعت خدري ودلالي
هيه هاي ٠٠٠ الموت ظل يبجي عله حالي

٠٠٠٠ ٠٠ ٠٠٠٠
جدمت يمي المنيه الموت اجه وماجاني اخو
ادير بعيوني عجيبه وين ماعاين عدو
كوه احرك گمت اديه واحد يصيح شكو
يلله يلله بساع موتي يل اجيتينه لفو

يفرحون شمايهفت صوتي
يتمنون يعجل موتي

يل مسبيه جاوين اهلج
ياهو يغسلج ياهو يدفنج


هيه هاي ٠٠٠ الجانو ايصيحولي أميره
هيه هاي ٠٠٠ بلاهل هسه وعشيره
٠٠٠٠ ٠٠ ٠٠٠٠

خادم اهل البيت ع
فلاح طالب الماجدي



@HxzEU1

#قناه_نشر_القصائد_المنبريه

السلام عليكم ورحمة الله وبركاته
يسرني ويسعدني ان ابارك لكم في هذا العام
وأسأل الله بحرمة ال محمد الطيبين الطاهرين
ان لايحرمنا واياكم رضوانه ورضوان محمد وال محمد الطيبين الطاهرين

وان يرزقكم خدمة وشفاعة الحسين. ص. يوم الورود

✍️ياسر الزيادي

لسان حال مولاي صاحب الزمان عج في حق جده الامام الهادي ص
يكول💔👇😔

كسر گلبي عليك وأبد... لاحن
وكتي. وسهامه بالدلال... لاحن
يعين الوالد بهل يوم... لاحـن

عيونه وانته بحضان المنيه
ــــــــــــــــــ
عجب دنيه شكثر شمرت. علي هم
هلي خلصــو ذبح كلهم... علي هم
جرع سم اويــــوصي ابنه... علي هم

يگله أعله الغريب ويوصي بيه
ــــــــــــــــــــــــــــــــــــ

بچت حوه وبچه يمها...علي ادم
ع الهادي گمت ابچي... عليه دم
لا مطلوب لا كـــــــاتل.. عليه دم

رتوى بسموم چبده بهالمسيه
ـــــــــــــــــــــــــــــــــ
خادم عاشر أهل الهدايه ص
✍️ياسر الزيادي

شور فزاعي... ام البنين

عله الگالت اولادي فدوه يرحون
تستاهل عليــــها نلـطم اعـــيون
ــــــــــــــــــــــــــــــــــــــــــــــــــــ
دور بلكي تلگه هيچ نسوان
ربت اربعه شجــــعان وحنان
واحدهم جبل والغيره بركان
ســوتهم خدم لاموش خوان

بروس امدنكه اگباله تگعدون
تستـــاهل عليها نلطم اعيون
ـــــــــــــــــــــــــــــــــــــــــــــــــــــ
ام البنين هيه تكول
فدوه الاسم ابو السجاد يرحــــون
غالي احسين لجله الكل يرخصون
شواي الأربعه كون انـــطي العيون
كون وخادمه امشي ويالضــــعون

أگود حبال بيدي ناگة أم عــون
تستاهل علـــــــيها نلطم اعيون
ـــــــــــــــــــــــــــــــــــــــــــــــــــ
مره هاگد حنينه وشايله احساس
تگل لولادها يمه انتــــو حــــراس
گبال احسين يمه دنگــــــو الراس
وگبل لا يحچي صيرو لريته انفاس

اول ناس اريــــدنكم تفزعون
تستاهـــل عليها نلطم اعيون
ــــــــــــــــــــــــــــــــــــــــــــــــــــ
هنا تحشم ام الغيره

أريدن كربله تسووهـــــا طشار
لكـــــون المعركه لحسين تندار
خلــــو النــايحه ترهم ابكل دار
واريد اكــــبارها تسولف للزغار

غيمه تحولو خافن يعطشون
تســــتاهل عليها نلطم اعيون
ــــــــــــــــــــــــــــــــــــــــــــــــــــ
ندارو عليه ييمه دورت احزام
بصدركم صدو عنه خيول وسهام
بشاربكم ترى كــــــل ذيچ الخيام
تبقى اعيونكم تحرسها مـــــــتنام

وگبل احسين يا يمه تطيـــحون
تستاهـــــــل عليها نلطم اعيون
ــــــــــــــــــــــــــــــــــــ
تمت بفضلهم ص
خادم الزهراء ص
الشاعر والملا ياسر الزيادي

وفاة مولاتنا الطاهره ام البنين ص

خِيرة النساء
راحت وملچومة گــــلب
جرح العشگ ماله طبيب
يشفه لـــون ردله الحبيب

وام الغيره..... ضلت تتأمله
لـــــــضعونه....شگد حب شايله
عـــــــذبها...طاريِچ كربلـــــه

والليـــــــل
يقسي وي اليتاني
ساعات الثـــــواني
يخيم وبســــــــواده
خلاهـــــــــــا تـعاني٢

أم البنين.. يافاطمه.. أم البنين... يافاطمه
ــــــــــــــــــــــــــــــــــــــــ
أم گلب مكسور
ندري اليفارگ ينكسر
وما يـرهم الكسره جبر
يتصبر او مـــــــر الصبر

سكنت دربه..والينطر يحترگ
لعيونه... ذوّبــــــــاها العشگ
معذوره... چي حبت من صدگ

والشوگ
لحسين وخـــــــــواته
ولكلهن بناتــــــــــــه
للطفلــــــــه رُقيه
ولكل ذكرياتــــــــــــه

