Хоразм вилояти соғлиқни сақлаш бошқармаси

Хоразм вилояти соғлиқни сақлаш бошқармаси бошлиғи Кўпалбой Раимбердиевич Тангрибердиевнинг 2024 йил сарҳисоби ва 2025 йилдаги режалар тўғрисида вилоят аҳолисига мурожаати

Азиз юртдошлар!
Халқимизда “Эл соғлиги – юрт бойлиги” деган ҳикматли нақл бор. Дарҳақиқат, тинчлик ва соғлиқ бор жойдагина ўсиш ва ўзгариш, бахтли ва фаровон ҳаёт бўлади.

Сўнгги йилларда муҳтарам Президентимиз томонидан Янги Ўзбекистонда инсон қадр-қиммати, унинг ҳаёти олий қадрият сифатида эътироф этилиб, амалга оширилаётган шиддатли ўзгаришлар, ислоҳот ва янгиланишлар аҳоли саломатлигини муҳофаза қилиш, узоқ ва бахтли турмуш кечиришини таъминлашдай эзгу мақсадга йўналтирилган. Сифатли ва малакали тиббий хизмат кўрсатиш, соғлом турмуш тарзини шакллантириш борасида амалга оширилаётган салмоқли ишлар бунинг яққол мисолидир. Тиббиёт тизимига ажратилган бюджет маблағларининг бир неча бор кўпайтирилганлиги, бирламчи тиббиёт муассасалари орқали аҳолига 80 турдан зиёд дори воситалари бепул берилаётганлиги, тез ва шошилинч тиббий ёрдам кўрсатиш тизими тубдан такомиллаштирилганлиги, ихтисослашган хизматларнинг аҳолига яқинлаштирилганлиги, хусусий секторни ривожлантириш чоралари кўрилаётганлиги, давлат-хусусий шериклиги йўлга қўйилганлиги, тиббиёт муассасаларининг моддий техника базаси мустаҳкамланаётганлиги, халқаро ҳамкорлик алоқаларининг мустаҳкамланганлиги эндиликда ўз самарасини бермоқда.

✅ Батафсил ўқинг.

Хоразм вилоят соғлиқни сақлаш бошқармаси ахборот хизмати
@xorazmssb

Вилоят ОИТСга қарши кураш маркази томонидан ОИВ профилактикасига бағишланган тадбир ташкил қилинди. Хоразм телеканалининг "Янгиликлар" дастуридаги лавҳа шу ҳақда.

Тиббий кўрик ташкил қилинди

Янгибозор тумани Олтинкўл маҳалласида тиббий кўрик ташкил этилди.
Тор соҳа мутахассислари, УТТ, ЭКГ, лаборатория, мобил офтальмология кўриклари натижасида касаллик аниқланган беморларга амбулатор ва стационар муолажалар тавсия қилинди.

Diqqat e’lon!!!
O’zbekiston Respublikasi sog’liqni saqlash vazirligining № 210 va № 97- buyruqlari ijrosi yuzasidan Urganch shahrida yashaydigan yoshlar, homiladorlar, nafaqadagilar, nogironligi bor shahrimiz fuqarolarini o’z hududidagi оilaviy рoliklinikalarga davriy tibbiy ko’riklarga taklif qilamiz!!

Urganch shahar tibbiyot birlashmasi ma'muriyati

#kun_tavsiyasi

Davolash muassasalariga qo‘yiladigan yong‘in xavfsizligi talablari

Boshqa yangiliklar👇
xorazm.fvv.uz | Facebook | Telegram | Youtube  | instagram

🩸Донорлик – шарафли ёрдам, савобли амал!

🔬Беғараз қон топшириш —инсонийликнинг олий намунаси.

🛏 Қон фақат донорлар кунида эмас, йил давомида керак.

🩺 У ҳаммамизга, ҳамма вақт керак бўлиши мумкин!

🫀 ДОНОРГА АЙЛАНИНГ, ИНСОНЛАР ҲАЁТИНИ САҚЛАБ ҚОЛИНГ!

Соғлиқни сақлаш вазирлиги
Матбуот хизмати.

Viloyat sog`liqni saqlash boshqarmasida viloyatda qizamiqqa qarshi tadbirlaning olib borilishi, mavjud vaziyatni barqarorlashtirish choralari to`g`risida VKS yig`ilish o`tkazildi.
Yig`ilishga tibbiyot birlashmalari boshliqlari, onalik va bolalaikni muhofaza qilish bo`yicha boshliq o`rinbosarlari, poliklinkalar mudirlari, SEO va JS bo`limlari boshliqlari, epidemiologlar, infeksionist vrachlar va tegishli tibbiyot xodimlari jalb qilindi.
Yi`g`ilishda O`zbekiston Respublikasi SSV immunizasiya ishlari bo`yicha bosh mutaxassisi ma`ruza qilib, viloyatdagi qizamiq bo`yicha mavjud vaziyatni barqarorlashtirish bo`yicha tavsiyalarini berdi.
Yi`g`ilish yakuni bo`yicha tegishli qaror qabul qilindi

Вилоятимизда тиббиёт соҳаси тўла рақамлаштирилмоқда. Хоразм телеканалининг "Хоразм 24" дастуридаги лавҳа шу ҳақда.

Вилоятимизда аҳолига кўрсатилаётган тиббий хизмат сифатини яхшилаш мақсадида тизимли ишлар олиб борилмоқда. Шу мақсадда тиббиёт муассасаларини тўлиқ рақамлаштириш чоралари кўрилмоқда. "Ўзбекистон 24" телеканалидаги "Махсус репортаж" кўрсатуви шу ҳақда.

Байрам кунлари вилоятимиз тиббиёт муассасалари узлуксиз фаолият кўрсатди. Хоразм телеканалининг "Хоразм 24" дастуридаги лавҳа шу ҳақда.

2024 йилда вилоятимизда аҳолини тиббиётдан рози қилиш мақсадида тизимли ишлар олиб борилди. Хоразм телеканалининг "Хоразм 24" дастуридаги лавҳа шу ҳақда.

Хоразм ви лояти ҳокими Жўрабек Раҳимов даволаш-профилактика муассасаларида бўлиб, беморлар ҳолидан хабар олди. Уларга совғалар топширди.

Минглаб тиббиёт ходимлари Янги йилни ўз иш жойларида кутиб олдилар. Улар байрам кунлари ўз касбий фаолиятларини давом қилдирмоқдалар.
Хонқа тумани тиббиёт бирлашмаси бошлиғи Умидбек Абдуллаев фидойи ходимларни Янги йил билан қутлаб, байрам совғаларини топширди.

Вилоятимизда тиббиёт муассасаларини рақамлаштириш борасида олиб борилаётган чора-тадбирлар ҳақида "Севимли" телеканалининг "Замон" информацион дастурида

ЯНГИБОЗОРДА ТИББИЙ КЎРИК
Янгибозор тумани тиббиёт бирлашмаси томонидан Оёқдўрман қишлоғи Янгиобод маҳалласида тиббий кўрик ташкил қилинди.
Кўрик давомида 83 нафар аҳоли тиббий текширувлардан ўтказилди. Жумладан, 12 нафари УТТ, 33 нафари лаборатор, 17нафари ЭКГ текшируви билан қамраб олинди.
Бундан ташқари, уйда ётиб қолган беморларнинг 10 нафари хонадонида тиббий кўрикдан ўтказилиб, 3 нафарида тиббий муолажа бажарилди.
Кўрик натижалари асосида 5 нафар фуқаро Янгибозор туман тиббиёт бирлашмасига қарашли Оёқдўрман ОШП томонидан бепул дори-дармон воситалари билан таъминланиб, амбулатор шароитда даволаниш тавсия қилинди.

