Summary squeezer 🧪

شافع الكواش..
مبغبغ وهادي

أما شافع الميراسيمس..
معصعص ومعصب ووشو عجوز


طيب ليه؟🤔

#summary_squeezer

نـار🔥 وطفيناها🌫.. صحـراء🏜 وزرعناها🌱

نيمونك حيساعدكم في تركيب الـ ECG 👀

#summary_squeezer

🌒β-thalassemia minor and α-thalassemia trait
لما نجي نعمل peripheral blood smears حنلقى ال rbc
Microcytic hypochromic لكن شكلها regular

🌒β-thalassemia majorفي حالة peripheral blood smears show marked microcytosis,hypochromia, poikilocytosis (اختلاف في الشكل) and anisocytosis
(اختلاف في الحجم )
يعني ال rbc صغيره وشاحبه وشكلها وحجمها متغيرين ودي ياها زاتا البتموت في bone marrow أو spleen بتشبه ال hemolytic anemia صاح ؟؟

🪶ال ineffective erythropoiesis والhemolysis الفي spleen بخلينيا طوالي دايرين ننتج rbc جديده ف بعمل hyperplasia of erythroid progenitors وبأثرعلى bone growth وبعمل skeletal deformities💀 لأنو في *erythropoiesis* بننتج بيها rbc كتير شديد عشان نعوض البموتو . وال hemolysis الكتير عارفين بعمل splenomegaly
وبنستهلك مواد غذائية كتيره زي في حالات الكانسر وخصوصا الحديد أكتر شي بيستهلك ولو ما حصل تدخل ممكن يحصل *hemosiderosis* لأنو امتصاص الحديد بزيد وبعمل مشاكل كتيره لمن يتراكم في أعضاء الجسم .

🌒β-Thalassemia intermedia and HbH disease
ديل بكونو متوسطين يعني درجة المرض بتكون بين الاتنين الفوق وبرضو عندهم علاقة بي splenomegaly
and erythroid hyperplasia
لكن ما severe زي ال في β-thalassemia major

🌑Clinical Features:-

🌒β-Thalassemia trait and α-thalassemia trait⬇️ (asymptomatic )
ما عندهم اي أعراض بس في حبة microcytic hypochromic anemia زي في حالة (iron difesency anemia ) عشان كده بنسوي laboratory test عشان نفرق بينهم غير كده حياة المريض طبيعية وما عندو عوجه الحمد لله

🌒β-Thalassemia major
الطفل بكون عندو growth retardation لأنو كل المواد الغذائية بنستهلكها في صناعة rbc
وعشان ما يتأثر بالحاجه دي وتحصل ليهو تشوهات ف هو طوالي بكون في حالة blood transfusions وكده بنكون شويه خليناهو احسن لاكن برضو ح يكون عندو iron over load 🤦🏻‍♀️كده ووب وكده ووبين🙆🏻‍♀️ ولو ما حلينا مشكلة الحديد دي ببقى عندو cardiac dysfunction عشان كده احسن حل هو hematopoietic stem cell transplantation ♥️

🌒HbH disease and β-thalassemia intermedia
ديل احسن شويه لأنو erythropoiesis بكون شويه effective ♥ وما بحتاج ننقل ليهو دم

🌑Diagnosis:-
Hb electrophoresis بنعمل
بلقى شنو :-
🌒reduction or absence of
HbA
🌒The HbA2 level may be normal or increased.
والحاجات دي mainly بتكون ظاهره في β-Thalassemia major .
🌒also blood smears البعرف بيها ال microcytic hypochromic anemia



وبس نتلاقى في منشورات تانيه🚶🏼‍♀️
ومع السلامه ✋🏻

https://t.me/summarysqueezer
#Hematology
#summary_squeezer

بسم الله الرحمن الرحيم
منشور رقم (117)

السلام عليكم ورحمة الله وبركاته
ازيكو ازيكو 😘

جهز/ي فوشاركم وتعالو احكي ليكم عن

*Thalassemia*

اللي هو نوع من أنواع الأنيميا الوراثيه
*autosomal codominant*
🪶عارفه codominant دي بتكون عملت ليكم error🫥 ببساطه هي نفسها نفس فهم وراثة فصيلة الدم AB ، لو واحد من الأبوين A والتاني B انت ح تكون AB سياده مشتركه يعني وقعت ؟🫣
🪶 نحنا عارفين إنو ال rbc عباره عن هيم و قلوبين وعندي كذا نوع منهم بس في ال adult في ياتو نوع من ال hemoglobin بكون كتير؟ أكيد HbA الفيهو 2a_2B globin.

🪶لو حصل اي mutation في واحد من globin gene ⛓ التابعه لل ألفا ولا البيتا بتحصل thalassemia

بعد الكلام الكتير ده ان شاءالله تكونو قدرتو تستنتجو التعريف🥲

🌑Thalassemias are inherited disorders caused by muta tions in globin genes that decrease the synthesis of α- orβ-globin.

🪶بحصل فيMediterranean , African, and Asian regions
يعني المناطق البتكون فيها الملاريا كتيره💔 .

🌑Types of thalassemia:

🌒 α-Thalassemias:
🪶طيب نحنا عشان يكون عندنا ألفا قلوبين واحده بنحتاج لي جينين ، واحد من الاب واحد من الأم طيب في الهيموجلوبين نحنا عندنا ٢ ألفا معناها عندي كم جين بنتجو ال ٢ ألفا ديل؟؟ ٤ جينات ي سلام عليك👏🏻 ٢ من الاب ٢ من الأم ومحمولين في الكرمسوم رقم 16 .
وبما إنو ال thalassemia عباره عن mutation بنقص عدد الجينات دي عن طريق ال *deletion* يعني الحذف ف حتكون في ٤ أنواع من α-Thalassemias لأنو عندي ٤ جينات

🌓α-Thalassemias types:-

🌔Silent carrier➡️ حذفنا جين واحد
( هنا الزول بكون تمام وما عليهو إلا العافيه بس بورث جيناتو دي 😂 عشان كده ما حنتطرق ليها هو الزول كويس نقول شنو يعني🤨😒)
🌔α-Thalassemia trait ➡️ حذفنا اتنين
🌔HbH disease ➡️ حذفنا تلاته
🌔Hydrops fetalis ➡️حذفنا اربعه
(شوفتو كلمة Hydrops fetalis دي يعني البيبي بموت قبل ما يتولد اصلا rbc حقتو منتهيه كلو كلو الأربعه جينات محذوفه💔)

🪶وهنا ال severity بتختلف حسب الألفات الفقدناها يعني اكيد most severe إنو نفقد ٤ ألفا جين وما بكون عندها قابليه اصلا لي توصيل ال oxygen وقلنا ال fetus مالو بموت. أما في حالة نفقد ٣ جينات ف هنا أحسن شويه 😞.

🪶وبكون عندي دايما تعويضات يعني فقدت ٢ ألفا جين ح اخت بدل الاتنين ألفا الفقدتهم ٢ بيتا ( أو قاما γ في حالة early life زي البيبي )و لوفقدت ٤ ألفا بعوض بي ٤ بيتا وهكذا العكس صحيح في حالة فقدت بيتا جين.

🪶 عندنا ال HbH (ده لما افقد ٣ جينات عاين فوق 🙄) ⬅️ في حالة التعويض بي بيتا
وHb Bart ⬅️ لما التعويض يكون بي قاما وسموه على العالم الاكتشفو
HbH وHb Bart
ديل بكون عندهم high affinity للأوكسجين وعشان كده برضو ineffective for deliveryring oxygen .
🪶وهنا نسبة ineffective erythropoiesis بتكون شويه ارحم من في حالة ال β-Thalassemia وحنشوف بعد شويه يعني شنو الكلام ده .

🌒β-Thalassemia

🪶وعشان أنا وانت دايرين ٢ بيتا قلوبين بنحتاج بس لي ٢ جين واحد من الاب التاني من الأم ومحمولين في الكرمسوم رقم ١١ وبعملو لي 2B-globin عشان كده بس عندي نوعين من ال بيتا thalassemia

🌓β-Thalassemia types:-

🌔β-Thalassemia minor ➡️ حذفنا one gene
أو ممكن نقول حصل *defect* واسمها التاني
(β-Thalassemia trait)

🌔β-Thalassemia major➡️حذفناهم الاتنين

🪶 وفي بعض المراجع بتقول إنو في نوع تالت من ال thalassemia الحده المرضيه بتاعتو بتكون بين ال minor و ال major عشان كده اسمو
🌔β-Thalassemia intermedia
ونحن ما حنقصر معاكم وح نوريكم ليهم التلاته ما تشيلو هم🤗

🪶طيب لو حصل لي defective في
β-globin in β-thalassemia
ح يحصل شنو (لاحظتو قلت *defective* ما *deletion* لانو هنا نسبة حدوث خلل أكثر من إنو نحذف الجين زاتو لكن لو حصل خلل بعتبرو برضو زي المحذوف لأنو بكون ما كويس🤕)يقوم الrbcيتملي حسب ال بيتا الفقدناها α-globin يعني لو فقدنا بيتا واحده حنعوض بي ألفا بدلا ولو فقدناهم الاتنين ح نعوض بي ٢ ألفا .

🪶ال defect ده حيأثر على rbc كيف ؟؟؟؟
🪶أول شي ح تكون صغنونه يعني *microcytic* وما بس كده حتكون pale لأنو ارتباط الهيموجلوبين بي oxygen حيتأتر يعني حتكون *hypochromic*.

🪶وتاني شي تراكم ال α-globin ده حيأثر شديد على membrane of rbc وح يحصل ليها die by apoptosis في ال bone marrow🗑️ ولأنو زي ما انتجنا ال rbc في ال bone marrow وماتت فيهو بعد صنعها بي شويه بنسمي العمليه دي *ineffective erythropoiesis* لأنو ما استفدنا شي من ال erythropoiesis ومرات مرات ال rbc اللي مفروض تموت دي بتهرب من ال bone marrow لكن ال spleen ما بخليها وبقتلا💪🏻 ده في حالة β-Thalassemia major
يعني ال major دس مصيبه كبيره

نتكلم عن شوية
🌑Morphology:-

لو حابين تعرفو اكتر عن الموضوع 🌹✨

*📱أونلاين📱*

*🌺مركز الإخوة للتدريب والتنمية البشرية*
بالتعاون مع
*🌺المجلس القومي السوداني للمهن الطبية والصحية*
يقدمان

*المؤتمر الأول الأمراض الشائعة في السودان: (إستراتيجيات الوقاية والتدخل)"*.

*💥 المحاور والأوراق العلمية* :

1. *ورقة حول الوضع الصحي العام في السودان* .
2. *ورقة تعريفية عن الأمراض المنتشرة حالياً وأهم الأمراض المزمنة* .
3. ورقة عن الأمراض المنتشرة *(البلهارسيا – الملاريا -حمى الضنك – الكوليرا)*.
4. *ورقة عن الأمراض المزمنة *(السكري – السرطان – القلب )*.
5. *ورقه علمية في تعزيز النظام الصحي والرعاية الأولية*.

🔴للانضمام عبر الرابط :
https://chat.whatsapp.com/GOBZsabjnp18vwgSiQIM6s

السلام عليكم ورحمة الله وبركاته
دكاترتنا الأعزاء جبنا ليكم فرصة تطوير لل C.V لو حابين 🌹

بسم الله الرحمن الرحيم
منشور رقم (116)

Sideroblastic Anemia


📍Post Guidelines:

_ Definition
_ Causes
_ Clinical & lab findings



اليوم موضوعنا بسيط شديد وساهل، وقبل ما نبدا عاوزة انبهكم انو لو ما قريتو بوست الheme synthesis ارجعوا أقروه عشان درس الليلة معتمد عليه، يلا بسم الله:

🔖<Definition>

● لمن اتكلمنا عن ال heme synthesis قلنا بتكون من fe & protoporphyrin..
● وقلنا لمن يحصل deficiency في الحديد الزول بكون عنده iron deficiency anemia..
● يلا ال sidroblastic anemia هي مشكلة في جزء ال protoporphyrin، في تصنيعه تحديدا.. 💁‍♀️
● ولمن ما يبقى عندنا protoporphyrin الحديد حيتحبس جوة ال mitochondria ويقعد في شكل حلقة ومن هنا جا اسم sideroblastic.🔄

● ⬇️protoporphyrin --> ⬇️ heme --> ⬇️ hemoglobin --> microcytic anemia


🔖<Causes>

الأسباب يا:
🧬congenital:
بكون في defect in ALAS.. ال ألا سينسيس لو متزكرين.

🍷acquired:
ممكن يكون بسبب واحد من ٣ اسباب:
● alcohol --> mitochondria poison
● lead poisoning --> inhibit ALAD & Ferrochelase
● vitamin b6 deficiency

🔖<clinical & lab findings>

بكون في
_ ⬆️ ferritin
_ ⬆️ serum Fe
_ ⬇️ TIBC


وبس، شفتوا بسيط كيف؟
يلا في أمان الله

https://t.me/summarysqueezer
#Hematology
#summary_squeezer

تستطيع أن ....
تقهر الحديد ... وتصهره🔥... تدفع بالصواريخ الي الفضاء البعيد ... وبطلاب الشهاده الي السعاده وافاق المستقبل المشرق 😍 ... إنها :

✨ *الطاقه في التفاعلات الكيميائيه* ✨

عنوان حصتنا في هذه الليله بمشيئه الله علي قوقل ميت _مع الاستاذ / عاطف عبد اللطيف_ في تمام الساعه الثامنه بتوقيت السودان الغالي 💚

أنت تملك محتوي حراري ...إذا أنت قادر علي التحدي والنجاح والتميز 🔥

https://meet.google.com/vfo-jdsy-gwu

السلام عليكم ورحمة الله وبركاته
مساكم الله بالنـور والسرور ..