أم البنين.. يافاطمه.. أم البنين... يافاطمه
ــــــــــــــــــــــــــــــــــــــــ
عاشت ابعذاب
تلچمها نسمات الهوه
طبع اليحب يشبع ألم
مثل اليفز بجمل حلم

ضحت كلشي...ألحـــــره بأاربعه
تدعي الله... ألغالي يرجعه
اغيابه... گلبها شالعه

تمنت
ايرد الها أبنهــــــــا
أيغمض جفنـــــــــها
يشـــــــــيل الجنازه
ويحظـــــــــــــــر دفنها

أم البنين.. يافاطمه.. أم البنين... يافاطمه
ــــــــــــــــــــــــــــــــــــــــ
بچت الوجود
ونتها وصلت للعرش
لطمت لمن كسرت ضلع
ذابت قهر مثل الشمع

رسمت صوره...بچت أهل السمه
رمح شايل.. من راسه يخر دمه
يمه طفله......مچويه وهايمه

شالت
الطاسه او بيديها
وأذن امسلـــبيها
كل ضنها اتلوحه
اوسوط امتعبيهـا

أم البنين.. يافاطمه.. أم البنين... يافاطمه
ــــــــــــــــــــــــــــــــــــــــ
تمت بفضلهم ص
خادم الزهراء ص
الشاعر والملا ياسر الزيادي

أااخ يمه أاااخ يمه
وفاة مولاتي أم البنين. ص

فزاعي...((شيخة خدام))
ــــــــــــــــــــــــ

كسرتنه چبيره وتســــوه النياح
تدرون من اهلنه  ياهـــــو الراح
بجّنازتها وســـــفه ماكو اصيااح
كون من البواچي انكض الصفاح

((أللطم عالراس... للمحـــد اجاها))
ـــــــــــــــــــــــــــــــــــــ
الميتله ضــــنه يخـــلصها لوعات
شلون وهيه فگدت خمس شمعات
بگلبها احسين غيره محـــد الفاات
ماتت والدمــــــــوع ابعينها اتباات

((ماتت واحسين.. ما فارگ گلبها))
ــــــــــــــــــــــــــــــــــــــــــــــــ
هاي أم المحنه نــــــوحوا  يا ناس
أرخصــــو للوفيه دموع الاحساس
كون من البواچي اتضيگ الانفاس
وي كل لطمه صحـــــــيو آ يعباس

((واســــو العباس.... واعموها النواضر))
ـــــــــــــــــــــــــــــــــــــــــــــــ
يا أهل المجـــالس بيكم اتنـــــخه
حزامك بيها شـــــده وابد لا يرخه
كون من البواچي وجـهك اتصلخه
ولطم حيل كون اكليـــــبك اتفوخه

((ويـــن العطشان... يتوسط عزاها))
ــــــــــــــــــــــــــــــــــــــــــــــ
حاتم شنهو حـــاتم عــــزب ابزاد
يم رجليها حاتم حــــــفنت ارماد
هاي العـــــــزبت للـــــزهره أولاد
خيمة الخدمه وگمرها دگ الاوتاد

((شيخة خدام.... سموها الأئمه))
ـــــــــــــــــــــــــــــــــــ
تمت بفضل مولاتي أم العباس ص
✍️ياسر الزيادي

غداً ان شاء الله

#لمولاي القاسم أبن الامام موسى الكاظم عليهما السلام

ع لبن موسى دليلي اليوم..وجاار
لغربته والوكت والضــــلم..وجاار
سؤال الينشده اهله منين..وجااار

يخنگه اويوصل لحد المنيه

الجناسات

وجاار... حترق
وجااار.. الجوور
وجاار... الجار والمار والمستطرق
ــــــــــــــــــــــــــــــــــــــ

الزلمه الــــــزيِن معروف...ابسماته
شگد رغم الحزن حـــلوه...ابسماته
لجلــه الطير ضل يــنعه.... ابسماته

لمن غاب وجهه ع البريه

الجناسات
السيماء.. السجيّه
الأبتسامه. البشوشه
طيور السماء
ــــــــــــــــــــــــ
✍️ياسر الزيادي

يازهراء مدد مولاتي...
فزاعيه... للزهراء ص... وترهم نعي💔


مو واحـد طلع عالباب/لا طلعـــو عشيره
ــــــــــــــــــــــــــــ

عمت عيني العزيزه حيل مابيها
من گد الطحن متعــــوبه ايديها
اندگ الباب گامت وعتـــنت ليها
مو واحد عشيره الفزعـو اعلــيها

وحدها وچثيره الناس/حارت ياخلگ حيره
ـــــــــــــــــــــــــــــــــــــــ

بس ما وصلت وحســتهم اغـراب
خافت حيل هــل لاذت وره الباب
شسوتلك يثـاني وشنهي الاسباب
ترفس بابهـــــــا رفست الطــلاب

ويتمرجل عليه الچان/ ناقص مرجله وغيره
ـــــــــــــــــــــــــــــــــــــــــــــــــــــ

ساعه برجله يرفس ساعه بــالأيد
يعصر حيل بيها وما رضه يهيــــد
كل همه الزچيه وهمه الــــــــوليد
يموتهم يـــريد وصـــــــــار اليريد

مو كاروك لا عالگاع/طاح وطيحته چبيره
ــــــــــــــــــــــــــــــــــــــــــــــــــــــ

دارك يا علي العدوان طبــــــــــوها
وحرگو بابـــــــــها وزهرتك طگوها
ما كــــفه الكسر عـــالعين سطروها
توّن من الوجع يـــــــا حيف خلوها

ثجيل الباب والزهراء/ما  تتحمل ازغيره
ــــــــــــــــــــــــــــــــــــــــــــ

