شكه دبوس

الكلام رايح للمتجوزين اه السناجل لاء😂 ما أمتعه
وخد مني التركايه العظيمة دي
حط ورك على ورك وادعيلي
عمك عزت هيبطخن بتاع ٢ سم كده
لإنك قفلت عليه الدم
وليه قلنا اننا محتاجين نضخمه في الوضع ده؟
علشان هي في وضع انفتاح مش اغلاق للمهبل
فالمهبل هيبقى واسع سيكا
طيب وإيه المشكلة .. يوسع على نفسه ولا يهمنا .. نضخمله العم عزت ونوريه الزمان

أنا عارف ان الوضع ده مش سهل .. بس عايزك تفهم شوية تفاصيل

أولا لو انت مفاصلك فلاكسبلتي بتاعها عالي وهتستحمل الوضع ده دوس

ثانيا عايزك تفهم ان الوضع ده مصنف من أوضاع المداعبة ... آه والله .. يعني ملوش علاقة بالجنس اصلا .. ده تحضير 😂

بتضمها ليك كده، وتشتغل قُبُلات بقى، بتاعك مش هينام، وهي هتتبسط، ورقبتها هتتبسط وظهرها يتقطع بهداوة.. يعني تمشي ضوافرك عا ظهرها عا الهدهد كده خربشه من غير تعاوير

الوضع ده كمان بيحب انك ترضع ذقنها
هو انا مقلتلكش.. ذقنهم بتترضع عادي

كمان بجملة قلة الادب تقدر تداعب اسفل الظهر قبل المفارق العظيمة بمقدار عقلتين

الحتة دي بنت ستين كلب والله وبتوديهم العالم الاخر في رحلة آمنة وسريعة بدون ربط أحزمة

فأرجوك ذاكر الكلام ده كويس واشتغل كويس واسعد اهلك كويس واتبسط بالحلال الطيب، واحمد ربنا على نعمة الجنس الحلال،

ده سهل وجميل واحساسه مفيش كلام ينفع يوصفه، وبيحب الصالة أوي، ياريت لو عندك عيال توديهم لامك أو لحماتك وقول لها رايحين مشوار مهم، ما هو ده مشوار مهم، وتعمل لك ليلة اسطورية كده تعدي فيها عا الحمام والمطبخ والصالة.. على قد ما تقدر.. بس الوضع ده هيبسطك، وهيبقى قدامك تانك اللبن .. ارضع

حتى لا تُصابَ بالعقم‼

▪متحطش اللاب توب على رجلك، حيواناتك المنوية بتتأثر وبتمـ.ـوت من الحرارة ومن الـتأثير الفيزيائي لموجات الـ WIFI الإلكترومغناطيسية، لما اتعمل دراسة بتعريض بعض النطاف على WIFI النطاف دي فقدت قدرتها على الحركة واللي نجى منها تعرض لتغيرات جينية مما أدى إلى تكسير الـ DNA وده بيعمل تشوهات للجنين، أو يخرج غير مكتمل، ده لو حصل أصلا تلقيح للبويضة وحمل.

▪متركبش درَّاجات بشكل مستمر، لإن ارتفاع درجة حرارة الخصية من الاحتكاك والضغط كفيل يمـ.ـوت حيواناتك المنوية، كمان الضغط الحاصل على الخصية قد يسبب متلازمة Névralgie pudendale وده هيعمل لك تنميل في العضو الذكري، ومع الوقت قد يسبب ضعف جنسي، لضعف الاستجابة.

▪معجون الأسنان😁 خوفت... طيب هو في بعض معاجين الأسنان الي فيها مضادات للبكتريا من العائلة الكريمة دي "تريكلوزان" زي مثلا معجون اسمه "كولجيت توتال Colgate Total" كانت الديلي ميل نشرت دراسة تُثبت إن تأثير التريكلوزان على الخصوبة سيء للغاية، فـ خُد بالك.

