ခွန်အားဖြစ်စေသောစာစုများ

စိတ်ဓာတ်ကြံခိုင်သူတွေက
လုပ်တဲ့အလုပ်အပေါ်မှာ
အကောင်းဆုံးမျှော်လင့်ထားသလို
အဆိုးဆုံးအတွက်လည်း
ပြင်ဆင်ထားပါတယ်။
စိတ်ဓာတ်ပျော့ညံ့သူတွေကတော့
မိမိလုပ်တဲ့အလုပ်အပေါ်မှာ
အကောင်းဆုံးပဲမျှော်လင့်ပြီး
အဆိုးဆုံးအတွက်ပြင်ဆင်မထားပါ။

အနာဂတ်ကိုကြည့်ပြီး
သက်ပြင်းချနေမယ်ဆိုရင်
မင်းရဲ့မနက်ဖြန်တိုင်းဟာ
တကယ့်လက်ရှိထက်
နှစ်ဆပိုပြီးလေးနေလိမ့်မယ်။

ကိုယ်အားကျတဲ့တစ်ယောက်ကို
အတုယူတဲ့အခါ
သူ့ရဲ့ပြင်ပသွင်ပြင်သဏ္ဍာန်ကိုတုယူဖို့က
လွယ်ပါတယ်။
သူ့ရဲ့အတွင်းအနှစ်အရည်အချင်းကို
တုပဖို့ကခဲယဉ်းပါတယ်။

မတရားမှုကို ကိုယ်နဲ့ မဆိုင်ဘူးလို့
သဘောထားရင်
တစ်ချိန်မှာ အဲ့ဒီ့မတရားမှုက
ကိုယ့်အိမ်တံခါးဝကိုလာခေါက်ပါလိမ့်မယ်။
ကိုမင်းကိုနိုင်

အာဏာရှင်တစ်ယောက်ကို ဟန့်တားဖို့ကြိုးစားတဲ့အခါမှာ
အန္တရာယ်တွေအမြဲရှိနေတတ်ပါတယ်။
ဒါပေမဲ့
အာဏာရှင်ကိုမဟန့်တားမိတဲ့အခါ
ပိုကြီးမားတဲ့အန္တရာယ်တေရှိနိုင်ပါတယ်။

မာဂရက်သက်ချား
ဗြိတိန်၀န်ကြီးချုပ်

သတ္တိဆိုတာ
အကြောက်တရားမရှိခြင်းမဟုတ်ပါဘူး။
အကြောက်တရားကိုအောင်မြင် ခြင်းဖြစ်ပါတယ်။
နယ်ဆင်မင်ဒရဲလား
တောင်အာဖရိကသမ္မတ

မနာလိုခြင်း
ကျားတစ်ကောင်ဟာ
သူစားလို့မကုန်တဲ့သားကောင်ကို
ကျီးထိုးထိုး၊ခွေးစားစား ထားပစ်ခဲ့တယ်။
လူတွေကတော့ကိုယ်တိုင်စားလို့ဝရင်လည်း
သူများစားရင်မနာလိုကျပြန်ဘူး။
ဆရာဦးအောင်သင်း

လူတော်လူကောင်း
တော်တယ်ဆိုတာ
စွမ်းရည်နဲ့သက်ဆိုင်တယ်
ကောင်းတယ်ဆိုတာ
ကိုယ်ကျင့်တရားနဲ့သကိဆိုင်တယ်
တောင်သူတိုင်းမကောင်းသလို
ကောင်းသူတိုင်းလဲမတော်ကြဘူး။
ဆရာဦးအောင်သင်း

အချိန်
ဘဝဆိုတာ အချိန်မပါဘဲဖွဲ့စည်းလို့မရဘူး
အချိန်သည်ဘဝ၊ဘဝသည်လဲ အချိန်ဘဲ
မင်းဘဝကိုမင်းတန်ဖိုးထားရင်
မင်းရဲ့အချိန်တေကိုလဲတန်ဖိုးထားရလိမ့်မယ်၊၊
ဆရာဦးအောင်သင်း

မျှဝေခြင်းအနုပညာ
ပျော်စရာတွေမျှဝေရင်နှစ်ဆပိုပျော်ရတယ်
စိတ်ညစ်စရာတွေ မျှတေရင် တစ်၀က်လျော့တယ်။
ဘဝမှာ
ပခုံးထက်မှာငိုခွင့်ပေးတဲ့ သူငယ်ချင်းတစ်ယောက်ရှိရင်
သိပ်ကံကောင်းတယ်။
ဆရာဦးအောင်သင်း

