شعر ، كلمات اغاني سودانية ودوبيت

‏صورة من سبحان الله وبحمده

عضو القروب. السعودي السوداني

بتستشعر قساوة الدنيا
لما يغيب حبيب الروح
وتغرب شمسك الضواية
تنقلب البسيمة جروح
وضحكتك الرنينا يدوي
تتحول مواجع ونوح
و قلبك من جراحو البيو
يفرفر بالألم مدبوح
بيكتل لما تدفن ريدة
تابا الوجعة بيها تبوح
وتختار تحيا في الماضي
مع طيف كل دقيقة يلوح
حالو ووجعو ما داسيهو
ظاهر في العيون بوضوح
في كلماتي في نظراتي
في كل البقول مشروح
واصلي انا من عرفت هواك
كت ليك زي كتاب مفتوح
حليل الكان كلامو رزين
وقولو سميح ووشو صبوح
كان يلقاك بالبسمة
ودوام منو الحنان ممنوح
فارق وخلى لي ذكرى
زي النار في الزناد مقدوح
وفي الاخر اهو اتفارقنا
وانسكب العشق مسفوح
واصبح زي لهيب وقاد
فوق جمرو القلب مطروح
كلما تحرقو الأشواق
طيب الذكرى منو يفوح

ﺃﺩﺭِ ﺍﻟﻜﺄﺱ ﻋﻠﻰ ﺍﻟﻌﺸﺎﻕ ﺻﻔﻮﺍً ﻭﻣﺪﺍمه
ﻳﺎ ﺣﺒﻴﺐ ﺍﻟﻘﻠﺐ ﻭﺍﻟﺮﻭﺡ ﻭﻳﺎ ﺭﻭﺡ ﺍﻟﻨﺪﺍمى
ﺃﻳﻬﺎ ﺍﻟﺮﺍﻓﻞ ﻓﻲ ثوب ﻣﻦ ﺍﻟﺤـﺴﻦ دوﺍﻣﺎ
ﻣﺎﺳﺖ ﺍﻷﻏﺼﺎﻥ ﻟﻤﺎ ﻋﺸﻘﺖ ﻣﻨﻚ ﺍﻟﻘﻮﺍﻣﺎ

ساهر طرفي ما نمت
ومن يوم شفتك أعلنت
بأني أسير سلمت
بمن سواك آمنت
آمنت بأن المبدع الفنان
أبدع فيك من فنهُ
أمعنت في تفانينهُ
في أحسن صوره سواك
خلقك حته في حته
الحور الحسان سمعوا
بجمالك جاتنا تستفتى
شافت حسنك وجمالك
قالت للخالق أحسنت
في صنعك أبدعت
في فنك أمعنت
في فنونك قادر أنت
ومخير بتخلق وتفعل
مثلما ما شئت
جمالك حير الأفكار
سطع نورك عمي الأبصار
تدور في فُلكك الأقمار
مثالك أصلي ماشفت
بس وريني إيه إنت
أرحم طرفي جافا النوم
أنا الفي حبك أسرفت
عفا جسمي المنام حائر
الليل كله ساهرت
حسبت نجومه بالحته
راجع خيالك ما جاني
وصفت نجومك أخفقت
انسان ولا من الحور
وجيت من الجنان فلته
قابلت الأسود في الغاب
أبداً ما تراجعت
وكم فرسان خيول وزحام
فوق لي ركابن ما وقعت
لكن بعد ما شفتك بثواني
سيوف لحظيك طعنتني
هواك صرعني ورماني
هزمني وصدع أركاني
والأعجب كمان خفت