▪متشربش حشيش😞 والله بيكسر الـ DNA بيسبب عقم، ولو حصل حمل بيحصل إجهاض وقد يصاب الجنين بتشوهات وعيوب بسبب فساد الحمض النووي للحيوانات المنوية، كذلك الكوكايين، كذلك الكحوليات، الدراسات جميعها تؤكد التأثير السيء للغاية على الحيوانات المنوية بهذه المكيفات، ومتشتغلش نفسك إن حماصة بيضرب أي حاجة معديه وعنده خمس عيال وصحته بومب.. ده وهم حتى وإن كان خلف، فما من الله عليه قد لا يمُنُ به عليك، والغلط غلط حتى لو حد عمله ونفع معاه...

▪التدخين، أقسم بالله ولست حانثًا إن اللي بيدخن عدد حيواناته المنوية أقل من اللي مش بيدخن لو تساويا في القوة الجسدية ووفرة الصحة العامة.

▪السِمنة عندها مقدرة مذهلة الحقيقة في إنها تُضعف التستستيرون اللي هو من ضمن أهم شُغله الإنطاف، وده بيُعرِّض الشخص السميـ.ـن كما أثبتت الدراسات لقلة إنتاج في العدد. وقد يحول ذلك بينه وبين التخصيب.

▪بعض اخواننا من أهل الصنائع والحِرف اللي بيطول فيها التعامل أو التعرض لـ البنزين أو التولوين أو الزيلين أو المبيدات الحشرية أو مواد التبييض، والرصاص كل ده كثرة التعرُض ليه بيدمر الخصوبة.

▪اخواننا النجارين واللي شغالين في مصانع الخشب، وبيتعرضوا كتير للفورمالدهيد أو الفورمول، الاتنين بيضروا بالحيوانات المنوية ويؤثروا على الخصوبة، وفي المطلق لو بتتعرض لمواد كيميائية في شغلك، اعرف اسم المواد دي وخد بعضك وروح لطبيب الذكورة اطمن.

▪حبايبنا اللي بيحبوا الساونا، أو وهو بيستحمى يسخن الميه أوي ويحط الدش عا المسائل، حضرتك بتعرض الخصية لدرجة حرارة مش مناسبة للحيوانات المنوية اللي جواها، وده بيضرب خصوبة حضرتك بعد شوية وقت..

▪متلبسش هدوم داخلية ضيَّقة..
▪سيطر على نفسك وبلاش ضغط وتوتر واضطراب وخناقات ملهاش آخر علشان مجرد لخفنة هرمونات حضرتك بسبب الضغط العصبي كفيل يؤثر على إنتاج الحيوانات المنوية عندك، وده طبعا بيقلل الخصوبة.
▪أرجوك بلاش هرمونات بتاعت الجيم اللي بتصغر حجم الخصية وبتؤثر على ميكانيكية جسمك اللي ربنا جبله عليها، مما يؤثر بالسلب على هرموناتك وكذلك خصوبتك.