အမှား
အမှားဆိုတာလူတိုင်းနှဲ့မကင်းဘူး
လူတိုင်းအမှားမကင်းလို့ပဲ
ခဲတံမှာခဲဖျက်တပ်ထားတာပေါ့
ဒါပေမဲ့
လောကကြီးမှာ
ခဲဖျက်နဲ့ဖျက်လို့မရတဲ့
အမှားတေအများကြီးပဲ။
ဆရာဦးအောင်သင်း

သတ္တိ
လောကကြီးကိုရဲရဲရင်ဆိုင်ပါ
ကြောက်လိုပြေးရင်
တစ်သက်လုံးပြေးရုံပဲ
ပြေးနေသမျှကာလပတ်လုံး
အောင်မြင်မှုနဲ့ဝေးနေဦးမှာပဲ။
ဆရာဦးအောင်သင်း

ရိုးသားခြင်း
ရိုးသားခြင်းဆိုတာ
နုံခြင်း ၊အ ခြင်းမဟုတ်ဘူး
ကိုယ်မရသင့်၊မရထိုက်တာကိုမယူတာ
အဲ့ဒါရိုးသားတာ။
ဆရာဦးအောင်သင်း

နေရာမှားခြင်း
တို့လူမျိုးတော်တော်များများအား
ဗိုလ်ချုပ်အောင်ဆန်းပြောသလို
တလွဲဆံပင်ကောင်းကြသကွ
အမြင်ကျကျဉ်းပြီး
ဖင်ခေါင်းကျသွားကျယ်တယ်။
ဆရာဦးအောင်သင်း

နေရာ
ခေါင်းပေါ်ကဆံပင်
တမြတ်တနိုးတန်ဖိုးထားကြတယ်
အဲ့ဒီ့ဆံပင်
ထမင်းခွက်ထဲရောက်သွားရင်
ရွံစရာဖြစ်သွားရော။
လောကကြီးမှာနေရာမှန်ဖို့သိပ်အရေးကြီးတယ်။
ဆရာဦးအောင်သင်း

ခွန်အားဖြစ်စေသောစာစုများ pinned «ဒေါင်းကတဲ့နေ့ ဘယ်တောမှာနေနေ ဘယ်မြေကိုပြောင်းပြောင်း အရေးအကြောင်းဆို သွေးမပြောင်းရဘူး ရှေးဒေါင်းတို့ရဲ့သမိုင်းအစဉ်။ တိုင်းပြည်နဲ့လူမျိုး ပြည်သူ့အကျိုးကိုအကြောင်းမရွေး ဒေါင်းသွေးသည် ခေါင်းမညွတ် ဒေါင်းခွပ်ခဲ့ပြီ ရာဇဝင်။ ပြည်သူတွေနဲ့ထာဝရလက်တွဲ ပြည်သူထဲမှာအတူနေ…»

ဒေါင်းကတဲ့နေ့

ဘယ်တောမှာနေနေ
ဘယ်မြေကိုပြောင်းပြောင်း
အရေးအကြောင်းဆို
သွေးမပြောင်းရဘူး
ရှေးဒေါင်းတို့ရဲ့သမိုင်းအစဉ်။
တိုင်းပြည်နဲ့လူမျိုး
ပြည်သူ့အကျိုးကိုအကြောင်းမရွေး
ဒေါင်းသွေးသည် ခေါင်းမညွတ်
ဒေါင်းခွပ်ခဲ့ပြီ ရာဇဝင်။
ပြည်သူတွေနဲ့ထာဝရလက်တွဲ
ပြည်သူထဲမှာအတူနေ
အပူဝေ အတူမျှ
ဒုက္ခအထွေထွေ ကလွတ်ကြောင်း
ခွပ်ဒေါင်းဟေ့ မာန်လေ
ရန်မြင်တိုင်း ရင်ဆိုင်တွေ့။
စမ်းကလေးတွေအေး
ပန်းကလေးတွေမွှေး
ငှက်ကလေးတွေတေးဆို
ငြိမ်းချမ်းရေးကိုသူတို့ကြိုတော့
မြိုင်ယံညို ဟိုး.... ရိုးအခြေက
အိုးဝေ... အိုးဝေ...မင်္ဂလာသံပေါင်းခရအောင်
အဲ့ဒီနေ့က...
ဒေါင်းကတဲ့နေ့။
မောင်စိန်ဝင်း(ပုတီးကုန်း)

Channel created