🔴 تجربة تخص فيزا الستاجات للراغبين بالعمل على طريق السفر مشاركة من أحد زملائنا 👇🏻
#فيزا ستاجات
السلام عليكم
بدايةً أنا زميلكم اسماعيل العوض طالب طب بشري بحلب خلصت وطني قبل خمس ايام
رح احكي بشكل مفصل عن تجربتي بالحصول عهي الفيزا الي لسا عدد قليل جدا كل سنة بيطلعوا فيها من سوريا ورح احكي عن الأسباب بالمنشور
بلشت القصة بالشهر التالت من سنة 2023 لما شفت منشور للدكتور عبد الرحمن سكاف الله يجزيه الخير حكى فيه عن تجربتو
بعدما فهمت القصة بلشت مراسلات مشافي وراسلت حوالي 700-800 مشفى خلال فترة شهرين وكنت كل يوم راسل وسطيا 30 مشفى وابعتلن
1 طلب عمل( Bewerbung) عبارة عن صفحة حكيت فيا انو بدي اتدرب عندن وبرغب باكتساب خبرة طبية ولغوية واعجابي بالمشفى الخ...
2- سيرة ذاتية
3- فورم عبيتو ووقعتو عند العميد وكان مو ضروري بالمراسلة بس بيلزم لموافقة وكالة العمل في حال تم القبول بعدين
4 - مختصر ال Bewerbung كتبتو بالرسالة وارفقت هدول الملفات وبعتن عالايميل تبع السكرتير/ة لكل مشفى
اجاني عدة قبولات بس للاسف بيقولولي نعطيك عقد وما نقدملك على موافقة وكالة التوظيف وهاد شي سلبي لان الوكالة بدا حصرا المشفى تراسلا
ومشفى واحد بس قدملي على موافقة وكالة التوظيف واجتني الموافقة والعقد بالشهر التاني
العقد بيبلش بعد الوطني بكم يوم وبينتهي ب28/2
بعدا قدمت اختبار b1 بغوتة عمان بيوم 15/7 علما انو المشفى قبلتني بدون شهادة لغة بس بتلزم الشهادة للسفارة وكان غلط كتير فوت عالسنة السادسة ما معي شهادة لغة بالنسبة لهي الفيزا
طلبت موعد مستعجل من سفارة بيروت ورديتلن على رسالة حجز الموعد وبعتلن موافقة وكالة التوظيف الي عندي بالرسالة فعطوني موعد مستعجل بعد شي عشرين يوم وقابلت بيوم 27/9 بلبنان يعني قبل الوطني ب12 يوم وهاد شي سلبي طبعا كوني تأثرت كثير بدراستي للوطني
الحساب البنكي اضطريت حط عن اربع شهور التدريب الي هنن الشهر 11 حتى نهاية الشهر 2
لان المشفى ما عطتني راتب ولا سكن وفي من رفقاتي حصلو على راتب او سكن او التنين يعني الشغلة توفيق بس لما تراسل ومعك شهادة لغة ممكن جدا تحصل على راتب او سكن او التنين
اجتني الفيزا بعد اسبوعين من المقابلة وبعتت جوازي وانطبعت الفيزا بيوم 21 /10
الفيزا 16A اربع شهور ونص مدتا
طبعاً بالنسبة للتمديد هو إن شاء الله ممكن بس رح اكتب شو بيصير معي أول بأول بعدين
المراسلات بلشت بالشهر 11
السفارة ببيروت ما كتير بتدقق يعني كان عندي تايل ناقص لغة وكان عندي موافقة وكالة التوظيف منتهية من شهر لان مدتا ست شهور بس
أما بعمان التدقيق كبير ولازم كلشي كامل بس الامور اسلس من ناحية السرعة والمواعيد
بنصح الي وراقو كاملة يقابل بعمان
الفائدة من الطريقة
توفير مصاري كونو الحساب البنكي اقل بكتير
وتوفير وقت للي حابب يطلع بسرعة
اما الطريق فهو نفسو تبع التعديل مافي شي زيادة او نقصان
طبعاً النصيحة الذهبية للطلاب الي لسا سنة تالتة ورابعة شدو باللغة وفوتو عالسادسة معكن B2 واذا C1 بيكون افضل لسا ولا تعملو متلي وتنضغطوا بسنة وحدة وطني ولغة
واللغة بتوفرلكن وقت هنيك بالمانيا وتخلي الفرص أقوى بالقبول سواء بالكم او النوع
طبعاً عن قريب رح نزل فيديوهات تفصيلية إن شاء الله عن طريقة المراسلة لان انا تعبت كتير لتعلمت كيف اشتغل صح والله يجزيهن الخير الدكتور عبد الرحمن سكاف والدكتور زاهر سويد ما قصروا معي أبداً
الأسباب انو عدد قليل بيطلع فيا هي
1- قلة شيوعها لدرجة في كتير طلاب مو سمعانين فيا
2- انو لازم تخلص كلشي قبل الوطني لان لازم تكون مو متخرج لحتى تنقبل ومواعيد تخرجنا هي بعد الوطني بحوالي 5 شهور
يعني العقد لازم تحطو بحيث ينتهي قبل تخرجك
انا حطيت من 1/11 لحتى 28/2 والجامعة حطتلي موعد التخرج 1/3/2025
3- اغلب الناس عم تدرس اللغة بعد الوطني وهاد شي ما بيمشي مع هي الطريقة ابدا لأن لازم يكون معك لغة قبل الوطني
4- كثير طلاب تحب الشي المضمون وما تحب المغامرة
وبالنهاية بتشكر الدكتور فراس عهي المجموعة الرائعة حقاً
واي حدا بدو تتيسر أمورو عليه بالتقوى وبر الوالدين وكثرة الصلاة عالحبيب
#فيزا ستاجات
السلام عليكم
بدايةً أنا زميلكم اسماعيل العوض طالب طب بشري بحلب خلصت وطني قبل خمس ايام
رح احكي بشكل مفصل عن تجربتي بالحصول عهي الفيزا الي لسا عدد قليل جدا كل سنة بيطلعوا فيها من سوريا ورح احكي عن الأسباب بالمنشور
بلشت القصة بالشهر التالت من سنة 2023 لما شفت منشور للدكتور عبد الرحمن سكاف الله يجزيه الخير حكى فيه عن تجربتو
بعدما فهمت القصة بلشت مراسلات مشافي وراسلت حوالي 700-800 مشفى خلال فترة شهرين وكنت كل يوم راسل وسطيا 30 مشفى وابعتلن
1 طلب عمل( Bewerbung) عبارة عن صفحة حكيت فيا انو بدي اتدرب عندن وبرغب باكتساب خبرة طبية ولغوية واعجابي بالمشفى الخ...
