مــســـلـم بوست

كلام طويل شوية ولكنه مُهِم يصححلك شيء من مفاهيمك لو كان فيهم مفهوم معين مغلوط

فمتكسلش واقرا

3⃣ من طُرُق هدم الأُمَم هو جعل الفسدة قُدُوات

مثلًا: تلاقي الإعلام بيستضيف مُمثلين ومُغنيين وبيتعامل معاهم على أساس إنهم ناس ناجحين وقدوات ورُؤس مجتمع


والحقيقة هم ناس فشلة.. اه والله فشلة
اللي يعمل فلوس من حرام ده أفشل الناس ولو حتى جمع مليار جنيه!
واحد بيشتري نار! يبقى ناجح ازاي؟


أصل لو شايفهم ناس ناجحة عشان الفلوس فكده تاجر المخدرات ناجح برضه .. لان معيارك الفلوس مش حاجة تاني

ولكن معيار النجاح الحقيقي:
هو النجاح اللي بالحلال
وتزيد قيمة النجاح كل ما كان أنفع للدين وللناس


أما لو شايف الممثلين والمغنيين دول قدوات فأنت حقيقي مُغيّب!.. دول دي سبب نشر الفساد وانحطاط القيم وانتشار العُري والبلطجة.. الناس دول سخّروا أعمالهم في تشويه صورة الإسلام!

لدرجة انك اول ما هتشوف واحد مُلتحي أول حاجة هتيجي في بالك هي الاره/اب والتشدد وأول ما هتشوف مُنتقبة هييجي في بالك الكآبة والجهل والنكد .. ليه ؟

عشان الشيء الملعون اللي اسمه الفن ده سُخِّر في ربط التشدد والإرهاب باللحية والنقاب وربط العُري بالثقافة والتفتّح

الوسط الفني ده انا مشوفتش أوسخ منه ومبكرهش قده .. الناس دي لا تصلح إلا انهم يكونوا أسافِل المجتمع

فخليك واعي

2⃣ فلسطين
أرض الجهاد والرباط والعزة والشرف والكرامة

لازم تفهم إنها قضية دينية من الطراز الأول
قضية ورد لها إشارات صريحة في القرآن الكريم

ليه بندافع عن فلسطين؟

1) لإن فلسطين مِلك للمسلمين
فتحها المسلمون فصارت ملك لهم
فلما اتاخدت منهم وجب على المسلمين استعادتها

2) لإن فلسطين لإن اللي بيموت هناك دول مسلمين ، هم مننا واحنا منهم ، الرابط بينا وبينهم هو أخوة الإسلام اللي هي أقوى من أخوة الدم!

دمهم دمنا ، عِرضهم عِرضنا

3) لإن فلسطين فيها المسجد الأقصى قبلتنا الأولى ومسرى نبينا ﷺ.. مسجد مِلك للمسلمين

احنا مش متعاطفين ولا متضامنين مع القضية
احنا أصحاب القضية!

القضية مش خاصة بأهل فلسطين
القضية خاصة بالمسلمين!

كلام مهم يا شباب
ركزوا وافهموا

تابِع لما سبق

هل كل حاجة حرام لازم يكون لها ضرر ملموس؟

ج: لا ، ربنا نهى آدم عن الأكل من الشجرة
تقدر تقولي ليه؟ ما عادي شجرة زي أي شجرة في الجنة اشمعنا دي مياكلش منها

و نهى بني إسرائيل عن الصيد يوم السبت رغم إن الأسماك مكانتش بتيجي غير السبت
ايه الحكمة إنك تمنعني من الصيد؟

ليه أصوم وأمتنع عن أكل وشرب .. عشان أحس بالفقير؟ طب ما الفقير نفسه بيصوم .. بيحس بمين؟

عارف إجابة كل الأسئلة دي ايه؟ إن الحكمة من الأوامر والنواهي هي الاختبااار

الله عز وجل أباح لآدم الأكل من كل شجر الجنة إلا شجرة .. عشان يختبره بيها

نهى بني إسرائيل عن الصيد في اليوم اللي بتيجي فيه السمك عشان يختبرهم

أمرنا بالتوقف عن الأكل والشرب عشان يختبرنا

أغلب المعاصي ليها لذة أصلًا ، لذلك انت لما تحرم نفسك فيها تاخد أجر .. وأغلب الطاعات فيها مشقة ولذلك تاخد أجر بفعلها