زاهي فرعك نما وسما
تشبهي الضو في السما
الخدود نارا مضرمه في حشاي واضعه مفرمه
بي هلاكنا إنت مغرمه طرفك الساهي كم رمى
سمحه قامتك على التما
فاهك البسمه خاتما
للبدور خدك إنتـمى في العيون شلخك إحتمى
يا القلب تقـسما وحبيب تبسـما
بدر تم وقد سما
آه ما ابعد السما
يا نسيم أمشي سالما بي لطف شيشه حلما
بالعلي أبقى كلما
وهاك رويحتي سلما
مجلس الأنس ضمنا نحنا والكانوا يمنا
والسرور كله عمنا
ما في هم إلا همنا
مافي جاهل بذمنـا
يا شقاوة البشمنا
العيون هادره دمنا أصله ما بيبرا سمنا
وقفت بانة النقـا
ديسا طاويها فالقا
النظر راح يسارقا
صد قال فوقا خالقا
الحرير ماله خانقا والحجل يمشي زانقا
صيده راويها ما أتلقى كل شي فيها قالقـا
جلست شوف تأملا وقفت ضجت الملا
صاح شاديها وإتملى متنا ما سمعنا ململه
شوف وريدا وسوالفا شوف صديرا المزالفا
شوف ضميرا الموالفا من كفيلا المخالفا
ليله في غاية الصفاء حفله معدومة الصفه
يا نديم عقب أوصفا واقطف أزهارا صفصفا
غصن بان إذا مشى لعب الردف بالحشا
وإذا مال وإختشى فضح الغصن والرشا
لك يا غصن ما فشى لك يا ريم ما تشا
لك في داخل الحشا روضة طيبها وشى
مر كالظبي فاتكا وسقاني التهتكا
فدع الجيد وإتكى قلب الطرف وإشتكى
يا غزال الحمى بك
بآيات حبك
نحن صار دأبنا البكا وإنت ما أقسى قلبك
الحسان تمشي قادمه يضون العتمه كالدما
يا عيوني تهدما
من صياح أذرفا دما
كوكب السعد إنتمى لك يا صاحب النما
فسلام عليك ما لبس الروض نمنما
العيون ناعسه صاحيه والخدود يقطرن حياء
البصيبن ما حيا
ما بتزيل عطشته الحياه
أنت يا بر يا سلام للجميع أكتب السلام
وأحفظم في صلاه وسلام
متع أحمد عبد السلام

نعيم الدنيا
الشاعر / عمر البنا
كيف الحياة غير ليمك
ومن بعدك أصبح حظي
زي لون هضليمك
يا حليف الخدري
التأيه في نعيمك
ما دام هاجرني
أرسل لي نسيمك
وأنعش لي روحي
بند جسيمك
أو طيب المسك
الفايح من تبسيمك
يا أماني حياتي
البيك نور اقليمك
يتمنى التبري يلمع كأديمك
تشتاق الشمس تظفر بي ليمك
تأخذ من نورك تلثم لي قديمك
يا فرع البانة المايل في خميلك
من قامة حبي متعلم ميلك
يا بدر التم ما بتم تكميلك
لو ما تجعل محبوبي زميلك
سيوف الهند
من لحظات عينك
ليه بيها تصيبني
أيه بيني وبينك
غير كوني بحبك
وحيات خدينك
كف عني صدودك
يا حبيبي ودينك
ليك حق في صدك
و تيهك و تدليلك
وليك حق تهجرني
و يكتر تعليلك
ما دام حسنك فردي
على جيلك
تمتاز بالعفة
المانعني أجيلك
مع وهجرك وصدك
لازلت أريدك
و منام عيني بين حذوذ جيدك
تيه بين نعيمك مولاي يزيدك
ضيعت حياتي تسلم لي أيدك

أملـي وغايــة المنيــة
الشاعر / عبدالرحمن الريح
أملـي وغايــة المنيــة
أنا شـوفتـك عندي بالدنيـا
انت قــامتك بـــانة منتنية
بالثمــار الغيـر منجنـيـة
انت بيــك أنفسنـا معتنيـة
انت وحـدك في الجمـال دنيا
العيـون مشتـاقة مشتهيــة
تنظـرك في فتنـتك سـاهية
ليك خـدود كالورد مزدهيــة
فيك محـاسن الدنـيا منتهية
كلما هـب النسيــم أحيــا
بروايحـــك ميـت أحيــا
من ضيـاك الشمـس مستحية
يا مـلاك الحــسن فلتحـيا
النفوس الصـافية منجلـيـة
بلهيب الهـجـر منصليــة
انت فـوق المنـزلة العليــا
وبهـواك الأمــة مبتليــة
الأسـود الضارية منسبيــة
من عيونـك خـايفة مختبيـة
يا الغرامـك شيـّب الصبيـــة
يا الشويدن ياجنى الظبيه

البشيل فوق الدبر ما بكل

قصيده البشيل فوق الدبر هو بابا ( شاعر قصيدة النعيم
ود حمد )
ويقال انه بعد مدح بابا للنعيم ود حمد غضب أهل بابا
نسبة لبعض الخلافات بينهم والنعيم ود حمد فاشتكى
أهله للشيخ الجيلى ود العباس ود بدر ناظر الخط
الخامس جهة الكاملين فقال الشيخ الجيلى لأهله ( انا
بابا دا وسمتو وطلعتو) فمدح بابا الشيخ الجيلى ود
الشيخ العباس ود بدر

