🍂🍁 پاییزان 🍁🍂 @paeizanam Channel on Telegram

🍂🍁 پاییزان 🍁🍂

@paeizanam

🍂🍁شعیر،موسیقی🍁🍂
و🍁🍂صبا پاییزان دکلمه لری 🎤

🍂🍁 پاییزان 🍁🍂 (Persian)

🍂🍁 پاییزان 🍁🍂 nnاگر به دنبال یک کانال تلگرام با محتوای زیبا و دلنشین هستید، پاییزان خوبی برای شما خواهد بود. این کانال شامل متون شعری، موسیقی و دکلمه های زیباست که هر روز شما را به دنیایی پر از زیبایی و احساس می‌برند. با عضویت در این کانال، می‌توانید لحظاتی شاد و آرام را در پاییز از طریق واژه‌ها و ملودی‌های خاص تجربه کنید

پاییزان مکانی است که علاقه‌مندان به شعر، موسیقی و دکلمه با هم می‌توانند به اشتراک ایده‌ها و احساسات خود بپردازند. این کانال به شما فرصت می‌دهد تا با اعضای دیگر به اشتراک گذاری کنید و احساسات خود را با دیگران به اشتراک بگذارید

پاییزان، جایی برای تبادل نظر، شنیدن آهنگ‌های زیبا و خواندن شعرهای دلنشین است. پس به تنهایی یا با دوستان خود به پاییزان بپیوندید و از لحظات خوبی لذت ببرید! 🍂🍁

🍂🍁 پاییزان 🍁🍂

27 Jan, 13:10

بو یول گؤرن هارا گئدیر ایلاهی!؟
ائنیشه‌می، یوخوشامی، دوزه‌می؟
بیزه‌می، تبریزه‌می؟
معبده گئتمیرسه، هارا گئدیر بس؟
داها الدن دوشدوک، یورولدوق داها
داها گئتمک اولمور، تنتیییر نفس.

بو یولو کیم گئدیب بیرینجی دفعه؟
کیم سالیب بو یولو، بو یول کیمیندی؟
اَیر اوغولسان‌سا، بیر آددیم دا آت!
اَیر هونرین وار، گئری دؤن ایندی!

نه گئری قاییتماق اولور، نه‌ ده‌ کی...
نه ده کی ایره‌لی یئریمک اولور.
سریلیب قالمیشام آتام-قارداشیم!
توپلا سون گوجونو، قالخ، آیاغا دور!

بو اولو دونیانین مین‌بیر یولو وار
اوت باسمیش یولو وار، تزه یولو وار
وظیفه یولو‌ وار، غئیرت یولو وار
کور اوغلو یولو وار، حمزه یولو وار

بو یول گؤرن هارا گئدیر ایلاهی!؟
داها طاقتیم یوخ، تیتره‌ییر دیزیم
بو نه سایاق یولدو، نئجه یولدو کی،
آپاریب بیر یانا چیخارمیر بیزی؟

ایلغیم‌لار گؤرونور گؤزلریمیزه
گئدیریک بیر تهر، ییخیلا-دورا
بیلمیریک بو یولون هاراسینداییق
بیلمیریک هایاندیر، هارادیر بورا.

گاه یاندیریب-یاخیر جهنّم اودو
گاه‌ دا دؤیور بیزی شاختا، قار، دولو
جنّت اؤنده‌دیرسه اوندا دئمه‌لی-
جهنّمدن کئچیر جنّتین یولو.

ساغ هانی؟ سول هانی؟ چاشیب قالمیشیق
گون‌باتان هارادیر، گون دوغان هارا؟
گئتمک ایسته‌ییریک قیبله‌یه ساری
واللاه بو یول بیزی آپارمیر اورا.

دؤرد یاندان جهنّم یئل‌لری اسیر
اؤرتور آرخامیزجا ایزلریمیزی
یول دئییل، بلکه ده قیزیل ایلاندی
قیوریلیب، هاچانسا چالاجاق بیزی
بو یول‌دور سا هارا گئدیر ایلاهی...!؟

#معاریف_سولطان



🍂🍁@paeizanam🍂🍁
22
🍂🍁 پاییزان 🍁🍂

27 Jan, 11:59

هر بیر درده دؤزن آدام،
هئچ بیر شئیدن دلی اولور.
اؤزو ده خبر توتمادان،
غفیلدن گولمه‌لی اولور.

دوز یولدا چاشیر آیاغی
قاریشدیریر سولو-ساغی
و بو ایشده نه آللاهین،
نه بنده‌نین الی اولور.

بئینینی گمیرن زلی،
دئییرکی «دلی سن، دلی.»
هر یاندان اوزولور الی
و آدام اؤلمه‌لی اولور...

#رامیز_رؤوشن


🍂🍁@paeizanam🍂🍁
39
🍂🍁 پاییزان 🍁🍂

26 Jan, 17:30

سن گَل،گؤزلريمده يئر ساخلاييرام
سنلی خاطيره لری تئز واراغلاييرام
يوخلوغوندان غملی آه قوجاغلاييرام
بايراما دئديم سن گلنده گلسين

يازلاری سرميشم يوللارا سنسيز
قوشلاردی آدينی چاغيرير دنسيز
نيفرتلی باخميشام باهارا سنسيز
بايراما دئديم سن گلنده گلسين

آيدين قربانی


🍂🍁@paeizanam🍂🍁
98
🍂🍁 پاییزان 🍁🍂

25 Jan, 13:32

زحمتیمی چکیب منی بسله ین
عشق سازینی چالان آنامدیر آنام
ائولادییام موشکولومه،غمیمه
ساچلارینی یولان آنامدیر آنام

گئجه لر صوبحه دک لایلای چالماغی
من یوخودا اونون آییق قالماغی
هر غمیمه یانار شمع تک یانماغی
بالاسینا قوربان آنامدیر آنام

زحمتییله منی بئله بؤیوتدو
خطا ائتدیم خطامین اوستون اؤرتدو
منه خاطیر گول جیسمین چوروتدو
عهدین سیندیرمایان آنامدیر آنام

آرزومدی کی گولوشلنسین دوداغی
گؤروم یاش گؤرمه سین هئچ واخت یاناغی
اؤپسم آزدیر او موقددس آیاغی
شاهلیق ائدن سولطان آنامدیر آنام

كاش کی عطری ائلیمیزده دولانسین
عؤمرو یوز ایل،بلکه مین ایل اوزانسین
ظولومدی واللاه آنالار قوجالسین
منه عؤمرون ساتان آنامدیر آنام

آناسین اینجیدن گولمه ییب گولمز
قدرین بیلسن آنا هئچ زامان اؤلمز
"موطلق"آنا بیرده دنیایه گلمز
محببتی یازان آنامدیر آنام

امیر مطلق


🍂🍁@paeizanam🍂🍁
171
🍂🍁 پاییزان 🍁🍂

24 Jan, 22:37

آنا منی آنایان یوخ❤️‍🩹
آنا دردیم داغلاردان چوخ..♾

🍂🍁@paeizanam🍂🍁
137
🍂🍁 پاییزان 🍁🍂

24 Jan, 19:13

نه اينكی اؤزگه لر، نه اینکی یادلار،
اوره‌ییم اؤزومه دئيير: «غريبسن»
غوربت ائلده ائله گونه دوشموشم،
کیم باخیر اوزومه، دئيير: «غريبسن»

گؤز ياشلاريم ياناغيمدا سئل اولوب
كيپریک‌لریم «کرمی»ده تئل اولوب
كدر دولو باخيش‌لاريم ديل اولوب
ييغيشيب گؤزومه، دئيير: «غريبسن»

من «غم‌كئش»م درد اليندن چاشقینام
دورولمایان آراز کیمی داشقینام
دئينده‌كی ديدرگینم، قاچقینام-
ائشيدن سوُزومو، دئيير: «غريبسن...»

#غمكئش_آللاه‌وئردی
🍂🍁@paeizanam🍂🍁
151
🍂🍁 پاییزان 🍁🍂

24 Jan, 14:14

‍ دان سؤکولوب تبریزده،
زامان وطن ساعاتی ایله ایشله ییر
کپنک ساچیمین قاراسیندا گیزله نیر
منسه عاغیلدان،باشدان
قادین قیلیغیندان چیخماغیم
آرییا
قاریشقایا دؤنوشمه ییم گلیر
میغ میغا اولوب
اینسانلیغی سانجماییم گلیر...

رقیه کبیری


🍂🍁@paeizanam🍂🍁
159
🍂🍁 پاییزان 🍁🍂

24 Jan, 07:06

‍ نه بیلیم بلکه گونش گئج چالاجاق
یئنه هر ثانیه مین ایل اولاجاق
سنی دفترده یازارکن دالاجاق
آخی سنسیز ائوه حسرت دولاجاق

آتابای تبریزلی


🍂🍁@paeizanam🍂🍁
254
🍂🍁 پاییزان 🍁🍂

23 Jan, 19:35

‌‎‌paeizanam
کامانچا

یاندردین قلبیمی آمان
خالق ماهنیسی

هابیل علی‌اوف

‌‌‌‌‎‌‌‎‌🍂🍁 @paeizanam 🍁🍂
185
🍂🍁 پاییزان 🍁🍂

23 Jan, 19:31

‌‎‌‌paeizanam

Kamilə Nəbiyeva və Mirələm Mirələmov - Dağları duman alanda

کامیله & میرعلم
داغلاری دومان آلان دا

‌‌‌‌‎‌‌‎‌🍂🍁 @paeizanam 🍁🍂
169
🍂🍁 پاییزان 🍁🍂

23 Jan, 19:23

‌‎paeizanam
سحر سنسیز آچیلیر
گئجه اولور بیلیرسن؟
سنسیزلییه دؤزمه-مک،
نئجه اولور، بیلیرسن؟

قیسمت رستموف

گئجز دینج💫🌒

‌‌‌‌‎‌‌‎‌🍂🍁 @paeizanam 🍁🍂
150
🍂🍁 پاییزان 🍁🍂

23 Jan, 19:13

‌‎paeizanam

سن ده گئج- تئز بئزه‌جکسن
آدام هر شئیدن بئزیر
قوشدا اوچماقدان یوْرولور
آللاه دا گؤیدن بئزیر

شاعیر ده سؤزدن ایره‌نیر
سؤزده شاعیردن بئزیر
لاپ یۆز ایلین اؤلۆسۆده
بیر گۆن قبیردن بئزیر

کۆچه‌ده راستینا چیخسا
یۆز ایل قاباق  اؤلنلر -
قوْرخما سلام وئر کئچ قوْرخسون
قوْی آرخانجا گَـلنلر

یۆز ایل سوْنرا سنده چیخسان
بیر آدامین راستینا -
سلام وئر کئچ سندن بیر آز
دیری اوْلان دوْستونا

اؤلۆلرله دیریلرین
یاخشی توتور دوْستلوغو
هاچان اوْلوب بیر اؤلۆنۆن
بو دوْستلوغو پوْزدوغو

گئت الیمی اۆزدۆم سندن
گئتمه‌سن دالاشاریق
گل آیریلاق کۆسدۆم سندن
اؤلرم باریشاریق . . .

#رامیز_رؤشن

‌‌‌‌‎‌‌‎‌🍂🍁 @paeizanam 🍁🍂
458
🍂🍁 پاییزان 🍁🍂

23 Jan, 19:12

گئجه لر
کونول خاسیوا 👏

‌‌‌‌‎‌‌‎‌🍂🍁 @paeizanam 🍁🍂
122
🍂🍁 پاییزان 🍁🍂

23 Jan, 19:11

‌‎‌paeizanam
کیمه نه

من ایتیردیم، من آراریم او یار منیم، کیمه نه
گاه گئده رم اؤز باغیما گول دره رم، کیمه نه

گاه گئده رم مدرسه یه درس اوخورام حق اوچون
گاه گئده رم میخانه یه دم چکه رم، کیمه نه

صوفی لر حرام دئمیش لر بو عشقین شرابی نا
من دولدورور، من ایچه رم گناه منیم، کیمه نه

من ملامت خرقه سی نی اؤزوم گئیدیم اَینیمه
آر و ناموس شوشه سی نی داشا چالدیم، کیمه نه

صوفی لر سجده ائده لر مسجدین محرابی نا
یار ائشی یی سجده گاهیم اوز سوره رم، کیمه نه

گاه چیخارام گؤی اوزونه حوکم ائده رم قافدان قافا
گاه انه رم یئر اوزونه یار سئوه رم، کیمه نه

صوفی لر بئله دئیرمیش گؤزل سئومک چوخ گناه
من سئوه رم سئودیی می گناه منیم، کیمه نه

"نسیمی" یه سوردولار کی یارین ایله خوشموسان
خوش اولاییم، اولمایاییم او یار منیم، کیمه نه

#عمادالدین_نسیمی

‌‌‌‌‎‌‌‎‌🍂🍁 @paeizanam 🍁🍂
133
🍂🍁 پاییزان 🍁🍂

23 Jan, 19:08

‌‎‌‌paeizanam

گئجه باشیم اوسته اولدوزلار مین-مین
یئر ده، گؤی‌ ده سوسور دینجَلمک اوچون.
دئییرم گؤزومه تئز یوخو گئتسین،
سن منیم یوخوما تئز گلمک اوچون...

#نبی_خزری

گئجز غمسیز💫

‌‌‌‌‎‌‌‎‌🍂🍁 @paeizanam 🍁🍂
122
🍂🍁 پاییزان 🍁🍂

23 Jan, 18:15

‌‎paeizanam
سئوگیلین

چکینیرم، اوتانیرام یاشیمدان-باشیمدان.
دوشدو سفیل یاشاییشا، گوذارا سئوگیلین.
چکیلمزدی اللر منیم ساچیمدان، باشیمدان،
ایندی حسرت قالیب بیرجه تومارا سئوگیلین.

گونلر اؤتور، عؤمور گئدیر الیمدن، عزیزیم!
اؤپدوم سنین ساچلاریندان، بئلیندن، عزیزیم!
سؤیله، داها گؤزل نه وار اؤلومدن، عزیزیم؟!
آددیم-آددیم یاخینلاشیر مزارا سئوگیلین.

تیکان کیمی باتمیشام اؤز جانیما، تأسّوف!
بلَنمیشم، بولانمیشام قانیما، تأسّوف!
دیزین-دیزین گله‌جکدیم یانینا، تأسّوف!
یولوخدو بیر آغیر درده، آزارا سئوگیلین!

دئییرلر کی، یاشایارمیش قبیرده، اؤلن‌لر.
بیزی آگاه ائتمه‌دیلر بو سیردن، اؤلن‌لر،
ها گؤزله‌دیک، گلمه‌دیلر او یئردن، اؤلن‌لر.
سن بیلیرسن، او یئردن ده قاچار آ، سئوگیلین.

شیرین-شیرین، خفیف-خفیف گولومسه، آغلاما!
ال-آیاغیم پارچالارا بؤلونسه، آغلاما!
بیر طالئعین سعادتی اؤلوم‌سه، آغلاما!
سئوین! داها خوشبخت اولار آوارا سئوگیلین.

#اورخان_باهادیرسوی

‌‌‌‌‎‌‌‎‌🍂🍁 @paeizanam 🍁🍂
106
🍂🍁 پاییزان 🍁🍂

23 Jan, 17:55

paeizanam

▫️بعضاً عاغیلا گؤره عار اولان شئی، اوره‌یه گؤره باشدان‌آیاغا گؤزللیک‌دیر.

📚 کارامازوو قارداشلاری
#فئودور_داستایئوسکی

‌‌‌‌‎‌‌‎‌🍂🍁 @paeizanam 🍁🍂
121
🍂🍁 پاییزان 🍁🍂

23 Jan, 17:42

ظولمت دنیزینده بوغولان بیر آدایام من
ساحیللره قارشی باغیران قان هارایام من

سس سیزلیک ایچینده اویویان کنده سایاغام
آلچاقلار الییله یانیلان بیر تایایام من

آغری کوچه سینده قاباریب یورغون آیاغلار
یار یوخ کی قارانلیق بو یارامدان سانایام من

یوخ بیرجه سیلاحیم و دؤزوملوک بیته بیتده
حاقسیزلیق الیندن ایرینه ن بیر یارایام من

ایمز باشیمی قان قادالی قانلی کولکلر
آرزوم ایشیغییلا گودولن بیر قالایام من

تحقیرله باخیب گولمه ویران وارلیغیما سن!
آنلام داشییان داشلا یارانمیش سارایام من

نیفرتلی اورکلرده گرک وار گوجوم ایله
سئومک سؤزونون جومله لریندن جالایام من

بهروز صدیقی
🍂🍁@paeizanam🍂🍁
122
🍂🍁 پاییزان 🍁🍂

23 Jan, 16:10

دوعا ائدیرم
هئچ زامان
تانری دان
باشقاسینا
ال آچمایاسیز
الهی آمین
‌‌‌‌‎‌‌‎‌🍂🍁 @paeizanam 🍁🍂
112
🍂🍁 پاییزان 🍁🍂

18 Jan, 16:38

.

بو دونیادا گؤردویوموز دؤورانین
بیر آدی دا شؤهرت ایمیش سن دئمه.
آلدانمیشیق حیله‌سینه زامانین
شؤهرتی ده مؤحنت ایمیش سن دئمه.

آغزیمیزدا بال دادماسی حیاتین،
آلا چکیب آلداتماسی حیاتین،
واخت اؤتوروب باش قاتماسی حیاتین،
بیزه بؤیوک حؤرمت‌ایمیش سن دئمه‌.

آغ قارانین،‌ قارا آغین اوستونده
داغ سینه‌نین، سینه داغین اوستونده
بئش گون گزمک بو تورپاغین اوستونده،
بوینوموزا مینّت ایمیش سن دئمه.

بیر آز عؤمور خرجله‌میشیک هر آیدا
بیز اونو دا کج دویموشوق، نه فایدا؟!
جفا چکیب قوردوغوموز سارای دا،
بیر قوروجا زحمت ایمیش سن دئمه .

جفا یوکو گؤتورورموش دوغرولوق
عاغلی باشدان ایتیریرمیش دوغرولوق
باشا بلا گتیریرمیش دوغرولوق
اَیری‌لیک ده ثروت ایمیش سن دئمه.

کیم دوزَلتسه اَیری دوران چول‌لاری
اونلاریمیش زمانه‌نین قول‌لاری
بو دونیادا ییغدیغیمیز پول‌لاری،
عاغلیمیزا قیمت ایمیش سن دئمه.

من «بهمن»م آلدانمیشام نه یامان!
بیله-بیله،‌ دویا-دویا آی آمان!
بو حیاتی کئف بیلمیشدیم بیر زامان
یئرلی-دیبلی دهشت ایمیش سن دئمه...

#بهمن_وطن‌اوغلو


🍂🍁@paeizanam🍂🍁
98
🍂🍁 پاییزان 🍁🍂

18 Jan, 15:53

‌paeizanam

دوشدوم چؤله، جان قورتارا بیر دم غم الیندن
گؤردوم یاپیشیبدیر اوره‌ییم ماتم الیندن

هجران داغینین نقشی اورکدن گئده بیلمز
دلدارین اگر گؤرمه‌سه دل مرهم الیندن

بیگانه ووران یاره‌یه درمان یولو چوخدور
مشکل ساغالا، دیل یاراسی همدم الیندن

گلدی قاپیدان، پنجره‌دن قاچدی جاوانلیق
تاب اولمادی آنجاق یاپیشام محکم الیندن

آشفته‌دی فکریم فلکین فتنه‌لریندن
نالاندیر اورک هم کلکیندن، هم الیندن

نامحرم اولانمازدی بو جور سرّیمه واقف
«عاصم!» بو عنایت سو ایچیر محرم الیندن...

عاصم اردبیلی

‌‌‌‌‎‌‌‎‌🍂🍁 @paeizanam 🍁🍂
99
🍂🍁 پاییزان 🍁🍂

18 Jan, 15:47

‌‎‌paeizanam
بیلمه‌دیم ...

درد سینه‌مده داشا دؤندو،
آللاه! اریده بیلمه‌دیم.
قان آغلایان اوره‌ییمی،
بیر یول کیریده بیلمه‌دیم

یولدا، ایزده قالدی گؤزوم،
بوزا دؤندو اودوم، کؤزوم،
چوخ چالیشدیم؛ آی دوز سؤزوم!
سنی یئریده بیلمه‌دیم

«شوجاعت!» سولدو باغ‌لاریم،
قورودو بوز بولاق‌لاریم.
آز-چوخ بختوَر چاغلاریم،
قالدی گئریده؛ بیلمه‌دیم...

شوجاعت کلبجرلی

‌‌‌‌‎‌‌‎‌🍂🍁 @paeizanam 🍁🍂
82
🍂🍁 پاییزان 🍁🍂

18 Jan, 15:46

‌‎‌‌‎‌paeizanam

مَن سَنی بو قَدَر سئومه‌مه‌لییدیم
گؤی‌لر ده قیسقاندی  یئرلر ده، اینان
بیلیردیم آلاجاق ،قَدداردیر حَیات
بیلیردیم کؤنلومو قویاجاق ویران

بیلیردیم ،بو دونیا اَزَلدن بودور
سَنی ده آلاجاق طالئع اَلیمدن
سَنی باشقالاری اوخشایاجاقدی
مَن دَلی اولاندا خاطیره‌لردن...

غنیره پاشایئوا

‌‌‌‌‎‌‌‎‌🍂🍁 @paeizanam 🍁🍂
62
🍂🍁 پاییزان 🍁🍂

18 Jan, 07:15

ازلدن هئچ بئله بیلمزدیم سنی
قلبیمده ایلک آرزو، ایلک هوس اولدون
قیشدا باهار کیمی چوخ گزدیم سنی
یاز گلدی، قار کیمی گؤرونمز اولدون.

ایللر اؤتوب کئچدی آرزولار تکی،
ایندی آخشام-سحر آختار سن منی!
قیشدا باهار تکی، یازدا قار تکی،
آختارسان نه قدر، تاپمازسان منی...

#نبی_خزری



🍂🍁@paeizanam🍂🍁
86
🍂🍁 پاییزان 🍁🍂

17 Jan, 18:38

paeizanam

یئنی بیر شارکی میلاد طهماسبی👏

هیچ زامان سئوگیدن آچیلان یارا توختاماز💔

بیر آدام سئودینین اوریینن اویناماز👌😔👩🏼‍🦯
واقعا چوووووخ گوزل بیر ماهنی یاشاسین میلاد بی 👏👏👏

🍂🍁 @paeizanam 🍁🍂
106
🍂🍁 پاییزان 🍁🍂

17 Jan, 18:38

داریخیب چاره سیز قالان زامانلار
اح نئیله‌ییم دئ
اوستونه
بیر بارداق سو ایچ،
یوخسا می ایچه‌سن تکجه بیرقدح
او لاپ یاندیرار سنین ایچینی.🌻

لیلا‌قلیزاده


🍂🍁@paeizanam🍂🍁
101
🍂🍁 پاییزان 🍁🍂

17 Jan, 18:30

عشقین اؤزونده‌دیر غریبه سیرلر
مگر شیرین سؤزدن کوسر می اینسان؟!
«آرتار کوسه‌ینین پایی» دئییرلر
سنه سئوگیم آرتیر سن کوسن زامان.

عئینی اورک وورور ایکی سینه‌ده
منیم بیر سئویملی کوسه‌ینیم وار
سحر آیریلیریق، آخشام یئنه‌ ده،
کوسه‌ین آدیندا گؤزله‌ینیم وار...

#نبی_خزری


🍂🍁@paeizanam🍂🍁
99
🍂🍁 پاییزان 🍁🍂

17 Jan, 13:42

روحوموز یاخینسا یوللاری بوش وئر
قوی ایچیم ایچیمی یئسین قوتارسین
بیر قفس یاشاسین منده بیر نفس
یئنی بیر من گلیب منیمه وارسین

گئن-گئنیش دونیانین نه دنسه بیلمم
دار گلیر اینیمه گوللو کؤینه‌یی؟!
هر هارا باخیرام سورغو نیشانی
من کیمین نه‌یی‌یم،سن کیمین نه‌یی؟

یارادان نه دئیه یارادیب بیزی؟
سن اوچون منی‌می،منه‌می سنی؟
سیر دولو دونیادیر حیات کیم بیلیر
بلکه ده سن گلیب یاشاتدین منی!

یئره‌می سیغینیم،گؤیه‌می ایندی
بیلمیرم"صنم"م،بیلمیرم پری
چاغیر اوزمانلاری باشیمین اوسته
آغریییر روحومون بوی ‌چکرلری

رقیه هاشم زاده-خان صنم


🍂🍁@paeizanam🍂🍁
125
🍂🍁 پاییزان 🍁🍂

17 Jan, 08:14

paeizanam

ایچیمدن خیالین قاچاق دوشوبدور
کوسولو دویغونو گَل باریشدیراق
و سنسیز گؤیلومه پیچاق دوشوبدور
داریخدیم بیر گیله سؤز آلیشدیراق...

#ایلقار- موذن زاده

سئوگین‌دیر قلبیمده دۇلوب جالانیر
گئجه‌لر دونیاما اۇلورسان اؤلدوز
سنسیزده خیالین منله دولانیر
نه گئجم بللی‌دیر نه‌ده‌کی گوندوز

لیلا قلیزاده«دورنا»

🍂🍁@paeizanam🍂🍁
118
🍂🍁 پاییزان 🍁🍂

16 Jan, 21:30

paeizanam
‍ "محببت بلاسی ..."

بیر اَلیم اوره‌کده بیر اَلیم باشدا
بیلمیرم هانسینین آغریسین چئکیم
قلبیم یاردان سینیب باشیم اغیاردان
دوست دردین یا دوشمان یاراسین چئکیم
.
.
حاققیمدیر محببت بلاسین چئکیم

✍ اومود قاراداغلی
سس: صبا پاییزان🎤

‌‌‌‌‎‌‌‎‌🍂🍁 @paeizanam 🍁🍂
496
🍂🍁 پاییزان 🍁🍂

16 Jan, 21:09

paeizanam
‍ "محببت بلاسی ..."


