شعر سوداني

يا من تجلت في الجمال قصيدة
وسقت فؤادي بالهوى المتجدد
حسن اعتدال في المدى متفرد
كالبدر إذ يزهو بليل سرمدي
عيناك لحن لا يمل سماعه
وحديثك العذب المريح لمهجتي
إن مر طيفك في المساء تنفست
زهرية الأشواق بين توددي
يا نجمة أهدت دروبي ضوءها
وغدت ضياء في طريقي الموحد
كوني الحكايا في زمان عابر
وكتاب عشق في الحياة المخلد

من القلب وللقلب🩷

فرحة الوطن والمواطن

🇸🇩🇸🇩🇸🇩🇸🇩🇸🇩
أهديك زغرودة  من  فجرا  صباح
صباحك  مليان  سرور     وأفراح
أبشر يا  وطن  إنجم  عاد  أرتياح
بهمة جنودك  إتحقق  أعظم نجاح
هنيئا سيد  الأوطان افرح بالفلاح
جنود العز  لابسين  الصبر  وشاح
بروح  الأمل  التفاؤل     والكفاح
وهبوا  أرواحم  الغالية  للإصلاح
خاضو المعارك عز  المطر الرياح
🇸🇩🇸🇩🇸🇩🇸🇩🇸🇩
لزموا الصبر  وللهدف عايز يصل
متوحدين كسروا الحواجز والعلل
خبرة  شجاعة بسالة   منذ الأزل
أبطال أسود  محال الأسد  يتذل
كل  العالم  يشهد   عرف الحصل
مناضلين  دوام  ما فقدوا  الأمل
لابد   ينتصر  مهما   طال  الأجل
🇸🇩🇸🇩🇸🇩🇸🇩🇸🇩
بهمة  جنودك   شيالين   التقيلة
ما هابوا الموت  حماتك والقبيلة
خاضوا النيران ما برضوا الرزيلة
بلدنا  كريمة عزيزة ما في مثيلها
خيرها  وفير برانا  بنعدل  ميلها
نشرب من نيلها نأكل من نخيلها
ننجم  في ظل أشجارها الظليلة
أفرحوا زغردوا  وزيدوها  تهليلا
............
باقي نعمر نجدد كل ماهو إنهار
يلا  شدوا  الحيل  وابقوا   كتار 
فديناك بأرواح   الشهداء الأبرار
ينتهي الجشع  تنخفض الأسعار
نعود مكبرين  نغني بنوبة وطار
🇸🇩🇸🇩🇸🇩🇸🇩🇸🇩
كلمات/الشاعرة عائشه عوض الجيد
بت مدني الجزيره

أخيراً أخيراً بشاير الخير جاتنا
زغاريد الفرح غمرت أرضنا وسمانا
بكرة راجعين ليك نعزف غناننا
مدني الأصالة إنتي فيك مرسانا
مدني الحضارة ربي يعلي شأنها
بحثت في الأسواق ما من سكانها
مدينة الرخاء للناس الديمة غلبانة
جيناك بشوق بعد الألم أضنانا
نسالم الأهل نحكي عن اخبارنا
نقالد الجيران بعد الفراق أبكانا
بدموع حزينة تهتف بالنصر الجانا
راجعين بالمحنة نعيد اجمل ذكرانا
نتكاتف نشد الحيل نخطط لأولادنا


*عائشة عوض*

غمرنا الحزن ياما كم بكينا
رفعنا إيدينا للمولى شكينا
بالصبر إنتصرنا فرحنا غنينا
من كثر الضحك قالو جنينا
عائشة عوض

*مدني أكيد ح ترجع*

*أخيراً بشاير الخير جاتنا*
*زغاريد غمرت أرضنا و سمانا*
*القلوب بعد الحزن طربانة*
*ابعد يا هلع إياك تغشانا*
*أكيد راجعين للديار بغناننا*
*مدني الحبيبة فيك مرسانا*
*جيناك بشوق نحقق مناننا*
*نسالم الأهل نحكي عن اخبارنا*
*نقالد الجيران بعد الفراق أبكانا*
*مدني الحضارة ياربي تعلي شانا*
*نرجع بطيبة ومحنة نعيد ذكرانا*
*إنتي ما شبه الدمار الجاتنا تختانا*

*عائشة عوض*

عــام وبعــدها كــل يـوم متقسي
رحلت إلا بطـــــراها القديــــــم مابنسي
علي ضـهري الصبـح من العنـج متكسي
لقيت سيطان عريسه موسمات لي هسِ
....
قلـم زمني البراهــو علي الوجـع مضاني
كتبتبـو (غنـوه) والغنـا جبتـو ما قضاني
حليـل السيــروهـا وسيـــره مــا رضــاني
حليل الداقه (زفتـه) كل يوم في اضاني
....
مشيتي وبعـــدك الايـام كســـاها الصيف
غرقته وكنت بعرف اعـوم وتمـساح قيف
ترا النقشت ايديك يا اللي تـركتي الطيف
لقيته بتبكي قــــالت لي تفـــوتك كيـــف?
....

انصــاريه جـاتنا ،،،، وفي سمـوم كـتاحه
هـباها النـسيم كـشف الخـمار ب صراحه
من الشفـتو فـ الدعجه ام عـيونا سماحه
شـفـت الوجـنه فـيها ،، مكـيفه ومـرتاحه

شفـت الحاجب المقـرون غزير وهـلالي
شفـت جـبـيـنا في عــز النـهـار بـيـلالي
غـير الحـشمـة والـذوق والقـوام العالي
عـندها بسـمة بتـودي القـبر طـوالـي

براق سـنـو بـشـلع ،،،، والخــدود نـديانه
شفـت عــينين غــزالا مكـحـله ونعـسانه
كل الشفـتو فيك ما شـفت قـط يا فلانه
شفـت الشامه في الخد اليمـين وحلانه

مـا غـلط النسـيم يوم هـبـ فيكي انـسـره
ولا غـلطن عـيوني عـشان اشـوفن حـره
انا قـلـبي الرهـيـف ،، قالــي آوول مــره
اشـوف حـوريه، انصـع من بـياض الـدره

عشان املت فـ الجـدي الصغـير فـ سـنو
شيـطان نمــي قالـي زولك اجـمل مــنو
رديـت قــتلـو خـرف، باقـي انـت آظـنو
لو مـا دا الجمـال تانـي الجـمال كـيفـنو

"فاذكروني أذكركم واشكروا لي ولا تكفرون "،

قيل ؛ إن الله ذاكرُ من ذكره, وزَائدُ من شكره, ومعذِّبُ من كفَره

وذكْر الله لك : أي إحاطتُه لكَ برحمته ومغفرته

القلب🖤: اسف على القسوة لكني قد جبرت على تلك المعاملة فاالبشر لا ترحم ي عقل لذالك اصبحت بلا احساس بلا ماشاعر بارد ولااثق في احد حتى اقرب الناس لي لا اثق واخيراً ي عقل فليرحل من يرحل لقد رحل الاغلى🖤🖤🏴