يا نجار بابك ونتـــــه بي ادره
هــل بسمار ما همك أبـــد امره
تدري اشصار لمن عصرو الزهره
خله انفــــاسها تشهگها بالحسره

عاونهم عليها الباب/بجذوعه ومساميره
ـــــــــــــــــــــــــــــــــــــــــــــــــــــ

تمت بفضل ساداتي ص
خادم كسيرة الاضلاع
✍️ياسر الزيادي

غريبه.
غريبه ماتت أم حسن

حال الألم ما يوصله الشاعر وآن. يكتب جرح
والرايد يوصف الجره والما جرى. بذاك الصبح
كون القصيده التنكتب وي كل حرف. يشتم حرگ
يتنفس اللوعه
ويحس.يتملكه. احساس الذبح

جرب تعايش ذيچ الضروف
هدوا عليها اوعيشوها خوف
بزهرت محمد ضاگ الفضى
لا والهضمها سطر الچفوف


المصيبه
كون تحچيها المصيبه. المصيبه
الحبيبه
وسولفنه اعله الحبيبه. الحبيبه
نـــهيبه
بدار حيدر يا نهيبه. يا نهيبه

هضمها.
هضمها الگايل وآن
غريبه.
غريبه ماتت أم حسن
ـــــــــــــــــــــــ١

غوص بمعق وبمعرفه. ليش الجرى. بنت النبي
احچي ابلسان الينفهم. خل يفهمك شاب وصبي
عدنه السناين ثابته. ما بيها ابد. تنطگ مره
چا سنت الطگ والحرگ.مو للعرب. سنة بغي

سولف عليهم اهل الرياء
الچانو صحابه صارو بلاء
علنو حربهم لهل العفاف
وثبتو سنينه لطف كربلاء

حريمه
تضّم لسوالف حريمه. حريمه
جريمه
وتسكتلهم هم جريمه. جريمه
هضيمه
قصة الزهرا هضيمه.هضيمه

سطرها.
سطرها وازرگ الچفن

غريبه.
غريبه ماتت أم حسن
ــــــــــــــــــــــــــــــ٢

كشف الحقيقه الغامضه. تريد الذي. دينه صلب
لتهم أبـــــــد بالينتقد.ولا  همك.ابكسب المحب
تدري ضريبة فاطمه. عصر وكسر. وگعت طفل
موقفها يسوى لحيدرا. عن الولايه. دمها صب

تعرف بمقامه ابين الوجود
يسوى المواقف زود ع زود
لعين  الولايه قدمت نذور
انطت عمرها ومحسن شهود

لغضبها.
اليغضب الرب لغضبها. لغضبها
بضلعها.
ماتت ارضوض ابضلعها.. بضلعها
عمرها.
بعمر ١٨ ورده عمرها.. عمرها

لذكرها..
لذكرها دايم الحزن
غريبه.
غريبه ماتت أم حسن
ــــــــــــــــــــــــــ٣

أجمل شعور الينكتب. لمن تعيش. انته الكسر
وليلطم اعيونه يحس.يا لوعه عاشت. يا جمر
الرايد يواسي فاطمه. لا يبخل. ابدگ الصدر
هاي الشفيعه الناجيه.ماكو عذر. يوم الحشر

خلها تشوفك وبكل عزاء
أسمع نعاوي واسمع رثاء
عيش المصيبه وعضّم الاجر
وصرخ دخيلچ يـمه زهراء

مجالس.
كون تحيها المجالس. المجالس
مدارس.
للــــــزلم هايه مدارس. مدارس
عوابس.
مصنع لكل العوابس. العوابس

خسرها.
خسرها الگلبه مايحن
غريبه.
غريبه ماتت ام حسن
ـــــــــــــــــــــــــــــ٤
كلام
✍️ياسر الزيادي

https://youtu.be/QiTDcTDdNtk?si=mnFlKjCdE-9hcywr

غريبه.
غريبه ماتت أم حسن

حال الألم ما يوصله الشاعر وآن. يكتب جرح
والرايد يوصف الجره والما جرى. بذاك الصبح
كون القصيده التنكتب وي كل حرف. يشتم حرگ
يتنفس اللوعه
ويحس.يتملكه. احساس الذبح

جرب تعايش ذيچ الضروف
هدوا عليها اوعيشوها خوف
بزهرت محمد ضاگ الفضى
لا والهضمها سطر الچفوف


المصيبه
كون تحچيها المصيبه. المصيبه
الحبيبه
وسولفنه اعله الحبيبه. الحبيبه
نـــهيبه
بدار حيدر يا نهيبه. يا نهيبه

هضمها.
هضمها الگايل وآن
غريبه.
غريبه ماتت أم حسن
ـــــــــــــــــــــــ١

غوص بمعق وبمعرفه. ليش الجرى. بنت النبي
احچي ابلسان الينفهم. خل يفهمك شاب وصبي
عدنه السناين ثابته. ما بيها ابد. تنطگ مره
چا سنت الطگ والحرگ.مو للعرب. سنة بغي

سولف عليهم اهل الرياء
الچانو صحابه صارو بلاء
علنو حربهم لهل العفاف
وثبتو سنينه لطف كربلاء

حريمه
تضّم لسوالف حريمه. حريمه
جريمه
وتسكتلهم هم جريمه. جريمه
هضيمه
قصة الزهرا هضيمه.هضيمه

سطرها.
سطرها وازرگ الچفن

غريبه.
غريبه ماتت أم حسن
ــــــــــــــــــــــــــــــ٢

كشف الحقيقه الغامضه. تريد الذي. دينه صلب
لتهم أبـــــــد بالينتقد.ولا  همك.ابكسب المحب
تدري ضريبة فاطمه. عصر وكسر. وگعت طفل
موقفها يسوى لحيدرا. عن الولايه. دمها صب