Вилоят тиббиёт муассасаларини рақамлаштириш жараёнлари қизғин давом этмоқда. "S Иқбол" телеканалининг "Хабарлар" дастурида Урганчдаги 3-сон оилавий поликлиника фаолияти мисолида рақамлаштиришнинг аҳамияти таҳлил қилинади.

Ягона тиббиёт ахборот тизими жорий қилинади
Соғлиқни сақлаш вазирлиги шу йил 17 декабрда “Ягона тиббиёт ахборот тизимини жорий қилиш тўғрисида” 384-сонли буйруқ қабул қилди.
Шу кунларда вилоят соғлиқни сақлаш бошқармаси томонидан барча шаҳар-туман тиббиёт бирлашмаларида ушбу буйруқ ижросини таъминлашга қаратилган семинарлар ўтказилмоқда. Семинарларда D-MED ягона ахборот тизими бўйича IT оператор ҳамширалар ва амалиёт ҳамширалари, доялар ва регистратура ҳамширалари иштирок қилмоқда.
Вилоят соғлиқни сақлаш бошқармаси масъул ходимлари ягона тиббиёт ахборот тизимини жорий қилиш юзасидан тақдимотлар қилиб, иштирокчиларни қизиқтирган саволларга жавоб қайтармоқда.

Соғлом турмуш тарзига риоя қилиш узоқ умр кўришга, сифатли ҳаёт кечиришга хизмат қилади. Зарарли одатлар, камҳаракатлик, нотўғри овқатланиш саломатлигимизга зиён келтириб, хасталикка сабаб бўлади. Хоразм телеканалининг "Хоразм 24" дастури учун тайёрланган лавҳада вилоятимизнинг малакали валеолог шифокорлари билдирган фикр ва мулоҳазалар, тавсиялар сизни бефарқ қолдирмайди деган ниятдамиз.

Вилоятимизда оналик ва болаликни муҳофаза қилиш мақсадида дунёнинг етакчи клиникалари билан халқаро ҳамкорлик алоқалари тобора кенг йўлга қўйилмоқда. Республика ихтисослаштирилган она ва бола саломатлиги илмий-амалий тиббиёт маркази Хоразм филиалида туркиялик мутахассислар иштирокида ташкил қилинган семинар ва маҳорат дарслари ҳақида Хоразм телеканалининг "Хоразм 24" дастурида.

Хоразм вилоят соғлиқни сақлаш бошқармаси томонидан 2024 йил давомида аҳолига кўрсатилаётган тиббий хизмат сифати ва самарадорлигини ошириш борасида тизимли ишлар олиб борилди. Фаолиятга кўплаб янги даволаш методлари татбиқ қилинди. Даволаш профилактика муассасалари моддий техник базаси мустаҳкамланди. Рақамли тиббиётни жадаллаштириш чоралари кўрилди. Хоразм телеканалининг "Хоразм 24" дастуридаги лавҳа шу ҳақда.

Ўзбекистон Республикаси Президентининг 2021 йил 18 сентябрдаги ПҚ-5246-сон қарорига асосан, Ўзбекистон Республикаси Иқтисодиёт ва молия вазирлиги ҳузурида Ислом тараққиёт банки ва ОПEК халқаро тараққиёт жамғармаси молиявий кўмаги асосида кўмакчи ҳамкор Бирлашган Миллатлар Ташкилоти Тараққиёт Дастури иштирокида “Қишлоқ жойларни барқарор ривожлантириш” лойиҳаси амалга оширилмоқда.
Лойиҳа доирасида Боғот туманидаги Ўзгариш маҳалласининг “Ўзгариш” оилавий шифокорлик пунктига маъмурий ва тиббий ишлар учун 2 та компьютер, беморлар ҳақидаги маълумотларни киритиш, патронаж кўриклари, телетиббиёт ва тиббий ёзувларни кўриш учун 3 та планшет, маълумотларни самарали ҳужжатлаштириш учун 1 та принтер, электр таъминоти узилган ҳолатларда фойдаланиш учун 2 та узлуксиз қувват манбаи тақдим этилди.
Янги ускуналар ва рақамли тизимлардан муваффақиятли фойдаланиш учун тиббиёт ходимлари иштирокида тренинг ташкил қилинди.
Тадбирда вилоят соғлиқни сақлаш бошқармаси бошлиғи ўринбосари Жуманазар Қурбонов иштирок этди ва ҳамкорларга миннатдорчилик билдирди. Оилавий шифокорлик пункти жамоасига тиббий хизмат сифатини яхшилаш, аҳолига қулайликлар яратиш бўйича зарур топшириқлар берди.
Ушбу лойиҳадан кўзланган мақсад кишлоқ тиббиёт пунктларини замонавий технологиялар билан жиҳозлаш ва тиббиёт ходимларини ўқитиш орқали чекка ҳудудларда тиббий хизматлар сифатини сезиларли даражада оширишдир. Миллий рақамли соғлиқни сақлаш тизими билан интеграция янада самарали маълумотлар алмашиш ва ресурсларни бошқариш имконини беради, натижада қишлоқ аҳолиси саломатлигини яхшилашга олиб келади.

Қишлоқларда тиббий ёрдам кўрсатиш сифати янада оширилади

Миянгизни “фастфуд”лар билан заҳарламанг!

Кейинги йилларда нафақат кексалар, ёшлар ҳам хотира пастлигидан шикоят қилади. “Ёдимда йўқ”, “Эсимдан чиқибди” каби баҳоналарни кўп эшитамиз. Бунинг сабаби нимада? Ростдан ҳам хотира пасайиши барчага баравар хавф соляптими? Алцгеймердан ҳимояланиш имкониятлари камайиб боряптими?

Батафсил: http://ishonch.uz/news/3145

Расмий саҳифаларимиз 👇
Telegram / Facebook  / Twitter / instagram  / You tube

Юртимизда қиш. Ушбу мавсумда консерваланган маҳсулотлар кўп тановул қилинади. Бу эса ботулизмга сабаб бўлиши мумкин. Хоразм вилояти соғлиқни сақлаш бошқармаси ва Хоразм телерадиокомпанияси ҳамкорлигидаги "Саломат бўлинг" кўрсатувининг навбатдаги сони ботулизм касаллиги келиб чиқиш сабаблари, оқибатлари, олдини олиш чораларига бағишланди.

Вилоятимизда "Ўзбекистон - 2030" стратегияси асосида аҳоли орасида касалликларнинг олдини олиш, эрта аниқлаш борасида тизимли ишлар олиб борилмоқда. Хоразм телеканалининг "Хоразм 24" дастуридаги лавҳа шу ҳақда.

Видеоконфенерц алоқа шаклида ўтказилган семинарда шаҳар-туман тиббиёт бирлашмалари бош акушер гинекологлари, бош педиатрлари, аёллар маслаҳатхоналари мудирлари, оилавий шифокорлар, лидер доя, КТМП доялари, амалиёт ҳамширалари иштирок қилди.
ВССБ бош акушер гинекологи Зуҳра Шарипова, бош педиатр Шавкат Сатимов, бош ҳамшира Бикажон Матжонова ўз сўзларида Ўзбекистон Республикаси Президентининг 2024 йил 22 ноябрдаги “Аёллар орасида онкологик касалликларни назорат қилиш тизимини такомиллаштириш чора-тадбирлари тўғрисида”ги ПҚ-402 сонли қарори ижросини таъминлашда вилоят оилавий шифокорлари ва бирламчи тиббий санитария муассасалари ходимлари фаол иштирок қилиши зарурлигини таъкидлаб ўтдилар.
Шунингдек, оналар ўлимининг олдини олиш, оналар ва болалар соғлиғини мустаҳкамлаш, “Соғлом оила” хонларида туғиш ёшидаги аёллар, ҳомиладорлар, ўсмир қизлар ва оилалар орасида соғлом турмуш тарзини тарғиб қилиш, репродуктив саломатлик ва контрацепция воситаларини қўллашда патронаж доялар олдида турган вазифалар таҳлил қилинди. Президент қарори мазмун-моҳияти билан аҳолининг барча қатламлари, хусусан, 30-65 ёшли аёлларни таништириш зарурлиги таъкидланди. Бачадон бўйни ва кўкрак бези саратони скрининги алгоритми, патронаж доялар томонидан йиллик, ойлик, ҳафталик, кунлик режалари юритилиши ва патранаж доянинг мувофақиятлар архивини шакллантиришлари ҳақида тушунтирилди.
Иштирокчиларни қизиқтирган саволларга жавоб қайтарилди ва зарур топшириқлар берилди.

