الغروب الموحد لطلاب الطب البشري في جامعة اللاذقية || 2027

🛑🛑 برأينا الشخصي من الضروري النظر والمطالبة بإلغاء مادة الثقافة من منهاج السنة الثانية لأنها نسخة موسعه عن مادة الوطنية في وزارة التربية سابقا ولا تفيد طالب الطب سوا انجازات النظام البائد نرجو المشاركة على اوسع نطاق لإيصال صوت الطلبة للاتحاد الجديد وكلنا ثقة بذلك 💚

🛑🛑 لأي اعتراض نرجو التعليق على بوست الزميل عبد العزيز :
https://www.facebook.com/share/p/1GwCKZtuFn/

📌مسوده البرنامج الامتحاني:

هااااي 👋🏻
بما انو عم ينسأل اشكال الوان بالاورام
ف في اللمفومات ما مذكورة بشكل صريح بملحق الستاج ولا بالنظري
وانسألنا فيها
✨قصة سريرية لمريض لمفوما✨
مريض بعمر ال٢٥ اجا بكتلة بالعنق غير مؤلمة
📌شو الاورام يلي ممكن تسببا؟
ممكن يكون حنجرة/ درق كمان(فيكن تشوفو تدبير عقدة بلغمية من ملحق ستاج الغدد)
ولكن الاشيع شي ويلي كان بدو ياه الدكتور جواب هو ضخامة عقدة بلغمية ويلي هيي اللمفوما
بالنسبة للاستقصاءات
ايكو بالاول
📌سأل عن كيف فينا نعرف اذا هي العقدة ورم بدئي او نقيلة او لاعرف اذا في نقائل تانية
هو طبقي محوري
رنين
PET scan
سأل الدكتور عن البيت سكان اكتر بس الاسئلة موجودين بملحق الاسئلة
📌بالنسبة للخزعة الدكتور قال انو ما منعمل خزعة لعقدة بلغمية خصوصا باللمفوما(مع انو بالنت موجود منعمل خزعة وجاوبناه خزعة قال لا ممنوع🌚)
المهم
📌سأل سؤال الدكتور بأي عمر اشيع اللمفومات؟
بتكون شائعة بعمر الشباب والمراهقين وفي ذروة بعمر ال٦٠ يعني بتزداد مع تقدم العمر
شو انواع اللمفوما ؟
لا هودجكن ...هودجكن
📌شو الفرق بيناتن من حيث الاعرض السريرية؟
للصراحة ما شفت هيك شي عالنت ولا حدا جاوب عالسؤال جاوبو الفرق حسب وجود خلايا ريد ستيرنبرغ بس قال لا بدو الفرق سريريا..
📌فرجع الدكتور سأل انو مين اخطر
فالجواب ساعتا بكون
لمفوما لا هودجكن
📌شو الاعراض العامة للمرض؟ (B sympts's)
حرارة تعرق ليلي نقص وزن
..
شوفو هالفقرة هي ما انسألت بس مشان تكمل الفكرة
ما هي مراحل ورم ليفي؟
سواء كان الورم الليفي من لمفوما لاهودجكن، أو لمفوما هودجكن، فإنه يمر بالمراحل التالية:
👈🏻المرحلة الأولى
في هذه المرحلة تصيب الليمفوما عقدة ليمفاوية واحدة أو في عضو واحد من أعضاء الجهاز الليمفاوي.

👈🏻المرحلة الثانية
يكون السرطان في عقدتين لمفاويتين بالقرب من بعضهما، وفي نفس الجانب من الجسم، أو يكون السرطان في أحد الأعضاء والعقد الليمفاوية القريبة.

👈🏻المرحلة الثالثة
في هذه المرحلة، يكون السرطان في الغدد الليمفاوية الموجودة على جانبي الجسم، وفي الغدد الليمفاوية المتعددة.