بقصيدة ( البشيل فوق الدبر ما بكل )... وذكر بعض
المهتمين إن شاعرة القصيده امرأة من شرق النيل
مدحت بها الطيب ود العبيد ود بدر... ولقد ذُكر اسم
الطيب في القصيدة
البشيل فوق الدبر

البشيل فوق الدبر ما بكل
قدل شيخى للرباع مهيل

يا ناير الخوده
يا سرالرمى يا مكمل الجوده
الحاره أم دمى أنا شيخي دا بخوده
الجبل المغور حكار للدوده

ساقية ابوى طنت
تيرانك طرابه وقيره بتقنت
غنيلك ضحى والبشاقره تتصنت

سيدي وسيد السارحه بقيده
سيدي وسيد الساويه بوليده
سيدي وسيد الجديه بورهيده
كم جلسن دقون الطيب بفيده

غنى وشكريه الليله يا بنيه
ترمبيلو الملك بيتو الماهو عاريه
طاحونتو البتدور الماه مكريه
ايدك المطره الرعدت ودودت وصبت نهاريه

اسمع شرح كلمات اغنيه الناحر فؤادي كلام ووصف عجيب

رحم الله قيثارة الوطن و الأنشودة الوطنية الرمز الوطني الخالد حسن خليفة العطبراوي .. كانت أيام الملاحم و الإنتصارات الرآئعات هذه أيامه .. وهو يشنف الأذان بروآئعه الوطنية *أنا سوداني* و *يا غريب يلّا لبلدك* و يرددها معه الشعب .. وصداها تبلغ الأفاق مداها .. والحماس و المعنويات فوق ..
و ... سودانا فوق فوووق فووووووق.
*(وإن جندنا لهم الغالبون)* ......

حاولت أنساك وقلبي زاد في جروحو
وريني كيف الحي بودع روحو
وريني كيف انساك انا حرت في امري
سجلت ليك حبي وهبت ليك عمري
اقضي الليالي انوح
واساور الانجم واسجع مع القمري
من حاولت انساك وريني كيف الحي يودع روحو
وريني كيف انساك انا حرت في امري
سجلت ليك حبي و وهبتو ليك عمري
اقضي الليالي انوح عتابي للانجم
واسجع مع القمري
شغلت افكاري ياحالم احلامي
في مسرحك يا عظيم مثلت افكاري
جود يا سمير الروح
بي نظره لاتظلم خففلي آلامي ,,,
ياساحر النظرات عطفك علي الولهان
حطمت امالي تلزم بي لاتنهال انا برضي بيك ولهان
والحب يزيد تشبيك وفراقي ليك كيف هان
ماتدري لي عذري انا عمري ليك بازل
مابخشي فيك رقيب مابهمني العازل
اقسم بي وجناتك
انا ماببادل بيك مهما تكون هازل
من حاولت انساك وقلبي زاد في جروحو
وريني كيف الحي بودع روحو
وريني كيف الحي يودع روحو

لشاغلين فؤادى وتايهين فائتين
يكفى البى زارف دمع المايهين

سال القبلى شايف لى برقاً لمح
والصيد فى الخمائل ياناس اجتمع

قوموا يا احبة نسترق السمع
مابطيق القعدة والبان اجتمع

هجر احبابى لى يامولاى قدروا
انسلبت نحولى واعضاى خدروا
لامونى العوازل بحالى اذدروا
هم خايفين دلالو تايهين مادروا

سامرت الكواكب لما الفجر لاح
ونادى الفجر نادى وقال يا اهل الصلاح
صلو الوقت حاضر قاوا اهل الصلاح
انا والليل قايمو لى خيال لى لاح

النسيم عاودنى اقوم من نومى صاح
مشغول فكرى حاير مشطوب إنشطاب
يانسيم بالله تجيب رد الخطاب
اوعى الجاهلة نية وما بتحمل عتاب

ى ليل الشجن والشوق ... سألت عليك وناديتك
لقيتك فى السماء نجمة ... لقيتك فى الصفاء نسمة
لقيتك فى الصباء كلمة ... وناجيتك وما رديت
* * *
شكيت لى طيفك الايام ... وحدثتك حديث الروح
سالتك وين .. وين وكيف .. هواك اوهام .. ووعدك زيف
وطول ايامى بلقاك طيف ... وناجيتك وما رديت
* * *
سهرت مع ملاحم شوق ... وفى احضانى نام الليل .. صحيتو
صحيت نجمة ترعى حبيب
وصحيت شمعة تشقى لهيب
تمنيت وانت طيف ما تغيب
وناجيتك وانت ما رديت