ПРЕЗИДЕНТ ҚАРОРИ ИЖРОСИНИ ТАЪМИНЛАШДА ОЛДДА ТУРГАН ВАЗИФАЛАР ТАҲЛИЛ ҚИЛИНДИ
Вилоят соғлиқни сақлаш бошқармаси томонидан Ўзбекистон Республикаси Президентининг шу йил 22 ноябрдаги “Аёллар орасида онкологик касалликларни назорат қилиш тизимини такомиллаштириш чора-тадбирлари тўғрисида” қарори ижросини таъминлашга қаратилган семинар йиғилиш ўтказилди.

Соғлиқни сақлаш вазирлиги томонидан соҳада коррупцион ҳолатларнинг олдини олишга қарши муросасиз кураш олиб борилмоқда. Унутманг, коррупция тараққиёт кушандасидир.

РАСМИЙ МУНОСАБАТ

Ота-она фарзандини шифохонадан олиб кетган

Ижтимоий тармоқларда урганчлик фуқаро С.Н.нинг болага вилоят юқумли касалликлар шифохонаси ходимлари томонидан муолажа нотўғри қилингани ҳақида видеомурожаат эълон қилинди.
Мурожаатда келтирилган ҳолат вилоят соғлиқни сақлаш бошқармаси томонидан тегишли тартибда ўрганилди.
Маълум бўлишича, мурожаатчининг жияни, 2023 йил 16 декабрда туғилган Б.М. 2024 йил 15 сентябрь куни соат 15:00 да шифохонага ётқизилган ва беморга шифокор томонидан зарур муолажалар тайинланган. Ҳамшира беморнинг томирига ангиокатетер қўйиб, муолажаларни бошлаган. Бола безовта бўлганлиги туфайли онаси муолажани зудлик билан тўхтатишни сўраган, Шифокор беморда барча гемодинамик кўрсаткичлар меъёрида бўлганлиги сабабли муолажаларни давом эттиришни тавсия қилган. Бироқ, беморнинг онаси муолажа олишдан бош тортиб, шифокор билан жанжаллашган. Онанинг талаби билан ангиокатетер бола қўлидан олиб ташланган. Бемор онаси шифокор билан жанжални давом қилдириб, можарога беморнинг отаси ҳам аралашган ва шифокорга жисмоний тазйиқ ўтказган. Аёл шифокор эркак кишининг жисмоний тазйиқидан қўрқиб, реанимация бўлими шифокори Р. А.ни ёрдамга чақирган. Беморнинг отаси шифокорни уриб, тан жароҳати етказиб, болани шифохонадан олиб чиқиб кетган. Шифокор бош мия чайқалиши ташхиси билан республика шошилинч тиббий ёрдам илмий маркази Хоразм филиалига ётқизилган. Ҳозирда ҳолат юзасидан ички ишлар органлари томонидан суруштирув ишлари олиб борилмоқда.
Орадан икки ой ўтиб, боланинг қариндошлари ижтимоий тармоқларда ҳамширани айблаб чиқиш қилишди. Ҳолатга аниқлик киритиш мақсадида вилоят соғлиқни сақлаш бошқармаси томонидан ишчи гуруҳи тузилиб, хонадонга борилганда, хонадон эгалари эшикни очмаган. Бунинг натижасида интернетда тарқалган видео лавҳадаги ҳолатларга ойдинлик киритиш имконияти бўлмади.
Мутахассисларга кўра, кўкариш ҳолати 43 фоиз ҳолатларда организмнинг сезувчанлик ҳолатидан келиб чиққан ҳолда учраши мумкин, бу уч кун давомида сўрилиб кетади ва ҳеч қандай асорат қолдирмайди.
Хоразм вилояти соғлиқни сақлаш бошқармаси ахборот хизмати

Сайёр маммографик кўриклар
Хабар берганимиздек, Урганч шаҳридаги марказий поликлиникада 45-65 ёшдаги аёллар бепул сайёр маммографик кўрикдан ўтказилмоқда. Ушбу тадбир бир ой давом этади. Хоразм телеканалининг “Хоразм 24” дастуридаги лавҳа шу ҳақда.

ЧАҚАЛОҚЛАР САЛОМАТЛИГИНИ САҚЛАШГА ДОИР СЕМИНАР

Республика ихтисослаштирилган она ва бола саломатлиги илмий-амалий тиббиёт маркази Хоразм филиалида вилоят туғруқ муассасалари ходимлари учун ўқув-семинар ташкил қилинди. Семинарда чақалоқлар саломатлигини сақлашда она сути билан парвариш қилишнинг аҳамияти таҳлил этилди.
Тошкент шаҳар бош неонатологи Малика Усмонова мавзу юзасидан таҳлилий маъруза қилиб, оналарга бериладиган маслаҳатларга эътибор қаратди.
Иштирокчилар семинар давомида она сути билан боқишнинг афзалликлари, чақалоқ парвариши бўйича амалий тавсиялар ва замонавий ёндашувлар билан кенг танишдилар. Бундай ўқув тадбирлари тиббиёт соҳасида билимларни ошириш ва чақалоқлар саломатлигини яхшилашга хизмат қилади.

https://www.youtube.com/watch?v=gV_dXomxiWk&ab_channel=RIOBSIATMXORAZMFILLIALI

Бугунги кунда тиббиёт соҳасида амалга оширилаётган ислоҳотлар натижасида юқори технологик жарроҳлик амалиётлари туман даражасида ўтказилмоқда. Соғлиқни сақлаш тизимининг узлуксиз ривожланиб бораётганлиги аҳолининг сифатли тиббий хизматдан фойдаланиш имкониятларини янада кенгайтирмоқда.
Жарроҳлик амалиётларининг туман даражасида ўтказилиши, аввало беморлар учун қулайлик яратади, чунки уларга узоқ масофаларга бориш зарурати йўқ. Қолаверса, муолажа олиш ва даволаниш имкониятининг ошиши туфайли аҳолининг саломатлик даражаси яхшиланиб, узоқ ва сифатли турмуш кечиришига хизмат қилади.
Республика ихтисослаштирилган она ва бола саломатлиги илмий-амалий тиббиёт маркази Хоразм филиали мутахассислари томонидан жойларда ўтказилаётган юқори технологик амалиётлар ана шу мақсадларга хизмат қилмоқда.

1 декабрь- бутунжаҳон ОИТСга қарши курашиш куни. Шу муносабат билан ўтаётган ҳафтада вилоят ОИТСга қарши курашиш маркази малакали мутахассислари "Саломат бўлинг!" кўрсатувида ушбу бедаво хасталик сабаблари, юқиш йўллари, оқибатлари, олдини олиш чоралари ҳақида батафсил маълумот бердилар.