تعرف مقامه ابين الوجود
يسوى المواقف زود ع زود
لعين  الولايه قدمت نذور
انطت عمرها ومحسن شهود

لغضبها.
اليغضب الرب لغضبها. لغضبها
بضلعها.
ماتت ارضوض ابضلعها.. بضلعها
عمرها.
بعمر ١٨ ورده عمرها.. عمرها

لذكرها..
لذكرها دايم الحزن
غريبه.
غريبه ماتت أم حسن
ــــــــــــــــــــــــــ٣

أجمل شعور الينكتب. لمن تعيش. انته الكسر
وليلطم اعيونه يحس.يا لوعه عاشت. يا جمر
الرايد يواسي فاطمه. لا يبخل. ابدگ الصدر
هاي الشفيعه الناجيه.ماكو عذر. يوم الحشر

خلها تشوفك وبكل عزاء
أسمع نعاوي واسمع رثاء
عيش المصيبه وعضّم الاجر
وصرخ دخيلچ يـمه زهراء

مجالس.
كون تحيها المجالس. المجالس
مدارس.
للــــــزلم هايه مدارس. مدارس
عوابس.
مصنع لكل العوابس. العوابس

خسرها.
خسرها الگلبه مايحن
غريبه.
غريبه ماتت ام حسن
ـــــــــــــــــــــــــــــ٤
كلام
✍️ياسر الزيادي

كأني بلسان حالها صلوات ربي عليها تقول💔😔

يكــرار...زهرتك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــ
باب اجذوع وثجيلت وزن هالـــــــباب
لــــــذت خلفه ردت منه يصير احجاب
حين الـــي گرب منعوا ويــــرد بجواب
وإن وگام يعصرني بـــــــــدون اسباب

أويـــــــــلاه....بلا رحم...من هجم..نبت البسمار
يكــــــــــرار...زهرتــك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
صوت اضلوعي تتــكسر سمـــعها اطــــگ
لا أگــــــــدر أصيحن يا عـــــلي ألحـــــگ
حرگ بابي وبي بسمار صبــــــــح يـحرگ
حـار وحيل چــــــــــواني وگمــت اشهگ

صحت اه...
من الالم...ماسلم...محسن يســــــتار
يكــــــــــرار...زهرتــك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
ماكفاااااا نزف دمـــــــي وچتــــــل ابني
رد ابسوطه حيل ايرفعــــه ويطگـــــني
نوب ابجدمه گـــام ابضلعي يلچمـــــني
ألنذل أيده ثجيله وگــــــام يســــطرني

الألم زاد...بالرفس...ماكو حس..ياحامي الجـــار
يكــــــــــرار...زهرتــك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
ردت انــــــدب يــوالي وما طلــــع حسي
لأن اضلوعي تلچمني من اجر نفـــــــسي
لا أكــــــدر أديه ارفعــــــــها لا احــــچي
حرت حيره وعله چفوفي گمت احبـــــي

عالعتاب...محسني..منحني.. اتچوه بالنار
يكــــرار...زهرتك..وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
طحت فوگ الجمر ومحرگه الأيــــــــدين
گمت أوگف واطيح اتلوه مــــــــــن البين
بهل حاله وسرح بالي ذكــــــــرت احسين
گبالي كربله ونـــــــار ابـــــــخيم صوبين

شفت خيل...والزلم...عالخيم... سووها طشار
يكـــرار...زهرتك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
تمت والحمد لله
✍️خادم الزهراء ع
🎤ياسر الزيادي

جــــــــديدنا. والحمدلله

من نسج الخيال
وكأني بالغريبه زينب. ص
ترى بالمنام رؤيا تفجعها فتنقل للزهراء مارأت👇


بالحلم شفت الـسـمه
محودبه وتنگط دمـه
فززاني وعيشاني ابخوف
ومـــره چــنها فاطمـه

صرخت لحگي يمه لحگي..هل حلم رعباني
باگ نوم اعيــــــوني مني... والفزع صاباني

شهل الحلم فسري... يمه
گلبي ألي بـــــردي.. يمه
خوفي لا يصـبح حقيقه
وانهضم كل دهري.. يمه

گلبي انمله هموم...
ونگعت الهــــــــــــدوم
من شفت طيف الرزيه گام بحلامي يحوم

لوعــــــاني الصــــــــار...
عالورد ثار النـــــــــــــار
كرهاني النوم حلمي شفته متروس ادموم

انا زينب... سولفيلي...سولفيلي.. انا زينب
ـــــــــــــــــــــــــــــــــــــــــــــــــــ
والله عذبني الســــــهر
عشت بس اه  وقـــــهر
وما أصدگ نفترگ وشلون
يطيّح الخيمه القــــــدر

ضلت ادور بخيالي.. هالـصور وانفاسي
ريت مگطوعه ييمه..ولا تــشيب راسي

ما نمت كل ليلي... يمه
والفزع هد حيلي....يمه
فكري راح شلون باچـر
يتيمه اصبح ويلي..يمه

شفت لونج مخطوف...
وحيلي مال من الخوف...
ومو طفل يمچ اشوفه گمر  كترچ مــــخسوف

حلمي عذبلي الروح...
ما حسب وين انروح...
جروحي كلفه ليش هيجي زينب انا ميشوف

انا زينب... سولفيلي...سولفيلي.. انا زينب
ـــــــــــــــــــــــــــــــــــــــــــــــــــ
عفيه ها لگلب او صبر
ما تضعضع وانـــــفطر
هتزت اهروشه وغدت نصين
گبالي أمــُــــــي وتنغدر