👈🏻المرحلة الرابعة
يكون السرطان في العضو اللمفاوي، وينتشر خارج العقد الليمفاوية القريبة منه. ومع تقدم السرطان، يبدأ في الانتشار ليصل إلى الكبد، ونخاع العظم، والرئتين، وغالباً ما تظهر هذه المرحلة في لمفوما لاهودجكينية
بعدين رجع سأل الدكتور :
📌شو الاورام يلي بتنتقل للعظام؟
📌شو اشيع الاورام يلي بتنتقل للعظام؟
📌شو اقل الاورام شيوعا يلي بتنتقل للعظام؟ الدكتور كان بدو جواب الكلية
📌شو اعراض الانتقالات العظمية؟
📌شو الاورام يلي بتسبب بناء عظمي؟
📌بالنسبة للعلاج: (ما انسأل.. هو في كتير بروتوكولات بس مشان تكمل القصة هي شي عام👇🏻)
اشعاعي والعلاج الكيميائي (ممكن مشاركة) والعلاج المناعي والعلاج الاستهدافي وزراعة نخاع العظم
هاد يلي تذكرتو يمكن نسيت شي سؤال او سؤالين لانن ما مألوفين ابدا🤣
الاسئلة كتيرة لان مجموعة عم تنسأل بقصة
طبعا اللمفومات اضخم بكتير ك.افكار بس لان انسأل فيها هيك وما موجودة بملحق الستاج فحبيت نزلا اذا تكررت مرة تانية القصة او لتجمعو شغلات دارسينها
موفقين ❤️

#مقابلة_اورام
شوية نقاط هامة للعلاج الكيميائي🔥❤️

#هااام :
#لا_تأجيل للامتحان يبقى الامتحان ضمن الموعد الرسمي .

الاسئلة هربانة من دورة الوطني تبعتنا لهالسنة لباطنة الهضمية ما تزعلو اذا غلطتو فيا 😂
ويلي حلا بكون وحش🔥

كل عام وانتو بخير زملاء انشالله سنة جديدة مليانة بالسعادة وتحقيق الامنيات والخير لهالبلد وشعبو بعد ١٤ سنة من الضياع والتشتت ... أملنا بالله كبير
كل عام وانتم بخير مرة تانيه💚🫡

🚩 بدنا نحكي كلمتين عالسريع يجماعة كلنا أخوة شاء من شاء وأبَى من أبَى قبل الأسد وبعدو ...

ندعو من زملائنا الاعزاء الابتعاد عن التجمعات والابلاغ عن اي صفحه بدورها تؤدي الى الفتنه او الطائفية او دعوة الى المظاهرات ... البلد لتتعمر بتبلش مني ومنك حاج دم والله
بكفي اليوم زميلنا جعفر عيسى راح ... الله يرحمو الرحمن الرحيم ... خلونا نعيش مبسوطين مع بعض انقلو الوعي لرفقاتكن لجيرانكن المخطط اكبر مني ومنك وما حدا رح يستفاد وانشالله متل ما تجاوزنا كلشي قبل منتجاوز هالمرحلة ...

#عاشت_سوريا_حرة_أبية
#معا_لردع_الفتنة

#عاجل | وزير الإعلام في حكومة تصريف الأعمال السورية محمد العمر لــ #تلفزيون_سوريا: 
📌 انتهى عهد التجاذبات الطائفية التي غذّاها النظام الأسدي الساقط
📌 هناك أيادٍ خفية تسعى لإثارة الفتن الداخلية، وسيتم التعامل معها بحزم لضمان استقرار البلاد
📌#سوريا عاشت لمئات السنين بتنوع طوائفها وأعراقها وهي اليوم أكثر قوة واستعداداً لترسيخ السلام والمحبة
📌الفيديو المتداول عن حرق مزار ديني في حلب هو مقطع قديم ولم تُسجل حوادث مشابهة منذ التحرير
📌الحكومة تؤكد التزامها التام بحماية جميع المواقع الدينية والتاريخية وصونها من أي اعتداء باعتبارها إرثاً وطنياً وإنسانياً يجمع أبناء سوريا بمختلف أطيافه
📌نحذر من حالات الثأر الفردي وعلى أصحاب الحق ممن تعرضوا لظلم النظام السابق أن يلجؤوا إلى القضاء لأخذ حقهم بالطريقة الشرعية

🔔 اشترك بقناة التيليجرام:  t.me/televisionsyria

عقبال تتعدل هي 🙏

نظرا لكترة التساؤلات، الامتحان رح يكون من الرسميات والمطلوب عياني ومجهري

وكنصيحة ذهبية درسوا المادة بتجميع المحضرات المتشابهة بصورة وحدة college وقارنوهن لحنى تقدروا تفرقوا بيناتن وتستوعبوا أسرع ورح حاول خلال هالفترة نزل اختبارات

موفقين يا طلاب بآخر امتحان عملي بالكلية وعقبال آخر امتحان نظري ❤️

تصويت لمعرفة نظرة الأطباء تجاه السفر
بعد التحسن في القطاع الصحي والوعود بتطويره 👇🏻

https://t.me/Specialization_Syria/578

#هام
تعطل الجهات العامة يومي الأربعاء والخميس 25 و26 كانون الأول .. وتعطل أيام الأربعاء والخميس 1 و 2 كانون الثاني بمناسبة عيدي #الميلاد ورأس السنة.