عارفة إنك تعبتِ
وإنك أحياناً بتحسي إنو كل الحاصل دة فوق طاقتِك
وأحياناً بتبكي لمن تحسي بالضعف
بس عايزة أقول ليكِ حاجة، تعبك دة ما هيتقارن بإنبساطك لمن يدعي ليك زول بي جملة"الله يفتح عليكِ"، ولا هيتقارن بفرحتك لمن تكوني سبب في نجاة زول من براثن الموت، من بعد ربنا سبحانه وتعالى، مُتخيلة أمك وأبوك لمن يقولوا بكل فخر بتنا دكتورة؟ متخيلة لقب دكتورة وهو جنب إسمك؟ متخيلة عظمتك بين الناس وعند ربنا؟
ربنا سبحانه وتعالى قارن الإنسان اللي بينقذ شخص واحد كأنوا أنقذ الناس كلها، إتخيلي وإنتِ اللي هتنقذ أعداد لا تُحصى ولا تُعد، كمية الحسنات الهتجيكِ من ورا حاجات حتى إنتِ ما مركزة معاها، إبتسامتك في وش مريض، طبطبتك على كتف مريض، جبرك بخاطر مريض، متخيلة إنو دة كلو هيكون محسوب ليكِ في ميزان حسناتِك.
عايزة أقول ليكِ إنك ما وصلتي للمكان الإنتِ فيهو دة بالساهل، ما تستسلمي أرجوكِ، ما تنسي طموحك وحلمك عشان الدراسة الكِترت عليكِ، هي فترة وهتعدي، وبهناك منتظرك الحلو البيشبهِك، منتظرك العوض الهينسيك الحصل والحاصل، إنتِ أصبري وكوني قوية، وإنتِ قدّها يا فراش
🕊️🕊️OMAMA🌖🥺

كيف أشرح للأيام أنني متعبة؟ أنني أنهض كل صباح أرتدي قناع القوة، بينما داخلي ينهار قطعةً بعد أخرى؟ الحزن يطاردني كظل لا يفارقني، وكأنني خُلقت لأكون غريبة عن السعادة

🕊️🕊️OMAMA 🌖🥺

لم يكن الحزن اختياري، بل كان قدرًا علّمني كيف أقف على أطلال أحلامي، صار قلبي كغرفة مهجورة، تنام فيها الرياح وتبكي على جدرانها ذكريات لا تموت

🕊️🕊️OMAMA 🌖🥺

*قَدْ تكُونِي زهَرًة ذَابِلة و بدَأتْ بتَلاتْ أورَاقِك بالتًساقُط كقَطرَاتِ المطَرْ المنثُورَة علَى الأرَضْ فِي الصَحرَاءْ وحِيدَة و رَقِيقَة سمِيكَة ولكِنَّهَا لطِيفَة ترَكُها وحِيدَة بعَضْ القطَرَاتْ الأخْريَاتْ و لكِنْ إنْ جَمعَنا تَقطَّرتْ القَطَرَات فِي الزهَرَه الذَابِلَة تلِكْ لكَانَت لتشَكُو وتتَحَدثْ عَنْ فُقدانِكُمَا لأنصَت الله لهَا وسَمِع عنْ ما تشَكُو تلِكْ الزَهرَة التِّي كَانتْ ندِيَّة وجَمِيلَة بنَفسَجِيَّة لونُهَا زَاهِية بَينْ حَقِل بَينْ الورُودْ مُميَّزة مُشرِقَة تُنِير منْ الشَمسْ ولكِنْ أينْ ذَهبتَا تلِكْ القَطرَاتْ؟! بلْ تلَكْ القطَراتْ تعَاونتَا علَى إبقَاء تِلكْ الورَدَة حَيَّة*
*فتِلكَ الورَدَة هي التَّي، كَانتْ تتَخِذْ منْ القطَرَات مَصَدر للسَعادَة ونِمُو كَانتْ فرِحَة بوجُودْ القطَراتْ اللامِعتَانْ ، اتْحدَتَا علَى أنْ يكُونَا سَوياً*
*بعُنوانْ الزَهرَة؛ و القَطرتَينْ♡*
🕊️🕊️ OMAMA 🌖🥺

*الحَياة كَسَوادِ اللَّيلْ وبَياضِ القَمَر امَّا انْ تحتَرِق كالشَجَرْ وتُصبِحْ كفَحمٍ ورَمادْ منْتشِر ببَقايَة سَودَاءْ وامَّا انْ تَكُون كبَياضِ الثلَجْ لامِعَة وبَراقَة ولكِنَّها بارِدَة لَيسَ لهَا قِيمَة قدْ تكُونَ نَقِياً كبَياضِ الحَلِيبْ صَافِياً*
*كُل لَدا الجَمِيعِ لوناً ففِيهمْ زَهرِيٌ جَمِيلَة انُوثِية رقِيقَة وحَساسَة ولكِنْ اذَا اكثَرتَ مِنهَا تُسبِبْ لكَ التَسوسْ مِثلَ الحَلَوة الهَشَّة اللَذِيذَة، هُنا الشَجرْ اخضَرْ ثابِتْ كالجَبلْ يُحِب شَاياً منْ اورَاقِه عَالِم قَارِئ، ونَاظِر، مُطلِعْ، وفَارِسْ، فصَاحبُو الاخَضرْ . هُناك شَمسْ مُشرِقَة تُحِب الضَحِكْ الابتِسامَة ابتِسامَة سَاطِعة كالُؤلُؤ تحِبْ المُزاحْ والعِب ومُضحِكَة كالمَوزَة .*
*هُناكَ فُلفُلْ احَمَر مشَّتعِلْ منْ كثَرَة الحرَقْ غَاضِبْ دَوماً يَصرُخ فِي جمِيعْ الاتجَاهاتْ للكَبِيرْ و الصغِيرْ لكِنْ ايضاً قدْ يكُون مُحِب كالازَهارْ الحمَراءْ وعُلبَة حَلَوة حَمرَاء . هُناك الازَرقْ ماتَجِد الازَرَق إلا وهُو بَارِد الاعصَابْ جَمِيل يتَموجْ هَشش قَابِل لذَوبَانْ صَامِت رَاقِي مُؤدَبْ يُحَافِظ علَى كُل الاسَماكْ . هُناكَ بنفَسجِيّ لاتَنظُر لأحَدْ تَرى انَّهَا عَظِيمَة مُذهِلَة تَحجِبْ الشَمسْ منْ جَمالِ شِمُوخِهَا تَرفَعْ انفَهَا المعَكُوفْ دَوماً إلى السَماءْ تُحِبْ الالمَاسْ البنَفسَجِي، الاحَمرْ البنَفسَجِي، الازَرقْ البنَفسَجِي تُحبْ كُل انَواعْ البنفَسجِيَّة، وزَهَر النَرجِسْ ايضَاً و كُل البَاذِنجَانْ لكِنْ دَوماً مايكُون حَادِقاً وكُل المُجوهَراتْ وكُلُ شَيء لهَاة.*
*بعُنوانْ: تفَصِيلْ لُونْ وشَخصْ>>♡*