الكون انتي وكل وجوده... الموت وسفه ينولچ
مثل زينب كثره باچر.... بكل زمـــــــن يبچولچ

من دناچ المــــوت... يمه
بثغري مات الصوت... يمه
حزني عگبچ ارد اوصفه
صار الي تابــــوت... يمه

عليچ صوتي مبحوح...
ختفه من گد النوح
تنهضم والله اليتيمه وتنترس كومه اجروح

شفت يايمه الويل...
فرگه چملهه الليل....
بنيتچ ألتمن علـــــــيها وطلعن منها الروح

انا زينب... سولفيلي...سولفيلي.. انا زينب
ـــــــــــــــــــــــــــــــــــــــــــــــــــ
يالعزمتي عله الرحيل
مثلچ ألگه مستــــحيل
ياهي مثلچ بالحنان اتفوح
چلمت الحب لا قـــليل

الليله أحلام البراءه. بشوفتچ مذبوحه
الله يلعن عمر هسه.. كون تطلع روحه

ورده ويگطعوچ... يمه
من الهوه يحرموچ... يمه
شنهي ذنبچ ما نعـــــرفه
بلا ذنب عصروچ.. يمـه

صاحبت الاحزان...
ودمـــــوعي بركان
أنذبح كلما اشوفا حسين يمه حيران

لو ادري النياح...
ترجعلي الـــــراح...
چا أضل ليلي ونهاري..ابچي ودمعي طوفان

انا زينب... سولفيلي...سولفيلي.. انا زينب
ـــــــــــــــــــــــــــــــــــــــــــــــــــ
عمري بس لوعه صفه
حزني بجفــــوني غفه
من رحلتي والغدر لليوم
دنيه ما بــــــــيها وفه

ضايعه الضيعت نضرها... وانتي يا ضي عيني
ضلمه من دونچ ييمه... صفــــــت كل سنيني

كون اروح وياچ.... يمه
شيباني جـــفاچ... يمه
منه اتبــــــــــــره يــــزهره
گلبي لو ينساچ.... يمه

آهــــــاتي شتفيد...
عالشالت ابـــــعيد...
للموت گمت احسب وعد.والناس تحسب للعيد

كل ساعــــــه وياچ...
وانضرها عينـــــاچ...
هسه بس حيطان انضر..نوحي وآهاتي تزيد

انا زينب... سولفيلي...سولفيلي.. انا زينب
ـــــــــــــــــــــــــــــــــــــــــــــــــــ

تمت بفضلها
كسيرة الاضلاع.. ص

✍️🎤ياســــــر الــــــزيادي

لسان حال مولاي الحسين ص في شهادة الزهراء ص

كسّر الضلع أذاني      أنعه وأونّ خلاني
          ها يابين ــــــــــــــ صّد لحسين
                  دهري غصب يتماني
* * *
يا خلگ أكبر فاجعه     بيها العده فجعـوني
بعمر الورد وتيتمت    شفت الحزن بعيوني
للگبـر وياها صحت    بنفس الگبــر خلوني
أمي وبلياها العـمر     ما ينـحمل صدگوني

شحّت عليه العافيه       عيوني

ابد ماغافيه
             أنه احسين ـــــــــ ها يا بين
                        دهري غصب يتماني
* * *
باين أثرها طيحتچ      بالعتبه راسم تــذكـار
گبالي أشوفنه الجذع      باقي لدمه بالبسمار
گلبي جمر لمصيبتچ    يشبه جمر باب الدار
يـتردد اباذني صده    ألحگلي ياحامي الجار

اليفزع بقى بمچانه                إلمن تصـد حيرانه
                شاب الديـــن ـــــــــــــــ ها يا بين
                          دهري غصب يتماني
* * *
كلما اشاهدها انقهـر      تلوّعني يمّه عيناچ
تنمدّ عليچ ايد لرجس    ياذنب وتماده وياچ
كلما اطب دارچ غفل    تبچين يايمّه الگاچ
لمن أسئلچ عالسبب     تغطيها عني بيمناچ

حيل العده مأذينچ              ما گطع صوت اونينچ
                 وتلوجيــــن ـــــــ ها يا بين
                     
        دهري غصب يتماني
* * *
شحال الحسين ابفرگتچ        حسبتي يايمّه لهاي
عطشان يمّه لشوفتچ           ياريحة الله وسلواي
الحيطان تبچي لمحنتي   ابچي وتشاركني ابچاي
اغفى وتفززني الصور     ولگه دموعي بعيناي

تبقى الصور گدامي            تعاشرني ويه احلامي
                   وسط العين ــــــــــ ها يا بين
                                 دهري غصب يتماني
* * *
اهل السقيفه الظالمة       بلا رحمه وبلا ذمّه
بس ما غفى سيد الرسل    عالدار هدّو  لمّـه
ليش الزچيه الطاهره     نكرت خبرها الامّه
موگال جدي المصطفى    دمّ فاطمه من دمّه

ورده وعصر عصروها      وفوگ الجره سطروها
                متوحشيــــن ــــــــــ ها يا بين
                         دهري غصب يتماني
                       ـــــــــــــــــــــــــــــــــــــــــــ
                                                                                         ياسر الزيادي

نص٣
ما ينحمل ضيم الجره
ابيت الوحي تنطگ مره
الجانو وطن صارو غرب
هذا الــــــــزمان اشغيره