لو تعرف حد المعلومات دي هتفيده، دخله الجروب يستفاد💪

1. عض الشفتين: ده بقى خفيف خالص، إيذانا منك إن شفايفك هتشتغل دلوقتي مع شفايفها، شوفت لما سنانك بتخبط في بعضها في الشتا.. عايز شفايفك تخبط في شفايفها على نفس المنوال .. بالهدواة وسنانك ميجوش في الليلة دي.
1. شقلب: وانت عا الوضح ده، لو تقدر تتشقلب.. لا مش عايزك تبقى قرد.. اقصد تلف وضعك، بحيث تبقى شفايفك اللي فوق قدام شفايفها اللي تحت، وشفايفك اللي تحت قدام شفايفها اللي فوق، وهاتك يا دعك.
1. ارجع: تعال علشان في حوار تاني .. لف بقى وارجع زي ما كنت، وهات سنانك بهدوء خليهم يلمسوا سنانها، بهدوء من غير غشومية، وايدك تكون ماسكة رقبتها في الوقت ده، ثم عاود تلثيم أسنانها بلسانك.
1. مص: لسانها مص، ارضع لسانها رضاعة، شده بالراحة لجوه بؤك من غير ما تؤلمها.
1. شدهم: هنا بقى هترجع للشفايف تاني وتقفش عليهم بشفايفك، وتشدهم .. الشفايف اللي تحت يتشدوا لوحدهم لتحت .. والشفايف اللي فوق يتشدوا لوحدهم لفوق، ومتوجعهاش، بالحب والهداوة، وانخر وانت بتعمل الحركة دي، يعني طلع صوت، وجسمك يتحرك كده ومتبقاش بارد، حسسها بالطريقة دي قد إيه انت مستمتع، وانت فعلا هتبقى مستمتع، لإن الزبدة اللي بين ايدك بتسيح وانت شايفها بتسيح، ودي حاجة فعلا بتسيحك انت شخصيا.
1. مركز صانع الألعاب: لا فكك من قفشة واللي زيه، ده لسانك يا باشا، بعد ما الدنيا تروح خالص.. دي بتهدي بيها الجمر سيكا، بتمشي لسانك من الشفه اللي تحت للشفة اللي فوق، وهي بتلقائية شديدة هتفتح شفايفها علشان تاخد لسانك " اوعى يا معلم " مش وقته.
ابعد شوية وخليها هي تيجي عليه.
احساس ابن عفاريت والله انها تبقى هاجمه عليك وانت اللي بترجع براسك علشان تقود الدفة بمزاجك، القُبلة دي بتدخل فيها طرف اللسان بس جوا بؤها، متخليهاش تمص لسانك فيها. متستعجلش علشان تاخد حاجة نضيفة.
1. طرف الشفاة: ده شغل محترفين، لو مش قده متعملوش، هتسيب الشفايف كلها وهتمسك في الحتة اليمين بس، الجزء الذي تلتقي فيه الشفة العلوية مع أختها، الزاوية الحادة التي تقصم ظهر أرهز النـ.ـساء وأفتكهن، تقبيلا وتلثيما ومشاركة اللسان بينهما، وإدخال اللسان إلى ذلك الجحر العجيب.. اعمل كل حاجة في المكان ده، ولما تخلص روح عا الناحية التانية، هكذا تقول لها أنك ما تركت سبيلا إلي قلبها إلى ضاجعته.
1. الذقن: لا تترك الذقن هكذا قبل أن تمر عليه، مرور الكرام لأنه سيشعر بالغيرة من فعلك. مع الشفتين.
1. ثم أخيرا بين النهدين: يا لعظمة هذا المكان، يا لبهاء ما ترى في عيونها من فعلك، لما يهتز كل جسدها منك، تلك المنطقة التي يلتقي فيها الأخشبين الجبلين النهدين الثديين، ذلك الخط الذي ترسمه أنهار الحب ووديانه، ذلك الذي إذا جمعتهما حمالة الصدر بدا لك.. كالبدر في صفحة السماء .. هات هذا المكان تقبيلا خفيفا، تبعد رأسك ثم تنظر إلى عينيها، ثم تعيد الكرة ألف مرة، كل مرة تسقط من خلايا عقـ.ـلها خلية، هات هذا المكان تقبيلا وتلثيما ومصا وكل ما بدا لك، هذا المكان قاتل يا سيدي، يفتك بأصبرهن على الجماع.

لا تحسب أني انتهيت أبدا، فوالله إن في أجسادهن خبايا لا يلثمها رجل إلا فتك بهن، لكن يكفيك قولي، افعل ما اقوله لك، وانظر كيف أن سد أثيوبيا بجبروت قومه قد فُتك لك، وصار النيل يجري بين فخذيها يرطب لك كل مركب ستطأه.. الليلة ليلتك.. وكل شيء يركع لك.

كملوا معانا لسه المعلومات مخلصتش

# الجملي هو أملي 😁

تعال اكلمك عن التقبيل وسنينه.. غير كل مرة كلمتك قبل كده " مادة جديدة تماما، وبوست أول مره تشوفه "

النهارده اليوم العالمي للتقبيل، وأنا مش هفوت دي فرصة أبدا إني أسبر أغواره وأستخرج أسراراه وخباياه..