ОИТСга қарши биргаликда курашайлик!
1 декабрь- Бутунжаҳон ОИТСга қарши курашиш куни. Сана муносабати билан вилоят соғлиқни сақлаш бошқармаси, Ўзбекистон ҳамширалар ассоциацияси вилоят бўлими, вилоят ОИТСга қарши кураш маркази томонидан Абу Али ибн Сино номли Урганч жамоат саломатлиги техникумида маънавий-маърифий тадбир ташкил қилинди.
Тадбирда вилоят бош ҳамшираси Бикажон Матчанова сўзга чиқиб, ОИТС касаллигига қарши курашишнинг аҳамияти, бу жараёнда ўрта тиббиёт ходимлари олдида турган вазифалар ҳақида тўхталди.
Техникум ўқувчилари ОИТСга қарши курашиш мавзусида саҳналаштирилган кўринишлар намойиш қилдилар. Фаол иштирокчилар ташкилотчилар томонидан рағбатлантирилди.

Хоразм вилояти соғлиқни сақлаш бошқармаси ва вилоят телерадиокомпанияси ҳамкорлигидаги "Саломат бўлинг" кўрсатувининг навбатдаги сонида республика ихтисослаштирилган она ва бола саломатлиги илмий-амалий тиббиёт маркази Хоразм филиалининг малакали мутахассислари томонидан жонли эфирда табиий туғруқ ва кесарча кесиш мавзуси таҳлил қилинди, аҳолини қизиқтирган саволларга жавоб берилди.

Хоразм вилояти соғлиқни сақлаш бошқармаси ва вилоят телерадиокомпанияси ҳамкорлигидаги "Саломат бўлинг" кўрсатувининг навбатдаги сонида вилоят стоматология поликлиникаси малакали мутахассислари стоматологик касалликлар профилактикаси, турлари, даволаш самарадорлиги ҳақида маълумот бердилар. Аҳолини қизиқтирган турли саволларга жавоб қайтарилди.

Хоразм вилояти соғлиқни сақлаш бошқармаси ва вилоят телерадиокомпанияси ҳамкорлигидаги "Саломат бўлинг" кўрсатувининг навбатдаги сонида республика ихтисослаштирилган руҳий саломатлик илмий-амалий тиббиёт марказининг психиатрия хизмати бўйича Хоразм филиали малакали мутахассислари жонли эфирда руҳий саломатлик ҳақида маълумот бердилар, руҳий касалликларнинг олдини олиш борасида аҳолини қизиқтирган саволларга жавоб қайтардилар.

Хоразм вилояти соғлиқни сақлаш бошқармаси ва вилоят телерадиокомпанияси ҳамкорлигидаги "Саломат бўлинг" кўрсатувининг навбатдаги сонида республика ихтисослаштирилган она ва бола саломатлиги илмий-амалий тиббиёт маркази Хоразм филиалининг малакали мутахассислари томонидан жонли эфирда қариндошлар ўртасидаги никоҳнинг салбий оқибатлари, репродуктив саломатликни муҳофаза қилиш масалалари таҳлил қилинди, аҳолини қизиқтирган саволларга жавоб берилди.

Чуболончи маҳалласида тиббий кўрик

Янгибозор туманининг Чуболончи маҳалласида 3869 нафар аҳоли истиқомат қилади. Туман тиббиёт бирлашмасига қарашли “Маданият” оилавий шифокорлик пункти томонидан аҳолига бирламчи тиббий санитария ёрдами кўрсатилади.
Туман тиббиёт бирлашмаси томонидан касалликларни эрта босқичларда аниқлаш, аҳоли саломатлигини муҳофаза қилиш, тиббий маданиятини юксалтириш мақсадида ҳудудда тез-тез тиббий кўриклар ташкил қилиб турилади.
Куни кеча туман тиббиёт бирлашмаси мутахассислари томонидан ташкил қилинган ана шундай тадбирда 120 нафар аҳоли тиббий кўрик билан қамраб олинди. Жумладан, 71 нафар фуқаро УТТ, 50 нафари лаборатория, 32 нафари ЭКГ текшируви ўтказилди.
10 нафар фуқаро бепул дори-дармон воситалари билан таьминланиб, уларга амбулатор шароитда даволанишлари учун йўлланмалар берилди.

Расмий муносабат
Чиқиндилар олиб кетилиши таъминланди
Ижтимоий тармоқларда “Боғот туман тиббиёт бирлашмаси соғлиқни сақлаш масканими ёки касаллик тарқатишми?” мазмунида видеолавҳа тарқалди.
Видеолавҳада келтирилган ҳолат вилоят соғлиқни сақлаш бошқармаси томонидан тегишли тартибда ўрганилди.
Маълум бўлишича, Боғот тумани тиббиёт бирлашмаси чиқиндихонасидаги маиший чиқиндиларни олиб кетиш бўйича “Xorazm viloyati toza hudud” ДУК Боғот туман бўлими билан шартнома имзоланган. Бироқ, масъулларнинг эътиборсизлиги оқибатида чиқиндиларнинг ўз вақтида олиб кетилиши таъминланмаган.
Вилоят соғлиқни сақлаш бошқармаси томонидан Боғот туман тиббиёт бирлашмаси мутасаддиларига берилган топшириқлар асосида чиқиндилар олиб кетилди. ТТБ раҳбарларига ҳудудда санитария-гигиена қоидаларига риоя қилиш, беморлар ва аҳоли соғлиғига зиён етказувчи ҳолатларнинг олдини олиш бўйича зарур кўрсатмалар берилди.
Хоразм вилояти соғлиқни сақлаш бошқармаси ахборот хизмати

🔴 ✏️✏️✏️

Президентимизнинг тегишли Фармонига биноан, Асилбек Анварович Худаяров Ўзбекистон Республикаси соғлиқни сақлаш вазири лавозимига тайинланди.

🌐@ssvuz | 🌐@ssvmatbuotkotibi |🌐 Facebook | 🌐Instagram

ТУРКИЯЛИК МУТАХАССИС ИШТИРОКИДА МАҲОРАТ ДАРСЛАРИ
Хабар берганимиздек, вилоят кўп тармоқли тиббиёт марказида Туркиянинг Памуккала университети профессори, хирург Onur Birsen иштирокида қорин бўшлиғидаги турли патологияларда юқори технологик мураккаб жарроҳлик амалиётлари ўтказилмоқда.
Ушбу амалиётлар марказ жарроҳлари билан биргаликда бажарилмоқда. Шунингдек, беморлар тиббий кўрикдан ўтказилиб, маслаҳатлар берилмоқда.
Бу каби халқаро ҳамкорлик муносабатлари маҳаллий мутахассисларнинг маҳоратларини оширишга хизмат қилиб, келгусида бундай мураккаб амалиётларни мунтазам амалга ошириш имкониятлари яратилмоқда.

АМАЛИЙ ЁРДАМ КЎРСАТИЛДИ

Мамлакатимизда ихтисослаштирилган тиббий хизматларни аҳолига яқинлаштириш борасида тизимли чоралар кўрилмоқда.
В. Воҳидов номидаги республика ихтисослаштирилган хирургия илмий- амалий тиббиёт маркази бош шифокори, тиббиёт фанлари доктори Руслан Лигай, РШТЁИМ Хоразм филиали директори, тиббиёт фанлари номзоди Ҳусан Бекчанов биргаликда Ҳазорасп туманлараро қўшма шикастланишлар ва ўткир қон-томир касалликлари марказида даволанаётган беморларни тиббий кўрикдан ўтказдилар. Марказ ходимлари билан биргаликда юқори технологик жарроҳлик амалиётлари бажардилар. Шунингдек, коррупцияга қарши кенг жамоатчилик билан биргаликда курашишда тиббиёт ходимлари ҳуқуқий билимларини ошириш мақсадида коррупциянинг жамият ривожига хавф солувчи энг катта хатар эканлигини тўғрисида “Коррупсиясиз соҳа” мавзусида суҳбат ўтказилди.