🕊️🕊️ OMAMA 🌖🥺

فتفاءَلي يا حلوةً أحببتُها
إنّ التفاؤلَ للجَمالِ رَفيقُ
عيناكِ لم تُخلقْ ليسكُنها الأسى
أبداً وليسَ بها البكاء يليقُ
فتبسَّمي إنّ الحياةَ جميلةٌ
كالوردِ من شفتَيكِ حينَ يفيقُ
أترينَ لو أقسمتُ أنّي متعبٌ
جداً وقلبي مُذ ولدتُ حريقُ
أتُصدِّقيني؟ أم تظُنِّي أنّني
من يشتكي الأغلالَ وهو طليقُ
يا حلوتي ماذا وراء بكائنا
وإذا شكونا هل هناكَ صديقُ؟
فلنترُكِ الأحزانَ خلفَ ظهورِنا
لو لم تكُن مِنَّا القلوب تطيقُ

كنت بحلم بي وصالك
نقطع الاهات سويه
ونبني بي ريدنا المحبه
وابقى ليكي وتبقي ليا
ورده بالياسمين عطوره
تسعد الروح الشقيه
يا غاليه ما ختاكي ليا...❤️💫

حبوبه قالت :

داير اوصيك يابنيه *
في زمن فاقد الوصيه *
النصيحة بتبقي مافي *
والبعرفو الحب شويه *
البغش الناس بعيش *
والبحب بالجد ضحيه*
اوعا تسمعي قول حنين *
وابقي دايما فنجريه *
انتي قلبك صافي ابيض *
واسمك الزهره النديه*
وانتي دره جيل زمانك *
لا بتعرفي كلمه وحشه*
ولا شقيه *
في البسرق وفي البينهب وفي البيخطف *
ذي حديه *
وفي البريد ريده صادقه وفي البحبك ناوي نيه *
وفي البتقولي عليهو واعي *
يبقي في الاخر رذيه *
خلي عقلك صاحي جواك *
وماتوقعي في الهاويه*
وشيلي من جواك خاطرة *
اسمها الحب والاذيه *
بكره يلعب بيك واحد*
وانتي روحك لسه نيه*
بابتسامه جميله منو *
وساعه في صندوق هديه*
تلقي نفسك تايهة جواك *
وتفقدى زمام القضيه *
وتبقي في الاخر مزله*
هو البقولو الناس شويه *

مشاركة من الأعضاء 🌺

يا احلا زول في الكون أشواقي كميه
يانفحه شايله دعاش هبت صباحيه
لقياك شاغل البال ياوردة مرويه
أشواقي فوق شوقك ضاعفيهو في ميه
ياهاديه ذي نسمه في ليله مطريه

من كتابات م. الواثق

مشاركة من الأعضاء🌺

ماقلتي لي انك اخوي..
انك كمان صاحبي الوحيد
عاهدتك اني اكون معاك
وانا مستحيل عن وعدي احيد
بلقاك في كل الظروف
ذي نسمه في الحر الشديد
ذي واحه وارفه من الظلال
لي زول قطع دربا بعيد
اتهني بي غمده جفن..
نام في رحاب ظلك سعيد

من كتابات م. الواثق

يا زولي أهديتك قليب
أجمل من الفل و العطور
لا بجفى يوم في حضرتك
لا بقسى لا بعرف يجور
ريدك معاي طول السنين
طوالي في الخاطر حضور
حبك يظل ثابت معاي
فاضل معاي طول الدهور

عيناكي كالمشتركة جغمت ميليشيات قلبي جغما و نظراتك كجيش البراء جعلتني أعرد خجلا 🙈.

صباح الخير يضوي عليك بشاشاتو
وحنين زولا يشيلك شوق يعطر بيك مساحاتو
صباح امي وصباح دمي البتمرق من مضخاتو
صباح الخير شروق عمري وبدياتو
صبحت اليوم سمعتك في حسيس قلبي بتهتف من صباحاتو
@

مختارات من ديوان صدى همسي

=======================

بريدك يا ضل شمسي ..
يا يومي .. يا بكره .. يا أمسي
يا صوتي ويا صدى همسي .

بريدك يا لون الأمل
يانوري زي بدر إكتمل
يا أكيد. وما مُحتَمل !!!.


بريدك يا صوت السكون..
يا دموع فرح العيون
يا نغم بلابل فوق الغصون

بريدك يا طعم الجمال..
يا شايله تاج الدلال ..
يا خمري كأسك حلال.

بريدك يا بشرة خير ..
يا بسمة.. يا وداعة طير
يا أملي ويا خط السير .

بريدك يا أجمل معاني
يا نغم كل الأغاني
يا شوقي. يا كل الأماني

$ـ$$$$$$

إسماعيل عثمان داود

وبراكي شايفة الدنيا كيف
يوماتي ما بتدي الأمل
عارف قسى الزمن البمر
نظرة صحااااابك والأهل
انا جد وعدتك بالسرور
لسااااااتو ما حان الأجل
خليكي داعية معاي دوام
نتلمة مهما الضيق يظل

آه يا ظروفي القاسية ريت
لو بس تحني وتنصفي
ما بحمل الاسى في عيون
محبوبتي ريتك تعرفي
عايزك تجاوبي فد سؤال
ضيع الأماني بتعرفي !!
قبال تجاوبي علي برااااك
ختيها نفسك موقفي

انا ما قنعت من الغرام
دام لسه وعدي فرح كبير
عمرا الفصول ما بتبقى صيف
بيطل غمام بعد الهجير
خليكي في طيبتك دوام
صفو الدواخل والضمير
ماني البجافي وافوت في يوم
ما دام قليبك لي سمير

ايدك في ايدي على الظروف
القااااااسية والهم البزيد
نحمل غناوينا .. الفرح
للوجعة نرمي اكيد بعيد
افراحنا ما افراح تزول
يوماتي نحفل كانو عيد
مبسوطة روحك بي دوام
وانا ذاتي بي عشقك سعيد

بحب الناس وحات الله
وبحب النيل
بحبك وانتي ديمة معاي
ضحاي ومقيل
بحبك ذي اسد للصيد
بحبك انتي قدر الفيل
بحبك والقلب مجروح
ودمو يسيل

كيف أجيبك وأنت رضيان بالغياب؟🥺
كيف ألومك وأنت مابترضي العتاب؟😔
وينو فجرك وانت غطاك الضباب!!!
وينو بحرك وانت قدامك سراب!!!
متين يخضر ربيعك وانت ودعت الشباب
متين يكمل طريقك وأنت قافل الف باب
هل تنال الامنيات دون تتحدي الصعاب
وهل تكون السعادة الا من بعد العذاب😥

