Publications du canal |شعر اوجاغی|

انّ‌ النّساء، یا ولدی، یَعِشنَ بالکلِمَةِ و یَمُتنَ من کلِمَة!

▫️اوغلوم! قادینلار بیر کلمه‌یله یاشار، بیر کلمه‌‌دن اؤلرلر.

#ابن‌حزم_اندلسی
#شعر_اوجاغی
@SheirOcagi

▫️ائتدی فلک جفا ایله مندن جدا سنی،
قیلدی رقیبِ بد‌صفته آشنا سنی.

چکدیم جفا و جؤورونو، ای مه، زمانه‌ده!
ساندیم خیالِ خام ایله اهلِ وفا سنی.

هر صبح و شام سائلِ کویوندور عاشقین،
«حاتم» کیمی چو بیلمیشم اهلِ سخا سنی.

اۉزدون وصالدن الیمی ترکِ لطف ائدیب،
ای مه، بو نوع بیلمز ایدیم بیوفا سنی!

اولدوم مریضْ عشق ایله، حالیمی سورمادین،
قیلسین دچار من کیمی درده، خدا سنی!

سوْردوم علاجیم -ای بتِ زیبا!- طبیبدن،
یازدی بو دردِ عشقه معالج، دوا سنی.

بو «واحدِ» فقیره، گؤزل، ائیله التفات!
روحوم حیاتدا بیرجه بیلیب‌دیر شفا سنی.

#علی‌آغا_واحد
#شعر_اوجاغی
@SheirOcagi

▫️بونو دا اونوتما کی: یئر اوزونده، گئجیکمیش‌لیگین درمانی یوخدور!

📚 کؤلگه‌سیزلر
#حسن‌علی‌_توپداش
#شعر_اوجاغی
@SheirOcagi

▫️داریخماق

داریخماق نه‌دیر، دئییم؟
حیسلرین ان ظالیمی.
بیر آندا هاوالانیب
کوچه‌لره دوشمک‌دی.

گؤزونو اوزون مودّت،
مجهوللوغا زیلله‌مک.
سونرا دربه‌در گزیب
ظولوم-ظولوم اینله‌مک.

داریخماق، اینان بعضاً،
اللرینی اونوتماق.
یادداشین قان گؤلونده-
بوغولماقدی مثلاً.

گونش ایشیق ساچسا دا،
باشینا یاغار دولو،
گئدیرسن ائوه ساری،
آزیرسان آمّا یولو.

داریخماق نه‌دیر، دئییم؟
داریخماق عئینی آدا،
تکرار-تکرار دؤنمکدی.
هر گون نفس آلسان دا،
تکرار-تکرار اؤلمکدی.

#فرغانه_یوسف‌قیزی
#شعر_اوجاغی
@SheirOcagi

▫️سون زامانلاردا، بو شهرده اینسانسیزلیقدان اذیّت چکمه‌یین نئجه بیر حیسّ اولدوغونو، کیمسه‌یله پایلاشا بیلمیرم.

#جاوید_امراه‌لی
#شعر_اوجاغی
@SheirOcagi

▫️Ulduzu sev

müzik: #davud_səttari
Arrangements: #Roberto
söz: #zəlimxan_yəqub
oxuyur: #yasin_hüseynov
Electric guitar: #Davud_səttari
Lead guitar: #Roberto
drum and bass: #tom_Philip
Keyboard: #daniyal_səlimi
Synthesizer: #davoud_səttari
bass guitar: #Roberto
Mix və Mastering: #Samuel_Tompkins

@SheirOcagi

▫️ایللر کئچدیکجه قورخدوغون آداملارا دؤنمک،
اونلاردان بیری اولماق، دیری اولماق دئییل. بو، اؤلمک.

ایللر اؤتدوکجه نیفرت ائله‌دیگین شئیلری سئومک.
بو دیوارلار مؤحکم، یوخ کؤمَک، یوخ کؤمک.

ایللر کئچدیکجه بوْز کۆتله‌ده تاپماق اؤز یئرینی،
اونلار باشقا اینسان‌لار دئییل، هامیسی سندن بیری.
اونلار دا قهرمانلار دئییل، سن ده اونلار کیمی.
چوخ بؤیوک اویونلاردا کیچیک اینسانلاریق بیز، بیل!

آرتیق نئچه ایلدیر کی، والدین‌لردن گلمیر کؤمک،
آرتیق نئچه ایلدیر کی، دوستلار، شیت ظارافات، گولمک.
آرتیق نئچه‌‌ ایل، ات پارچاسینا دؤنوب بو اورک،
آرتیق نئچه ایل، اوچوب گئدیب چییین‌لردن ملک.
و آرتیق سمالاردان یاغمیر یئره موقدّس‌لیک.
بیر آنلیق ایسته‌ییرسن دیز چؤکوب اولاسان تسلیم.

بو بئتون بینالارین آراسیندا تاپماق سئوگی،
بو هئیکل اینسان‌لارین قلب‌لرینده تاپماق سئوگی!

#قاراقان
#شعر_اوجاغی
@SheirOcagi

اؤیکوجوک

▫️بابا و اوغول

یاشلی بابا، شیلتاق و دیک‌باشلی اوغلونو چاغیریب دئدی:
«اؤفکه‌لی قالخان ضررله اوتورار»
ایندی منه سؤز وئر: «بوندان بئله حیرص‌لندیگین زامان بیر ایش گؤرمه‌دن، بیر سؤز دئمه‌دن اؤنجه، یوزه قدر سایاجاقسان!»

اوغول سؤز وئردی. ائله او زامان باباسینین چلیگی تپه‌سینه ائندی!

هله یئتمیش‌ بئشه قدر سایمامیشدی، باباسینین یاخینداکی بیر ماشینا آتلانیب میندیگینی گؤردو. اؤزونو داها آرتیق ساخلایاماییب آغزینا گله‌نی سؤیله‌دی.

#آمبروز_بیرس
کؤچورن: «سؤز» کانالی
@a_z_soz
@SheirOcagi

▫️ائتمم، گؤزلیم، کیمسه‌یه بیر شِکوه غمیندن!
یانسام دا، یاخیلسام دا توکَنمز ستمیندن.

دنیاده ساناردیم ابدی عؤمرومو خوشبخت،
اؤپسه‌یدیم اگر بیر ده مبارک قدمیندن.

دؤنسون منه بیر ظلمته چرخین یئنی آیی،
توتسام اگر آرتیق اونو ابرویِ خمیندن.

بو فخر یئتر کیم منه، افتاده‌ی عشقم،
سال باشیما بیر سایه همایِ کرمیندن!

زاهد، رخِ جانانیما بیر یول نظر ائیله!
وصف ائتمه منه بیر داها باغِ اِرمیندن!

معتادِ غِم عشقینم، اؤللَم، بیلیر عالم،
بیر لحظه اگر آیریلا کؤنلوم الَمیندن.

گول چکدی خجالت، اۉزونو گؤردو، قیزاردی،
لب‌بسته‌لیگی غنچه‌لر اؤیرندی فمیندن.

«واحد!» بو قدر اینجه غزل‌لر کی یازیرسان،
بیر گون گله‌جک، اوْد یاغاجاقدیر قلمیندن.

#علی‌آغا_واحد
#شعر_اوجاغی
@SheirOcagi

▫️منجه معنوی یوخسوللوق‌لار بوتون مادّی عذاب‌لاردان داها آغیردیر.

📚 اؤلو ائودن قئیدلر
#فئودور_داستایئوسکی
#شعر_اوجاغی
@SheirOcagi