نص٤
الما ينكسر لا ما يحس
ب آه اوجع تشهگ نفس
المو زلمه شبعها رفس💔

دخيلك ياصاحب الزمان
عذرا مولاي. اكتب ومهضوم
شحال گلبك.. الله يساعدك😭

أبيت الوحي تنطگ مره😭💔

شهادة الصديقه الطاهره ࢪ١

كسر الضلع ما ينجبر
مايكفي لا لامچ حـبر
لا دمعه تشفي لا لطم
ما نوفي لو نبچي عمر

بساعة عصرتچ....
ماي وتـــبده حنانچ واختفه
ويــــه وگعـــــتچ..
كون الله مال وعلّگاع انچفه

هدو عشيره وأنتي مره
كلهم ولوچ وندري اشجره
بصدر الحنان شرايد يصير
مو ضلع عشره المّتكسره؟؟

نار..شعلو الباب وغده البسمار نار
غار..تعَاون وياهم تعده وعالضلع غار

مضلومه يااازهراء....مهضومه يااازهراء
ـــــــــــــــــــــــــــــــــــــــــ
مايكفي نوحي والـــدمع
مفروض الچ اكسر ضـلع
وبصدري يا يــريته نبت
بسمارج اوصـــدري شلع

اتمنيته بابي
أبدال بابچ يالحنينه يحـــــترگ
وبدال محسن
ع الگاع اطيح وجسمي ينسحگ

ويلي عليج بضلعچ كــــسر
ومچّوي اديچ هواي الـجمر
شحچي بعد صعب الحچي
الهادي يون ابــــوسط الگبر

ليل. صارت ايـامچ يزهره كــــــلها ليل
حيل. يرفس ابابچ طحن لضلوع حيل

مظلومه ياااازهراء.... مهظومه ياااازهراء
ـــــــــــــــــــــــــــــــــــــــــــــــــــ
ما ينحمل ضيم الجره
ابيت الوحي تنطگ مره
الچانو وطن صارو غرب
هذا الزمـــان اشغـــــيره

گلفه المصيبه...
باب الذي چان النبي يستأذنه
والله عجيبه...
أمسه رماد وكل ضلوعه مدخنه

ستر الله ما ظل ألها ستر
وفوگاها خـــدها الينصطر
گلوله فاطم گلـــــــهم وآان
رد بســــــــياطه وبكل كتر

حيل..يأمر بعبده ويگله طگها.. حيل
سيل...من سياطه ضل متنها دمه... سيل

مظلومه يااازهراء.... مهظومه ياااازهراء
ـــــــــــــــــــــــــــــــــــــــــــــــــــ

الماينكسر لا مــــــــا يحس
ب آه او وجــع تشهگ نفس
عاشت هضم سمعت شتـــم
ال مو زلمه شبـــــعها رفس😭

والله هضيمه...
دارو عليها وما صح أي عرف
نفذو جريمه....
يبن الحسن موقف ما ينوصف

لأمــك يمهدي محد فـزع
موحگه گلبك صـابه جزع
هايه حقيقه لا مو حلــــم
محسن غـــصب منها وگع

دار... وسفه الوكت باهل البخت... دار
صار... يمــشي عـــكس لا مو عدل..صار

مظلومه يااازهراء... مهظومه يااازهراء
ــــــــــــــــــــــــــــــــــــ
تمت والحمدلله
خادم الكسيره ع
المــــلا ياسر الزيادي

((مفاتيح الجرائم)) بحق مولاتنا الزهراء ص

الأم التي انطلقت منها كل المصائب

حرگة دار.. حرّگة خيمه
هنا بسمار... تحول حافر
نفس احبال الچتفت حيدر
هنــــــــاك تگاود زينب باچر
ـــــــــــــــــــــــــــــــــــ
زغيره وشاهدت كلشي
وشيب بالهـضم رمشي
فرد ساعه خسرت اثنين
أمي ومحسن او عشي

المصيبه الشتت بالي
الانطره امــــدد گبالي
طفل فوگ الجمر طايح
لا يحچي ولا يمشي

لطمت اعله الوجه من عاينت حاله
ما  معقوله  محــد دنـگ او شـــاله
ضل يتلوه فوگ النــــــــار اشوفنه
المثله احضان موگاع وجـمر فــاله

باب اجذوع... وانته اتصور
يضل يـــلوع...  البي يــتعثر
حيل يطبگه وحيل اتــجاسر
هنـــــــاك تـگاود زينب باچر
ـــــــــــــــــــــــــــــــــــ
ادني اعيوني يمَه بخوف
عمت عيني علذاك الشوف
أحسه يگلي يـــــــــا زينب
اكل ضهري الجمر مـــلهوف

أشوفن نضرته ونــوحه
علصوب الباب مشبوحه
چنه يگلي لحــگي امي
أمي الــــــزهره مجروحه

حقيقه مـــــو حلم هذا الجره وشفته
محسن يا خلگ مــــــــن الجمر شلته
شويه وصــــوت خافت گوه اسمعنه
أول ركضه  أول جــــمر انه اسحگته

أول نااار.... شافت عيني
وال بسمااار... باگ سنيني
باب الـدار اتـــــحول حافر
هنــــــــاك تگاود زينب باچر
ـــــــــــــــــــــــــــــــــــ
الشده بـــــالي بعد اكثر
صاحت فضه مو حيدر
اليــــــفزع للغرب ندري
لفزعت أمـــــي ما يگدر

الهضمني داســــــو اعتابه
وحــــــــــرگو بالحقد بابه
خلف الباب عصــــــــروها
رحمة الله وحجــــــــــابه

أثاري بالوصيه مچتف اوحــــــــاير
حسرته بروحه تاكل والــــدمع غاير
ما شايف جــــــــبل وحــبال چتفنه
صحت بويه دخـــيلك كلي اشصاير