#تمديد_التسجيل

••🚩 #رسمياً تعديل مواعيد الامتحانات للفصل الدراسي الأول من العام 2024-2025، وذلك خلال المواعيد المحددة أدناه:

📌بداية الامتحانات العملية: يوم الأحد الواقع في 5/1/2025.

📌انتهاء الامتحانات العملية: يوم الخميس الواقع في 16/1/2025.

📌بداية الامتحانات النظرية: يوم الأحد الواقع في 2/2/2025.

📌انتهاء الامتحانات النظرية: يوم الخميس الواقع في 6/3/2025.

»»وزير التعليم العالي والبحث العلمي أ.د. عبد المنعم عبد الحافظ

🔥🔥🔥

ادخلوا عالقناة تفاعلوا 👉🏻

🚨 عاجل |

تُقام حملة واسعة من طلاب الجامعات بغية إزاحة التقويم الجامعي وهو ما كان موضوع للنقاش ومطروح على طاولة وزارة التعليم العالي

تصلنا آلاف الرسائل على البوت من الطلاب مناشدين التأجيل ، نقول أن صلاحيتنا في الهيئة لا تشمل اصدار قرارات عشوائية و التدخل في عمل الوزارات و إنما نستطيع طرح المواضيع على طاولة النقاش مع بيان توجه الطلاب لذلك أطلب منكم أن يكون هذا المنشور معبراً عن رأيكم بالتأجيل

فمن أراد التأجيل و إزاحة التقويم يتفاعل ب ❤️

ومن يريد ثبات موعد التقويم القديم يتفاعل ب 💔


https://t.me/NewSyria8_12

Channel photo removed

هام | بعد استئناف الدوام في الجامعات السورية.

سيتم حل جميع الهيئات رئاسة وأعضاء وإلغاء ارتباطها بما يعرف سابقاً باتحاد الطلبة.

هاد يلي ناطرينو من زمااااان 💚

🚩 || تم تغيير الاسم السابق من XO ل X لاسباب فنية منعتذر منكم وهلق علينا نخبركم ورح نرجع نذكر فيه متل ما حكينا قبل كونو يضم أشخاص ذوي اختصاص عنجد والخيار الافضل ورح يكون الباب مفتوح للكل ويناسب جميع الامكانيات المادية وكلو بكون رضيان .. 💜

📢 || يعلن X تيم للترجمة الطبية ومشاريع التخرج للطب البشري والصيدلة لمختلف الجامعات السورية بإدارة نخبة من طلاب الدراسات العليا وخريجي دفعة 2024 عن جاهزيته التامة لبدء استلام مشاريع التخرج والترجمة الطبية 🎓💜

📌خبرة 3 سنوات في المجال.
📌 ترجمة احترافية منضدة خالية من الأخطاء العلمية والركاكة اللغوية.
📌أسعار تنافسية .
📌مواعيد تسليم قياسية قصيرة.
📌الجاهزية التامة للتعديل بعد الاستلام.

🟣 للتفاصيل يرجى التواصل واتس اب على الرقم:
📞 : 0935987200


🟣 وعلى تطبيق تلغرام التواصل على المعرف :
✉️ : @XTeamtranslation

🟣رابط صفحتنا على الفيسبوك:
📎 : https://www.facebook.com/profile.php?id=61567800337638

#Graduation_project
#With_X_Team_you_will_feel_the_glow🌟

#With_X_Team_your_tasks_we_will_ace_delivering_perfection_at_every_pace😎💜

🎲 اختبار 'اختبار (التهابات و أورام المعدة) 💥💥'
🖊 20 سؤالًا · ⏱ 45 ث

#هضمية
مسا الخير  🤍🤍
اختبار  ( التهابات المعدة _ أورام المعدة) صار جاهز وانشالله بعد ما تحلوه بتكونو ركزتو أهم الأفكار بالمحاضرتين🔥🤍⬇️

⚪ بسرطان المعدة الغدي ركزولي عالعوامل المؤهبة + ( رجال _ تقدم بالعمر _ زمرة A)

#هضمية
🔴 شوية معلومات حلوة عن الملتوية البوابية وعلاقتا بالتهاب المعدة المزمن :