قبل ما نبدأ لازم أقول لك
* مفيش حاجة اسمها قُبلة وريحة فمك وحشة .. نهائي، اغسل كده سنانك ونظف الجير، واستخدم مظهر ومعطر للفم وخليك نظيف.
* قبلة الشفايف بتزيد من ضربات قلبك من 70 ضربة في الدقيقة لـ 100 أو 150 ضربة في الدقيقة.. فـ متيجي ننعش القلب الجميل ده كده يا غالي ونهشتكه.
* أثناء التقبيل إنت بتحرق 6 سعرات حرارية تقريبا في الدقيقة، فـ أنا باقي على تخسيسك والله، وخلينا نحرق الرمرمة اللي انت بتعملها في نفسك عند " الجملي هو أملي " .. وعايزك تطول وتاخد نفسك معايا كده.

احنا كتير قبل كده اتكلمنا عن أنواع القُبلات زي قبلة باطن كف اليد وقلتك لك دي بتسيب الفخـ.ـاد، وقبلة ما بين العينين، وقبلة شحمة الأذن والذقن ومؤخرة الظهر، والقبلة التي تُكهرب الطرف الآخر .. تيار كهربائي لطيف خفيف يورث الجـ.ـنون، وقبلة الرعش وقبلة العض وتلك القبلة التي تولج فيها إصبع السبابة بين شفتيكما فيؤنس روحيكما ويلفكما في رهز عجيب، لكني لم أحدثك عن أنواع قبلة الشفاة، فخلينا نتكلم النهارده ونلغوص الدنيا .. وهسيب لك البوست القديم في التعليقات تراجعه لو مش فاكر.

لا يستقيم لك الجنس دون أن تتفـ.ـحل في تقبيل الشفاة يا رجل

وما من رجل كان على الجادة في ذلك إلا أدمنته امرأته.

يقولون أقصر طريق إلى قلب الرجل " عم عزت " وأقصر طريق لقلب المرأة شفتيها.. اسمع مني يا شنب.
# الشفاة

كنز عظيم فهلم نفك شفرته..
1. لا تبدأ تقبيل الشفاة إلا أن تعبِّد الطريق إليهما، ذلك يكون ببعض ضم امرأتك والمسح على شعرها، والتربيت على رقبتها، وهدهدة أثدائها، ثم الأهم من ذلك، أن تذهب بها إلى الاسكيمو .. لا مش الاسكيمو اللي في دماغك، هي القُبلة دي اسمها قبلة الاسكيمو، وهي ألا تتلامس الشفتين، فقط تتلامس أرنبتي الأنف، وتداعبان بعضهما بعضا، وتهم هي إلى شفتيك، فتنزع أنت نفسك عنها، فتغتاظ منك، فتهم هي فتنزع أنت شفتيك عنها، هكذا حتى تجوع إلى شفتيك، فتطعمها أنت حيث أردت.. هذا المدخل.
1. التقبيل الخفيف: حيث** تتلامس الشفتين في قُبلة متقطعة، تُقبِّل الشفتين بالشفتين، ثم تبتعد قليلا، ثم تعاود، ثم تبتعد قليلا، ذلك يزيد من احتـ.ـراقهن، وانتظارهن صنيعك.
1. الإغراق** عندما يطول بها الجوع إليك، لا تطعمها فجأة فتتخم نفسها بك، واحدة واحدة يا غالي، الآن.. لتلتق الشفتين، العُليا تُقبل العليا، والسفلى تضم أختها.. والسـ.ـافل هو أنت .. من يعزف على شفتي زوجته بتؤدة وسكون، ولا يتعجل شيئا.
1. الآن وقد ارتوت كل شفة بأختها، فليذهب لسانك إلى فمها، لا يداعبه، بل يضاجعه، يلج ويخرج كما العم عزت، صح .. دخل لسانك وخرجه وانت مخليه مطيوَل كده شبه عمك عزت، وهي ستغلق شفتيها عليه وهو يدخل ويخرج.. هذا إيذان بالحرب. فليتسع ميدان المعركة لسيد المعارك. ولتتجمع تكتيكات الحروب كلها بين يديك.
1. مداعبة الألسن لا يفوت رجل على نفسه أن يداعب لسانه لسانها إلا فاته نصف الخير، إنما خلقا ليتداعبا، لف لسانك مع لسانها، احضن لسانها بلسانك، وصل لسانك لآخر لسانها جوه، لثِّم فمها من الداخل،، خلي لسانك يلف كده على جوانب بؤها من جوه، ويعدي على سنانها واحدة واحدة، اجعل فمها يمتلأ بك، وليكن لسانك انسيابيا خفيفا ممتعا عجيبا. ثم لا يفوتك أن تجعل طرف لسانك يتداعب مع طرف لسانها، ويلتقيان، كما يلتقي البحران، لكنهما جميعا عزب سائغ ريقه.
1. تلثيم: فلا يخرج لسانك من مكمنه إلا وقد أحاط بروحها ولفها بين شقائقه، ثم يفعل العجب الذي سأقوله لك الآن .. تعرف الأسنان، تحت هذه الأسنان لثة، ليلثم لسانك هذه اللثة، يعني خلي لسانك بين شفايفها من جوه، وسنانها، ورايح جاي بقى يا باشا.. متسيبش حتة إلا لما يعدي فيها اللسان وبالهداوة من غير اي استعجال، وفكك من عزت دلوقتي .. نام قام ميخصكش في حاجة .. النهارده ساعة بوس لحد ما تعرفها قد إيه انت مغرم بيها..
1. شفتين: أما وقد انتهى اللسان من البيان، ليكون دور الشفاة، ركز بقى معايا جدا .. امشي بشفايفك بهدوء على شفايفها رايح جاي، من اليمين للشمال ثم من الشمال لليمين، وخلي وشك كله يتحرك وانت بتعمل كده وعيونك مفتوحه وبتبص لعيونها.. لو لقيتها مغمضه ورايحه منك في حتة تاني.. شيل شفايفك من شفايفها.. بوسها بين عنيها.. أو بين ثدييها، هتفتح عنيها.. ارجع بقى تاني للي بحكيلك عنه.. شبع الشفايف من بعضهم، ده وش البِياض الأولاني قبل ما تدي الوش التاني.