ТАЙИНЛОВ

Хоразм вилояти соғлиқни сақлаш бошқармаси бошлиғининг тегишли буйруғи билан Абдуллаев Умидбек Камилович Хонқа туман тиббиёт бирлашмаси бошлиғи-кўп тармоқли марказий поликлиника мудири лавозимига тайинланди.
Умидбек Абдуллаев 1997 йилда Тошкент давлат медицина институти Урганч филиалини тамомлади. Меҳнат фаолиятини Хонқа туман амбулатория поликлиника травматологи лавозимида бошлаган. Хонқа ва Гурлан тумани тиббиёт бирлашмалари бошлиғи бўлиб ишлаган.
Тайинловга қадар Хоразм вилояти соғлиқни сақлаш бошқармаси бошлиғининг биринчи ўринбосари вазифасини бажариб келаётганди.

Хоразм вилояти соғлиқни бошқармаси ахборот хизмати

Ўзбекистондан “Янги Ўзбекистон”гача: ЙЎҚОТИЛГАН ҚАЛБНИ ИЗЛАБ…

Германиялик сиёсий шарҳловчи, “Berliner Zeitung” нашри Геосиёсат бўлими раҳбари Томас Фасбендернинг сиёсатшунос Қудратилла Рафиқов билан суҳбати

Батафсил: http://ishonch.uz/news/2911

Расмий саҳифаларимиз 👇
Telegram / Facebook  / Twitter / instagram  / You tube

🇺🇿 18 ноябрь – Ўзбекистон Республикаси Давлат байроғи қабул қилинган кун

Байроқ қадим-қадимдан ҳар бир халқда мустақиллик, озодлик, тинчлик ва барқарорлик тимсоли бўлиб келган.

🇺🇿 Байроғимиздаги ҳар бир ранг, ҳар бир белги ўзига хос маънога эга:

⏺️ Мовий ранг – куч-қудратни, тинчлик ва барқарорликни ўзида акс эттиради;

◽️Оқ ранг – поклик, беғуборликни ифодалаб келган;

⏺️ Яшил ранг – яшариш ва янгиланиш рамзи, шунинг баробарида она табиатимиз, асрий қадриятларимиз, иймон-эътиқодимиз тимсоли ҳисобланади.

⏺️Қизил чизиқлар томиримиздаги аждодлар қони – мангулик нишонасидир.

🌜 Навқирон ярим ой тасвири бизнинг тарихий анъаналаримиз билан боғлиқ. Айни пайтда у қўлга киритилган мустақиллигимиз рамзи ҳам.

✨ Давлат байроғимиздаги 12 юлдуз тасвирини ўзбек халқи маданиятининг қадимийлиги, унинг комилликка, ўз тупроғида саодатга интилиши рамзи сифатида тушуниш лозим.

Туркиянинг Памуккала университети профессори, хирург Onur Birsen 18-22 ноябрь кунлари вилоят кўп тармоқли тиббиёт марказида қорин бўшлиғидаги мураккаб жарроҳлик амалиётларини (семизлик ва қандли диабет, жигар ва ўт йўллари, ошқозон ичак касалликларида) юқори технологик, каминвазив, кесмаларсиз бажаради ва консультациялар ҳамда тиббий кўрикларни амалга оширади. Операциялар, консультация ва тиббий кўриклар мутлақо бепул. Операцияга тайёргарлик кўриш ва консультацияга навбат олиш ҳамда қўшимча маълумотлар учун
☎️ +99891 992 2277 рақамига мурожаат қилишингиз мумкин.

📍 Манзил: вилоят кўп тармоқли тиббиёт маркази

Ислоҳотлар моҳияти тарғиб қилинди

Янгибозор туманида Давлат тиббий суғурта механизмларини жорий қилиш билан боғлиқ ислоҳотларнинг мазмун-моҳияти ва аҳамиятини тарғиб этиш бўйича семинар ўтказилди.
Унда масъул идора ва ташкилотлар раҳбарлари, маҳалла фуқаролар йиғинлари раислари ҳамда кенг жамоатчилик вакиллари иштирок этишди.
Семинарда туман тиббиёт бирлашмаси бошлиғи Меҳрибон Ваисова Ўзбекистон Республикаси Президентининг 2024 йил 5 сентябрдаги “Давлат тиббий суғурта механизмларини жорий этишга оид чора-тадбирлар тўғрисида”ги ПҚ-311-сонли қарорининг мазмун-моҳияти ҳақида тақдимот қилди.

Очиқ мулоқот ташкил қилинди
Бугун Ўзбекистон касаба уюшмалари Федерацияси Хоразм вилояти кенгашида тиббиёт муассасалари иш берувчилари, касабақўмлар, меҳнат фахрийлари иштирокида очиқ мулоқот ташкил қилинди.
Мулоқотда вилоят соғлиқни сақлаш бошқармаси бошлиғи Кўпалбой Тангрибердиев, Ўзбекистон касаба уюшмалари Федерацияси Хоразм вилояти кенгаши раиси Гулсара Қурбонбоева, Соғлиқни сақлаш ходимлари касаба уюшмаси республика кенгаши раиси Фарҳод Ҳанапияев, вилоят кенгаши раиси Равшан Шениязов сўзга чиқиб, соғлиқни сақлаш тизимида амалга оширилаётган ислоҳотлар, соҳа ходимларининг ижтимоий-иқтисодий ҳимоясини кучайтириш, муносиб меҳнат шароитлари яратиш, соғломлаштириш борасида олиб борилаётган чора-тадбирлар ҳақида тўхталдилар.
Бир гуруҳ соҳа вакиллари ташкилотчилар томонидан фахрий ёрлиқ ҳамда қимматбаҳо совғалар билан тақдирландилар. Шунингдек, “Йилнинг энг фаол шифокори” кўрик-танлови республика босқичида ғолибликни қўлга киритган вилоятимиз тиббиёт ходимлари муносиб рағбатлантирилди.

https://telegra.ph/KAMҚONLIK-VA-STRESS-ҚANDLI-DIABET-11-14

Республика ихтисослаштирилган эндокринология илмий-амалий тиббиёт маркази Хоразм вилояти филиали диабетик нефропатия бўлими мудири Ҳулкарой Собирова билан қандли диабет касаллигининг юзага келиш сабаблари, даволаш самарадорлиги, олдини олиш чоралари ҳақида суҳбатлашдик👇👇👇

Давлатимиз раҳбарининг аҳоли саломатлигини муҳофаза қилишга доир фармон ва қарорлари ижросини таъминлаш мақсадида вилоятимизда тизимли ишлар олиб борилмоқда. Бу хусусда вилоят қон қуйиш маркази ва Республика тез тиббий ёрдам маркази Хоразм филиали мисолида "Ўзбекистон 24" телеканалидаги "Махсус репортаж" кўрсатувида сўз юритилади.

Вилоят кўп тармоқли тиббиёт марказида аҳолини тиббиётдан рози қилиш мақсадида янги даволаш услублари фаолиятга кенг татбиқ қилинмоқда. "Ўзбекистон 24" телеканалидаги "Махсус репортаж" шу ҳақида.

Бугун вилоятимизда тиббиёт ходимлари куни муносабати билан бўлиб ўтган тантанали тадбир ҳақида "Ўзбекистон 24" телеканалида

Байрамингиз муборак, қадрли тиббиёт ходимлари!

Байрам тадбиридан лавҳалар

🔴 🟦🟦🟦🟦

Буни билишингиз керак!