أي زول بعرف زول ممتحن شهادة (أخوهو قريبو ولد جيرانو صاحبو المهم)

خليك قريب
بعد شوية حننشر رابط لحصة كيمياء للأستاذ عاطف عبد اللطيف 🔥

عسى يستفيد منها زول

بسم الله الرحمن الرحيم
منشور رقم (115)

Iron deficiency anemia

📍Post Guidelines:

_ Introduction
_ Iron metabolism & Iron distirbution in the body
_ Etiology
_ Clinical manfistation & Diagonsis
_ Management

🔖<introduction>
الليلة حنتكلم عن اكتر نوع شائع للأنيميا في العالم كله وأكيد كلكم عارفنه وأغلبكم امكن عنده وهي الانيميا بسبب نقص الحديد..
وكلنا عارفين انه الحديد هو المكون الرئيسي البشتغل شغل ال red blood cell بإرتباطه بالاوكسجين فعشان كدة نقصه طوالي يؤدي الى انيميا..💁‍♀️

⬇️ iron --> ⬇️ heme --> ⬇️ hemoglobin --> microcytic anemia

🔖<Iron metabolism & Iron distrbution in the body>

طيب وين بكون الحديد قاعد في الجسم؟
قال ليك
● 65% منه بكون قاعد في RBCs
● 30% بكون في شكل ferritin & hemosidrin وديل ال storge form بتاعه
فضل 5% مشت وين؟
● 3.5% منها مشت ال myoglobin في ال muscles عشان تعمل لي storage للاوكسجين في وقت الحاجة
● نص% في ال enzymes
● ونص% حايمة في الدم ساي ومربوطة مع ال trans_ ferrin
بس

بعد ما عرفنا وين الحديد دا بكون متواجد نشوف ال metabolism حقته (كلها ٤ خطوات ساهلة وبسيطة)
ارررح🔥:
1. أول ما يصل الحديد ال duodenum بحصل ليه امتصاص عن طريق ال enterocytes بتشتغل كعبّارة توديه من ال small intestine الى ال blood stream🛶
2. هناك بستلمه ال transferrin.. اللي هو المواصلات حقت الحديد في الدم من اسمه transportation
3. المهم بوديه الى ال liver وال bone marrow بحيث يستعمل في ال blood cells formation🩸
4. الباقي بحصل ليه storage في شكل ferritin & hemosidrin

🔖<Etiology>

في رايكم شنو الحاجات الممكن تسبب لي IDA؟؟
فكروا دقيقتين كدة


◇ inadequate intake of iron or high intake of inhibitors of iron absorption:
من الاسباب الرئيسية لنقصه هو انه الزول ما بياخد منه كمية كافية يوميا..
طيب انتو ممكن تسألوا سؤال اي الاطعمة بتحتوي على حديد؟
عندكم اللحوم الحمراء بأنواعها، برضو الحبوب والبقوليات ناس الفاصوليا والكبكبي وأخيرا الخضروات..
فأغلب الناس البتعاني من الانيميا بسبب نقص الحديد بكونوا ناس ميتانيين وما بياكلوا أو بياكلوا لكن بياكلوا حاجات ما مغذية (وانتو فاهمين انا قاصدة شنو بالحاجات الما مغذية🌚)
وممكن يكونوا بياكلوا وبياكلوا حاجات مغذية كمان لكن بياكلوا حاجات بتوقف الامتصاص بتاع الحديد
زي شنو؟؟
المنبهات زي القهههوة🌚 وشاي الاعشاب والكحول وغيرها من الحاجات

◇ excessive blood loss:
ممكن بحادث ممكن بالدورة الشهرية ممكن هيموفيليا ممكن حاجات كتيرة

◇ high fertility rate ( لانه
البيبي بستهلك حديد كتير)

◇ low iron store in newborn

◇ Hookworm infestitation
انه يكون في دودة في بطنك تقضي على الاخضر واليابس.

🔖<Clinical manfistations>

📍symptoms:

_ fatique
_ dizziness
_ palpitations
الزول بحس بتعب ولفة راس وبحس بضربات قلبه قوية زي لمن مرات الزول يكون جاري شديد او عمل حاجة وخايف يكشفوه🌚

📍signs:
_pallor:
الشحوب دا ممكن تتأكد منه في راحة اليدين والجفون بجوة واللسان بالجنبات.. بقول ليك عشان تشوفه تقارن يدك بيد الزول العيان
_ koilonychia
الاظافر بتكون مطفوجة في النص
_ smooth tongue
_ splenomegally

وغيرها

🔖<Management>

قبل المنجمنت انحن بنعرف في نقص في الحديد كيف؟
طبعا بنقيس كمية الحديد في كل مكان بقعد فيه في ال blood وفي ال storage form
بنشوف شكل ال rbc عاملة كيف طبعا بتطلع microcytic
وطريقة اخرى نديه حديد وكان استجاب ليه العيان يبقى عنده، بس ببساطة🤷‍♀️❤️

نرجع..
طبعا بندي حبوب حديد او برضو ابر بالوريد والعضل ولو كان بسبب blood loss نعمل transfusion💉

وبس كدة انتهينا
بالتوفيق ليكم جميعا❤️

https://t.me/summarysqueezer
#Hematology
#summary_squeezer

أخبـار حلوة من الصباح✨️

اللهم لك الحمد..هنيئاً لك يا سوريا هنيئاً لك يادمشق
الله يتمم فرحة إخواننا في سوريا بنصر
وفتح كل محافظاتها🤲

وعقبال السودان وكل العالم الإسلامي🤲

#Hematology

🔴 CBC:
(او ما معروف بي  complete blood count )
دى بيظهر ليك نسب حقت :
[ RBc -WBc -pleatlets - HB ]
وفي تاني حاجه بتظهر اسمها MCV

🔴 what is MCV ?
اسمها mean carposcelar volume
دي بتقدر تحدد ليك ال size حق ال cell 
حجمها الطبعيي بيتراوح بين 80 - 100
ودي من خلالها بنقدر نقسم انميا لي ثلاثه انواع رئسيه:

🔳 microcytic:

دي الخليه صغيره ودي بتظهر في حاله :
Iron definicy Anemia 📛
Thalassemia 📛
Sidroblastic anemia 📛

🔳 macrocytic
دي الخليه بيكون حجمها كبيره ودى النوع  البيجي  للناس النباتين 🤭
📛ناس VB12 definicy Anemia

🔳Normocytic
دي من اسمها حجمها نورمال  بتظهر في حاله :
📛  Hemolytic Anemia
( ونوع دى فيهو انواع تانيه كتيره معاهو يعني هو خشم بيوت مامكن عيان يجى اقول عندو Hemolytic Anemia  لازم اعرف الحاجه السببت ال Hemolysis و type شنو
هل هو intravascular و لا Extravascular )

📛 Anemia of chronic disease

💢واي Type حق انميا قلناهو هنا بنحاول نتكلم عنو بالتفصيل

بعد كدى بقول ليكم نتلاقى على خير ونلتقي في حلقه دسمه تانيه قريب
Bye Bye 👋 👋

https://t.me/summarysqueezer
#Hematology
#summary_squeezer

بسم الله الرحمن الرحيم
منشور رقم (114)

》》》Anemia and it's Classification

السلام عليكم ورحمة الله وبركاته
كيفك يا شباب ان شاء الله بخير

نحكي حكوه سمحه كدى قبل ما نبدى رايكم شنو 😉

⚜️كانا يا مكان في حته كدى بعيده المهم بمانك زول خير كدى ما شاء الله عليك ربنا يزيدك ويبارك عليك
شفت منشور قالو انو في حوجه محتاجين زول يتبرع دم و فانقل مثلا O-
قلت نمشي نلحق الزول سريع لمن جو يسحبو منك لقو انو هينوقلوبين عندك ناقص
من كلام دى فهمت ؟
الزول دى عندو انميا !!!! 👻

Yep !!
سمعتني صاح انميا

ودى موضوع الليلة ان شاءالله

معليش قصه مبتذله المره جايه نجيب مقدمه تحرق الدنيا 🤭🤙

🔷️ اول حاجه نعرف حبه أنتومي كدى :
القصه بتبدى من Bone marrow دى بتلقى فيهو stem cell اسمها pleuriputnet stem cell
دي ياصاحبي ال soucse يلا دي بتتقسم لي خليتين

⚜️ meyloid progerator cell
[ دي بتقسم لي ثلاثه أقسام رئسيه ] : -

▫️ Eythroid:
[ دي بتكون ليك red blood cell ]

▫️meyloblast :
[ بتكون ليك ال white blood cells
ياهم جماعتنا بتعين ال inflammation
( netro - Basio- esino)

▫️megakaryocytes:
[ ياهو دي بتكون ال platlets ]

⚜️ Lyphomoid:
[ المعرف لا يعرف مفترض من اسمها تعرفو حتكون شتو 🙃 ياهو B و T lyphocyte ]


يلا في نقطه كدى داير اقيف فيها ...
[ال maturation حق Tو B ]

T cell بتتكون في Bone marrow ▫️
لكن ال maturation في Thymus

[ لمن الزول يكون عندو كانسر في ال Thymus دى بياثر على maturation حق T cells ]

▫️اما B بتتكون و بيحصل ليها maturation في Bone marrow

يعني حتفرق يامعلم ما خلاص اكونت 😑
و شايف احتمال كبير تفرق مكان تواجد دى عشان لي قدام في أنواع من lyphoma( و حده من سرطانات في عقد اللمفيه )
عندها مسميات كدى بتختلف على حسب المنطقه زي
[ margin zone - folicular.....و هكذا
دي خارجيه كدى لي بعدين بنشح كلام دى بي مزاج 👍


🔷️بعد كدى نشوف حبه Physiology برضو :
اها متذكرين موضوع الهيموجلوبين 🙃 اها مفترض نعرف النسبه الطبيعيه لل الهيموجلوبين عشان نحدد هل زول دى عندو انميا او لا
لل male :
[ 14 -16]
لل female :
[ 13- 15]
المهم تعرف انو 9 وانت نازل انت خاشي في انميا في مراجع بتقول لحدي 10 دى طبيعي عشان كدى قل تعمل حسابك لو وصلت 9

▫️النقطه التانيه نعرف انواع ال Hb
عندك لل Adult اكتر من نوع طبعا سبب الاختلاف بيكلم نوع حنقولو هو اختلاف في ال chains او بطريقه علميه اكتر ال subnuits قاصد زي
Alapha - Beta - delta
وكدى
الأنواع هيا :
HbA - 1
HbA2- 2
HBF- 3
( النوع دى الوحيد العند الجنين في بطن امو)
عشان طبعا عندو Afintiy يرتبط بالاوكسجين افضل من الانواع الفاتت
HbA1c - 4
( النوع دى عندو قدره يرتبط بي Glocous meloceus عشان كدى بيطلبو يشوفو المستوى حقو عامل كيف في مرض ال DM ( سكري)

HbS - 5
( اها الزول البيحمل النوع دى عندو مرض اسمو sickle cell anemia ) الانميا المنجليه دي حصلت بسبب طفره جينيه الحمض الأميني الاسمو menthone تحولي لي احمض اميني تاني اسمو valine ودى الادى لي الواقعه دي



🔷️ بعد كدى نخش في الدش يلا انميا دي شنو ؟
بيقولو ليك أنها :
[State of reduction in Hb concentration below the normal range.]
يعني بختصار الهيموجلوبين حقك دى ناقص 👇👇

💠الأعراض الزول البيجي بي انميا :
Headache. Weakness & fatigability. Palpitation. Pallor in the skin & mucous membranes.

لكن عندي حاجه ظريفه كدى كنت باذكرها بيها بقول :
[ pale and Hachache weak and pale sometimes I have angina sometimes I have murmur]
😉😉

💠 cause of Anemia:
1- blood loss :
▫️يلا دى نتيجه لي injury مثلا زي car accident
▫️برضو في menstrual cycle بتادي لي blood loss

2- decrease in production:
▫️زي سرطان في نخاع العظام مباشره زي جماعه osteosacroma وديل او مثلا سرطان دم يعني نوع من انواع leukima ودي وقتها بيجي 🤌🤌
او اي حاجه بتعمل Bone marrow supration
زي في دوى اسمو chloramphenicol دى طبعا ناس FDA بيكونو منوع عشان ما تمشي تفتش ساي 🤣🤣

▫️طيب الزول لمن يجي فشل كلوي او الكليه تضضر الHb بينقض عشان الكليه بتفرز انزيم مهم اسمو Eythripoetin او EPO
دى بيعمل stimulus لل Bone marrow عشان يكون RBCs

▫️الناس النباتين 🌿 خضراكم دى ما بياكلكم عيش 🤣🤣 في نوع بيجي بسبب نقصان في Vitamin B12


3- increase destruction :
دى زي Hemolytic anemia
دى النوع بيكسر ليك RBcs او cell membrane بيكون فيهو defects


🔳النقطه الجايه دي مهمه ومن خلالها بتتضح الرؤية :
💠 Tests :
لمن ياخدو منك عينه دم بتمشي المعمل بيعملو ليك كم test كدى :

#summary_squeezer
#Hematology

بسم الله الرحمن الرحيم
منشور رقم( 113)

السلام عليكم ورحمة الله وبركاته
كيفك يا شباب ان شاء الله بخير

.الليله موضوعنا عن
》》》 Hem catabolism

🔳قبل اي حاجه اول حاجه نعرف التكوين حق ال Hemoglobin عامل كيف🤝

🔴 اول حاجه ال Hemoglobine دى موحود فيRBC زي ما عارف طبعا
يلا بيتكون ليك من gloubin و Heme

⚜️ال Heme دى يامعلم لمن يحصل اي Hemolysis due to Hemolytic anemia او مثلا ال red blood cell يعجز 👴يعني عمرو او life spam حقتو تصل 120 يوم بيمشي المقبره 🪦 aka ( spleen)
🤭🤭 عندك ال spleenic macrophage دي بتكسرو يلا الهيم بيتكك لي Fe +2 و prophyrin
لو متذكرين انو قلنا في منشور سابق إنو ال iron بيرتيط بال porphyrin بالانزيم الاسمو Freocheltase