أسطورة الغشاء
عزيزي القارئ عزيزتي القارئة .. هذا المنشور صادم جدا
ويهدم أسطورة ارتباط الغشاء بالعذرية فـ يمكنك عدم إتمامه من الآن.

مبدأيا كده العذرية اللي هي Virginity تعني عدم ممارسة الجنس مع طرف آخر بإرادتك من قبل ..

غشاء البكارة عبارة عن طبقة رقيقة من الجلد " غشاء نسيجي " موجودة بين الأعضاء التناسلية الداخلية "الفرج" والداخلية "المهبل".. على بُعد 2 سم ومتصلة بالجوانب، وفيها فتحة أو فتحات لتسهيل خروج دم الحيض.

أنواع الغشاء من حيث الثقب الموجود فيه
"مصمت، حلقي، هلالي، مشرشر، غربالي، ذو ثقبين، مطاطي، ومفتوح"

المصمت والمطاطي بيحتاجوا تدخل جراحي.

الرجل علميا لا يشعر بوجود غشاء البكارة من عدمه :) بل لا يشعر في العملية الجنسية كاملة إلا بتقلصات الجماع عند حالة الشبق.

كذلك علميا لا يشعر الرجل بتمزق أو تمدد الغشاء قولا واحدا.

إذا تم استثارة الزوجة أول مرة بنجاح، لن تشعر بألم من فض الغشاء، ومش هينزل دم أصلا.

نسيت إخبارك.. أغلب النساء مش بينزفوا مع افتضاض الغشاء 😲🤗🥵الدرسات الحديثة أثبتت ده بما لا يدع مجالا للشك.

عدد ليس بالقليل من النساء يولدن بدون غشاء أصلا.

الطبيب إذا كشف، في أغلب الأحيان ميقدرش يحدد إذا كان الغشاء موجود ولا لا، هو يقدر بس يحدد إذا كان الغشاء سميك ولا بيغطي كل فتحة المهبل.

أنا آسف على الصدمات :)

غشاء البكارة ممكن يتمزق بممارسة الرياضة أو الوقوع أو حادث، وده بيعتمد على حجم وشكل الغشاء، رقيق أو سميك.

وجود الغشاء لا يعني إن هذه المرأة لم تمارس الجنس من قبل، لإنه يمكن ترقيعه، وعدم وجوده لا يعني أنها مارست الجنس من قبل.

العادة السرية للنساء "بغض النظر عن الحكم الشرعي" لا تفض الغشاء، إلا لو استخدمت جسم صلب داخل الهبل.

نصائح للرجل ليلة الدخلة
- القسوة بالإيلاج أول مرة جماع بغرض فض الغشاء غير سليم علميا، والأمر أبسط من ذلك بكثير.

- لا تنتظر أي شيء من غشاء البكارة أصلا، ولا كإن في حاجة اسمها كده.
لو غشاء البكارة سميك، هينزل دم، ومش بس في المره الأولى، لا كمان هينزل في المره الثانية والثالثه.

في ليلة دخلتك لو حسيت ان الامور مسدوده ومش عارف تعمل إيلاج، وكانت كل الأمور سليمة وسهله لكن مفيش دخول، هتاخد بعضك انت ومراتك لوحدكم وياريت محدش يعرف لا من أهلك ولا أهلها وتزور الطبيب يا قلب اخوك، وهو هيتصرف وهيدلكم، وده مش عيب ولا يقلل من رجولتك.

الخُلاصة.

حبيبي الغالي إلهي يستر عرضك، متوهمش نفسك، الحَصان الرزان التي يمكن معرفتها من دينها، ومن دين أمها :) ودين أبيها، وبيكون واضح خجلها، وبيكون باين عليها إنها مكانتش في الموضع ده من قبل، فـ اوعاك بجهل يا حبيب قلب اخوك تنظر نظرة ناقصة لزوجتك، تجرح قلبها وتمزق فؤادها، وتفضل شايلالك ده طول عمرك، خليك راجل ابن راجل، وادع الله أن يرزقك التي ما مسها غيرك أحد قبلك قط.. زي ما قلت لك فوق "غشاء البكارة ده أسطورة"، فلو سمحت متركزش معاه ولا تشغل بالك بيه، نزل دم خير وساعد زوجتك تتطهر وخليها تاخد دش وتقعد شوية في نقطتين ديتول، منزلش دم ولا تشغل بالك، ولا تفكر اصلا، ربنا ينور بصيرتك يا حبيبي..
كونوا رجالا لزوجاتكم
كونوا رجالا لزوجاتكم
وكونوا رجالا لأنفسكم، واوعى يا غالي يا ابن الغالي تُقدم منديل عليه دم اوعى تسمح لأي ناقص يطلب منك الطلب ده، اقتلوا العادة القبيحة دي، واوعى تتكلم عن ليلة الدخلة مع اهلك، وربيها وعلمها ودربها وكشر وزمجر إنها متتكلمش مع حد، واللي يقولك سبع ولا ضبع .. قل له قد نهى النبي صلى الله عليه وسلم الرجل أن يفضي من شأن أهله شيئا :)
بس كده..

تعمل جنس ازاي لما يجيلها الـ period
طبعا السناجل هينتحروا دلوقتي ويقولك مش قادر تمسك نفسك يومين الدورة، وأنا بقالي مش عارف كم سنه ماسك نفسي 😭 قلبي معاك يا سنجل يا بائس .. بس انا شرير.
شمرلي بوكسرك بقى ونخش على طول في الموضوع
هو إيه اللي بيحصل لهم؟ إيه يا جدع ده، ده انا طول الشهر معايا فيفي، وأول ما تيجي البتاعة دي بيبقى عبده، لا وغشيم مش عبده حلو كده ودمه خفيف :D
بص يا سيدي الدبوس، هحكيلك الحدوته في كبسولة علمية سريعة، قبل الحيض بيوم أو يومين بتبدأ الأوجاع الناتجة عن حرب الهرمونات الداخليه والتي تستعد للمعركة الكبرى، وأوجاع وتقلبات فترة ما قبل الحيض دي بتختلف من واحدة للتانيه، دخلنا بقى في خضم المعركة، واشتدت رحى الحرب الداخلية، وازدادات الأوجاع... هرمونين بيحصل فيهم انخفاض شديد مباغت الإستروجين والبروجسترون " الهرمونات الأنثوية "
الهرمونين دول ليهم مستقبلات خاصة في الدماغ، وينتج عن ارتباط هذين الهرمونين بمستقبلاتهما تأثيرات وتغيرات على مزاج المرأة مش عايز احكيلك الكلام العلمي الطويل عن وفرة المستقبلات وليلة سعادتك، يكفي اني اقولك انك هيطلع عينك وخلاص، وانت طبعا مجرب وعارف :D ..