ﺳﺄﻟﻮﻧﻲ ﻳﺎﺥ ﺑﺘﺤﺐ ﻣﻨﻮ
ﻭﺍﻧﺎ ﻳﺎﺥ ﺧﺠﻠﺖ ﻭﺍﺧﺘﺸﻴﺖ
ﺍﻧﺎ ﺧﻔﺖ ﻣﻦ ﻏﻴﺮﺓ ﺍﻟﺒﺸﺮ
ﻟﻤﻠﻤﺖ ﺍﺣﺴﺎﺳﻲ ﻭﻣﺸﻴﺖ
ﺣﻠﻔﻮﻧﻲ ﻋﻠﺸﺎﻥ ﺍﻋﺘﺮﻑ
ﻳﺎﺥ ﻭﺍﻟﻠﻪ ﻣﺎﻗﺪﺭﺕ ﻭﺃﺑﻴﺖ
ﺍﻧﺎ ﺍﺻﻠﻲ ﻳﻮﻡ ﺍﻋﺸﻖ ﺑﺸﺮ
ﺑﺒﻨﻴﻠﻮ ﻓﻲ ﻛﺘﻤﺎﻧﻲ ﺑﻴﺖ
ﺍﻏﺮﻭﻧﻲ ﻟﻴﻚ ﺑﻲ ﻛﻞ ﺷﻲ
ﻭﺍﻧﺎ ﺑﺮﺿﻮ ﺯﺍﻳﺪ ﻓﻲ ﺍﻟﻌﻨﺎﺩ
ﻭﺍﻧﺎ ﻗﻠﺖ ﻟﻴﻬﻢ ﺑﻌﺘﺮﻑ
ﺧﻠﻮﻫﻮ ﺍﺳﻤﻮ ﺑﻲ ﻃﺮﻑ
ﻟﻜﻨﻲ ﺑﻲ ﻗﻠﺒﻮ ﺍﻛﺘﻔﻴﺖ
ﺍﻧﺎ ﺟﺪ ﻋﺸﻘﺘﻮ ﺑﺪﻭﻥ كذب
ﻟﻲ ﻣﺸﺎﻋﺮﻭ ﺍﺻﺪﻗﺖ ﻭﻭﻓﻴﺖ
ﻗﺎﻟﻮ ﻟﻲ ﻃﻴﺐ ﺣﺮﻓﻮ ﻣﻴﻦ
ﻭﺍﻧﺎ ﺑﻴﻦ ﺣﺮﻭﻓﻮ ﺍﺧﺘﻔﻴﺖ
ﻭﺭﻓﻌﺖ ﻟﻴﻚ ﺣﺎﺟﺒﻲ ﺍﻟﺸﻤﺎﻝ
ﺑﻲ ﻛﻞ ﺩﻭﺍﺧﻠﻲ ﺍﺻﻄﻔﻴﺖ
ﺍﻟﻨﺎﺱ ﺩﻱ ﻋﻤﺎﻫﺎ ﺍﻟﺴﻜﺎﺕ
ﻭﺍﻧﺎ ﻟﺴﻪ ﺑﻮﺻﻒ ﻭﻣﺎﻛﻔﻴﺖ

قلبي فيهو التفائل والرضى. فيهو المواجع والألم

فيهو شوق لي ناس كتار. فيهو مشاعر وفيهو حنان

فيهو مآسي وفيهو حزن. فيهو فراق مع أغلى ناس

فيهو صبر ومعاهو امل وحبه انتظار لي يوم غدا
فيهو تريس لي اي خطه. فيهو بدايه لي ي نقطه

فيهو ايام كانت جميله. فيهو صور لي أرواح دفينه

فيهو احلام وفيهو امنيات. ما معروف شو مصيره

قلبي بنزف دمعه ألم ودمعه فراق ودمعه فرح ودمعه شوق
لاكن اغلبه دموووع اليييمه
فيهو ايمان وفيهو إخلاص. فيهو ثبات في مواقف عصيبه


فيهو صفات بديعه وفيهو صفات رزيله وفيهو صفات غريبه وفيهو تراجع وفيهو تقدم وفيهو خوف وفيهو امان وفيهو حب وفيهو كراهيه وفيهو قسوه وفيهو حنان وفيهو تريس وفيهو تسرع
فيهو ضد لي كل الصفات

بس هو داري كيف. بتصرف في اي موقف

وعارف بدي كرهوا. وبدي حبو لي منو

وعارف كل زول بستاهل شنو
قلبي واسع شديد بشيل. اعداد من كل الصفات

بس انت ركز في كلامك. غلطت في بدايه حديثك
ارجع وشوف محل ديارك
معليش ما بقدر استضيفك. لأنك جارح للمشاعر

وجبيلك فهمتك مشاكلي. وكتبتهم ليك في رساله

انو قلبي عااايم في. بحر المواجع وعاوزه
دااااعم للسعاده
عشان كده مكتوب عنوانو. في لافته بره مدعوم للسعاده

استحاله تستهبل عليهو. ترحل وتدخل زي ما داير

دخولك برحب بيهو. لكن مغادرتك استحاله

بحاول اسعدك واديك اجمل عباره
ولو اصريت في رحولك. وما اتريست في قرارك

ارحل لكن على الدوام. صورتك في قلبي محفوظه

احتمال تلقى السعاده من بعدي. واحتمال تلقى التعاسة

في النهايه ما همي. مش طلعت من قلبي

امشي واصل سكتك. مع الزول البشبهك

بالرغم من كل أنواع الفراق العشتها
وكل المواجع والدموع النزفتها

ما زال عايش في امل. عايش في تفائل لي غدا

جدد جوازو وحدد قيامو. وقال مسافر مع الامل

نبضاتو بتقول ليهو. سيب التعاسة سيب التشاؤم
وأبدأ صفحه جديده عنوانه
بكره حيكووووون احلى يوووووووووووم✌️🤗❤️‍🩹