قريتو ولا لا 😑😑 لو لا أجرى كشف ليهو سريع وتعال عشان كلام دى مكمل للفات


اما الجزء التاني والهو gloubin هو ال iron ليهم فايده ديل بيشيلهم تاني عشان يكون ليك RBC جديده

يلا prophyrin دى بيتحول لي Bilrividen
ال Bilrividen دى بيتحول ⬅️ Billrobine عن طريق انزينم Bilriven redcutase


بعد كدى دى بيمشي لل Liver وتبدى تشتغل ليهو
من النقطه دي ممكن اقول بيبدى سلسلة عمليات عشان يتخارج من Billurbin
دي مقسمه لي ثلاثه خطوات كالاتي :-


🔷️ Uptake by liver :-

بيمشي من ال Blood stream بيكون مرتبط بال plasma albumin بيخش وبتستلمو ال Hepatocyctis في cytosol بتاع ال liver ال Billurbin بيرتبط بي cytosolic protein اسمو
Ligandin
في وحود انزيم glutathione - S tranferase
عشان يمنع ال Billurbin انو يرجع لل blood stream


.. لحظه ادراك 🙂
لو متذكر الحركه دي برضو بتحصل مع ال Glucuose
لمن انزيم ال Hexokinase يشتغل عليهو ويحولو لي G6P ( دي بيسمو Trapining عشان جلكوز ما يرجع لل blood stream تاني )
اها بتشبها ولا لا 😉

... نتابع

🔷️ conjugation by glucrounic acid :-

▫️ يلا ال Billurbin lipid souble انت داير تحولو لي water souble عشان المصفه الدوليه( kidney) تخارجو برى الجسم

يلا كلام دى كلو بيحصل بي انزيم
UDP- glucuronyl transferase
دى بيحول ليك Billurbin لي اثنين glucuronyl monmers
يعني لي [ di glucuronyl و mono glucuronyl]


🔷️ secretion into Bile :-

▫️يلا intestine bactria دي بتحول Billurbin لي urobilinogen
ال fate حقتها يا :

▫️يا يحصل ليهو oxidation ويبقى streptobiline ودى بيمشي مع ال feaces وبيدي ال colour حقها

▫️يال يمشي بي طريق ال kidney ويتخارج برى الجسم على هيئه urobilne


يلا اخر نقطه :
CLINICAL corels:-

🔷️( اليرقان) jaundice

يلا تلاته انواع :
1- prehepatic
[ دى بيحصل بسبب التكسير لل RBc زي مثلا Hemolytic anemia

2- Hepatic
[ دى طبعا بسبب مشكله في ال Liver مباشره ممكن بسبب cirhosis ( تليف كبد ) او
[ Hepatitis( الالتهاب الكبد الوبائي )

3 - posthepatic
او بيسمو بال obstrctive
[ من الامثله المتذكرها ليهو canceroma in head of pancreas ]

🔷️ في حاجه تانيه كدى اسمها Kernectrus
دى بكل بساطه بيجي لل babys بيحصل تراكم لل Billurbin في brain بيحصل swelling في brain دى بيسبب mental retardation
لكن اهم حاجه انو دى بيجي للأطفال بسبب ال Hemolytic anemia

💢ال jaundice حتفضل فيهو اكتر في أمراض ال GIT ان شاءالله دي بس حاجه تنوريه كدى 😉

⚜️ حافظ على نفسك وصحتك لمن الاقيك بخير ان شاءالله في حلقه أخرى 🤭🤭

يلا سلام 👋👋

https://t.me/summarysqueezer
#Hematology
#summary_squeezer

حاجة صغيييرة كدا في الهيما والإميون

بسم الله الرحمن الرحيم
منشور رقم (112)

》》》Embryonic Period (part5)

السلام عليكم و رحمة الله وبركاته ✋
كيفكم يا دكاترة يا رب تكونو بصحة و خير و سعادة 😁

نواصل الليلة الجزء الاخير ة حانتكلم الليلة عن ال endoderm ساهللل شديد ودا مسك الختام ✌️

اول حاجة عشان نفهم الاعضاء الحاتنتج لينا منو هو شنو و حايكون شنو مفترض نتكلم عن حاجتين مهمات شديد الهم
1. embryonic folding
2. Fused membrane


🟦embryonic folding
يلا عندنا نوعين من انواع ال folding الحاتحصل لينا اعتمادا على حسب الanatomical sections  الانت شغال بيهو حاتحصل الزيادة :
◼️1. Lateral folding
و هنا حانعمل للجنين cross section .
الطريقة دي نحن بنقدر نشوف
1. Gut cavity
2. Sections of gut tube
الحايحصل شنو في النوع دا من ال folding🤔
الحايحصل انو الجنين حايعمل folding في الاجزاء ال lateral
(بالصورة بتوضح ) و حاتفضل تعمل folding بالجنبات الlateral لما يتلاقو و  يقفلو على بعضهم و يبقى عندنا جنين مدور😅( cylindrical embryo )


◼️2. Longitudinal folding / craniocaudal folding:
و هنا نحن بنقدر نشوف ال folding البيحصل للجنين من ناحية الراس و الذيل
طيب دا نحن بنشوفو كيف ، بنشوفو لما نعمل sagittal section للجنين
و برضو النوع دا نحن ممكن نشوف بيهو
1. Gut tube length
2. نحدد بيهو اجزاء ال gut tube
3. Endoderm
derivation

🟰🟰🟰🟰🟰🟰🟰

🟦Fused membrane
و هنا بيتحدو غشاءين او طبقتين مع بعض بفعل ال longitudinal folding عشان يكونو لي تركيب واحد 1+1 =2

◻️1. Buccopharyngel membrane
و دا بتكون من اتحاد الاكتوديرم و الاندوديرم مع بعض في ناحية الراس ( cranial )
Ectoderm + endoderm ( in cranial side)= Buccopharyngeal membrane
و دا حايدينا لقدام ال mouth
◻️2. Cloacal membrane
و دا بينتج من اتحاد الإكتوديرم و الإندوديرم في ناحية الذيل او الناحية البعيدة من الراس ( caudal )
و دا حايدينا لقدام ال anus
Ectoderm + endoderm ( in caudal side)= Cloacal membrane
الكلام دا كلو بتشوفو لما تعمل للجنين sagittal section 👍

📍📍📍📍📍📍📍📍📍
خلاص مرقنا بس تاني نشوف الاعضاء البتنتج لينا من طبقة الاندوديرم
Endodermal derivatives

📌الاندوديرم بيبطن ال gut tude يمعنى انو هو بكون الطبقة الداخلية لل tube دي
🔗Lining of the gut tube
طيب ال gut tube دي مقسمة لتلاتة اقسام
1. Foregut
2. Midgut
3. Hindgut
و اي واحد من التلاتة اجزاء ديل بكون اعضاء براهو


🌀1. Foregut
و دا لانو واقع اول حاجة و قريب من منطقة الراس👶 فجايكون لينا الاعضاء الاولى او الفوق في الجهاز الهضمي
اتخيل نفسك ضربت ليك سمك محمر 🐠بشطة كدا اتخيل بس ما تمشي بعيد🤣 اول من انت بتبلع حايمر ليك في ال pharynx 🔸
وبعدين حايجي نازل في ال esophagus 🔸
و يجي بعدين لل stomach🔸
و يمشي🔸 لاول جزئين في الامعاء الدقيقة ( first two parts of the duodenum )
و برضو ال foregut دا زول ما هين👴🏻 و قاعد في الاول و قدام كدا و بحب الخير قال انا حاكون ال الاعضاء المساعدة للجهاز الهضمي  git associated organ ✊
عشان انا اكبر واحد و ما اتعب اخواني الجايين من بعدي 👌
و الاعضاء دي هي
1. Respiratory tract
2. اي حاجة عندها حاجة ب صحن المرارة اقصد
ال hepatic زي الكبدة و راس البنكرياس و  gallblader
3. اجزاء البنكرياس و هم الراس و الذيل


🌀2. Midgut derivatives
بعد ما السمك بتاعنا دا جاء في ال اول جزئين من ال duodenum حايجي نازل في🔅 اخر جزئين من ال duodenum
و برضو ال jejunum 🔅و ال ileum 🔅
يعني الامعاء الدقيقة كلها ما عدا اول جزئين للduodenum

بالنسبة للامعاء الغليظة حايكون فيها حاجتين بس
🔅1. Cecum
🔅2. Ascending colon
🔅3. Proximal 2/3 of transevere colon


نجي لاخونا الاخير و الصغير الهو
🌀3. Hindgut derivatives
و دا حايكون لينا اخررر اجزاء الجهاز الهضمي
☑️1.Distal 1/3 of transverse colon
☑️2.Descending colon
☑️3.Sigmoid colon
☑️4.Rectum
☑️5.Anal canal

كدا نقول مع السلامة لل embryonic period
الحرييية و اخيرا ☠️😂😂
إن شاء الله نتلاقى المرة الجاية في واحد من منشوراتنا المميزة
بسسس ، ابقو عافية 😁وما تنسو Enjoy medicine 🫡

#summary_squeezer
#Embryology
https://t.me/summarysqueezer

ركزوا هنا انو لما somite mesoderm قفلت على ال splanchic mesoderm في عملية ال folding حاتبقا ال splanchic جوة و ال somatic برة و دا الطبيعي لانو من الاول نحن كان عندنا طبقة ال somatic فوق ال splanchic

#Embryology
#summary_squeezer

هنا شايفين ال
1.dermatome
2.myotome
3.sclerotome
💢 ملاحظة ال sclerotome لو ركزتو بتلقوها واقعة ventral
و ال dermatome بتلقوها واقعة dorsal
____
برضو شايفين كيف انو somatic layer طالعة لفوق و splanhic layer نازلة لتحت ( اقصى يمين و اقصى شمال الصورة )

#Embryology
#summary_squeezer

هنا ملاحظين لل neural tube( البنفسجي )و كيف انو الميزوديرم متقسم على جهتينو اليمين و الشمال دا طبعا بعد ما حصل ليهو تمايز
برضو بنلاحظ انو ال paraxial mesoderm (برتقالي) بكون more medial اقرب لل notochord يعني اقرب لخط المنتصف

#Embryology
#summary_squeezer

يا سعادة الدكتور ..
ركز للجاي 👀

بسم الله الرحمن الرحيم
منشور رقم (111)

》》》Embryonic Period (part4)

السلام عليكم ورحمة الله وبركاته 👋
كيفكم يا دكاترة
إن شاء الله تكونو بصحة و عافية و سلامة 💛
نواصل كلامنا في الميزوديرم و الاعضاء البيكونها لي
انتهينا المرة الفاتت من paraxial mesoderm و عرفنا الاعضاء النتجت عنو👌👍
حانخش الليلة في ال
🔵 intermediate mesoderm derivatives
🔵lateral plate mesoderm
و نكون على كدا قفلنا قصة الميزوديررم دي😖
__

🔵 intermediate mesoderm derivatives:
بتكون لنا اعضاء مهمة لثلاث حاجات اساسيه في الجسم :
1. Renal system
2. Gonades
3. Ductal system
طيب نمسك واحده واحده :
🔹️renal system
✔️و دا حاتكون لي فيهو ال kidneys
🔹️gonads
✔️بتكون فيهو ال testes لل males و ال ovaries و ال uteres لل females
⛔نعمل حسابنا انو ال vagina بتكون بواسة الاكتوديرم
🔹️ductal system و دي عبارة عن قنوات او tubes
✔️ urethra ( renal system )
✔️epididymis ( gonades )
✔️Vas deferns ( gonades )
✔️Fallobian tubes ( gonades )

💠💠💠💠💠💠💠💠💠💠💠💠💠💠💠
نجي لاخر نقطة و هي :
🔵lateral plate mesoderm :
و قلنا انو دا بكون لينا two layers اي وحدة فيهم بتكون لي اغلفة و اعضاء ، اول layer هي :
🔸️somatic layer ( somatopleuric )
⬅️ layers it form :
و دي بينشأ لي منها (عصابة parietal )
✔️Parietal pleura ( الرئة )
✔️Parietal pericardium ( القلب )
✔️Parietal peritoneum ( abdomen and pelvic wall )
جدار المنطقة البطنية و منطقة الحوض
و دي كلها عبارة عن اغلفة بتحيط لي باعضاء معينة ( اي طبقة كتبت ليكم العضو بتاعها جمبها في قوس 🐤)

⬅️organs it form
✔️ adrenal cortex
✔️spleen
✔️ smooth muscle of GIT
✔️ central nervous system
✔️bone marrow
✔️lymph nodes

الطبقة التانية البتكونها هي
🔸️splanchnic layer ( splanhcoclenic layer )
و دي بينشا منها عصابة visceral
⬅️ layers it form :
✔️Visceral pleura ( الرئة )
✔️Visceral pericardium ( القلب )
✔️Visceral peritoneuim (الغلاف دا بيحيط ببعض اعضاء الجهاز الهضمي زي المعدة و الكبد و الطحال و اجزاء من الامعاي الدقيقة و الغليظة)

⬅️organs it form
✔️sternum
✔️bone of the limbs

فيووووو 😮‍💨الحمد لله كدا نكون انتهينا من الميزوديرم🥳 فاضل لينا اااااااخر شي و هو الإندوديرم 🥲نواصلو إن شاء الله في المنشور الجاي 😁🏃....

https://t.me/summarysqueezer
#summary_squeezer
#Embryology

بسم الله الرحمن الرحيم
منشور رقم (110)
》》》Embryonic Period (part3)

السلام عليكم ورحمة الله وبركاته ✋💫
كيفكم يا دكاترة 😁يارب كدا تكونو بصحة و سلامة وعافية 🤲
نواصل حديثنا 🏃