بیر اَلیم اوره‌کده بیر اَلیم باشدا
بیلمیرم هانسینین آغریسین چئکیم
قلبیم یاردان سینیب باشیم اغیاردان
دوست دردین یا دوشمان یاراسین چئکیم

قانادسیز قوش کیمی قؤندوم هر یئره
سینه‌م نیشان اولدو هر گلن تیره
اوره‌کده بیر یارام دؤندو مین بیره
هایانا جیسمیمین پاراسین چئکیم

وفاسیزلار گنج عؤمرومو جالادی
گونلریمی، آی، ایلیمی تالادی
منه قالان آه دیر، درددی نالادی
حاققیمدیر محببت بلاسین چئکیم

"اومود" اولدوم پئشه ائتدیم دؤزومو
هئچ بیر کسه دییَممه دیم سؤزومو
منکی اُؤ قَدر پیس بیلمیرم اؤزومو
نه ایچون گونلرین قاراسین چئکیم...؟

اومود قاراداغلی


🍂🍁 @paeizanam 🍁🍂
122
🍂🍁 پاییزان 🍁🍂

16 Jan, 21:07

paeizanam

سن‌سیز نه ذوقو وار
باغین_باهارین؟
آچان چیچکلرین،
اوچان قوشلارین؟

سن‌سیز جنت اولسا
کائنات یارین،
هئچ منیم روحومو
اوخشارمی سویله...؟

میکائیل موشفیق

🍂🍁 @paeizanam 🍁🍂
108
🍂🍁 پاییزان 🍁🍂

16 Jan, 21:01

paeizanam

درڪ ائتمه‌دیییم مین جورہ حالت وار ایچیمده
عشقیملہ یاشید بیر یئنے فطرت وار ایچیمده

اؤز بورجوم ایلہ حاققیمین ایللر ساواشیندان،
مردانہ چیخان حاڪیم عدالت وار ایچیمده

بعضن دہ اولور حاققیمین اؤز حاق ظفریندن
قورخوب چڪیلن غملے خجالت وار ایچیمده

دردیملہ دہ دونیانے نہ دن خوش گؤرورم من،
اؤلمز ابدے تشنه‌لے حیرت وار ایچیمده

رؤیالارا، خولیالارا مین یول قاناد آچدیم
گؤردوم نئچہ انگل، نئچہ سرحد وار ایچیمده

هر یئردہ گؤزللیڪ گؤرورم؛ "بختیار"ام من
دونیانے گؤزللشدیرن آفت وار ایچیمده...

بختیار وهابزادہ


🍂🍁 @paeizanam 🍁🍂
108
🍂🍁 پاییزان 🍁🍂

16 Jan, 20:40

paeizanam

گئدیرسن ائله گئت، آرخانجا یئنه
الیم اوزانماسین، دیلیم چیخماسین!
گئدیرسن، دردینی آپار اؤزون‌له
ظلمون ایچیندن ظلم چیخماسین!

گئدیرسن ائله گئت، ایز دۆشسون سندن
یوللار دیله گلسین، سؤز دۆشسون سندن!
گئتمه‌میش بیر آلیش، کؤز دۆشسون سندن
کؤزون‌له بیر یانیم، کۆلوم چیخماسین!


واله قوجا

🍂🍁 @paeizanam 🍁🍂
110
🍂🍁 پاییزان 🍁🍂

16 Jan, 20:38

سنده، سندن اؤزگه بیر سن واریمیش
گؤره بیلمه‌میشم سنده‌کی سنی
من ائله بیلیردیم سنی سئویرم
دئمه سئویرمیشم منده کی سنی

#ایوب_کلبجرلی

🍂🍁 @paeizanam 🍁🍂
100
🍂🍁 پاییزان 🍁🍂

16 Jan, 20:28

paeizanam
عوثمانلی دیوانی
چنگیز مهدی پور
volkankaplan
ساز
باغلاما
🍂🍁 @paeizanam 🍁🍂
101
🍂🍁 پاییزان 🍁🍂

16 Jan, 20:25

paeizanam

طاییرِ دیل قوندو زولفِ عَنبرافشان اوستونه
تؤکدو بیرعالم پَریشانی پَریشان اوستونه

کاکیلیندیر باشدا یا کی قارا بَختیمدیر مَنیم
یا قونوب زاغِ سییه سَروِ خورامان اوستونه؟


ساغرِ گولگون آلیب لَعلِ لَبیندن کام دیل
گَردیشِ پئیمانه آخر قان تؤکور قان اوستونه

اَیله‌نیب خالِ سییه لَعل دوداغیندان اؤپه
یا اولوب هیندو مووککل آبِ حئیوان اوستونه!

بَسترِ غَمده نَوازیش قیل سوروش اَحوالیمی
عاشیق بیچاره‌ن ائی جانا، گَلیب جان اوستونه

بیلمیرم یولسوز پَریوشلر اَلیندن نئیله‌ییم
اوز توتوب یوز ناموسلمان بیر موسلمان اوستونه

بی‌خبرسن ائی دیلِ دیوانه آیا گؤرموسن !؟
زولف زَنجیرین آچیب چاهِ زَنَخدان اوستونه

شوکر لیللاه مَردومِ چَشمیم عَجَب صَرراف اولوب
گؤوهرَ اَشکین تؤکر پئیوسته دامان اۆستونه .

صرراف تبریزی
حاجی باباحوسئینوو

🍂🍁 @paeizanam 🍁🍂
95
🍂🍁 پاییزان 🍁🍂

16 Jan, 20:24

paeizanam

بیر قادین اونوتموشام...
اونا یازیلان شئعرین
سَطرین اونوتمامیشام
ائویمین عونوانینی اونودورام ایلاهی
اونوتدوغوم قادینین
عَطرینی اونوتمامیشام...

چوخ‌مو اونوتقانام مَن؟
دَلی کیمی سئودیییم
قادینی اونوتموشام...

بئله اونوتماق اولمور
آد گونو یادیمدادی
آدینی اونوتموشام...

#صدام

🍂🍁 @paeizanam 🍁🍂
95
🍂🍁 پاییزان 🍁🍂

16 Jan, 20:20

paeizanam

Neyçün səni bəs unuda bilmirəm

چوخ گوزل بیر ماهنی👌

🍂🍁 @paeizanam 🍁🍂
97
🍂🍁 پاییزان 🍁🍂

14 Jan, 19:10

paeizanam
نه‌لر گؤردوم بو دونیادا!

بیلن یوخدور سیرّی نه‌دیر،
نه‌لر گؤردوم بو دونیادا!
خئیری نه‌دیر، شرّی نه‌دیر،
نه‌لر گؤردوم بو دونیادا!

سودان قورو چیخان گؤردوم،
درده گولوب باخان گؤردوم،
ائو تیكیب ائو ییخان گؤردوم،
نه‌لر گؤردوم بو دونیادا!

خئیرله شر قوشا گلدی،
بو جهانی فانی بیلدی،
مرد آغلادی، نامرد گولدو،
نه‌لر گؤردوم بو دونیادا!

هر اوجاقدا آجی توستو،
یازی سویوق، قیشی ایستی،
بیلمیرم یاخشیدی، پیسدی،
نه‌لر گؤردوم بو دونیادا!

دوست بیلدیگیم حاقّی داندی،
حاقّی دانان اودا یاندی.
دونیا اوّلدن یالاندی،
نه‌لر گؤردوم بو دونیادا!

بیری گئدر، بیری گلر،
هر گلن دونیانی بؤلر.
بو دونیا چتین دوزه‌لر،
نه‌لر گؤردوم بو دونیادا!

#نوصرت_كسمنلی

🍂🍁 @paeizanam 🍁🍂
13
🍂🍁 پاییزان 🍁🍂

14 Jan, 19:06

paeizanam

بو داغدان كئچه بیلمزسن،
گولونو دره بیلمزسن.
زهَرم، ایچه بیلمزسن،
سنین شرابین دئییلم.

گل اویناما بو اویونو!
آچا بیلمزسن دویونو.
گئت، آختار، تاپ اؤز تایینی!
من سنین تایین دئییلم.

اؤتَری حیسلره یادام،
كؤنول‌لر یاندیران اودام.
سئوگی آدلی بیر كیتابام،
سنین كیتابین دئییلم.

یانیب اودلارا قالانما،
بو عشقی اَیلنجه سانما،
پروانه‌تک چوخ دولانما!
سنین چیراغین دئییلم.

#نوصرت_كسمنلی

🍂🍁 @paeizanam 🍁🍂
38
🍂🍁 پاییزان 🍁🍂

14 Jan, 15:59

paeizanam

دئییرسن سئومیرم ، چکیل یولومدان،
بس کئچن ایل منه، دیل نییه وئردین ؟!
ایلک باهار چاغیندا چیخیب قارشیما _
ألیمه بیر دسته گول نییه وئردین ؟!

گل اوخو عشقیمین جان کیتابینی ،
قیرما اوره ییمین ، قیرما ساپینی
بیر زامان اوزومه آچیب قاپینی _
گوللو باغچانیزدان یول نییه وئردین؟!

ایکیمیز بیلیریک ، بیلمه سین عالم ،
من یولا دوشنده، دئدین چکمه غم
تیترک أللرین له ، کسه رک  او  دم _
ایپک ساچلاریندان  تئل نییه وئردین؟!

سن وارسان قلبیمین خوش یاراسیندا
اونو ساغالدارام داغ هاواسیندا
سؤزلرین دوغروسو ، ائل آراسیندا _
منه بیر دوست کیمی أل نییه وئردین؟!

✍سلیمان_رستم

🍂🍁 @paeizanam 🍁🍂
49
🍂🍁 پاییزان 🍁🍂

14 Jan, 15:55

paeizanam

یاشادیقلاریمدان اؤیرندیگیم بیر شئی وار:
یاشادین‌می، بولونا-بولونا یاشایاجاقسان بیر شئیی!
سئوگیلین بیتکین قالمالی اؤپولمکدن،
سن بیتکین دوشمه‌لیسن بیر چیچه‌یی قوخولاماقدان.

اینسان ساعاتلارجا باخا بیلر گؤی اوزونه
دنیزه ساعاتلارجا باخا بیلر،
بیر قوشا، بیر اوشاغا.
یئراوزونده یاشاماق، اونونلا قاریشماق‌دیر،
قوپمایان کؤکلر سالماق‌دیر اورایا.

قوجاقلادین‌می، سیم‌سیخی قوجاقلایاجاقسان آرخاداشینی،
غوغایا بوتون عضُله‌لرین‌له، گؤوده‌نله، ایسته‌یین‌له گیره‌جکسن!
و اوزاندین می بیر دفعه سیم‌سیجاق قوملارا،
بیر قوم دانه‌سی کیمی، بیر یارپاق کیمی، بیر داش کیمی دینلَنه‌جکسن!

اینسان بوتون گؤزل موزیکلری دینله‌مه‌لی دیبینه قدر،
هم ده بوتون منلیگی سسلرله، مئلودی‌لرله دولارجاسینا!

اینسان بالیق کیمی دالمالی حیاتین ایچینه
بیر قایادان، زومرود بیر دنیزه دالارجاسینا.

سنی اوزاق اؤلکه‌لر چکمه‌لی،
تانیمادیغین اینسانلار!
بوتون کیتابلاری اوخوماق،
بوتون حیاتلاری تانیماق آرزوسویلا یانمالیسان!
دَییشمه‌مه‌لیسن هئچ بیر شئی‌له بیر بارداق سو ایچمه‌نین خوشبخت‌لیگینی!
فقط نه قدر سئوینج وارسا،
یاشاماق ایسته‌یی‌یله دولمالیسان!

و کدری ده یاشامالیسان اولماسی گرَکدیگی کیمی، بوتون منلیگین‌له!
چونکی دردلر ده، سئوینجلر کیمی اولقون‌لاشدیریر اینسانی.
قانین قاریشمالی‌دیر حیاتین بؤیوک دولاشیمینا،
دولاشمالی‌دیر دامارلاریندا حیاتین سونسوز تزه قانی!

یاشادیقلاریمدان اؤیرندیگیم بیر شئی وار:
یاشادین‌ می، بؤیوک یاشایاجاقسان.
چایلارا، گؤیه، بوتون وارلیغا قاریشیرجاسینا!
چونکی عؤمور دئدیگیمیز شئی، حیاتا تقدیم اولونموش بیر ارمغان‌دیر.
و حیات، وئریلمیش بیر ارمغان‌دیر اینسانا.

اومیدیاشار اوغوزجان
44
🍂🍁 پاییزان 🍁🍂

14 Jan, 15:34

paeizanam

دولوب گؤزلرینه سئوگی حسرتی
قارا گون‌لرینه آغ یارانماییب
قانلی دوداغیندان آخیر نیفرتی
قادین وار دردینه داغ یارانماییب

قادین وار آلنینا سینیر چکیلیب
قادین وار سینیرسیز سئویر سئویلیر
قادین وار آدینا باریش اکیلیب
ساواش قیزلارینین گؤز یاشین سیلیر

قادین وار گون‌لری قارالیب بیردن
ساچینین آغیندان آسیلیب سسی
قادین وار آرزیسی قارا دمیردن
دحشت پنجه سینده کسیلیب سسی

بیلیرم دونیانین چال ها چالیندا
یازی‌میز قادین‌سیز گول آچمایاجاق
ان آزی شعریمین اؤز ماحالیندا
آناسیز کؤرپه‌لر دیل آچمایاجاق

بو لال گئجه لری  قانمایان‌لاری
مارتین سکگیزینه باغلاماق اولماز
سئوگی اوجاغیندا یانمایان‌لاری
یاغیشین سسینده آغلاماق اولماز
#دومان_بختیاری

🍂🍁 @paeizanam 🍁🍂
183
🍂🍁 پاییزان 🍁🍂

14 Jan, 15:22

paeizanam
📽
 
Bəraət

برائت
میکاییل موشفیقین فاجعه وی حیات حکایه سی


Mikayıl Azaflının faciəvi həyat hekayəsi

📺
🍂🍁 @paeizanam 🍁🍂
44
🍂🍁 پاییزان 🍁🍂

14 Jan, 15:15

paeizanam
"اللرینی اوزوب مندن،
یاریم بیر باش گئدن اولدو.
جان دئییب، جان ائشیدردیک
بو آیریلیق ندن اولدو؟

قیزیل گولم، دسته یم من،
بولبولم، قفسده یم من.
گئزیرم من غملی غملی
گؤرن دئییر خسته یم من.

اؤز عشقیمدن، دیلییمدن
آیری دوشدوم ایللرله من
اما سندن آیری گئزن
اورک دئییل، بدن اولدو"

✍بختیار_وهابزاده

🍂🍁 @paeizanam 🍁🍂
43
🍂🍁 پاییزان 🍁🍂

14 Jan, 15:11

paeizanam

بو آیریلیق نه‌دن اولدو؟!

اللرینی اوزوب مندن،
یاریم بیر باش گئدن اولدو.
«جان» دئییب، «جان» ائشیدردیک،
بو آیریلیق نه‌دن اولدو؟!

قیزیل گولم، دسته‌یم من،
بولبولم، قفسده‌یم من.
گزیرم من غملی-غملی،
گؤرن دئییر خسته‌یم من.

اؤز عشقیمدن، دیله‌ییمدن،
آیری دوشدوم ایللرله من.
آمّا سندن آیری گزن،
اورک دئییل، بدن اولدو...

#بختیار_واهابزاده

🍂🍁 @paeizanam 🍁🍂
38
🍂🍁 پاییزان 🍁🍂

14 Jan, 15:08

paeizanam
#قارا_باسما

یوخولار یاخامدان، ال چکن دئییل
هر گئجه یوخومدان، یوخولار دوغور
یوخومدا دنیز وار، قیز وار، پاییز وار
یوخومدا کؤلگه‌لر، کؤلگه‌می بوغور

گؤيلرده بیر قارتال، دارا چکیلیر
یوخومو؟ گرچک‌می؟، بیله بیلمیرم
گؤزلریم اسیردیر، دیلیم دیدرگین
اؤلمك ايسته‌ییرم، اؤله بیلمیرم

اودادا اوجاق یوخ، اوجاقدا اود يوخ!
چیراقلار سؤنوكدور، قاپیلار باغلی‌
کوچه‌لر توزلودور، سو سپن یوخدور!
یارا قورشون دییب، اورک‌لر داغلی‌

دنیز آدلی بیر قیز، جان اوستونده‌دیر
کؤکسونده یارالار، درین_ درین‌دیر
گؤز تیکیب گؤیلره، تانرینی گزیر
سؤیله‌ییر گل آتا، قیزینی دیندیر

گل بو گؤزلریمی، آپار دولاندیر
گؤزلریمده بیر قیز، باهار آختاریر
ساچلارین داراییب یئللره وئریر
هامی یار آختاریر، او دار آختاریر

پاییزدان چکینمیر، بوراندان قوخمور
آنا تومروس یاغیر، باخیشلاریندان
دنیزین باشینی، آلیب قوینونا
جانينا جان قاتیر، گؤز یاشلاریندان...

#میرحسین_دلداربناب

🍂🍁 @paeizanam 🍁🍂
40
🍂🍁 پاییزان 🍁🍂

14 Jan, 14:13

گؤزلدير

گؤزلرين چاغلایان سئوگی دنیزی
گؤره نين آچیلیر بتی،بنیزی
قالخیز کیپرییینی گولسون دان اوزو
آغ،قارا اوستوندن هاله گؤزلدير

سحرين شئهينده گز آیاق یالین
مِئه اسسین چیینینه سوروشسون شالین
آیری لذذتی وار یاشیل لا آلین
زمی لر ایچینده لاله گؤزلدير

چکمزسن قهرینی وارین،یوخون سن
شیرین بیر نغمه سن اگر اوخونسان
دؤنوب قیزیل اولار داشا توخونسان
سنه سایه سالان طالع گؤزلدير

حسرت دنيزينين آداسی منم
سن عشقين اؤزوسن،صداسی منم
قارا گؤزلرينين قاداسی منه
گؤزلدن گله جک بلا گؤزلدير

يار اولا درد بيله،يار اولاندا دا
يولونا گؤز تيكسين يورولاندا دا
ائله سينه وورول وورولاندا دا
دئسينلر آی"ممد"اعلا گؤزلدير

ممد اسماعيل


🍂🍁@paeizanam🍂🍁
44
🍂🍁 پاییزان 🍁🍂

14 Jan, 13:13

یاندیریر عاشیقلری یارب نه دیر معنای‌عشق؟!
عاشیق اودلان اویناماق یانماقدی می‌ فِتوای ‌عشق؟

عشق نه دیر،هاردان بئله دریا کیمی ‌جوشغونلاشیر؟
گؤزده دیر،قلبلرده دیر یا هاردادیر دریای‌عشق؟

بو نه بیر دریادی غرق اولموشلارین یوخ چاره سی؟
جانی وئرمکلیکدی می عاشیقلره سودای عشق؟

حؤکمرانی کیمدیر عشقین گؤر نئجه فرمان وئریر؟
دم به دم نوش ائتدیریر عاشیقلره صهبای عشق

گولده دیر،بولبولده دیر،موطروبده دیر ساقی ده دیر؟
مئی ده دیر،مئیخانه ده یا هاردادیر دونیای عشق؟

هر نه قدر پونهان ائدیر عاشیق اونون طوغیانینی
بیر او قدری گؤرسه نیر یانغین اولان سیمای عشق

عشقدن هر عاشیق اؤز عشقی قدَر باش آچمالی
جیلوه لنمیش منده ده اول صورت زیبای عشق

عین علاقه،شین شدید،قاف قلبیدیر ‌عاشیقلرین
قلبین ایستک زیروه سی یالنیز اولور معنای عشق

کائیناتی خلق ائدیب"سیرداش"ایلاهی عشق ایلن
پس دئمک مومکون اولار تانری اولور پیشوای عشق

غلامعلی حسین زاده-سیرداش موغانلی


🍂🍁@paeizanam🍂🍁
49
🍂🍁 پاییزان 🍁🍂

14 Jan, 11:35

بیلسه

شعریم سئوینر روحلاری خوشلاندیرا بیلسه
هر لحظه حیاتی تزه باشلاندیرا بیلسه

درددن اوزولن خسته نی آرام ائله یینجه
لایلای دئییب آهسته جه هوشلاندیرا بیلسه

سن چئوره ده بوش سؤزلره،اووسونلارا اویسان
نعره ایله سنی قور کیمی داشلاندیرا بیلسه

اینسان اوره گیندن سیله رک کینه غبارین
سئوگییله باریش دویغوسو آشلاندیرا بیلسه

فیطرتده محال اولسادا اؤز خاریقه سییله
قوردون دییشیب ذاتینی قوشلاندیرا بیلسه

گؤرسه نه قدَر چوخدو یالاشدان یاشایانلار
هیممتله یالاشلاری دووشلاندیرا بیلسه

آزادلیغا دوغرو اوزانان یولدا اومیدله
یالقیز گئده نی سنله هاماشلاندیرا بیلسه

چاققیشدیریب اضدادی حقیقت سوراغیندا
هر آغ یالانی صیدق ایله توشلاندیرا بیلسه

پاک آرزیلار اوغروندا کوتان برکه دوشنده
شوم تورپاغینین برکینی بوشلاندیرا بیلسه

حققه قوووشان یوللارا"سؤنمز" سو چیلردی
دائیم آسیلی گؤزلری یاشلاندیرا بیلسه

کریم مشروطه چی-سؤنمز

🍂🍁@paeizanam🍂🍁
57
🍂🍁 پاییزان 🍁🍂

14 Jan, 03:14

اوجالار

آغلاماز دئمیشلر اؤزو ییخیلان
اینسان یئره ده یه-ده یه اوجالار
نتیجه چیخارتسا ییخیلدیغیندان
کامالا یئتیشر،گؤیه اوجالار

حیات چکیجیله نه سین،نه اَییل
اییلیب یاشاماق،یاشاماق دئییل
حاققا اؤرگه شیبسه سن ده کی او دیل
حقیقتی دئیه-دئیه اوجالار

زامان سنه قارشی نامردسه،نامرد
سیخماسین کؤنلونو نه غوصصه،نه درد
ائلین دردین چکن مرد اولوبدو،مرد
مرد غملری یئیه-یئیه اوجالار

سارسیلما کدردن"سیرداش"یم هدر
سارسیلماق اؤلومدن بئتردیر بئتر
حاقدان یوکله نیبسه دوشونجن اگر
نئچه نامرد اَیه-اَیه اوجالار؟!

غلامعلی حسین زاده-سیرداش موغانلی


🍂🍁@paeizanam🍂🍁
81
🍂🍁 پاییزان 🍁🍂

13 Jan, 17:38

paeizanam

#و_یوخلوغون_اوتاغیمدا_آغریییر

مئساژلارین موبایلیمدا اپریدی
من بوردایام، سن اورداسان نئینیرم؟
غزل‌لریم گرایلیمدا اپریدی
نه اولسون کی، سن اولماسان نئینیرم؟

بیر آیریلیق یاتاغیمدا آغریییر
یاناقلارین دوداغیمدا آغریییر
و یوخلوغون اوتاغیمدا آغریییر
آرزولارین کسیک باشین دئیینیرم
نه اولسون کی، سن اولماسان نئینیرم؟

سؤزلریمی گؤزون دارا چکردی
گؤزلریمی مئساژینا تیکردی
بارماغیمدا بیر اعتیراف پکَردی
بیر آیریلیق حسرتینی گئیینیرم
نه اولسون کی، سن اولماسان نئینیرم؟

خیالیمدا دونن آخشام دالغالار،
وورنوخوردو مئساژیندا سؤز خومار
کلمه‌لرین اوره‌یینه قان دامار
تانرینی گؤیدن ایستیرم ائندیرم
نه اولسون کی، سن اولماسان نئینیرم؟

بایاقلاری سن یوخ ایدین قوی دئییم
الینده‌کی اوره‌ییمی «سوی» دئییم
من اؤلموشم، گل بو دردی اوی دئییم
گؤر هاچاندی قبر اوستومه گلمیرم!
نه اولسون کی، سن اولماسان نئینیرم؟

سؤزلرین ده، یولون کیمی دولایلی
بیر جینایت دالغالانیر والایلی
آپارمیشام کی باسدیرام موبایلی
ریپورت اولوب دویغولاریم، بیلمیرم
نه اولسون کی، سن اولماسان نئینیرم؟

نه سس گلیر نه دالغادا سؤز اوچور
اوره‌ییمدن بو آخشام بیر قیز قاچیر
اؤزگه نومره، موبایلیما زنگ آچیر
ایسته‌ییرم گؤزلریمی سؤندورم؛
نه اولسون کی، سن اولماسان نئینیرم...؟

#ایلقار_موذ‌ن‌زاده  

🍂🍁 @paeizanam 🍁🍂
585
🍂🍁 پاییزان 🍁🍂

13 Jan, 17:36

paeizanam

یولا سردیم گؤزومو گلسه قوناق اینجیمه‌سین
بیرجه بیزدن دوداغی توتسا سوراق اینجیمه‌سین

یا منیم اللریمی معتکف ائت زولفون‌ده
یا پریشانلیغی اؤیرَت کی داراق اینجیمه‌سین

قاشینین تیغینی تا قلبیمه ماییل گؤردوم
باشیمی شوقیله اَیدیم کی یاراق اینجیمه‌سین

اوزونه آی دئدی‌لر آمّا ماحال‌دیر گؤزه‌لیم
کی بو تشبیهی‌دن اول لاله یاناق اینجیمه‌سین

اینجییَر گۆل‌دن آغیر بیر سؤز ائشیتسه اوره‌یی
بیلمیرم وصفینه «ایلقار» نه یازاق اینجیمه‌سین

#ودود_دوستی

🍂🍁 @paeizanam 🍁🍂
94
🍂🍁 پاییزان 🍁🍂

13 Jan, 17:35

paeizanam

سنه دالغالی گؤزوم‌ده پینارآغلادیم بو آخشام
اوره‌ییم‌له باغچا-باغچا چینار آغلادیم بو آخشام

نه ییمه گرک آچیلسین توزاناغلی یوللاریم آه
باش آچان سیخینتی لارلا نه وار آغلادیم بو آخشام

داغا باغلی اولموشام‌سا !؟داشی کؤنلومه دؤشه ندیم
سنه بیر قوجاق هایینان هاوار آغلادیم بو آخشام

یئنه چیرپینیر یولوندا  اوووجوم قنوتلو هر گون
دیله باغلی اَشهدیم‌ده مزار آغلادیم بو آخشام

دولاشیق دوشوبدو یوللار دورا بیلمیرم دیز اوسته
سنه گؤر نه بویدا یانمیش زومار آغلادیم بو آخشام

هله آیریلیق الین‌دن باش آلیب گئدیر بو شعریم
باخیسان نه داغلی داغلی خومار آغلادیم بو آخشام؟؟

داها گؤزلریم سو ایچمیر گله‌سن بوتاقلاشام من
سنه دالغالی گؤزوم‌ده پینار آغلادیم بو آخشام

#آیدین_صاباح

🍂🍁 @paeizanam 🍁🍂
79
🍂🍁 پاییزان 🍁🍂

13 Jan, 17:33

paeizanam

سن‌دن اوزاقدایام آی عوُمروم گونوم
حسرت داغیم ، داغیم داغلاییر منی
گوُزلرین صف چکیر گوُزوم اوُنونه
خیالین بیر تهر ساخلاییر منی

منم انتظاردان شله‌لی گولوم
یانیرام کرم تک ،له‌له‌لی گولوم
بو قوجا دونیایا گله‌لی گولوم
هیجران آغی دئییب آغلاییر منی

بوتانین دردینه بولونسون چارا
سینه‌نه باش قویوم ساغالسین یارا
دارا بارماغین‌لا،تئلیمی دارا
بو اومود حیاتا باغلاییر منی!...