💓 تماضر نصرالدين 💓

يا دنيا ليه؟ ليه الحروب ال في الدول😢
يا دنيا ليه؟ ليه اللجوء وفقد الأمل😢
يا دنيا ليه؟ ليه سودانا اصبح كلو دم😢
يا دنيا ليه؟ ليه خرطومنا سكنوها الغنم😢
يا دنيا ليه. ليه فلسطين ما زالت بتتألم😢
يا دنيا ليه؟ ليه مسجد الأقصى ما عاوز يتحرر💔
يا دنيا ليه؟ ليه الظلم وين العدل💔
يا دنيا ليه؟ ليه دنيتنا مثل الزريبه عايشين فيها الحمير والبقر💔
اي زول بي مزاجو كل زول بإختياروا وين قوانينا الامرونا بيها الرسل😞
ناس تضيف وناس تزور وناس. تمحي وتجيب الجديد وفاكرين مافي رحيل😞
يا دنيا ليه؟ ليه الفراق أصبح مصير كل العباد💔😭
يا دنيا وين؟ وين أصحابنا واهلنا البعاد💔😭
يا دنيا ليه؟ ليه احلامنا صارت محال زي الخيال😞
مثل السفينه بلا شراع،صعب المنال مافي خيار ،وبات مصيرنا الانتظار😢
يا دنيا ليه؟ فقدنا الشغف،عنوانا مافي مزاج زائد زهج نتفشى في كل البشر من غير سبب😢
يا دنيا وين؟ وين القناعه والرضى😢
يا دنيا وين؟ وين الإيمان والثقه😞
يا دنيا ليه؟ كل القلوب كاذبه💔😞
أين القلوب المؤمنه، الصادقه، المخلصه؟😢
يا دنيا وين؟ وين نلقى تلك الصفات المحسنه مزروعه في روح واحده؟😢
يا دنيا كيف؟ كيف ننسى يوم مرّ علينا..كان جميل ماليه مثيل.. زكرياتو لسه باقيه في العقول.. مزروعه في عمق القلوب.. مرشوشه بالطيب والندى 😍..بس انتهي وكانت نهايتوا جد مريره..😢 وياما بكينا عليه كتير بترجاكِ يا دنيا🥺 عيديهوا لينا من جديد ختيهوا في فِلْماً عديل وأعرضيه للجميع
بالجد آسفين يا دنيا.... حقك علينا....كترنا عليكي الاسئله....واحترتي زاتك في الاجوبه....بس بسألك آخر سؤال
يا دنيا وين؟ لي وين تودي لي دروب خطواته قاسيه ولا نور دروبه واسعه😭💔

💓 تماضر نصرالدين 💓

يموت الطفل جوعا
ويبكي الفتى موجوعا
وينادي اباه مستثقيا
طبيبا يسعف جروحا
وطني حاله مشئوماً
الحزن في الوجوه مرسوما
الخوف في القلوب مختوماً
والامان أصبح معدوماً
الطيور هاجرت بعيداً
في كل مكان صارت غريبا
كل الاماكن لم تعد لها مريحا
كموطنها لم تجد شبيها
حتى والزهور ظمئت شرابا
لم تجد من يسقيها ماءاً
والعيد يقبل والكل عنه غافلُُ
ورمضان يأتي والناس بخيبة زائرُُ
والايام تجري والكل عنها جاهلُ
كل العوائل بها فرد ناقصُ
الشوق في قلوبنا كالسم القاتلُُ
يكاد يحبسنا بمقبضٍ قافلُُ
واجسادنا تعبت من السفر والترحال
ما بال اعمارنا تجري دون انذار

💓 تماضر نصرالدين 💓

انا شفتو يوم
زول غريب ....جمب بيتنا واقف مستكين💓🤤
لابس تشيرت وبنطلون 💓🤤
والساعه فيليب وتلفونو آيفون😻💓
والريحه اوركيد ونظارتو جورجيد😻💓
وبحلاقتو طالع وسيم🤤💓
ياخي متشيك شياكه وزول وجيه💓
عيونو اسرتني ودخلت في الوتين🥹💓
لا قدرت اتحرك يمين لاقدرت ابعد بعيد🙈💓
سارحه فيهو خلقو البديع 🤤💓
حتى النجوم سألت قمرنا الوحيد
مين الشبيه!؟ ..... مين النظير!؟
فاق جمال كل الخلوق💓🤤
عجزت عن وصفو كل الحروف😻
فجأة بس من نغير ما احس العيون لاقت عيوني💓🤤......
والاحساس هنا كان رهيب😻
لا بتوصف بكلمتين لا بتوصف بكلام كتير😻
معقوله بس حبيتو من نظرات عيون🙈💓
معقوله من شوفتو خلاص اصابني الجنون🙈💓
دخل قلبي وليهو حأكون وحأعيش معاهو كل العمر💓🥹
لا نختلف لا بعض نخون💓🥹
للأسف ما قدرت أتجرأ وأقول ولا قدر يبادلني الشعور🤦‍♂️💔
غلبنا الكلام وجوانا المشاعر نيرانا فوق🤧💓
كنا عاوزين نعترف لكن قلوبنا أبت تبوح🤧💓
لكن محال أنساه يوم ....أنسى الجمال الما بتوصف؟💓
أنسى التشيرت والبنطلون؟....أنسى ساعتو والايفون؟😻
أنسى الحلاقه وريحتو زي عطر الزهور؟🤤💓
انسى الشياكه ونظرات العيون؟😻
كل التفاصيل زارعه في قلبي ورود
وحتبقى في زكراي خلود🥹💓
احتمال القاهو يوم ونعترف وما يبقى بيناتنا حدود 🥹💓


💗 تماضر نصرالدين 💗

البيضاء القاتمة

إليك أنثر وأُشعِر، منك أهرب وأسرد، فيك أكتب وأشرد، إليك أسعى وأسري.

كنتِ دائمًا ذاك الصخب الأهيف على مسمعي، أتمايل على عزفك الأبهم، أستمدّ طاقتي من فتورك، وأعطيك القوة من ظلامي، هكذا كنتِ وكنتُ، متناقضين تناقض الليل والنهار، أنتِ نهاري وأنا ظلّك خلف السحاب، أنتِ ليلي وأنا بدرك المكتمل.

أخبريني يا وردتي الرقيقة، كيف أقطفك دون قتلك؟!
كيف أدسّك بين ثناياي دون تحطيمك وأنتِ بهذا الهشاش؟!
كيف لي أن أُنير بكِ وأنا ولدتُ مدْلَهِمًّا وقد أتيتِ للدنيا بوجهكِ الأبلج؟!

اتركيني واختبالي، معجز تفطّنه..إلى حين منالكِ، تظلُّ كلماتي مغمورةً بك، على نهجكِ الدخيل.

#🌖O.M.M.N💔

وهم

تؤنسني أوهام فيني
وتناجي قلبي تسلّيني

تمحو عن روحي أحزاناً
بسراب حلاها تحميني

لكني يعجبني جداً
إن بقيت أعواماً فيني

تبلي حالي ولها ينزف
بضلال الشك تلافيني

مهلاً يا طيف صويحبتي
انسي يا ليتك تنسيني

قد زال طموح كان به
تسمو أفكاري تحلّيني

ما أعدت أبالي من حولي
لا عدت أهاتي لسنيني

#🌖O.M.M.N💔

مافي زولا فينا كامل
الكمال لله وحده
مافي زولا فينا أبقى
البقاء لله وحده
كل زولا فينا هالك
حتى ملك الموت ده راحل
أوعَ تستكبر وتقوى
الكبير والأقوى الله
خلي حشمتك التواضع
أرحم صغير...أطعم فقير
أقصد مشيك...أقضض في صوتك ونبرتك
املأ نفسك بالقناعة
الأرزاق مكتوبة جاية
ديمة حافظ على صلاتك....
وللأرحام خليك مواصل
كتر الصدقة القليلة
وما تتباهى ... تقول دة عندي
كلو زايل ودنيا زايلة
بتمشي هناك لي عالم تاني
عالم فيهو تكون وحداني
لا أحبابك.. ولا جيرانك.. ولا أصحابك.
حتى حبيبك الما بسيبك.
ياهو برضو الليله سابك...
ح يشوف بديل ...ويعيش حياتو...
ديك أعمالك في الميزان
هي البتقرر ليك مصيرك
إما الجنه أو النار...
عاوزه أنصحكم يا أحباب..
عيشوا حياتكم بالأخلاق...
ربنا شايف...سامع وعارف
كل البحصل في دنياك
ما تحسبوا غافل...
أرجع وأسجد ليهو باكي
واستغفر مرة وتاني وعاشر
وللقرآن ما تخليك هاجر....
اقراه بخشوع ...بي نية صافية
يزرع جواك وئام وسكينه....
وكمان يخلي روحك صافية....
تقابل الناس بي بسمة بشوشة ...
بكلمة صادقة ....نضيفة حروفها❣️❣️