ليش احبال..... جتفت ايدك
ما تنـــــگال....مااات وليدك
من زغري بـــهم گلبي يتاجر
هنــــــــاك تگاود زينب باچر
ـــــــــــــــــــــــــــــــــــ
كل أم للضــــــــنه تحسب
وعكسهن أمـي بس تنحب
الما شبگت ضناها تــــلوع
تنوح الليل ماتغفى لمن تتعب

جمال الما شفت مثله
تتاني طلعــــــته اهله
تعب أمي ثواني ضاع
بعد ألمن تضـــل عدله

بس الفاگد أوليده يعيش الحال
غدت من الهضم امي شبه لخيال
محسن مات بقى بس المهد فارغ
أفز واسمع نواعيـها تــــهز الجبال

وبهل حاااال.... ماتت أمنه
شمســووين... وتيـــــتمنه
ياهو المـــــــاتت أمه وصابر
هنــــــــاك تگاود زينب باچر
ـــــــــــــــــــــــــــــــــــ
تمت برعايتها ص
خادم الزهراء ص
✍ياسر الزيادي

شوور...لمولاتي الزهراء ع
يعين گلبك ياعلي..بهاي المصيبه

صلى اللهُ عليكِ فاطمـــــــــه
ــــــــــــــــــــــــــــــــــــــــــ

ابقـى لوحدي..أنه وهمي ورتحل كلشي
ألمـــــن أدير اعيوني لمنــــــو
وحدي بقيت استشهد الدفـــو

الله اليدري...لمـــــن ارحلتي
الله اليدري...ياكبـُـــر علـــتي
الله اليدري...ياظــكل ونتـي

جافتي اعز الناس خلتني ابضمـــه
صلى اللهُ عليــكِ فاطمـــــــــــــــه
ــــــــــــــــــــــــــــــــــــــــــــــــ
دنيه شتسوه.. المابيه انتي يابعد نبضي
ساعت رحيلچ زاعلت صبـــري
تمنيت گبلچ ينحفـــر گـــــبري

صعبه لوحدي....الفرگه ذبحتني
صعبه لوحدي....العبره خنگتني
صعبه لوحدي.....بدنيه غدرتني

اشتكي لله من هل المضلمــــه
صلى اللهُ عليكِ فاطـــــــــــمه
ـــــــــــــــــــــــــــــــــــــــــــــــــــــــ
اخضر نوحي..بعده بروحي من رحل طه
توه اب محمد صوبوا گلــبي
الثاني والاول فرهـدو حلمي

رافع صـــوته...ما خجل منـــــــــچ
بحيله وقوته...من دره بحملـــــــچ
نيـــته يموته...ومــــوته الأبنــــــچ

رحتي حــزينه والضلوع امهشمه
صلى اللهُ عليــــــكِ فاطــــــــمه
ـــــــــــــــــــــــــــــــــــــــــــــــــــــــــــ
خنگه بصدري.. ريت ابگبري ولاشفت كسرچ
حين مرت أيــــــدي يم ضلعــــچ
وشاهدت اثار سطرات اعله خــدچ

كسرت ضهري...وحيل شوغـتني
زيـــدت قهري...وهضم عيشتني
ابچي لفجري...دمــــوم خلــتني

حگه گلبي عليچ ينزف من دمـــه
صـلى اللهُ عليكِ فاطــــــــــــــمه
ـــــــــــــــــــــــــــــــــــــــــــــــــــــــ
عالي قدري.. وانتي ابكبري يالتشبيهيني
ياأعز من روحي وامي والابـــو
عالي قدرج والله منطيج العلو

شهگة ريتــي..... نسمه واشتمچ
شجرت بيتي..... وياضخن فيچ
بختي وصيتي... هــواي اودنچ

فاطم اوروحي بسمچ هايــــــــــــــمه
صــــــــــــــلى اللهُ عليكِ فاطمــــــــه
ــــــــــــــــــــــــــــــــــــــــــــــــــــــــــ
تمت والحمد لله
خادم الزهراء ع
المـــــــلا ياسر الزيادي

متباركين بولادة سادة الخلق الذين  مَن الله علينا بهم  وأخرَجَنا اللهُ مِنَ الذُّلِّ وَفَرَّجَ عَنّا غَمَراتِ الكُرُوبِ وَأنقَذَنا مِن شَفا جُرُفِ الهَلَكاتِ وَمِنَ النَّارِ ومن الظلمات الى النور

صلوات الله عليكم سادتي وعلى إرواحكم وأجسادكم

دخولية موكب عزاء أم البنين ص مرقد الامام احمد ابن علي
كلماتي واداء المخلص الملا أحمد الزيادي

بذكرى استشهاد الإمام الحسن العسكري عليه السلام
موعدنا يوم الخميس 9/12

شهادة مولاي الحسن العسكري


يامـــــــولاي... يارجــــواي....يالــــوالي
يامـــــــولاي... يارجــــواي....يالــــوالي
ــــــــــــــــــــــــــــــــــــــــــــــــــــــــــــــ
مصيبتكم ملتنه اجروح.ننزف مو جرح واحد
تبدي من بني العـــباس.ويبقى هالجرح خالد
سمهم بالچبــد صـاباك.وگبلك سمو الوالـــــد
تبقى الـشيعه تتعـناك.نهح للموت وتعاهـــــد

بوّجــه الموت... صحنه بصوت.. منبالـي
يامـــــــولاي... يارجــــواي....يالـــــوالي
ـــــــــــــــــــــــــــــــــــــــــــــــــــــــــــــــ
مضلوم انته يامـــــولاي. باقي ضلمك ويمــتـد
اليمرلك مـــر عله اجدادك. لا محصي ولاينعــــــــد
الذبح والسم شعار الكم. الحُسن العاقبه تنــعد
قانون وصــــدر باللطف.حسينك موقفه يشهد