#سعادت_بوتا

🍂🍁 @paeizanam 🍁🍂
73
🍂🍁 پاییزان 🍁🍂

13 Jan, 17:32

paeizanam
#دلی_اوره‌ییم

بیر دلی‌ کیمی‌دیر منیم اوره‌ییم،
هردن اوز گؤتوروب اؤزون آختاریر.
اللری قوینوندا، آه چکه-چکه،
دومانلی یوللاردا گؤزون آختاریر.

بیر دلی کیمی‌دیر منیم اوره‌ییم،
قاچیر کؤلگه‌سیندن، قاچیر سسیندن.
بوینونا دولاییب ساری دردینی،
باغیریر گئجه‌نین حنجره‌سیندن.

بیر دلی کیمی‌دیر منیم اوره‌ییم،
ایسلانیر یاغیشدا، اوشویور قاردا.
الجک‌سیز اللرین باسیر آغزینا،
بیر اولدوز شکیلی چکیر دوواردا.

اولدوزون نفسی دولور جانینا،
دولور یوخوسونا، دولور گؤزونه.
«بیر گئجه قار قیزی گلر گؤروشه»
بئله‌جه سؤز وئریر اؤزو، اؤزونه.

بو اورک، دلیجه یاشادیر منی،
دوداغیم دولوسو، گؤزوم دولوسو.
باخ... دلی کیمی‌دیر منیم اوره‌ییم!
سوورولور باشیما سؤزوم دولوسو...

#دومان_بختیاری

🍂🍁 @paeizanam 🍁🍂
115
🍂🍁 پاییزان 🍁🍂

13 Jan, 17:30

paeizanam
#ایلک_محبت

سئویب سئویلن‌لر چوخ گؤزل بیلیر،
اولماییب وفاسی ایلک محبّتین.
ایزله‌ییر عاشیقی سون منزیله‌دک،
شیرین ماجراسی ایلک محبّتین.

منیم دئدیکلریم شیکایت دئییل،
اورک‌لر یاندیران حئکایت دئییل.
حقیقی عاشیقه کیفایت دئییل،
توکنمز جفاسی ایلک محبّتین.

سئوگی‌سیز گول-چیچک بیتمز، ائی کؤنول!
اینسان مورادینا یئتمز، ائی کؤنول!
نه‌دن‌دیر، بیلمیرم، گئتمز ائی کؤنول!-
باشیمدان سئوداسی ایلک محبّتین.

بو درده نئیله‌سین لوقمانین الی؟
الیمه دَیمه‌میش جانانین الی-
دؤیدو قاپیمیزی هیجرانین الی،
بومودور معناسی ایلک محبّتین؟

من اونو سئومیشدیم بیر ایلک باهاردا،
او منی ترک ائتدی بوراندا، قاردا.
هر یارا ساغالیب اونودولسا دا،
ساغالماز یاراسی ایلک محبّتین...

#سلیمان_رستم

🍂🍁 @paeizanam 🍁🍂
69
🍂🍁 پاییزان 🍁🍂

13 Jan, 17:30

paeizanam

ائی گئجه یاریسی باغیران سوکوت
ائله سپ یاراما دوز اینجیمه‌سین
ائله گل، ائله گئت اودلو سینم‌دن
دوداق کؤزه‌رنده، سؤز اينجيمه‌سين

ائله یاخ قارانی، آغ دؤزه بيلسين
ائله باخ باغبانا، باغ دؤزه بيلسين
ائله چک داغلاری، داغ دؤزه بيلسين
ائله کئچ دره‌دن، دوز اینجیمه‌سین

دورما گل بیزیم‌له، شعرین دالین گل
بوراخ آییق‌لارین قالماقالین، گل
گلنده شعریمه آیاق یالین گل
ائله آیاق گؤتور ايز اينحيمه‌سين

بيز داردان گونه‌شه یوللار چکمیشیک
آنجاق چاخیر بیلیر نه‌لر چکمیشیک
دانیلیب-دانیلیب گئرچک‌لشمیشیک
ائله ایته‌ریک کی توز اینجیمه‌سین

تانری بیزدن سونرا بورایا چاتدی
بیزدن ایلهام آلیب بیزی یاراتدی
سونرا اؤزون بيزله درد ايچره آتدی
دئدی: شاعیر گرک آز اینجیمه‌سین.

#حسین_رزمی

🍂🍁 @paeizanam 🍁🍂
75
🍂🍁 پاییزان 🍁🍂

03 Jan, 19:48

‌‎‌‌‎‌paeizanam

اینسانلار گئدر ،
خیاللار بیتر،
اؤمیدلر تؤکنر ،
اما آجیلار کئچمز ،
چؤنکی خاطیره لر
سیلینمز ..

‌‎‌‌‌‌‌‎‌‌‎‌🍂🍁 @paeizanam 🍁🍂
44
🍂🍁 پاییزان 🍁🍂

03 Jan, 19:46

صبر ائدین!
قلبینیزی قیردیقلاری قدر، قلبلری قیریلاجاق.
گؤزله‌یین!💯

‌‎‌‌‌‌‌‎‌‌‎‌🍂🍁 @paeizanam 🍁🍂
44
🍂🍁 پاییزان 🍁🍂

03 Jan, 19:45

paeizanam

بیز، بیزیم اولمایانی سئویریک.
باشقا بیریسی، بیز بیلمه‌دن بیزی سئویر.
قیسمتین حئکایه‌سی باشقادیر آنجاق...

#نزار_قبانی

‌‎‌‌‌‌‌‎‌‌‎‌🍂🍁 @paeizanam 🍁🍂
43
🍂🍁 پاییزان 🍁🍂

03 Jan, 19:41

اؤزوموز اینسانلارا سیرادان بیر سئوگی وئرمه‌یی باجارمازکن!، آشیری، درین و حئیرت‌لندیریجی بیر سئوگی گؤزله‌ییریک.💯

#کریشنا_مورتی

‌‎‌‌‌‌‌‎‌‌‎‌🍂🍁 @paeizanam 🍁🍂
45
🍂🍁 پاییزان 🍁🍂

03 Jan, 19:36

‌‎‌‌‎‌‌paeizanam

بوراخ آرتیق دونَن‌له و دونَنینده‌کی‌لرله اوغراشماغی!
بیر ده هپ یانیندا اولانلارلا صاباحا باخماغی دنه!

#جمال_ثریا

‌‎‌‌‌‌‌‎‌‌‎‌🍂🍁 @paeizanam 🍁🍂
48
🍂🍁 پاییزان 🍁🍂

03 Jan, 19:33

میلاد طهماسبی

نذیریم وار آخی او شیرین دیل لرینه

‌‎‌‌‌‌‌‎‌‌‎‌🍂🍁 @paeizanam 🍁🍂
49
🍂🍁 پاییزان 🍁🍂

03 Jan, 19:23

‌‎‌‌‎‌‌paeizanam

آخشام بولاشیب دوغمالاشان گؤزلرینه یاد
آنجاق سحر اولموش قوخوسو وار اوتاغیندا

بوم بوزدو ، سویوق دور هم الین هم نفسین آه
بیر جانلی خیانت قوخوسو وار دوداغیندا

سن تاپشیر الین اللرینه گز قوجا شهری
قوی من آراییم تینلری بیر سن سوراغیندا

باخ گؤزلرینه سار سینه سین تئللرین  ایله
آغلات منی همده گئجه نی گنج  چاغیندا

سنسیز گئجه لر آغلاماغیم داد وئریر آی  قیز
اوخشاتما یاغیر هر گئجه سنسیز اوتاغیمدا

سنسیز سنی سئومک نه دئمکمیش نه بیلیرسن
هر بیر گئجه باشقا بیری سی وار یاتاغیندا

✍آتیلا_حاجیزاده

‌‎‌‌‌‌‌‎‌‌‎‌🍂🍁 @paeizanam 🍁🍂
45
🍂🍁 پاییزان 🍁🍂

03 Jan, 19:22

‌‎‌paeizanam

گئتمکله گئتمیش اولمازسان
کوُنلون قالیر
عاقلین قالیر
آنیلارین قالیر

#جمال_ثریا

‌‎‌‌‌‌‌‎‌‌‎‌🍂🍁 @paeizanam 🍁🍂
42
🍂🍁 پاییزان 🍁🍂

03 Jan, 19:20

علم یاخشی دیر،یوخسا ثروت؟


شعور هر ایکیسیندن یاخشی دیر . . .

‌‎‌‌‌‌‌‎‌‌‎‌🍂🍁 @paeizanam 🍁🍂
39
🍂🍁 پاییزان 🍁🍂

03 Jan, 19:20

‌‌‎‌‌‎‌‌‎‌‌‎‌‌paeizanam

ساچلارینین حسرتیندن
دئدیم داراغا دؤنه‌جک
آه گولوم! نه بیله‌یدیم من
الیم اوراغا دؤنه‌جک

بلکه بوگون، بلکه یارین
ایچه‌جه‌یم نارین-نارین
سالخیم-سالخیم باخیش‌لارین
قاب-قاب آراغا دؤنه‌جک

آی بو قارانلیغا قادام
قویمادی بیر اولدوز دادام
واللاه بو آسیلان آدام
بیر گون چیراغا دؤنه‌جک

نادیر_ایلاهی

‌‌‌‌‌‌‌‌‎‌‌‎‌‌‍‌‍‌‌‎‌‌‌‎‌‌‌‌‌‎‌‌‎‌🍂🍁 @paeizanam 🍁🍂
43
🍂🍁 پاییزان 🍁🍂

03 Jan, 19:19

‌‎‌‌‎paeizanam

بیلمیردین کی، ترک ائدیلن، قلبینی-
هر کسه، هر شئیه باغلاییر آخی.
گۆندوزلر گیزلینجه، سسسیز-سمیرسیز،
گئجه‌ هؤنکور-هؤنکور آغلاییر آخی.

ایندی سندن اۆره‌ییمه درد دامیر،
مگر ائشیتمیرسن اوردان صدامی؟
بئله تئز اونوتمور آدام آدامی،
عاغلینین  کۆنجونده ساخلاییر آخی.

کاش ائله اونوتماغا چاتاچاتدا،
منی قورتاراردین بو باتاباتدان!
قاتل لر ده اؤز قوربانینی حتّی،
-اؤلوب‌مو-قالیب‌می؟- یوخلاییر آخی.

عزیز_یعقوب‌زاده

‌‎‌‌‌‌‌‎‌‌‎‌🍂🍁 @paeizanam 🍁🍂
43
🍂🍁 پاییزان 🍁🍂

03 Jan, 19:17

منظره سی نقدر گوزل اولورسا اولسون


سنی اینجیدن پنجره نی باغلا...👩‍🦯

‌‎‌‌‌‌‌‎‌‌‎‌🍂🍁 @paeizanam 🍁🍂
39
🍂🍁 پاییزان 🍁🍂

03 Jan, 15:49

سنین کؤلگه‌ن دوشور بوردا هر شئیه،
بو ائوه-ائشی‌یه، یورغان-دؤشه‌یه،
کؤرپه‌م میشیل-میشیل یاتان بئشی‌یه،
سنین کؤلگه‌ن دوشور گئجه‌به‌گوندوز.
کؤلگه‌ن دوشور قادینیمین اوزونه
گیزله‌دیر اوزونون عئیب‌لرینی...

...آغاج کؤلگه‌سینه، داش کؤلگه‌سینه،
ماشین کؤلگه‌سینه، قوش کؤلگه‌سینه،
ایلیشیر، دولاشیر، قاریشیر کؤلگه‌ن.
بوتون کؤلگه‌لری چکیب جانینا
تزه‌دن جانیما داراشیر کؤلگه‌ن.

گؤره‌سن، بیر آزجا سنی اونودوب،
بیرتهر باشیمی قاتارام‌می هئچ؟
گؤره‌سن، کؤلگه‌نین اوجوندان توتوب
گلسم-گلسم، سنه چانارام‌می هئچ؟

بلکه ان دؤزوملو کؤلگه‌دی کؤلگه‌ن،
قیریلان، جیریلان، سؤکولن دئییل.
تانری کؤلگه‌سی‌دی بلکه ده کؤلگه‌ن،
اؤلونجه اوستومدن چکیلن دئییل.

گئجه‌لر کؤلگه‌ن‌له اوستومو اؤرتوب
یوخلایا بیله‌یدیم بو دونیادا کاش.
کؤلگه‌نه اوزومو-گؤزومو سورتوب
آغلایا بیله‌دیم بو دونیادا کاش.

آغلایا بیلمیرم....یاغیر یاغیش-قار
چؤلده کؤلگه‌ن قالیر یاغیش-قار آلتدا
کئچیر کؤلگه‌ن اوستدن آغیر ماشینلار،
کؤلگه‌ن تاپتالانیر آیاقلار آلتدا.

کؤلگه‌ن دیرسَکلنیب داشا-تورپاغا،
دیکَلمک ایسته‌ییر، قالخماق ایسته‌ییر.
دایانیب منیمله قاباق‌-قاباغا،
گؤزومون ایچینه باخماق ایسته‌ییر.

تئز-تئز بو شهرده آلدانیر گؤزوم،
سن دوندا گؤروکور گؤزومه قیزلار.
بلکه پارچا-پارچا دوغراییب-کسیب
کؤلگه‌ندن دون تیکیب اؤزونه قیزلار.

کؤلگه‌نه نه قدر اللر اوزانیر،
او کونجه-بو کونجه قیسیلیر کؤلگه‌ن.
آیلار اؤتوب‌کئچیر، ایللر اوزانیر،
گون‌به‌گون گؤده‌لیر، قیسالیر کؤلگه‌ن.
کؤلگه‌ن قیسالدیقجا اوزاقلاشیرسان،
بلکه ده هارداسا چیلپاقلاشیرسان...

بئله‌جه سن مندن، من سندن اوزاق،
اؤلونجه یاشاریق تک-تک دونیادا.
هله بیرجه قاریش کؤلگه‌ن قالیبسا،
من غریب دئییلم، دئمک، دونیادا.

بیر گون سن هارداسا دیل‌-دیل اؤتنده،
سون سؤزوم کؤلگه‌نه یازیلار سنین،
کاش کی واخت بیتنده، اجل یئتنده،
قبریمی کؤلگه‌نده قازالار سنین...

#رامیز_رؤوشن


🍂🍁@paeizanam🍂🍁
60
🍂🍁 پاییزان 🍁🍂

03 Jan, 14:06

تبریز

آی آنام ده یرلی دوغما دیاریم!
پوزولماز گولشنیم،سولماز گولزاریم
باخیشی اوره ییم،سئزن قراریم
آرزومون گول آچان بوتاغی تبریز!

سسیندن آییلمیش،دویوخموش زامان
الیندن آلیبدیر ایگیدلر نیشان
هر سحر تک دوغاندان اولدوزومسان
یوردومون ایشیقلی چیراغی تبریز!

چؤللرین،قوشلارین سن اؤلنگی دیر
حوسنونون جیلوه سی شافاق رنگی دیر
آچیلمیش گوللرین ائل چلنگی دیر
حیاتین گولومسر دوداغی تبریز!

تاریخی عؤموردور کئچن هر دمین
سینانمیش ائلیندیر یاخین همدمین
آلیب سهنددن ووقار گؤرکمین
اؤنملی دوستلارین دایاغی تبریز!

یول آچدین قلبیمه گؤز بَبه ییمدن
ان اؤنده دوروبسان هر گره ییمدن
وارلیقین دوغولموش ایلک دیله ییمدن
گونشلی سئوگیمین ساچاغی تبریز!

ائللرین سوردوگو هر بیر چاغیندا
حؤکمونون متنی وار هر بوجاغیندا
شاعیرلر یاتیبلار سیخ قوجاغیندا
شعریمین توکنمز نووراغی تبریز!

سؤزونو دانیشان دیلیندیر دیلیم
نه قدَر واریمسان اولماز نیسگیلیم
وورولموش عاشیقم سنسن سئوگیلیم
یاشاییش عشقیمین ماراغی تبریز!

ستارخان آدینا باغلانیب آدین
ایفتیخار یارادیر هر گنج ائولادین
تَملین قازیبسان سن استبدادین
اینقیلاب اوردونون اوجاغی تبریز!

کریم خجیر-باریش


🍂🍁@paeizanam🍂🍁
65
🍂🍁 پاییزان 🍁🍂

03 Jan, 11:25

‍ منی جاندان اوساندیردی،جفادن یار اۇسانمازمی؟
فلک‌لر یاندی آهیمدان،مرادیم شمعی یانمازمی؟

هامی بیمارینه جانان،دوای درد ائدر احسان
نه‌چون قیلماز منه درمان،منی بیمار سانمازمی؟

غمیم پنهان توتاردیم من،دئدیلر یاره قیل روشن
دئسم اول بی‌وفا بیلمم،اینانارمی؟اینانمازمی؟

شبِ هجران یانار جانیم،تؤکر قان چشمِ گریانیم
اویادار خلقی افغانیم،قارا بختیم اویانمازمی؟

گلِ رُخسارینا قارشی گؤزومدن قانلی آخار سو
حبیبیم!فصلِ گُل‌دور بو،آخار سولار بولانمازمی؟

دگیلدیم من سنه مایل،سن ائتدین عقلیمی زایل
منه طعن ائیله‌ین غافل سنی گؤرجک اوتانمازمی؟

"فضولی"رند و شیدادیر،همیشه خلقه رسوادیر
سورون کیم بو نه سئودادیر؟بو سئودادان اوسانمازمی؟

حکیم ملا محمد فضولی


🍂🍁@paeizanam🍂🍁
84
🍂🍁 پاییزان 🍁🍂

03 Jan, 09:15

سئو دئیه کیمسه یه یالوارمامیشام
سئویب آتاجاقسان سئومه سن آللاه!
اورک آلیم-ساتیم مالی دئییل ها
آلیب ساتاجاقسان سئومه سن آللاه!

عاشیقین دئییلدیر هر سنی اؤین
سئونده اوره یین گؤزو ایله به ین
یوز گوناها باتار بیر قلبه ده ین
دییب باتاجاقسان سئومه سن آللاه!

چوخدا اوره ییمه یاتانلار اولوب
کؤنول تئللریمی توتانلار اولوب
دونیامی"دومان"ا قاتانلار اولوب
سنده قاتاجاقسان سئومه سن آللاه!

عدالت دومان


🍂🍁@paeizanam🍂🍁
83
🍂🍁 پاییزان 🍁🍂

03 Jan, 08:15

اووووه گونش گؤیده بولودلا سولاشیر دان واختی
یاغیش آلتیندادا قوردلار اولاشیر دان واختی

دانی بیز سؤکمک اوچون باخ گونشه یالواردیق
قارا چارشاب ایشیغا هئی دولاشیر دان واختی

دئدیک آیدین سحره سیل بولودون آغلاماسین
ایلدیریملار ائشیدرکن ساواشیر دان واختی

هاوانین دارغالیغی کسدی اومود پنجره سین
قارا یئل سیرتیق اوشاق تک ساتاشیر دان واختی

بو شهر ساختا ایشیقلا آلیشیب چوخداندی
اوجاق اوسته ایکی چاخماق یاناشیر دان واختی

ال‌ـ‌‌قولو باغلی،قلم سوسدو کاغاذلاردا داها
کلمه‌لر قیش قوجاغیندا دالاشیر دان واختی

هؤردو دان وقتی ایشیق ساچلارینی زنجیرله
یوخو آزادلیغی ایلا چوخ بولاشیر دان واختی

سحرین ایلک گولوشو پوزدو بوتون قایدالاری
ایکی اؤزگور ایشیغی ایلا باریشیر دان واختی

کریم احمدیان-شاهید

🍂🍁@paeizanam🍂🍁
86
🍂🍁 پاییزان 🍁🍂

02 Jan, 22:33

‌‎‌‌paeizanam
O gözlərə baxmaram

او گوزلره باخمارام
سوز: محمدآراز
سس: مشفیقه بالاالدین قیزی

Söz: məmməd Araz
Səs: müşfiqə baladdinqizi
❤️❤️❤️❤️❤️❤️❤️❤️❤️

O GÖZLƏRƏ BAXMARAM

Bu gün sənin hər gözündə bir gülüş,
Biri çılğın, biri tutqun, bürkülü...
Baxışına yad baxışlar bükülü,
İnnən belə o gözlərə baxmaram.

Qəza gəldi, əsa gəldi, deyirlər.
Əhdini də düyçələyər iy əllər.
Bir çalada donan suya əyilləm,
İnnən belə o gözlərə baxmaram.

İki görüş bir baxışda görüşdü,
İki ilmə bir yanlışda görüşdü.
Doğru sözüm aldanışla görüşdü,
İnnən belə o gözlərə baxmaram.

Haray, durnam, qatarımı itirdim!
Havar çəkdim, havarımı itirdim,
Dalğasında avarımı itirdim,
İnnən belə o gözlərə baxmaram.

İsmi dönük, son tufanım olsa da,
Son ümidim, son gümanım olsa da,
Gündoğanım, günbatanım olsa da,
İnnən belə o gözlərə baxmaram.

                                             Dekabr, 1980

‌‎‌‌‌‌‌‎‌‌‎‌🍂🍁 @paeizanam 🍁🍂
87
🍂🍁 پاییزان 🍁🍂

02 Jan, 22:29

‌‎‌‌‎paeizanam
#من_ائله_بیلیردیم

من ائله بیلیردیم، اَبَدی یازدی،
سن دئمه، پاییزدا گول‌لر سولارمیش.
من ائله بیلیردیم، سونسوزدو یوللار
سن دئمه، هر شئیین سونو اولورموش...

سن دئمه، محبت تک ووصال دئییل،
آیریلیق اولورسا، سئوگی وار ایمیش.
من ائله بیلیردیم، دونیا دَییشیب،
سن دئمه، دَییشَن انسان‌لار ایمیش.

من ائله بیلیردیم منیمدی جهان،
بیر آی‌لی-گونش‌لی یئر کوره‌سی‌یم.
سن دئمه عؤمروموز بیرجه آن دئییل،
اولسا بو دونیانین بیر ذرّه‌سی‌یم...

دونیانی سئومیشم، کؤنول وئرمیشم،
هر دوغان سَحَره، هر آچان گوله.
خوشبخت اولماق اوچون دونیادا بلکه،
یاخشیکی، چوخ شئیی بیلمیرم هله...

#بابا_وزیراوغلو

‌‎‌‌‌‌‌‎‌‌‎‌🍂🍁 @paeizanam 🍁🍂
78
🍂🍁 پاییزان 🍁🍂

02 Jan, 22:28

‌‎‌‌‎paeizanam

بوگون ده
دانی سنین آدین‌لا سؤکدوم
و نامازدان اؤنجه
سئوگیمیز خزینه‌سیندن
ایکی قیزیل بایاتی سئچدیم
گونشه ساری اوزاتدیم الیمی
آلیب سیرغا ائتسین قولاغینا
گئرچکدن گؤردوم بو ایشی سئویملیم!
یوخو بئینیمه وورماییب
یاخود خولیالی دئییلم...
سحر، گونشه باخ!
گؤزلرین قاماشماسا،
نئجه دوشونورسن دوشون.

#نورالدین_مقدم

‌‎‌‌‌‌‌‎‌‌‎‌🍂🍁 @paeizanam 🍁🍂
67
🍂🍁 پاییزان 🍁🍂

27 Dec, 05:05

🍂🍁@paeizanam🍂🍁
100
🍂🍁 پاییزان 🍁🍂

26 Dec, 20:53

‌‎‌‌‎paeizanam

یئنہ دہ گؤزلریم گؤزوندہ قالیب
گؤردویوم مَعنایا قوربان اولارام!
اَگَر حَقیقت‌سن، مَن حَقیقته
رؤیاسان، رؤیایا قوربان اولارام!


صؤحبتین شیریندے، گولوشون تَزه
سالدین اوره‌ییمے عشقہ، هَوَسه.
سَن آیاق باسدیغین او یولا، ایزه،
چَمَنہ، صَحرایا قوربان اولارام!


چاتسین هَر مورادین باشا دونیادا!
بیر آرزون دَیمه‌سین داشا دونیادا!
بو دونیا گؤزلدیر، یاشا دونیادا!
سَن اولان دونیایا قوربان اولارام...!

نریمان حسن زاده

‌‎‌‌‌‌‌‎‌‌‎‌🍂🍁 @paeizanam 🍁🍂
125
🍂🍁 پاییزان 🍁🍂

26 Dec, 19:54

‌‎‌‌‎‌‌‎‌paeizanam

دَییشدیم من سنے گؤرندن بری،
منہ نہ ائتدینسہ تڪجہ سن ائتدین.
سنسیز بو شَهَردہ غریبدیم، غریب،
منہ بو شَهَرے سن وطن ائتدین...

رامیز روشن

‌‎‌‌‌‌‌‎‌‌‎‌🍂🍁 @paeizanam 🍁🍂
114
🍂🍁 پاییزان 🍁🍂

26 Dec, 19:49

‌‎‌‌‎‌‌paeizanam

سنین یوللارینا تیڪسم گؤزومو،
ایچیمدہ ساخلاسام اودلو سؤزومو،
عشقیندہ ڪرم‌تڪ یاخسام اؤزومو،
اوندا اینانارسان بو محبّته؟

حسرتدن آلیشسام بیر اوجاق ڪیمے،
بورونسم سوڪوتا بوش اوتاق ڪیمی،
دالینجا آغلاسام بیر اوشاق ڪیمے،
اوندا اینانارسان بو محبّته؟

گوندہ بیر خاطانین قارشینا چیخسام،
بوتون گوناهلارے بوینوما ییخسام،
توتوب اللرینے الیمدہ سیخسام،
اوندا اینانارسان بو محبّته؟

سنینلہ آغلاسام، سنینلہ گولسم،
گؤزومون یاشی‌یلا داشلارے دلسم،
هر گئجہ، سئوگیلیم! یوخونا گلسم،
اوندا اینانارسان بو محبّته؟

نئیله‌یڪ، اینانما، اینانما، گولوم!
بیلیردیم آرایا دوشه‌جڪ اؤلوم.
اوندا ڪے «مهران»ے حاقلادے اؤلوم،
اوندا اینانارسان بو محبّته...