💗تماضر نصرالدين 💗

لو جراح الغدر مرة.. بكرة بتطيب الجراح.. لو جفا الأحباب أمرا.. افتح أبواب السماح.. الجراح بكرة بتهون.. اطرد الهم والظنون.. المقدر هو البكون.. طالما قلبك حنيّن.. شوف عمايل الريدة فيك.. قلبي يا مسكين وهيّن.. السماح للغدروا بيك.. اصلو ظلم الدنيا بيّن انتي مهما تغيبي عني.. لحظة ما بتفوتي مني.. عايشة فيا.. وساكنة جواي في خواطري.. وفي مشاعري.. وفي تسابيحي.. وغناي زي فرح ما ليهو آخر.. شوق سنين لزول مسافر راجي الزمن في يوم يجيبو.. لديارو.. و لحبيبو والفريق يفرح.. يغني.. انتي مهما تغيبي عني لحظة ما بتفوتي مني

🌖O.M.M.N💔

حزن ....توتر ....تأنيب ضمير....
حقا.....!! لقد اجرمت علي نفسي..
لا أري سوا الضباب...عتمه..ظلام
هل أستسلم؟..ام أخوض المعركه
هل سأفوز ....؟! ام سأخسر...!!

#🌖O.M.M.N💔

من أنا؟
أنا تلك الفتاة التي عاشت وسط الحروب خائفه
تبصر بعينيها.....
دماء مجروح على الأرض سائله
وأسير لدى الاعداء يعذب كل صباح بضربات قاسيه
وصراخ طفل تحت أنقاض البيت المتراكمه
ومنازل دمرت بقنابل متفجره
مناظر ومشاهد مرعبه....
ذاك قتيل...وذاك شريد...وذاك جريح...وذاك أسير...وذاك وحيد...وذاك حزين...وقضايا متنوعه
من أنا؟
أنا تلك الفتاة التي استيقظت بصوت المدافع والاسلحه
خرجت من الخرطوم...وحلت بموطنٍ ليس موطنها
بمنزلٍ ليس منزلها. في واقعٍ لم يرحمها لم يواسيها
فباتت تتنقل بين بيوت متعددة.....متأمله....
بأن تجد بيت ينزع منها الخوف ويزرع فيها الروح الدافئة...
اصحاب...احباب...اقارب...يضموها ويبادلوها كلمات
من القلب نابعه.....
ولكن كل البيوت متشابه الحقد والذل فيها كالمياه الجاريه...
وهنا ذهب الانين بنا إلى أيامنا الماضيه. في بيوتنا الزاهيه العامره...
التي باتت اليوم من الذكريات المؤلمه العابره....
من أنا؟
أنا بنت فلسطين التي أصبحت مشرده
ضائعه بلا مأوى....بلا طعام جائعه
لأمها وأبيها فاقده... ترتدي ثيابا باليه....
ولكنها صاابره
تحارب وتناضل تدعي لربها راقبه...
بأن تتحرر فلسطين من قبضه الصهيونين الملاعنه...
نعم...الخراب يغمر امتي الاسلاميه....
لا أمن ولا أمان ولا طمأنينه. خوف ورعب ومواقف مأساويه...
لكن سيعم السلام أمتي بعد أيام قليله
ويمطر المنان رحمته الوافيه....
وتسكن السكينه في قلوب سكان غزه
وجميع شوارع عزه....
وينزل غضبه على كل من ظلم عبده...
وكل فاسق حارب الاسلام وفسده....
غداً...وغداً ليس ببعيدٍ البته...
سنرفع راية النصرَ. ونعزف ضحكه الفرحه

💗 تماضر نصرالدين 💗

جاي راجع الا خايف
اني م اقبل رجوعك
جاي لي بعذر زائف
شان تبين لي خضوعك
م بتفيدك كلمه أسف
قبل كم عاملت نوعك
جيت ترجع ريدي تاني
وقلبي من الريده صدا
جيت تفّتح لي جرحآ
اتقفل طاب ليهو مدا
عايز اقولك ي حنيين
قلبي بابك ليهو سدا
تاني م تأمل رجوعك
الغرام البينا عدا

ﻭﻋﻠﻤﻨـﻲ ﺍﻟﺰﻣـﻦ ﺇﻧـﻮ ﺍﻟﺮﺟﺎﻝ ﺃﺻﻨـﺎﻑ
ﻭاﺣﺪ ﻓﻨﺠﺮﻱ ﻭﻭﺍﺣﺪ ﺳﺨﻲ ﻭﺻﺮﺍﻑ
ﻭاﺣﺪ ﻛُـﺪﻩ ﻋﻨﺪ ﺩﻓـﻊ ﺍﻟﻘﺮﻭﺵ ﺭﺟﺎﻑ
ﻭﻭاﺣﺪ ﻣﻦ ﺯﻛﺮ ﺇﺳﻤﻮ ﺍﻟﺮﺟﺎﻝ ﺑﺘﺨﺎﻑ

ﻭ ﻋﻠﻤﻨﻲ ﺍﻟﺰﻣﻦ ﺇﻧﻮ ﺍﻟﺮﺟﺎﻝ ﺻﻨﻔﻴﻴـﻦ
ﻭاﺣﺪ ﻣُﺮ ﻭﻭاﺣﺪ ﺷﻮﻓﺘـﻮ ﺗـﻤﻼ ﺍﻟﻌﻴﻦ
ﻭاﺣﺪ ﻳﺪﻱ ﻣﺎ ﺑﻴﻌﺮﻑ ﺣﺴﺎﺏ ﻻ ﺩﻳﻦ
ﻭﻭاﺣﺪ ﻓﻲ ﺍﻟﺸﺮﻉ ﻣﺎ ﺑﻌﺎﺩﻟﻦ ﻣﺮﺗﻴﻦ