_ بتدخل الملتوية البوابية عالمعدة ⬅️ بتعملي التهاب معدة حاد ⬅️ 80 بالمية من الحالات بيتحول ل التهاب معدة مزمن
(أهم شي تعرفولي انو الخمج بالملتوية البوابية هوي السبب الأكثر شيوعاََ لالتهاب المعدة المزمن💥)
الالتهاب المزمن الو نمطين :

✨️ 1_النمط الأول : الجرثومة بتصيب منطقة الغار فقط ( النمط زائد الحمض المعدي) :
منطقة الغار بتحتوي على الخلايا D المفرزة للسوماتوستاتين.. ومتل ما منعرف انو السوماتوستاتين بثبط فراز الغاسترين المحرض لإنتاج الحمض المعدي..

🔴 فتسلسل الأحداث صار هلق :
ملتوية بوابية⬅️ تخريب الخلايا D ⬅️ غياب السوماتوستاتين ⬅️ زيادة الغاسترين ⬅️ فرط حموضة معدة

هالحمض رح يروح عالعفج بس مفرزات البنكرياس والصفراء مارح تقدر تعدلو بسبب حموضتو الشديدة ⬅️ وبالتالي تعرض العفج للأذى المستمر ⬅️ حؤول معدي 👀

🔴 يعني صرنا منعرف كيف الملتوية البوابية البتصيب المخاطية المعدية بس..
رح تنتقل وتصيب العفج
(لازم نعرف انو حتى يصير عندي أذية وحؤول بالعفج لازم يكون عندي زيادة بالحموضة)

✨️ 2_النمط الثاني ( النمط قليل الحمض) :
الجرثومة بتصيب كامل المعدة ⬅️ تخرب جميع الغدد والخلايا المفرزة ( حتى المفرزة للحمض والغاسترين) ⬅️ التهاب معدة مزمن ناقص حمض كلور الماء⬅️ ضمور مخاطية المعدة وبالتالي التهاب معدة ضموري ⬅️ حؤول معوي (نتيجة الضمور) ⬅️ ادينوكارسينوما

(كمان لازم نعرف انو هون بصير عندي قرحات معدية فقط.. صحي الحمض ناقص بس بتجي الملتوية البوابية بتخربلي ظهارة ومخاطية المعدة وبتحطم عوامل الوقاية من الحمض)

موفقين ❤️❤️

🎲 اختبار 'القرحة الهضمية ٢'
🖊 19 سؤالًا · ⏱ 45 ث

#هضمية
اتمتات القرحة الهضمية 2
⬇️🔥❤️

#هضمية
🔴 متلازمة زولينجر اليسون ( اكد الدكتور عأهميتو لهيك رح احكي عنو شوي👀 ) :
✏️ اضطراب نادر شائع في الأعمار بين 30 و 50 .... يتصف بوجود :
_ ورم غاستريني💥
_قرحات هضمية شديدة عديدة غير مستجيبة اي معندة على العلاااج > نااااكسة 💥
_فرط افراز الحمض المعدي 💥

✏️اكثر من النصف خبيث لكن تنمو ببطئ (90 بالمية من الأورام في الجدار العفجي القريب او رأس البنكرياس)

✏️منشوف اورام غدية متعددة نمط ١ عند 20-60 % من المرضى

✏️ورم غاستريني > افراز كمية كبيرة من الغاسترين > تنبيه الخلايا الجدارية >
حمض عالي > تعطيل الليباز البنكرياسي > اسهال و اسهال دهني ( يحدث الاسهال عند ثلث المرضى وبكون العرض المسيطر💥)

التشخيص : يرتفع غاسترين المصل بشكل واضح ( 10-1000 ضعف)
التصوير بالامواج فوق الصوتية المرفق بالتنظير EUS💥
التصوير الومضاني بعد اعطاء مادة موسومة شعاعيا لمستقبلات السوماتوستاتين

العلاج : 1- استئصال الأورام الصغيرة والمفردة
2_ المعالجة المستمرة بجرعات عالية من ال omeprazole> شفاء القرحات وتخفيف الاسهالات
3_ اكتريوتيد تحت الجلد > انقاص افراز الغاسترين
مع مراقبة تطور المظاهر الأخرى للورم الغدي الصماوي المتعدد نمط ١

توضيح الفكرة :
📌الثدي بيتكون من أنسجة كثيفة وأنسجة دهنية. وتتكون الأنسجة الثدي الكثيفة من غدد حليبية وقنوات حليبية وأنسجة داعمة. وتتكون الأنسجة الدهنية من خلايا دهنية. وإذا كانت كثافة الثديين عالية ..هاد بيعني أن الأنسجة عالية الكثافة أكثر من الأنسجة الدهنية.