مهران_عباسیان

‌‎‌‌‌‌‌‎‌‌‎‌🍂🍁 @paeizanam 🍁🍂
109
🍂🍁 پاییزان 🍁🍂

26 Dec, 19:44

‌‎‌‌‎‌‌paeizanam
جمالین پرتووے نور خدادیر
یولوندا عاشیقین جانے فدادیر

لب لعلین مصفّا شربتیندن
بو مجروح ڪؤنلومہ جانا دوادیر

یاخیلدیم عئشقینہ مانند مجنون
خیالین عئینیلہ لیلے نومادیر

نئجہ فرهادوش ڪؤنلوم آلیبسان،
ڪے شیرین تڪ جمالین دلربادیر

نسیمے جان فدا قیلدے نیگارا
دمادم عئشق ایلہ ایشے صفادیر


عمادالدین_نسیمی

‌‎‌‌‌‌‌‎‌‌‎‌🍂🍁 @paeizanam 🍁🍂
95
🍂🍁 پاییزان 🍁🍂

26 Dec, 19:30

‌‎‌‌‎‌paeizanam

حاجے بابا حسین اوف
آتشیم وار ڪولوم یوخ

‌‎‌‌‌‌‌‎‌‌‎‌🍂🍁 @paeizanam 🍁🍂
99
🍂🍁 پاییزان 🍁🍂

26 Dec, 18:36

بیکلام‌ آذربایجانی
قارمون

#موسیقی‌بیکلام
#آذربایجان
#قارمون
‌‎‌‌‌‌‌‎‌‌‎‌🍂🍁 @paeizanam 🍁🍂
92
🍂🍁 پاییزان 🍁🍂

26 Dec, 17:58

‌‎‌‌‎‌‌paeizanam

گلمز،،،
گئتدی...
دای یوخدوووو

‌‎‌‌‌‌‌‎‌‌‎‌🍂🍁 @paeizanam 🍁🍂
449
🍂🍁 پاییزان 🍁🍂

26 Dec, 17:48

توتولموش کؤنلومو جام ایله شادان ائیله‌مک اولماز

اَل ایلن پسته نین آغزینی خندان ائیله‌مک اولماز


#صائب‌تبریزی

‌‎‌‌‌‌‌‎‌‌‎‌🍂🍁 @paeizanam 🍁🍂
103
🍂🍁 پاییزان 🍁🍂

26 Dec, 17:36

‌‎‌‌‎‌‌‎paeizanam

بیر اؤلوم بورجوم وار یارادانیما
نئچه یۆز مین دیلک، آلاجاغیم وار
نه آلیر بورجونو، نه بورجون وئریر
بللی دیر، آسیلی قالاجاغیم وار

تانریمین گرک‌دیر اۆزو آغ اولسون
گۆنلرین قاراسین دوْنوما بیچیب
آجیلار-چیله‌لر اولوب قنیمیم
آسیلیب یاخامدان قانیمی ایچیب

سارالیب وارلیغیم، سولوب منلیگیم
اوخشاییر ساچیمی پاییز اللری
اؤزومده دوستاغام، اؤزومه اوگئی
گؤز آچیب دنیایا گلندن بری...

#فرزین_نقی‌یان

‌‎‌‌‌‌‌‎‌‌‎‌🍂🍁 @paeizanam 🍁🍂
421
🍂🍁 پاییزان 🍁🍂

26 Dec, 17:32

‌‎‌‌‎paeizanam

بو دونیانین  کدَرینی
پاپریزینا بوکن قارداش!
توستو-توستو، دومان-دومان
غم‌لرینی چکَن قارداش!

یاشایشین بیر ناغیل‌دیر
یوکون دوه‌ندن آغیردیر
وارین-یوخون‌مو داغیلدی
گؤز یاشینی تؤکن قارداش؟!

گولونج‌ لر ده، سنه گولَر
گولر دویماز، یئنه گولَر
عؤمرون باشیندان سؤکولَر
ایاغیندان تیکن قارداش!

آزالماز آهین - آمانین
زَهَرلنَر یازیق جانین
سیقارئتینده دونیانین،
کدرینی چکن قارداش!

#علی_جواد‌پور

‌‎‌‌‌‌‌‎‌‌‎‌🍂🍁 @paeizanam 🍁🍂
81
🍂🍁 پاییزان 🍁🍂

26 Dec, 17:27

‌‎‌‌‎paeizanam

کدر بوغاندا بیزی شعریمیزده قان داریخیر.
سیخینتیدان باش آچانمیر بو داغ، دومان داریخیر.

دوداق-دوداق داغیلان دردیمیز دریلمه‌ده‌دیر
گونش دوغاندا داغیلمیش دوداقدا دان داریخیر.

گون اورتادان اوزولن ال‌لرین نه‌دیر گوناهی؟
چاخیرلی دستامازیم درد اولور، آذان داریخیر.

آسیلمیشام شهرین گؤزلریندن آیلی گئجه
گرایلی‌میزدا یاشیل‌لیق یانیر، خزان داریخیر.

بو پینتی فلسفه‌لردن ساغانمیرام اؤزومو
جانیم یامان سیخیلیر، کؤینه‌ییم یامان داریخیر.

هارای سئلین ساراسیندان سینیر-سینیر داغیلیر
بو سئلده، سئوگی بوغولماقدا؛ خان چوبان داریخیر...

#دومان_بختیاری

‌‎‌‌‌‌‌‎‌‌‎‌🍂🍁 @paeizanam 🍁🍂
76
🍂🍁 پاییزان 🍁🍂

26 Dec, 17:25

آغری بابا

گؤز آچ بو فینجانا باخ گؤر نه فالدی آغری‌بابا
نه کئف‌ده‌یم نه دوروم‌دور نه حالدی آغری‌بابا

بوغازدا هئی داشیرام بیر داغارجیغین سؤزونو
حئییف سسیم قایالار آلتدا قالدی آغری‌بابا!

بو لوولو درده داوام یوخ دئنن فلک کئچینه
یاخامی مرد الینه بلکه سالدی آغری‌بابا

هامی‌آشیق چاغیرار اویناماقدان اؤترو آما
بیزه گلن هر آشیق آغی چالدی آغری‌بابا

بو گون اؤنومده‌کی کؤلگه باشیمدا زیروه‌له‌نن
دونن قارامجا دولاندی اوجالدی آغری‌بابا

دئه‌هانسی کوللوگون آنجاق کولون‌باشا اله‌ییم
اورک‌ده قالدی خوش‌ آنلار قارالدی آغری‌بابا

ایگید اگر اؤزون آسسا اوجا بوداق‌دان آسار
اؤلوم زهرده اولا بوردا بالدی آغری‌بابا

بهزاد بیات فرد-حسرت زنگانلی


🍂🍁@paeizanam🍂🍁
78
🍂🍁 پاییزان 🍁🍂

26 Dec, 17:17

‌‎‌‌‎‌‌‎‌paeizanam

سن گئدرسن قاپینی هی چالاجاق سس‌سیزلیک
سن گئدرسن بو ائوه های سالاجاق سس‌سیزلیک

بیر چیراق‌سیز شهرین قارلی قارانلیق گئجه‌سین
بیر عؤمور بلکه قوناق ساخلایاجاق سس‌سیزلیک

سن گئدرسن سوساجاق دینمه‌یه‌جک تار بیرده
کامانین پرده‌لرینده قالاجاق سس‌سیزلیک

داها تاققیلداماییب، داش دوشه‌نک ده باشماق
شهرین دال بوجاغیندا دالاجاق سس‌سیزلیک

دالغا کؤسموش پازیلته‌ن ساریلان دان فرکانس
سنده گئتسن دئیه سن تام اولاجاق سس‌سیزلیک

سسلی کویلو آلیشیب دیر نئجه دام-داش، ائویمیز
ایللرین سانکی قیصاصین آلاجاق سس‌سیزلیک

یالواریش-قورخو ساریب دیر ائوی آه بیر بیلسن
سن گئدرسن بو ائوه های سالاجاق سس‌سیزلیک


#آتیلا_حاجیزاده

‌‎‌‌‌‌‌‎‌‌‎‌🍂🍁 @paeizanam 🍁🍂
76
🍂🍁 پاییزان 🍁🍂

26 Dec, 17:14

‌‎‌‌‎‌‌paeizanam

طالئعی کور یارانمیشام،
سالام وئرسم ساواش اولور.
سئوینجیمه شاختا دوشور،
غم بوستانیم فاراش اولور.

منم مؤحنت قدّین اَین،
قان قوسارام لیَن-لیَن.
بارماغیما پیلوو دَیَن،
دیشیم آلتدا بیر داش اولور.

چیخسام دوزه، دوز چؤله من،
داغ گؤرورم سیلسیله من.
اوز چئویرسم بولبوله من،
تئزجه دؤنوب بایقوش اولور.

ائله دوشوب ایشیم ترسه،
«ممد» دونار اودا گیرسه.
هر کیم مندن مئهر گؤرسه،
اوندان پاییم قارغیش اولور...

#ممد_آسلان
‌‎‌‌‌‌‌‎‌‌‎‌🍂🍁 @paeizanam 🍁🍂
74
🍂🍁 پاییزان 🍁🍂

26 Dec, 17:12

‌‎‌‌‎‌paeizanam
گل بؤله ک دونیانی!


«گل بؤله ک دونیانی ایکیلیکده بیز / دره منه دوشسون، داغی سن گؤتور!» (نبی خزری)

«گل بؤله ک دونیانی ایکیلیکده بیز!»
سئوینج سنین اولسون، غم منه قالسین.
داغلاری، اوبانی بؤلک یورد با یورد،
بولاق سنین اولسون، چم منه قالسین!

ایسته‌رم دونیانی گزه‌ک باش باشا،
یوکون من گؤتوروم، آد سنه قالسین!
بوتون اینسانلاری سئچک بیر به بیر،
تانیشی سن گؤتور، یاد منه قالسین!

قیزینماق ایسته‌سن بیر اوجاق قوراق،
کولو منیم اولسون، کؤز سنه قالسین!
آرتیق بو دونیایا باخماق ایسته‌سن،
دئییرم بو ایکی گؤز سنه قالسین!

دونیانین دؤلتین، وارین ایسته‌مم،
بوتون وار- دؤلتیم قوی سنه قالسین!
نه‌یه آرخالانیم سؤیله عزیزیم،
وفاسیز هر نه وار قوی منه قالسین!

آل سنین، شال سنین، قارا خال سنین،
گئیین، بزه‌ن، دوزن، پوز سنه قالسین!
یاپیشاق قول- قولا گزه‌ک بیز قوشا،
صفاسین سن گؤتور، توز منه قالسین!

یوللار انیشلی‌دیر، یوللار یوخوشلو،
یوخوش منیم اولسون، دوز سنه قالسین!
عؤمور دونیاسیندان، عؤمور باغیندان
اللی‌نی من دریم، یوز سنه قالسین!

#سعید_قافلان

‌‎‌‌‌‌‌‎‌‌‎‌🍂🍁 @paeizanam 🍁🍂
78
🍂🍁 پاییزان 🍁🍂

26 Dec, 17:10

‌‎‌‌‎‌‌paeizanam

آغلایان چوخ اولور اؤلندن سونرا
ایسته‌سن یادینا سال دیریلیکده
نه گول آت قبریمه نه داشیندان اؤپ
آختاریب گؤیلومو آل دیریلیکده

دونیا اؤترگیدی گئدنلر گلمز
آیریلیق دردینه دوشنلر گولمز
کؤنول بیر شیشه‌دی سیندی دوزلمز
تاپ اینسان قلبینه یول دیریلیکده

#سخاوت_قاسیم‌زاده_سخا

‌‎‌‌‌‌‌‎‌‌‎‌🍂🍁 @paeizanam 🍁🍂
120
🍂🍁 پاییزان 🍁🍂

26 Dec, 17:05

‌‎‌‌‎paeizanam

دیله ییردیم منه سن بیر گئجه ليك يار اولاسان
عهد پیمانی توتوب , عهده وفادار اولاسان!

گؤزلرين , يادلارى گؤردوكده گولور نرگیز تک
بیر تیکاندیر منه غمزه ن , نولا غمخار اولاسان!

دوستلوغوندان دئميشم من, نئجه دوشمن ائشيديب
منى اغياره خجيل ائتسن ، اؤزون خار اولاسان!

منه دوست اول, نه ضرر , دوشمنيم اولسون عالم
كيمسه دن قورخمارام, آنجاق كى دوز ايلقار اولاسان

سن نه قوشسان ، سيناييم من نه ساياق جان سنى
هانى بير اؤيله كؤنول بند وگرفتار اولاسان؟!

شهر اهلی سنین عشقینده "نظامی" کیمدیر
نه روا آخسیتانا مونس و دیلدار اولاسان

نیظامى_گنجوی

‌‎‌‌‌‌‌‎‌‌‎‌🍂🍁 @paeizanam 🍁🍂
81
🍂🍁 پاییزان 🍁🍂

26 Dec, 17:02

هر کسین اؤز ماهنیسی وار
گؤز یاشلاری اؤچون ،آرزولاری اؤچون و تنهالیقی اؤچون ...
.
‌‎‌‌‌‌‌‎‌‌‎‌🍂🍁 @paeizanam 🍁🍂
119
🍂🍁 پاییزان 🍁🍂

26 Dec, 06:32

اوزونده آلما دادی، ساچلاریندا باغ قوخوسو،
باغیشلا قول‌لاریما بیر ایچیم قوجاق قوخوسو!

بو آخشام‌اوستو گونش باتدی، سن منه گونش اول!
بو ائو ده بلکه گؤره توی دادی، قوناق قوخوسو.

حایيف کی آینا دا مندن کوسوب؛ اوزون چئویریب
ساچیم تامارزی قالیب تامسینا داراق قوخوسو.

باهار سنینله‌دی، سنسیز اؤنومده قیش گؤیه‌ریر
اودور کی منله گزیر اود دادی، اوجاق قوخوسو

داها ائلیم ورزن حسرتی اوره‌کده گئدر
بو باغ قابان دادی توتموش- بو باغ، ناجاق قوخوسو

بیلیرسیز ایندی اوباشدان خوروز ندن اوخومور؟
اونون دا بلکه توتوبدور دیلی یاساق قوخوسو

آنام دئییر: برکت قارقییبدی کندیمیزی
اونو گوناه دادی توتموش؛ چؤرک، قاچاق قوخوسو

ندن‌دی بیر نئچه ایل‌دیر بو ائل اوغول دوغمور؟
بئشیک تفنگ دادی وئرمیر- بئشیک، یاراق قوخوسو...

#محمد_نوین_باراز


🍂🍁@paeizanam🍂🍁
108
🍂🍁 پاییزان 🍁🍂

29 Nov, 19:57

‌paeizanam

«دونیا، بیر آز دایان، دینجیمی آلیم!»

یاشاماق دئییل بو، اؤلومدور اؤلوم
گؤیلره باخماقدان، یورولوب گؤزوم
نه قدر گونلری، ساییم دایانیم
بئله بیر یاشاما، منده یوخ دؤزوم!

داریخیر اوره‌ییم، غریب قوش کیمی
چیرپینیر کؤکسومده، اوچا بیلمه‌ییر
بوشونا چالیشیر، بوشلوق ایچینده
دلی‌تک زنجیرین، آچا بیلمه‌ییر

بئینیمی گمیریر، بوش دوشونجه‌لر
باشیما تؤکولور دونیانین داشی
یورولموش گئجه‌نی، یولا سالیرام
یاخامدان ال چکمیر، گؤزومون یاشی

تکی بیر قوش اولوب اوچا بیلئیدیم
بوتون سرحدلری، کئچه بیلئیدیم
کؤچری دورنالار، کؤچ ائدن کیمی
من ده منلیییمدن، کؤچه بیلئیدیم

بیلمیرم یولومو، هایاندان سالیم!
هایانلارا گئدیم، هایاندا قالیم!
یامان یورولموشام، نفسیم گلمیر
دونیا بیر آز دایان، دینجیمی آلیم!

میرحسین دلداربناب
۱۴۰۳/۰۵/۲۷

‌‌‌‌‎‌‌‎‌🍂🍁 @paeizanam 🍁🍂
65
🍂🍁 پاییزان 🍁🍂

29 Nov, 19:37

‌‎‌paeizanam

طالعین دویغولو بیر صاباحیندا،
منم‌می یانیردیم سئودا آهیندا؟
سئوگینین ایلک گؤروش بسم‌اللاهیندا،
منیم بیر لال اولان جاوانیم اولوب.

او گلدی سئودامین دار آیاغیندا،
ییخیلیب اؤلموشدوم یار آیاغیندا.
سونرا «هه» دئدیگی سؤز چیراغیندا،
تزه‌دن دیریلن بیر جانیم اولوب.

آللاهیم، او نه‌یدی منی سؤیله‌دن،
آغلادا-آغلادا درده اؤیره‌دن؟
اولوب ظولوم-ظولوم اورک گؤینه‌دن،
جانیما نوش اولان هیجرانیم اولوب.

داها آلاگؤزلوم هئچ باخماز بری،
دریامدا یوسونلار اوددو گؤوهری.
من ده بیر غول ایدیم- عشق بختوَری،
منیم ده ایلک شاهیم، سولطانیم اولوب.

ائی قیزیل پاییزیم، بس من نه گؤردوم؟
اله یارپاغینی، اوستومو اؤرتوم!
من نه‌یی اؤتوردوم، نه‌یی گؤتوردوم؟
ائله بیل عؤمرومدن بیر آنیم اولوب.

موسی یعقوب
‌‌‌‌‎‌‌‎‌🍂🍁 @paeizanam 🍁🍂
68
🍂🍁 پاییزان 🍁🍂

29 Nov, 19:25

‌‎‌‌paeizanam
نوستالژی

Benim için üzülme
🎼 Bergen

‌‌‌‌‎‌‌‎‌🍂🍁 @paeizanam 🍁🍂
67
🍂🍁 پاییزان 🍁🍂

29 Nov, 19:22

‌‎‌paeizanam
باغیشلا منی

اؤزون دوشون منی اؤزون دوی منی
اؤزگه دن محببت اوما بیلمیرم
حسرتین قلبیمه مین یارا سالیب
گئجه لر گؤزومو یوما بیلمیرم

بیر بولود اولموشام اوره یی چیسگین
سیزلایا سیزلایا یاغیرام ایندی
بیر آناسی اؤلموش بیر کورپه کیمین
کوچه لرده قالان صاغیرام ایندی

سنسیز گولو سوْلموش بیر لال بولبولم
نه نغمم یاییلیر نه سسیم چیخیر
حسرت چئکه چئکه یانیر اوره ییم
إله کی، چینیمدن نفسیم چیخیر

راضی اوْلمازیدیم بیرآن غمینه
اگر اینجیتمیشم باغیشلا منی
بولود اوْل، آلیشان باغریمین اوسته
سوْندور کؤزلرینی یاغیشلا منی

کیمسه یه جان دئییب جان وئرمه میشم
تکجه اوره ییمین جانانی سن سن
سنین وارلیقینلا یاشاییرام من
«آمانسیز» کوْنلومون درمانی سن سن

آمانسیز حسین شاهمرادی

‌‌‌‌‎‌‌‎‌🍂🍁 @paeizanam 🍁🍂
69
🍂🍁 پاییزان 🍁🍂

28 Nov, 18:19

❤️

🍂🍁@paeizanam🍂🍁
120
🍂🍁 پاییزان 🍁🍂

28 Nov, 14:10

paeizanam

ایندی گؤرورم کی عؤمور دئدیییم
خیالدی‌، یوخودو، یالاندی، هئچدی
اؤزگه‌نی دئمیرم، منیم اؤز عؤمروم
یوخودا اولماسا، یوخودا کئچدی!

✍ استاد نادر الهی
سس: صبا پاییزان🎤

‌‌‌‌‎‌‌‎‌🍂🍁 @paeizanam 🍁🍂
‌‎
775
🍂🍁 پاییزان 🍁🍂

28 Nov, 13:37

paeizanam
‍ گئجه‌نی گوندوزو، چیی کرپیج کیمی
اوستا بنّالار تک اوست_اوسته دوزدوم
بیر اورک آرزوما چاتمامیش عؤمرون
هئچ بیلمه‌دیم هاچان، اوره‌یین اوزدوم

اوشاق‌کن چول-چوخام تورپاق‌لی توزلو
بیر گئجه باشیمی قویدوم بالینجا
سحر قوجا دوردوم، آی ظالیم عؤمور
آتلی‌لار چاپیردی مگر دالینجا!

اوشاقلیق دؤرانی شیرین یوخو تک
من باشیمی قویدوم بالینجا گئتدی
بیر چَرچی گلمیشدی خرمن اوستونه
بیز بیر چئینم ساققیز  آلینجا کئچدی!

ایندی گؤرورم کی عؤمور دئدیییم
خیالدی‌، یوخودو، یالاندی، هئچدی
اؤزگه‌نی دئمیرم، منیم اؤز عؤمروم
یوخودا اولماسا، یوخودا کئچدی!

✍ نادر الهی

‌‌‌‌‎‌‌‎‌🍂🍁 @paeizanam 🍁🍂
132
🍂🍁 پاییزان 🍁🍂

28 Nov, 13:25

‌paeizanam
«ممّد آراز»ا

قارداشیم!

سن منى بیر آخشام قوناق ساخلادین،
یارامى یارانلا یویوب باغلادین،
منیم گؤزلریم‌له بعضاً آغلادین،
قویمادین گؤزلریم دولا، قارداشیم!

تویونا گلمیشم، هر یئر خونچادیر،
بوش الیم بوكولموش قانلى غونچادیر،
بیرجه اوره‌ییم وار، پارچا-پارچادیر،
او سنه چاتاجاق، آلا، قارداشیم!

اوره‌ییم شیشه‌دیر، اوره‌ییم حلیم،
كیم اونو ایكی‌یه بؤلدو، نه بیلیم،
آل، او چیلیک-چیلیک، او دیلیم-دیلیم،
اونو بیر-بیرینه جالا، قارداشیم!

دره‌لر كئچه‌رم، داغلار كئچه‌رم،
اؤزومه آلوودان پالتار بیچه‌رم،
ظولمتى اریدیب سئل-سئل ایچه‌رم،
قویمارام ائل داردا قالا، قارداشیم!

من «سهراب طاهر»اَم، نه لازیم اؤیود؟
بیرجه اوغلوم قالیر، اونو سن بؤیوت!
گئدیرم ووروشا، سیلاحیم اومید،
قالماییم قارداشدان دالا، قارداشیم!

#سهراب_طاهر

‌‌‌‌‎‌‌‎‌🍂🍁 @paeizanam 🍁🍂
120
🍂🍁 پاییزان 🍁🍂

28 Nov, 13:22

‌‎‌paeizanam

ای سس‌سیز صداسیز سمیرسیز شهر
سولطان‌سیز خاقانسیز امیرسیز شهر
سینیری مفتیل‌سیز دمیرسیز شهر
داریسقال کوچن‌ده قاچانین هانی؟
یا گئنیش گؤیونده اوچانین هانی؟

هانی منم دئیه‌ن سیلاح گزدیرن؟
هانی قولتوغوندا ایلاه گزدیرن؟
هانی اوره‌یینده گوناه گزدیرن؟
یا جننت قاپیسین آچانین هانی؟
طالعین الیندن قاچانین هانی؟

ای گؤزل ، گؤرکملی چاتما قاش آدام
کیمیندن آشاغا کیمدن باش آدام
گؤزومون ایچینه باخان داش آدام
کهلیک‌تک سوزه‌نین اوچانین هانی؟
الینی بوراخیب قاچانین هانی؟

گؤزلرین ایشیقسیز باخیشین سرین
تورپاقدیر-سوموکدور مرمر پیکرین
هانی آیاقلارین هانی اللرین؟
قدح قالدیرانین ایچه‌نین هانی؟
دوداقدان دوداغا کؤچه‌نین هانی؟

دئییرلر یارانیر سورعتدن زامان
سورعت توکه‌ننده یوخ اولور اینسان
بیز بیرآز چؤر-چؤپوک حیات بورولغان
پوزولور وارلیغین یولو عونوانی..
حاققین یازدیغینی پوزانین هانی؟

دئییریک، گولوروک سیزدن خبرسیز
بوراخیب گئتدیییز ایزدن خبرسیز
دئییب، گوله‌جک‌لر بیزدن خبرسیز
حاق دَییشمه‌یه‌جک قانون قایدانی
حاققین یازیسینی پوزانین هانی

کیمی کوچه-کوچه سولندی گئتدی
کیمی قاپی-قاپی دیلندی گئتدی
کیمی ائل باشینا دولاندی گئتدی
بویادی تاریخین اوزونو، قانی
هانی بو گرچه‌یی پوزانین هانی؟

ای سس‌سیز- سمیرسیز صداسیز شهر
سولطانسیز-خاقانسیز گداسیز شهر
قاچماق ایسته‌ییرم کوچه‌لرینده
توتولوب قالمیشام یوخ اللریم ده
گؤودم‌ یئر اوزونده، روحوم درینده
منه‌ده بیر یئر آچ منی‌ده تانی!
یاخیلیب یاخاما گؤیرچین قانی

#عقیل_مورادی

‌‌‌‌‎‌‌‎‌🍂🍁 @paeizanam 🍁🍂
106
🍂🍁 پاییزان 🍁🍂

28 Nov, 13:17

‌‎‌‌‎paeizanam

داریخمالار، گؤزلریز آیدین...

