#الشاعر_محمد_فواز_الشعيبي
_____________________________________
يا اول بشر قلبي يحبه ويهـــواه
ايش الكلام الي عيجدر يشرحك
انت الذي في داخل القلب مثواه
والغالي الي في عيـوني مطرحك
والمشكله مـــــاشد قلبك ومقواه
تكذب بحبي بس عينك تفضحك
تدري غــرامك لوّع القلب واغواه
من وين ماجيته يذمك يمــدحك
والي عشـــق يتحمل اليوم بلواه
شدللك واصـبر عليك وشنصحـك
وانا اعرفك قد التعب ذا وتسواه
وتحبني لاكن عنــــــادك طيحك
وياليت والله كان لعيــوني افواه
اتبـــــوح لك في كل مـره تلمحك
مـــــرت سنه يا زاد قلبي وسلواه
اشتي اقلك شي وخايف يجرحك
اقسم بمن زين جمـــــالك وسواه
اني اخاف تحب غيــري واذبحك