ﻭاﺣﺪ ﺳﺖ ﺟﺒﺎﻥ ﻻ ﺗﺤﺮﻯ ﻻ ﺗﺮﺟﺎﻫﻮ
ﻭاﺣﺪ ﺣﻴـﻦ ﻣﻼﻗﺎﺕ ﺍﻟﺼﻔﻮﻑ ﺗﻄﺮﺍﻫﻮ
ﻭاﺣﺪ ﻭﺩ ﺭﺟﺎﻝ ﺿﺮﻭﻩ ﻭ ﺳﺘﺎﺭﻩ ﻗﻔﺎﻫﻮ
ﻭﻭاﺣﺪ ﺃﻫﻠﻮ ﻣﻦ ﺷﻴﻦ ﺍﻟﻔﻌﻞ ﻧﺎﻛﺮﺍﻫﻮ

ﻭﻋﻠﻤﻨﻲ ﺍﻟﺰﻣﻦ ﺇﻧﻮ ﺍﻟﺮﺟﺎﻝ ﺃﻓﻌﺎﻝ
ﻭاﺣﺪ ﺛﺮﺛﺮﻩ ﻭ ﻓﺘﻨﻪ ﻭ ﻛﻤﺎﻥ ﻗﻮﺍﻝ
ﻭاﺣﺪ ﻏﺎﻟﻲ ﻣﺎ ﺑﺠﻴـﺒـﻮﻩ ﺑﺎﻻﻣﻮﺍﻝ
ﻭﻭﺍﺣﺪ ﺳﻤﺘﻪ ﻟﻠﺤﻤﻞ ﺍﻟﺘﻘﻴﻞ ﺷﻴﺎﻝ

ابشر يا عريس بي الفرحه ياااخ تتهنى
سريت النفوس فرحتا كل اهلنا
والسمحه ام خدود صارت حلالك سنه
كملتو الفرض عقبال تدخلو الجنه


وليكي يا الرايقه الجيتي ودخلتي ديارنا
ريده وعفه واحترام من صغار لي كبارنا
بي الامس القريب زاعو لينا اخبارنا
بي الزين والعديل تمه نحنا قرانا


مبروك الزواج واعزرني جد يا خالي
والله العظيم دايما علي في بالي
وعدم الجيه لي فرحك شتت علي افكاري
واصلو الغربة مرة بتحكم عليك اجباري


وفي اخر الكلام بتمنى ليك سعادة
عيشه هنيه وسترة ومعاها عبادة
انتا والزولة الفي حضورة سيادة
ويحفظكم إلاهي من كل عين حسادة

المعلم

المعلم إن شاء الله دايما منعم
بالسرور والخير مفعم
العزيز الغالي من الشر تسلم
المخلص المليان ذوق وفهم
نصرك عند الله نبرأ من الظلم
يديك العافية من الدونية تسلم
قلمك وعلمك يزيل عنك السقم
✒ ✒ ✒ ✒ ✒
هيا اهتفوا زيلوا البلم
انتو الأساس انتو الفهم
من غيركم لا وزير لا سجم
صرخ المعلم من شدة الألم
اتجرح جرحا عميقا ما بتلحم
عايز تغييرا يرجع هيبة القلم
ينصر المعلم والتعليم بعد إنهزم
تحقق آماله يعيش في نعم
بالعلم بلدنا تغدو في القمم

أ.عائشة عوض الجيد

كتبت لـيـك مـا عرفتني
رسلت لـيـك صوري الزمان
في لـحـظـة قـمـت نكرتني
وكتبت لـيـك اخر الحروف
في ثانية انـت حـظـرتني
رغـم جـفـاك وكل شقاي
انا عافي لـيـك وظلمتني
لكن حروفك قاسية كيف
تقدر تـقـول مـا عرفتني

لـو كـنـت صاح بتحبني
كان انـت لم كتبت ليك
صـدقـنـي كنت عرفتني
بس انت غراك الـسـفـر
خـلاك فـجـأة كـرهتني
حبيت سواي انسان جديد
مادام مشيت وهجرتني

ولو شفت كيف نار الصبر
جـواي كـانـت مـوقـدة
ماغرقنا في بحر الـغـرام
وشـقـيـنـا لـي اخـر مـدا
وقسمتنا كانت هي السبب
واقدارنا هي البتقول كدا

مـادام لقيت البشبهك
ليه جاي تندم وتعتذر
وتاريهو خلاك من زمن
خلاك راجـي ومنتظر
خلاك في حكم الظروف
واصلو الظروف ما بتنقدر
وانا عافي ليك كل الغياب
وانا زاتي ليك انا بعتذر

بتوسلك ما تسدي باب
أنا من دروب الريح بجيك
واستأذنك شان أدخلك
وأرسم ملامحك من جديد
عصفورة أو طفلاً سعيد
راكوبة أو ظلاً مديد
قمرية في غابة نخيل
طورية أو منجل في إيد
تمرة وشديرة برتكان
شادوف علي الجرف البعيد
خلوة وتسابيح في الآذان
إبريق وسبحة وكم مريد
وأستأذنك شان أدخلك
وأبداكي من أول جديد

*💖وطني الغالي💖*
~ ~ ~ ~ ~
وطني الغالي سيد الأوطان
جاروا عليك أم جار الزمان
حبك فينا مدى الأزمان
خيرك وافر في كلِ مكان
مناظِر خلّابة تسعِد الإنسان
مصانع مزارع وكم بستان
أنهار تجري ~ بِرك وخيران
محاصيل تكفيك والجيران
بلد كريم من أجود البلدان
بلد التقوى محصن بالقرآن
شعب أصيل أهو ده السودان
جيشنا الحر ما بيقبل هوان
أبطال أسود أعظم فرسان
قدير بجدارة ينش في المليان
عدونا الخائب هو الخسران
أكيد أكيد مهزوم لانه جبان
🇸🇩 🇸🇩 🇸🇩 🇸🇩 🇸🇩
بلد الطيبة فيها الخير مدرار
أمطار غزيرة غطت الديار
بترول كثيف ذهب وأحجار
صحة وتعليم في إزدهار
فيك رِجال حازمين شٌطار
ما بيهابوا الموت أو أَخطار
مِثال المهدي وعلي دينار
جنود إتحزموا خاضوا النار
إتوحدوا كل همهم الإنتصار
داروا المعارك أعظم أدوار
🇸🇩 🇸🇩 🇸🇩 🇸🇩 🇸🇩
آهٍ آهٍ عليك يا بلدي الجريح
هامد على الفراش طريح
من الألم ما قادر تصيح
حليل لما كنا عندك نستريح
كنا نمرح في ترابك الفسيح
🇸🇩 🇸🇩 🇸🇩 🇸🇩 🇸🇩
حسدوك في قبر بعيد دفنوك
دمروك عز شبابك سلبوكْ
اخذوا مخزونك وجوعوكْ
ماعارف صليحك من عدوكْ
سلموك لناس جهلة ما قيّموكْ
فكوا الفرامل كيفن يثبتوك
دخلوك أغراب ما بيشهوك
🇸🇩 🇸🇩 🇸🇩 🇸🇩 🇸🇩
المواطن يئِن مكسور الجناح
فقد تعليمه وجرس الصباح
في اي مكان ما هو مرتاح
منزله وكل ما يملكه راح
الأرض حزينة محتاجة الفلاح
عدونا الظالم جائر سفاح
بجبروته طاغي يحمل السلاح
في كل قبيح هو منداح
غدا نعود ننسى الجراح
دموع ممزوجة مع الأفراح
ألم وحزن عننا ينزاح
الليل الداكن يبقى صباح
بعد العتمة تهب الرياح
تحقق الآمال يعم الإصلاح
بعد الحال زغاريد وافراح
🇸🇩 🇸🇩 🇸🇩 🇸🇩 🇸🇩
الشاعرة
عائشة عوض الجيد