🌐 ЖССТга кўра, ҳар йили мавсумий грипп билан тахминан 1 миллиард ҳолатлар аниқланади, улардан 3-5 миллион нафар бемор касалликнинг оғир шаклини бошдан кечиради.

💉 Эмлаш натижасида грипп билан касалланишни 90% га, бошқа ўткир респиратор вирусли инфекцияларни 56% га ва грипп асоратлари билан боғлиқ госпитализациялар сонини 48% га камайтиришга эришиш мумкин.

👩‍⚕️ Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази илмий лаборатория мудири, тиббиёт фанлари номзоди Дилбар Урунова гриппга қарши эмлаш жараёни ҳақида батафсил маълумот бериб, бу борадаги тавсиялар билан бўлишди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

ТАЪЗИЯ

Ўз ҳаётини вилоят аҳолиси саломатлигини мустаҳкамлашга бахш этган фидойи шифокор, Соғлиқни сақлаш аълочиси Сафтияров Мударис Шайхисламович 74 ёшида оламдан ўтди.

Мударис Сафтияров 1950 йил 3 декабрда Россиянинг Ижевск шаҳрида туғилган. 1960 йилда Шовот туманига кўчиб келган. 1974 йилда Андижон давлат тиббиёт институтини тугатиб, 1-сон вилоят клиник шифохонасида иш бошлаган. Эллик йил давомида вилоят кўп тармоқли тиббиёт марказида фаолият кўрсатди, узоқ йиллар ортопедия бўлимига мудирлик қилди. Умрининг охирига қадар эл хизматида бўлиб, минглаб инсонларнинг соғлигини тиклашга ёрдам берди. Кўплаб шогирдлар тайёрлаб, ортопедия ва травматология йўналишлари ривожига баракали ҳисса қўшди.

Сафтияров Мударис Шайхисламович номи ҳамкасблари, шогирдлари қалбида абадий яшайди. Марҳумнинг оила аъзолари ва яқинларига вилоятимиз тиббиёт ходимлари номидан ҳамдардлик билдирамиз.
Хоразм вилояти соғлиқни сақлаш бошқармаси,
Вилоят кўп тармоқли тиббиёт маркази жамоаси.

Таъзия

Хонқа туман тиббиёт бирлашмаси 50- сон оилавий поликлиника мудири, ,,Шуҳрат” медали соҳиби Рўзметов Хайитбой Отажанович 58 ёшда вафот этди.
Хайитбой Рўзметов 1965 йил 18 ноябрда Хонқа туманида туғилган. 1992 йилда Тошкент педиатрия медицина институти тугатган. Хонқа туман тиббиёт бирлашмаси тез ёрдам бўлими мудири, Хонқа тумани Олтин соҳил қишлоқ врачлик пункти мудири ва Хонқа туман тиббиёт бирлашмаси 50- сон оилавий поликлиника мудири лавозимларида фаолият юритган. Соғлиқни сақлаш соҳасига қўшган ҳиссаси учун “Ўзбекистон Республикаси мустақиллигининг 20 йиллиги” кўкрак нишони, ,,Шуҳрат” медали билан, шунингдек Соғлиқни сақлаш вазири ва бошқарма бошлиғи томонидан бир неча бор тақдирланган.
Жаноза намози эртага, 2024 йил 30 октябрь куни соат 11.00да Хонқа туман Қорақош қишлоғида, ўз уйида ўқилиши кутилмоқда.
Хоразм вилояти Соғлиқни сақлаш бошқармаси ва Хонқа туман тиббиёт бирлашмаси Рўзметов Хайитбой Отажановичнинг оила аъзолари ва яқинларига барча тиббиёт ходимлари номидан ҳамдардлик билдиради.

Инсультдан қандай ҳимояланиш мумкин?

29 октябрь -халқаро инсультга қарши кураш куни. ЖССТга кўра, ўлим даражаси бўйича юрак-қон томир касалликлари юқори ўринда туради.
2030 йилга келиб, ушбу касалликдан ўлим ҳолатлари икки баробар ортиши мумкин. Хитой олимлари "Global Health Data Exchange" маълумотларини таҳлил қилиш асносида шундай хулосага келган.
Вазиятнинг бундай ёмонлашувига чекиш, тўйиб овқатланмаслик, буйраклар фаолияти бузилиши, семириш, юқори қон босими, қонда холестерин ва глюкоза миқдори ортиши, сайёрамиз аҳолиси сони кўпайиши каби омиллар сабаб бўлади.
Инсульт —қон айланишининг ўткир бузилиши оқибатида келиб чиқувчи хавфли касаллик. Амалиётда хасталикнинг геморрагик ва ишемик турлари фарқланади. Улар орасида ишемик инсульт 2-3 баробар кўпроқ учрайди.
Геморрагик инсульт – мия тўқимасига, тўр ости бўшлиғига ёки мия қоринчаларига қон қуйилиши билан кечадиган миядаги қон айланишининг ўткир бузилишидир. Хасталикнинг бу турида барча белгилар ишемик инсультдагига қараганда анча яққол намоён бўлади.
Бундан ташқари, инсультнинг бу турида бемор қусади, юзи қизаради, уйқучан бўлиб, энса мушакларида спазм ҳосил бўлади ва кўз тўр пардасига қон қуйилади. Геморрагик инсульт тўсатдан бошланиб, жуда тез ривожланади.
Ишемик инсультда бош мияни озуқа билан таъминловчи асосий қон-томирлар тромбозга учрайди, яъни беркилиб қолади ёки майда томир тармоқларида спазм ривожланади.
Мия қон айланишининг бузилиш нуқсонлари инсонда бир неча ой, ҳатто йиллар давомида пайдо бўлади. Улар инсульт белгиларига ўхшайди, бироқ бир неча дақиқада, камдан-кам ҳолларда бир неча соат мобайнида давом этиши билан фарқ қилади. Кўпинча бу аломатлар тезда ўтиб кетади ва мия фаолияти тикланади.
Лекин бундай тикланишларга ишонмаслик керак, ишемик касаллик йиллар давомида сурункали равишда мия тўқималарини емириб боради.
Инсультга олиб келувчи омилларнинг деярли барчасининг олдини олиш мумкин. Бу омиллар: қонда холестерин миқдорининг ошиб кетиши, алкогол маҳсулотларини истеъмол қилиш ва тамаки чекиш, камҳаракатлик, руҳий зўриқишлар, атеросклероз, артериал гипертония, қандли диабет ва юрак аритмияси кабилардир.
Чекиш инсульт ривожланишини деярли 2 баробарга оширади. Бу иллат қон ивишини кучайтириб, тромблар ҳосил бўлишини тезлаштиради ва томирнинг ички деворини зарарлайди, томир торайиб, унда қон айланиши сустлашиб боради.
Бундан ташқари, спиртли ичимликлар истеъмоли ҳам инсультнинг ривожланиш хавфини бир неча баробарга ошириши исботланган. Шу боис касалликнинг олдини олиш учун албатта тўғри овқатланиш ва соғлом турмуш тарзига риоя қилиш зарур.
Аминокислоталар ва витаминларга бой бўлган мева-сабзавотларни етарли миқдорда истеъмол қилиш мия инсультига олиб келувчи хатарли омилларни камайтиради.
Айниқса, таркибида аскорбин кислотаси, токоферол ацетат, цианокобаламин, никотин кислотаси, бета-каротин каби витаминлар қон-томир деворлари учун ўта муҳим озуқадир.
Таркиби калийга бой бўлган қуруқ меваларни истеъмол қилиш ҳам томирларда атеросклеротик пиликчалар ривожланишининг олдини олади, томир деворини шикастланишдан асрайди, томирнинг ички деворида холестерин тўпланишини пасайтиради, демак тромблар пайдо бўлишига тўсқинлик қилади.
Балиқ гўштини истеъмол қилиб туриш ҳам юрак мушакларида моддалар алмашинувини яхшилаб, қонда холестерин миқдорининг пасайишига ёрдам беради.
Инсультнинг олдини олишда жисмоний фаолликнинг, жумладан пиёда юришнинг аҳамияти катта. Мунтазам пиёда юриш — қон босимини меъёрлаштиради, кайфиятни ва организмнинг умумий ҳолатини яхшилайди, қонда холестерин миқдорини меъёрлаштириб, атеросклероз ривожланиш хавфининг олдини олади.