آهیم پیلله-پیلله گؤیلره چیخیر،
اولدوز آلوولانیر، آی آلوولانیر
گئجه‌نین قوللاری بوینومو سیخیر،
دیلیم لال، اورگیم سئوگیمی دانیر

هانسی دنیزلرین دالغالیغیندا،
هانسی لیمانلاردا بورویوبدو چن؟
بلکه قارانلیغین کور قوجاغیندا،
هانسی دومانلارین اَتگینده‌سن؟

اوْلورسا اؤزونو گؤستر بیر تهَر
قوشلار پنجره‌نین گؤزلرین یئییر
ائله اؤز-اؤزونه دولاشیب شهر،
کوچه‌میز پالتارین دَییشیک گئییر‌‌

یئنه دیزلرینه تاپداییر یامان،
یئنه‌ ده دفتریم ساچلارین یولوب
دئییرسن آناسی اؤلوبدور گومان،
یئنه‌ ده شعریمین اۆره‌گی دولوب

الیم اللرینده تیتره‌ین، آی قیز
آدینی سسلدیم، سن هئچه سایدین
منی قوجاغینا چاغیریر پاییز،
ائی داریخمالار، گؤزلریز آیدین...

دومان سفراوغلو

‌‌‌‌‎‌‌‎‌🍂🍁 @paeizanam 🍁🍂
99
🍂🍁 پاییزان 🍁🍂

28 Nov, 13:13

اولماز


مظلومون یاراسین ساغالتماخ ایچون
ویجدان دریاسیندا اؤزمَسَن اؤلماز
خائنی یالتاغی گوزوندَن سالیب
اؤنا قاش قاباغی بوزمَسَن اؤلماز


بیچَنمَسَن سونبول دؤلو وَرلری
یوکلمَسَن شرف دولو نرلَری
کئچمیشینده سئوگیلی تک اَرلَری
اؤره گین باشینا دوزمَسَن اؤلماز


خِیری باشدان آتیب کسمه شر یانین
داغ اولسان قار اولا گرک هریانین
بیر آخار چای اؤلسان یادلار وَریانین
سیزیب بوغازیندان سوزمَسَن اؤلماز


وطن بیر شمع اولسا"بهرام"دیر یاغی
کئچمیشیمدیر هر تاریخین بیل آغی
دده سی مالی تک آنا توپراغی
ساتانین باشینی اؤزمَسَن اؤلماز‌

بهرام مددی

🍂🍁@paeizanam🍂🍁
97
🍂🍁 پاییزان 🍁🍂

28 Nov, 09:48

گویلَر قار اله دی یئرلر قیزمامیش
یازین آرخاسیندا قیش گیزلنرمیش
واراق سولا آخدی قلم یازمامیش
ایشین اورتاسیندا ایش گیزلنرمیش؟

سنله بیر اوتوروب بیر دورانلارین
دولو پیاله لر دولدورانلارین
گئنده محبتدن دم وورانلارین
الینده نه بویدا داش گیزلنرمیش ؟

قوردلار یووا سالیب یارپاغلار اتدا
یالانلار یاللانیر دوداغلار آتدا
ن قدر قیمتلی پاپاغلار آتدا
ن قدر قیمتسیز باش گیزلنرمیش؟

چاپیلدی قانادین حسین عاریف
اوجالدی فریادین حسین عاریف
بو قدر آغلادین حسین عاریف
بیر گوزده نه قدر یاش گیزلنرمیش؟

حسین عاریف


🍂🍁@paeizanam🍂🍁
142
🍂🍁 پاییزان 🍁🍂

28 Nov, 07:31

قدرینی بیلمه‌دیم منیم اولاندا،
سونبولوم اولاندا، دَنیم اولاندا.
آللاه، بنده‌سینه قنیم اولاندا،
خوشبختلیک، یاییندان چیخان اوخ ایمیش.

دردی دونیالاردان درین دونیانین،
آراسی بیزیمله سرین دونیانین،
بیزی شیرنیکدیرن شیرین دونیانین،
غمی سئوینجیندن قات-قات چوخ ایمیش.

کؤنوللر گولدورن سحر واریدی،
موشتولوق قانادلی خبر واریدی.
اورک سئویندیرن نه‌لَر واریدی!
اورک سئویندیرن هئچ نه یوخ ایمیش.

زلیمخان یعقوب

🍂🍁@paeizanam🍂🍁
121
🍂🍁 پاییزان 🍁🍂

27 Nov, 20:11

‌‎‌‌paeizanam

ال‌لرين اليمه دَیمه‌يه‌يدی كاش،
ساچلارين اوزومه توخونمايايدی.
گرک اوّل‌کی تک سن اوره‌یی داش،
ائله اوّل‌کی تک سايماز اولايدين.

بو ايستی‌لیک هاردان؟! سن كی بوز ایدین.
قلبيمدن سن نييه اووجوما دوشدون؟
سن منه ال‌چاتماز بير اولدوز ايدين،
گؤيلردن قولومون اوستونه دوشدون

بو دا ووصال گونو...يوخ، سئوينمیرم،
ايندی داريخيرام بس نه‌لر اوچون؟
من می بو ذیروه‌يه چيخديم، بيلميرم،
يوخسا سن داريخدين دره‌لر اوچون؟

دونَنه يول يوخدور ...زامان آپارد‌ی،
تأسّوف زامانا چاتار می گؤرن؟
داها سنه گلن يوللار قوتاردی،
آرزودان او یانا يول وار می گؤرن؟
 
اؤتن گون‌لریمه بير عوممان دئديم،
بوشالدی اوره‌ییم... دولمور کی، دولمور.
ساحیله چاتميشام... هارايا گئدیم؟
دنيزه مقصدسیز قاییتماق اولمور...

#نوصرت_کسمنلی

‌‌‌‌‎‌‌‎‌🍂🍁 @paeizanam 🍁🍂
141
🍂🍁 پاییزان 🍁🍂

27 Nov, 20:05

‌‎paeizanam
تاپشیر!

گئديرم، دئميرم يولا سال منی،
منی يوللاريمين داشينا تاپشير!
يولداشيم اولاجاق آخان گؤز ياشيم،
منی گؤزلریمين ياشينا تاپشير!

آماندی، آه چكمه! يول دومان اولار.
ساريلما بوينوما، باخ، اومان اولار!
دولدورما گؤزلرين، آه، جومان اولار،
منی او چاتيلان قاشینا تاپشير!

روحوما قاناد وئر، اوچوم سئوگينه،
كؤنلومدن بير قاپی آچيم سئوگينه،
سن آللاه آچ قوينون، قاچیم سئوگينه،
«كؤنول»و هاوالی باشينا تاپشير!

#فاطمه_عبدی_کؤنول

‌‌‌‌‎‌‌‎‌🍂🍁 @paeizanam 🍁🍂
127
🍂🍁 پاییزان 🍁🍂

27 Nov, 19:33

‌‎‌paeizanam

سَن مَنیم یازیمدا بیرینجی یاغیش
سَن مَنیم قیشیمدا سونونجو قارسان
من سَنین اودونلا کول اولان اوجاق
سَن مَندن سونرا دا آلوولانارسان

سَن مَنیم آلنیمدا پوزولان یازی
سَن مَنیم گَلمه‌ین یوخولاریمسان
سَن مَنیم روحوما حاکیم کَسیلن
توکنمک بیلمه‌ین قورخولاریمسان

سَن مَندن اوزاقدا، لاپ چوخ اوزاقدا
شاختالی گئجه‌ده آییم کیمیسن
سَن مَنیم عؤمرومده اَن شیرین یالان
سَن مَنیم اولمایان پاییم کیمیسن

سَن مَنیم یئتیشه بیلمه‌یه‌جه‌ییم
شیرین آرزولاریم، خَیاللاریمسان
سَن مَنیم اوخویوب، خوشبخت اولدوغوم
یاشانا بیلمه‌ین ناغیللاریمسان

سَن مَنیم چاره‌سیز آخان گؤز یاشیم
سَن مَنیم سون سؤزوم، سَن سون نیدامسان!
سَن مَنیم دونیادان آیری بیر دونیام
سَن مَنیم اَلویدام، مَنیم ویدامسان.

#سامیر_افسراوغلو

‌‌‌‌‎‌‌‎‌🍂🍁 @paeizanam 🍁🍂
124
🍂🍁 پاییزان 🍁🍂

27 Nov, 19:32

‌‎‌‌paeizanam

يوخومو گؤزومدن اوغورلايان قيز
آغ گونه چيخدی‌مى قارا گؤزلرين؟
ائله آغلاديم كى آرخانجا سنين
يويولدو يوللاردان آياق ايزلرين...

داها تۆكنميشَم داها بيتميشَم
سنين نه خبرين راحات ياتيرسان
من سنه حاققيمى حلال ائتميشَم
سن نييه يوخوما حارام قاتيرسان

قاييتماز او گونلر بيليرم ايندى
قوياردين باشينى سينه‌مه هردن
گئجه‌نى ايكييه  بؤلورم ايندى
اويانيندا سن يات بويانيندا من

نه دئسن حاقليسان، منم گوناهكار
اوزونه باخماغا اوتانيرام من
نييه آند ايچيرسن، نه احتياج وار
سن يالان دئسن ده اينانيرام من

دئمه كى خوشبخت اول چات آرزو_ كاما
چيلغين گنجلييمين سؤنن دمى‌دير
بو سانكى گؤزو كور اولان آداما،
"گؤزون آيدين اولسون" دئمك كيمی‌دير

داها اؤز سسيمده منه ياد اولوب
هارداسا آغلايان كؤرپه سسى تك
منيم گؤزلريمده حسرت ايز ساليب
كؤرپه‌لر ائوی‌نين پنجره‌سى تك

#خزر_سلیمانی

‌‌‌‌‎‌‌‎‌🍂🍁 @paeizanam 🍁🍂
114
🍂🍁 پاییزان 🍁🍂

27 Nov, 19:27

‌‎‌paeizanam

آرزولار توتمادی باش، دور یئنه باش چک یاراما
داشلیغا گیردی عؤمور، یئتمه‌دی کؤیرک یاراما

سوواشیب پنجره‌مه کؤکلو قارانلیق هاواسی
بیر اودوم قانلی نفس اولمادی دستک یاراما

وطنین داغلارینا دیل اودورام‌سا، یئنی‌دن
هره بیر سیخما دوز آتدی، ایکی بؤیرک یاراما

آتیلان اوخ گئری دونمز، سزیرم ایسته‌یینی
قارا قانچیل بولودو تؤک گؤزومه، اک یاراما!

اؤز یئرینده قوجالا بیلمه‌دیم آه، آه! فلکین
اوره‌یی قیزمادی، هئی سوزدو اؤلوم تک یاراما

داغی دومسوکله‌دی زینگیلتی آهیم، جان‌دردی
دوشدوسه قارقا قوناق‌لیق‌لاری جمدک یاراما

شعریمین آل یاناغین سسلر اؤپوبسه، اودو کی
باغلانیبدیر بایاتی، اوخشاما گؤیچک یاراما

سن گولوشلرله قونوش! باخما من آغلامسینیرام
تئلینی کؤلگه‌له، هؤر ! بیر نئچه کؤینک یاراما

#یعقوب_نیکزاد

‌‌‌‌‎‌‌‎‌🍂🍁 @paeizanam 🍁🍂
108
🍂🍁 پاییزان 🍁🍂

27 Nov, 19:25

‌‎‌‌paeizanam

سحرده گول یوزون شاها! چو گولشنده گلاب اوینار
آنی گؤرسه صفاسيندان، فلكده آفتاب اوینار

عجب ذات مطهّر سن، نظیرین یوخدور ای دلبر
وجودون نورو شؤوقوندان، جماليندا نقاب اوينار

چو گؤردو يوزونو عئينيم، دئدي عاغليم تماشادير
كي لعلين حوققا آلتیندان معلق دورموش آب اوینار

قورولموش شاهوار مجلیس کی چنگ ودف، نی و قانون
ترنملر قیلیر مطرب کی چنگینده رباب اوینار

فلک عکسینه دؤور ايله ر مگر آخیر زامان اولدو
قفسده طوطی و بولبول، چمنلرده غراب اوینار

فرحدن جومله عشّاقين نیازی گؤيلره چیخدی
حسددن زاهید خُشكون قاباغيندا شراب اوينار

نسيمی اوش بو انفاسین شعاعیندان منوردیر
کی نرد و تار و شطرنج، اود و یئل، سو و تراب اوينار

#عمادالدین_نسیمی

‌‌‌‌‎‌‌‎‌🍂🍁 @paeizanam 🍁🍂
107
🍂🍁 پاییزان 🍁🍂

23 Nov, 06:11

اوزومو گؤرنلر، گؤرمز اؤزومو
دنیزدن کؤپویو گؤرن گؤز کیمی
کیم بیلیر ایچیمده نه‌لر وار منیم؟!
کول ایچینده اولان، یانار کؤز کیمی

ایچیمده بیر چؤل وار، ایلان اویناغی
یانقی‌دان چاتلاییر، سوسوز دوداغی
داغلار وار، اوره‌یی، آتش پوسکورور
باخارسان اود ساچیر، سولغون یاناغی

بیر اومسوق یازارین، اؤیکوسو ایتیب
بیر دلی شاعیرین، دیلی کسیلیب
بیر غریب وار، قالیب چن‌ده، دوماندا
بیر یورغون کروانین، یولو کسیلیب

ایچیمده خان آراز، آغلیر آیریلیق
دلی‌کور، باشینی وورور، داشلارا
آجی‌چای هیچقیریر، گلمیر نفسی
حسرتله گؤز تیکیر، اوچان قوشلارا

ایچیمده بیر آنا، آغی اوخویور
بیر اوشاق ایمکلیر، قوجاق آختاریر
گؤزلریم شاختادی، قاردی، بوراندی
اوره‌ییم، آلوولو اوجاق، آختاریر

ایچیمده اینتیحار، اؤلوم، سوی‌قیریم
قاچاقاچ، وورهاوور، دایان گئتمه، وار
تؤکولوب گؤوده‌لر بیر_ بیر اوستونه
یوخومدا سسله‌نیر، قورشون خار هاخار

گئجه‌سی_ گوندوزو، قارا دوستاق‌دیر
چکمه‌یه دؤزوم یوخ، قاچماغا، یول یوخ
قفسده یاشایان قارتال کیمی‌یم
قفسی آچماغا، اوچماغا، یول یوخ

ایچیمده تولکولر، قوردلار، قابانلار
هامیسی بیر به بیر، احرام باغلاییر
بیر چاققال، آسلانا دوققوز گلمه‌یه
دوندان دونا گیریر، آلین داغلاییر

آیلاردیر، ایللردیر، یادا چوخداندیر
ایچیمین گؤزگوسو، منه خور باخیر
اوزونو گؤرنلر، گؤرمور اؤزونو
بو کدر کؤنلونو، یاندیریر، یاخیر...

#میرحسین_دلداربناب




🍂🍁@paeizanam🍂🍁
                                                        
32
🍂🍁 پاییزان 🍁🍂

22 Nov, 20:30

‌‎‌paeizanam

داش دوشوب دونیانین باشینا سنسیز،
آجی یادداشلاری یاشایانمیرام.
بو قدر اینسان وار، سنسیز یاشاییر،
نه‌دن‌دیر تکجه من یاشایانمیرام...؟!


‌‌‌‌‎‌‌‎‌🍂🍁 @paeizanam 🍁🍂
363
🍂🍁 پاییزان 🍁🍂

22 Nov, 20:29

‌‎‌paeizanam

سندن اؤنجه هئچ بیر قادینا هدیه ائتمه‌دیییم
و سندن سونرا دا هئچ بیر قادینا هدیه‌ائتمه‌یه‌جه‌ییم کلمه‌لر خزینه‌می،
سنه هدیه ائتمک ایسته‌ییرم.

آه، ائی سندن اؤنجه بیر اؤنجه‌لیک و سندن سونرا بیر سونرالیق اولمایان قادین...!

#نزار_قبانی

‌‌‌‌‎‌‌‎‌🍂🍁 @paeizanam 🍁🍂
77
🍂🍁 پاییزان 🍁🍂

22 Nov, 20:28

‌‎‌paeizanam

عشقین بیر آدا دیر،
خیالین الی چاتماز اونا.
آنلادیلماز بیر یوخودور،
تعبیره گلمز.

دوغرودان سنین عشقین نه‌دیر؟
چیچک‌دیر، یوخسا خنجر؟
ایشیقلاندیریجی شام‌دیر؟
یوخسا وئران ائدیجی فیرتینا؟
یوخسا تانرینین یئنیلمز ایراده‌سی؟

بیلدیگیم تک شئی،
بودور:
سن منیم سئودام‌سان
و سئودالی،
هیچ نه‌یی دوشونمز...

#نزار_قبانی

‌‌‌‌‎‌‌‎‌🍂🍁 @paeizanam 🍁🍂
74
🍂🍁 پاییزان 🍁🍂

22 Nov, 18:57

‌‎paeizanam

سن  کئچیب  گئدرسن...

  زامان دا ساچلاریما
قار یاقدیریب کئچر...

آما من...

سندن کئچمیین اورئگیمدن

        نئیلییم سئوگیلیم...

‌‌‌‌‎‌‌‎‌🍂🍁 @paeizanam 🍁🍂
74
🍂🍁 پاییزان 🍁🍂

22 Nov, 18:51

بیر باخیش اوستونده ائو تیکمک اولار
قوی آلا گؤزلرین وطنیم اولسون

اؤلوم گؤزلرینین درینلیگینده
بیر یورغون باخیشین کفنیم اولسون

‌‌‌‌‎‌‌‎‌🍂🍁 @paeizanam 🍁🍂
70
🍂🍁 پاییزان 🍁🍂

22 Nov, 18:46

‌‎‌paeizanam

توُتدولار تشخیص درد ایچون معالج‌لر رگیم
بولدولار صحت ڪی، صحت‌دن یاخیندیر اؤلمه‌گیم
چون یقین اولدو دواسیز درد ایلہ جان وئرمه‌گیم
جان وئرن دمدہ یانیما تانرے ایچون گل بگیم
باری گؤرموش اولالیم بیر لحظہ دیدارین سنین


# حڪیم فضولی
‌‌‌‌‎‌‌‎‌🍂🍁 @paeizanam 🍁🍂
68
🍂🍁 پاییزان 🍁🍂

22 Nov, 17:46

paeizanam

اؤلدوم آی آمان آی آمان

سئودیم آی آمان آی آمان....

نئیله ییم
‌‌‌‌‎‌‌‎‌🍂🍁 @paeizanam 🍁🍂
63
🍂🍁 پاییزان 🍁🍂

22 Nov, 17:16

‌‎‌‌paeizanam

سئوگیم‌دن قاچمیشام اوزاق شهره
بوردا دا حسرتین گلیب دایانیب
عطرین سپه‌له‌نیب بوتون گوللره
گؤزونون رنگینه گؤیلر بویانیب

سنینچون دونیادا بلکه یوخام من
سنی سئودیییمی هئچ بیلمه‌ییرسن
گوندوز خیالیمدان، گئجه یوخومدان
بیر آن دا، بیر آن دا چکیلمه‌ییرسن

اوره‌ییم، داشا دؤن، بو سیرری ساخلا!
بو سئوگی، بو بلا هاردان انیبدیر؟!
بیزیم طالعیمیز ائوله-اوشاقلا
هره‌سی بیر یانا زنجیرله‌نیبدیر

اؤلونجه عشقین‌له اولاجاغام من
من سنین روحوندا، قانیندا وارام
اوستونو کول اؤرتموش بیر اوجاغام من
بالاجا بیر مئه‌دن قاینایار یارام...

#فیکرت_قوجا

‌‌‌‌‎‌‌‎‌🍂🍁 @paeizanam 🍁🍂
65
🍂🍁 پاییزان 🍁🍂

22 Nov, 17:14

‌‎‌‌paeizanam

گؤردوم اول خورشیدِ حُسنون، اختیاریم قالمادی
سایه‌تک، بیر یئرده دورماغا قراریم قالمادی

بیر گون اولماز طلعتین گؤرمک میسّر، آه! کیم
ذرّه‌جه اول گول یانیندا اعتباریم قالمادی

پاک قیلدی خاطریمدن دهرِ دون، آئینه‌سین
اؤیله محو اولدوم کی، بیر ذرّه غباریم قالمادی

غم گونو همدم‌لریم غرق اولدولار گؤز یاشینا
سیلمه‌یه گؤز یاشیمی بیر غمگساریم قالمادی

روزگاریم خوش کئچیردی، آه! کیم دوران دؤنوب
اولدو احوالیم خراب، اول روزگاریم قالمادی

راه عشق ایچره منه آنجاق فنا مقصود ایدی
شُکر کیم مقصوده یئتدیم، انتظاریم قالمادی

ای «فضولی!» ائل هامی اغیاریم اولدو یار اوچون
سوزِ دلدن غیری بیر دلسوز یاریم قالمادی!...

#حکیم_ملامحمد_فضولی


‌‌‌‌‎‌‌‎‌🍂🍁 @paeizanam 🍁🍂
58
🍂🍁 پاییزان 🍁🍂

22 Nov, 17:07

بو درد هجر ایله اؤلسم اگر چی خوشدو منه؛

باشیم دیزینده وئرم جان بیر اؤزگه لذتی وار!...

#صراف_تبریزی

‌‌‌‌‎‌‌‎‌🍂🍁 @paeizanam 🍁🍂
54
🍂🍁 پاییزان 🍁🍂

22 Nov, 17:06

‌‎‌paeizanam
#قونوت_أل‌لری‌

گؤز گؤزه ساتاشدیق بیر آخشام چاغی
او ناماز اوستونـده من پیان-پیان
رئکلام‌سیز أل‌لری قونوت أل‌لری
شیرین دانیشیردی گؤی تانریسی‌لان

من هئچ آیریلیغا راضیلاشمادیم
چاتدی هاراییما بیر دلی شئیطان!
أل‌لری قونوت‌دان آسیلی قالدی
سوزدو ایختیاری چادراسیندان

گاهـدان یول آیریجی چتین اولارمیش
بیر تانری اویاندی، بیر تانری بویان
یؤنلتدی یولونو ساری سجده‌دن
سئوگی‌سین صراط-المستقیم دئین

اؤزون آیریلیق‌دان ووصالا چاتدی
قونوتون نیییته چئویرن گؤزل
بیر ثاواب ایچینده گوناها باتدی
من بیر ساری یاپراق او بیر أن گؤزل

او اؤزون بیر نذیر دئمیشدی منه
اونون‌لا دونیانی سئویردیم، آنجاق،
ایندی ده دئیه‌رم توپراق آلتیندان
بیر جوت أل قووزانیب قونوت توتاجاق

کیمسه تانریسی‌لا پیچیلداشاندا
قونوت أل‌لرینه حسرت یئیه‌رم
قییامت گونونه اینانماسام دا  
سئوگی دوعالارا آمین دئیه‌رم...

#ارشد_نظری

‌‌‌‌‎‌‌‎‌🍂🍁 @paeizanam 🍁🍂
53
🍂🍁 پاییزان 🍁🍂

22 Nov, 17:03

‌‎‌‌paeizanam

سینم‌ده سئوگیلیمین عشقی وار غریب دییلم
و قوی دئییم کی اؤزوم‌له وطن دولاندیریرام

بو قیش حیات دا کدرلرده کؤوره‌لیر"ایلقار"
اورک‌ده داغ ،باشیمین اوسته چن دولاندیریرام!...

#ودود_دوستی

‌‌‌‌‎‌‌‎‌🍂🍁 @paeizanam 🍁🍂
51
🍂🍁 پاییزان 🍁🍂

22 Nov, 17:01

‌‎paeizanam

من گل دئمه‌دیم، عؤمرومه هیجران اؤزو گلدی
گؤیلردن ائنیب حسرته فرمان اؤزو گلدی

چوخ گؤز یاشی تؤکدوم، قورودو گؤزده یاشیم دا
وئردی گؤزونون یاشینی، عومّان اؤزو گلدی

قلبیمده‌کی وصلین چیچه‌یی سولدو او گوندن
حسرت چیچه‌یی اکمه‌یه باغبان اؤزو گلدی

هیجرینله گلن غم سئلی بیلمم هارا گئتدی
وصلینله سوسوز تورپاغیما‌ جان اؤزو گلدی

زوّارین اولوب حوسنونو گؤرمک دیله‌دیکجه
اووساری ملک‌لرده او کاروان اؤزو گلدی

من کؤنلومو قوربان دئدیم، ائی یار! سنین اولسون
ائندیردی فلک‌لر سؤزو، قوربان اؤزو گلدی

دولدوقجا کؤنول مولکومه ربّین نورو، ائی شوخ
عشقینله عؤمور سورمه‌یه دؤوران اؤزو گلدی

رحم ائیله‌دی ربّیم منی گؤرجک سیتم ایچره
ایلهام پریسی دردیمه درمان اؤزو گلدی!...

#خاطیره_واقیف

‌‌‌‌‎‌‌‎‌🍂🍁 @paeizanam 🍁🍂
53
🍂🍁 پاییزان 🍁🍂

22 Nov, 16:56

گؤزگۆ داش اولدو


گؤردون گوزَه‌لیم، گؤزگۆ نهایت‌ده داش اولدو
باشلار ایاق اولماق دا ایاق دؤندۆ باش اولدو

گؤزدَن کیمی ائل آتدی گئدیب غیره ال اولجاق
گؤزدَن نه فقط دوشمه‌دی گؤز اوسته قاش اولدو

ایل لر بویو گؤردوک قورویان آرخا سو گلسین
سو گلمه دی آنجاق کی گولوف لرده یاش اولدو

قارداش قاراداش دان آشاغی بؤلگۆ بؤلنده
قانلی دویوشون جان بازاریندا داداش اولدو

بیر سورمه لی گؤز قالمیش ایدی پاخلا گؤزون‌ده
گؤز دگدی او بیچاره یه گؤز چیخدی ماش اولدو

ایش دوندو چراغ سوندو سماده ن قیر الندی
اوْل گونکو قویون قوردولا "عاصم"هاماش اولدو


عاصم_اردبیلی

🍂🍁@paeizanam🍂🍁
59
🍂🍁 پاییزان 🍁🍂

22 Nov, 16:47

سن بۆتون سولاردان قوپ-قورو چیخدین
دۆزه‌لر ان چتین ایشین بیر آندا
کیم دئیه بیلر کی بیر یول کاریخدین
مگر دانیشدین کی ، کاریخاساندا

سوسماقدیر ان بؤیوک سلاحین سنین
اولمادی هئچ زمان گناهین سنین
بو بویدا دنیادا، دئییرم یقین
نه اؤلن دوستون وار، نه ساغ دشمنین


هئچ کسین شرّینه اورتاق اولمادین
هامینین خیرینده پایین وار سنین
هر شئی سنین چۆن ، عادی دن عادی
هله حیرتینی گؤرمه‌دیک سنین


قلبین بیرجه دفعه قیمیلدانمادی
سینه‌ندن آسیلان داش ایمیش یقین
خیره دینمه دین، شرّه دینمه دین
فرقی یوخ بیر اولسون یا دا مین اولسون
سن بیر آلچاقلیغا غضب لنمه دین
باری اوجالیغا حیرتین اولسون


سفرده آرخانا سن دؤنه-دؤنه
گاه قالدین آرخادا گاه کئچدین اؤنه
ایکی اۆزون اولدو ساج اپپه‌یی تک
حمام فرشی کیمی سۆرتوک اۆزونه
اگر تۆپورسه لر دونار تۆپورجک

عشق اولسون نفرتی آچیق دشمنه
قصدی بیلینمه‌ین دوستدان الحذر
دشمنین نفرتی تَـکان دیر منه
دوستون سویوقلوغی اۆرک یاندیرار


«دنیایه گلمیشیک دولاناق»، دئدین
آنجاق بیر مطلبی قانا بیلمه‌دین
یاشاماق مقصده چئوریلن زامان
یاشایا-یاشایا ، یاشامیر اینسان

ایستیدن-سویوقدان قورخوب هس دئین
ایچمه‌یه سویو دا ایلیق ایسته‌ین
یالانا- بهتانا غضبلنمه‌ین
حاقسیزلیق اؤنونده سوسوب دینمه‌ین
آخی یاشامامیش بیر انسان کیمی
دولانمیش، سۆرونموش اؤز معده‌سی اۆچون
بئله‌سی وطنداش اولا بیلر می؟
ایستیلی-سویوقلو، دنیادا بیر گۆن.