ضحه حسين...لجل الدين....بالغــــــالي
يامـــــــولاي... يارجــــواي....يالــــوالي
ـــــــــــــــــــــــــــــــــــــــــــــــــــــــــــــــ
درّو من صلبـك المـوعود.منقذ هالخلگ يسطع
صبحو بالفعل فرعـــون.لمــــــن ذبح الرضـــع
موسى من اله الكـــــون.ضمه لحــين مايطلع
ونته حاضر تعايــــــــن.ضلمهم والأذن تسـمع
جّرعت المرّ...قصتك شلت...احوالــــــي
يامـــــــولاي... يارجــــواي....يالــــوالي
ـــــــــــــــــــــــــــــــــــــــــــــــــــــــــــــــ
شاهدنه عطف وحسان.. ولمّسنه هالامان البـيك
علُم ومعرفـه وغيـــره.تسولف كلهه عن ماضيك
شنهو الصار وشسويت.سمهم بالغـــــــدر ياذيك
بيك انفجعت الأكـوان.وجــدك طاها ليجازيك

اريدن صوت...يگلي مـــلا...انعالــــــــي
يامـــــــولاي... يارجــــواي....يالــــوالي
ـــــــــــــــــــــــــــــــــــــــــــــــــــــــــــــــ
ردو عالضريح انــــوب.رادو للتراب يصــير
حقداً بالنبي وأهلــــــه.قرو حكم بالتدمــير
جيش الناصبي خطط.سوه بمرقدك تفجير
بغض لكل فتاويـــكم.يمشي بفتوت التكفير

لاأرهــــــــاب..لاأذنــــاب...منـــــوالي
يامـــــــولاي... يارجــــواي....يالــــوالي
ـــــــــــــــــــــــــــــــــــــــــــــــــــــــــــــــ
ننصبلك عزيه اليوم.وخليهه الخلگ تعلم
ندري تحظر الاملاك.كـــل اجدادك ونلتم
فايز كلمن اتعـــناك.هناك بالحشر يسـلم
حبكم هذا ماننسا.. الله بحالنه الـــيعلم

فــــــاز الي...عينه بصورتك....مالـــــــي
يامـــــــولاي... يارجــــواي....يالــــوالي
ـــــــــــــــــــــــــــــــــــــــــــــــــــــــــــــــ
يدرونه زلم وسباع..لــــــــو عالموت مانندم
بفتوه من أبو محمد..خليــــــــنه العده تردم
فزعت عالمنايه صفوف.خيرهم بقى يـلعثم
ضحو لجل ابو المهدي.سامره ارتوت بالـــدم

أضل انطر... لحدما.. يضهر الغالي
يامـــــــولاي... يارجــــواي....يالــــــوالي
ـــــــــــــــــــــــــــــــــــــــــــــــــــــــــــــــ
تمت بفضلهم ع
خادم الزهراء ع
✍️ياسر الزيادي

عضم الله اجرك بويه ياصاحب زماني

گبال عينـــــــــه ويحتظر
يســــــــاعد اللـه المنتظر
أصعــب اوداع...يمهدي.. أصعب اوداع
ــــــــــــــــــــــــــــــــــــــــــــــــــــــــــ
گبال عينه العسكري بالســــــم گضـــــه
وسهم يچوي المهدي وبگلـــبه مضـــــه
متربــــه وتصـــــرخ اجتلـــــه الرافضـه
كــــــــل أرض سامره حزنت والفضــــه

ورق ميّوصف اوحبر
ياگلـب يحـــمل صبر
أصعب اوداع يمهدي... أصعب اوداع
ـــــــــــــــــــــــــــــــــــــــــــــــــــــــــــــ
وداع موت المهدي ودع والـــــــده
اوعله اخدود الورد سالت مو نــده
بعده شاب وغدت عينه مجعـــــده
حيل صعبه المهدي ضل ألـــــوحده

والــــــده ابسم انغـــــدر
حيل دگــــو اعله الصـدر
أصعب اوداع يمهدي.... أصعب اوداع
ـــــــــــــــــــــــــــــــــــــــــــــــــــــــــ
نزلت املاك السمه تواسي الــــــولي
الزهره تنعى وياهم وينحـــــب علي
ثگلت اهمومه وبعد مـــــــــا تنجلي
ينعى كل عمره بگى ودمعه يهلــــي

گلب مهدينه انفطـــــر
دمعه عالخد كالمطـــر
أصعب اوداع يمهدي....أصعب اوداع
ــــــــــــــــــــــــــــــــــــــــــــــــــــــــــــ
چم جرح بگليبه شايل چم قهــــــر
باب محسن والضلع طبره ونحـــــر
بذنه يدوي صوت خد من انســــطر
والجنين النار حرگتلــــه الظهــــــــر

عمـه محسن من وگع
عالوجـــه حـيل نرگع
أصعب اوداع يمهدي...اصعب اوداع
ـــــــــــــــــــــــــــــــــــــــــــــــــــــــــــــ
ايگطـــع ابچبـده يطاري كربلــــــه
من تمر ابـــــــدمعه ثــوبه يبللـــــه
والاشد شوغات عنده عمّته لمدللـه
تعثر برجليهه لمَن ركظـــوها بلفلـه

أخ يا ذاك الظهـــــــر
عالرمح راس الطهــر
أصعب اوداع يمهدي... اصعب اوداع
ــــــــــــــــــــــــــــــــــــــــــــــــــــــــــــــ
تمت بفضلهم ساداتي ص
خادم الزهراء ع
✍️ياسر الزيادي