КУН ТАРТИБИДА ОНАЛИК ВА БОЛАЛИК МУҲОФАЗАСИ

Хонқа тумани ҳамда Урганч шаҳрида Соғлиқни сақлаш вазири ўринбосари Элмира Баситханова иштирокида семинарлар ўтказилди. Уларда вилоят соғлиқни сақлаш бошқармаси бошлиғининг оналик ва болаликни муҳофаза қилиш бўйича ўринбосари Г. Аллаберганова, РИОБСИАТМ Хоразм филиали раҳбари С. Матяқубова, вилоят лидер дояси, шаҳар-туман тиббиёт бирлашмаларида оналик ва болаликни муҳофаза қилиш мақсадида ташкил қилинган "Ҳамкор еттилик" аъзолари иштирок қилдилар.
Семинарларда “Ҳамкор еттилик” ва патронаж доялар ишининг самарасини ошириш, ҳомиладор аёлларда сурункали касалликлар бўйича мониторингни кучайтириш масалалари муҳокама этилди. Бехатар оналик ва болаликни таъминлашда олдда турган вазифалар таҳлил қилинди.

Республика ихтисослаштирилган она ва бола саломатлиги илмий-амалий тиббиёт маркази Хоразм филиалида аҳолига сифатли тиббий хизмат кўрсатилиб, фаолиятга янги даволаш методлари кенг татбиқ қилинмоқда. "Ўзбекистон 24" телеканалидаги лавҳа шу ҳақда.

✅ Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлари сайловининг дастлабки натижалари

Saylov.uz | Telegram | Facebook | Instagram | Twitter | Ok.ru | YouTube

Soat 11:00 holatiga saylovda ovoz berganlar soni 5,9 mln nafarga yetdi. Bu jami saylovchilar sonining deyarli 30 foizi.

Kanalga ulanish: 
➖@uzauz

Президент Шавкат Мирзиёев оила аъзолари билан бирга Тошкент шаҳри Мирзо Улуғбек туманидаги 59-сайлов участкасига ташриф буюриб, сайловда овоз берди.

Тelegram | Facebook | Instagram | YouTubе

ТИББИЁТДАГИ ИСЛОҲОТЛАР ИНСОН ҚАДРИ УЧУН!
Бугунги кунда вилоятимизда аҳолига кўрсатилаётган тиббий хизмат сифатини янада ошириш мақсадида кўплаб чора-тадбирлар амалга оширилмоқда. Тиббиёт муассасаларидаги шарт-шароитлар йилдан йилга яхшиланмоқда. Янги тиббиёт ускунлари билан жиҳозлаш узлуксиз давом этмоқда. Бу каби чора-тадбирлар самаралари Хоразм телеканалининг “Хоразм 24” дастурида Боғот ва Янгиариқ туман тиббиёт бирлашмалари мисолида таҳлил қилинади.

Сайловда қандай овоз берилади?

Хабарингиз бор, эртага сайлов.

Сайловда сайловчилар учун 4 та тўрт хил рангли сайлов бюллетени берилади.

💬оч кўк рангли бюллетенда Қонунчилик палатаси депутатлиги номзодлари;
💬оч яшил рангли бюллетенда Қонунчилик палатаси сайловда иштирок этаётган сиёсий партиялар номи;
🟡оч сариқ рангли бюллетенда Халқ депутатлари, вилоят, Тошкент шаҳар кенгаши депутатлигига номзодлари;
💬оч кулранг бюллетенда Халқ депутатлари, туман, шаҳар кенгаши депутатлари ҳақида маълумотлар киритилган бўлади.

#saylov24

Урганч шаҳар тиббиёт бирлашмаси томонидан "Авесто" боғ-мажмуасида "Соғлом ҳаёт учун 5000 қадам" акцияси ташкил қилинди. Хоразм телеканалининг "Хоразм 24" дастуридаги лавҳа шу ҳақда.

Ҳурматли тинчлигимиз посбонлари!
Қутлуғ касб байрамингиз – Ўзбекистон Республикаси ички ишлар органлари ходимлари куни муборак бўлсин!
Сўнгги йилларда муҳтарам Президентимиз бошчилигида Янги Ўзбекистонда «Инсон қадри учун» деган эзгу тамойил асосида олиб бораётган ислоҳотларимизни ҳаётга муваффақиятли жорий этишда ички ишлар тизими ходимлари давлатимиз ва жамиятимизнинг чинакам таянчи ва суянчи бўлмоқда.
Биз сизларни ўз ҳаётини эл-юрт тинчлиги ва осойишталигини таъминлаш, фуқароларнинг ҳуқуқ ва эркинликларини ҳимоя қилишдек олижаноб ишга бағишлаган, муқаддас қасамёдига содиқ инсонлар деб биламиз ва машаққатли хизматингизни муносиб эътироф этамиз.
Барчангизга мустаҳкам соғлиқ, оилавий бахт, масъулиятли ва шарафли хизматингизда янги муваффақиятлар тилаймиз.

Хоразм вилояти соғлиқни сақлаш бошқармаси

В Хиве прошла XIX научно-практическая конференция на тему «Актуальные проблемы организации экстренной медицинской помощи: критические ситуации, их патогенез, вопросы диагностики и интенсивного лечения»

Хабар берганимиздек, Хивада "Шошилинч тиббий ёрдамни ташкил қилишнинг долзарб муаммолари" мавзусида конференция бўлиб ўтди. "Ўзбекистон 24" телеканалининг "Ахборот 24" дастуридаги лавҳа шу ҳақда.

#AntiFake_uz_ogohlantiradi

💻So‘nggi kunlarda Telegram messenjerida onlayn firibgarlikning yangi usullari keng tarqalmoqda. Jinoyatchilar foydalanuvchilarni aldash uchun "Salom, bu senmisan suratda?" kabi soxta xabarlar va virusli fayllar yubormoqda.

⚡️Biriktirilgan ilovani yuklab olgan zahoti qurilmangiz xavf ostida qoladi va shaxsiy ma’lumotlar o‘g‘irlanishi mumkin.

‼️Firibgarlar aldoviga tushib qolmaslik uchun hushyorlikni oshiring va notanish akkauntlardan kelgan fayllarni yuklab olmang!

🌐aokaxorazm.uz | 💬Facebook | ✅Telegram |🌐Instagram

Ona tili — millatning ruhi
 
Til – davlat timsoli, mulki, ruhi, millatning madaniy va maʼnaviy boyligi, xalqning madaniyati, urf-odati, uning turmush tarzi, tarixidir.

1989-yil 21-oktabr kuni Vatanimizda davlat tilining huquqiy asoslarini belgilash boʻyicha “Davlat tili haqida”gi qonun qabul qilinib, unga koʻra,  o‘zbek tiliga davlat tili maqomi berildi.

2020-yil 10-aprelda qabul qilingan “Oʻzbek tili bayrami kunini belgilash toʻgʻrisida” qonunning 1-moddasi bilan 21-oktabr sanasi Oʻzbek tili bayrami kuni etib belgilandi.