#بختیار واهابزاده
🍂🍁@paeizanam🍂🍁
59
🍂🍁 پاییزان 🍁🍂

22 Nov, 09:45

هئچ‌ کیم اوچون دَییشیلمه
سَنی
سَن اولدوغون اوچون سئوه‌ن انسان‌لاری سئو ...♥️

‌‌‌‌‎‌‌‎‌🍂🍁 @paeizanam 🍁🍂
70
🍂🍁 پاییزان 🍁🍂

22 Nov, 09:34

‌‎‌paeizanam

دور آیاغا گئدک، بیز گئتمه‌لی‌ییک
قورخا_ قورخا یاشام، اؤلومدن پیس‌دیر!
چکینه_ چکینه نفس چکمه‌دن
ایچیمین هاواسی، دوماندیر سیس‌دیر

سیزلری بیلمیرم! منه ال وئرمز
بئله بیر حیاتی، قوسماغیم گلیر
قیسیلا_ قیسیلا یاشاماق ندیر؟!
اؤلومو باغریما باسماغیم گلیر!

ایچیمده بیر قوش وار، آدی «جان قوشو»
گؤیلرین هاواسین، ایچمک ایسته‌ییر
کؤچری بیر قوشدور، قفسه سیغمیر!
اوره‌یی سیخیلیب، کؤچمک ایسته‌ییر

گئجه‌دن یورولوب، مین‌بیر گئجه‌دیر
داریخیر، هارایلیر، گونش چاغیریر
سانکی بیر آنادیر، اوغول‌سوز قالیب
یارالی_ یارالی نیسگیل باغیریر!

دور آیاغا گئدک بیز گئتمه‌لی‌ییک
قاتار_ قاتار دورنا بیزی گؤزله‌ییر
بیر دوزلو دنیز وار، اوره‌یی یانیر
آرازا بند اولان، کورو اؤزله‌ییر

بیلیرم بوگونلر من اؤله‌جه‌یم
کابوسلار یوخودا بوغاجاق منی
مین گئجه مین گوندوز، کئچندن سونرا
دنیزلر بیر گئجه دوغاجاق منی...

میرحسین_دلداربناب

‌‌‌‌‎‌‌‎‌🍂🍁 @paeizanam 🍁🍂
74
🍂🍁 پاییزان 🍁🍂

22 Nov, 09:32

‌‎‌paeizanam

حیران قویدون دانیشاندا
نه هن دئدین نه یوخ دئدین
سوزلرینده نقطه سر خط
نه آز دئدین نه چوخ دئدین👍

دئدیم گلیب گوروم بیر گون
ساچلارینی هوروم بیرگون
اورک سوزون سریم بیر گون
چونوب بو ایش یاساق دئدین

دئدیم جانیم سنه قربان
سوزلریمه دوغرو اینان
گر گورمسم چئخاجاخ جان
بو ایش جاندان ایراق دئدین

دئدیم ندن یان گئزیرسن
گوزومدن پنهان گئزیزسن
باشقا بیر عنوان گئزیرسن
گئت گئز مندن اوزاق دئدین

دئدیم کمال جمال سنده
سن تانریم اول منده بنده
گل روح توره ت بو بدنده
اوندا چونر واراق دئدین

غم بیچمه گه اوراق چئکیم
سنی غمدن ایراق چئکیم
بویاشاما ماراق چئکیم
چئکمک اولماز ماراق دئدین

دئدیم الیم توت الینه
قولوم دولانسین بئلینه
گل سیغال چئکیم تئلینه
اوندا سینار داراق دئدین

دئدیم الده سوسوب سازیم
داها گلمیر خوش آوازیم
سن دئ نیلیم منیم نازیم
ووروب گولون سازاق دئدین

دئدیم بیر باخ سوزلریمه
اویاش توکن گوزلریمه
تیترک اولان دیزلریمه
غملی سوزو بوراق دئدین

محسون سنه شعر یازسین
گاهدان اوز حدیندن آزسین
هاردان دئسین نلر یازسین
گل بیرلیک ده یازاق دئدین

  محسن احمدی«آتا»

۱۴۰۳/۶/۵.                ساعت۱۳/۱۵
‌‌‌‌‎‌‌‎‌🍂🍁 @paeizanam 🍁🍂
67
🍂🍁 پاییزان 🍁🍂

22 Nov, 09:29

بیر گۆن هر کس پئشمان اولاجاق،
کیملر گئتدییینه،
کیملر ائتدییینه،
کیملرده سئودییینه...

‌‌‌‌‎‌‌‎‌🍂🍁 @paeizanam 🍁🍂
58
🍂🍁 پاییزان 🍁🍂

18 Nov, 19:11

‌‎paeizanam

گئجه‌دیر،
قارانلیق سوزولور آغاج‌لاردان،
کیمسه گؤیه بیر سیخیم اولدوز سپمیش.
.
.
.
گئجه‌دیر، آی ایشیغی، یاشیل بیر کومه...
سن هارداسان...؟!

#دومان_سفراوغلو
سس: صبا پاییزان🎤

‌‌‌‌‎‌‌‎‌🍂🍁 @paeizanam 🍁🍂
77
🍂🍁 پاییزان 🍁🍂

18 Nov, 18:38

‌‎paeizanam

گئجه‌دیر،
قارانلیق سوزولور آغاج‌لاردان،
کیمسه گؤیه بیر سیخیم اولدوز سپمیش.
یئرده آنجاق،
تانری لایلاسی یوخولادیب هر شئیی.
هاوا سنی قوخویور،
منسه دیشاریدایام،
سنی دوداق-دوداق سورورام،
هاوالانیرام،
آیا شعر اوخویورام،
اؤز-اؤزومه دانیشیرام،
آلیشیرام،
یوخلوغوندان آغلاییرام،
بیر آن اؤزومه گلیرم،
تنها قالیرام،
ایچیمدن بایقوش سسی گلیر،
یالقیزلیغیملا قوجاقلاشیرام.
گئجه‌دیر، آی ایشیغی، یاشیل بیر کومه...
سن هارداسان...؟!

#دومان_سفراوغلو

‌‌‌‌‎‌‌‎‌🍂🍁 @paeizanam 🍁🍂
82
🍂🍁 پاییزان 🍁🍂

18 Nov, 18:04

‌‎‌‌paeizanam

من سنی
اوره ییم له
سئوه بیلمه رم
اوره ییم دایانا بیلر،
من سنی
فیکریم له ده
سئوه بیلمه رم
فیکیریم ده اونودا بیلر،
من سنی
تکی روحوم لا سئوه رم
او سنی
نه آتار نه اونودار!

ذکر علی نظرپور

‌‌‌‌‎‌‌‎‌🍂🍁 @paeizanam 🍁🍂
86
🍂🍁 پاییزان 🍁🍂

18 Nov, 18:02

‌‎‌paeizanam

هانؽ اوْ اۆرک کی، اوْنۇ دۇیایدؽم،
هانؽ اوْ نغمه کی، اوْنا اۇیایدؽم،
هانؽ اوْ چمن کی، چیچکلرین‌دن،
باشؽما سوْلمایان بیر تاج قوْیایدؽم.

بیزیم داغ عطیرلی کۆلکلر هانؽ؟
کاساسؽ شئح دوْلۇ چیچکلر هانؽ؟
منی اۇچۇشلارا قانادلاندؽران،
اوْ شیرین آرزۇلار، دیلکلر هانؽ؟

هانؽ ایندی منیم اوْ نغمه‌لریم؟
هانؽ اوْ چمن کی، گۆلۆمۆ دریم؟
گۆلشن اوْ گۆلشندیر، چیچکلر هانؽ؟!
نه تئز گلدی عؤمرۆن بۇ قؽش طۇفانؽ...؟

#میروارید_دیلبازی
‌‌‌‌‎‌‌‎‌🍂🍁 @paeizanam 🍁🍂
82
🍂🍁 پاییزان 🍁🍂

18 Nov, 17:59

‌‎‌‌paeizanam
🖤
بولنت ارسوی

هانی بیزیم سئودامیز
‌‌‌‌‎‌‌‎‌🍂🍁 @paeizanam 🍁🍂
70
🍂🍁 پاییزان 🍁🍂

18 Nov, 17:58

‌‎‌paeizanam

بو دونیانین تسلّی‌سی بودور:
اوزونتو، همشه‌لیک دئییل؛ بیر غم گئدیر، یئنه بیر سئوینج دوغولور....

#آلبر_کامو
‌‌‌‌‎‌‌‎‌🍂🍁 @paeizanam 🍁🍂
72
🍂🍁 پاییزان 🍁🍂

18 Nov, 17:56

اورک باغلاماق اوچون بیر لحظه یئتر؛ آنجاق گئرچک بیر عشقین یارانماغی اوچون، زامانین کئچمه‌یی گرکلی‌دیر...

#باربارا
‌‌‌‌‎‌‌‎‌🍂🍁 @paeizanam 🍁🍂
72
🍂🍁 پاییزان 🍁🍂

17 Nov, 19:08

بالاجا اورییم ده سنه دونیالار قدر محبت وار🖤
‌‌‌‌‎‌‌‎‌🍂🍁 @paeizanam 🍁🍂
133
🍂🍁 پاییزان 🍁🍂

17 Nov, 19:06

‌‎‌paeizanam
شُبهه

الیمده داریخیر یازدیغیم قلم،
سنین حسرتیندن، سنین بیر دنه‌م!

من یولو قایالی اورگی داغلی،
آغری ییخیلمیشی قوللاری باغلی.

ییخیلمیش دیله‌گیم جانسیز کؤلگه‌ده،
گلیشین گؤزله‌ییر گولمز اؤلکه‌ده.

قاپالی قاپیدان، پنجره‌لردن،
هارای قامچیلامیش حنجره‌لردن.

باخاراق هیچقیریر بیر دلی شاعر،
وارلیقدان آجیقلی گیلئیلی شاعر.

آغلاییر گؤزوندن کسیلمیر یاغیش،
بوروموش یوللاری یوللارجا قارغیش.

بیر پاپریز اودلاییر بوشلوغو ییخسین،
بو تشویش یوردوندان بیر یانا چیخسین.

ال آتیر سمادان دره اولدوزو،
دَرمه دور! سؤیله‌ییر گؤیلرین قیزی.

اؤگرَ‌نیر قارانلیق آدلی دهشته،
پامبیق خیالینی باساراق شته.

چورومک یوردونا آتی یَـهرلی،
گؤزلری کینلی‌دیر فکری قـهرلی.

دوشونور دورغونلوق اوجوز اؤلومدور،
هر جیغیر هر بیر ایز ایپک یولومدور.

سئوینمک داغلارین آرخاسیندادیر،
کدر آغاج اوسته جوما قارغادیر.

دورغونلوق اؤلومدور، حرکت سئوینج،
یوللاردا حیاتیم کئچه‌جک‌می‌دینج؟!

#بهروز_صدیق

‌‌‌‌‎‌‌‎‌🍂🍁 @paeizanam 🍁🍂
133
🍂🍁 پاییزان 🍁🍂

17 Nov, 16:00

‌‎‌paeizanam
#هابیل_علی‌یئو
#عاریف_بابایئو

ای ملک سیما کی سندن اؤزگه
حئیراندېر سنا


حق بیلیر اینسان دئمز هر کیم
کی،اینساندېر سنا

#حکیم‌ملا‌محمد‌فضولی

‌‌‌‌‎‌‌‎‌🍂🍁 @paeizanam 🍁🍂
131
🍂🍁 پاییزان 🍁🍂

17 Nov, 15:50

‌‎‌paeizanam

عؤموردن بیر گون ده کئچدی بئله‌جه
یاری یوخولودور، یاری اویاقدیر
دویغولار قوینوندا اؤتن بو گئجه،
کیمینسه عؤمرونه قاییداجاقدیر.

عؤموردن بیر گون ده کئچدی بئله‌جه
بیر گون ده، گئجه‌ ده، پول کیمی ایتدی
پشیمان بیر گؤزل قاییتسین نئجه؟
اؤزونو بیر قلبده اؤلدوروب گئتدی.

عؤموردن بیر گون ده کئچدی بئله‌جه
دومان‌لار ایچینده یوخودو بلکه
کیمسه بو گونومه بلکه گوله‌جک
کیمسه یازدیغیمی اوخودو بلکه.

عؤموردن بیر گون ده کئچدی بئله‌جه
گئتدی... بیر اومیده گومان آزالدی
بیر خسته بیلدی کی موطلق اؤله‌جک
دئمه‌لی مؤعجوزه اومان آزالدی.

عؤموردن بیر گون ده کئچدی بئله‌جه
قبریستان یولونا تزه ایز دوشدو
بیر آنا بطنینین قارانلیغیندان،
چارپایی اوستونه بیر گوندوز دوشدو.

عؤموردن بیر گون ده کئچدی بئله‌جه
یاش بیر بالیق کیمی سوروشور گون‌لر
آخان اولدوزلارا آغلاییر گئجه
دوغان گونشی‌له گولوشور گون‌لر.

عؤموردن بیر گون ده کئچدی بئله‌جه
بیر کل بوینوزونا گؤرن نه دولدو؟!
بیرینی سوکاندا حاقلادی اجل
بیر باغا چاناغی کول قابی اولدو.

عؤموردن بیر گون ده کئچدی بئله‌جه
عؤمور کیتابیندا ورق‌لر آغدی
قاپ‌-قارا کؤلگه‌مدَن بئزیب بو کوچه
کؤلگه‌می سکی‌لر آپاراجاقدی.

عؤموردن بیر گون ده کئچدی بئله‌جه
سحری گونشلی، آخشامی غوروب.
عؤموردن بیر گون ده کئچدی بئله‌جه
گؤره‌سن قارشیدا هانسی گون دوروب...؟

نوصرت_کسمنلی

‌‌‌‌‎‌‌‎‌🍂🍁 @paeizanam 🍁🍂
126
🍂🍁 پاییزان 🍁🍂

17 Nov, 15:49

آسیلی قالدی گوزلریم یوللارینا
یا گئری دؤن
یا گئری قایتار باخیشلاریمی...

‌‌‌‌‎‌‌‎‌🍂🍁 @paeizanam 🍁🍂
115
🍂🍁 پاییزان 🍁🍂

17 Nov, 11:29

بئش دیقه راحاتیم یوخ اللریندن،
چکیبلر روحومو دارا، فیکیرلر.
بوتون دوزه‌نیمی قاریشدیریبلار،
قیرمیزی فیکیرلر، قارا فیکیرلر.

لاپ بار-ا چئوریلیب او خلوت باشیم،
اولوب فیکیرلرین قومار پاتوغو.
کیمی کئفلی، کیمی خومار، کیمی آج،
دارغا شاییردلارین اؤزل اوتاغی.

بیری دمیر چاریق گئییب دولانیر-
بئینیمین ایچینده دالان با دالان،
بیری یاخالاییب شعیر ایسته‌ییر،
بیری «کیتابلاردا -دئییر- آز دولان»!

شیلتاق اوشاق کیمی بیری زیرلاییر،
یوخدو اووودانی، گؤنول آلانی.
بیری ماللا کیمی چیخیب منبره،
یئنه های سالیب کی «سئومه فیلانی»!

قوجامان شهردی بلالی باشیم،
بیر اوجو «نروژ»ده، بیر اوجو «چین»ده.
ائله قالابالیق ائله قاریشیق،
تهران ترافیکی ایتر ایچینده.

شیطانین دلیسی دئییر چاغیریم،
گلسینلر گوله‌شک، ییخیم، دینجه‌لیم.
یوخسا من بابامین تاپانچاسینی،
گؤتوروب بئینیمه سیخیم، دینجه‌لیم...

#خان‌صنم
🍂🍁@paeizanam🍂🍁
135
🍂🍁 پاییزان 🍁🍂

16 Nov, 17:00

‌‎‌paeizanam
سوروش هاردایام

نه اولار بیر دفعه سوروش هاردایام!
بلکه اوره‌ییمده سؤزوم وار ائله؟!
بلکه چتینده‌یم، بلکه داردایام،
بلکه یوللاریندا گؤزوم وار ائله؟!

نه اولار بیر دفعه سوروش نئجه‌یم!
آغیر بیر یوک‌دورمو بو ایلتیفاتین؟
آچیلماز صاباحام، سویوق گئجه‌یم
چیخیلماز یولویام من بو حیاتین

سن‌سه مؤعجوزه‌سن، گؤزومون نورو!
بیرجه گولوشون ده شاد ائدیر منی
دونَنده بوراخیب حیرصی، غورورو
گل، اوووت قلبیمین اینجیکلییینی!

نه اولار، بیر دفعه سوروش هاردایام!
بلکه اوره‌ییمده سؤزوم وار ائله
نه اولسون، یانیندان اوزاقلاردایام
منی بیر سؤزونله بختیار ائله....!

#آفاق_شیخلی

‌‌‌‌‎‌‌‎‌🍂🍁 @paeizanam 🍁🍂
159
🍂🍁 پاییزان 🍁🍂

16 Nov, 16:55

بیری سیزه دیر وئرمیرسه ، اونون لیاقتی سیزی الدن وئرمکدیر
بو قدر ساده 💯

#تانسو
‌‌‌‌‎‌‌‎‌🍂🍁 @paeizanam 🍁🍂
147
🍂🍁 پاییزان 🍁🍂

16 Nov, 16:53

‌‎‌paeizanam

گوله-گوله آغلایان گؤزل

عؤمروندن کیم کئچدی بئله؟
گولونو کیم بیچدی بئله؟
دولدوروب غم باده‌سینه،
آجی-آجی گؤز یاشینی،
کئف اوچون کیم ایچدی بئله؟
گوله-گوله آغلایان گؤزل!

هر چئشیدده غم بیلیرسن.
غمین نئچه اوزو وارسا،
هامیسینی، سون بیلیرسن.
سئوینجینه‌ می آغلاییب،
کدرینه می گولورسن؟
گوله-گوله آغلایان گؤزل!

اؤتن گون‌لر گئری دؤنمز
نه هارایلا، نه ده چاغیر!
گولوشون قو توکو کیمی
کدرین داغلاردان آغیر
گوله‌می شئه دوشوب، یوخسا،
گون چیخیب، یاغیش می یاغیر؟
گوله-گوله آغلایان گؤزل!

غملر اَیَن قیشین آلتدا
ماوی-ماوی دنیز آغلار
آخی، نه گؤردون حیاتدا؟
سئوینجینده کدر چاغلار.
گولوشو سئون تاپیلار
کدره کیم کؤنول باغلار؟
گوله-گوله آغلایان گؤزل!

اوره‌یینی آلما کیمی،
بوداقدان دریب یئدیلر.
اومیدینی سوفره کیمی،
کؤلگه‌نه سریب یئدیلر.
نه «سالامات قال» دئدیلر؛
نه «بیزنن گئدک» دئدیلر
گوله-گوله آغلایان گؤزل...!

#نوصرت_کسمنلی

‌‌‌‌‎‌‌‎‌🍂🍁 @paeizanam 🍁🍂
151
🍂🍁 پاییزان 🍁🍂

16 Nov, 16:27

بیر گون منی سندن سوروشسالار...
دییرسن: خیردا بیر دونیاسی واریدی...
اونودا من ییخدیم...!

‌‌‌‌‎‌‌‎‌🍂🍁 @paeizanam 🍁🍂
111
🍂🍁 پاییزان 🍁🍂

16 Nov, 16:26

paeizanam

گؤروش یئرینده‌یم بایاقدان بری
بیر گؤزوم ساعاتدا، بیری یولوندا
واختیندا گلیرسن دیلیم ازبری
ساعات یوخ، نبضین‌دیر ووران قولومدا

گلیرسن بورونوب قار ایشیغینا
آزجا قالدیرمیسان بویونلوغونو
گئندن گؤز قویورام یاراشیغینا
سنه آغ دون بیچیر قارین چووغونو

اوزون کیپرییینده قار چیچک‌لری
بو قار دنیزینده ایلک باهاریمسان
گؤیدنمی گلیرسن آغ تاجلی پری
بو آغ زنجیرلری نه جور قیرمیسن؟!

اوشویور دئیه‌سن ظریف اللرین
وئر اؤپوم هووخوروم بارماقلارینی
ایسیتسین نفسین ایسلاق تئللری
بیرآز رنگی قاچان یاناقلارینی

بری وئر چانتانی قارلی کورکونو
وئر آسیم آسقی‌دان خیدمتچین کیمی
آلمادان وئجینه بو سویوق گونو
سن اوچوب گلمیسن گؤیرچین کیمی

من سنین اوغروندا آند ایچمیشم کی
حؤکمومله سوسدوروب بو آغ طوفانی
جهاندا هئچ کسین نوش ائتمه‌دییی
باهارا چیخاریم آزربایجانی...

#خلیل_رضا_اولوتورک

‌‌‌‌‎‌‌‎‌🍂🍁 @paeizanam 🍁🍂
103
🍂🍁 پاییزان 🍁🍂

16 Nov, 16:21

‌‎‌paeizanam

بیلمیرم نییه آداملار،
سئوگییه لاییق اولمایانلارا، سئوگی بسله‌ییرلر.
بلکه دنگه‌نی بولماق اوچون تکجه یول بودور...‌
سئوگی‌ بسله‌مه‌یی باجارمایان بیرینه سئودالانماق، اؤز-اؤزونو اینجیتمه‌یین ان اسگی یؤنتم‌لریندن‌دیر....

#اوریانا_فالاچی


‌‌‌‌‎‌‌‎‌🍂🍁 @paeizanam 🍁🍂
101
🍂🍁 پاییزان 🍁🍂

16 Nov, 16:19

اوچماق اوچون
قوش اولماق گرکمیر
کیچیک سئوینج لر اولسا یئتر
#جمال_ثریا

‌‌‌‌‎‌‌‎‌🍂🍁 @paeizanam 🍁🍂
137
🍂🍁 پاییزان 🍁🍂

10 Nov, 16:50

https://t.me/paeizanam?livestream=c972f7db065ca9e800
29
🍂🍁 پاییزان 🍁🍂

10 Nov, 16:21

paeizanam
‌‎‌
سئومک
هردن دؤزمکدیر
حیاتین ووردوغو یارالارلا آیاقدا دورماقدیر...

هردن ده
سئومک
باشقا بیر حیاتدیر.....
بیرینی
اوزاق یوللارا باخمایاراق...
ایچینده دیری توتماقدیر....

#اؤزدمیر_آصاف
سس: صبا پاییزان 🎤

‌‌‌‌‎‌‌‎‌🍂🍁 @paeizanam 🍁🍂
57
🍂🍁 پاییزان 🍁🍂

10 Nov, 16:05

‌‎‌‌paeizanam

سئومک
هردن دؤزمکدیر
حیاتین ووردوغو یارالارلا آیاقدا دورماقدیر...

هردن ده
سئومک
باشقا بیر حیاتدیر.....
بیرینی
اوزاق یوللارا باخمایاراق...
ایچینده دیری توتماقدیر....

#اؤزدمیر_آصاف

‌‌‌‌‎‌‌‎‌🍂🍁 @paeizanam 🍁🍂
57
🍂🍁 پاییزان 🍁🍂

10 Nov, 16:05

‌‎‌‌paeizanam
سنسیزلیک‌...

نئچه پاییز کئچیر او آیریلیقدان
یوبانما، قار یاغار خاطیره‌میزه
یئنه قارانقوشلار گَل‌ها‌گَلده ‌دیر
باغچادا خزللر یئتیشیب دیزه

چینار آغاجینین سون یاپراقلاری
وحشی یئللریله عؤمور سوره‌جک
سنله اکدیییمیز آلما آغاجی
یاریسی دیشلنمیش آلما وئره‌جک

کوچه‌میزده‌کی او کوولان آغاجی
ایندی‌ده اؤزونو اؤوسه‌ییر سنسیز
اورک پنجره‌مین سون باخیشیسان
ایندی‌ده آستانام گؤینه‌ییر سنسیز...

#ارشد_نظری

‌‌‌‌‎‌‌‎‌🍂🍁 @paeizanam 🍁🍂
63
🍂🍁 پاییزان 🍁🍂

10 Nov, 08:27

حئیرَتیندن یاز چاغیندا
پر پر اولدو گولوم داغلار
تورا دوشدو اوز باغیمدا
نغمه کار بولبولوم داغلار.

یولارینا داش دوزولدو
لذّتینه غم سوزولدو
اَلیم اَلیندن اُزولدو
سارالدی سونبولوم داغلار.

سن سیز عؤمروم گئدر بادا
حسرتیله بو دونیادا
کئچن گونلر دوشدو یادا
يئنه یاندی دیلیم داغلار.

لعنت اولسون بو هیجرانا
قویدو منی یانا یانا
سندن آیری گلدی جانا
هفته ام ، آيیم ، ایلیم داغلار.

