Хоразм вилояти соғлиқни сақлаш бошқармаси Telegram Posts

Хабар берганимиздек, Республика суд-тиббий экспертиза илмий-амалий маркази Хоразм филиали Татаристон Республикаси соғлиқни сақлаш вазирлиги Суд-тиббий экспертиза бюроси билан ҳамкорлик алоқаларини йўлга қўйди. Хоразм телеканалининг "Хоразм 24" дастуридаги лавҳа шу ҳақда.

Бугун тиббиёт соҳасини оқ либосли фаришталар, ўз касбига содиқ опа-сингилларимиз фаолиятисиз тасаввур қилиб бўлмайди. Ўз ҳаётини беморлар дардига дармон бўлишга бахш этган, хаста қалбларга қувонч улашаётган дарёдил шифокорлар, қўли енгил ҳамшираларнинг шарафли ва матонатли меҳнати ҳар қанча таҳсину эътирофга муносиб.
Хоразм вилояти соғлиқни сақлаш бошқармаси тизимидаги даволаш-профилактика муассасаларида ишловчи хотин-қизлар байрам муносабати билан эҳтиром кўрсатилди.

Бугун Богот туман тиббиёт бирлашмасида ҳам миллий қадриятлар кенг тарғиб килинмокда. ТТБда 8 март - Халқаро хотин-қизлар кунига бағишлаб аёллар ўртасида “Спорт нафислик ва саломатлик манбаи” шиори остида шашка, шахмат, стол тенниси бўйича мусобақа ўтказилиб, ғолиблар ва юздан ортиқ аёллар маъмурият ҳамда касаба уюшма қўмитаси томонидан қимматбахо совғалар билан тақдирланди.

Қўшкўпир тумани тиббиёт бирлашмасида ҳам миллий анъана ва қадриятлар кенг тарғиб қилинмоқда. Бугун ўтказилган тадбирларда 100 дан зиёд тиббиёт ходимлари иштирок қилдилар

Хива туман тиббиёт бирлашмасида миллий либослар челленжи "Аёлга эҳтиром" тадбирига уланиб кетди. Туман тиббиёт бирлашмаси ҳамда касаба уюшма қўмитаси томонидан элга саломатлик улашиб келаётган аёллар муносиб тақдирланди.

Соғлом овқатланиш ва миллий қадриятлар тарғиб қилинди
Вилоят соғлиқни сақлаш бошқармаси тасарруфидаги тиббиёт муассасалари ходимлари аҳоли орасида соғлом турмуш тарзи ва миллий қадриятларни, миллий либосларни кенг тарғиб қилмоқдалар.
Урганч шаҳар тиббиёт бирлашмаси томонидан Урганч шаҳридаги ихтисослаштирилган мактабда ўтказилган тадбирда саломатлик столлари ташкил қилинди. Ёшликдан тўғри овқатланишга одатланишнинг инсон саломатлигини мустаҳкамлашдаги аҳамияти кенг тушунтирилди. Шунингдек, миллий анъана ва қадриятларимиз руҳий саломатлигимизни муҳофаза қилишда муҳим аҳаиятга эгалиги таъкидланди.

РАСМИЙ МУНОСАБАТ

ҲОЖАТХОНА ПУЛЛИК ЭМАС


Ижтимоий тармоқларда “Ҳазорасп тумани тиббиёт бирлашмасида хожатхоналар нега пуллик?” мавзусида хабар тарқалди.
Хабарда келтирилган ҳолат вилоят соғлиқни сақлаш бошқармаси томонидан тегишли тартибда ўрганилди. Маълум бўлишича, тиббиёт бирлашмаси ташқи хожатхонаси тозалигига ва санитар ҳолатига масъул кичик тиббий ходим Ж.Х. ва фуқаро ўртасида тушунмовчилик юзага келган.
Хожатхонадан фойдаланиш бепул бўлиб, у ишчи ҳолатида. Бундан ташқари, беморлар ва уларнинг яқинлари учун муассаса биноларида ҳам қулай санитар шароитлар яратилган.
Ўрганиш натижалари асосида тиббиёт бирлашма мутасаддиларига бундай холатга бошқа йўл қўймаслик ҳамда кундалик тозалаш ишларини назорат қилиш борасида тегишли топшириқлар берилди.
Хоразм вилояти соғлиқни сақлаш бошқармаси ахборот хизмати

Хоразм вилояти соғлиқни сақлаш бошқармасида “Меҳнат қонунчилиги меъёрларини суд амалиётида қўллаш ва меҳнат низоларининг олдини олиш чора-тадбирлари” мавзусида семинар ўтказилди.
Семинарни Хоразм вилоят соғлиқни сақлаш бошқамаси ҳуқуқшуноси С. Исмоилов олиб борди.
Семинарда Хоразм вилояти судининг фуқаролик ишлари бўйича судлов ҳайъати судьялари З.Султанов, Э.Рўзимов сўзга чиқиб, меҳнат низоларига оид ишлар тўғрисида ахборот бердилар.
Меҳнат низолари орасида энг кўп учраётган низо тоифалари ҳақида тўхталинди. Шунингдек, суд амалиётида аниқланаётган иш берувчи ташкилотлар томонидан кўп ҳолларда йўл қўйилаётган айрим хато ва камчиликлар таҳлил қилинди.
Йиғилиш иштирокчилари, меҳнат низолари юзасидан ўз фикр-мулоҳазаларини билдирдилар. Судьялар қатнашчиларни қизиқтирган саволларга жавоб бердилар.

МИЛЛАТНИ ҚАДРИЯТЛАР ЮКСАЛТИРАДИ

Ҳар бир миллат ўз тили, урф-одатлари, қадриятлари ва либослари билан барҳаётдир. Бугун вилоятимиздаги тиббиёт муассасалари ходимлари томонидан миллий ўзлигимиз, либосларимиз кенг тарғиб қилинмоқда.
Айниқса, республика она ва бола саломатлиги илмий-амалий тиббиёт маркази Хоразм филиали жамоаси миллий либослар тарғиботида жонбозлик кўрсатмоқда. Марказда нафақат шифокору ҳамширалар, балки ёш оналар ҳам миллий руҳни қалбан ҳис қилишлари учун гўзал муҳит яратилди.
Марказдаги миллий руҳ бўлажак оналарга куч-қувват бахш этиб, янги Жалолиддинлар, Тўрабекхонимларни тарбиялашга даъват этмоқда. Зеро, миллатни оналар юксалтиради.

Бугун вилоятимиздаги барча тиббиёт муассасаларида миллий либослар ва урф-одатлар кенг тарғиб қилинди. 10 мингга яқин тиббиёт ходимлари челенжда иштирок этиб, юртдошларимизни миллий ўзлигимизни қадрлашга ундадилар.