گئچمیش گۆنلرده تبریز دانشگاهی‌نین 221 استادی رئیس جمهورا بیر مکتوب یازاراق آنادیلینه گؤره ایستکلرینی اوْرتایا قوْیوبلار. نئچه نکته:
• مترقی و قاپسامجی* بیر مکتوبدور چونکو "مهددن دانشگاها کیمی تحصیل برابرلیگی‌نی هامیسی قومیتلره" ایسته‌ییب. تورکجه رسمی اولمالیدیر و بونون ایلک* آتدیمی، هر سویه‌ده* و دانشگاهدا تدریس اولماسیدیر؛ قاپسامجی‌دی چونکو باشقا قومیتلره‌ده بو عدالتی ایسته‌ییب و ضمنی اوْلاراق اونلاریدا بو اؤنجول* حرکته چاغیریب.
• منیم کیمی تبریز دانشگاهیندا زامان گئچیدنلر بو مکتوبون اؤنمی‌نی داها چوخ بیلرلر. تبریز شهری، مترقی حرکتلرین بایراقداری اوْلوب و بلکه بو مکتوب باشقا بیر عدالتسیزلیگی قالدیرماغا یوْل آچدی.
• مدنی حاقلاریمیزا گلینجه، استادلار و آیدینلارین وظیفه‌سی آغیردی. تبریز چاغیردی، باشقا آذربایجان دانشگاهلارینین نوبتی‌دی. یالنیز استادلار یوخ، تورک آیدینلاری، ایش صاحبلری، کارآفرینلری، صنعتکارلاری و اؤزللیکله اؤیرتمن‌لری طرفیندن بئله مکتوبلار گؤزله‌ییریک.
• استادلار طرفیندن یازیلان باشقا چوخ اؤنمسیز مکتوبلار آیلارجا ساغ و سوْل مدیاسی طرفیندن قوْنوشولور* آمما بو مکتوب تمامیله فارس مدیاسیندا بایکوت اولونوب. منجه یاخشی نشانه‌دی. قورخوبلار. دئمک کی یۆز ایللیک شیرین توهم‌لارینین پوْزولماسینی حس ائدیرلر. آخی قرار ایدی50 ایل بوْیونجا آذربایجان کۆلتور و مدنیتی‌نی محو ائدلر، بَس ندن هر هفته یوزمین آذربایجانلی استادیومدا حاقلارینی باغیریر* و بو ملتین استادلاری بئله جسارتلی مکتوبلار یازیر. آنجاق بیز هر زامانکی کیمی یالنیز ملتیمیزه آرخالانمالییق. باشقالارین‌ین تعریف و یاردیمی‌نی* گؤزله‌مه‌دن ایرلی* گئتمه‌لییک.
• سوْنوج‌دا اَن اؤنملی‌سی: بئله حرکتلر باشلانغیجیلا یوخ بلکی داواملی و آردیجیل* اولماسیلا نتیجه چاتار. گؤنولدن ایستردیم کی بو استادلاردان چوخ تشکر ائدم و نامه‌نین دالین توتوب بو مسئله‌نی گۆنجل‌ده* ساخلاماسینی تمنا ائدم.
سؤزلوک: قاپسامجی: شامل، فراگیر، inclusive – سویه: رده، رتبه، کلاس – اؤنجول: قاباق، پیشرو، progressive – قوْنوشماق: بحث ائتمک، دانیشماق- باغیرماق: اوجادان سسله‌مک، to shout – یاردیم: کمک – ایرَلی: قاباق – آردیجیل: مستمر – گۆنجل: گۆنون موضوعسو، دانیشیلان مبحث
✍️#رحمان #کمبریج
• مترقی و قاپسامجی* بیر مکتوبدور چونکو "مهددن دانشگاها کیمی تحصیل برابرلیگی‌نی هامیسی قومیتلره" ایسته‌ییب. تورکجه رسمی اولمالیدیر و بونون ایلک* آتدیمی، هر سویه‌ده* و دانشگاهدا تدریس اولماسیدیر؛ قاپسامجی‌دی چونکو باشقا قومیتلره‌ده بو عدالتی ایسته‌ییب و ضمنی اوْلاراق اونلاریدا بو اؤنجول* حرکته چاغیریب.
• منیم کیمی تبریز دانشگاهیندا زامان گئچیدنلر بو مکتوبون اؤنمی‌نی داها چوخ بیلرلر. تبریز شهری، مترقی حرکتلرین بایراقداری اوْلوب و بلکه بو مکتوب باشقا بیر عدالتسیزلیگی قالدیرماغا یوْل آچدی.
• مدنی حاقلاریمیزا گلینجه، استادلار و آیدینلارین وظیفه‌سی آغیردی. تبریز چاغیردی، باشقا آذربایجان دانشگاهلارینین نوبتی‌دی. یالنیز استادلار یوخ، تورک آیدینلاری، ایش صاحبلری، کارآفرینلری، صنعتکارلاری و اؤزللیکله اؤیرتمن‌لری طرفیندن بئله مکتوبلار گؤزله‌ییریک.
• استادلار طرفیندن یازیلان باشقا چوخ اؤنمسیز مکتوبلار آیلارجا ساغ و سوْل مدیاسی طرفیندن قوْنوشولور* آمما بو مکتوب تمامیله فارس مدیاسیندا بایکوت اولونوب. منجه یاخشی نشانه‌دی. قورخوبلار. دئمک کی یۆز ایللیک شیرین توهم‌لارینین پوْزولماسینی حس ائدیرلر. آخی قرار ایدی50 ایل بوْیونجا آذربایجان کۆلتور و مدنیتی‌نی محو ائدلر، بَس ندن هر هفته یوزمین آذربایجانلی استادیومدا حاقلارینی باغیریر* و بو ملتین استادلاری بئله جسارتلی مکتوبلار یازیر. آنجاق بیز هر زامانکی کیمی یالنیز ملتیمیزه آرخالانمالییق. باشقالارین‌ین تعریف و یاردیمی‌نی* گؤزله‌مه‌دن ایرلی* گئتمه‌لییک.
• سوْنوج‌دا اَن اؤنملی‌سی: بئله حرکتلر باشلانغیجیلا یوخ بلکی داواملی و آردیجیل* اولماسیلا نتیجه چاتار. گؤنولدن ایستردیم کی بو استادلاردان چوخ تشکر ائدم و نامه‌نین دالین توتوب بو مسئله‌نی گۆنجل‌ده* ساخلاماسینی تمنا ائدم.
سؤزلوک: قاپسامجی: شامل، فراگیر، inclusive – سویه: رده، رتبه، کلاس – اؤنجول: قاباق، پیشرو، progressive – قوْنوشماق: بحث ائتمک، دانیشماق- باغیرماق: اوجادان سسله‌مک، to shout – یاردیم: کمک – ایرَلی: قاباق – آردیجیل: مستمر – گۆنجل: گۆنون موضوعسو، دانیشیلان مبحث
✍️#رحمان #کمبریج