"ستارام" گزمَدیم منده
بیر دویونجان گؤی چمنده
اَبَدیلیک قالدی سنده
بیر اؤلمز نیسگیلیم داغلار.

ستارگل_محمدے



🍂🍁@paeizanam🍂🍁
86
🍂🍁 پاییزان 🍁🍂

09 Nov, 19:43

او سنی سئومدی سن نیه سئودین!؟


🍂🍁@paeizanam🍂🍁
104
🍂🍁 پاییزان 🍁🍂

09 Nov, 18:09

paeizanam
خیاله تووزلو 🇦🇿

      منیم سئوگیم مظلوم...🚶‍♀🥀

چوخ کوزل ماهنی ♥️

‌‌‌‌‎‌‌‎‌🍂🍁 @paeizanam 🍁🍂
111
🍂🍁 پاییزان 🍁🍂

09 Nov, 18:04

‌‎‌‌‎paeizanam
خیاله تووزلو 🇦🇿

منیم سئوگیم مظلوم...🚶‍♀🥀

چوخ کوزل ماهنی ♥️

‌‌‌‌‎‌‌‎‌🍂🍁 @paeizanam 🍁🍂
100
🍂🍁 پاییزان 🍁🍂

09 Nov, 17:28

paeizanam

ڪؤنلوم سنه وابسته‌دیر، اے شوخ، بیر ایل‌دیر
نه اؤلدورور عشقین منے آخر، نه دیریل‌دیر

عاشقلرینے قصدین اگر محو ائیله‌مڪ‌سه
من حاضیرم، اوّل منه مقصود دینے بیل‌دیر

مئیلیم سنه‌دیر، بیر سنه عالمده اسیرم
ایسترایسه‌ن آزاد ائیله، ایسترایسه‌ن اُول‌دیر

ڪج باخما، بوتون خلق‌ده گر بیر- بیره، ظالم
زولفون گرهین آچما ڪے، غارتگرِ دیل‌دیر

مبهوت ائله‌یوب عالمے آیینه‌ے رویین
نه شڪل و شمایلدے، بو نه حُسن جمیل‌دیر!

روخسارینه اول خال سیه دیرمے دوزولموش؟
ےا برگِ گول اوسته سپیلوب دانه‌ے هئل‌دیر؟

واحد، دئمه‌ڪیم،یار ایله شیریندےمئےایچمڪ
زهر اولسون او عشرت ڪے،حڪیمانه دگیل‌دیر

علےآقاواحید

‌‌‌‌‎‌‌‎‌🍂🍁 @paeizanam 🍁🍂
114
🍂🍁 پاییزان 🍁🍂

09 Nov, 17:25

‌‎‌paeizanam

کئشگه چیخمایایدین، او گون قارشیما
کئشگه باخیشیمیز، اؤپوشمه‌یه‌یدی
نه سن ایندی کی بیر غدّار اولایدین
نه منیم دونیاما، اود دوشمه‌یه‌یدی

کئشگه بو شهرین آیریلاری تک
عادی گؤرونه یدین او گون گؤزومه
نه من باغلانایدیم بئله سئوگینه
نه سن می دوشه یدین دویون گؤزومه

کئشگه قاچمایایدی او گون دوداغین
منده سیلکه‌له ییب سنی اویاتدی
سن گؤزو باغلیجا، من بیر باخیجی
ایچیمده بیر یئنی دونیا یاراتدی

ڪئشگه آه.... نولاردی، نولاردی کئشگه _
بئله کئشگه‌لری آرزولامازدیم
باغیشلا سئوگیلیم، باغیشلا منی
آرتیق سنسیزلیکدن یولومو آزدیم

کئشگه گونلریمده منیم اولایدین
یالنیز تکلییمه قنیم اولایدین...

#ائلمان_گلمحمدی

‌‌‌‌‎‌‌‎‌🍂🍁 @paeizanam 🍁🍂
120
🍂🍁 پاییزان 🍁🍂

09 Nov, 17:10

آلما خانیم احمدلی

عاشیقم کیمه یالواریم

#تورکی_ماهنیلار♥️👌

‌‌‌‌‎‌‌‎‌🍂🍁 @paeizanam 🍁🍂
93
🍂🍁 پاییزان 🍁🍂

09 Nov, 17:01

بیز واریق، وارسا وطن، وار ایسه دوغما دیلیمیز
اؤیره‌نیب بیلمه‌لی‌دیر اؤز دیلینی ائل‌لریمیز

آنا تک جاندان عزیزدیر آنا تورپاق، آنا دیل
حؤرمتین ساخلا یاشارکن، آنالار قدرینی بیل!

وطنین کیملیگی‌دیر، وارلیغینین داش تملی
کیملیگین بایراغی‌دیر هر بالانین دوغما دیلی

آنادیل‌دیر بزه‌ین دویغولارین اویلاغینی
سوسله‌ین آرزیلاری، سئوگی-سئوینجین باغینی

بولبول اؤز دوغما دیلیله گوله سؤیلر سؤزونو
هر گول اؤز رایحه‌سیله تانیدار اؤز-اؤزونو

آنا دیل‌دیر داشییان لایلالارین جان دادینی
آنا دیل‌دیر یاشادان ائولادینین اؤز آدینی

آنادیل‌دیر ائلینین تاریخی، آیدین تانیغی
یوردونون-اؤلکه‌سینین آیناسی، سؤنمز چیراغی

آنا دیلده آنانین سئوگیسی، عطری-دادی وار
آنا دیلده وطنین شانلی-شرفلی آدی وار...

اسماعيل_جميلی

🍂🍁@paeizanam🍂🍁
123
🍂🍁 پاییزان 🍁🍂

09 Nov, 16:27

آتالاریمیز دئییب:
"گئت اؤزونه دوْست قازان، دۆشمن اوْجاق باشیندا دیر."

‌‌‌‌‎‌‌‎‌🍂🍁 @paeizanam 🍁🍂
82
🍂🍁 پاییزان 🍁🍂

09 Nov, 16:26


داریخدین، ایچدین، آغلادین، گۆلدون، ماهنیلار سؤیله‌دین، شعیرلر یازدین...
یاخشی، او، نه ائتدی؟!

✍ناظیم حیکمت

‌‌‌‌‎‌‌‎‌🍂🍁 @paeizanam 🍁🍂
84
🍂🍁 پاییزان 🍁🍂

09 Nov, 16:16

‌‎paeizanam

Nəsimi (1973)
🎞#Bədii_film

نسیمی (۱۹۷۳)
#بدیعی_فیلم
#نســـــــیمی

‌‌‌‌‎‌‌‎‌🍂🍁 @paeizanam 🍁🍂
82
🍂🍁 پاییزان 🍁🍂

09 Nov, 16:14

‌‎‌paeizanam
«آزاده دارایی زنگانلی»


گئتمه گؤزه‌لیم چوْخلو شتابان سنه قوربان!
ترک ائتمه منی زار و پریشان سنه قوربان!
من گؤیده گزیردیم سنی، چون یئرده تاپیلدین،
دؤندر یوْلونو گل بیزه مهمان سنه قوربان!


دای بیر ده منیم تک سنه دیلدار تاپیلماز،
اینجیتمه منی ائتمه پئشمان سنه قوربان!
باغلاردا چیچک، باغچادا گۆل، چمنده سۆنبول،
چؤللرده بیتن لاله و ریحان سنه قوربان!


داغلاردا مارال، چن‌ده قۇزو، گؤیده گؤیرچین،
دۆزلرده قاچان بیر سۆرو جئیران سنه قوربان،
من هر نه ائدیم قوْچ-قۇزو قوربان گئنه آزدیر،
سن بیر بیزه گل، قوی من ائدیم جان سنه قوربان!


کئچمیش کی کئچیب بیر بو زامان، بیر گله‌جکده،
بیر ایندی بو ساعت بئله الان سنه قوربان!
"آزاده" ائدیب وئرد زبان هر گئجه گۆندوز،
جانیم سنه قوربان، سنه قوربان، سنه قوربان!

✍آزاده دارایی زنگانلی آمریکا - لس‌آنجلس

‌‌‌‌‎‌‌‎‌🍂🍁 @paeizanam 🍁🍂
94
🍂🍁 پاییزان 🍁🍂

09 Nov, 11:43

شجاعتم دوغرانميشام بيچاقسيز
آ خوش گۆنلر نييه مندن قاچاقسيز؟

او قدر يانميشام اودسوز، اوجاقسيز
سوُيو دا اوفوروب ايچيرم داهااااا...

كلبجرلى شجاعت


🍂🍁@paeizanam🍂🍁
103
🍂🍁 پاییزان 🍁🍂

09 Nov, 10:29

گولورسن اوزومه نئیله ییم آخی
ترسینه توتولان ایش قویوب فلک
سنین گؤزلرینه شؤهرت عشقینی
منیم گؤزلریمه یاش قویوب فلک

دینکیش قادین کیمی گولمه آی عارسیز
منی ده او قدر دوشونمه وارسیز
سنین بدنینه بزکلی قارپیز
منیم بدنیمه باش قویوب فلک

فلکین الیله ائنن اوجالمیر
گوونمه پولونا او روشوت آلمیر
حوکمو کس ها کسلیک هئچ کیمه قالمیر
چوخ خانیمانلاری بوش قویوب فلک

بهمن بیل سیررینی فیتنه فئللرین
زهر وار آلتیندا شیرین دیللرین
قارانلیق کؤکسونه چوخ قاتیللرین
اورک عوضینه داش قویوب فلک

بهمن_وطن اوغلو

🍂🍁@paeizanam🍂🍁
111
🍂🍁 پاییزان 🍁🍂

09 Nov, 09:00

یاخشی اولار قوهوم، قارداش
ائل باشینا دولاندیغیم
هاردا گؤرسن یارا یالوار
دیل باشینا دولاندیغیم

یارا یالوار اولما ناشی
عاشیقلر گزر یاناشی
یار گؤزوندن آخان یاشی
سیل باشینا دولاندیغیم

بودور گلدی باهار واختی
سینه‌م اولوب یارین تاختی
سویولدو بولبولون رختی
گول باشینا دولاندیغیم

قاشلارین قورار دیوانی
تختدن سالار سلیمانی
"خسته قاسیم"ین جانانی
گل باشینا دولاندیغیم

خسته قاسیم


🍂🍁@paeizanam🍂🍁
113
🍂🍁 پاییزان 🍁🍂

08 Nov, 19:10

📕بلکه بو یئرلره بیرده گلمه دیم
- ممد آراز


✍️محمد عبادی قاراخانلو (آلیشیق)

📚@kitablar1995
123
🍂🍁 پاییزان 🍁🍂

01 Nov, 20:46

عشقمممممم دوغوم گونون مبارک😍😍😍❤️❤️❤️❤️💋💋💋💋💋💋

@paeizan12

🍂🍁@paeizanam🍂🍁
139
🍂🍁 پاییزان 🍁🍂

01 Nov, 20:45

بیر سبد قیرمیزی گول تقدیم ائدیرم سنه، دونیانین بو گوزل گونون ده کی سنین دوغوم گونون دو
💐💐💐💐💐💐💐💐💐💐💐💐💐

نئچه آیدی گوزل جومله لری آختاریرام و ییغیرام تا بویون سنه دییم.

آمما بیلمیرم ندن بوتون کلمه لر مندن قاچیب دی!

ایندی چوخ ساده و قافیه سیز دییرم:

دوغوم گونون موبارک عشقیم، اورگیم ، صبام ، نفسیمممم
💜💜💜💜💜💜💜💜💜💜💜💜💜
🩵🩵🩵🩵🩵🩵🩵🩵🩵🩵🩵🩵
💛💛💛💛💛💛💛💛💛💛💛
🤍🤍🤍🤍🤍🤍🤍🤍🤍🤍
🩷🩷🩷🩷🩷🩷🩷🩷🩷
🧡🧡🧡🧡🧡🧡🧡🧡
💚💚💚💚💚💚💚
🩶🩶🩶🩶🩶🩶
💙💙💙💙💙
💛💛💛💛
🩷🩷🩷
🤍🤍
❤️

@paeizan12
💋💋💋💋💋💋💋💋💋💋💋💋💋
🎉🎉🎉🎉🎉🎉🎉🎊🎊🎊🎊🎊🎊
🎂🎂🎂🎂🎂🎂🎂🎂🎂🎂🎂🎂🎂

🍂🍁@paeizanam🍂🍁
141
🍂🍁 پاییزان 🍁🍂

01 Nov, 20:11

Live stream started
0
🍂🍁 پاییزان 🍁🍂

01 Nov, 20:02

Live stream finished (14 minutes)
0
🍂🍁 پاییزان 🍁🍂

01 Nov, 19:48

Live stream started
0
🍂🍁 پاییزان 🍁🍂

01 Nov, 19:37

دیکلمه شعیر
آغالار بایرام اوو 🎤 💔

‌‌‌‌‎‌‌‎‌🍂🍁 @paeizanam 🍁🍂
149
🍂🍁 پاییزان 🍁🍂

01 Nov, 14:57

سینه‌مده اوشویور دیدرگین آهلار
گؤزومده یول چکیر چیلپاق یولاق‌لار
اومودوم سوناسی گؤل‌سوز قالیبدیر
گؤزومده قورویوب قانلی بولاق‌لار

قار یاغیر...
ایچیمده بیر اوشاق آیاق یالین‌دی
هووخورور اللرین، قاچیر ساغ-سولا
نه گئدیش یئری وار، نه قاییت یولو
اومودو باغلانیب باغلانان یولا

جانین سویوق آلیب، نفسی دونوب
گؤزوندن جالانان یاشلار بوزلاییر
بیلمیرم بو یولا نییه قول قویوب
کیمین گلیشینی بئله گؤزله‌‌ییر؟!

قار یاغیر، من سن‌سیز، وئیلان اوشاق‌لا
ایللردی یوللارین قیشین دؤزموشم
گل باهار گولوشلوم، آی یاز نفس‌لیم!
سن گلن یوللارا چیچک دوزموشم

گل گونش تک اریت دونیامین قارین!
قوی عشقین سینه‌مده جولان ائیله‌سین!
گل بو سئوگی آدلی منده کی اوشاق،
ایللرین دردینه درمان ائیله‌سین...!

ائلمان_گلمحمدی

🍂🍁@paeizanam🍂🍁
173
🍂🍁 پاییزان 🍁🍂

01 Nov, 11:49

یادلاردان چیخمیسان، یالقیز قالمیسان
یازی‌سیز باش‌داشی، توز باسمیش مزار
سانکی سن آناندان دوغولمامیشدین
یازینی کیم یازیر؟ کیم اونو پوزار؟

اونوتوب ایزیني كئچدییین یوللار
بولاقلار سن گؤرن گؤزه‌دن آخماز
سنین حسرتینله یانان اورکلر
اوزونه بیر داها گؤز اوجو باخماز

دوز چؤرک یئینده هئچ بیلمزدین می؟
هاوادان هاوایا دوشرمیش اینسان
سن سؤزون اوستونده باشدان کئچنده
بیلمزدین می نه تئز چاشارمیش اینسان؟

سئودالار اوجاغی چوخدان سؤنوبدور
ایستی ایستکلرین کولو قالیبدیر
جننت قوخوسونو وئرن باغلارین
کاغیذ اوسته پوزغون گولو قالیبدیر

آغلاما، آه چکمه، بوراخ کدری
گؤزلرین سئلینده اورک بوغولار
یالقیزلیق آتشی یاندیرسا سنی
کولوندن بیر گؤزل ملک دوغولار.

میرحسین_دلداربناب ۱۴۰۱/۱۱/۲۱


🍂🍁@paeizanam🍂🍁
163
🍂🍁 پاییزان 🍁🍂

01 Nov, 08:59

اؤره ییم داریخیر یامان دۏلموشام
اؤلمگ ایسته ییرَم هارداسان اجل !
گوزلریم قاپیدان آسیلی قالیب
اۏلما سن اؤزون دا دارداسان اجل ؟!

آغری لار باغریمین زیروه سین یاریر
یاشامی گؤزومدن بوگون سالمیشام
بو اوزاق سفَره قۏل قۏیانمیرام
خیالیم کؤچوب دیر اؤزوم قالمیشام

ایچیمده بیر غریب دویغو مَله ییر
باغریمدا تۏنقالیم- کؤزوم آغلاییر
اینجیدیر کؤنلومو اؤتن چاغلاریم
اؤره ک آلۏولانیر گؤزوم آغلاییر

اؤزومون -اؤزومه یازیغیم گلیر
ائله بیل یاشامین سۏنودور بوگون
قاریلار ییغیشیب لای لا دئییللر
سانکی بیر اوشاغین اۏنودور بوگؤن

ائله یاخیلمیشام ائله یانمیشام
نانجیب دونیادان آجیغیم گلیر
بیرینه توی توتور بیریسینه یاس
نه بیر تویشون آلیر، نه ده دینجه لیر

آمان دیر آی اجل ؛ اونوتما منی
گؤرورسن حالیما زامان آغلاییر
گونده یؤز یۏل اؤرک ،دۏلور بۏشالیر
الیمده قلَمیم یامان آغلاییر

آغری


🍂🍁@paeizanam🍂🍁
154
🍂🍁 پاییزان 🍁🍂

01 Nov, 07:28

گون آیدین هرکسه


🍂🍁@paeizanam🍂🍁
138
🍂🍁 پاییزان 🍁🍂

31 Oct, 21:53

یالان دونیا..
سنه نلره گلدیخ نلر گوردوخ!!
نه اوچون یاشادیخ..نجور باشا وردیخ!!
اللاتدین توپراق اهلین ..
بوقدر جفا ائلدین ..هارا یئتیردین؟
ظولم گورن اینسانلار ،اوبیرسی دونیایا نجور اینانیب ایاق قویاجاخلار!!

‌‌‌‌‎‌‌‎‌🍂🍁 @paeizanam 🍁🍂
151
🍂🍁 پاییزان 🍁🍂

31 Oct, 20:27

دونیانین لاپ گوزل اینسانی دا اولسان،
بختین گوزل اولمادی،
هئچ ایشه یاراماز...😔💔
‌‌‌‌‎‌‌‎‌🍂🍁 @paeizanam 🍁🍂
162
🍂🍁 پاییزان 🍁🍂

31 Oct, 17:39

paeizanam
✍ «یاشام»
بیر درین ایچ یاراسی
بیتمز
ساریلماز
توختایان دئییل
.
.
نه یارالار وار ایچینده!
منه ساریلماق ایسته‌ییر
نه یالقیزمیش بو یازیق آدام!!!

#میرحسین_دلداربناب
سس: صبا پاییزان 🎤

‌‌‌‌‎‌‌‎‌🍂🍁 @paeizanam 🍁🍂
196
🍂🍁 پاییزان 🍁🍂

31 Oct, 17:22

‌paeizanam
✍ «یاشام»

یاشام
بیر درین ایچ یاراسی
بیتمز
ساریلماز
توختایان دئییل
توختاقلیق گؤتورن دئییل
اورتاقلیق گؤتورن دئییل
پایلاشیلماز
بو اوزونتو آنجاق سنی اوزوب بیتیرر!
سنی جانا گتیرر!
سنی توپراغا یئتیرر!
گوزگویه باخیرام
بو گورونن آدام چوخ تانیش گلیر
نه آجیلار وار ایچینده!
نه یارالار وار ایچینده!
منه ساریلماق ایسته‌ییر
نه یالقیزمیش بو یازیق آدام!!!

#میرحسین_دلداربناب
۱۴۰۳/۰۳/۱۵

‌‌‎‌🍂🍁 @paeizanam 🍁🍂
152
🍂🍁 پاییزان 🍁🍂

31 Oct, 17:21

‌‌‎‌paeizanam
✍ «یارا یاغیر اوره‌ییمه!»

اوره‌ییم یارادی، یارا، یارا
بیتمه‌ین یارا
ساریلمایان یارا
گورولمه‌ین یارا
ایچیمده داغ وار
دره وار
داش وار
اییلمه‌ین باش وار
ایچیمده اوچوروم وار
اوچونتو وار
اوچوق وار
اوچماق ایسته‌ییرم
قانادلاریم اوچوقلاییر!
اوچا بیلمیرم
هئچ یئره قاچا بیلمیرم
قیچلاریم گلمیر
یورولموشام
گؤزلریمین ببه‌یی دومانلانیر
بولود یاغیر گؤزلریمه
یارا یاغیر اوره‌ییمه!...

#میرحسین_دلداربناب
۱۴۰۳/۰۴/۲۸

‌‌‎‌🍂🍁 @paeizanam 🍁🍂
137
🍂🍁 پاییزان 🍁🍂

31 Oct, 16:42

‌paeizanam

دولو-دولو یاشا حیاتی!
دیلینی «کئشکه»لر سارماسین!
ائله بیرینی سئو کی،
گوندوز گونشه،
گئجه اولدوزا،
احتیاج قالماسین...!

‌‌‎‌🍂🍁 @paeizanam 🍁🍂
135
🍂🍁 پاییزان 🍁🍂

31 Oct, 16:40

‌‌paeizanam

قلبیم سنی گوزلییر♥
اولدورمک دیر قصدین منی 💃

‌‌‎‌🍂🍁 @paeizanam 🍁🍂
142
🍂🍁 پاییزان 🍁🍂

25 Oct, 06:07

قارا قیشدان سونرا گۆلوم باهاردیر

صاباحلار گله‌جک اومیدله دولو،
قارانلیق گئجه‌لر چاتاجاق باشا.
قارا دئو باغیریب نعره تپسه‌ده،
عمرونون شۆشه‌سی دیه‌جک داشا

دۆزدور کی شاختادیر، بوراندیر-قاردیر،
قارا قیشدان سونرا گۆلوم باهاردیر.
فکرسیز انتظار یئرسیز شعاردیر،
فکریندن گرکدیر گؤزلر قاماشا...

نه شمشیر نه آغ آت نه گؤی عمّامه،
درده چاره دییل منی قیناما.
یالوارینجا سن اون ایکی امام-ا،
آزاد اول قینیندان آزاده یاشا.

بۆتون سؤال‌لارین سنسن جوابی،
سنسن اۆرکلرین آغری- عذابی.
آی حسرتلر آی آرزیلار کتابی،
آی گؤرمه‌لی آی ائتمه‌لی تاماشا!

آیه-آیه سطر-سطر بیل اؤزون،
سن قادرسن، یارادانسان آچ گؤزون.
اویما هر گله‌نه اینانما سؤزون،
یاشایش سنیندیر مینلرجه یاشا.

میر_بؤیوک_سیدلر


🍂🍁@paeizanam🍂🍁
87
🍂🍁 پاییزان 🍁🍂

24 Oct, 20:21

ایناندیغین، سیر وئردیگین آلچاغین
هیریلتیسی آلدادیرمیش آدامی
سئوه-سئوه ییغدیقیمیز داش قاشین
پاریلتیسی آلدادیرمیش آدامی

آه ناله‌نی ائشیتمه‌ین قولاق وار
آت یئرینه یئهرله‌نن اولاغ وار
دادی زهر، طعمی زهر بولاق وار
شیریلتیسی آلدادیرمیش آدامی

یالتاقلیقی باجاردینسا اعلا ایمیش
دوز دانیشماق اؤز باشینا بلا ایمیش
چوبان ایتی دئدیگیمیز تولا ایمیش
میریلتیسی آلدادیرمیش آدامی

صابیر آللاه وئردی اوغلو



🍂🍁@paeizanam🍂🍁
109
🍂🍁 پاییزان 🍁🍂

24 Oct, 16:50

سن منیم عؤمرومون هیجانیسان‌
بیر باتان گمی‌دن‌ گلن سوس کیمی
یوخوسوز گئجه‌مین لاپ اولینده
چکدیگیم سونونجو پاپیروس کیمی

سن منیم دردیمه درمان دئییلسن
سن منیم دردیمی اوووتدورانسان
سن منیم سئودیگیم اینسان دئییلسن
منه سئودیگیمی اونوتدورانسان

سن سوسوز صحرایا چیله‌نن یاغیش
قارانلیق گئجه‌ده یانان چیراغسان
قار باسمیش بیر چؤلده یولونو آزمیش
یولچونون راستینا چیخان اوجاقسان

کور اولان دئییلم سنین توستونه
یئنه اؤز یولومو من گئده‌جه‌یم
هله‌لیک بیر آزجا توتوب اوستونه
دونموش اللریمی ایسیده‌جه‌یم

نه یاخشی راستیما چیخدی بو اوجاق
بو دونموش اللریم قیزیندی بیر آز
حئییف بو اوجاغین ایستیسی آنجاق
دونموش اوره‌ییمین بوزونا چاتماز

یوخ، اوجاق نئیله‌سین؟ اوندا گوناه یوخ
گوناهکار وارسادا منم اوجاق یوخ
اؤز الو دیلینی اوزادیب نئجه
اوزومو-گؤزومو یالاییر یازیق

بو اوجاق سونونجو کوسووونه‌جن
منیم‌چون یانماغا حاضیردیر حاضیر
بوردا همیشه‌لیک قالسایدیم اگر
اؤزومه ائو-ائشیک قورسایدیم اگر

سنده بو اوجاغین کئشیک چکه‌نی
ائویمین خانیمی اولسایدین اگر
لاپ سنی سئوسم ده، سئومه‌سم ده من
بوردا یاشاماغا نه واردی اوندا

بیر آز دینجه‌لردیم اؤزوم اؤزوم‌دن
بیر راحات حیاتیم اولاردی اوندا
آمما راحات حایات منلیک دئییل کی

من ده دئییشکه‌نم هاوالار کیمی
اودور کی آیریلاق، ساغ سالامات قال
یولومدان ساخلاما، منی یولا سال
بلکه ده هارداسا بیر تزه سئوگی
چیخاجاق راستیما جاناوار کیمی

رامیز روشن

🍂🍁@paeizanam🍂🍁
129
🍂🍁 پاییزان 🍁🍂

24 Oct, 16:49

کؤنول دولان ائل اوبانی
او داغ‌ دا گز، بو داغ‌ دا گز
لئیلک اولوب یئر ائشینجه
سن بولبول اول بوداقدا گز

هر آتشه اودا یانما
سؤزون حاقسا اونو دانما
مانات اولوب خیردالانما
یاقوت اولوب بارماقدا گز

اسگیک اولما خئییر شرده
گون تک دولان سن هر یئرده
دویغو کیمی اورکلرده
نغمه اولوب دوداقدا گز

سؤز:بختیار وهابزاده


🍂🍁@paeizanam🍂🍁
109
🍂🍁 پاییزان 🍁🍂

23 Oct, 19:38

سید عظیم شیروانینین غزلی اوسته تخمیس


گئجه‌لر آغلاییرام‌ عالمی لئیسان آپاریر!
عقلیمی زلفی‌یله سئوگیلی جانان آپاریر
اول مسیحا دمه باخ جان آلاراق جان آپاریر
"خلقین ایمانینی گر مکریله شیطان آپاریر
اول پریچهره ندن دیرکی بس ایمان آپاریر؟"

حوزن‌یله بلبل شئیدا نه دوروبسان سن اوخو
دئ کونول عاشیقی چون هانسی فیراغت نه یوخو؟
عاشیق اول صوبحه قدر یاتمایاراق رویا توخو!
"ای کامان قاشلی!منی یاره‌له‌دی موژگان اوخو
زولفونو باس یاراما قویما منی قان آپاریر!"