Barchaga Oʻzbek tili bayrami kuni muborak boʻlsin!

Чекка ҳудудда тиббик кўрик
Хабар берганимиздек, вилоят ҳокимлиги, вилоят соғлиқни сақлаш бошқармаси ташаббуси билан Тупроққалъа туманида тиббий кўриклар ташкил қилинмоқда.
Ушбу тиббий кўрикларда вилоят ихтисослаштирилган тиббиёт муассасалари малакали мутахассислари билан бирга, "Соғлом авлод учун" халқаро хайрия фонди Хоразм вилоят ҳудудий бўлими ҳам иштирок этмоқда. Бўлим жамоаси туманнинг Тупроққалъа массивида вилоятимиз шифокорлари билан ўтказган тиббий кўрик давомида 52 нафар аҳолининг эҳтиёжманд қатлами вакилларига мурувват ёрдамлари –дори-дармонлар, витаминлар, кўзойнаклар ва витаминлаштирилган овқатлар тарқатилди.
Бу каби тадбирлардан мақсад аҳоли саломатлигини муҳофаза қилиш ва оилаларда соғлом муҳитни шакллантиришдир.

Тупроққалъа туманида тиббий кўрик
Вилоят ҳокимлиги, вилоят соғлиқни сақлаш бошқармаси ташаббуси билан Тупроққалъа туманида тиббий кўриклар ташкил қилинмоқда.
РШТЁИМ Хоразм филиали, республика ихтисослаштирилган эндокринология илмий-амалий тиббиёт маркази Хоразм филиали ва бошқа ихтисослаштирилган муассасалар малакали мутахассисларидан ташкил топган ишчи гуруҳ томонидан Тупроққалъа массиви аҳолиси ҳамда стационар шароитда даволанаётган беморлар тиббий кўрикдан ўтказилиб, даволаш самарадорлигини оширишга кўмаклашилди. Шунингдек, касаллик тарихлари юритилиши, даволаш стандартлари, дори воситаларининг таъминоти ва полипрагмазия тўғрисида маҳаллий мутахассисларга зарур тавсиялар берилди. Аҳоли орасида соғлом турмуш тарзи тарғиб этилди.

ХОРАЗМ ФИЛИАЛИ- ЭНГ ЯХШИ ФИЛИАЛ!
Хабар берганимиздек, Республика ихтисослаштирилган она ва бола саломатлиги илмий-амалий тиббиёт марказига 50 йил тўлди. Шу муносабат билан турли тадбир, илмий-амалий анжуманлар, тақдирлашлар бўлиб ўтмоқда.
Бугун бўлиб ўтган анжуманда марказнинг Хоразм филиали энг яхши филиал деб эътироф қилинди.
Филиал директори, тиббиёт фанлари доктори Саломат Матяқубовани ва у бошлиқ жамоани ушбу эътироф билан муборакбод қилиб, эзгу ишларида муваффақият тилаймиз!

Республика ихтисослаштирилган она ва бола саломатлиги илмий-амалий тиббиёт маркази
—
Республиканский специализированный научно-практический медицинский центр здоровья матери и ребёнка

Ташкент, 2024

🌐@ssvuz  | 🌐@ssvmatbuotkotibi |🌐 Facebook | 🌐Instagram

Тақдирланганлар орасида РИОБСИАТМ Хоразм филиали директорининг неонатология бўйича ўринбосари Собирова Нигора Аҳмедовна ҳам бор.
Филиал жамоасини бугунги сана ва юксак эътироф билан табрликлаймиз. Оналик ва болаликни муҳофаза қилишдай эзгу ишларида муваффақият тилаймиз.
Хоразм вилояти соғлиқни сақлаш бошқармаси ахборот хизмати

Бугун пойтахтимиздаги "InterContinental Tashkent" меҳмонхонасида Республика ихтисослаштирилган она ва бола саломатлиги илмий-амалий тиббиёт марказининг 50 йиллигига бағишланган тантанали тадбир бўлиб ўтди. Унда Ўзбекистон Республикаси Президенти Администрацияси вакиллари, Ҳукумат аъзолари, сенатор ва депутатлар, Соғлиқни сақлаш вазирлиги, тизимга қарашли даволаш-профилактика муассасалари, тиббиёт олий ўқув юртлари масъуллари ҳамда хорижлик олимлар, тадқиқотчилар ва соҳа фахрийлари иштирок этдилар. Тадбир аввалида Президент Администрациясининг Ижтимоий ривожланиш департаменти раҳбари Одил Абдураҳмонов Президентимизнинг Республика ихтисослаштирилган она ва бола саломатлиги илмий-амалий тиббиёт маркази жамоасига табригини ўқиб эшиттирди.
Шундан сўнг давлатимиз раҳбарининг "Республика ихтисослаштирилган она ва бола саломатлиги илмий-амалий тиббиёт марказининг 50 йиллиги муносабати билан бир гуруҳ ходимларни мукофотлаш тўғрисида"ги Фармонига (https://t.me/ssvuz/16631)мувофиқ йигирмага яқин соҳа фидойилари фахрий унвон, орден ва медаллар билан тақдирланди.
Мукофотларни Ўзбекистон Республикаси Олий Мажлиси Сенати Раиси Танзила Нарбаева ўз эгаларига топшириб, марказ жамоасини ушбу қутлуғ сана билан табриклади.
Анжуман доирасида мамлакатимизда оналик ва болаликни муҳофаза қилишга муносиб ҳисса қўшиб келаётган бир гуруҳ хорижлик тиббиёт олимлари ҳамда юртимиз шифокорларига "Ўзбекистон Республикаси соғлиқни сақлаш аълочиси" кўкрак нишони топширилди.

​❗️ССВ: Тиббиёт соҳасидаги коррупцион ҳолатлар бўйича ҳеч бир мурожаат эътибордан четда қолмайди

🏥 Соғлиқни сақлаш вазирлиги томонидан тиббиёт тизимида коррупцияга қарши кескин ва муросасиз курашиш, турли бюрократик ва инсон омили билан боғлиқ тўсиқларга барҳам беришга қаратилган қатор чора-тадбирлар амалга оширилмоқда.

☎️ Хусусан, вазирлик қошида манфаатлар тўқнашуви ва коррупция ҳолатлари бўйича тезкор хабар бериш, хато-камчиликларнинг ўз вақтида олдини олиш ва уларни бартараф этиш мақсадида республика бўйича ягона 1203 рақамли "Ишонч телефони" фаолияти йўлга қўйилган.

🖇 Ҳурматли юртдошлар!

📱Агар Сиз соғлиқни сақлаш тизимида коррупция билан боғлиқ ҳолатларга дуч келсангиз, 71 241-10-65 ёки 1203 қисқа рақамли "Ишонч телефони"га қўнғироқ қилишингиз мумкин.

⏰ Мурожаатлар иш кунлари соат 08:00 дан 20:00 га қадар қабул қилинади ва маълумотларнинг сир сақланиши тўлиқ кафолатланади.

📌 Бундан ташқари, фуқаролар ўз мурожаатларини қуйидаги платформалар орқали ҳам йўллаши мумкин:

⌨️ вазирликнинг янги ишга туширилган расмий телеграм боти;

📞 вазирлик қошида куну тун фаолият олиб борувчи "1003" қисқа рақамли “Сall-марказ”;

📧 вазирликнинг [email protected] электрон почта манзили.

‼️Унутманг! Соғлиқни сақлаш вазирлиги ҳар қандай коррупцион ҳолатга нисбатан муросасиз муносбатда бўлади ва фуқароларнинг ҳеч бир мурожаати эътибордан четда қолмайди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram