في أداة بحبها من أدوات التربية الإيجابية اسمها " فك الشفرة "
هي بتستخدم بشكل ما مع الأطفال دا مش وقت شرحها
ولكن أنا اتعلمت منها معنى تاني خالص بقى
مرة كنت راكبة مواصلة ولابسة شنطة باج وأنا بدخل خبط بها ست من الي قاعدين ، المهم رد فعلها معايا كان عنيف جدا جدا واتعصبت وزعقتلي جامد حتى مسمعتش كل اعتذراتي لها ، كنت ممكن ارد ، بس ساعتها قلت لنفسي ، أني " قادرة " على الرد ولكن هسكت حفظا لمقامها سنًا ، بعد شوية سمعتها بتتكلم مع واحدة جمبها وبتقول لها عادي كدا وسط الكلام إنها لسة راجعة من جلسة كيماوي ومعرفتش ولادها وبتروح لوحدها ، الموقف دا عدا عليه سنين ولكن أنا في اللحظة دا كل كل مشاعر الغضب الي جوايا راحت وفي ثواني انقلبت رحمة وعطف وكان عندي استعداد ابوس راسه والله واستحمل منها أضعاف الي عملته
لما كنت بدرس الأداة دي ، افتكرت الموقف وقد إيه الأداة بتعلمك معنى إنساني جميل وهو :
إن السلوك النهائي هو عبارة عن مجموع كبير جدا جدا من تفاعلات الإنسان وقدر كبير من حياته وتعبه وضعفه وبلاءه ونقص احتياجاته وفقده و و ، وإن دايما في كواليس ، دايما في شيء مستخبي ، شيء محتاج تذكر نفسك به ، إن العالم واسع وإن الإنسان أعقد وأكبر من حصره في جزء معين أو صورة معين أو موقف معين ، وأكبر من حكمك عليه من موقف معين برضو وأكبر من محاولتك لتحليلك من مجرد موقف
كتير أشوف حد أعرفه منزل صور شكلها سعيد جدا وظاهر فيها الفرح والسرور ، أعرف بالصدفة إن اليوم دا كان من أصعب الأيام عليه وإن الصور دي كانت ساعة في ٢٤ ساعة فيها كدر وبلاء وفقد وألم وحزن
الإنسان معقد
العالم واسع
وعينك صغيرة وضيقة على وسع العالم دا :))
كل إنسان له شفرة ، ممكن أحيانا يكون من مسئوليتك زي أطفالك مثلا إنك تفك الشفرة وتفهم ما وراء السلوك
وأحيانا تاني كل مسئوليتك لو حد برا دائرة تأثيرك
إنك تسكت
تسكت
تسكت فعلا
وتوقف محاولاتك المستميتة من الحكم والتحليل والقولبة والنظر للناس بنظرة ضيقة :))
ـفاطمه محمود
هي بتستخدم بشكل ما مع الأطفال دا مش وقت شرحها
ولكن أنا اتعلمت منها معنى تاني خالص بقى
مرة كنت راكبة مواصلة ولابسة شنطة باج وأنا بدخل خبط بها ست من الي قاعدين ، المهم رد فعلها معايا كان عنيف جدا جدا واتعصبت وزعقتلي جامد حتى مسمعتش كل اعتذراتي لها ، كنت ممكن ارد ، بس ساعتها قلت لنفسي ، أني " قادرة " على الرد ولكن هسكت حفظا لمقامها سنًا ، بعد شوية سمعتها بتتكلم مع واحدة جمبها وبتقول لها عادي كدا وسط الكلام إنها لسة راجعة من جلسة كيماوي ومعرفتش ولادها وبتروح لوحدها ، الموقف دا عدا عليه سنين ولكن أنا في اللحظة دا كل كل مشاعر الغضب الي جوايا راحت وفي ثواني انقلبت رحمة وعطف وكان عندي استعداد ابوس راسه والله واستحمل منها أضعاف الي عملته
لما كنت بدرس الأداة دي ، افتكرت الموقف وقد إيه الأداة بتعلمك معنى إنساني جميل وهو :
إن السلوك النهائي هو عبارة عن مجموع كبير جدا جدا من تفاعلات الإنسان وقدر كبير من حياته وتعبه وضعفه وبلاءه ونقص احتياجاته وفقده و و ، وإن دايما في كواليس ، دايما في شيء مستخبي ، شيء محتاج تذكر نفسك به ، إن العالم واسع وإن الإنسان أعقد وأكبر من حصره في جزء معين أو صورة معين أو موقف معين ، وأكبر من حكمك عليه من موقف معين برضو وأكبر من محاولتك لتحليلك من مجرد موقف
كتير أشوف حد أعرفه منزل صور شكلها سعيد جدا وظاهر فيها الفرح والسرور ، أعرف بالصدفة إن اليوم دا كان من أصعب الأيام عليه وإن الصور دي كانت ساعة في ٢٤ ساعة فيها كدر وبلاء وفقد وألم وحزن
الإنسان معقد
العالم واسع
وعينك صغيرة وضيقة على وسع العالم دا :))
كل إنسان له شفرة ، ممكن أحيانا يكون من مسئوليتك زي أطفالك مثلا إنك تفك الشفرة وتفهم ما وراء السلوك
وأحيانا تاني كل مسئوليتك لو حد برا دائرة تأثيرك
إنك تسكت
تسكت
تسكت فعلا
وتوقف محاولاتك المستميتة من الحكم والتحليل والقولبة والنظر للناس بنظرة ضيقة :))
ـفاطمه محمود