گلمیشیدیک جاهانا گوللر آرا بیتمک ایچون
موسیم کوچ گلیر عزم ائلییک گئتمک ایچون
جانی جانان دیلییر وصله داخی یئتمک ایچون
"دیل چکر جانی سر کویینه زیب ائتمک ایچون
سانکی حجّاج منا داغینا قوربان آپاریر"

بو کونول رویه گوله یارینی گوردوکجه دئدی
مطربین چنگی‌یله تارینی گوردوکجه دئدی
ساقینین باده‌‌یه گلنارینی گوردوکجه دئدی
"زاهد اول زولفده رخسارینی گوردوکجه دئدی
بو اول هندو بچه‌دیر مکتبه قورآن آپاریر!"

بو فنا مولکونه دل باغلاییریق سویله ندن؟
بیزه آز ائتدی مگر جور و جفا ظلم و فتن؟!
منزلیدی بیزی چون یاریله جننات عدن
"گئیمه‌یه کیمسه کی میدان محبت‌ده کفن
اونو معشوقه ازل محشره عریان آپاریر"

عزم ائدیبدیر "موغان اوغلو"رهه غمخانه ساری
کیم آچیب چشمه بصیرت باخا جانانه ساری
منه خوشدورکی گئدم مست‌ایله مستانه ساری
"چکمه‌یین سید لامذهبی میخانه ساری
کافری کعبه اورا هانسی مسلمان آپاریر؟"

موغان_اوغلو (فرشید کیانی)
🍂🍁@paeizanam🍂🍁
152
🍂🍁 پاییزان 🍁🍂

23 Oct, 19:06

"سئوگی "

ساندیغین قدر دییل

یاندیغین قدردیر

🍂🍁@paeizanam🍂🍁
135
🍂🍁 پاییزان 🍁🍂

23 Oct, 18:33

قیش بهانه دی ،
دونیانی حیله کار اینسانلار سویودور !



🍂🍁@paeizanam🍂🍁
145
🍂🍁 پاییزان 🍁🍂

23 Oct, 16:47

ائی گئجه یاریسی باغیران سوکوت
ائله سپ یاراما دوز اینجیمه‌سین
ائله گل، ائله گئت اودلو سینه‌م‌دن
دوداق کؤزه‌رنده، سؤز اينجيمه‌سين

ائله یاخ قارانی، آغ دؤزه بيلسين
ائله باخ باغمانا، باغ دؤزه بيلسين
ائله چک داغلاری، داغ دؤزه بيلسين
ائله کئچ دره‌دن، دوز اینجیمه‌سین

دورما گل بیزیمله، شعرین دالین گل
بوراخ آییق‌لارین قالماقالین، گل
گلنده شعریمه آیاق یالین گل
ائله آیاق گؤتور ايز اينحيمه‌سين

بيز داردان گونشه یوللار چکمیشیک
آنجاق چاخیر بیلیر نه‌لر چکمیشیک
دانیلیب-دانیلیب گئرچکلشمیشیک
ائله ایته‌ریک کی توز اینجیمه‌سین

تانری بیزدن سونرا بورایا چاتدی
بیزدن ایلهام آلیب بیزی یاراتدی
سونرا اؤزون بيزله درد ايچره آتدی
دئدی: شاعیر گرک آز اینجیمه‌سین

حسین رزمی 1388


🍂🍁@paeizanam🍂🍁
149
🍂🍁 پاییزان 🍁🍂

23 Oct, 15:18

آددیم _آددیم، اؤلوم، تابوت داشیییر
قبیر _ قبیر توپراق، اوچور باشیما
آغیز _ آغیز یامان، یاغیر اورکلر
کولک _ کولک، قارقیش، دولور قیشیما

قارا _ قارا یئللر، اسیر بو یئرده
شیمشک _ شیمشک، بولود، یالان پوسکورور
اؤزگه _ اؤزگه باخیر، گؤزلر گؤیلره
دووار _ دووار، داملار، نیسگیل اؤسكورور

یابان _ یابان، بوشلوق، دولوب جانلارا
باخيش _ باخیش، اویناش، سوزور گؤزلردن
باهار _ باهار چیچک، قیندا بوغولور
یالان _ یالان، بوینوز، دوغور سؤزلردن

یاخین _ یاخین یوللار، اوزاق گئدیرلر
اوزاق _ اوزاق یوللار، بیرگون بیتیرلر
یولون سونو نه یول؟ اوچوق، اوچوروم
موفته _ موفته، بوش _ بوش، کیم‌لر ایتیرلر

یاشیل _ یاشیل چمن، گؤزو گؤيلرده
ایلغیم _ ایلغیم، دنیز، گؤرور یوخودا
چاتیر _ چاتیر، چاتلیر، یانقی دوداغی
هؤروک _ هؤروک، خیال هؤرور یوخودا

بولود _ بولود، هاوا، دومان آغلاییر
دومان _ دومان، گؤیلر، کدر چیله‌ییر
سازاق _ سازاق، چیلله، مئیدان اوخویور
چیچک _ چیچک، وطن، باهار دیله‌ییر...

میرحسین_دلداربناب

🍂🍁@paeizanam🍂🍁
139
🍂🍁 پاییزان 🍁🍂

23 Oct, 15:18

گئدن ديلبر

بيلمم گئدن ديلبر نه واخت قاييدار؟!
جانيم او جانانين فیراقيندادير
شيدا بولبول بيزيم باغدان اوساندی
گؤرن هانسی باغين بوداغيندادير؟!

شمس، قمر اوزلو صنوبر خانیم
سن اولدون بیل منیم دینیم، ایمانیم
مجنون تک چؤللری دولانان جانیم
او گئدن لیلی‌نین سوراغیندادیر

چکر حسرتینی"میرزه خیاط"ی
سحر صوبح‌دن مؤولام وئرسين باراتی
اسکندر آختارسا آبِ حیاتی
من سئون ديلبرين دوداغيندادير

عاشيق خياط ميرزه

🍂🍁@paeizanam🍂🍁
134
🍂🍁 پاییزان 🍁🍂

20 Oct, 17:53

paeizanam

یاخینلارا داش‌دا چاتار؛
اوزون آغدیر؛ آی اوزاقلار!
بوردا زهر، اوردا با‌ل‌دیر-
اوردا یاغ‌دیر؛ آی اوزاقلار!

آی اوزاقدان اوزاق قونشو!
چکمه‌دین چکدییم قیشی
گؤیلرین ده داش یاغیشی-
بورا یاغدی؛ آی اوزاقلار!

گول دریریک دردیمیزدن
گؤز ده یوخدو دوشک گؤزدن
یاخینلار دا بوردا بیزدن-
چوخ اوزاقدیر آی اوزاقلار...!

#علی_جوادپور

🍂🍁 @paeizanam 🍁🍂
282
🍂🍁 پاییزان 🍁🍂

20 Oct, 17:53

paeizanam

کدرلی کونلومو آلانیم یوخدو
قولونو بوینوما سالانیم یوخدو
یالقیزام قایغیما قالانیم یوخدو
ایچیمده یوز دنیز دویغو بوغولور

کیمه دالدالانیم؟ کیمی سسله ییم؟
کیمیم واردی؟ کیمه اومود بسله ییم؟
اومودوم اوچمامیش تئز قفسله ییم!
ایچیمده یوز دنیز دویغو بوغولور

بیر اولکه وار هامی دیل سیز آغلاییر!
آیریلیق درد ایله کونول داغلاییر
گله جک یارینا اومود باغلاییر!
ایچیمده یوز دنیز دویغو بوغولور

قورویوب گوزومده گوزومون یاشی!
قالیبدیر چیگنینده کونلومون باشی
نه قونشو اولایدی نه قونشو آشی!
ایچیمده یوز دنیز دویغو بوغولور

بو گونلر دورنالار یولونو آزیر!
ایریلیک دوزلوگون گورونو قازیر!
قلم لر سوزلری ترسینه یازیر!
ایچیمده یوز دنیز دویغو بوغولور

بولبوللر هافیلدیر قوشلار اولاییر!
آداملار ایتلره قویروق بولاییر!
یالتاقلار یالاقدان یالان یالاییر
ایچیمده یوز دنیز دویغو بوغولور

دئییرلر بیر یول وار گئدنلر گلمز!
اوردا بیر بولاق وار ایچنلر اولمز!
بیلنلر بیلیرلر بیلمه ین بیلمز!
ایچیمده یوز دنیز دویغو بوغولور

#میرحسین_دلداربناب

🍂🍁 @paeizanam 🍁🍂
256
🍂🍁 پاییزان 🍁🍂

20 Oct, 17:49

paeizanam

بیر قادینین نه دِئدیگینه دِئییل . . .
نه دِئمک ایسته‌دیگینه قولاق آس!

چۆنکی اونلار کیمسه قیریلماسین دِئیه . . .
بَعضی شِئی‌لَری سؤیله‌مَزلَر!💔

🍂🍁 @paeizanam 🍁🍂
212
🍂🍁 پاییزان 🍁🍂

20 Oct, 17:49

paeizanam

+ نیه کیمسه کیمسه‌یه گۆوَنمیر؟

- چۆنکی هَر کَسین گِئچمیشینده اونو چوخ گۆوندیگینده پِئشمان ائدَن بیری اولوبدور!

🍂🍁 @paeizanam 🍁🍂
216
🍂🍁 پاییزان 🍁🍂

20 Oct, 17:47

paeizanam
جیلان🎤

آییردیلار سئونلری

🍂🍁 @paeizanam 🍁🍂
203
🍂🍁 پاییزان 🍁🍂

20 Oct, 17:44

paeizanam

یئنه باخچامیزی سوورور سازاق
یئنه بولودلانیب یاشا دولموشام
منی بیر سطیرلیک تزه‌دن یازاق
کؤهنه دبلر کیمین اونودولموشام.

ییغیبسان باشیوا آی اولدوزلاری
گئجه اؤز اورگین چئینه‌ییر تؤکور
قورخورام دوغمایا سحر قیزلاری
ظولماتین قوللاری دان یئرین سؤکور.

خفچیل بیر داریخما بورویور منی
قیز اولوب شعریمین ساچین هؤرورم
یالنیز سن گؤرورم گلیب گئدنی
بو سنسیزلیگیمی سنسیز اؤلورم.

منی دؤیمه یاغیش بئله‌سی یاغما
بو گون‌لر کوچه‌نین زیر دلیسییم
سینه‌مه تاخدیغیم چیچه‌گه باخما
من ائله پاییزین سئوگیلیسییم

#دومان_سفراوغلو

🍂🍁 @paeizanam 🍁🍂
235
🍂🍁 پاییزان 🍁🍂

20 Oct, 17:41

دِئمیرَم آغلایین مَنه . . .
هؤنکوره-هؤنکوره یا ایچین-ایچین!

بیر شِئعیر اوخویون قَبریمین اۆسته . . .
مَن آنا دیلیمی دینله‌مَک اۆچون!

🍂🍁 @paeizanam 🍁🍂
204
🍂🍁 پاییزان 🍁🍂

20 Oct, 17:39

"یارالاریندان دانیشما!" دِئدیلَر . . .

دانیشماماق اؤزو بؤیوک بیر یارا دِئییل‌می؟

🍂🍁 @paeizanam 🍁🍂
186
🍂🍁 پاییزان 🍁🍂

20 Oct, 17:38

paeizanam

باهار نه دیر آ گولوم؟! دؤرد فصیل قیشام اؤزومه
داریخما پنجره‌سیندن، داریخمیشام اؤزومه

باهار نه دیر؟ کی تؤکولدوم سن اؤپدویون غزلی
ائشیت خزان دی سسیم، سسله خیش-خیشام اؤزومه

باهار نه دیر؟ نه بیلیم، بلکه «من» دی سنده یاتیب
اویاتماسان دا، اویاق بیر قارانقوشام اؤزومه

باهار نه دیر؟ منه لعنت گئدن سنی اوشودوم
سویوق باخیشلا ایناندیردی قارقیشام اؤزومه

باهار نه دیر؟ اسیرم یئل کولک له سئوگیمیزی
باریش اوچون گرکیر سنله تارتیشام اؤزومه

«باهار نه دیر؟» دئییب آغلاتمیشام کاغاذ-قلمی
قاییت-قاییت گؤیه‌ریب نغمه‌لر، قوشام اؤزومه

باهار نه دیر؟ قفه‌ده ایچدیییم او گؤزلرینی،
گئییب اؤز اگنیمه، سنسیز داریخمیشام اؤزومه‌‌‌...

#علی_شاملی


🍂🍁 @paeizanam 🍁🍂
196
🍂🍁 پاییزان 🍁🍂

18 Oct, 20:40

من سنین اولدوم

دالغا دنیزین‌دی، چیچک چمنین
روح جانین پایی‌دی، نفس بدنین
میلّت شاعیرین‌دی، شاعیر وطنین
نه یاخشی، نه یاخشی من سنین اولدوم!

قانیم نسلیمین‌دی، جانیم تورپاغین
مؤحتاجی دئییلم بئش آرشین آغین
یاشیل آغاجیندا یاشیل یارپاغین
ساری سونبولونده بیر دنین اوللام

آرایا اوچوروم، دره سالمادی
خئیره یول گؤستردی، شره سالمادی
یارادان، سؤزومو یئره سالمادی
وطن دئیه-دئیه وطنین اولدوم

زلیم خان یعقوب

🍂🍁@paeizanam🍂🍁
282
🍂🍁 پاییزان 🍁🍂

18 Oct, 19:33

‌paeizanam

سؤدان کؤسن بالیق کیمین ..
کؤسۆم گئدیم؟ باشارمیرام..

آیازدا یئل اسن کیمین ؟
اسیم گئدیم ؟ باشارمیرام..

یانیم دئسم؛ کؤزۆم قالار..
گئدیم دئسم؛ ایزیم قالار..
بو دۆنیادا گؤزۆم قالار...
کسیم گئدیم ؟ باشارمیرام ..

داغ اؤسته گؤرجه‌یین چنی ..
پاییز یؤلۆر بنوشه‌نی ..
دۇرۇم ییغیشدریم “منی”
آسیم گئدیم ؟ باشارمیرام ..

وحید سولطان اوغلو

‌‌‎‌🍂🍁 @paeizanam 🍁🍂
196
🍂🍁 پاییزان 🍁🍂

18 Oct, 19:21

‌‌paeizanam

جانانا منیم سئودیییمی جان بیلیر آنجاق،
کؤنلوم دیله‌یین دۆنیادا جانان بیلیر آنجاق.

بیلدیم، تانیدیم علمده معبودو، یقین کی،
شؤیله بیلیرم کیم، آنی قۇرآن بیلیر آنجاق.

آبدال اوْلوبان ب‍َیلیک ائدن عاریفی گؤر کیم،
بو سلطنتین قدرینی سۇلطان بیلیر آنجاق.

صۇفیمیدیر اوْل جامی مۆصفّاسینا مشغول،
پۆنهانی ایچر ائیله کی، شئیطان بیلیر آنجاق.

ائی ساقی، گتیر دؤور ایاغینی دؤور, ائله‌سۆن کیم،
بو دؤور ایاغین دؤورۆنۆ دؤوران بیلیر آنجاق.

کؤنلوم گمیسین غرق ائده گؤر عشق دنیزینه
کیم، بو دنیزین بحرینی عمان بیلیر آنجاق.

هئچ کیمسه «نسیمی» سؤزونو کشف ائده بیلمز،
بو، قۇش دیلیدیر، بۇنو سلیمان بیلیر آنجاق.

✍عمادالدین نسیمی

‌‌‎‌🍂🍁 @paeizanam 🍁🍂
167
🍂🍁 پاییزان 🍁🍂

18 Oct, 19:05

‌‌paeizanam

يېخدې ساقی بير آياق ايله بنِ افگاری،
بير تپيك، ائيله دی ويران بو کهن ديواری!

گاه معمور قېلېر باده بنی، گاه خراب،
گؤرۆنۆز گاه ياپېب، گاه يېخان معماری!

گۆن چېخېنجا ساچارام گوهر اشك انجم تك،
گئجه لر يادېما گلديكجه مه رُخساری.

دل ياخار داغ گؤزۆن فكری ايله هجر گۆنۆ،
بو چيراق ايله می ساخلار گئجه اۏل بيماری؟

يۏخ اؤزۆندن خبری کيم کی گلير دنيايه،
بزمدن دېشرا قوماز پير مغان هُشياری.

بيزه چۏخ قدر بولونماز، چېخالېم دنيادان،
مشتری يۏخ، نئجه بير بكله يه ليم بازاری؟

قيد تقليد فضولي سنه بير آفتدير،
بير حصار ائده گؤر آندان اؤزۆنه زنّاری

#ملا_محمد_فضولی
‌‌‎‌🍂🍁 @paeizanam 🍁🍂
125
🍂🍁 پاییزان 🍁🍂

18 Oct, 19:04

‌‌paeizanam
#باغیشلا

بیر اؤتن سئوگینی اونودا بیلسم،
کؤنلومو سئوگینله اووودا بیلسم،
بیر آخشام یانینا قاییدا بیلسم،
باغیشلا، باغیشلا، منی باغیشلا...

باغیشلا قاپینی دؤیه بیلمیرم،
باغیشلا سئویرم، دئیه بیلمیرم.
اؤزومده بیلمیرم، آه نیه بیلمیرم
باغیشلا، باغیشلا، منی باغیشلا...

بیر سؤنن اوجاغین کولونه یانما،
عؤمرومون آیینا، ایلینه یانما..
دئسم‌کی سئویرم، منه اینانما
باغیشلا، باغیشلا، منی باغیشلا...

#رامیز_روشن

‌‌‎‌🍂🍁 @paeizanam 🍁🍂
121
🍂🍁 پاییزان 🍁🍂

18 Oct, 19:03

‌‌‎‌paeizanam

تنهالیقدان داریخیرسان، بیلیرم
بیزدن باشلا، سیزہ قدر ساے، گلیم
صبرین چاتمیر گؤزله‌مه‌یہ بلڪہ ده،
بیردن باشلا یوزہ قدر ساے، گلیم

بیرجہ دئمہ قوجالیبدیر، لنگ گلیر
سسیم گلیر، یاناغینا رنگ گلیر
بیر دہ گؤردون جفته‌نیزدن زنگ گلیر،
من وئردیگیم سؤزہ قدر ساے، گلیم

دئمہ دونیا سنہ، منہ قالان‌دیر
دونیا عشقسیز جهنّم‌دیر، تالان‌دیر
جنّت وار ها...باخیشیندا، یالاندیر
قاشدان باشلا گؤزہ قدر ساے، گلیم

یالانلاردان دوزو سئچیب گله‌جم،
بیزدن چیخیب، سیزہ ڪؤچوب گله‌جم،
چایدان ڪئچیب، سئلدن ڪئچیب گله‌جم،
داغدان باشلا دوزہ قدر ساے، گلیم ...

ووقار_بایراموو

‌‌‎‌🍂🍁 @paeizanam 🍁🍂
122
🍂🍁 پاییزان 🍁🍂

18 Oct, 19:03

لیک سندن آیریلان خلقین ایشی دشوار دیر،

بیر شبستانین چیراغین آلسالار، اولمازمی تار؟!

#حکیم_فضولی

‌‌‎‌🍂🍁 @paeizanam 🍁🍂
113
🍂🍁 پاییزان 🍁🍂

18 Oct, 19:02

‌‌paeizanam
آے گوزل یاریم

آیریلماق ایستہ میرگوزوم ،گوزوندن
بال سوزولور صحبتوندن سوزوندن
قسقانیر چخماغا  گونش  اوزوندن
بولوتدا گیزلہ نیر آے گوزل یاریم.

گزہ رہ م بیربہ بیر غزل لیڪ لری
نظاما دوزہ رہ م اؤزل لیڪ لری
حسنوندہ جمع اولان گوزل لیڪ لری
من دئییم بیربہ بیر ساے گوزل یاریم.

مهربان  جیرانیم  ایستڪ لی  قادین
بیرباخیشلا  سن ڪونلومو  اؤولادین
نیشانے سن دہ دیر او مین ببر آدین
اووئرمیش قدرت دن پاے گوزل یاریم.

هریانا سس صدا سالان عشقیمی
عالمہ گون ڪیمے چالان عشقیمی
یخا بیلمز  سنه  اولان  عشقیمی
داشقین دنیز طوفان ،چاے گوزل یاریم.

دولاندیر باشینا  سن( رمضانی)
نامردم قویماسام یولوندا جانی
آرایب آختارسام بوتون دونیانی
تاپابیلمہ م سنہ تاے گوزل یاریم.

رمضان توفارقانلی.


‌‌‎‌🍂🍁 @paeizanam 🍁🍂
118
🍂🍁 پاییزان 🍁🍂

18 Oct, 19:00

‌paeizanam
نه گؤزَل آدام‌لار وار ؛
سِئوَن . . .
داریخان . . .
گؤزله‌ین . . .
خَیانت نه‌دیر، بیلمه‌یَن . . .
عاشیق اولا بیلَن!

بیر ده قادین‌لار وار . . .
بِئله آدام‌لارا هِئچ راست گَلمه‌یَن!😔

‌‌‎‌🍂🍁 @paeizanam 🍁🍂
114
🍂🍁 پاییزان 🍁🍂

18 Oct, 18:58

بَعضاً . . .

اینسان‌لارین قاباغیندا گۆلمه‌ک . . .

خَلوَت‌ده آغلاماق‌دان داها چَئتین‌دیر!

‌‌‎‌🍂🍁 @paeizanam 🍁🍂
116
🍂🍁 پاییزان 🍁🍂

18 Oct, 18:50

‌‌‎paeizanam

مَنده گۆناه آختارما . . .
اؤزون کۆسدوردون مَنی!
اۆره‌ییمه توخونان . . .
سؤزون کۆسدوردو مَنی!

هردَن سۆزولوب آخان . . .
مَنی یالنیز بیراخان . . .
دؤنوب یادلارا باخان . . .
گؤزون کۆسدوردو مَنی!

‌‌‎‌🍂🍁 @paeizanam 🍁🍂
113

1,179

subscribers

14,754

photos

1,756

videos
Best Similar Channel
کانال شعرو دکلمه خسته از پرواز Telegram Channel
کانال شعرو دکلمه خسته از پرواز
26,866 subscribers
@aminf16m
شعر،دکلمه و موزیک بیکلام 🌱🌻SH Telegram Channel
شعر،دکلمه و موزیک بیکلام 🌱🌻SH
13,655 subscribers
@sheery_sh
توپراق Telegram Channel
توپراق
11,194 subscribers
@tatli33
✍ آنــــادیلــــے ❤️ Telegram Channel
✍ آنــــادیلــــے ❤️
9,728 subscribers
@turkanadili
حضرت شعر و موسیقی Telegram Channel
حضرت شعر و موسیقی
9,667 subscribers
@hazratesher1
🌱✾🦋 عشق سنگے من 🦋✾🌱 Telegram Channel
🌱✾🦋 عشق سنگے من 🦋✾🌱
8,902 subscribers
@parvaneh_z1
آهنگ و متن ترکی جدید Telegram Channel
آهنگ و متن ترکی جدید
8,859 subscribers
@tanhae_alamm
❤سئوگی دنیاسی❤ Telegram Channel
❤سئوگی دنیاسی❤
8,763 subscribers
@mansor6913
❤متن واهنگ های ترکی وفارسی ♥️ Telegram Channel
❤متن واهنگ های ترکی وفارسی ♥️
8,492 subscribers
@maharyu
🍂 بوی پاییز Telegram Channel
🍂 بوی پاییز
8,373 subscribers
@booyepaeez
Random Similar Channel
آجےاورڪ 𝒶𝒿𝒾𝓊𝓇𝒶𝓀𝓈ℴ𝓏ℓ𝒶𝓇𝒾سوزلری Telegram Channel
آجےاورڪ 𝒶𝒿𝒾𝓊𝓇𝒶𝓀𝓈ℴ𝓏ℓ𝒶𝓇𝒾سوزلری
2,240 subscribers
@ajiuraksozlari
کلیپ احساسی متن شعر عاشقانه 🌨🍂 Telegram Channel
کلیپ احساسی متن شعر عاشقانه 🌨🍂
2,344 subscribers
@kncglkc
مهــدی_محمـــودی ✍ 📖🎙 Telegram Channel
مهــدی_محمـــودی ✍ 📖🎙
2,206 subscribers
@mahdimahmodi60
کانال متن دیکلمه Telegram Channel
کانال متن دیکلمه
1,988 subscribers
@arash13743
ساز سوز دونیاسئ Telegram Channel
ساز سوز دونیاسئ
7,125 subscribers
@sazsozdonyasi
𝄞 بی کلام بوی پاییز 🍁 Telegram Channel
𝄞 بی کلام بوی پاییز 🍁
1,721 subscribers
@bikalambooyepaeez
 👑 𝒎𝒖𝒕𝒍𝒖 𝒐𝒍 𝒚𝒆𝒕𝒂r 👑 Telegram Channel
 👑 𝒎𝒖𝒕𝒍𝒖 𝒐𝒍 𝒚𝒆𝒕𝒂r 👑
2,458 subscribers
@mutlu_ol_yetar
🎶❤سکوت_عشق❤🎶 Telegram Channel
🎶❤سکوت_عشق❤🎶
2,526 subscribers
@sookote_eshgh
ᴀʀꜱᴀʟᴀɴ_ᴍᴜᴢɪᴋ🎻 Telegram Channel
ᴀʀꜱᴀʟᴀɴ_ᴍᴜᴢɪᴋ🎻
2,324 subscribers
@arsalan_muzik
خزان🍁 Telegram Channel
خزان🍁
5,986 subscribers
@khazan_rahem

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.