فاهم؟ هي دي فكرة الإختبار

فعادي تكون شايف الأغاني حلوة وجميلة ومع ذلك ربنا حرمها .. عادي بيختبرك إنك تبعد عن حاجة بتحبها فتاخد أجر

و عادي يكون التعدد تقيل على قلب الست وربنا يشرعه ، عشان يختبرها في إنك تقبليه وترضي بيه

الجهاد تقيل على نفوس الرجال وفرضه
عشان يختبرهم برضه

انت مسلم .. عارف يعني ايه؟
يعني مُستسلم خاضِع لله

يعني لما تسمع قول الله ورسوله
تقول سمعنا وأطعنا .. عارف ليه ؟

لإنك عبد لله مش هو اللي عبدك

*تابِع لما سَبَق*

مِثال: ليه الاغاني حرام رغم انها ممتعة؟
ليه التعدد مُباح رغم انه شاق على نفوس النساء؟

ببساطة: لأن الله ﷻ حرَّم الأغاني وأباح التعدد!

الدين أوامر ونواهي
، لا بالمزاج ولا بالأراء الشخصية

كونك شايف إن الأغاني حاجة حلوة ومش مقتنع إنها حرام فده ملوش لازمة في الدين

كونك شايفة التعدد قاسي على نفسك ومش فاهمه الحكمة منه ده ميخليهوش حرام

الأمر والنهي في الدين يكون لله
ده دين الله مش دينك انت
هو اللي يحدد ايه حرام و ايه حلال مش انت

1⃣

هل كل حُكم من أحكام الدين له حِكمة؟
ج: اه لإن ربك حكيم.. لا يفعل شيء إلا وله حكمة


طيب هل كل الناس هيفهموا الحكمة من كل حُكم؟
ج: لا ، ممكن الحكمة يفهمها كل الناس وممكن يفهمها ناس وناس لا وممكن ميفهمهاش حد

بس اللي احنا على يقين منه إن ربنا حكيم
فلذلك لما تشوف حُكم في الدين مش فاهمه

يبقى ده لسببين
إما السبب قُصُور قدراتك العقلية
أو لإن الله أراد إنه يختبر البشر
هل هتطيعوا رغم عدم فهم الحكمة ولا لا؟

هنبدأ إن شاء الله سلسلة جديدة بعنوان:

#تصحيح_مفاهيم


هنصحح فيها بإذن الله مفاهيم صارت أشبَه بمُسلَّمَات في العقول.. وهي من الصواب بِبَعيد

8⃣2⃣ الدعاء
بابُ الله الواسع العظيم
سلاح المؤمن في الشدة

قال ﷺ: [الدعاءُ هُوَ العبادة] ، من سُنَن الدعاء:

الوضوء ، استقبال القبلة ، رفع اليدين
افتتاح وختم الدعاء بحمد الله والثناء عليه
تقول مثلا: اللهم لك الحمد حمدًا كثيرًا طيبًا مباركًا فيه.

الصلاة على النبي ﷺ
تكرار الدعاء ثلاثًا ، يعني تقول:
رب اغفر لي ، رب اغفر لي ، رب اغفر لي

وأن تدعو بقلبٍ حاضر و بيقين
وليس على سبيل التجربة

ومن أرجى أوقات قبول الدعاء:

الدعاء عند الأذان ، وبين الأذان والإقامة ، وفي السجود ، و في الصيام ، وعند نزول المطر ، وفي الثلث الأخير من الليل ، وفي الأماكن الشريفة كالحرم المكي

7⃣2⃣ من السُّنَن:


كان النبي ﷺ إذا عطس غطى وجهَهُ بيده أو ثوبه وخفض بها صوته.. فافعل كفعله ﷺ

ثم قُل: [الحمد لله]

ولما حد يعطس قدامك ويحمد الله قوله:
[يرحمك الله]

فيرد عليك: [يَهْدِيكُمُ اللَّهُ، وَيُصْلِحُ بَالَكُمْ]


طيب لو عطس ومحمدش الله؟
يبقى متقولوش يرحمك الله
هكذا علَّمنا رسول الله ﷺ


وعند التَّثَاؤُب (لما تتاوب):
ضع يدك على فمك وحاول أن ترده ما استطعت

6⃣2⃣ أعظم الأعمال وأزكاها.. ذِكْرُ الله!