*شباب ألامل*

مرحب حبابكم حباب الشباب
طرقت الباب قلتوا لي حباب
نورتوا الطريق زلتوا الضباب
طلعتونا من الأسى والعذاب
العمر عدىّ والرأس شاب
زمن ملئ حزن وإكتئاب
الديار ح تعمر بعد الخراب
الأرض تخضر بعد اليباب
بكرة أحلى إياك تسجل غياب
🌸🌸🌸🌸🌸🌸
عايزة أوصيكم أجمل وصية
أبعدوا عن الحزن والعصبية
أحزر بنت السوء ماهي هدية
بنت ظاهرها خلاف المخفية
🌸🌸🌸🌸🌸🌸
للوالدين أهدوهم التحية
هيا صلوا الصبح فجرية
أنتم حماتنا للبلد ذخرية
شدوا سواعدكم الفتية
أعملوا الخير بنفس رضية
انتم  زخرا الفيكم  محرية
هيا يا شباب أبعدوا الأذية
بعزيمتكم بلدنا محمية
🌸🌸🌸🌸🌸🌸
المركب في  البحر   متكية
أسندوها ح تغرق بعد شوية
سواقها  محتار  رائح ضحية
لا عنده شاكوش لا زردية
متوكل ذاكر صباح وعشية
🌸🌸🌸🌸🌸🌸
ركابها  ناساً  مأصلين
فاهمين أصول   الدين
زمن في البحر تائهين
من البرد  ما  متغطين
جوع وعطش صابرين
🌸🌸🌸🌸🌸🌸
غشاهم رجل يحلف باليمين
قال ليهم تعالو معاي  ألحين
من شدة الضيق وكثرة الأنين
أخذوا رجولهم ما مصدقين
نزلوا في قصرا جميل و متين
شبعوا لحوم  لبن عنب وتين
قهوة وشاي ~ عصير قمردين
🌸🌸🌸🌸🌸🌸
كانوا على قيف البحر نايمين
ملابسهم عليها رمل وطين
الصبح أذن لحقوا المصلين
وصلوا لديارهم بشوق وحنين
ربي يحفظهم قولوا آمين

🌸🌸🌸🌸🌸🌸
*عائشة عوض الجيد*

*بشاير الخير*

ليك بغني يا وطني مسدال
ليك بغني  بالعديل  والفال
زغردي يا مهيرة دقي النال
لمي شمل اليتامى و العيال
بزغاريدك  إجتمعوا الرجال
أقدلي بثوبك أمشي بعجال 
دقي النحاس دندني  موال
🍇🍇🍇🍇🍇

عايزين  نغني نطرب ألأهل
ريحة  دعاش  علينا   طل
السحاب لملم غمامه هطل
النصر جانا مافقدنا   ألأمل
جنود أتوحدوا كسر  العلل
بسالة شجاعة  منذ  ألأزل
دوام   يناضل للحق  يصل
عزيمته قوية للعدو ما بتذل
لكل الشعوب مضرب  مثل
🍇🍇🍇🍇🍇
جندنا الباسل ساري الليل
خاض النار  شيال  التقيل
قطع المسافات دربا طويل
أتوسد الحصى خاض السيل
نفديك ياوطن دمانا  تسيل
نتحزم  جميعا نشد ألحيل
انتم حماتنا لشعبي الأصيل
نزرع الخير  والشجر الظليل
نأكل من ثماره  يجري النيل
نسعد القلوب زغاريد وتهليل
نتكاتف نبني  البلد  الجميل
بسواعدنا نخطط نعدل الميل
هلم ياشباب انتم أحسن جيل
امسح  يا قلمي الحزن  النبيل
هيا زغردي أرفعو العلم تهليل

💖💖💖💖💖
*كلمات عائشه عوض الجيد*
٢٠٢٤/٨/١١

إحساس مرهف
لما يصارحك زول بالريدة..
لمن تنزل دمعة في خدك
يمسحها بي منديل الريدة
لمن تزعل يوم ما يسيبك
إلا يشوف الضحكك في وشك
ويبقى معاك في السكة رفيقك
في الجرح طبيبك. 
   في الوحده انيسك
ما يغيب منك.            
ولو غبت عليهو يسأل منك
وما يستنى سؤالك منه
لا بعاتبك لا بوجعك بالكلام
ويفوح من خشمو الحروف
وتعطر أجواء المكان
ويا سلام يا سلام.     
لمَّا يطل عليك يوم
او يرسل ليك رسالة
تحس بالشجن في قليبك.   
وتترسم في وجهك ابتسامة
وتحس بباقي يومك.        
زي فرحة العيد وزيادة

للشاعره تماضر نصرالدين ❤️

*الماضي الجميل*

نسيم هبّ قمر طربان
سحاب نازل تراب نديان
برق ساطع على الحيشان
زهر فتح غرد بلبلاً فرحان
✍️✍️✍️✍️✍️
ذكرني الماضي أيام   زمان
زمن حبوبة جمّعت الحبان
بشاشة وريد روت العطشان
قهوة ظريفة ببخور تيمان
دندنة فندك تُطرب الحزنان
بليلة دخن الصحن مليان
حكاوي ظريفة تسعد الإنسان
ما أروعها ما أجملها أيام زمان
أيام كنا نجري مع الصبيان
نسمر نلعب والقمر طربان
نغني نعزف أعزب الألحان
نرقص نمثل نرسم الغزلان
فطورنا غدانا مع الجيران
صواني مليانة تشبع الجوعان
في عز الليل يشعلوا النيران
جاهم ضيف ذبحوا الخرفان
شاي الصباح وزلابية أم التيمان
تصب تشرب والبطن مليان
يقول ليك لازم تكمل الفنجان
كرم يتنافسوا فيه الأخوان
صفية صغيرة خطبوها لعثمان
ما شافته كانت تلعب في الميدان
كل الأهل إجتمعوا في الديوان
بمهراً قليل باركوه الحبان
أبوها يقدم في البلح فرحان
لا قال مالاً بسيط أنا عدمان
تم العقد زغردنْ النسوان
ذبحوا الذبائح دقوا الصيوان
دلوكة دقوها في الحيشان
فرحن البنات بشروا الشبان
فرحت فرهدت الوجه نديان
ساقها لبيته مدنقر خجلان
تم الزواج بسلام وأمان
يارب يعود أحسن ما كان
يارب يعود أجمل ما كان

✍️✍️✍️✍️
عائشه عوض الجيد