إذا خلاصة الليلة " الهرمونات " قاتلها الله -_-
أول يوم ده بقى بيبقى جحيم، بيجتمع لها الألم والإرهاق ووجع الظهر والغم المستمر الذي لا يفنى ولا يُستحدث من العدم.. هتشتغل على نفسيتها وبس، متقربش منها .. "صدري واسع يحتويك" يا دبوس مش أكثر من كده، ويجز ف نفسك ماشي؟
ثاني يوم بقى يا صاحبي، بيبدأ الهرمون العفريت يشتغل ويرتفع يقوم عم عزت يرتفع هو كمان، هرمون الاستروجين، وده بيخلي الحيوية والنشاط يرجعوا تاني " بس النكد مستمر " ده أساسي -_- :D
علماء النفس بيقروا إن الراجل مش صح يصرح لزوجته عن حاجته الجنسية ليها وقت الدورة، لإن ده بيخلي الست تشعر بإنها مجرد أداة، أو دمية، وإنك عديم الشعور يا قاسي يا وحش، يا برجوازي يا متعفن، وهتشتغل عليك حركة مناصرة النسوية، وحقوق المرأة وهتطالب بإعدامك رميا بالحيوانات المنويه في ميدان عام هي ورضوى الشربيني والعائلة الكريمه ... ف أنت علشان تعرف تطلب محتاج تبقى محنك :D
أول ما تلاقي النفسية بقت فريش كده، انت تبقى زانوسي، وتفضل تحوم حواليها، ولو تطلب الأمر ترقص لها رقصة الطاووس لنتايته مفيش مشكلة، من غير طلب صريح، إذا حصل لك أي استجابة .. فخذ عني هذه يا ولدي..
ابعد عن موطن الوطء، وخليك في النص الفوقاني، تقبيل تفعيص تحسيس ترييح تفريش تقفيش تلثيم تظبيط تربتت تيت.. خد راحتك مع النص الفوقاني وأنا سايب لك شوية اوضاع عنب

قبيل انتهاء الدورة بيكون الدم بدأ يقل جدا، وبدأت هي حاسه انها نظيفه، ونفسيتها إلى حد ما بتتعدل شويتين، ف انت هتشتغل في النص التحتاني من غير إيلاج طبعا لحُرمته في دين الإسلام، وأنا سايب لك أوضاع بردو ازاي تكون بين الفخذين من غير إيلاج.
انا حاولت اختصر بقدر ما استطيع في الموضوع ده، والاعتماد الاساسي على الصور.. ويارب أكون قدرت آخذ بإيدك إنك تتبسط وتبسط أهلك :)
أسيم

شكه دبوس pinned «دخلت القناه برجلك اليمين.. طيب شمر البوكسر بقى وركز معايا علشان تعرف احنا بنعمل ايه هنا، قرائتك للكلام ده مش هياخد منك ثواني، لكن هيريحك وهيريحنا قدام كتير.. " شكة دبوس " هو مجتمع ذكوري يهتم بعوالم الجنس الخفية، وكل ما له علاقة بجوانب العلاقة الزوجية، من الناحية…»

دخلت القناه برجلك اليمين..
طيب شمر البوكسر بقى وركز معايا علشان تعرف احنا بنعمل ايه هنا، قرائتك للكلام ده مش هياخد منك ثواني، لكن هيريحك وهيريحنا قدام كتير..
" شكة دبوس " هو مجتمع ذكوري يهتم بعوالم الجنس الخفية، وكل ما له علاقة بجوانب العلاقة الزوجية، من الناحية العلمية والطبية والدينية.
- طيب هو احنا ليه أصلا نكتب في علم الجنس، مفيش بني آدم طبيعي مبيعرفش :) ؟
الحقيقة إن آبائنا الكرام اتكسفوا يعلمونا الجنس زي ما علمونا الأكل والشرب وآدابهم، وسابونا نشق طريقنا مع نفسنا، كان قدامنا أصدقاء السوء اللي أخذوا علمهم من الأفلام الإباحية، أو الأفلام ذات نفسها، النتيجة واحدة، الأفلام لا تبث علما، هي فقط تنشر ما يمكن ترويجه، وعلى الحقيقة أفلام الإباحة لم تتحدث في مجملها غير على 5٪ على أقصى تقدير من علم الجنس.. احنا بقى هنقلب الكتب، وهنجيب قعرها، وهننشره هنا، علشان نتعلم كلنا.

- نرفع الثقافة الجنسية عند الرجال، تلك الثقافة التي طوتها دفات كُتب الأولين، ممن سطروا أمجادا جنسية حقيقية..
الثقافة التي تفتح آفاقا، توارب أبوابا خلفية، تَحَرَج المجتمع من فتحها يوما، فاقتبس الرجال علمهم فيها بطريقة خاطئة.

لو فاكر إن ده ماخور أو قناه مليطة ف أحب أقولك خد الباب في إيدك بهدوء وانت خارج يا معلم، شرفتنا الشوية الحلوين دول..
هنا مبنحبش نتفحش في الألفاظ إلا في موطن التفحش واجبا فيه ليوصل إليك المعنى الحقيقي.هنا رافضين تماما إننا نتكلم عن علاقتنا مع زوجاتنا أو نستعرض بطولات، أو نفرد عضلات، أو نقلع بوكسرات.. ماشي !
هنا بنكتب في علم الجنس بناءا على ما يرضاه ديننا الإسلام، فلو انت غير مسلم أهلا بيك ومرحبا، لو لقيت بوست غير متسق مع ديانتك رجاءا سيبه ملكش دعوه بيه.
هنا رافضين وبنحارب الإباحيه وممثلوها، ومنتجوها، وضد اللي بيستسيغها، وبنكرهها وهنكرهكم فيها، فأي ماده أو تشبيه أو اسم ممثل أو صورة إباحيه، بتعرضك للطرد، فلو سمحت احنا مش حابين نطردك :)
هنا ملناش دعوة بالسياسة، ومش بنحب نتكلم في قضايا دينية غير اللي ليها علاقة بفكرة القناه
احنا بنرفض كلمة طلقها قلبا وقالَبًا، فلو قلتها متزعلش لو لقيت نفسك على سطح المكتب.
هنا بنكتب في كل تكتيكات الجنس، وبنتعلم كل آلياته،
شكة دبوس مجتمع متكامل يقبل الجميع بأدب، سنك صغير أو كبير مش هيفرق معانا طالما إنك محترم وبتتعلم بدون تجاوز.
أي كلمة " شتيمة " من أي نوع، بييجي ريبورت اتوماتيك لأدمنز القناه الموجودين على مدار 24 ساعة، وبيتم حذف التعليق وصاحبه.. احنا منحبش إن عينك تشوف حد سفيه بيشتم .. علشان كده قررنا الطرد..
احنا بنتكلم في الجنس.. هاه في الجنس، مورناش غيره هنا، فلو حاسس إن ده مش مناسب بالنسبة لك ياريت متكملش معانا، وبعدين تزايد علينا قدام وتقول ايه ده انتو موركوش غير الجنس .. لا كلنا لينا حياتنا الشخصيه اللي فيها حاجات تانية غير الجنس، بس كل ما بندخل القناه بنتكلم في اللي القناه اصلا اتعمل علشانه.. ماشي يا معلم!

Channel created

Channel photo updated