ذِكْر الله ده كنز والله!.. حركة لسان
ترفع درجاتك وتغفر ذنوبك و توصل بيك للجنة!

أعلى درجات الذِّكْر تكون مع حضور القلب ، طيب لو قلبي مش حاضر؟ اذكر الله برضه ولك أجر

كمية الآيات والأحاديث اللي وردت في فضل ذِكْر الله مَهولة! .. الذاكرون اللهَ هُمُ السابقون!

سَلِ اللهَ أن يرزقك لسانًا ذاكِرًا
واجتهد في ذِكْر الله في جميع أحوالك

عند نومك واستيقاظك ، عند أكلك ، أثناء عملك
، أثناء سيرك في الشوارع.. في كل وقت ومكان!


«یَـٰۤأَیُّهَا ٱلَّذِینَ ءَامَنُوا۟ ٱذۡكُرُوا۟ ٱللَّهَ ذِكۡرࣰا كَثِیرࣰا»

قال ﷺ :« سَبَقَ المُفَرِّدُون
، الذاكرون اللهَ كثيرًا والذاكِرات »

عارف كل فلوسك؟ في الآخرة هتتحاسب فيها
مش هينفعك منها غير اللي تصدقت بيه بس

يعني لو معاك ألف جنيه ضيعت منهم 900 وتصدقت ب100.. ال900 دول راحوا خلاص

وال100 هي اللي هتفضل في موازينك تنفعك

لا تستصغر صدقة.. لو معاك جنيه اتبرع بيه
قال ﷺ: «سبق درهمٌ مائةَ ألفٍ»
جنيه بإخلاص قد يسبق آلاف!

وخلي بالك الصدقة مش بس فلوس
قال ﷺ: «كُلُّ مَعْرُوفٍ صَدَقَةٌ»

كل ذِكْر صدقة، تبسمك في وجه أخيك صدقة
كلمة طيبة للناسصدقة ، كل عمل خير صدقة

فأنفق واستكثر من الصدقات خيرًا لنفسك

5⃣2⃣ الصدقة:
من أعظم العبادات وأحبها إلى الله -عَزَّ وجَلَّ-

بعض فضائل الصدقة:

تُطفِيءُ غضبَ الله عزَّ وجلَّ
الصدقة تَقِي من النار ويُدعَى صاحبها من باب خاصٍ يوم القيامة يُسمَّى: باب الصدقة

المُتصدق في ظل صدقته يوم القيامة
الصدقة تدفعُ البلاء وتمحو الخطايا
في الصدقة بركَةٌ في المال

القناة عندي بمثابة وَقْف لله -عزَّ وجَلّ- ؛ فمَن أراد أن ينقل منها شيئًا فلينقله دون استئذان

اجتهدوا في نقل الخير ونشره

فإنك إن علَّمتَ أحدًا سُنَّةً واحدةً عن رسول الله ﷺ = فلك مِثلُ أجره إلى قيام الساعة!

لو فاتك كل الدروس السابقة
تستطيع استدراك ما فاتك

ثبِّت القناة عندك في التيليجرام و ابدأ من أول القناة واقرأ رسالتين بس كل يوم

بعد شهر فقط هتلاقي نفسك أدركت كل اللي فاتك.. احرص على العمل بما تقرأ

4⃣2⃣ من السُّنَن:

1- كثرة الدعاء في السجود
ادعُ بما شِئت.. ادعُ بكلماتك البسيطة ، ربك عز وجل لا يحتاج منك ان تُدبِّجَ عباراتٍ بليغة

ومن الدعاء الذي وصى به النبي ﷺ أبا بكر:
اللَّهمَّ إنِّي ظلَمتُ نَفسي ظلمًا كثيرًا ولا يغفرُ الذُّنوبَ إلَّا أنتَ فاغفِر لي مغفرةً من عندِكَ وارحَمني إنَّكَ أنتَ الغفورُ الرَّحيمُ .