في صورة الثدي الشعاعية، تكون أنسجة الثدي الدهنية شفافة. ويسهل الرؤية من خلالها بحثا عن أي شيء مثير للقلق. بينما تظهر أنسجة الثدي الكثيفة باللون الأبيض الخالص في صورة الثدي الشعاعية. ويصعب الرؤية من خلالها.. لذلك قد لا يمكن ملاحظة سرطان الثدي الذي يظهر أيضا باللون الأبيض الخالص في صورة الثدي الشعاعية..
فممكن تسبب :
📌زيادة احتمال عدم رصد سرطان الثدي في تصوير الثدي بالأشعة
📌زيادة احتمالية الإصابة بسرطان الثدي. إذا كانت أنسجة الثدي كثيفة، فإن احتمالية الإصابة بسرطان الثدي تكون أكثر مقارنة بأصحاب انسجة الثدي غير الكثيفة..
📌يعتبر العمر التاريخ الشخصي للإصابة بسرطان الثدي عامل خطر معتدل..
📌عدم الإنجاب يزيد من التعرض لهرمون الاستروجين الذي يعتقد أنه عامل خطر للإصابة بسرطان الثدي...لكن يعتبر عامل خطر ضعيف
.
وبالنهاية بتعرفو انو يعتبر الوضع الاجتماعي والاقتصادي العالي عامل خطر خفيف للإصابة بسرطان الثدي...يعتقد أنه بيعكس الاختلافات مثل سن الحيض وعمر الولادة الأولى..

بما انو نحنا بشهر التوعية عن سرطان الثدي وهو عم يعتبر من المواضيع المتكررة جدا حاليا معنا ضمن الستاجات وحتى بالنظري..
شوفولي هالحالة سوا
.
📌راجعتك مريضة عديمة الانجاب بعمر ال 64 لديها تاريخ بالاصابة بسرطان الثدي في الجانب الايسر خضعت لاستئصال ورم وعلاج اشعاعي..بالاضافة لذلك تملك طمث مبكر بسن العاشرة وانقطاع طمث متأخر بسن ال56
تخضع بانتظام لتصوير الثدي بالاشعة السينية وكثافة الثدي لديها 80%

🎲 اختبار 'القرحة الهضمية ١'
🖊 17 سؤالًا · ⏱ 30 ث

#هضمية
🔴 العلاقة بين ضغط وحجم المعدة ليست خطية


🔴 ليش القصور الكلوي المزمن والتهاب المعدة بالملتوية البوابية ممكن يعملولي زيادة بالغاسترين؟
متل ما فسرتا انو بالقصور الكلوي رح يتراكم الغاسترين بالدم نتيجة نقص تصفية الكلى وبالتالي زيادة الغاسترين... بينما بالحالة التانية رح يصير عندي تلف بخلايا المعدة المسؤولة عن إفراز الحمض وبالتالي رح رح يستجيب الجسم بزيادة إفراز الغاسترين لتحفيز إفراز الحمض لحتى نعوض النقص


🔴متل ما منعرف انو القرحة الهضمية هيي ضياع مادي عميق ناجم عن خلل بالتوازن.. طيب شو رح يجي يحل محل هالضياع؟.. اكيد الفبرين.. لهيك منشوف القرحة مغطاة بلون ابيض.. كمان حالة تانية الي هيي القلاع الي كمان عم يكون مغطى بلون ابيض ناتج عن الفبرين

🔴 آخر مرحلة من القرحة هوي الهضم الذاتي للمخاطية الناجم عن الببسين بوجود الحمض

🔴مراجعين العيادات الهضمية :
_10% عندن مشكلة مربوطة بالداء الحمضي (GERD +قرحة هضمية)
_10% بعانو من حصيات مرارية
_ (60_70%) بعانو من متلازمة الأمعاء الهيوجة IBS


🔴 لا يمكن التمييز بين القرحة المعدية والقرحة العفجية سريرياََ

وبعد ما خلص الدكتور حسان محاضرة القرحة الهضمية.. رح حطلكن اختبار للجزء الأول من القرحة مع شوية افكار هامة 🔥❤️