2- سيرة ذاتية
3- فورم عبيتو ووقعتو عند العميد وكان مو ضروري بالمراسلة بس بيلزم لموافقة وكالة العمل في حال تم القبول بعدين
4 - مختصر ال Bewerbung كتبتو بالرسالة وارفقت هدول الملفات وبعتن عالايميل تبع السكرتير/ة لكل مشفى
اجاني عدة قبولات بس للاسف بيقولولي نعطيك عقد وما نقدملك على موافقة وكالة التوظيف وهاد شي سلبي لان الوكالة بدا حصرا المشفى تراسلا
ومشفى واحد بس قدملي على موافقة وكالة التوظيف واجتني الموافقة والعقد بالشهر التاني
العقد بيبلش بعد الوطني بكم يوم وبينتهي ب28/2
بعدا قدمت اختبار b1 بغوتة عمان بيوم 15/7 علما انو المشفى قبلتني بدون شهادة لغة بس بتلزم الشهادة للسفارة وكان غلط كتير فوت عالسنة السادسة ما معي شهادة لغة بالنسبة لهي الفيزا
طلبت موعد مستعجل من سفارة بيروت ورديتلن على رسالة حجز الموعد وبعتلن موافقة وكالة التوظيف الي عندي بالرسالة فعطوني موعد مستعجل بعد شي عشرين يوم وقابلت بيوم 27/9 بلبنان يعني قبل الوطني ب12 يوم وهاد شي سلبي طبعا كوني تأثرت كثير بدراستي للوطني
الحساب البنكي اضطريت حط عن اربع شهور التدريب الي هنن الشهر 11 حتى نهاية الشهر 2
لان المشفى ما عطتني راتب ولا سكن وفي من رفقاتي حصلو على راتب او سكن او التنين يعني الشغلة توفيق بس لما تراسل ومعك شهادة لغة ممكن جدا تحصل على راتب او سكن او التنين
اجتني الفيزا بعد اسبوعين من المقابلة وبعتت جوازي وانطبعت الفيزا بيوم 21 /10
الفيزا 16A اربع شهور ونص مدتا
طبعاً بالنسبة للتمديد هو إن شاء الله ممكن بس رح اكتب شو بيصير معي أول بأول بعدين
المراسلات بلشت بالشهر 11
السفارة ببيروت ما كتير بتدقق يعني كان عندي تايل ناقص لغة وكان عندي موافقة وكالة التوظيف منتهية من شهر لان مدتا ست شهور بس
أما بعمان التدقيق كبير ولازم كلشي كامل بس الامور اسلس من ناحية السرعة والمواعيد
بنصح الي وراقو كاملة يقابل بعمان
الفائدة من الطريقة
توفير مصاري كونو الحساب البنكي اقل بكتير
وتوفير وقت للي حابب يطلع بسرعة
اما الطريق فهو نفسو تبع التعديل مافي شي زيادة او نقصان
طبعاً النصيحة الذهبية للطلاب الي لسا سنة تالتة ورابعة شدو باللغة وفوتو عالسادسة معكن B2 واذا C1 بيكون افضل لسا ولا تعملو متلي وتنضغطوا بسنة وحدة وطني ولغة
واللغة بتوفرلكن وقت هنيك بالمانيا وتخلي الفرص أقوى بالقبول سواء بالكم او النوع
طبعاً عن قريب رح نزل فيديوهات تفصيلية إن شاء الله عن طريقة المراسلة لان انا تعبت كتير لتعلمت كيف اشتغل صح والله يجزيهن الخير الدكتور عبد الرحمن سكاف والدكتور زاهر سويد ما قصروا معي أبداً
الأسباب انو عدد قليل بيطلع فيا هي
1- قلة شيوعها لدرجة في كتير طلاب مو سمعانين فيا
2- انو لازم تخلص كلشي قبل الوطني لان لازم تكون مو متخرج لحتى تنقبل ومواعيد تخرجنا هي بعد الوطني بحوالي 5 شهور
يعني العقد لازم تحطو بحيث ينتهي قبل تخرجك
انا حطيت من 1/11 لحتى 28/2 والجامعة حطتلي موعد التخرج 1/3/2025
3- اغلب الناس عم تدرس اللغة بعد الوطني وهاد شي ما بيمشي مع هي الطريقة ابدا لأن لازم يكون معك لغة قبل الوطني
4- كثير طلاب تحب الشي المضمون وما تحب المغامرة
وبالنهاية بتشكر الدكتور فراس عهي المجموعة الرائعة حقاً
واي حدا بدو تتيسر أمورو عليه بالتقوى وبر الوالدين وكثرة الصلاة عالحبيب