2- الدعاء لإخوانك بظهر الغيب
ادعُ لوالديك ، لإخوتك وأخواتك ، لذوي أرحامك ، لأصحابك ، للمسلمين جميعًا

قال ﷺ: مَا مِنْ عَبْدٍ مُسْلِمٍ يَدْعُو لأَخِيهِ بِظَهْرِ الْغَيْبِ، إِلاَّ قَالَ الْمَلَكُ: وَلَكَ بِمِثْلٍ .

3⃣2⃣ قال ﷺ لأبي أُمامة: « ألا أُخبرُكَ بأكثرَ وأفضلَ من ذِكرِك باللَّيلِ والنَّهارِ ؟ ، تقولُ :

سبحان اللهِ عدَدَ ما خلق
سبحان اللهِ مِلْءَ ما خلَق

سبحان اللهِ عدَدَ ما في الأرضِ والسماءِ
سبحان اللهِ مِلْءَ ما في الأرضِ والسماءِ

سبحان اللهِ عدَدَ ما أحصى كتابُه
سبحان اللهِ مِلْءَ ما أحصى كتابُه

سبحان اللهِ عددَ كلِّ شيءٍ
سبحانَ اللهِ مِلْءَ كلِّ شيءٍ

الحمدُ للهِ عددَ ما خلق
والحمدُ لله مِلْءَ ما خلَق

والحمدُ لله عدَدَ ما في الأرضِ والسماءِ
والحمدُ لله مِلْءَ ما في الأرضِ والسماءِ

والحمدُ للهِ عدَدَ ما أحصى كتابُه
والحمدُ لله مِلْءَ ما أحصى كتابُه

والحمدُ للهِ عدَدَ كلِّ شيءٍ
والحمدُ للهِ مِلْءَ كلِّ شيءٍ » .

واعلم أنَّ إلقاء السلام سُنَّةٌ لها أجر ، ورد السلام فرضُ عَينٍ على الفرد وفرض كفاية على الجماعة

يعني لو حد رمى عليك السلام وانت لوحدك ففرض عليك رد السلام.. ولو كان معاك ناس:

لو واحد رد ياخد الأجر ويسقط الإثم عن الباقي
لو محدش رد كلكم تأثموا (يعني تاخدوا ذنب)
لو كلكم رديتوا كلكم تاخدوا أجر

2⃣2⃣من السُّنَن: إلقاءُ السلام على المسلمين

1- ألقِ السلام على مَن عرفت ومَن لم تعرف
(مش على اللي تعرفهم بس ده خطأ)

2- قُل: السلامُ عليكم ورحمة الله وبركاته
أو السلام عليكم فقط
(مش تقول ساموعليكو ❌)

3- رد السلام بقولك: وعليكم السلام ورحمة الله وبركاته = ثلاثون حسنة!
(مش تقول سحتربركاتو ❌)

من ثمرات إفشاء السلام:
1- تحصيل الأجر
2- سببٌ لدخول الجنة
3- سببُ للمودة بين الناس
4- سبب لعُلو ورِفعة الدرجات

1⃣2⃣ بعض السُّنَن:

عند الخروج من البيت فقُل: بسم الله توكلتُ على الله ولا حول ولا قوة إلا بالله .

إذا سمعت نهيق الحمار فقُل:
أعوذ بالله من الشيطان الرجيم .

إذا سمعت صياح الدِّيك فسئَلِ اللهَ مِن فضله
; أي ادعُ بما تشاء من خير الدنيا والآخرة .


كفَّارةُ المجلس: سبحانك اللهم وبحمدك ، أشهد أن لا إله إلا أنت ، أستغفرك وأتوب إليك .
(يُقالُ عند القيام من أي مجلس .. مجلس يعني تجمع مع صحابك او أي عيلة أو أي حاجة )