و كان انتهينا من تكوين الميزوديرم و عايزين نبدا نكون الاعضاء 👍

🔴 يلا اول ما الميزوديرم يتكون حيبدا يحصل له differentiation( شرحناها في البوست الفات اخر نقطة🙂‍↕ ) عشان يكون لينا ثلاثه اجزاء اساسيه يعني الميزوديرم حيكون لي ثلاثه اجزاء اساسيه منها حتتكون لي باقي الاعضاء

1️⃣اول واحد اللي هو *paraxial mesoderm*
وده بيكون most medial بكون قريب شديد لل neural tube و ال
notochord plate🧠
2️⃣جنبه طوالي حيكون عندنا *intermediate mesoderm*
3️⃣واخر جزء وهو ال *lateral plate mesoderm*
و دا حايطلع لي منو تركيبين واحد طالع لفوق حنسميه
▫️somatic layer
و التاني نازل لتحت حانسمية
▫️splanhic layer ( ملاحظة )💢


الثلاثة اجزاء دي حاتكون على جانبي ال neural tube and neural plate يعني التلاتة تراكيب دي حاتكون باليمين و بالشمال )

يلا اي واحد من الثلاثه
تراكيب دي او الثلاثه اجزاء دي هيكون لي اعضاء مختلفه

نبدا بال
*paraxial mesoderm*
🔅وده اللي هو حيبدا يتقسم لاجزاء صغيره بنسميها somites
🔅ال somites دي بيجو يكونو لي تجاويف بجوة ( اي somite حايكون داخلو في تجويف ) حانسميهل ال somatocele
🔅 حاتبدا ال somatocele تكبر و تكبر و تكبر لما تفصل ال somite لجزئين ( زي عندك عيشة قسمتها لنصين ) الجزء الفوق حنسميه
🔹dermatome
والجزء التحت حنسميه sclerotome🔹
ده في اي somite براها

🔅 حتقوم يلا الطبقتين ديل يحصل لهم تمايز عشان ما يكونوا لي طبقه ثالثه في نصهم حنسميها myotome
💢ملاحظة صغيرة
ال dermatome حتكون واقعه dorsal وsclerotome حتكون واقعه ventral

🔅 يلا اي واحد من التراكيب الثلاثه دي حيكون اعضاء براهو حتبدا ال

🌀dermatome
💠تهاجر لل ال neural tube و تغلفو عشان ما تكون لي ال meninges( الغلاف البحيط لي بالمخ و النخاع الشوكي)
💠 برضو حاتكون ال dermis بتاعت ال skin

🔅 و حايبدا ال
🌀myotome
يكون لينا ال
💠skeletal muscles

🔅و اخر شي ال
🌀sclerotome حاتكون لي
💠vertebrae
💠IVD ( inter vertebrae disc )
💠Ribs


و اخيرا 😮‍💨🥳
انتهينا من ال paraxial mesoderm نجي المرة الجاية نشوف ال intermediate mesoderm و ال laterl plate mesoderm ✋

يارب تكونوا استفدتو وانبسطو😁🔥
وبسسسس إلى لقاء قادم🫡 في رعاية الله✨️

Enjoy medicine 🫡
https://t.me/summarysqueezer
#Embryology
#summary_squeezer

تعب شديد مش؟😭
بتعرفو شنو عن الباراسيتامول paracetamol? 🤔

#summary_squeezer

بسم الله الرحمن الرحيم
منشور رقم(109)

》》》Embryonic Period (part2)

السلام عليكم ورحمة الله وبركاته 😁🤝
كيفك يا دكاترة يا رب تكونو بخير ✨

نكمل حديثنا في الاكتوديرم 💤....
يلا الليلة حانشوف الاعضاء الحاتتكون لي من الطبقة دي شنو ؟
١.  neural crest و دي بتنشأ منها

🔹️ Peripheral nervous system و قاصدين بيهو الاعصاب البتطلع من المخ و الحبل الشوكي و تلف لي الجسم كلوو

🔹️ خلايا ال melanocytes و دي المسؤولة عن لون الصبغة في الجسم

🔹️العضلات ال smooth بتاعت الوجه و الرقبة
دا بالنسبة لل crest cells و قلنا انها اول حاجة حاتتكون من ألإكتوديرم اما باقي الاعضاء البتنتج لي من الإكتوديرم فهي
٢. الجهاز العصبي المركزي
٣.ال retina بتاعت العين
٤. Epithelial tissue
و دا النسيج الببطن لي كل تجاويف الجسم و يغلف كل الاسطح الخارجية 
◾◾◾◾◾◾◾◾◾◾◾◾◾◾

طيب نخش في موضوعنا الليلة 🤓:
🔥Mesoderm derivetes 🔥
حانتكلم عن الاعضاء البيكونها لينا الميزوديرم 😁:
قبل ما نعرف الاعضاء هي شنو 🤔لازم اول شي نعرف الميوزديرم دا بتكون كيف👍

نرجع flash back شوية و نراجع الكلام القلناهو في واحد من البوستات الفاتت


🔶️عارفين الepiblast و ال hypoblast صح 🙂‍↕
🔶️ خلايا ال epiblast حاتبدا تزح من بعض و وحدات تختفي عشان تعمل لي space 🕳️كدا زي المعلقة بالضبط 🥄....
🔶️الجزء البناكل بيهو حانسميهو primitive node و الجزء البنمسكو حانسميهو primitive streak 🍚...
🔶️حاتبدا خلايا الepiblast طوالي تتحرك و تهاجر للتركيب دا ....حاتخش اول حاجة بال primitive node .
🔶️نحن عارفين انو تحت عندنا ال hypoblast صح👌
يلا الخلايا دي بتاعت مشاكل خلاص😂 مشت شاكلت ال hypoblast و قعدت في حتتو و سمت نفسها ال endoderm😎 و الكلام دا كان في اليوم ١٤ - ١٥
🔶️و تاني حاتجي خلايا ال epiblast تدخل بال primitive streak و تكون لينا ال mesoderm في اليوم ال١٦ .
طيب حاتكون الميزوديرم كيف
حاتنزل تحت بال primitive streak 👇
و بعدين تنتشر بالجنبات🙌 و بعدين تمشي لفوق👆 بنقول عليها بالانجلش
The cells of the epiblast start to Migrate and move downwords then laterally and cranially👌.
و دا كلو بتم بتحفيز من ال fibroblast growth factor -8 🧪
🔶️الخلايا دي تعبت و هاجرت المسافة دي كللللها عارفين لشنو 🤔.
اكيد عارفين هسي وريتكم عشان تكون الميزوديرم

🐤ملاحظة
للان ال epiblast لسة ما بقى إكتوديرم و محافظ على هيبتو 🕵️‍♀️

🔶️بعد تكون ال mesoderm قامت الخلايا دي زهجت من انها طوالي بتدخل بال primitive streak 😒و هي زاتها كونت ال mesoderm يعني خلاص😏 .... طوالي يا زول مشت تاني رجعت ل الprimitive node و بقت تدخل بيهو هو و خلت ال primitive streak 😱....

لما دخلت بال primitive node كونت لينا تركيب جديد سميناهو ال notochord🫣 .
كدا شغل ال primitive node و ال primitive streak انتهى 😛
فبقت تاني طبقة الepiblast ما محتاجاهم ... اها حاتقوم تعمل ليهم شنو ؟
ولا شي 🤷‍♀️ بس حاتعمل لنفسها differentiation و حايختفو
اول ما يختفو ما حاتصدق طواااالي بدون اي تفكير حاتتحول ل إكتوديرم 🥳

الخلاصة🌼
خلايا ال epiblast عندها مكانين بتخش بيهم
☝️Primitive streak عشان تكون طبقة الmesoderm 💥
✌primitive node عشان تكون ال notochord و طبقة الendoderm💥

لهنا حلوين .... حلوين❄️🍡
🔵بعد دا نمشي نشوف ال notochord 🍭
و دا بفرز لينا growth factors عشان تحفز لينا عمليتين✌️
☝️تحفز الإكتوديرم انو يكون لينا ال neural tube
واتكلمنا عن تكوينها في بوست ال ectoderm derivatives
✌ بحفز طبقة الميزوديرم انو يتمايز او يحصل ليهو differentiation عشان يكون لينا تراكيب جديدة

🚫نقطة صغيرة
طيب نحن differentiation دي قاعدين نقولها كتييييير قاصدين بيها شنو قاصدين انو الخلايا تتمايز ....يعني شنو تتمايز🧐 يعني اي خلية تكون تراكيب جديدة تعمل او تشتغل وظائف تختلف عن الخلايا التانية 🤝
كدا انتهينا من تكوين طبقة الميزوديرم ...

المرة الجاية إنشاء الله نشوف الميزوديرم دا حايتمايز كيف و يكون لي اعضاء جديدة 🔥

وبسسس في رعاية الله✨️
Enjoy medicine 🫡

#summary_squeezer
#Embryology
https://t.me/summarysqueezer

ملخص ظريف لبعض أنواع الأنيميا..
#Hematology@summarysqueezer

بسم الله الرحمن الرحيم
منشور رقم(108)

》》》Embryonic Period (part1)

السلام عليكم و رحمة الله و بركاته ✋
الليلة حانتكلم عن ال embryonic period🧠🫁🫀
بسم الله نبدأ :
ال embryonic period دي الفترة البنلقاها من الاسبوع الثالث لحدي الاسبوع الثامن من حياة الجنين
3-8 weeks👼
ودي هي الفترة البيتم فيها تكوين اعضاء الجسم من الطبقات الثلاثة الزمااان ديلك ..... تتزكروهم ... الاخوان ولاد جيرم الثلاثة (germ)😁
ناس الإكتوديرم و الإندوديرم و الميزوديرم و ديل بنقول عليهم
Germ layers 🤝
عشان كدا نحن الفترة دي لانو بتطلع منها اعضاء و انسجة جديدية بنسميها
Organogenesis👌
Organ : اعضاء
Genesis : تصنيع او تخليق
ففي الفترة دي اي واحد من الطبقات التلاتة ديك حايبقى واعي و مسؤول من نفسو و حايكون اعضاء براهو 💪
🔖نبدا بالاعضاء الحاتنتج من ال ectoderm
🔖Ectoderm derivatives :
قبل ما نشوف الاعضاء التابعة للاكتوديرم شنو لازم اول حاجة نعرف عملية ال neurulation 🧐
⭕و دي العملية البتم فيها تكوين ال neural tube و من اسمو neural معناتو عندو علاقة بتكوين كللل الحاحات العصبية في الجسم .🧠

طيب نشرح العملية دي بالتفصيل 🎲
١. من اليوم ال ١٥ لحدي اليوم ال ١٧ بيبدا ال notochord يفرز لي ال growth factors
٢. يلا ال growth factors دي وظيفتا انها تحفز خلايا الإكتوديرم انها تنقسم ( proliferation ) و المرحل دي بنسميها ال 🟠ectodermal proliferation
٣. تكاثر خلايا الإكتدوديرم بخلي الطبقة تبقى اكتر سماكة .... يلا التركيب دا حانديهو اسم تاني و الهو 🟰neural plate و دا بتكون في اليوم ١٧
٤. طيب لهنا ركز معاي👁️ .... اتخيل انو عندك ورقة تنيتها لجوة لما شكله يبقى زي الانبوب المفتوح🪵 ( حارسل ليكم صورة تحت واضحة اكتر ) طيب الانبوب المفتوح دا هو نفسو
ال ◼️neural plate
◼️الحواف بتاعتو حانسميها neural folds
◼️الخلايا المحيطة بال folds حاسميها
neural crest cells ال
◼️الحفرة الجوة
حانسميها neural groove و الكلام دا كلو بحصل في اليوم ال ١٨
٥. حاتبدا الحواف بتاعت ال neural folds دي تقرب من بعضها لمااا تقفل مع بعضها .... اول ما تقفل الحواف بتاعت ال neural folds مع بعضها حايكون الانبوب بتاعنا القلنا انو مفتوح اتقفل خلاص و في حالة دي بنسمي الانبوب دا
. 🔷 neural tube
🔷العملية دي حانسميها invagination او folding😁
هسي بقى عندنا شنو ....
بقى عندنا1️⃣ neural tube تحت طبقة الإكتوديرم ( خلال عملية الfolding هو كان بنزل و بنزل لتحت اول ما الحواف اتقفلت قام هو طوالي انفصل عن طبقة الإكتوديرم فبقت هي واقعة بفوق ليهو )
2️⃣ تحت ال neural tube عندنا ال notochord
لهنا تمااام التمام
نسيت اوريكم حاجة
ال neural tube تكوينهل بكتمل في اليوم ٢١ 😁
.....
طيب الneural tube هي اصلا عبارة عن انبوب لكن هااااا ..... الانبوب دا مفتوح من فوق و من تحت
الفتحة الفوق بنسميها
📍 anterior neural pore و الفتحة التحت
بسميها
📍 posterior neural pore
خلال تكون ال neural pores الأم في الفترة دي لازم تستخدم ال folic acid لانو لو ما استخدمتو ال الفتحات دي ما حاتقفل ... و لو الفتحات ما قفلت صدقني حاتحصل مشاكل كبيرة🙂‍↕ طيب الفتحات دي بتقفل في اي يوم 🤔....
📍ال anterior neural pore بتقفل في اليوم ال 24
📍 ال posterior neural pore بتقفل في اليوم 26 .......
لهنا نكون خلصنا عملية ال neurulaton 👍

وبسس ما نكتر عليكم ونكمل في منشور تاني..
سلااااام😁✋✨
Enjoy medicine🫡

#Embryology
#summary_squeezer
https://t.me/summarysqueezer

الشتا جاكم ولا لسة؟🤣

#summary_squeezer
@summarysqueezer

#Embryology
#summary_squeezer

بسم الله الرحمن الرحيم
منشور رقم(107)

》》》3rd Week &Trilaminar disc

السلام عليكم ورحمه الله وبركاته😁✋
كيفكم ان شاء الله كويسين 💫
نواصل شرحنا عن الembryology والليلة حناخد الTrilaminar Germ disc 👏
اخر حاجة قلناها انو الجنين بكون طبقتين صاح؟؟
Epiblast and hypoblast
وسميناها الbilaminar Germ disc
يلا الجنين ده في تطور مستمر نجي نشوف كيف بتحول from bilaminar germ disc into trilamina
متحمسين صاح 🥳🥳🥳:
طيب في بداية الاسبوع التالت بظهر لي خط في السطح بتاع الepiblast بنسميهو الprimitive streak
طيب اهميتو بتتجلى في شنوو؟؟م نستعجل حنشوفها😉

طيب عندنا عملية اسمها الGastrulation
ودي العملية البتم فيها تكوين الطبقات الجرثومية التلاتة
⭐ Ectoderm
⭐ mesoderm
⭐ Endoderm
طيب نبدأ نشرح كيف الطبقات دي اساسا بتتكون 🤔
بتتكون عن طريق حركة اسمها ال(invagination)
بتتمثل في حركة الخلايا الموجودة في الepiblast في اتجاة الprimitive streak عرفتو اهميتو بتتمثل وين صح 😍
ايوووة ممتاز بوجهه حركة الخلايا ليتم تكوين الطبقات الجرثومية الثلاثة
طيب يلا نكمل عملية الinvagination
الخلايا بتتحرك inward movement يعني لي ورا وتاني down .
نقسم الحاجات الحتحصل لي تلاتة :
الخلايا دي اما تحل محل ال hypoblast وتديني طبقة ال(Endoderm)🔰

او تكون في محلها وتديني طبقة ال(ectoderm).🔰

او الخلايا دي تكون between Endoderm and ectoderm وفي الحالة دي الطبقة حنسميها mesoderm.🔰
طيب نستنتج من الكلام الفوق ده شنو ؟؟
والله حنعرف انو الepiblast هي مصدر الخلايا الجرثومية كلهااا .⭐
وعرفنا انو عن طريق الprimitive streak قدرنا نكون الطبقات الجرثومية كلها فهو هنا كانو القائد البوجه لي الحركات⭐
طيب حمدلله علي السلامة عرفنا تكوين الطبقات الجرثومية التلاتة✨😁
نمشي لي حاجة تانية بتظهر لي في الاسبوع التالت
اللي هو ال notochord :
هو عبارة عن clindrical rod shaped structure طيب عارفين بحفز تشكيلو شنو؟؟؟؟
حاجة اسمها primitive node كلمة primitive دي فوق سمعنا بيها صحح؟؟؟؟؟
ايوووووة يلا نهاية ال primitive streak ح اسميها ال primitive node.
طيب ال notochord ده موقعو وين ؟؟
حيكون بين الectoderm and endoderm
طيب حيمتد لحدي وين ؟؟؟
لحدي نقطة اسمها prechordal plate (دي بتكون بعدين future mouth).
طيب نختصر الlocation of notochord
🔰It's extend cranially from prechordal plate..
🔰Caudally into primitive node.

يلا بينا نشوف اهميتو بتتمثل في شنو؟؟
ليهو دور مهم جدا في تكوين الأنبوب العصبي
اللي هو بنقول induces overlying ectoderm to form neural palte.💫💫💫

غير انو بكون basis for axial skeleton 👍.
طيب يا جماعة هو حيكون لي كالاساس البتكون بيهو الهيكل المحوري لكن سبحان الله تاني بعد الاساس يتكون هو يختفي🤯
ايوة زي ما سمعتو حيختفي ولو ما اختفى ممكن يسبب malignant tumer بنسميهو chordoma.
لكن لازم يخلي لينا ذكرى منو وما يختفي ساي😁
الباقايا حقتو عبارة عن
🔰 Nucleus pulposus
🔰Apical ligament connect concoid process axis With occipital bone
اوكيي فضل لينا اخر حدث بحصل في الاسبوع التالت👏👏👏
اللي هو تطور الTrophoblast :
في الاسبوع التاني عرفنا انو حتظهر لينا زوائد وسميناها primary villi وهي بتتكون من cytotrophoblast and syncytiotrophoblast.
عارفين في الاسبوع التالت بحصل شنو؟؟😁👏
The mesoderm penetrate primary villi .
وكدا حنسميها secondary vilii.
طيب في النهاية حتتخترقهم blood vessels وفي الحالة دي ح اسميها tertiary villi💫
اذا لو سألوني مكونات الtertiary villi شنو
الإجابة حتكون
- cytotrophoblast and syncytiotrophoblast ⭐
_mesoderm ⭐
_ blood vessels ⭐
والtertiary villi هي المسئولة عن توصيل الدم والأكسجين للجنين.

كدا الحمدلله رب العالمين خصلنا الاحداث البتحصل في الاسبوع الثالث🥳 اتمنى تكونو استفدتو وإلى لقاء قادم في المنشور القادم..

أي أي وما تنسى Enjoy medicine 🫡

#Embryology
#summary_squeezer

https://t.me/summarysqueezer

إنا لله وإنا إليه راجعون

{ يَا أَيَّتُهَا النَّفْسُ الْمُطْمَئِنَّةُ ۝ ارْجِعِي إِلَىٰ رَبِّكِ رَاضِيَةً مَرْضِيَّةً }


إنتقلت إلى جوار ربها... والدة زميلنا وأخونا مصطفى محمد مبارك أحد أعضاء مجموعة سمري اسكويزر

اللهم إغفر لها وارحمها واسكنها فسيح جناتك مع الصديقين والشهداء والصالحين وحسن أولئك رفيقا

اللهم صبّرهم واجبر كسرهم واربط على قلوبهم، فأنت وليّ ذلك والقادر عليه

ما تنسو تدعو ليها بالرحمة والمغفرة 🤲

#Embryology

بسم الله الرحمن الرحيم
منشور رقم(106)

》》》Second Week &Bilaminar Disc

السلام عليكم😁✋ أخبارك يا دكتور✨️
الليلة حنتكلم عن موضوع مهم جداً ألا و هو ال Bilaminar dis 2nd week of pregnancy🌟

💠 يلا يا شباب نجي نشوف البحصل شنو في day 7 :

متذكرين ال trophoblast و ال embryoblast صاح😀
تمام حلو جداً👏
يلا في day 7 بيبدأ يظهر لينا small cavity بين ال trophoblast و ال inner cell mass أو ال epiblast ( دي من طبقات ال embryoblast ) ، ال cavity ده حنسميه ال Amniotic cavity و ده بعدين حيحيط بال embryo .💫
طيب هل ال Amniotic Cavity ده حيكون قاعد مكشوف كده ولا في حاجة حتجي تحيط لينا بيه؟🤔

ايوة صح ممتاز 👏
أول حاجة حيحيط لينا بيه ال Amnion و بعد داك بجي دور ال epiblast و تقوم تكوِّن لينا single layer of cell تحيط بال amnion و بنسميها ال Amnioblasts cells .

ال Amnioblasts cells بتقوم تفرز لينا Amniotic fluid .
و كده بكون ال Amniotic cavity محاط ب ال amnion و الأرضية اللي راقد عليها بتكون ال epiblast 🫡.

🔰طيب يا شباب نجي نعرف شنو هو ال Bilaminar embryonic disc ؟🤔
هو عبارة عن منطقة دائرية بتربط لينا ال Amniotic cavity و ال primary yolk sac .

و بتتكوَّن من طبقتين :-
1. طبقة ال ectoderm و دي بتتشكل من ال floor of Amniotic cavity اللي هم ال amnion وال epiblast.
2. طبقة ال endoderm و دي بتتشكل من ال roof of primary yolk sac اللي هي ال hypoblast.


💠نجي بعد ده نشوف الأحداث البتحصل في day 8 :

🔰أول حاجة بتحصل إنو ال blstocyst بتبدأ تنغرس جزئياً في بطانة الرحم.
🔰 و تاني حاجة ال trophoblast بتتمايز لينا لطبقتين :
1. الطبقة الداخلية بتتكون من خلايا أحادية النواة اسمها cytotrophoblast.
2. الطبقة الخارجية بتتكون من منطقة متعددة النواة اسمها syncytiotrophoblast.

🔰و تالت حاجة ال embryoblast برضو بتتمايز لطبقتين:-
1. الطبقة الأولى و دي بتكون الطبقة الخارجية و بتتكون لينا من small cuboidal cells مرتبطة مع ال blastocyst cavity ، اسمها ال hypoblast .
2. الطبقة التانية ودي بتكون الطبقة الداخلية و بتتكون من high columnar cells مرتبطة مع ال Amniotic cavity ، اسمها ال epiblast.

ماشي وين 🚶‍♀️انتظر لسه ما خلصنا من day 8👏

▪️و بعد داك بيظهر لينا ال Amniotic cavity داخل ال epiblast .
▪️ و خلايا ال epiblast لمن ترتبط مع خلايا ال cytotrophoblast بنسميهم ال amnioblast و ما ننسى إنو دي بتحيط لينا بال amnion ، و ال amnion و ال epiblast بحيطوا لينا بال Amniotic cavity .💫

💠يلا نجي نشوف day 9:

- ال blastocyst بتنغرس أعمق في ال endometrium .
- بتكون في فتحة في سطح ال epithelium بتتقفل ب fibrin coagulum.
- في ال syncytiotrophoblast بتبدأ تظهر تجاويف بتكون مليانة بfluids لمن التجاويف دي تفتح بتقوم تكوِّن لينا ثغرات كبيرة بنسميها lacunar stage .🌟

لسه مواصلين في day 9 👏

- ببدأ بظهر لينا من ال hypoblast غشاء خارجي رقيق اسمه exocoelomic membrane بقوم بيغلف لينا ال cytotrophoblast من الداخل.
ال exocoelomic membrane عنده اسم تاني Heuser's membrane.
- آخر حاجة في day 9 إنو ال exocoelomic membrane مع ال hypoblast بيغلفوا ال exocoelomic cavity (primitive yolk sac ) من الداخل .

تعبت صاح😢 واصل عشان تصل💪 قربنا ✨

💠يلا يا مبدعين نجي نشوف days 11& 12🔥 :

- أول حاجة إنو ال bladtocyst بتكون أكملت إنغراسها في بطانة الرحم ، و في المرحلة دي بتتميز بثغرات في ال syncytium.
- و من هنا بتبدأ خلايا ال syncytiotrophoblast إنها تتعمق أكتر و أكتر لحدي تدخل لينا في الشعيرات الدموية بتاعت الأم.
- بعد داك الثغرات بتواصل في التعمق في ال maternal capillaries و لحدي ال maternal blood يدخل ال lacunar system و ده بكون لينا ال uteroplacental circulation أو الدورة الدموية الرحمية .
- و بتبدأ تظهر لينا خلايا جديدة بين ال inner surface of the cytotrophoblast و ال outer surface of the exocoelomic cavity ( amnion& primary yolk sac) و بنسميها extraembryonic mesoderm.
- إذاً ال extraembryonic mesoderm بتتكون من شنو🤔
ايوة ممتاز👏✨
1. Yolk sac endoderm.
2. primitive streak ectoderm.

- و في ال extraembryonic mesoderm بتظهر لينا تجاويف كبيرة بنسميهاextraembryonic coelom (chorionic cavity )
يلا نجي نشوف ال chorionic cavity ده بعمل شنو🤔
ال chorionic cavity بقوم بقسم لينا ال extraembryonic mesoderm لطبقتين:
1. Somatic layer ( extraembryonic somatopleuric mesoderm) :
دي عبارة عن ال extraembryonic mesoderm المغلف لينا ال cytotrophoblast و ال amnion.

#summary_squeezer
https://t.me/summarysqueezer

2. Splanchnic layer(extraembryonic splanchnopleuric mesoderm ):
و دي عبارة عن ال extraembryonic mesoderm المغلف ال yolk sac.

من هنا بنستنتج إنو الطبقات المكونة لينا ال chorion هي :
1. Primary yolk sac
2. Definitive yolk sac ( حنتكلم عنه لقدام)

💠نجي لآخر day حنتكلم عنه الليلة و هو day 13🌟 :
- بيبدأ يلتئم سطح بطانة الرحم.
- ال trophoblast بتظهر لينا فيها تراكيب شعرية صغيرة اسمها villous structures .
- خلايا ال cytotrophoblast بتبدأ تتكاثر في محلها و تبدأ تدخل في ال syncytiotrophoblast و تكون لينا حاجة اسمها primary villi أو primary chorionic villi و دي بتظهر مع نهاية week 2.
- و عندنا برضو secondary & tertiary chorionic villi ، لكن ديل بتكونوا خلال week 3.
- ال hypoblast بتنتج خلايا تانية و تبدأ تمشي لأطراف ال exocoelomic membrane و تكون لينا تجويف جديد بنسميه definitive yolk sac و ده اتكلمنا عنو و قلنا إنو من طبقات ال chorion.
- في أثناء تكوين ال yolk sac في جزء كبير من ال exocoelomic cavity بيتقطع و بتم إستبداله بكيس خارجي اسمه exocoelomic cyst .

- و عندنا برضو ال chorionic plate ، ده عبارة عن شنو🤔
ده عبارة عن ال extraembryonic mesoderm المغلف الجزء الداخلي من ال cytotrophoblast.
- ال connecting stalk مع تطور ال blood vessels بيصبح ال umbilical cord أي الحبل السري.

و كده خلصنا الـBilaminar disc 👏💫
أتمنى تكونوا استفدتوا و بالتوفيييق🌟✨
وما تنسى Enjoy medicine 🫡

https://t.me/summarysqueezer

#summary_squeezer
#Embryology

#Embryology

بسم الله الرحمن الرحيم
منشور رقم(105)

》》》First Week Of Pregnancy


السلام عليكم ورحمة الله وبركاته 😁✋
أخبارك يا سعادة الضكتوووور😂✨

موضوعنا الليلة حيكون عن الfirst week of pregnancy 🔥🔥

بس قبل ما نبدأ في مفاهيم معينة لازم نعرفها
اول شي مفهوم الprenatal development
دي فترة تطور الجنين من الحمل حتى الولادة وهي تلاتة مراحل:
1_zygotic period دي بتمتد من فترة الاخصاب وحتى الاسبوع التاني
2_ embryonic period (3_8 weeks)
ودي بتكون المرحلة الجنينية👶
3_fetal period (8_40 weeks)
وهنا دي بتمتد لحدي فترة الولادة

طيب يلا نبدا نتكلم عن الfertilization ودي بتبدا لينا بيها ال zygotic period ✨

والاخصاب أو الـfertilization دي العملية بالبتتحد لينا فيها بويضة مع حيوان منوي
وبتحصل ويين؟؟؟؟؟؟؟
في Fallopian tube وبالظبط ويين طييب ؟؟
اكيد في الampullary region⭐نديكم نجمة عشان شطار😁

طيب الاخصاب ده زاتووو عندو مراحل
بمر بيها اول شي الsperm ده لازم يخترق الطبقة الخارجية من البويضة ولازم نسميها عشان م نكون ناس ساي 🧚
بنقول عليها Corona radiata ااي كورونا عديل 😷😂
المرحلة التانية الsperm ده بخترق لي فيها الطبقة التانية واسمها zona pellucida

⭐نقطة مهمة لازم نذكرها ..sperm عشان يخترق الcorona radiata محتاج حاجة زي الانزيم عشان يخترقها والحاجة دي بسميها acrosomal reaction 🔥🔥

واخر مرحلة بتتمتل في اتحاد ال pro nucleus بتاعت الsperm and ovum عشان سلسلة الانقسامات حتبدأ🔥

طييب بمجرد دخول الحيوان المنوي في تغيرات بتحصل بتتمثل لي في انو اول شي الzona pellucida بتطلع لي حبيبات اسمها cortical granules ودي بتحتوي علي lysosomal enzyme بتمنع اي حيوان منوي اخر يتخرق البويضة المخصبة دي ⭐⭐⭐

طيب لو ما حصل اخصاب للبويضة دي ح يحصل ليها شنو ؟
ح تموت بعد ٢٤ ساعة .
⭐⭐⭐⭐⭐⭐⭐⭐⭐⭐⭐⭐
يلا نكمل قصتنا الظريفة💕
اول ما يتم الاخصاب الزايجوت ببدا ينقسم بطريقة اسمها الانقسام الميتوزي mitotic division
وبكون في زيادة رهيبة في عدد الخلايا وفي نفس الوقت كل ما الخلايا تزيد كل ما الخلايا حجمها بصغر وهنا انا بسمي الخلية blastomere💫

⭕في اليوم التالت من الاخصاب عدد الخلايا بكون 16 خلية والخلية في المرحلة دي بسميها الmorula.

قالو في اليوم الرابع الخلايا دي كلهااا حتمشي في قطب معين وبسميهو الembroblast تعمل لينا كورة صغيرة هناك😹 والجزو الخارجي الدائري بسميهو Trophoblast
⭕يلا الخلية دي اثناء رحلتها دي وهي ماشة لي بطانة الرحم عشان تنغرس فيها بتتملي بي fluid وتاني لمن تقرب تصل لينا بطانة الرحم تتوقعو يحصل لينا شنو؟؟🤔🤔
الموية ح تعمل rupture للzona pellucida دي وبالتالي ح تختفي مننا ودي كانت بتمنع لينا الزايجوت انو يحصل ليهو انغراس في قناة فالوب يا سبحان الله😶‍🌫


⛔️وده بحصل في اليوم الخامس للسادس ح تختفي لينا الZona pellucida دي وبالتالي ح يحصل implantation للزايجوت حقنا💫

وبسسس نكتفي بهذا القدر ونتمنى أنكم استفدتو واستمتعتو🥳
وما ننسى Enjoy medicine🫡

https://t.me/summarysqueezer
#Embryology
#summary_squeezer

#summary_squeezer

بسم الله الرحمن الرحيم
منشور رقم (104)
السلام عليكم ورحمة الله وبركاته

》》》Gametogenesis

أرح نبدأ ونستمتع🔥👀

اول شي ح نتكلم عن الoogenesis:
طيب نفهم المصطلح ده بعني شنو🤔
دي العملية الفيها الoogonia بتتمايز لي mature oocyte.

ـاول شي نعرف انو الجنين بتتكون ليهو خلايا في الأسابيع الاولى من الاخصاب اسمها primordial germ cell و بنختصرها بي PGC ودي الخلايا الجرثومية طيب منشأها وين ؟؟بتنشأ من مكان اسمو كيس المح (yolk sac).

- يلا نشوف تكوين البويضات بتم كيف🤔
مش قلنا عندنا خلايا بتتكون في الاسابيع الاولى؟؟سميناها شنو 😀الPGC الخلايا الجرثومية طيب الخلايا دي ح يحصل ليها differentiation into oogonia  ودي بتحتوي علي( 46 .2N)
يلا الoogonia دي تاني ح تخش في الانقسام الاختزالي الاول وتديني خلايا بتحتوي (46.4N) طيب هنا حصل شنو ؟؟حصل growth والخلايا دي بسميها primary oocyte احفظو اسمهاا كويسسس🤩🤩

في معلومة مهمة هنا لازم نعرفها انو بحلول الشهر الخامس ما عندي oogonia حايمة في الovary 💀لانو كلها اتحولت لي primary oocytes ودي ياها البتعيش بيها الطفلة لحدي فترة الpuberty 💥💥
برضو في نقطة بتقول انو عندي خلايا اسمها follicular cells دي بتتكون حولين الprimary oocyte وتديني الprimordial follicle وتاني الخلايا تزيد بسميها primary follicles وهكذا😁

طيب وهي بتكون في الطور بتاع الprophase meiosis I مش قلت ليكم انو دخلت في الانقسام الاختزالي؟ والخلية سميناها primary oocyte طيب لمتييين تكون قاعدة كدة😔


💫في فترة الpuberty طيب ليه اخترنا فترة البلوغ لانو فيها بتم افراز هرمون اسمو الleutinizing hormone ..LH وفيهو بتنضج الprimary oocyte ويتم فك اسرها وتتقسم  الى secondary oocyte تحتوي علي نصف عدد الصبغيات (23  .2N) 
وfirst polar body ودي م بتحتوي علي كمية كافية من السيتوبلازم طوالي بتموت😣

تاااني ح نرجع لنفس الموضوع الsecondary oocyte بتكون في ال metaphse meiosis II لمتييين؟؟ لحدي ما يحصل fertilization
وبعد ما يحصل الاخصاب ح تتقسم الخلية دي وتدينا اخيراااا matur oocyte 🥳🥳🥳
an second polar body
طيب لو ما حصل اخصاب ح يحصل شنوووو 🤔🤔🤔
طوالي خلال 24 ساعة لو ما حصل اخصاب ح تتحلل الخلية وتموت😔

كدة الoogenesis خلصت 😍

---------------------------------------------------------
- نمسك الspermatogenesis
دي ابسط بكتييير وما فيها كلام كتير
العملية هي عبارة عن انو تتحول الPGC تتحول لي sperm .

في فرق مهم بين الoogenesis and spermatogenesis انو
عملية تكوين الspermatogenesis دي بتبدأ بعد الpuberty😲.

والكلام ده بحصل في الseminiferous tubule في الtestis
وبياخد حوالي 74 يوم .

هي حوالي تلاتة مراحل بس
ـ المرحلة الاولى بتتمثل في mitotic proliferative : بزيد عدد الspermatogonia

ـ المرحلة التانية meiotic phase: الspematognia بتتقسم وتديني primary spermatocyte وبدورها بتتقسم وبتكمل الانقسام الاختزالي الاول وببقى عندي secondary spermatocyte
-وتدخل في الانقسام الاختزالي الثاني وتديني الspermatides🔥


💥اخر مرحلة بسميها differentiation phase تفتكرو ليههه؟؟ لانو فيها بحصل لي تمايز للspermatides الى الشكل المعروف للsperm او بسميهو spermatozoa


⭕تعالو اقول ليكم معلومة كدة حلوة:
لو جابو سؤال في الامتحان الspermiogenesis بياخد كم يوم؟؟
طوالي ح تقولو لي 74 يوم وح يقول ليكم غلط 🤯🤯🤯
طيب whhyyyyyyy???
ركزو في الspelling بتاع الكلمة
عملية الspermiogenesis دي العملية بتاعت التمايز حقت الspermatide الي spermatozoa وبتاخد حوالي 21 يوم

⭕اما العملية بتاعت الspermatogenesis دي العملية كلهاا من البداية من تحويل الPGC الى spermatozoa 😇

الحمدلله كدة خلصنا اول منشور نتمنى تكونوا استفدتوا والسلام عليكم 😁✋

Enjoy medicine 🫡
#summary_squeezer
#Embryology
https://t.me/summarysqueezer

ما تنسوا أخوانكم من دعواتكم فإن الوضع ألـيم💔ولا حول ولا قوة إلا بالله.

لو صاحي لحد هسي أمشي اتوضأ وصلي قيام ليل (إن شاءالله ركعتين بس) وأذكرهم في دعواتك لما تسجد.

اللهم أصلح حالنا وأحفظ إخوتنا وأهلنا 🤲

😂😂😂

#summary_squeezer

شكلو المتعقدين منها ما شوية🫠..

طيب عشان كدا بإذن الله في الأيام الجاية حننزل ليكم شرح لمادة الإمبيريولوجي🔥

تمام؟👀

علاقتكم مع الـ Embryology كيف؟🤔

بسم الله الرحمن الرحيم
منشور رقم(103)

السلام عليكم ورحمة الله وبركاته

》》》Vitamin B12 metabolism

هلوو ي جماعة ✋🏻
الليلة حنتكلم عن موضوع حلو وبسيط خمسه دقائق بس اتشوقتو صاح😉


🫧من نحنا صغار ( برالمه يعني😂) عارفين إنو الفيتامين ده مهم شديد في صناعة
DNA 🧬
RNA 〰️
RBC 🩸
Myelin sheath

🫧 وV B12 ده اسمو التاني cobalamin وسبب التسمية لأنو فيهو tetrapyrole ring وفي النص cobalt atom ⚛ والفيتامين ده ما بيتصنّع في جسمنا بناخدو من الغذاء أو diet ♥ طيب متوفر في اي نوع من الأطعمة 🤔

🫧Animal food good source of V B12 🍳🥩🥚🐟
🫧milk 🥛 and milk products🧀 poor source of V B12.

🫧ويلا نشوف كيف بحصل ليه metabolism داخل جسمنا :-

💎طيب لو أكلت ليك شيه كده كاربة😋 ولا ستيك أو أي مصدر من مصادر V B12 ومضغطتها كده كويس 😅😂 بتقوم salivary gland بتاعتك بتفرز ما يدعى بال Haptocorin وممكن نقول ليهو R- binder وما حيرتبط بي ال vitamin إلا بعد نصل ال stomach وتحصل كم حاجه خليك متابع معاي .
💎في ال stomach عندنا خليتين مهمات جدا
🫧١. parietal cell
ودي بتفرز HCl , intrinsic factor
🫧٢. Chief cell
ودي بتفرز pypsinogen
💎 ولسه ال B12 ده مرتبط لي بي البروتين من ما دخل لأنو هو أصلا كده ما بنلقاهو حر دايما بكون مرتبط بي بروتين تقوم ال chief cell تفرز لي البيبسينوجين (pypsinogen ) وال parietal cell تفرز ال HCl ويقوم ال HClبي دورو يحول ال pypsinogen لي pypsin ويقوم ال pypsin وال HClيفكو إرتباط ال V B12 مع البروتين وبي كده يكون ال Haptocorin قادر يرتبط مع ال V B12 ويكونو 👇🏻
( R- binder V b12 complex )
ويمشو لي duodenum وهو أول جزو من ال small intestine.

💎 في ال duodenum بقوم البنكرياس يفرز لي حاجاتو ديك عرفتوها😔 ( lipase , amylase protease) وهنا بالذات نحنا محتاجين ال protease بتاع البنكرياس عشان نفك ال (R- binder ) من V B12 . خلاص كده بخلو براهو ؟؟ لالا طبعا 🤣 عندنا ال parietal cell ♥ لو مجمعين معاي كان افرزت شنو HCl وعرفناهو سوى شنو برضو بتفرز لي حاجه تانيه اسمها intrinsic factor ونفس نظام ال Haptocorin ال intrinsic factor ده ما بشتغل في ال stomach بشتغل في ال duodenum وبرتبط مع ال B12 ويكون لي 👇🏻
(V B12 intrinsic factor complex)
يعني ركز معاي حبتين:-
🎯ال salivary gland افرزت ال Haptocorin أو R-binder في ال mouth 👄 لكن V B12 ما كان عندو affinity ليهو الوقت داك إلا لمن وصلو ال stomach لأنو كان مرتبط مع البروتينات وبعد فكيناها منو ارتبط معاهو وكونو ال complex العرفناها وفي نفس الوقت ال parietal cell افرزت حاجه اسمها intrinsic factor في ال stomach لكين V B12 ما كان عندو affinity ليها لأنو كان مرتبط بي ال R -binder وبعد فكيناها منو حتى ارتبط معاهو وكونو ال complex العرفناها وقع ليك 🫵🏻.

💎مرينا بي ال duodenum وبعدها ال jejnum وبعدها ال ileum حيث يتم الامتصاص وفي خلايا ال ileum عندنا receptors اسمها intrinsic receptor تمسك لي ال intrinsic factor وتفك V B12 عشان يتم امتصاصه ويمشي البلازما بتاعت ال blood وهناك هذا الفيتامين بتمسك فيهو transporter اسمها (transcobalamin ll ) وتوصلو لي اي tissue محتاج لي الفيتامين. عندنا مثلا ال liver لما يجيها V B12 بتخزنو ٣ سنوات اي لو عندي اي نقص في الفيتامين ده ال liver بتعوضو لي وما بتظهر لي الأعراض طوالي إلا بعد ٣ سنه
وبما إننا جبنا سيرة الأعراض خلينا نشوف هو بعمل شنو عشان الأعراض المتعلقه بي نقص V B12 دي تظهر :-

💎1 بحول لي ال
methyl malonyl CoA 🔜succinyl CoA
يعني هو هنا بلعب دور ال cofactor. ولو حصل اي نقص بيؤدي إلى افراز ال methyl في البول ك ( methyl malonic aciduria)

💎 2بحول ال
Homocystine 🔜 methionine
وهنا هو برضو cofactor ومعاهو FH4 ولو نقص V B12 بحصل تراكم في ال Homocystine وبتحصل مشاكل في ال coronary arteries ❤️🤕

💎3 عندنا نقص V B12 بعمل megaloplastic anemia وبرضو نقص الفوليك اسيد بعمل كده.

💎4 برضو كتير من المشاكل العصبيه هي من الحاجات البعمله نقص فيتامين B12 لأنو بساهم في صناعة ال Myelin sheath بتاعت ال nerve

🫧طيب شنو هي الأسباب البتعمل نقص V B12 🤔 ممكن تكون بسبب الغذاء البنتناولو ما بحتوي على هذا الفيتامين وممكن نكون بنتناول كميات كافيه بس يكون في مشكله في عملية الامتصاص وممكن أسباب تانية زي ال pernicious anemia وهو مرض مناعي autoimmune disease بهاجم ال parietal cell وكده معناتو لا في HCl ولا في intrinsic factor واكيد ح يعمل مشكلة في هضم وامتصاص فيتامين B12

وبكده نكون وصلنا لنهاية المنشور الظريف ده😇
في رعاية الله✨️
وما تنسو..
Enjoy medicine🫡
#summary_squeezer
#Hematology
#Biochemistry
https://t.me/summarysqueezer

هسي بالجد في حاجة ممكن تحصل زي كدا؟!😂😂😂
ولو حصلت، الأسباب ممكن تكون شنو؟

طلع روح الدكتور الجواك في التعليقات🔥

●ملاحظة:
يسمح بالهبد والشلف👀

#summary_squeezer

7. protoporphyrinogen 9 (oxidation) ---> protoporphyrin 9 (فُرجت الحمد لله🤲🏻)
_ enzyme: protoporphyrinogen oxidase
_ location: mitochondria

finally
8. protoporphyrin + iron²+ ---> *Heme*
enzyme: ferrochelase (an important enzyme💢)
location: mitochondria

كدة خلصنا من الخطوات ما ضروري تحفظوهم كدة، لكن تحفظوا الحاجات المهمة زي اول خطوة وتاني خطوة والاخيرة، اعرفوا انواع التفاعلات لأنه بسألوا منها.

🔖<Introduction to porphorias>

ال porphorias ديل الامراض البتحصل during العملية بتاعت ال heme synthesis, تحديدا من ال deficiency بتاعت ال enzymes البتعمل التفاعلات دي، ممكن نتكلم عنها في منشور منفصل تبع الباثو🔥

كدة خلصنا منشور اليوم، أتمنى أنو تكونوا انبسطتوا واستمتعتوا واستفدتوا ولو بالقليل.
في أمان الله🫡

Enjoy medicine🫡
#summary_squeezer
#Hematology
#Biochemistry
https://t.me/summarysqueezer

بسم الله الرحمن الرحيم
منشور رقم(102)

》》》Heme synthesis

السلام عليكم ورحمة الله✋
أخبارك يا دكترة👀
موضوعنا الليلة عن تصنيع الهيم ودي النقاط الحنتناولها بإذن الله👇
📍post outlines:

_ Introduction
_ Steps of heme synthesis
_ Introduction to porphorias


🔖<Introduction>

طيب أكيد كلنا سمعنا عن الهيم، وسمعنا عنه بالتحديد من ال hemoglobin🩸، وامكن تكونوا زيي قايلين انه دا استخدامه الوحيد، لكن طلع انو الهيم دا بدخل في تصنيع بروتينات كتيرة غير الهيموغلوبين وتسمى كمان باسم خاص ألا وهو ال heme proteins💁‍♀️.
طيب زي شنو مثلا تاني عندنا من الهيم بروتينز غير الهيموغلوبين؟

●cytochromes
ودي لو بتتزكروها زماان اخدناها
منها cyto c البشتغل في ال energy production تحديدا في ال electron transport chain اذا ذاكرتكم قوية
فمن دونه الخلية ما بتقدر تعيش😵

●myoglobin
ودا بكون في العضلات بعمل تخزين الاكسجين عشان نستخدمه وقت ال excercise💪

●catalase
ومن اسمه هو انزيم بعمل degradation لل hydrogen peroxide (h2o2) اللي هو toxic للخلية.. فبرضو مهم شديد والا ال cell حتموت بالتسمم🫠
وغيرها من البروتينات

فشنو الهيم دا بدخل في تركيب مركبات كتيرة ومهمة جدا جدا عشان كدة دراسة تركيبه بتخلينا نفهم شغل المركبات البصنعها وشنو المشاكل الممكن تحصل بعدين في التصنيع

🔖<Steps of heme synthesis>

قبل ما ندخل في الخطوات عاوزين نعرف الشكل العام للهيم.. بس ركزوا معاي حبتين🤏

يلا هو مكون من مكونين
●porphrin
ودا عبارة عن مركب بتكون من ٤ حلقات من pyrole وهي عبارة عن حلقات خماسية مربوطة مع بعض بميثيل قروب. "حنزل ليكم الشكل حقها في صورة بعدين"
وفي نصهم المكون التاني ألا وهو

●iron
اللي هو بوازن لي الحلقة دي وبشتغل لي الشغل الرئيسي في الارتباط بالاكسجين بعدين.

طيب العملية بتاعت التصنيع دي بتم في حتتين هم
📍ال liver
📍ال bone marrow

وفي ال cells زاتها بكون بين حتتين
📍 ال cytosole
📍 ال mitochondria

يلا تعالوا نشوفها بالتفصيل

هنا ما عندنا شرح كتير 8 معادلات يتحفظوا منها حاجات معينة


عشان نسهل الحفظ عاوزين نفتح عيونك لكم حاجة🙌

▫️عندك اول خطوة دي أهم خطوة وهي البتعمل لي regulation للعملية كلها ألا وهي "ألا" ودا ما خطأ مطبعي بل بالجد المركب البطلع لي من الخطوة دي اسمه ال (ALA) غايتو ظبطت معاي بالصدفة😂
ALA: δ_Aminolevulinic Acid

▫️وطبعا بما اننا عايزين نصنع هيم فأكيد اخر منتج حيكون هو، من ارتباط الحديد وال porphyrin
كدة عرفنا خطوتين..

▫️واكيد قبل ما نعمل الخطوة الاخيرة دي حنكون عايزين نصنع ال porphyrin في حد ذاته، فالخطوة القبل الاخيرة حيكون ال product الناتج هو، وخلوا بالكم انو ال porphyrin دا كم شكل، الشكل النهائي اسمه protoporphyrin.
كدة عرفنا ٣ خطوات باقي ٥ من خطوة ٢ الى ٦

▫️ال ٥ خطوات دي كلها نواتجها مشتقات لل porphrin، "زي ما قلت ليكم بمر بكم مرحلة لحد ما نصل لشكله النهائي" ما عدا مركب واحد اسمه hydroxymethylbilane

عشان ما اجغمس ليكم راسكم ساي ندخل في الخطوات بعد دا 🤜

1. succinyl coA + glycine ---> δ_ALA
_enzyme: ALA synthase
_ location of the reaction: mitochondria
◇notes:
قلنا الخطوة دي هي البتعمل regulation للعملية دي كلها بواسطة ال feedback mechanism من الهيم.. بمعنى كل مع الهيم بقى كتير بعمل لي inhibition لل ALA synthase.. ودا كلام منطقي، البخلينا نصنع هيم زيادة شنو اذا اولريدي عندنا منه كمية كبيرة💁‍♀️

2. ALA + ALA ---> porphobilinogin (شايفين بدت تظهر مشتقات ال porphrin🌚)
_ enzyme: prophobilinogin synthase or ALA dehydratase( ما تلخبتوه مع القبله، داك عايزين نصنع "ألا" عشان كدة اسمه سينثايز)
_ location: cytosole
◇ notes:
قال ليك الانزايم دا حساس اتجاه الرصاص (lead) فلو الزول عنده lead poisoning العملية دي بتوقف🫷
(خارجية: جاتني لحظة ادراك وانا بكتب في الجزء دا اني غلطت في السؤال دا في الامتحان وعملته ال synthase، حسبي الله😭 وأحلى حاجة اني نبهتكم فوق وانا ما جايبة خبر لنفسي
#لا_ تكونوا_ مثلي😭)

3. 4 porphobilinogin polymerized(بدخلوا عملية بلورة تقريبا) ---> hydroxymethylbilane
_ enzyme: uroporphyrinogen 1 synthase
_ location: cytosole

4. hydroxymethylbilane cyclized(يعني بحولوا شكله لمدور) ---> uroporphyrinogen 3
_ enzyme: uroporphyrinogen 3 synthase
_ location: cytosole

5. uroporphyrinogen 3 decarboxylased--> corpoporphyrinogen 3
_ enzyme: uroporphyrinogen decarboxylased
_ location: cytosole

هانت هانت🌸

6. corpoporphyrinogen 3 (oxidized) ---> protoporphyrinogen 9 ( ظهرت البروتو علامة على قرب الفرج😂)
_enzyme: corpoporphyrinogen oxidase
_ location: mitochondria

بسم الله الرحمن الرحيم
المنشور رقم (101)

السلام عليكم ورحمة الله وبركاته
》》》Lymphatic system ²
Hola 👋


مع الأخبار الحلوة دي لازم نتم كلامنا البديناهو عن lymphatic system العامل زي الجيش بتاعتنا 🇸🇩😍

المنشور السابق اتكلمنا عن ال lymphatic system وأجزاءو وظيفتو و..... وهسه ح نتكلم عن ال organ بتاعتو 😇

ونبدأ بسم الله ♥️

🔴طيب نحنا المرة الفاتت قلنا إنو ال lymphatic system بتتكون من :-
🟣 lymph vessel
ودي عرفناها جايه من وين صاح 😉 قلنا كونته منو capillary وبعداك بقت :
vessel ➡️ trunk ➡️ duct
وفي ال vessel بنلقا شنو lymph nodes

🟣 lymphatic organ and lymphatic tissue
وديل الاتنين فيهم lymphocytes and white blood cell .

ال lymph organ نوعين
⬛Lymph organ types:-
◾primary lymph organ
زي منو ديل 🤔
▪️bone marrow and thymus
🔷نحنا سميناها primary ليه ؟ لأنو هم البحصل فيهم maturation للT وال B cell وعرفنا اي وحده mature وين ولو ناسي شوف المنشور الفات وركز حبه😒 . لو اتكلمنا عنهم شويه

🔷عندنا عارفين ال bone marrow هو المصنع بتاعي لي كل Wbc , Rbc , lymphocytes.... وغيرو عشان كده هو أهم واحد بالنسبة لل immune ♥ البحصل بواسطة ال lymphatic system وأي system تاني بعمل defence لي جسمي زي الكلية الحربية عندنا 🥹🇸🇩 يعني ال bone marrow كلية حربية اي والله مش بتخرج جياشه 😂

🔷ال thymus فيها lymphocytes و macrophage وبتقع خلف ال sternum مباشرة في ال Mediastainum. من نحنا صغار وهي بتؤدي وظيفة دفاعية لكن after puberty بحل fat محل ال thymus وتبقى وظيفتها انتهت لحدي هنا .

◾secondry lymph organ
ديل زي منو 🤔
▪️tonsil , lymph nodes, spleen and mucosa associated lymphoid tissue (Malt) .

🔷1️⃣ال tonsil :-
وهم تلاته متوزعين في جدار ال pharynx وبنسميهم على حسب موقعهم أول وحده اسمها
🔹Pharyngeal tonsil
بتقع في nasopharynx وبالضبط فوق ال auditory tube 👂🏻والتانية 👇🏻
🔹palatine tonsil
ودي تحت ال Hard palate والتالته 👇🏻
🔹lingual tonsil
ودي ورا اللسان طوالي 👅

🔷2️⃣ ال lymph nodes :-
police station🚔 😂
تفتش ال lymph ده تمام وتقتل الحاجات الضارة الفيهو
عندنا ال lymph nodes بجيها داخل lymph vessel اسمو affrent وال lymph nodes محاطة بي capsule وهي أول جزو حنتكلم عنو
🔹 *capsule* فيها حاجتين:-
1️⃣ subcapsule sinuses
ودي ال afferent بجي خاشي فيها يفضي ال lymph حقتو في الحتة دي .
2️⃣ trabecular sinuses
وده بشيل ال lymph ويوصلو لي المكان البعد ال capsule.
وكده انتهينا من ال capsule وقلنا انها بتتكون من subcapsule sinuses بتفرغ فيا ال lymph وبتوصلو ال trabecular sinuses لي *cortex* وهي الجزء التاني الحنتكلم عنو حاليا
🔹 *cortex*
بتتكون من follicles وفيها بلقى منو ؟ ال B cell ♥.
🔹 *paracortex*
ما فيها اي follicles صافية لبن 🥛وبنلقى فيها ال T cell ♥.
عندنا آخر حاجه في ال lymph nodes هي ال 👇🏻
🔹 *medulla*
وبتنقسم لي :-
1️⃣medulla cord :-
الموجود فيها ال plasma cell
2️⃣medullary sinuses :-
وال sinuses دي بتتجمع عشان تكون ال efferent ال هو lymph vessel بس طالع من ال lymph nodes وعندنا medullary sinuses فيها ال macrophage عارفه راسك عمل error 😆 خلاص براجع معاك ال lymph nodes وحده وحده يلا focus ♥ تحت

📣قلنااااا إنو ال lymph nodes دي حولها في *capsule* بتتكون من subcapsular sinuses و trabecular sinuses وديل بشيلو ال lymph يودو لي ال *cortex* الفيها follicles الملانه بي B cell.

هو cortex بعديهو ح يكون في منو *paracortex* أكيد 🫢 😮‍💨 وده فيو T cell . وبعدها عندنا ال medulla البتنقسم لي medulla cord الفيها plasma cell ♥ وال medullary sinuses الفيها ال macrophage وقلنا ال sinuses دي بتتجمع عشان تكون لي efferent بتاع ال lymph vessel عبر فتحه اسمها hilum زي الموجود في ال lung 🫁 وغيرو من الأعضاء واضح 😶.

🔷3️⃣ال spleen:-
زي ماعارفين انها قاعدة فوق ال stomach وعندها وظيفة هي انها تتخلص من ال RBC المسنه الكبرت خلاص بالإضافة لي وظيفته الدفاعية وهي أكبر lymph organ.
بتتكون من two pulp:-
🔹Red pulp:-
وده الجزو البعمل destroy لل RBC المسنه وبتعمل filter لل blood من كل ال pathogen ان كانت بكتريا ولا فيروسات وال waste 🗑 😑
🔹white pulp:-
وده بكون WBC و antibodies المهمه في عملية ال immune .

🔷4️⃣ال mucosa associated lymphoid tissue أو( Malt ) :-

ديل ناس منو يا رب 🤔 ولا ال mucosa دي أنا قاصده بيها ياتو موقع الضبط ؟؟ ديل ناس ال digestive, respiratory, and genitourinary tracts الي هم أكتر أماكن عرضة للبيئه الخارجية عشان كده محتاجين نحميهم
فيها dendritic cells, IgA, plasma cell and lymphocytes ديل كلهم تحت أمرهم 🫡.
🔴عندنا في مواقع في الجسم مافيها lymph vessel زي
🟣Brain 🧠 بس بالمقابل عندو cerebrospinal fluid (CSF).
🟣epithelia and cartilage
وديل لأنهم أصلا avascular مافيهم vessel.
🟣Bone marrow 🦴

آخر شي عندنا بعض النقاط البتساعدنا بعدين في الكلينكال😍

🔴 لو زول عندو infection أو tumor حصل ليهو Metastasis في lymph node في مكان معين ف ال lymph node دي بحصل ليها بعض التغيرات الفيزيائية ممكن تبقى
hard” or “tender" وممكن حتى تورم وتتضخم
ونحن حنستفيد من الحاجة دي في شنو 👇🏻👇🏻
detect patho logical changes or to track spread of disease.
يعني لو مثلا وحده عندها Breast cancer 🎀( حمانا الله واياكم ) ياتو lymph node ح يحصل ليها تضخم ؟ أكيد ال nodes الموجودة في ال axilla. تمام كده 😇
🟣عندنا في lymph node انا ممكن أعمل ليها palpation أو احس بيها وامسكه ( ما امسكه امسكه انتو فاهمين قصدي 😂👐🏻)  زي ال lymph nodes الموجودة في armpit  دي البستدل بيها على ال Breast cancer مثلا لأنها بتكون وارمه ظاهرة وبرضو Neck,  groin ديل ممكن أعمل palpation لل lymph nodes الموجودة فيهم أما 👇🏻
trachea and bronchi in the thorax, and  the aorta and its branches in the abdomen.
ديل بكونو deep وما بقدر اعمل ليهم palpation.
🔴عندي آخر شي عايزة اقولو ليك لأنو عارفه عيونك وجعوك 😂  الكانسر البحصل في ال lymph أنا بسميهو carcinoma😈 أما البحصل في ال blood ف بسميهو 
Sarcoma 👿.

اتمنى تكونو استفدتو شديد من المنشور المهم البسيط ده ومع السلامه 👐🏻

Enjoy medicine 🫡
https://t.me/summarysqueezer
#Hematology
#summary_squeezer

Lymphatic system
#Hematology
#summary_squeezer

▪️In the small intestine certain fats absorbed and  pro cessed by the intestinal epithelium are packaged into protein-coated lipid droplets(chylomicrons)which are released from the epithelial cells and enter the interstitial compartment Together with other components of the interstitial fluid, the chylomicrons drain into lymphatic capillaries (known as lacteals in the small intestine)

لو أكلت وجبه دسمه كده ملانة دهون بقوم الgut بتاعك يرسل الfat دي لي ال intestine البتحتوي على villus وبين ال villus دي عندنا lacteals ودي نوع من الlymph capillary بس مخصصة بنقل الدهون دي توديها تاني للدورة الدموية بتاعتنا وهي بتتصرف معاها بعدين ✋🏻 .

عندنا الدهون دي بحصل ليها packing بكون البروتين بره وال fat جوه وال packing fat دي نحنا بنسميها  chylomicrons يعني ال lacteals بتنقل ال chylomicrons الضارة دي 😔 وبتوديها لل vien بس. فهمنا ؟🧐 .

عشان كده بقولو لينا The fluid in most lymphatic vessels is *clear* and *colorless* and is known as *lymph*. But That carried by lymphatic vessels from the small  *intestine is opaque* and *milky* because of the presence of chylomicrons and is termed *chyle*
🔴يعني ال lymph ده أصلا زي الموية clear مافيهو لون وبنسميهو lymph أما ال chyle وده موجود في lymph vessel بتاعت ال intestine has milk 🥛 😋 colour
لأنو فيهو chylomicrons.

▪️Defend against microbes     👇🏻👇🏻👇🏻👇🏻👇🏻وده عشان
lymph nodes وال spleen وال tonsil
وحنتكلم عنهم بالتفصيل في المنشور الجاي بإذن الله 😇 .

وبسسس سلااام🫡

Enjoy medicine 🫡

https://t.me/summarysqueezer
#Hematology 
#summary_squeezer

بسم الله الرحمن الرحيم
منشور رقم (100)


Hola 👋 every one

مكس بين اسباني وانجلش 😂
والليله ان شاءالله موضوعنا مكس خطير بين الأناتومي والهيم وشوية تركات باثولوجي هديه مننا ليكم 😌
🎯الليلة موضوعنا عن
》》》lymphatic system
ساهل جدا جدا جدا .

ال lymphatic system ده ربنا سبحانه وتعالى خلقو لينا رحمة بينا لأنو عند وظائف كتيرة شديد نشوفا👀 بعدين هسه نتكلم أول عن تكوينو .

◾Component of lymphatic system:-
▪️ Lymphatic Capillaries ➡️ lymph vessel➡️lymph trunk ➡️ lymphatic duct
وفي نص ال vessel بنلق lymph nodes مكان ال ( T cell و B cell) ديل مش مكانن ال bone marrow 🥲 ؟

يب بتصنعو هناك لكن بعد ما T cell يحصل ليها maturation في ال thymus وال B cell يحصل ليها maturation في نفس ال bone marrow بمشو ال lymph nodes عشان يعملو defend against microbes البتجيب لينا ال lymph vessel تمام OK 👍?

🔴طيب نفصّل شوية :- عندنا ال capillary دي مكونة من endothelial cells ♥
one_ way minivalves شكل ال endothelial cells 👇🏻👇🏻دي زي ال valves
لما يكون الضغط داخل ال lymph capillary أقل من ال interstitial space في الحالة دي اي fluid هرمون pathogen هربت من ال capillary بتاعت ال blood بتجي داخلة لي lymph capillary.

طيب لو كان العكس الضغط في ال lymph capillary أكبر من ال interstitial space في الحالة دي ال endothelial ما بتفتح وده بخلي ال lymph( السائل ) بتاعنا يمشي في اتجاه واحد لي فوق one-way minivalves 😉
◾where it drain
وين ال lymph بتفرغ 🤔
قلنا ال lymph capillary بتتجمع تكون lymph vessel وال lymph أثناء ما ماشي في ال vessel بمر بال lymph nodes عشان تعمل check ✔ لو في بكتيريا وغيرو..... بتجي الvessel تتجمع تبقى trunk وكل ال trunk بتصب في just two ducts
تمام أنا عندي كم trunk 😢 ?
عند ٩ .أربعة جوز و وحده فرده كالآتي:-
▪️2 lumber trunk
2 bronchomediastinal
2 subclaviab trunk
2 jugular trunk
1 intestinal trunk
وقلنا عندنا
◾two ducts
▪️Right lymphatic duct
بتجمّع ال lymph الجاي من اليد اليمنى and upper thoracic part بالجهة اليمين بصب فيها وباقي الجسم كلو بصب في 👇🏻👇🏻
▪️Thoracic duct
وال two ducts ديل بدورهم بصبو في ال Junction between ال jugular وال subclavian viens
وبعداك بمشو ال heart وبكده نكون رجعنا ال 10% من ال fluid الفقدناها . 10%ده شنو ؟😭 صاح أنا ما وريتك 🤦🏻‍♀️معليش معليش ما تبكي🤣
🔴عندنا ال artery بكون معبأ فل 100% ال fluid تامة لمن يحصل ال exchange بينو وبين ال vien بنلق زي ما قلنا ال fluid دي نقصت وتسربت وبقى ال vien فيهو 90%من ال fluid وال 10%الشردت دي 😂 برجع ال lymphatic system لل vien عشان تمشي ال heart عشان كده بنلق إنو ال lymphatic system open system ليه 🤔 لأنو ببساطة ببدأ من interstitial space مكان ما ال lymph capillary موجوده وينتهي في ال heart ❤( ال vien بعدين بتصب في ال right atrium بتاع ال heart ولا شنو 😉 ) .

أما الدوره الدموية closed system بتبدأ من ال heart وتنتهي في ال heart ❤ زاتو.

🔴 عندنا حاجه مهمه عايزين نقولها إنو ال pressure في artery بكون أكبر من في ال vien وال lymph vessel عشان كده artery ما فيهو valve لأن already الدم بمشي بقوه في اتجاه واحد من غير ما يرجع عشان كده نحنا في ال vien وال lymph vessel عندنا valve تحافظ على حركة ال fluid في اتجاه واحد من تحت لي فوق لحدي ما نصل ال heart ❤. بالإضافة إلى valve عندنا ال heart pulse + ال skeletal muscles بعصرو ال lymph vessel ده ويعملو ليها squeeze ( زي ما نحنا في Summary squeezer بنديك عصارة المعلومات الزيت زي ما بقولو 😉😎✨ ونعصرك برضو بي المعلومات😂🤣 لكين لي مصلحتك) وكده كل محتوياتو بتتحرك بكل سلاسة سبحان الله ✨

نشوف الوظائف 👀😯 بعد ده أكيد ح تكونو استنتجو بعضا منها 🌚

◾Functions of lymphatic system :-
▪️Lymphatic vessels mainly collect fluid lost from vascular capillary beds during nutrient exchange processes and deliver it back to the venous side of the vascular system.
طبعا عارفين إنو ال capillary beds 🛌 مثقوبه أو فيها قدود فلما تحصل عملية تبادل ال blood بين الvien وال artery في ال capillaries بعض السوائل والغازات والهرمونات بتهرب بواسطة الثقوب دي وبتكون قاعدة في interstitial space بتجي ال lymph capillary وبتلمها لينا ان كانت pathogen , hormone ولا cell debris 😊.

يتبع...
#Hematology
#summary_squeezer
https://t.me/summarysqueezer

لو ما عندك صاحب كدا فحاول فتش زيو..
وبالمناسبة NADH اختصار لشنو؟🤔

#summary_squeezer

سيغلق باب التقديم اليوم في تمام السـ11ـاعة الـحادية عشرة بتوقيت السودان

ما قدمت لحد هسي ليييه؟
منتظر يدقوك صح؟💀

يلا قدم الفرص ما بتتكرر طوالي

⭕️ملاحظة:
التقديم شامل جميع الكليات الطبية

#تعال_انضم_للتيم
#summary_squeezer_team

السلام عليكم و رحمة الله و بركاته 
عارفين منصة summery Squeezer ؟؟
اكيد عارفينها 😍💫
ناس التاسكات الظابطة و و ناس التفوق🥳 .... منو ما بعرفنا 🔥
غيرنا المسار بتاع الدراسة الممل لمسار تاني ✌️👊
و مستمرين في التقدم و التطور بإذن الله 💪

فلو انت 🫵عايز تكون من الناس المؤثرين و ناس التغير .. دي اكبر فرصة ليك🔥
عايزينك معانا عشان نغير طريقة الدراسة! 🚀 🩺

سمري سكويزر بتفتّح أبوابها لفريق من الطلاب أو الخريجين الموهوبين

مع سمري سكويزر حتكونوا
👌:
* جزء من فريق متميز و محترف🤝!
* تُسهموا في تقديم محتوى مميز يُسهّل على طلاب الجامعة💁‍♀️!
* تتعلموا مهارات جديدة و تنمّوا إمكانياتكم💫!
انت برضو 🫵حاتكون مستفيد معانا و حاتتطور ... لما تدرس حاجة دا بنمي ليك و بفتح ليك افاق وااااسعة🌌 و حاتكون مستفيد برضو

متحمس تقدم صح؟؟😁


التقديم عبر الرابط التالي👇

https://forms.gle/5xie9AURyaQxCuxQ8

ولو واجهتك أي مشكلة في التقديم اتواصل مع:
0116722664 على الواتساب🫡

enjoy medicine

#summary_squeezer_team
#تعال_انضم_للتيم

موعدنا اليوم بإذن الله 👀
جاهزين؟


#summary_squeezer_team

ناس اسنان شغالين🔥 وبدو الدينتال ماتيريال 🔥🔥🔥
https://t.me/summarysqueezerdental/22